"Спортын цонх" онлайн сэтгүүл - Спортод хайртай хүн бүрт зориулав! » Сумо

Хакухо түүхэн амжилтын төлөө

Баярсайхан Г — Fri, 23 Jul 2010 15:32:23 +0000

Мэргэжлийн сумо бөхийн 7 сарын башё өндөрлөхөд хоёр өдөр үлдээд байна. 13 өдрийн дараах байдлаар Ёкозуна Хакухо нэг ч унаагүй тэмцээнийг тэргүүлж байгаа бол 2 унаатай Хомашо 3 унаатай Какүрю нар түүний араас нэхэж байна. 13 дахь өдрийн барилдаанд Хакухо озэки Котоошюг уватэнагэ мэхээр давлаа. Энэ барилдааны дараа өгсөн ярилцлагадаа Хакухо ”Хомашогийн амжилт миний сонирхлыг татахгүй байна. Би урьд нь ийм нөхцөл байдалд олон удаа орж байсан болохоор тайван байж сурсан. Миний дараалсан ялалт сумогийн ертөнцийн хүнд үед тохиосон нь харамсалтай байна. Гэхдээ мэдээж би амжилтандаа баяртай байгаа. Цаашид хичээж барилдана” хэмээжээ.
14 дэх өдрийн барилдаанд Хакухо нутгийн бөх Харүмофүжиг давах юм бол 15 дахь удаагаа эзэн хааны цомыг хүртэх нь тодорхой болно. Манай 2 бөх өмнө нь 23 удаа барилдаж байснаас 16-д нь Хакухо ялалт байгуулж байсан. Энэ сарын тэмцээнд Хакухо Ёкозуна түүхэнд үлдэх дээд амжилтыг тогтоохоор тэмцэж байгаа. Одоогийн байдлаар манай бөх 45 дараалан давсан амжилт үзүүлж домогт Тайхо аваргын амжилттай эн зэрэгцээд байна. Үлдсэн хоёр өдрийн барилдаанд давах аваас Хакухо Чиёнофүжи аваргын 53 дараалан давсан амжилтанд нэг алхмаар ойртоно. Мэргэжлийн сумогийн түүхэнд Футабаяма Ёкозуна хамгийн олон буюу 69 дараалан давсан амжлтаар тэргүүн байранд бичигддэг.

Макүүчи зиндаанд зодоглож буй манай бусад бөхчүүдийн тухайд өнөөдөр озэки Харумафүжи Д.Бямбадорж озэки Барутог окуридаши мэхээр давж, башёгийн зургаа дахь даваагаа авсан бол Какурюү М.Ананд ёрикири мэхээр Кёкүтэнхо Н.Цэвэгнямыг давснаар 10 даваатай болж байна. Мөн өнөөдөр манай сумочдоос Асасэкирюү Б.Дашням котэнагэ мэхээр Какизоэг давсан бол Моконами Г.Базарсад, Токүсэгава Б.Ганболд, Шотэнро Д.Нямсүрэн, Тамаваши Б.Мөнх-Оргил нар өвдөг шорооджээ.

Хакухогийн түүхэн ялалт

13 дахь өдрийн дүн

Зүүн жигүүр	Даваа унаа	Баруун жигүүр	Даваа унаа
u Хакухо /Ё/	13-0	¨ Котоошю /О/	9-4
¨ Баруто /О/	8-5	u Харумафүжи /О/	9-4
¨ Кисэносато /С/	6-7	u Хомашо /М13/	11-2
¨ Хакуба /К/	3-10	u Котошогикү /С/	5-8
¨ Токитэнкү /М3/	7-6	u Точиношин /К/	4-9
¨ Точиозан /М1/	7-6	u Аран /М2/	9-4
¨ Какизоэ /М9/	2-11	u Асасэкирюү /М1/	3-10
u Китатайки /М4/	6-7	¨ Аминишики /М2/	6-7
¨ Кёкүтэнхо /М3/	6-7	u Какурюү /М6/	10-3
u Ваканосато /М7/	8-5	¨ Моконами /М10/	7-6
u Коккай /М12/	7-6	¨ Токүсэгава /М7/	7-6
¨ Гагамару /М12/	5-8	u Ёшиказэ /М8/	4-9
¨ Шимотори /М9/	4-9	u Хокуторики /М15/	7-6
¨ Шотэнро /М16/	4-9	u Тосаюүтака /М10/	7-6
u Такэказэ /М11/	6-7	¨ Тамаасүка /М16/	4-9
u Кимураяма /М13/	6-7	¨ Такамисакари /М11/	8-5
¨ Тамаваши /М14/	6-7	u Масацүкаса /Ж3/	12-1
u Бушуяма /М15/	6-7	¨ Котокасуга /Ж1/	7-6

Хуваалцах/Тэмдэглэх

Аса аварга Лондонд зочиллоо

Спортын цонх — Mon, 07 Jun 2010 08:57:16 +0000

“Аса аварга ирэх гэнэ” гэсэн яриа нилээд хоногийн өмнөөс дуулдаж эхлэв. Бүр өдөр андуурч Монголчууд “Монгол паб”-д цуглаж хүлээсэн ч тохиол бий. Британийн Монголчууд аваргынхаа дүрийг нь харж дууг нь сонсохоор тэсэн ядан хүлээцгээж байсан нь тэр.

Хүлээсэн аварга маань иржээ. Тэрээр Японы TBS (Tokyo Broadcasting System) телевизийн нэвтрүүлэгт оролцох, өөрийн найз, алдарт цэцэрлэгч Ishihara Kazuyuki-ийн урилгаар түүний оролцож буй Хатан хааны олон улсын цэцэрлэгийн үзэсгэлэн Chelsea Flower Show-г үзэж найзыгаа дэмжих, Шотланд дах “Yokozuna” вискиний үйлдвэрт айлчилах, өөрийн багш Б.Эрдэнтуяатайгаа уулзах гээд цөөн хоногт амжуулах олон ажилтай иржээ.

Менежэр, үсчин, Лондон дах асуудлыг хариуцагч, кино зураг авагч гээд цөөнгүй Япончууд дагалдах аж. Орчуулагчаар нь ажилласан Ж.Өнөрмаа андын тусаар аваргатайгаа тухлан танилцах ховорхон завшаан тохиов. Цөөхөн цаг хамт байсан ч аваргынхаа бодол сэтгэлийг нь толидож, үйл хөдлөлийг нь харж, яриа хөөрөөг нь сонсон суухуйд Монгол гэж ярьж омогшсон их омог, хүүхэд мэт цагаан юуг ч хэнтэй ч ярих зан, 15 жил амьдралаа холбосон сумогийн ёс жаягт, тэмцэл тулааны их орчиноос энгийн амьдралд хөл тавих үедээ мэдэрч буй эзгүйрэл, сурч боловсорч улам ихийг хийж бүтээхсэн гэсэн хүсэл тэмүүлэл энэ бүгд анзаарагдах шиг болсон.

Аваргын 30 хүрээгүй насандаа үзэж туулсан амьдрал, цогцлоож босгосон алдар цуу нь түүний хэн болохыг илтгэнэ. Тэр дэлхийн хэмжээнд яригдах алдартан, Монгол түмний омогшил хөөрлийн нэгэн бэлэгдэл болтлоо ихийг үзэж туулж амжилт ялалтын оргилд гарч чадсан. Иймээс ч их аваргын талаар ердийн нэгэн мань шиг нь бичихэд үзсэн туулсаны эн дутаж, үг бодол эвлэж өгөхгүй зовох аж. Гэхдээ аварга маань “Ярилцлага энэ тэр гээд яахав, та зүгээр миний юу яриж бусадтай яаж харьцаж буйг харж байгаад л өөрөө бичээд Цахим Өртөөн дээрээ тавиарай” гэж хүндлэм итгэл, хэцүүхэн үүрэг хоёрыг хамтатган үүрүүлсэний учир зориглов.

Хүнлэг сайхан их аварга
Аварга маань төлөвлөсөн ажил албатай дөрөвхөн хонохдоо Монголчуудтайгаа ойр байж, аль л тус дэм хэрэгтэй хүмүүстэй цаг гарган, бүр зорьж очин уулзаж сэтгэлийн их тэнхээ хайрлаж байлаа.

Аваргын хүүхэд ахуйн скаутийн багш, сурган хүмүүжүүлэгч Б.Эрдэнэтуяа хүнд өвчтэй эмнэлэгт буй. Аварга ирсэн даруйдаа л багшаа эргэж сэтгэлийн их дэм өгч хэдэн цагаар ярьж багын дурсамжаа сэдрээн хуучилсан аж. Өмнө хэлсэнчилэн ерөөс түүний Лондон ирэх зорилгуудын нэг нь багштайгаа уулзах явдал байв. 15 жилийн өмнө Эрдэнэтуяа багштайгаа авахуулсан зургаа заагаад энэ хугацаанд мөн олон юм болж өрнөждээ хэмээн өгүүлээд санаа алдсан. Тэр үед багш нь дэлхийн хүн болоорой гэж дэлхий бэлэглэж байсан гэдэг. Тэр өдгөө үнэхээр дэлхийн хүн болжээ. Аварга багшийнхаа санаачилж жил бүр уламжлал болгон хийдэг Лондон дах хүүхдийн баярыг нь ивээн тэтгэж багшийгаа, Лондон дах Монгол хүүхдүүдээ баярлууллаа.

Аварга аялалыг нь зохион байгуулагч Япончуудынхаа гаргасан хуваарийг үе үе зөрчиж Монголчууддаа цаг боломж гаргаж байсан.

Монголын Радио телевизийн нэвтрүүлэгч, жүжигчин, соёлын тэргүүний ажилтан, төр нийгмийн зүтгэлтэн Доржбат гуай бие нь чилээрхүү байгааг хэлэхэд тэрээр урьдчилан захиалсан оройн зоогноосоо татгалзаж өвгөнийх рүү зорисон. Их аваргын гэнэтийн зочилолтод урамшиж баярласан Доржбат ах дараа нь “Сайн хүн, сайхан хүү байна даа” хэмээн өгүүлж байна билээ.

Мэрэгжлийн боксийн дэлхийн аварга, гавъяат тамирчин Чой Цэвээнпүрэв 6 сарын 4-нд Лондон хотноо ээлжит тулаанаа хийхтэй холбогдуулан элэг нэгтнээ дэмжиж буйгаа илэрхийлэн уг тоглолтыг зохион байгуулагч нарт телевизийн ярилцлага өгөөдөхөв.

“Хүн хүнээрээ л байх хэрэгтэй. Зовж ядарсан, хэрэгцээ тус гарсан үед нь Монголчууд бие биедээ чадах чадахаараа тусалж байх хэрэгтэй шүү дээ” хэмээн аварга өгүүлсэн.

Тиймээ аварга маань алдрын өндөр оргилд хүрсэн ч хүнлэг сэтгэл нь байнга асаатай эгэл нэгэн болохыг харахуйд өөрийн эрхгүй бахдах, хайрлах сэтгэл төрж байлаа.

Монгол гэж омогших их аварга
“…Би Монгол хүн,… Тэнгэр тэтгэсэн Монгол түмэн..” гэх мэт үг хэлж байхыг нь бичлэг ярилцлагаас нь олонтоо харж уншиж байсан билээ. Аварга маань үнэхээр л Монгол гэж их ярьж омогших юм аа.

“Хаа явсан газраа Монголчуудтайгаа уулзаж ярьж хөөрч тэднээсээ эрч хүч авч байдаг юм” хэмээсэн. Тиймээс ч “Монгол паб”-аар нэг бус удаа зочилж түүнийг эрж хайж сураглаж хүлээсэн Монголчуудтайгаа уулзан ярилцаж хөөрч бужигнан зураг хөргөө татуулж байв. Дэлхийд танигдсан алдартан ингэж Лондончуудаа баярлуулав. Лондонгийн Монголчууд энэ хэд хоногт Аса аваргаар л амьсгалж , үлгэрийн баатар ирсэн мэт хөөрцгөөж, аваргаасаа эрч хүч авч байлаа.

“Та нар хүний газар Монгол гэдгээрээ бахархаж хүнээс илүүтэйг сурч, хийж бүтээгээрэй. Түүх соёлоо сайн мэдэж байх хэрэгтэй шүү. Хөгжсөн орны хөгжил дэвшлийн нарийн ухаан, санаа оноог нь сайн судлаад сураад нутагтаа очоорой. Хэдүүлээ Монголоо хөгжүүлнэ шүү. Аварга нь дэмжинэ шүү” хэмээн цугласан олныг уриалж урамшуулж, бодол саналаа бусадтай солилцож байсан.

Аварга маань өөрийн удам судраа бас Монголын түүх соёлоо сонирхон судалдагаа өгүүлж, үе үеийн түүхэн явдал, монголын түүхэн хүмүүсийн талаар яриа дэлгэх нь элбэг юм. Монголчууд бид чинь тэнгэр язгууртай хүмүүс байхгүй юу хэмээн бүр нэг сэтгэлээсээ хэлэх аж.

Түүний энэ өөрийн бодол сэтгэхүйд цогцлоосон Монгол хэмээх омогшил нь амжилт ялалтын гол хүч байсан бол бас энэ л омогшилыг нь ашиглан алдаа гаргуулж зодог тайлахад хүргэждээ хэмээн бодогдсон.

Лондонд дахин ирээрэй
Аварга маань Англид цөөхөн хонохдоо төлөвлөгдсөн их ажлынхаа хажуугаар Монголчууддаа ээрүүлж, өөрөө ч Монголчуудтайгаа уулзахыг эрхэмлэж байсан тул Лондон хотыг төдийлөн үзэж танилцаж амжилгүй буцах шиг болсон. Дараа зав зайтай өнөр олуулаа ирж хүн төрөлхтөний оюуны их өв хуримтлагдсан Лондон хоттой тухлан танилцана буй заа.

Аварга одоо юу хийх бол
Одоо чухам л хүн бүрийн сонирхож буй асуулт энэ байх. Их аваргын дотор мэдээж эмээл хазаартай морьд бий. Харь орны ёс заншил оюун сэтгэлгээний нягт холбоотой үндэсний спортын дээд цолыг хүртсэн түүнд өөрөөс нь хамаарахгүй шийдэгдэх зүйлс ч их гарах байх, бодож хичээж зорьж тэмүүлж буй өөрийн бодлууд ч бий байх. Үндэс язгуур нь уяатай өөрийн орон Монголдоо ч , өв соёл үндэсний спортоор нь нягт холбогдсон хоёр дах орон Япондоо ч аваргын хийж буй зүйлс, ирээдүйд хийх зүйлс тоймгүй. Магадгүй дэлхийн хэмжээнд ч бодож харж буй зүйлс аваргад байж таараа.

Аварга маань ямартай ч Англи хэлээ сайжруулж бас барууны ертөнцтэй танилцах нэн тэргүүний бодолтой байгаа санагдсан. Тэгэхээр Америк Английн хаа нэгтээ аварга маань багагүй хугацаагаар саатаж магад болтой.

Их аваргын ирээдүй хойчид хийж бүтээхээр бодож санасан бүхэн сэтгэгчилэн бүтэхийн ерөөл дэвшүүлэе

Аваргаа хайрлахын учир өргөх төгсгөл үг
Мэдээллийн хэрэгсэлээр л алдар цуу, амжилт ялалт, алдаа оноог нь сонсож сэтгэлдээ дүрийг нь босгосон байсан аваргатайгаа нүүр тулан уулзсаны дараа түүнийг хүндлэх хайрлах сэтгэл эрхгүй оргиллоо. Тэр бол үнэхээр цагаахан сэтгэлтэй цалгиж халгисан Монгол эр ажээ. Аварга маань алдар цуугийн тавцанд хүргэсэн сумогийн ертөнцөөсөө холдож эгэл амьдралын жаяг тойрогт орж ирж байна. Энэ нь зөвхөн жин хасах төдийхнөөр болоод өнгөрөх бус бусдад хандах хандлага, орчин ахуйгаа таних, үйл дадлаа өөрчилөх цаг хугацаа, бодол эргэцүүлэл, тэвчээр ухаан шаардсан завсар үетэй байдаг болов уу. Тэр үнэн хэрэгтээ “шинэ ертөнцөд” дахин төрж байна. Энэ л үед Монгол түмэн хүндлэл хайраа хөл алдсан дулдуй болголгүй их аваргаа Монгол түмний дэлхийд танигдсан бахархал, нэгэн сайхан нөмөр нөөлөг байх орон зайд нь төлөвшүүлэн аваасай хэмээн эрхгүй хүсмой.

Аваргын сэтгэлдээ босгосон Монгол омогшил Монгол байхын бахдалыг нь хадгалж явах үүрэг бидэнд бас бий.

Их Британи, Умард Ирландын нэгдсэн вант улс-Лондон хот – Олон улсын спортын сэтгүүлч Д.Цэрэнбат

Хуваалцах/Тэмдэглэх

Харү башё – 9 дэх өдөр

Халиун Чинзориг — Mon, 22 Mar 2010 12:42:36 +0000

Баруто энэ башёгийн томоохон, өөрийг нь сорьсон барилдааныг озэки Кайотой хийж ёрикири мэхээр түлхэж гаргаснаар унаагүй хэвээр үлдэв.

Их аварга Хакухо Тоёоношимаг давсан. Харин унаагүй байсан манай бөх Токитэнкү А.Хүчитбаатар өнөөдөр Миябиямад өвдөг шороодсоноор анхны унаагаа авлаа. Харүмафүжи Тосаютакад 8 дахь унааг нь өгснрөөр Хакухо, Барутогийн араас манай хоёр бөх нэг унаатай үргэлжлүүлж байгаа юм.

Зүүн		Мэх	Баруун
	W-M14 Таманошима 3-6	ёрикири	W-M13 Токүсэгава 5-4	○
	E-M12 Окиноуми 3-6	цүкиотоши	E-M16 Касугао 3-6	○
	W-M16 Бушуяма 3-6	хикиотоши	W-M11 Хокуторики 3-6	○
○	E-M14 Коккай 6-3	ёрикири	W-M10 Шимотори 2-7
○	E-M10 Китатайки 6-3	ёрикири	W-M15 Мооконами 5-4
	E-M15 Сагацүкаса 5-4	хикиотоши	W-M9 Ёшиказе 3-6	○
○	E-M9 Хакуба 4-5	козумотори	W-M12 Такамисакари 6-3
○	E-M7 Миябияма 7-2	хикиотоши	E-M13 Токитэнкү 8-1
○	E-M6 Точиозан 6-3	окуридаши	E-M11 Асасэкирюү 6-3
	W-M7 Какизоэ 5-4	ошидаши	W-M5 Хомашо 7-2	○

Зүүн		мэх	Баруун
	W-M6 Точиношин 6-3	ёрикири	W-M3 Котошогику 7-2	○
○	E-M8 Ивакияма 5-4	уватенагэ	W-M2 Аран 0-9
	W-M8 Такеказе 2-7	хатакикоми	W-M1 Ваканосато 2-7	○
	E-M2 Кёкүтэнхо 1-8	ёрикири	W-K Аминишики 5-4	○
○	E-K Кисеносато 4-5	ёритаоши	E-M1 Какүрюү 2-7
	E-M5 Тоёохибики 1-8	ёрикири	W-O Котомицүки 6-3	○
	E-O Кайо 5-4	ёрикири	E-S Баруто 9-0	○
	E-M4 Тамаваши 3-6	ёритаоши	W-O Котоошюү 7-2	○
○	E-O Харүмафүжи 8-1	ошидаши	W-M4 Тосаютака 1-8
○	E-Y Хакухо 9-0	ошидаши	W-S Тоёоношима 4-5

Хуваалцах/Тэмдэглэх

Харү башё – 3 дахь өдөр

Халиун Чинзориг — Tue, 16 Mar 2010 12:14:36 +0000

Хаврын башёгийн 3 дахь өдрийн барилдаан явагдлаа.

Ганц ёкозуна Хакухо М.Даваажаргал энэ өдөр ахмад Маэгашира Ваканосатотой учраа таарч төвөггүй ялснаар энэ башёгийн 3 дахь даваагаа авлаа. Озэки Харүмафүжи маэгаширагийн тэргүүнд эрэмбэлэгдсэн нутаг нэгт Какүрюүг буулган авч мөн 3 дахь даваагаа хүртлээ.

Нэг ч унаагүй 8 бөх тэмцээнийг үргэлжлүүлж байна.

Өнөөдрийн барилдааны бусад дүнг доороос харна уу.

Зүүн		мэх	Баруун
	E-J2 Масацүкаса 2-1	ёрикири	W-M15 Мооконами 1-2	○
○	E-M15 Сагацүкаса 2-1	ошидаши	E-M16 Касугао 1-2
	W-M16 Бушуяма 2-1	котэнагэ	W-M13 Токүсэгава 2-1	○
○	E-M14 Коккай 2-1	ошитаоши	W-M12 Такамисакари 2-1
○	E-M12 Окиноуми 1-2	ёрикири	W-M14 Таманошима 1-2
○	E-M13 Токитэнкү 3-0	ёрикири	W-M11 Хокуторики 0-3
○	E-M11 Асасэкирюү 3-0	котэнагэ	W-M9 Ёшиказе 0-3
○	E-M10 Китатайки 2-1	ёрикири	W-M8 Такеказе 1-2
○	E-M8 Ивакияма 3-0	ошидаши	W-M10 Шимотори 1-2
○	E-M9 Хакуба 1-2	ёрикири	W-M7 Какизоэ 1-2
	E-M7 Миябияма 1-2	хикиотоши	W-M5 Хомашо 2-1	○


○	E-M6 Точиозан 2-1	ошидаши	W-M4 Тосаютака 0-3
	E-M4 Тамаваши 1-2	ёритаоши	W-M6 Точиношин 2-1	○
	E-M5 Тоёохибики 1-2	ошитаоши	W-M3 Котошогику 3-0	○
○	E-M3 Гоэйдо 1-2	ошидаши	W-K Аминишики 1-2
○	E-S Баруто 3-0	ошитаоши	E-K Кисеносато 1-2
	E-M2 Кёкүтэнхо 0-3	ёрикири	W-O Котоошюү 2-1	○
○	E-O Харүмафүжи 3-0	ёрикири	E-M1 Какүрюү 0-3
	W-M2 Аран 0-3	ёрикири	W-O Котомицүки 2-1	○
	E-O Кайо 2-1	ёритаоши	W-S Тоёоношима 3-0	○
○	E-Y Хакухо 3-0	ёрикири	W-M1 Ваканосато 0-3

Хуваалцах/Тэмдэглэх

Харү башё эхэллээ

Халиун Чинзориг — Sun, 14 Mar 2010 14:17:42 +0000

Осака хотноо мэргэжлийн сумогийн Харү башё өнөөдөр эхэллээ. Асашёоргүй эхэлж буй энэ башёд Монголын хоёр лидер бөх ялалт аван гараагаа сайхан эхлүүлээ.

Монголын их аварга Хакухо М.Даваажаргал аваргуудын эрлэг Амишикиг ялсан бол озэки Харүмафүжи Д.Бямбадорж зүүний комүсүбид эрэмбэлдэгдсэн Кисеносатог ошитаоши мэхээр яллаа.

Түүнчлэн сэкивакэ Баруто маэгаширагийн 2-т бичигдсэн Оросын Араныг ялж гараагаа сайхан эхлүүлсэн. Барүтогийн хувьд энэ башёд түрүүлэх зорилготой зодоглож буй нь тодорхой.

Сумогийн холбоо болон сумотой холбоотой олон хүн Асашёорюү зодог тайлснаар үзэгчдийн тоо эрс багасна гэж үзэж байгаа. Гэхдээ эхний өдөр бүх тасалбар бүрэн зарагджээ.

Зүүн		мэх	Баруун
	W-J1 Вакакоюү 0-1	окуридаши	W-M16 Бушуяма 1-0	○
○	E-M16 Касугао 1-0	уватэнагэ	W-M15 Мооконами 0-1
○	E-M15 Сагацүкаса 1-0	хататикоми	W-M14 Таманошима 0-1
○	E-M14 Коккай 1-0	хататикоми	W-M13 Токүсэгава 0-1
	E-M12 Окиноуми 0-1	катасүкаши	E-M13 Токитэнкү 1-0	○
○	W-M12 Такамисакари 1-0	ёрикири	W-M11 Хокуторики 0-1
○	E-M11 Асасэкирюү 1-0	ёрикири	W-M10 Шимотори 0-1
○	E-M10 Китатайки 1-0	уватэнагэ	W-M9 Ёшиказе 0-1
	E-M9 Хакуба 0-1	хикиотоши	W-M8 Такеказе 1-0	○
○	E-M8 Ивакияма 1-0	хататикоми	W-M7 Какизоэ 0-1
	E-M7 Миябияма 0-1	ёрикири	W-M6 Точиношин 1-0	○

Зүүн		мэх	Баруун
○	E-M6 Точиозан 1-0	ёрикири	W-M5 Хомашо 0-1
○	E-M5 Тоёохибики 1-0	ошитаоши	W-M4 Тосаютака 0-1
	E-M4 Тамаваши 0-1	хататикоми	W-M3 Котошогику 1-0	○
	E-M3 Гоэйдо 0-1	сукуйнагэ	W-S Тоёоношима 1-0	○
○	E-S Баруто 1-0	ёрикири	W-M2 Аран 0-1
	E-M2 Кёкүтэнхо 0-1	ёрикири	W-O Котомицүки 1-0	○
○	E-O Кайо 1-0	цукиотоши	W-M1 Ваканосато 0-1
	E-M1 Какүрюү 0-1	ошидаши	W-O Котоошюү 1-0	○
○	E-O Харүмафүжи 1-0	ошитаоши	E-K Кисеносато 0-1
○	E-Y Хакухо 1-0	окуридаши	W-K Аминишики 0-1

Хуваалцах/Тэмдэглэх

Их аварга эх орондоо ирлээ

BTV — Thu, 11 Mar 2010 11:08:57 +0000

Японы мэргэжлийн сумогийн 68 дахь их аварга Ёкозүна Асашёорюү Долгорсүрэнгийн Дагвадорж өнөөдөр эх орондоо ирлээ. Тэрээр 11 цаг 30 минутад Бээжин УБ-ын чиглэлийн онгоцоор УБ-т газардсан. Асашёорюү их аварга нисэх онгоцны буудалд буусныхаа дараагаар VIP өрөөнд байрлаж байгаад тэндээсээ шууд Баянгол зочид буудлын оффисын танхимыг зорьж тэнд хэвлэлийн бага хурал зохион байгуулан сэтгүүлчдийн сонирхсон асуултад илэн далангүй хариулт өглөө.

Японы мэргэжлийн сумогийн дэвжээнд урьд өмнө нь байгаагүй амжилт үзүүлж Монгол түмнийхээ хайр хүндлэлийг хүлээсэн бахархалт хүү болсон 68 дахь их аварга Асашёорюү Дагвадорж арлын оронд нийт 12 жилийг өнгөрөөсөн билээ.

Тэрээр сумогийн ертөнцөд хөл тавьсан цагаасаа эхлэн энэ л их спортын төлөө бие сэтгэл, хөлс хүчээ зориулахын чацуу бэрхшээл бүхэнтэй тэмцэж зүтгэж явсаар амжилтын он цагуудыг ардаа үдэж энэ аугаа амжилт амар хялбараар олдоогүй гэдэг нь ойлгомжтой.

Алс орны дэвжээн дээр эх орныхоо нэрийг гарган эцэг эхээс заяасан алдар нэрээ дуурсгаж явсан тэр ялалтын агшнууд дурсамж дурдатгал болон түүхнээ үлдэнэ. Их аваргыг өнөөдөр эх орондоо хөл тавихад нь халуун дулаахан уур амьсгалаар угтан авч, салхи нь хүртэл зөөлнөөр үлээж байсан бизээ. Тэрээр сумогийн дэвжээнд эд хаваа гайхуулан барилдаж үзэгч олныг суудлаас нь өндийлгөхөд хүргэдэг байсан төдийгүй 25 дахь түрүүгээ авч чадсан бахдам амжилттай.

Тус хэвлэлийн бага хурлын үеэр жил бүрийн цагаан сарын баярын өмнө “Өнөөдөр сонин”-ы зүгээс 100 хүний санал асуулгаар оны шилдэг алдартнуудыг шалгаруулдаг уламжлалтай. Их аварга Дагвадорж 9 жил дараалан оны шилдэг алдартнаар шалгарсан тул тус сонины хамт олноос өргөмжлөл гардуулан өгсөн юм.

Түүнчлэн Их аваргын хамтаар хэвлэлийн бага хуралд 2008 оны Бээжингийн олимпийн аварга МУ-ын ХБ, гавьяат тамирчин Түвшинбаяр, мөн олимпийн аварга Бадар-Ууган, гавьяат тамирчин Сэрдамба зэрэг спортын алдартнууд оролцож аваргын тухай өөрсдийн санал бодлоо илэрхийлсэн юм.

Сэтгүүлчид асуулт тавихаас гадна их аваргын амжилт, ялалтын талаар талархлын үг хэлж байлаа. Асашёорюү их аварга Дагвадорж энэ сарын 18-нд Япон улс руу буцахаас гадна арлын оронд очсоныхоо дараа зодог тайлах ёслолын бэлтгэл ажилдаа орох юм байна. Тэрээр өөрийн хүсэлтээр зодог тайлсан болохоор сэтгэл хангалуун байгаагаа илэрхийлж байсан юм.

Мөн сумогийн ертөнцөд байх хугацаанд олон дурсамжтай сайхан үеүүд ардаа үлдсэнийг хэлэхийн зэрэгцээ өөрийнх нь тухай бүхнийг сайн сайхнаар харахыг хүсч байлаа. Өнгөрсөн 1-р сарын башё дундуур их аваргыг багагүй асуудалд ороогдсон тул башё өндөрлөж түүнийг ээлжит түрүүгээ авсаны дараа Японы сумо бөхийн Ёкозүнагийн зөвлөлөөс их аваргыг шийтгэх асуудал яригдаж байлаа.

Тухайлбал эрх хасах, башё өнжүүлэх, зодог тайлах гэсэн 3 янзын шийтгэл оногдуулахаар яригдаж байтал Асашёорюү их аварга Дагвадорж өөрийн хүсэлтээр зодог тайлж сумогийн ертөнцийг орхисон нь монгол түмэн болоод аваргын шүтэн бишрэгчдийн сэтгэлийг ихэд гонсойгож байсан билээ. Ийнхүү сумогийн домогт их аварга, МУ-ын хөдөлмөрийн баатар, гавьяат тамирчин Д.Дагвадорж талын монгол нутагтаа ирж их спортын ялалт, ялагдал, амжилтын амт, өөрийн замналынхаа тухай илэн далангүй өгүүлсэн нь монгол түмний сэтгэлийг бага ч болов онгойлгосон бизээ.

Хуваалцах/Тэмдэглэх

Түрүү бөхийн нэргүй банцүкэ

Таван Цагариг — Thu, 04 Mar 2010 04:38:23 +0000

Энэ оны эхний башёд түрүүлсэн аугаа ёкозүна Асашёорюүгийн нэргүй банцүкэг гуравдугаар сарын 1-нд зарлалаа. Нэгдүгээр сарын тэмцээний дундуур болсон хэргийн улмаас (энэ талаар манай сонин тухайн үед нь мэдээлж байсан) Японы сүмогийн холбоо түүнд шахалт үзүүлж, зодог тайлахад хүргэсэн билээ. Гуравдугаар сарын 14-28-нд Осака хотноо болох Харү башёд баруун жигүүрээс зодоглох ёстой байсан Хакүхо аварга дээрх шалтгааны улмаас зүүн талд эрэмбэлэгдсэн ба мэргэжлийн сүмогийн түүхэнд ёкозүнагийн байрт ганцаараа бичигдсэн ес дэх бөх болов. Үүний өмнө Асашёорюү гурван жил хагас буюу 21 башёгийн турш ёкозүна цолыг ганцаараа авч явсан билээ. Энэ нь мэргэжлийн сүмогийн түүхэнд хамгийн урт хугацаанд аварга цолыг ганцаараа эзэмшсэн рекорд болдог. Банцүкэ зарласан өдөр ёкозүна Хакүхо хэвлэлийн хурал дээр “Олон талаас нь харахад намайг хүнд үе хүлээж байна. “Асашёорюү аваргыг зодог тайлахад хамгийн их баярласан хүн нь Хакүхо” гэж хүмүүсийн ярихыг нь хүртэл сонссон. Үнэндээ тийм биш. Одоо надад өмнөө тавьсан зорилго гэж байхгүй болсон. Үүнийг надаас өөр хүн ойлгохгүй байх” хэмээн ярьжээ.

Өмнөх тэмцээнд макүүчид авсан ялалтын тоогоор шинэ рекорд тогтоосон (815) озэки Кайо дээд зиндаанд 100 дахь тэмцээндээ зодоглох гэж байна. Энэ өндөр зэрэглэлд 100 тэмцээнд барилдах нь байтугай мэргэжлийн сүмод ийм удаан хугацаанд өрсөлдөнө гэдэг хүнд билээ. Тэгвэл Котомицүки цолоо хадгалах эсэхээ шийдэх хүндхэн барилдаануудыг Осакад хийнэ. Тэрбээр хоёр дахьудаагаа кадобан болж буй нь энэ ажээ.

Харү башёгийн гол дүрүүдийн нэг нь сэкивакэ Барүто байх нь дамжиггүй. Өмнөх тэмцээнд 12 ялж, түрүү бөх ёкозүна Асашёорюүгийн дараа орох амжилтыг үзүүлсэн эстони сүмоч Осакагийн башёд энэ амжилтаа давтаж, ахиулж чадах аваас озэки цол авах боломжтой. “Нэгэнт л энэ хүртэл (сэкивакэ цолыг хэлсэн бололтой) яваад ирсэн болохоор озэки цол авахаас өөрийг бодохгүй байна даа. Ер нь цолоо ахиулна гэсэн итгэл дүүрэн байна” хэмээн тэр ярьсан байна.

Сүүлийн хэдэн башё дараалан шинэ маэгашира төрөөгүй (өмнө нь дээд зиндаанд барилдаж байсан бөхчүүд эргэж дэвшсэн учраас) бол энэ удаа гурван бөх анх удаа макүүчигийн босгыг алхлаа. Монголын Токүсэгава “Кирияма” дэвжээнээс дээд зиндаанд дэвшсэн анхны бөх нь болов. Тэрбээр өнгөрсөн тэмцээнд жюүрёогийн зүүний магнайд эрэмбэлэгдэн 9-6 амжилт үзүүлсэн билээ. Түүнтэй хамт “Хаккакү”-гийн Окиноүми, Сагацүкаса нар дээд зиндаанд дэвшив. Окиноүми Хоншюү арлын өмнөд хэсэгт орших Шиманэ мужаас 88 жилийн дараа төрсөн маэгашира болсон бол Сагацүкаса хоёр дахь шалгалтаар сүмод тэнцсэн бөхчүүдээс “элитийн батальон”-д багтсан хоёр дахь бөхөөр тодорчээ. Өмнө нь ояката нарт тоогдолгүй үлдэх дөхсөн Тоёоношима түүхийн анхдагч болж байлаа.

Хацү башёд Монголын хоёр бөх жюүрёо зиндаанд барилдсан. Тэдний нэг нь макүүчид дэвшсэн бол нөгөө нь макүшита руу буусан. Харин макүүчигээс хоёр бөх уруудаж, дэд зиндаан дахь монгол сүмочдын тооны “баланс барилаа”.

Зүүн		Баруун
Хакүхо	Ёкозүна
Харүмафүжи	Озэки	Котоошю
Кайо	Озэки	Котомицүки
Барүто	Сэкивакэ	Тоёоношима
Кисеносато	Комүсүби	Аминишики
Какүрюү	Маэгашира#1	Ваканосато
Кёкүтэнхо	#2	Аран
Гоэйдо	#3	Котошогику
Тамаваши	#4	Тосаютака
Тоёохибики	#5	Хомашо
Точиозан	#6	Точиношин
Мияабияма	#7	Какизоэ
Ивакияма	#8	Такэказэ
Хакүба	#9	Ёшиказэ
Китатайки	#10	Шимотори
Асасэкирюү	#11	Хокуторики
Окиноуми	#12	Такамисакари
Токитэнкү	#13	Токүсэгава
Коккай	#14	Таманошима
Сагацүкаса	#15	Мооконами
Касүгао	#16	Бушуяма

ЖЮҮРЁО

Зүүн Баруун

Шёотэнро (Мусашигава) Ж1 Вакакоюү (Ономацү)

Масацүкаса (Ирүмагава) Ж2 Точинонада (Касүгано)

Гагамарү (Кисэ) Ж3 Тосаноүми (Исэноүми)

Асофүжи (Исэгахама) Ж4 Кимүраяма (Касүгано)

Сакаизава (Оноэ) Ж5 Киёсэүми (Кисэ)

Котокасүга (Садогатакэ) Ж6 Коорюү (Ханакаго)

Кёкүнанкай (Ошима) Ж7 Соококүрай (Арашио)

Кайхо (Хаккакү) Ж8 Чиёхакүхо (Коконоэ)

Тоёозакүра (Мичинокү) Ж9 Фүтэно (Дэваноүми)

Вакатэнро (Магаки) Ж10 Ямамотояма (Оноэ)

Саданофүжи (Сакаигава) Ж11 Токүшинхо (Кисэ)

Кириновака (Мичинокү) Ж12 Ширононами (Оноэ)

Тамаасүка (Катаонами) Ж13 Касүганишики (Касүгано)

Масүраүми (Ономацү) Ж14 Дайдо (Ономацү)

МОНГОЛ СҮМОЧДЫН ЧАНСАА

МАКҮШИТА

з-2 Хошиказэ (Огүрүма) Б.Амармэнд

б-8 Хошихикари (Хаккакү) Д.Лхагва

з-17 Араваши (Ханакаго) Э.Дөлгөөн

з-18 Кёкүшюүхо (Ошима) Т.Эрдэнэбаатар

з-19 Таканоива (Таканохана) А.Баасандорж

б-19 Широнорюү (Сакаигава) Э.Одгэрэл

з-20 Ониараши (Асахияма) Ө.Өлзийжаргал

б-25 Дайтэншё (Такашима) Н.Аюурзана

з-31 Дайюүбү (Шибатаяма) Д.Ундрах

з-33 Азүмарюү (Таманои) С.Тодбилэг

б-34 Кагамио (Кагамияма) Б.Нанжид

б-38 Рюүо (Миягино) Э.Санчирболд

з-40 Сэйро (Шикорояма) А.Өнөболд

б-48 Тайка (Шикихидэ) С.Шаравнямбуу

САНДАНМЭ

з-1 Хошизакүра (Хаккакү) М.Алтангэрэл

б-7 Сакигакэ (Ханарэгома) Я.Баттүшиг

б-12 Дайонами (Тацүнами) Б.Ууганбаяр

з-32 Тоорүгава (Минэзаки) Д.Ууганбаатар

з-67 Сэншё (Шикихидэ) Э.Баярбат

ЖОНИДАН

з-42 Шёома (Коконоэ) Г.Мөнхсайхан

Ж.БАТМӨНХ

Хуваалцах/Тэмдэглэх

Иргэншлээ сольсон ч элэг нь өөрчлөгдөхгүй

Таван Цагариг — Fri, 26 Feb 2010 02:32:27 +0000

Хоёрдугаар сарын 23-нд Токиогийн “Рёогокү Кокүгикан” ордонд Японы сүмогийн холбооны удирдах зөвлөлийн хурал боллоо. Үүгээр хэлэлцсэн гол асуудал гадаадын бөхчүүдийн тооны хязгаарын тухай байв. 2002 оны хоёрдугаар сараас эхлэн мөрдөгдөж байгаа “нэг дэвжээ нэг л легионертой байх” заалтыг хэвээр үлдээх нь зүйтэй хэмээгээд гадаадын бөхчүүд Японы иргэн боллоо ч гадаадын гэсэн статусаа хадгална гэсэн шийдвэрийг гаргажээ. Урьд нь тухайн дэвжээний гадаад бөх Японы иргэн болбол өөр улсын бөх нэмж авах боломжтой байсан юм. Харин одоо харийн сүмоч зодог тайлсан цагт л орон тоо гарах болсон байна. Дашрамд дурдахад мэргэжлийн сүмогийн 52 дэвжээнээс өдгөө 45 нь нэг болон түүнээс дээш тооны япон биш бөхтэй байгаа. Мөн уг хурлаар Холбооны 2009 оны санхүүгийн тайланг танилцууллаа. Японы сүмогийн холбоо өнгөрсөн жил 13.9 тэрбум иений ашиг олж, 13.5 тэрбумыг зарлагаджээ. Ийнхүү хоёр жил дараалан “хасах”-тай (ёкозүна Асашёорюү зарим башёд барилдаагүй 2007, 2008 онд Сүмогийн холбооны данс улайжээ) байсан тэд орлого нь зарлагаа давсан дүнг харан баярлацгааж байна.

Хуваалцах/Тэмдэглэх

Ёкозүна Асашёорюү зодог тайлаад ч рекорд тогтоосоор

Таван Цагариг — Tue, 09 Feb 2010 16:40:52 +0000

Хацү башёд түрүүлж, эзэн хааны цомыг 25 дахиа хүртэн мэргэжлийн сүмогийн түүхэнд гуравдугаарт орох амжилтыг үзүүлсэн ёкозүна Асашёорюү зодог тайллаа. Болж өнгөрсөн үйл явдлын тухай сонссон хэн бүхэн түүнийг их сүмод үлдээсэй гэж хүсч байсан ч санаснаар болсонгүй. Хоёрдугаар сарын 4-нд Японы сүмогийн холбооны шинээр сонгогдсон Удирдах зөвлөлийн хурлаар түүнд ямар арга хэмжээ авах талаар хэлэлцэх байсан ч ингэх шаардлага гарсангүй.

Эл өдөр үдээс өмнө 11.00 цагийн үед Удирдах зөвлөлийн арван гишүүний уулзалт эхэлжээ. Төдөлгүй ёкозүна Асашёорюүг багшийнх нь хамт “Рёогокү Кокүгикан” ордонд дуудаж, 20 орчим минут уулзсан байна. 13.00 цаг өнгөрч байхад хурлын танхим руу ороод 13.30-

ийн үед гарч ирсэн их аварга төдий л удалгүй зодог тайлах болсноо мэдэгдсэн юм. Урьд нь Асашёорюү аварга зодог тайлж, эсвэл сүмогоос хөөгдөж магадгүй гэсэн мэдээллийг Японы хэвлэлүүд ихээр цацаж байсан ч сүмо сонирхогчид үүнийг цочирдон хүлээн авлаа. “Арай үгүй байлгүй дээ, дэндүү залуу хүн, дахиад олон жил барилдаж, Тайхо аваргыг гүйцэх боломжтой…” хэмээн урд нь хүлээж байсан их амжилтынх нь төлөө аваргын өмнөөс харамсах хүн олон байв.

Ёкозүна Хакүхо өөрийг нь энэ зэрэгт хүрэхэд их нөлөө үзүүлсэн ачийг нь хэнээс ч эмээлгүй нулимс унаган дурсаж, цаашид Асашёорюүгийн нэгэн хэсэг нь болж, урьдынхаас илүү хичээн барилдахаа амласан.Тэрбээр болж байгаа үйл явдалд итгэхийг хүсэхгүй буйгаа хэлж байлаа.

Нэгдүгээр сарын 16-ны үүрээр нэгэн рестораны ажилтанд гар хүрсэн гэх явдал ёкозүна Асашёорюүгийн зодог тайлах нөхцөлийг бүрдүүлсэн. Их аварга зодог тайлснаар түүнд хариуцлага тооцох боломжгүй болсон тул аваргын багш Такасаго оякатад зэрэг бууруулах шийтгэл оноожээ. Сүмогийн холбооны Удирдах зөвлөлд хүртэл багтаж явсан Такасаго оякатаг хоёр зэрэг бууруулж, 1.448.000 иений цалин авдаг байсныг нь 875 мянга болгосон байна.

Их аварга Асашёорюү ийнхүү зодог тайлах мэдэгдэл хийснийхээ маргааш Хавайг зорин нисчээ. Бүрх малгай, энгийн өмд, цамц өмссөн Д.Дагвадорж урьд өмнөх аяллууд шигээ цүкэбито дагуулсангүй, ганцаараа нисэх буудалд ирсэн байна. Хэвлэлийн бага хурал дээр “Сүмочийн замналаа өндөрлүүлж байгаа энэ үед хамгийн түрүүнд сайхан амрах тухай л бодогдож байна” хэмээн ярьсан тэрбээр ийнхүү нарлаг Хонолулуд хөл тавьжээ. Харин Хавайгаас хаашаа нисэхийг нь хэн ч мэдэхгүй байгаа аж. Нэгэн эх сурвалж “Ямар ч байсан Осакагийн тэмцээнийг үзнэ гэж ярьж байсан. Тэгэхээр гуравдугаар сард Японд ирэх байх” гэж өгүүлсэн мэдээлэл байна.

Ёкозүнаг зодог тайлсны дараа хамгийн их яригдаж буй зүйл бол Японы сүмогийн холбооноос түүнд хэр хэмжээний мөнгө өгөх тухай. Озэки, ёкозүна цолтой бөхчүүдийг зодог тайлахад гаргасан амжилтад нь дүйцүүлэн шагнал олгодог журамтай. 22 түрүүлж, ёкозүна цолтойгоор 38 башё барилдсан Таканохана 130 сая иений урамшуулал хүртэж байсан нь өмнөх рекорд бөгөөд Асашёорюү үүнээс илүүг авах нь тодорхой билээ. Ёкозүна цолтны хишиг 15 сая иений дээр аварга цолтой барилдсан башё бүрт хагас саяыг нэмж өгдөг ажээ. Асашёорюүгийн хувьд дөрвөн жилийн турш ганцаараа ёкозүна цолтойгоор барилдсан, уналтад ороод байсан сүмод сэргэлтийг авчирсан гавьяагаараа 150-200 сая иений шагнал авах магадлалтай байна. Мөнгөн дүнг эцэслэн тогтоох хурал хоёрдугаар сарын 10-нд болох гэнэ. Дашрамд сонирхуулахад Чиёнофүжи, Акэбоно нар 100 сая, Мусашимару 90 сая орчим иенийг зодог тайлсны дараах урамшуулалд авч байжээ.

Бөхчүүд зодог тайлсан ч самурайн засалттай үсээ авахуулах хүртлээ сүмотой холбоотой байдаг. Тиймээс данпацү-шики буюу үс авахуулах ёслолоор сүмочийн, бөхийн замналаа төгсгөдөг гэж хэлж болно. Их аварга Асашёорюү энэхүү ёслолыг энэ оны аравдугаар сарын 3-нд “Рёогокү Кокүгикан” ордонд хийхээр төлөвлөсөн байна. Тэрбээр эл өдөр ёкозүнагийн ёслолыг сүүлчийн удаа хийх билээ. Дэвжээний ёслолд аваргын хоёр дагуулаар ёкозүна Хакүхо, озэки Харүмафүжи нар явах магадлал өндөр байна. Ер нь 20-иос дээш түрүүлж, онцгой амжилт үзүүлсэн аваргууд сүүлчийн дохё-иригээ ийн өвөрмөц хийдэг уламжлалтай ажээ. Үүнийг жагсаалтаар сонирхуулъя.

Ёкозүна Асашёорюүгийн рекорд үзүүлэлтүүд

-25 түрүүлсэн нь түүхийн гуравдугаарт орно.

-Долоо дараалан түрүүлсэн нь бүх цаг үеийн шилдэг үзүүлэлт.

-Нэг жилийн бүх тэмцээнд түрүүлсэн бөх түүнээс өөр үгүй.

-22 нас 1 сартайдаа түрүүлсэн нь гуравдугаарт бичигдэж байв (одоо 4-рт).

-Мэргэжлийн сүмод хөл тавиад 23 дахь башёдоо анхны түрүүгээ авсан нь түүхийн манлай үзүүлэлт.

-Таван удаа өвдөг шороодолгүй түрүүлсэн нь дөрөвдүгээрт орно.

-Түрүү байрын төлөөх нэмэлт барилдаанд тав ялсан нь хоёрдугаарт орно.

-Сүүлийн 30 тэмцээний түрүү бөхийн хөргийг өлгөдөг “Кокүгикан” ордны адарт нэг дор хамгийн олон зургаа өлгүүлсэн амжилтын эзэн (21).

-Зодог тайлснаа зарласан энэ үед түүний 16 зураг “Кокүгикан” ордонд байгаа. Энэ нь 17 зурагтайгаар зодог тайлсан Чиёнофүжигийн дараа орох үзүүлэлт.

-Жюүрёод дэвшсэнээсээ хойш хийсэн барилдааныхаа 79.1 хувьд ялсан нь Тайхогийн (83.2) дараа орох амжилт.

-Харин макүүчигийн барилдааны 79.6 хувьд ялсан нь Тайхо (83.8), Фүтабаяма (80.2)-гийн дараа орно.

-2004 оны Хацү башёгийн эхний өдрөөс тэр оныхоо тавдугаар сарын тэмцээний тав дахь өдөр хүртэл 35 дараалж ялсан нь

түүхийн дөрөвдүгээрт орно.

-Озэки, ёкозүна цолтойгоор 501 ялсан нь бүх цаг үеийн наймдугаарт бичигддэг ба өмнөх хүн Чиётайкай 515, Важима 516 даваатай байжээ.

-Харин ёкозүна цолтойгоор 463 даваа авсан нь тавдугаарт ордог. Дөрөвхөн ялахад Важима аваргын өмнө гишгэх байв.

-Башёгийн эхний найман өдөр уналгүй тавиас дээш хувийн амжилт (23 удаа) үзүүлсэн тоогоор Чиёнофүжи (25)-гийн ард л орно.

-Нийт 43 башёд арваас дээш ялалт байгуулсан нь долдугаарт бичигдэх үзүүлэлт юм. Түүхийн манлай болохын тулд түүнд дахин 15 тэмцээнд арваас дээш даваа авах шаардлагатай байлаа.

-Харин түрүү байрын төлөөх өрсөлдөөнд идэвхтэй оролцдогийг илэрхийлдэг 12-оос дээш ялалт байгуулсан башёгийн (30) тоогоор тавдугаарт орсон байна.

-Нэг жилд 90 барилдааныхаа 84-т нь ялснаар рекорд тогтоож байсан бөгөөд үүнийг нь Хакүхо өнгөрсөн жил хоёроор ахиулсан.

-Жилийн хамгийн олон ялалттай бөхөөр таван удаа шалгарсан нь дөрөвдүгээрт орно. Ёкозүна Тайхо долоон удаа оны манлайгаар тодорч байв.

-Кёкүтэнхо, Котомицүкиг тус бүр 36 удаа ялсан нь нэг бөхийг хамгийн олон давсан үзүүлэлтийн зургадугаарт ордог.

-Мөн Котомицүкиг 28 дараалж ялсан нь нэг бөхдөө хамгийн удаан хугацаанд унаагүй рекордын аман хүзүү нь билээ. Кёкүтэнхог 22 дараалж ялсан нь зургадугаарт бичигддэг.

-Кёкүтэнхог нийт 36 ялж, хоёр унасан байдаг бөгөөд давааны зөрүү +34-өөр бүх цаг үеийн түүхийг манлайлдаг. Мөн Миябияматай хийсэн дуэльд +29 (34-5) үзүүлэлттэй.

-Мэргэжлийн сүмод хөл тавиад 16 дахь башёдоо кинбоши авсан нь хоёрдугаарт орно.

-Озэки цолтой бөхийг 107 удаа өвдөг шороодуулсан нь тавдугаарт орох ба Тайхо аварга 129 арслан “намнасан” үзүүлэлтээр тэргүүлдэг.

Хуваалцах/Тэмдэглэх

Их Аварга зодог тайллаа

Спортын цонх — Thu, 04 Feb 2010 06:37:42 +0000

Сүмогийн агуу аварга Асашёорюү Д.Дагвадорж зодог тайлах болсноо зарлалаа.

Өнөөдөр сүмогийн холбооны удирдах зөвлөлийн хурал болж түүний асуудлыг хэлэлцэх, түүнд оноох шийтгэлийг ярилцах байсан билээ. Харин тэр хурлаас өмнө зодог тайлах болсон тухайгаа мэдэгдсэн байна. Тэр “Та бүгдийн хийж байсан, намайг дэмжиж байсан бүгдэд баярлалаа. Би сүмогоо орхиж байна” хэмээн 25 дахиа түрүүлээд удаагүй агуу аварга мэдэгдлээ.

“Би энэ ертөнцөд болж бүтэхгүй олон юм хийж төвөг учруулж байсан. Одоо миний санаа амарлаа” гэж хэлээд уйллаа.

Хуваалцах/Тэмдэглэх