Бундеслигийн 20 –р тойргийн тоглолтонд Байерн Мюнхен Хамбургийн талбайд айлчлан тоглож 1:1 харьцаагаар тэнцлээ. Хэдийгээр  Ивица Олич  багаа ялагдлаас аварсан боловч  тэд  Баасан гарагын тоглолтонд Нюрнбергийг 0:2 –оор  хожсон Боруссиа Дортмундад хүснэгтийн тэргүүлэлээ алдаж байна. Аваргын өрсөлдөөнд оноо тэнцүү байсан гурван багаас Дортмунд ганцаараа ялалт авсан юм.

Хамбург Байерн Мюнхен багууд Бундеслигд 93 удаа таарч тоглосон бөгөөд үнэмлэхүй аварга 54 удаа  ялалт байгуулж,  19 удаад нь Хамбург хожил авсан ба 20 удаа тэнцжээ. Харин сүүлийн  дөрвөн тоглолтонд Байерн Хамбургын эсрэг 3 хожил, 1 тэнцээ авсан юм.  Үүнээс хамгийн сүүлийн тулаанд  “ Аллианс Арена” –д  Байерн Хамбургыг 5:0 –ээр буулган авсан билээ.   Хамбург  Байерны хаалганд 378 минут гоол оруулаагүй статистиктай тоглолтоо эхлүүлсэн.

Талбайн эзэд  тоглолтын эхнээс ширүүхэн довтолж  Хайко Вестерман, Младен Петрич нар   Байерны хаалганд  аюултай довтолгоог  хийсэн.  Харин 57 000 үзэгч цугласан “Имтех Арена”- д Жакопо Сала  эхний гоолыг оруулж тоглолтыг хошуучилж эхэлсэн.  Богиохон хугацаанд анхаарал алдсан Байерны  хамгаалалтын алдааг ашиглаж  Паоло Герерогийн оновчтой дамжуулалтыг Сала гоол болгосон. Нэгдүгээр үед  Байерны Роббен , Гомес нар олдсон боломжоо ашиглаж чадсангүй өндөрлөв. Завсарлагааны дараа Байерны тоглолт сайнгүй хэвээр үргэлжилсээр. Дасгалжуулагч Юп Хайнкес  Ивица Оличийг талбайд гаргасан нь оновчтой шийдвэр болов. Олич 71 дэх минутад хуучин багийнхаа хаалганд тэнцээний гоол оруулж, багаа  хожигдлоос аврав.

ХАМБУРГ – БАЙЕРН   1:1 (1:0)
Сала, 23 (1:0). Олич, 71 (1:1).
Хамбург	Байерн
Ярослав Дробны	Мануэль Нойер
Деннис Дикмайер	Анатолий Тимощук, 61
Хайко Вестерманн	Жером Боатенг
Слободан Райкович	Хольгер Бадштубер
Деннис Аого	Филипп Лам
Давид Яролим, 90+1	Бастиан Швайнштайгер
Томас Ринкон	Тони Кроос, 64
Марсель Янсен	Арьен Роббен
Жакопо Сала, 75	Томас Мюллер
Младен Петрич, 70	Франк Рибери
Хосе Паоло Герреро	Марио Гомес
Сэлгээ:
Сон Хюн Мин, 70	Давид Алаба, 61
Иво Иличевич, 75	Ивица Олич, 64
Роберт Теше, 90+1
Шар хуудас :
Хайко Вестерманн, 25	Жером Боатенг, 56
Томас Ринкон, 63	Тони Кроос, 61

Хуваалцах/Тэмдэглэх

-Оросын хөлбөмбөгчид энэ өвөл нэлээн хөдөлгөөнтэй байлаа. Д.Билялетдинов хэд хоногийн өмнө Москвагийн “Спартак”-д очсон талаар бид мэдээлсэн. Тэгвэл “Тоттенхэм”-д банз халаагаад удаж буй Р.Павлюченко мөн л эх орон руугаа буцжээ. “Локомотив” түүнийг найман сая фунтээр худалдаж авсан байна. Роман энэ улиралд Лондоны багийн төлөө 12 тоглолт хийж, дөрвөн гоол оруулсан юм. “Тоттенхэм”-ийн наймаа үүгээр дууссангүй, франц довтлогч Л.Сааг “Эвертон”-оос зээлээр авчээ. Харин зээллэгийн хугацаа дууссаны дараа бүрмөсөн худалдаж авах гэнэ. Бас улирлын эхэнд худалдаж авсан С.Пинарыг “Эвертон” руу, камерун хамгаалагч С.Бассонгийг “Вулверхэмптон” руу үджээ. Түүнчлэн Оросын шигшээгийн өөр нэг довтлогч П.Погребняк буурь сэлгэжээ. Тэр “Штутгарт”-ыг “Фулхэм”-ээр сольсон юм. Павел тэнд улирал дуустал зээллэгээр тоглох юм байна.

Сайн довтлогчтой болоод авсан Лондоны баг Б.Замораг “Куинз Парк Рейнжерс”-т зарав. Английн шигшээд тоглож байсан Бобби М.Хьюзийн багт 4 сая фунтээр очсон бөгөөд 2.5 жилийн гэрээ үзэглэсэн байна. -Одтой үеэ “Порту”-д өнгөрүүлсэн аргентин хагас хамгаалагч Лучо Гонзалес 2009 онд 18 сая еврогоор зарагдан “Марсель”-д очсон. Гэвч Францад идээшиж чадаагүй тул “Порту”-д эргэн иржээ. “Луунууд” өндөр үнээр зарсан довтлогчоо чөлөөт агентаас үнэгүй эргүүлэн авсан юм.

-Л.Саагаа зарсан “Эвертон” түүнийг орлох сайн довтлогчтой болоод авлаа. Тэд олон багийн хараанд өртөөд байсан хорват довтлогч Никици Елавичийг өөрийн болгосон байна. Елавич энэ улиралд “Рейнжерс”-ийн төлөө 14 гоол оруулж, Шотландын лигийн мэргэн буучдын жагсаалтыг тэргүүлж байв. Ливерпулийн баг түүнийг хэдээр авсан нь одоогоор тодорхойгүй байна. -“Сандерлэнд” энэ өвөл хоёр ч давгүй хамгаалагчийг урвуулж дөнгөжээ. Тэд “Сити”-гээс У.Брижийг, “Вольфсбург”-ээс С.Кирьякосыг зээлээр авсан юм.

-Өдгөө “Сери А”-г тэргүүлж буй “Ювентус” хоёр солилцоо хийлээ. Тэд эхлээд довтлогч В.Якинтаг “Чезена” руу зээлээр явуулсан бол дараа нь “Аякс”-аас 18 настай хагас хамгаалагч Оуасима Боуйг худалдан авчээ. -Премьер лигийг тэргүүлж байгаа “Манчестер Сити” “Вердер”-ээс довтлогч К.Писаррог зээлээр авсан байна.

-Германы аварга болохоор идэвхтэй тэмцэж байгаа “Байер Леверкузен” хорват хамгаалагч В.Чорлукаг “Тоттенхэм”-ээс зээлээр авчирлаа. “Тэр хамгаалалтын аль ч байрлалд тоглох чадвартай. Шигшээ багтаа 52 тоглолт хийсэн ийм туршлагатай хүнийг бид хайж байсан юм. Тэр баруун, зүүн жигүүр болон төвийн хамгаалалтын алинд ч тоглож магадгүй. Түүнийг манай багт ирсэнд маш их баяртай байна” хэмээн “Байер”-ын Спортын албаны дарга Р.Феллер өгүүлжээ.

-Хэдхэн жилийн өмнө “Сери А”- гийн мэргэн буучаар шалгарч байсан Л.Тони карьераа Арабад үргэлжлүүлэхээр боллоо. Тэр Дубайн “Аль-Наср” багтай гэрээ байгуулсан байна. Харин гэрээний үнэ болоод авах цалингийнх нь талаарх мэдээлэл алга.

-“Интер”-ийн хагас хамгаалагч Т.Мотта 10 сая еврогоор үнэлэгдэн “ПСЖ”-д очжээ. Францын баг мөн “Челси”-гийн төвийн хамгаалагч Алексийг элсүүлээд байгаа юм. -“Лацио”-гийн довтлогч Жибриль Сиссе Английн “КПР”-ийн саналыг хүлээн авчээ. Түүний үнэ 4.2 сая хүрсэн бөгөөд шинэ багтайгаа 2.5 жилийн гэрээ байгуулав.

-“Милан” баг “Интер”-ийн хагас хамгаалагч Салли Мунтаритай гэрээ байгууллаа. Гана хөлбөмбөгч хамгийн сүүлд “Сандерлэнд”-д зээлээр тоглосон юм.

ЭНЭ ӨВЛИЙН ХАМГИЙН ТОМ НАЙМААНУУД

Нэр                                    Хаанаас              Хаана              Үнэ

Б.Жужак (Унгар)                 Анжи                  Динамо            19

Р.Павлюченко (ОХУ)           Тоттенхэм          Локомотив         13.1

П.Сиссе (Сенегал)               Фрайбург          Ньюкасл            12

Т.Мотта (Бразил)                  Интер               ПСЖ                  10

Г.Кэхилл (Англи)                  Болтон             Челси                9

К.Де Брюйне (Бельги)           Генк                 Челси              8

Максвелл (Бразил)                Барселона        ПСЖ                7

Б.Замора (Англи)                  Фулхэм             КПР                6

Алекс (Бразил)                       Челси              ПСЖ               5

Х.А.Рейес (Испани)                 Атлетико         Севилья           3.5

Жич: Мөнгөний дүн сая.еврогоор

Хуваалцах/Тэмдэглэх

Бундеслигийн 19-р тойргийн тоглолтонд  Байерн Мюнхен өөрийн талбай дээрээ Вольфсбургыг 2:0 харьцаагаар хожлоо.  Лигийн солилцоо наймаанд хамгийн идвэхтэй оролцож, 25 сая гаруй еврогоор  8 тоглогч шинээр багтаа авсан “чононууд” хоёр дарааллан хожил аваад байсан билээ.  Гэвч дасгалжуулагч Феликс Магатын систем Байерны эсрэг тоглолтонд хүчин мөхөсдөв.  Рибери улаан хуудасны торгуулийн дараа Байерны гарааны бүрэлдхүүнд эргэн ирсэн нь тоглолтонд том нэмэр болсныг дурьдах хэрэгтэй. Байерны зүүн жигүүрийн довтолгоо Вольфсбургийн хамгаалалтыг хамгийн их түгшээж байсан бөгөөд үүнд  Рибери үргэлж гар бие оролцож байв.  Байерн хэд хэдэн гоолын боломжыг гаргасан боловч нэгдүгээр үе гоолгүй өндөрлөсөн. Хоёрдугаар үед  Риберигийн олж авсан чөлөөт цохилтоос Марио Гомесийн  60 мөргөж тоглолтыг салхийг хагалав. Дашрамд дурьдахад Марио Гомес 200 дахь Бундеслигийн тоглолтондоо оролцсон бөгөөд нийт 118 гоол оруулсан гайхалтай амжилт үзүүллээ. Байерны баруун жигүүрийн довтлогч Роббен энэ удаа шинээр ” чононуудын” бүрэлдхүүнд багтсан хамгаалагч Рикардо Родригесийн гараас гарч чадсангүй. Гэхдээ тоглолтын цаг дуусах мөчид орсон гоол түүний нэр дээр бичигдсэн юм. Марио Гомесийн оронд талбайд гарч ирсэн Ивица Олич хаалгач Диего Беналиог давуулж хаясан бөмбөг хаалга руу орж явсан бөгөөд хамгаалагч Фелиппе бөмбөгийг зайлуулсан боловч Роббений биед ойж гоол оров.

Байерн хожил авсанаар 40 оноотой хүснэгтийг хошуучилсан хэвээр үлдэж байна.

БАЙЕРН – ВОЛЬФСБУРГ – 2:0 (0:0)
Гомес, 60 (1:0). Роббен, 90+1 (2:0).
Байерн	Вольфсбург
Мануэль Нойер	Диего Бенальо
Марсио Рафинья	Кристиан Треш
Жером Боатенг	Марко Русс
Хольгер Бадштубер	Фелипе Лопес
Филипп Лам	Рикардо Родригес
Бастиан Швайнштайгер	Крис, 41
Тони Кроос	Петр Ирачек, 66
Арьен Роббен	Марсель Шефер
Томас Мюллер, 66	Макото Хасэбэ, 82
Франк Рибери, 88	Ашкан Дежага
Марио Гомес, 74	Марио Мандцукич
Сэлгээ
Луис Густаво, 66	Ку Жа-Чхоль, 41
Ивица Олич, 74	Жованни Сио, 66
Давид Алаба, 88	Себастьян Полтер, 82
Шар хуудас:
Марсио Рафинья, 79	Марко Русс, 48
	Макото Хасэбэ, 59

Хуваалцах/Тэмдэглэх

Баасан гарагт болох Нюрнберг болон Ханновер  багуудын тоглолтыг ач холбогдлоор нь топ тоглолт гэж хэлмээргүй, хүснэгтийн доод хагаст байгаа багуудын хоорондын жирийн нэгэн тоглолт гэмээр. Гэхдээ энэ тоглолт ихээхэн анхаарлын төвд байгаа учир нь Ньюрнберг Бундеслигд 1000 болон түүнээс дээш тоглолт хийсэн 13 дахь баг болох юм.

Энэхүү 1000 тоглолт эсвэл 90000 минутыг Германын хамгийн том лигт өнгөрөөх хугацаандаа Нюрнберг Бундеслигийн  аварга нэг удаа болж, долоон ч удаа доод лиг рүү унаж, 1307 гоолыг эсрэг багийн хаалгандаа оруулсан бол 1588 гоол хаалгандаа алдаж байжээ. Мөн 319 хожил, 251 тэнцээ, 430 хожигдол авч байж.

Дан ганц статистикаар энэ 1000 тоглолтын ач холбогдлыг тодорхойлох боломжгүй билээ. Зөвхөн энэхүү клубын түүхийн хуудас руу шагайж байж Ньюрнбэрг шиг багууд Германын хөлбөмбөгт хэр чухал байр эзэлдэг вэ гэдгийг олж харах юм.

Германын аваргууд

Анх 1900 онд Нюрнберг хотод регбигийн баг байгуулагдсанаар энэ клубын түүх эхэлсэн. Тухайн үед регби тоглоход шаардагдах тоглогч хүрэхгүй байсан учраас Английн хөлбөмбөгийн холбооны дүрмээр тоглох болжээ. 1901 оны 11 сарын 6-нд анхны тоглолтоо мөнхийн өрсөлдөгч Байерн Мюнхен багтай хийж 6:0 харьцаатай хожигдон бут ниргүүлж байв.

Фритц Сервас Берлинээс Нюрнбергт ирсэнээр клубыг шинэ өндөрлөгт гаргав

Гэсэн хэдий ч Фритц Сервас хэмээх нэгэн эрхэм нийслэлээс Байерн мужид шилжин ирж багийг дасгалжуулж эхэлсэн. Тэрээр бөмбөгийг зүгээр хөшиглөх биш бөмбөг дамжуулах, залж удирдах нь хөлбөмбөгт хамгийн чухал зүйл гэдгийг зааж өгсөн юм. Түүний удирдлага доор баг энгийн бэлтгэлийн хуваарьтай болж үр дүн ч тэр дороо гарлаа. Нюрнберг шинээр байгууллагдсан Хойд Байерн бүсийн лигтээ 1905-1909 оны хооронд 5 дарааллаж түрүүллээ.

1922 он гэхэд Нюрнберг хэдийн хоёр удаа Германын аварга болоод байв. Эхлээд 1919 дараа нь 1920 онд. Клубын хамгийн оргил амжилт 1920-оод онд тохиосон юм. Нюрнберг 10-н жилийн дотор 5 удаа Германын аварга болж бүх л Герман даяар тэднийг зогсоох баг байхгүй байв.

1920 онд Фюрттай хийсэн тоглолт Германы аваргын финалын үеэр

20-оод оны тэр бүрэлдэхүүн дэхь нэг онцгой хүн бол хаалгач домогт Хайнэр Штулфаут юм. Тэрээр тухайн үедээ яалтчгүй Германын шилдэг хаалгач байлаа. Мөн зүүн жигүүрийн тоглогч Петер Шзабо болон төвийн довтлогч Алфред Шаффэр, Ханс Калб болон Лутиполд Попп гэх мэтчилэн дурдаж болно. Унгар тоглогч Шзабо болон Шаффэр нарыг 1918 онд МТК Будапешт багтай хийсэн нөхөрсөг тоглолтын дараа авсан юм. Нөхөрсөг тоглолтын дараа хоёр тоглогч хэдийн Ньюрнберг хотод үлдэхээр шийдсэн байлаа.

1920-д онд Германын шигшээ багийн тал тоглогчдыг Нюрнбергийнхэн бүрдүүлж байв. Kicker сэтгүүлийг үндэслэгч Валтэр Бэнсэманн сэтгүүлийн газраа Нюрнберг хот руу шилжүүлж байв. Учир нь тухайн үеийнхээ Германын хамгийн амжилттай багтай илүү ойрхон байх гэж л шүү дээ.

“Fussball Woche” сэтгүүлийн нүүрэн дээр Ньюрнбэрг аваргын финалд Шалькэ 04 багт хожигдсон тухай, 1934 он

1930-аад онд Нюрнберг өөрсдийн Германын өмнөд хэсэг дэхь хамгийн шилдэг баг байсан хэвээр байсан ч нийт орон даяарх ноёрхолоо алдаад байв. Tshammer (III Райхийн үед спорт хариуцдаг байсан хүн)-ын цомын тэмцээнд 2 удаа түрүүлж Германын аварга нэг удаа боллоо. Нийт улсын төвшинд 30-аад онд Шалькэ 04 өөрийн чадлаа гайхуулж байсан юм.

Дэлхийн II дайны дараачаар Германы аварга шалгаруулах тэмцээнд өөрчлөлт орж улмаар 5 жижиг лигт хуваагдаж лигүүдийн тэргүүлэгч багууд нь хоорондоо хасагдаж журмаар тоглож аваргаа шалгаруулдаг боллоо. Нюрнберг өмнөдийн (Oberliga Süd) лигт хамаарагдаж байсан юм. Шинэ систэмд Нюрнберг амжилттай тоглож 1947 болон 1960 онуудад хоёронтоо аваргалалаа мөн 1962 онд анхны Покалаа авсан.

Бундеслигийн аварга, багийн уналт

1963 онд Германын АШТ бүхэлдээ өөрчлөгдөж цоо шинэ Бундэслиг хэмээх системтэй болов. Нюрнберг 1963/64 оны анхны улиралдаа итгэл найдвар дүүрэн орсон. Гэсэн ч бүх зүйл тийм хялбар байсангүй Кайзэрслаутэрнд 5:0 харьцаатай хожигдсон тоглолтын дараа 1961 онд лигийн аврага болон Покалын цом авчирсан дасгалжуулагч Хэрбэрт Вилдмайерыг халлаа. Тухайн үед Дэлхийн аварга болж байсан Нюрнберг-ийн хүндэт ахлагч Макс Морлок дасгалжуулагчийг халсанд бухимдан:

“3 жилийн өмнө амжилт авчирсан хүнийг зүгээр л явуулж болохгүй” гэж байв.

Ирэх жилүүдэд нь тааруухан солилцоо наймаанаас болж клуб Германын аварга болох хэмжээнд очиж чадсангүй. Харин Франц Брунгс, Звэздан Сэбинач болон Аугуст Старек зэрэг тоглогчдыг авчирсны дараа 1967/68 онд анхны Бундеслигийн түрүүгээ авч чадав.

Дасгалжуулагч Макс Мэркэл багийнхнаа хамт аварга болсны баяраа тэмдэглэж байна. Баруун гар талд Георг Волкерт зүүн талд Франц Брунгс

Дасгалжуулагч Макс Мэркэл багийнхнаа ирэх улиралд илүү амжилт гаргахийг ялангуяа Европийн тавцанд сайн тоглохийг хүсэж байв. Багаас 10 орчим тоглогчид явж өөр тоглогчидоор солигдов. Харамсалтай нь ирэх улирал 17-р байранд орж улмаар доод лигт унасан юм. Энэ нь Германын хөлбөмбөгийн түүхэнд аваргаа хамгаалж байгаа баг доод лигт унасан анхны бөгөөд цорын ганц тохиолдол болон үлджээ.

Тогтворгүй амжилт

Доод лигт унасан Ньюрнберг 9 жилийг 2-р Бундэслигт өнгөрөөсний эцэст 1978 онд эргэн гарч ирлээ. Тэр жилдээ ахин унасан боловч жилийн дараа гараад ирсэн юм. Мөн 83/84 онд унаж байлаа.

Зүүн талд Байернийн Норбэрт Нахтвай болон баруун талд Нюрнбэргийн Дийтэр Экштайн нар, 1988 оны Покалын тоглолтын үеэр

1984-1988 онуудын хооронд клубын байдал сайжирсан байлаа. Эцсийн эцэст тоглогчид болон дасгалжуулагч тайван орчинд ажиллах боломжтой болсон юм. Энэ байдал тоглолтонд нөлөөлж 1987/88 оны улиралд УЕФА цомын эрхтэй улирлыг дуусгасан. Гэсэн хэдий ч тайван байдал удаан үргэжилсэнгүй удалгүй дахин доош унах аюул ирч улмаар 1993/94 онд дөрөв дэхь удаагаа доод лигт тоглохоор болсон юм.

Үүнээс хойш дахин гурван ч удаа доод лигт унасны эцэст 2008/09 оны улиралд дахин Бундеслигт эргэн ирсэн. Дийтэр Хэкинг багт ирсэнээр дахин дээд лигт тоглох боломжтой болсон.

Бундеслигт үзүүлж байсан амжилтууд

Ирээдүйн төлөв

Энэ бүх адармаатай замыг туулсаны эцэст одоо Дийтэр Хэкинг болон клубын удирдлагууд ирээдүйд өөдрөгөөр хандаж байгаа. Улирал эхэлхийн өмнө Хэкинг дээд лигтээ үлдэхийн төлөө хүнд тулаан хийх болно хэмээж байсан. Харин тэдний одоогийн тоглолт клуб болон фэнүүдийн хувьд гэрэл гэгээтэй харагдаж байна. Гэхдээ тэдний хувьд Бундеслигт үлдэнэ гэдэг хамгийн чухал зорилт нь юм.

Ямартаа ч Нюрнбергийн дараа 1000 дахь тоглолтоо хийх баг нь тэдний эсрэг бямба гаригт тоглох Хэрта байх болно. Хэртагийн хувьд Бундэслигт 996 тоглолт хийгээд байгаа бөгөөд 1000 дахь тоглолтоо энэ 2 сарын 18нд өөрийн талбай дээрээ өнгөрсөн улирлын аварга Дортмундыг хүлээн авах тоглолтын үеэр хийх юм. Хэртагийн 1000 дахь ойн тоглолт нь Нюрнбергийг бодвол илүү хэцүү байх бололтой.

Бундэслигийн топ 24 багийн статистик

Хуваалцах/Тэмдэглэх

Германы шигшээ багийн эмч доктор Ханс Вилхельм түүний бэртлийг нягталж үзээд бүрэн эдгэрэхийн тулд  дахин  6 долоо хоног хэрэгтэй гэж үзэж байна.

Ингэснээр Боруссия Дортмунд түлхүүр тоглогчгүйгээр гурван сарын дунд хүртэл тоглох хэрэгтэй болж байна.

19 настай Марио шинэ улирал эхэлснээс хойш Дортмундын төлөө 14 тоглолтонд оролцож 5 гоол оруулаад байна.

Түүнийг эзгүйд Германы шигшээ ирэх сард Францтай нөхөрсөг тоглолт хийх юм.

Хуваалцах/Тэмдэглэх

Германын Бундэслигийн 2010/2011 оны улирлын тайлан гарч 1.77 тэрбум еврогийн ашиг олсон талаар Германын Хөлбөмбөгийн Лиг (ГХЛ)-ийн удирдлага лхагва гаригт мэдээллээ. Ингэснээр Бундэслигийн ашгийн хэмжээ 7 жил дарааллан нэмэгдэж байгаа юм.

Лигийн топ хоёр дивизион нийтдээ 2.23 тэрбум еврогийн орлого олсон тухай ГХЛ-ийн Франкфуртад зохион байгуулсан хурлын үеэр зарласан билээ.

Сүүлийн дөрвөн жилийн хугацаанд ашгийн хэмжээ 18.9 хувь нэмэгдсэн бол өнгөрсөн улирал 24 хувь хүртэл өссөн байна.

“Энэ улиралд бид 2 тэрбум давсан ашиг олохоор тооцоолж байгаа” хэмээн ГХЛ-ийн CEO Кристиан Зайфэрт мэдэгдсэн бөгөөд “Бундэслиг орлогоороо хөлбөмбөгийн бусад лигүүд дунд Премиер Лигийн дараа орох үзүүлэлттэй байгаа” хэмээн ярьсан юм.

Бундэслигийн нэг тоглолтын дундаж

үзэгчидийн тоо 42000 үзэгчийн босго давж бас нэгэн шинэ амжилтанд хүрсэн байна. Энэ дэлхийн өөр аль ч лигт байхг
үй үзүүлэлт билээ.

Хуваалцах/Тэмдэглэх

Сар гаруй завсарласан Германы Бундеслигийн  улирлын хоёрдугаар   хагас  өнгөрөгч Баасан  гарагт Боруссиа Мөнхенгладбах болон Байерн  Мюнхен багуудын тоглолтоор эхлэв.

Гладбахын талбайд айлчилсан Байерн Мюнхен 3:1 харьцаатай  хожигдол авсанаар  лигийн  өрсөлдөөнийг улам сонирхолтой болгож байна. Учир нь Байерныг буулган авсан Гладбахчууд 36 оноотой болсон бөгөөд тус бүр 34 оноотой байсан Шальке 04, Боруссиа Дортмунд  багууд Бямба , Ням гарагын тоглолтуудад ялалт авч Байернтай оноо тэнцлээ.

Мөнхенгладбах – Байерн  Мюнхен 3:1

Байерн  улирлын гараанд хаалгач Мануэль Нойерын алдаанаас болж  Гладбахад хожигдсон. Энэ бол  Нойерын Байерны өмнөөс хийсэн  анхны лигийн тоглолт байсан юм. Харин энэхүү таагүй явдлаас хойш 17 тоглолтын турш Байерн нь ердөө 10 гоол хаалгандаа алдаж, лигийн хамгийн шилдэг хамгаалалттай багийн жагсаалтыг тэргүүлэх болсон билээ. Нойерын алдаа ч мартагдсан. Гэвч 18 –р тойргын тоглолтонд өнөөх Гладбахын эсрэг Нойер дахин том алдаа хийснээр баг нь ялагдах эхлэлийг тависан юм.  Тоглолтын 11 дэх минутад Нойер алсын дамжуулалт хийхийг хүссэн боловч харамсалтай нь  бөмбөг  Марко Ройсын хөлд таарсан нь эхний гоол орох боломжыг олгосон. Мэдээж энэ гоол Байернд хүнд цохилт болсон бөгөөд бүх хүчээ довтолгоонд дайчилж  эхлэв. Марио Гомесийн мөргөсөн бөмбөгийг залуу хаалгач Марк Андре Те Штеген гайхалтай хааж чадав.  Байерн довтолгоондоо анхаарч хамгаалалт  сийрэг болсон нь хоёрдахь гоолоо алдах шалтгаан болов. Тоглолтын нэгдүгээр үеийн төгсгөлд Гладбах маш хурдтай сөрөг довтолгоонд шилжиж, Майк Ханкегийн Патрик Херманнд өгсөн дамжуулалт Нойерын хаалгыг дахин мялаасан. Хоёрдугаар үед  Марко Ройс (71)  тоглолтын хувь заяаг шийдсэн гуравдахь гоолыг оруулжээ. Харин эгэмний гэмтлээс болж 11 долоо хоног завсарласан Байерны “мотор” Бастиан Швайнштайгер нэр төрийн  гоолыг хийв.

БОРУССИЯ М – БАЙЕРН – 3:1 (2:0)
Ройс, 11 (1:0). Херманн, 41 (2:0). Херманн, 72 (3:0). Швайнштайгер, 76 (3:1).
Боруссия М	Бавария
Марк-Андре тер Штеген	Мануэль Нойер
Тони Янчке	Жером Боатенг, 66
Мартин Штранцль	Даниэль Ван Бюйтен, 76
Рул Броуверс	Хольгер Бадштубер
Филип Дэмс	Филипп Лам
Ховард Нордтвейт	Анатолий Тимощук, 56
Роман Нойштэдтер	Бастиан Швайнштайгер
Патрик Херманн, 89	Тони Кроос
Хуан Аранго	Томас Мюллер
Марко Ройс, 90+1	Арьен Роббен
Майк Ханке, 81	Марио Гомес
Сэлгээ:
Игор Де Камарго, 81	Давид Алаба, 56
Торбен Маркс, 89	Марсио Рафинья, 66
Мэтью Леки, 90+1	Луис Густаво, 76
Шар хуудас:
Хуан Аранго, 70

Шальке 04- Штутгарт 3:1

Шальке  04 дасгалжуулагч Хуб Стивенсийн удирдлаганд шилжсэний дараа тэдний тоглолт сайжирсаар  хүснэгтийг тэргүүлэгчдийн эгнээнд багтаж чадсан. Тэд 18 –р тойргын тоглолтонд Штутгартыг 3:1 –ээр буулган авсанаар 37 оноотой болоод байна.  Шалькегийн Жермейн Жонс болон Льюис Холтби нар талбайд гарах боломжгүй болсон  тул Хуб Стивенс тактикийн өөрчлөлт хийсэн байлаа. Марк Хөгер болон Матипийн хамгаалалтын хагасад, Учидаг баруун жигүүрийн хамгаалалтанд гаргасан байна. Түүнээс гадна Хоффенхайм клубээс зээлээр тоглож байгаа Чинеду Обасиг баруун жигүүрийн довтолгоонд гаргасан байлаа. Тоглолт хурдтай, өрсөлдөөнтэй  эхэлсэн бөгөөд Матип дөнгөж гуравдахь минутад тоглолтын салхийг хагалсан нь Шалькед өөртөө итгэх  итгэлийг  нэмж өгсөн. Хоёрдугаар үед Пападопулос (58) мөн Юлиан Дракслер (80)  нарын гоол талбайн эздийг  ялалтыг бататгасан бол бШинжи Оказаки (87)   Штутгартын цорын ганц гоолыг оруулжээ.

ШАЛЬКЕ 04 – ШТУТГАРТ – 3:1 (1:0)
Матип, 3 (1:0). Пападопулос, 58 (2:0). Дракслер, 80 (3:0). Оказаки, 87 (3:1).
Шальке 04	Штутгарт
Ларс Уннерсталь	Свен Ульрайх
Ацуто Учида	Стефано Челоцци
Кирьякос Пападопулос	Сердар Таски
Бенедикт Хеведес, 42	Франциско Родригес
Кристиан Фукс	Кристиан Молинаро
Жоэль Матип	Вильям Квист, 62
Марко Хөгер	Здравко Кузманович
Александер Баумйоханн, 46	Тамаш Хайнал
Чинеду Обаси, 74	Мартин Харник, 62
Рауль	Павел Погребняк, 85
Клаас-Ян Хунтелар	Какау
Сэлгээ:
Кристоф Метцельдер, 42	Юлиан Шибер, 62
Юлиан Дракслер, 46	Синдзи Окадзаки, 62
Чиприан Марика, 74	Рафаэль Хольцхаузер, 85
Шар хуудас
Марко Хөгер, 45	Тамаш Хайнал, 29

Хамбург-Боруссиа Дортмунд 1-5

Юрген Клопын цэргүүд олон улсын тавцанд амжилт олоогүй ч Бундеслигд ид хаваа гайхуулсаар байна. Хамбургчууд өнгөрсөн улирлын аварга Боруссиа Дортмундыг өөрийн талбайдаа хүлээн авч 1:5 харьцаагаар бутниргүүлэв.

Дортмундын хамгаалалтын үндсэн дөрвөн тоглогч болох Шмельцер, Хуммельс, Суботич мөн Лукас Пишек нар  талбайд хамтдаа гарлаа. Харин Марио Гөтце, нэгдүгээр хаалгач Роман Вайденфеллер нар тоглолтыг өнжих хэрэгтэй болсон юм.  Вайденфеллерийн оронд залуу хаалгач Мичел Лангерек гарсан. Тоглолтын эхний гоолыг Кевин Гроскройц оруулж,  Польш тоглогчид буюу Роберт Левандовский,  болон Якуб Блашчиковский нар тус бүр хоёр гоол оруулсан юм. Дортмундчууд  Хамбургын Имтех Аренагаас 3 оноотой гэртээ харих зорилготой гэдгээ тоглолтын эхнээс л харуулж  байв. Харин Хамбургын тааруу тоглолт  тэдний  довтолгоо хийх оролдлогоос үнэндээ хол зөрүүтэй байлаа. Тоглолт дуусахын өмнөхөн Поало Гуреро нэр төрийн гоолыг оруулж цэг тависан юм.

Хамбургын дасгалжуулагч Торстен Финк тус багийн удирдаж оролцсон албан ёсны 11 тоглолтоос ердөө нэг хожигдол амсаад байсан бол одоо энэ тоо нэгээр нэмэгдлээ. “ Бид муу тоглолт хийсэн. Дортмундыг  хэтэрхий  үнэлсэн. Яагаад гэдгийг би хэлж мэдэхгүй юм. Үнэхээр зориг дутлаа, энэ долоо хоногт үүн дээр ажиллах болно. Бөмбөгний төлөөх тулааны 60 хувьд нь ялагдсан , ийм байж болохгүй” гэжээ.

Юрген Клоп  “ Бид 37 оноотой болохыг хүссэн, үүндээ хүрч чадлаа.. Манай залуус хөлбөмбөгийг өөрсдийнхөөрөө  тоглож,  ямар ч өршөөлгүй   дуусгасан” гэжээ.

ХАМБУРГ – БОРУССИЯ Д – 1:5 (0:2)
Гросскройтц, 16 (0:1). Левандовски, 37 (0:2). Блащиковски, 58 (0:3). Блащиковски, 76-с пенальти (0:4). Левандовски, 83 (0:5). Гурреро, 86 (1:5).
Хамбург	Боруссия Д
Ярослав Дробны	Митчелл Лангерак
Деннис Дикмайер	Лукаш Пищек
Жеффри Брума	Невен Суботич
Хайко Вестерманн	Матц Хуммельс
Деннис Аого	Марсель Шмельцер
Томас Ринкон	Свен Бендер, 82
Гойко Качар, 46	Себастьян Кель, 73
Марсель Янсен, 65	Якуб Блащиковски
Роберт Теше	Синдзи Кагава, 81
Жи Гин Лам	Кевин Гросскройтц
Хосе Паоло Герреро	Роберт Левандовски
Сэлгээ:
Младен Петрич, 46	Мориц Лейтнер, 73
Джакопо Сала, 65	Лукас Барриос, 81
	Илкай Гюндоган, 82
Шар хуудас:
Жеффри Брума, 31

Гоол: Бямба гарагт ердөө 8 гоол орсон нь энэ улирлын хамгийн цөөн гоолтой тохиолдол болов.

Гоолын ангуучид. Марко Ройс улирлын 11 дэх гоолоо оруулсан бол багийн анд Патрик Херман 5 гоол оруулаад байна. Шалькегийн хамгаалагч Пападопулос бундеслигийн анхны гоолоо мөн хоёр тоглолт дарааллан гоолдсон амжилттай болов. Роберт Левандовский айлын талбайд хийсэн сүүлийн гурван тоглолтонд 5 гоол оруулаад байна.

Сонирхолтой. Вольфсбургийн дасгалжуулагч Феликс Магат нийт 35 тоглогчтой байгаа бөгөөд энэ амжилт нь Франкфуртын 2000 01 оны улиралд үзүүлсэн дээд амжилтыг давтаж байгаа юм. Хамгийн сонирхолтой нь Магат тухайн үед мөн л Франкфуртын дасгалжуулагчаар ажиллаж байсан ба удалгүй халагдсан түүхтэй.

Байер – Майнц – 3:2
Хамбург – Боруссия Д – 1:5
Кайзерслаутерн – Вердер – 0:0
Хоффенхайм – Ханновер – 0:0
Вольфсбург – Көльн – 1:0
Фрайбург – Аугсбург – 1:0
Нюрнберг – Херта – 2:0
Шальке – Штутгарт – 3:1
Боруссия М – Байерн – 3:1

Хуваалцах/Тэмдэглэх

2011 оны 12 дугаар сарын 21-нд болсон Германы Хөлбөмбөмгийн Холбооны Цомын шөвгийн 16-гийн тоглолтын үеэр   Шальке 04 багийн хагас хамгаалагч Жермейн Жонс нэгэн бүдүүлэг алдаа хийсэн юм. Тэрээр  тоглолтын 6 дахь минутад Боруссиа Мөнхенгладбахийн Марко Ройсийг   шүүгчтэй ярилцах үеэр түүний зүүн  хөл дээр санаатайгаар дэвсжээ. Шүүгч Вольфганг Штарк энэ үйлдлийг тухайн үедээ харж амжаагүй юм. Тоглолтын дараа Мөнхенгладбах хотын прокурарт  Жермейн Жонсийн эсрэг хүний  биед санаатай гэмтэл учруулсан гэсэн гомдлууд ирсэн байна.  Гэхдээ холбооны дэргэдэх хяналтын хорооноос уг асуудлыг шалгаж үзээд Жермейн Жонсд  8 долоо хоног талбайд гарах эрхийг хасжээ. Ингэснээр Шалькегийн  сахилаггүй этгээд гуравдугаар сарын нэгэн хүртэл багийнхаа ямар ч албан ёсны тоглолтонд оролцох эрхгүй  боллоо. Шальке 04 багийнхан одоогоор Дохад бэлтгэлд гарсан бөгөөд багийн удирдлагууд  спортын бус алдаа гаргасан тоглогчоо шүүмжилж, энэхүү торгуулийг хүлээн зөвшөөрч байгаагаа мэдэгджээ. Харин Жонес өөрөө энэ шийтгэлийг  дэндүү хатуу  гэж үзжээ.

Хуваалцах/Тэмдэглэх

Дик Адвокат

Оросын шигшээ багийн дасгалжуулагч Дик Адвокат Евро-2012 тэмцээний дараа өөрийн   дасгалжуулж байсан ПСВ Айндховенд буцаж очих тухай  яриа гарчээ. Харин энэ тухай өөрөөс нь асуухад “ Ямар ч хариулт өгөхгүй” гэжээ.

Марек Хамшик  

Словакийн шигшээ багийн тоглогч Марек Хамшик  Наполитай гэрээгээ сунгахаар болжээ. Тэрээр 2015 он хүртэл үргэлжлэх гэрээгээ дахин  нэг жилээр ахиулах гэнэ.

ПСЖ  Гөтцег авах төлөвлөгөөтэй

Катарын Quatar Sports Investment  компани  Парис Сан Жермейн клубын  70 хувийн хувьцааг өөрийн болгосон  цагаас  эхлэн дэлхийн шилдэг хөлбөмбөгчдийг багтаа элсүүлэх аянд мордсон. Миланаас Александро Пато, Реал Мадридаас  Кака,  Ман Ситигийн Карлос Тевес тэдний жагсаалтанд байгаа. Түүнчлэн францын өдөр тутмын ‚Le Parisien‘  сонины мэдээгээр Боруссиа Дортмундын Марио Гөтцэг  Парисд авчирах нь тэдний цаашдын төлөвлөгөөнд багтаад байгаа  гэнэ.

Ули Хөнес : Гөтцэгийн төлөө 40 саяыг хэзээ ч өгөхгүй

Өнгөрөгч есдүгээр сард Марио Гөтцэ Байернд  ирэх талаар өрнөсөн яриаг олон хүн тэр дундаа ерөнхийлөгч  Ули Хөнес хүртэл таатайгаар хүлээн авч байлаа. Арсенал Гөтцед 40 сая евро санал болгосон боловч Дортмунд хүлээж аваагүй.  Саяхан  Ули Хөнес өөрийн 60 насны ойгоор ингэж хэлжээ “ Испани,  Англид урьдын адил биднээс хамаагүй  ихийг  зарцуулж  авдаг  хэвээрээ байна.  Бид бусад багууд  шиг галзуу  үйлдэл хийхгүй,  зөвхөн  нэг авьяаслаг залуу тоглогчыг  ямар ч үнээр хамаагүй Германд авч үлдэхийг л  хүсэж байна. 40 сая түүнээс дээш бид хэзээ ч хийхгүй. Роббен болон Рибери зэрэг дэлхийн одуудыг бид үүнээс бага төлж авсан.  Манай трансферийн бодлого ийм муу байх учиргүй” гэжээ.

Фольксвагений боссийн толгой эргэжээ

Германы автомашин үйлдвэрлэгч Фольксваген концерний тэргүүн Мартин Винтеркорн өөрийн багийн шинэ тоглогчдын нэрсийг тогтоож амжихгүй байгаа гэнэ.  Вольфсбург өнгөрсөн зун хамгийн олон тоглогч авсан  бөгөөд одоо үзүүлж байгаа тааруу амжилт нь энэ наймаанууд  үр дүн муутай байсныг харуулав. Өмнө нь авсан олон тоглогчдоос зарим нь төрхөмдөө буцаж, зарим  өөрийн зам мөрийг хөөхөөр болсон. Ингээд Магат системдээ таарах тоглогчдын эрэлд дахин гарчээ. Одоогоор Вольфсбургт 5 шинэ тоглогч ирээд байна.

Жиованни Сио 22 настай  – Франц , Кот ди Ивуар иргэншилтэй,  довтолгооны хагас хамгаалагч

Аделино Андре Виейра 25 настай- Португаль , довтолгооны хагас хамгаалагч

Петр Иришек 25 настай- Чех , хамгаалалтын хагас хамгаалагч

Ферхан Хасани 21 настай- Макендон, довтлогч

Слободан Медоевич 21настай- Серби , хагас хамгаалагч

Хуваалцах/Тэмдэглэх

Бундеслигийн Боруссиа Мөнхенгладбах багийн авьяаслаг тоглогч Марко Ройс европын топ багуудын хараанд өртсөөр удаж байгаа. Түүнийг  аль нэгэн топ клуб рүү үүний дотор  Байерн Мюнхенд очино хэмээн олон хүн таамаглаж байсан.  Тэгвэл  Ройс  ирээдүйд аль багт тоглох нь тодорхой болж, хөзрийн нууц тайлагдав. Ройс ирэх зун өөрийн төрж өссөн мөн хөлбөмбөгийн гараагаа эхэлсэн  Дортмундад тоглохоор болов.

Хэдийгээр Дортмундын босс Ханс Йоахим Ватцке  өнгөрсөн зунаас эхлэн шинэ тоглогч худалдан авахад зориулж  5 сая еврогийн хязгаар тогтоосон боловч  22 настай Марко Ройсын төлөө тэд 17,5 сая еврог төлөхөөр болж байгаа юм. Дортмундын энэхүү алхам нь цаашид зөвхөн Байерн Мюнхен германы авьяаслаг тоглогчдыг эгнээндээ нэгтгэдэг баг биш тэдэнд  өрсөлдөгч бий гэдгийг харуулсан явдал болж байна. Мэдээж олон хүн энэ явдалд гайхсан харин Байерны дасгалжуулагч Юп Хайнкес үүнийг өөрөөр хүлээн авчээ. “ Би үүнийг тооцоолж байсаан. Үүнд  хэдэн шалтгаан бий. Нэгдүгээрт Ройс Байернд ирвэл гарааны эрхийн төлөө асар ширүүн өрсөлдөх хэрэгтэй болох ба үргэлж гараанд гарах ямар ч баталгаа байхгүй. Хоёрдугаарт түүний эцэг , эх Дортмундад амьдардаг” гэжээ. Ройсын Дортмундад ирсэн шалтгаан бол аварга цолонд хүрэх мөн аваргуудын лигт тоглох гэсэн байна.

Дортмунд Ройсыг авч буй бас нэг шалтгаан нь нэг талаар  Марио Гөтцегийн ирээдүйтэй холбоотой. Довтолгооны чиглэлийн  шилдэг тоглогчоо багаасаа явуулснаар амжилтанд  нь нөлөөлсөн  гашуун туршлага тэдэнд бий. Уг нь Дортмундын удирдлагууд  Марио Гөтцег 2013 он хүртэл багтаа үлдэнэ гэж мэдэгдсэн гэхдээ түүнийг тогтоон барьж дийлэхгүй бол Ройс шиг сайн тоглогч зайлшгүй хэрэгтэй. Өнгөрсөн улиралд багтаа маш чухал үүрэгтэй гүйцэтгэсэн Нури Шахиныг Реал Мадридад зарж, оронд нь мөн адил турк гаралтай Илкай Гюндоганыг авсан нь өнөөдрийг хүртэл “хар шаруудад”  үр шимээ өгөөгүй байгаа юм. Нөгөө талаар  Дортмундын цаашид хүрэхийг зорьж буй өндөрлөгт  Марио Гөтце болон Ройсын хослон  тоглолт чухал үүрэг гүйцэтгэх учиртай. Энэ хоёр авьяаслаг тоглогч лигийн хамгийн шилдэг, хэний ч тааварлашгүй аюул дагуулсан  довтолгоог бий болгож чадна гэдгийг хашир мэргэжилтнүүд аль хэдийн олж харсан биз ээ.

Марко Ройстой холбоотой мэдээ

Байерны төлөвлөгөө: Роббений оронд Марко Ройс?

Хуваалцах/Тэмдэглэх