Хуваалцах/Тэмдэглэх

Тоглолт дууссаны дараа Моуриньо талбайд баяраа тэмдэглэж, үүнд нь Ноу Кампт цугласан үзэгчид маш их бухимдаж, нервтэж байлаа. Тэрээр өмнө нь Барселона багт 90-ээд оны сүүлд орчуулагчаар ажилладаг байсан бөгөөд Интерээс өмнө Челсиг удирдаж байхаасаа эхлээд  л Барсагийн фэнүүдтэй “хонь – чоно” болцгоосон.

“Би Барсаг хүндэлдэг, бас энд байсан 4 жилийн хугацаанд энэ баг надад юу өгснийг хэзээ ч мартахгүй. Гэхдээ болж буй зарим үйл явдлын нөлөөгөөр эерэг байдал бий болгоход хэцүү болжээ. Би Барсаг хэзээ ч дасгалжуулахгүй” гэж Моуриньо хэлсэн байна.

Өнгөрсөн шөнийн тоглолт Барса – Моуриньогийн 10 дахь тоглолт бөгөөд 6-г нь Челситэй, 4-г нь Интертэй хийжээ.

“Би тэднийг хожиж байгаагүй бол тэд намайг үзэн ядахгүй” гэж Жозе мөн хэлжээ. Мөн өнгөрсөн тоглолтын тактикийнхаа тухай: “Бид бөмбөг эзэмшихийг хүсээгүй. Бид бөмбөг авлаа гэхэд Барсагийн прессинг биднээс бөмбөгөө авч чадна, бид бөмбөгөө алдаад зогсохгүй өөрсдийн байрлалаа алдана. Би хэзээ ч байрлалаа алдахыг хүсдэггүй. Би тоглогчиддоо хэлсэн, бөмбөгийг орхиод тэдэнд ямар ч зай өгөхгүй байх хэрэгтэй гэж” .

Моттагийн 28 дахь минутанд улаан хуудас авсан талаар: “Би тв-ээр харсан. Бускетс нүүрээ дараад дараа нь шүүгч руу харж байсан. Энэ үнэхээр онцгүй зан”.

Харин Барселонагийн дасгалжуулагч Пэп Гуардиола: “Бид сайн багт, сайн дасгалжуулагчид хожлоо. Тэдний хагас хамгаалагчид, хамгаалагчид манайханд огт зай өгсөнгүй, үнэхээр сайн хамгааллаа. Гэхдээ бид одоо лигтээ түрүүлэхийг хүсэж байна. Бас Аваргуудын лигт эргэж ирнэ. Би тоглогчиддоо ямар ч буруу өгөхгүй, тэднийг зэмлэхгүй” гэжээ.

Хуваалцах/Тэмдэглэх

Бельгийн шүүгч Франк Де Блекере шүглээ үлээсэн цагаас эхлэн энэ тоглолт ямархуу дүр зургаар өрнөх нь ерөнхийдөө тодорхой болсон. Интерийн тоглогчид бараг бүгдээрээ хаалгаа тойрч зогсоод эхний үр дүнгээ хамгаалж, харин Барсагийнхан тэдний талбайд  довтолсон маягтай тоглолт үргэлжилж байлаа.
Эхний 20 минутын байдлаар Интерийн бөмбөг эзэмшилт ердөө 24 хувьтай байсан нь тэдэнд довтлох ямар ч бодол байгаагүйг илтгэнэ.

Барсачууд эхний 30 минутын байдлаар хэд хэдэн аюултай довтолгоо өрнүүлж хоёр жигүүрээрээ ерөнхийдөө довтолж байсан ч Интерийн шигүү хамгаалалтыг нэвтлэх аргаа нэг л олохгүй байв.

Гэтэл 28 дахь минутад Тьягу Мотта Серхио Бускетс дээр алдаа гаргаж 2 дахь шар хууудсаа хүртэж Интер талбай дээр хүн дутуу үлдлээ. Хэдийгээр энэ алдааг улаан хуудас өгөхөөр биш байсан, Бускетс жүжиглэсэн гэх зэргээр шүүмжлэх хүмүүс олон байгаа ч шүүгч тухайн үеийн өөрийнүзэмжээрээ шийдвэр гаргасан тул хэн хэнд нь буруу өгөх арга байхгүй.

Ийнхүү 10-уулаа үлдсэнээр Интерийн тактик нилээд өөрчлөгдсөж Самуель Это’о бүр хойшоо татаж зүүн жигүүрийн хамгаалалт руу шилжлээ.

Эхний үеийн хамгийн аюултай мөч 32 дахь минутад тохиолоо. Мессигийн 16-гийн гаднаас гүйцэтгэсэн тун аюултай цохилтыг Жулио Сезар амжилттай хааж багаа авраагүй бол тоглолт цаашаа ямар дүр зургаар өрнөх байсныг тааварлах аргагүй.
Тоглолтын эхний үед л гэхэд Интер аюул тарьсан ганц ч цохилтыг Барсагийн хаалга руу гүйцэтгээгүй байна.

Хоёрдугаар үед ч тоглолтын ерөнхий темп өөрчлөгдсөнгүй. Барса довтолсоор Интер хамгаалтдаа анхаарлаа хандуулсаар байв. 63 дахь минутад Пеп идэвхгүй тоглолыг үзүүлж байсан Златан болон Бускетсийг суулгаж Жеффрен, Бояан гэсэн 2 довтлогчыг талбайд гаргалаа. Харин Моу эсрэгээрээ Шнейдерийн оронд Мунтариг оруулж ирсэн.
Ингээд довтолгоонд Месси, Бояан, Педро, Жеффрон гээд 4 жижиг биетэй тоглогч тоглож эхэлсэн тул тэдний хувьд 2-р давхараар гоол оруулах боломж тун бага болсон. Гэсэн хэдий ч 81 дэх минутад Мессигийн дамжуулалтыг Бояан Кркич мөргөж гоолдох тун дөхлөө. Түүний барьж байсан хамгаалагч алдаа гаргаж сул орхисон байсан. Харамсалтай нь Каталон эр тоглолтыг эргүүлэх сайхн боломжоо үгүй хийжээ. 81 дэх минутад Диего Милито Иван Кордобагаар сэлгэгдлээ. Дараа нь 86 дахь минутад Самюэль Это’ог Макдональд Маригагаар сэлгээнд суулгаснаар Интерийн бүрэлдэхүүнд довтлогч үлдсэнгүй. Өөрөөр хэлбэл тэд сүүлийн 5 минутад 5 : 4 : 0 гэсэн тактикаар тоглосон гэхэд болно.

83 дахь минутад Чавигийн ухаалаг дамжуулалтыг Пике хүлээн авч Сезар, Кордобаг гайхалтай хууран тооны харьцааг 1 : 0 болголоо. Одоо тэдэнд ердөө ганц гоол хэрэгтэй байсан тул хамгаалалтаа бараг хаяж Валдесаас бусад нь бүгдээрээ Интерийн талбайд тоглож эхэллээ. Сүүл рүүгээ Валдес ч нилээд урагшаа орж ирсэн байв.
90 дэх минутад Ноу Кампад цугласан үзэгчид гоол хэмээн баярласан боловч шүүгч Бояаны довтолгоог хүчингүйд тооцжээ. Учир нь довтолгооны эхэнд Яя бөмбөгөнд гар хүрсэн байсан юм.
Ингээд үлдсэн минутад Интерчүүд ямар нэгэн алдаа гаргаагүй тул цуврал тоглолтын дүнгээр Финалын тулаанд шалгарч чадлаа. Жозе Моуриньо өмнө нь Челситэй хамт энэ цэнгэлдэхэд хэд хэдэн удаа зочилж байсан. Тэрээр тоглолтын дараа ”Энэ бол миний карьерийн хамгийн гайхалтай мөч” хэмээн ярьжээ.
5 сарын 22-ны өдөр Мадридийн Сантьяго Бернабеу цэнгэлдэхэд бид Байер Мюнхен – Интер милан багуудыг аваргын төлөө өрсөлдөхийг харахаар боллоо.
Харин Каталоны алдарт багт 2 жил дараалан түрүүлэх мөрөөдлөө мартахаас өөр аргагүй болж байна.

Барселона. Стадион “Камп Ноу”. 95,000 үзэгч . Шүүгч - Франк Де Блекере (Бельги).
БАРСЕЛОНА – ИНТЕР – 1:0 (0:0)
Пике, 84 (1:0).
Барселона	Интер
Виктор Вальдес	Жулио Сезар
Даниэл Алвес	Майкон
Херард Пике	Лусио
Габриэль Милито (46)	Вальтер Самуэль
Сейду Кейта	Хавьер Дзанетти
Яя Туре	Эстебан Камбьяссо
Серхио Бускетс (63)	Тиагу Мотта
Хави	Самюэль Это’о (86)
Педро Родригес	Уэсли Снейдер (66)
Лионель Месси	Кристиан Киву
Златан Ибрагимович (63)	Диего Милито (81)
Сэлгээ
Максвелл, 46	Салли Мунтари, 66
Жеффрен, 63	Иван Кордоба, 81
Боян Кркич, 63	Макдональд Марига, 86
Шар хуудас
Педро Родригес, 27	Тиагу Мотта, 10
	Жулио Сезар, 34
	Кристиан Киву, 43
	Салли Мунтари, 82
	Лусио, 82
	Тиагу Мотта, 28

Хуваалцах/Тэмдэглэх

Харин мань эр ”Мэдээж би Реалын тологч, бас багтаа хайртай учраас Барсаг хожигдоосой гэж хүсэж байна. Хэрвээ тэд хасагдах юм бол сэтгэлзүйн хүнд байдалд орж лигийн формонд нь нөлөөлөх байх.
Бид өөрсдөө үлдсэн тоглолтууддаа ялаад Барсаг бүдрээсэй гэж найдаж байгаа учраас тэдний ялагдал бидэнд л ашигтай.
Манай багийн хувьд энэ жил ямар нэгэн цом авч чадахгүй бол харамсалтай зүйл болно. Яагаад гэвэл Реал шиг агуу баг үргэлж л цом шагналаар арвин байсаар ирсэн. Тэр тусмаа энэ жил их хүчтэй байгаа болохоор би бүр ч их найдаж байна” гэжээ.

Хэдийгээр Реал аваргуудын лигийн хасагдах шатыг хамгийн түрүүнд орхисон ч Роналду хэсгийн шатанд оруулсан гоолуудынхаа ачаар мэргэн буучдыг нилээд удаан хугацаанд тэргүүлсэн юм. Тэрээр хэсгийн 6 тоглолтонд 7 гоол оруулаад байсан юм.

Хуваалцах/Тэмдэглэх

Хэдийгээр түүний улаан хуудасны торгууль өнгөрсөн шөнийн тоглолтоор дуусгавар болох байсан ч UEFA-гаас Рибериг дахин 2 тоглолтоор бандсан байна. Энэ нь түүний хийсэн үйлдэл өрсөлдөгчөө бэртээх санаатай алдаа байсантай холбоотой ажээ.

Тэгэхээр Байерн финалын тоглолт болон ирэх улиралын аваргуудын лигийн тоглолтонд Риберигүй тоглоно гэсэн үг юм

Хуваалцах/Тэмдэглэх

Жозе Моуриньо (Интерийн дасгалжуулагч)

Шнайдер бэртэлтэй байгаа ч гэсэн бүтэн тоглолтонд оролцоно гэж би найдаж байгаа. Гэхдээ энэ тоглолтын дараа ч чухал тулаанууд байгаа учраас бас эрсдэл хийхээс айж л байна.
Одоогийн байдлаар бид 3 : 1-ээр давамгайлж байгаа ч том дуугарч болохгүй. Тэргүүлж байсан баг хариу тоглолтонд ялагдсан тохиолдол алийг тэр гэхэвдээ. Түүхэнд зөндөө л тийм зүйл болж байсан.
Аваргуудын лигт түрүүлэх нь миний мөрөөдөл биш. Би 2004 онд энэ цомыг хүртэж байсан. Харин Интер бол сүүлийн 40 жил хүлээж байгаа учраас энэ цом бол тэдний мөрөөдөл нь мэдээж.
11 сард болсон тоглолтоос мэдээж өөр тулаан болно. Тэр үед Барса биднийг үнэхээр илүүрхэж байсан. Тэдний хүч тэр үеийнхээсэээ сулраагүй ч манай тоглолт илүү сайжирсан гэж болно.

Пеп Гуардиола (Барсагийн дасгалжуулагч)

Интер бол үнэхээр хүчтэй баг гэдэгтэй би маргахгүй . Хүн болгон л манай багийн тухай элдэв зүйл ярьж харин Интер олны анхаарлын төвд тийм ч их орохгүй байгаа. Тиймээс дарамт бидний талд байгаа гэсэн үг. Юу ч гэсэн бид илүүтэй довтолж, өмнөх тоглолтонд хийснээсээ илүү олон аюултай довтолгоо зохион байгуулах ёстой. Энэ тоглолтонд оролцох гэж байгаадаа би маш их баяртай байгаа. Яагаад гэвэл иймэрхүү том тоглолт жилд хэдхэн удаа л тохиодог учраас бид хөгжөөн дэмжигчдээ баярлуулах ёстой.
Мэдээж хэрэг манайхан финалд шалгарахыг хүсэж байгаа. Тэгэх ч хангалттай хүч манай багт бий. Гэхдээ хэзээ ч болоогүй зүйлийг болсон мэт ярьж болохгүй. Миланд болсон тоглолтонд бид эхний гоол оруулчихаад анхаарлаа бага зэрэг сарниулснаас болж дараалан гоол алдсан. Одоо алдаагаа засах цаг. Аваргуудын лигийн финалд шалгарахыг бид хүсэж байна.

Багийн мэдээ : Барса

Бэртэлтэй : Андрес Иниеста (барун гуя), Эрик Абидал (цавь)
Асуудалтай : байхгүй
Торгуультай : Карлос Пуойль
Шар хуудас хүртвэл дараагийн тоглолтыг өнжих : Даниел Алвес, Жерар Пике

Мягмар гаригт авсан шинжилгээгээр Абидал тоглож чадахгүй нь тодорхой болсон тул Максвел түүний оронд гарна. Мөн Габрель Милито Карлосын оронд гарч ахтайгаа нүүр тулна.

Интер
Бэртэлтэй : Давид Сантон (өвдөг), Франческо Тольдо (хөл)
Асуудалтай : Горан Пандев (гуя)
Торгуультай : Деяан Станович
Шар хуудас хүртвэл дараагийн тоглолтыг өнжих : Это’о, Майкон, Самуель, Занетти

Интерийнхэн Пандевийг бэртлээсээ эргэн ирээсэй гэж найдаж байгаа. Мөн Шнайдер өнгөрсөн амралтын өдөр Аталантатай хийсэн тоглолтонд бага зэргийн бэртэл авсан. Гэхдээ сүүлд авсан мэдээллээр мань эр гараанд гарах боломжтой байгаа юм байна.

Лигтээ хийсэн сүүлийн тоглолт :
24/04/10 Барселона 3-1 Херез
(Жеффрен 14, Анри 24, Ибрагимович 56; Бермехо 25)

Пепийн хөвгүүд Миланы талбайд сүүлийн 2 жил амсаагүй ялагдлаа амссан. Гэхдээ тэд лигийн хомоол хамагч багийг буулган авахад асуудал учирсангүй. Мессиг энэ тулаанд сэлгээнээс гаргасан.

Одоо тэд Реалаас 1 оноогоор илүү явж байна. Тэд өнгөрсөн жил түрүүлэхдээ 87 оноотой байсан бол одоо лиг өндөрлөхөд 4 тойрог дутуу байхад энэ оноондоо хүрээд байна.

24/04/10 Интер 3-1 Аталанта BC
(Милито 24, Мунтари 35, Киву 78; Тирибокки 5)

Лиг өндөрлөхөд 3 тойрог дутуу байхад Интер дахин лигийн хүснэгтийг тэргүүлж эхэллээ. Киву 2007 онд Ромагаас ирснээсээ хойш анхны гоолоо энд оруулсан байгаа.

Сонирхолтой баримт :

Интер энэ улиралын аваргуудын лигт ганц ялагдсан нь өнгөрсөн 11 сард Барсагийн талбайд 2 : 0-ээр хожигдсон тоглолт болсон.

Интер түүхэндээ 7 удаа европын клубуудын тэргүүн тэмцээний хагас финалд шалгарч байснаас 3 удаад нь ялалт байгуулж байжээ. Тэгэхдээ эхний тоглолтыг талбайдаа талбайдаа хийсэн тоглолтдоо л ялж байж.
Хамгийн сүүлд 1971/72 оны улиралд Селтикийг буулган авч байсан байна.

Это’о Барсагийн төлөө 200  тоглолтонд 129  гоол оруулсан бол Златан 116  удаа Интерийн төлөө талбайд гарч 66 удаа гоолджээ.

Ах дүү Милито хамтдаа талбайд гарвэл аваргуудын лигийн түүхэнд 4 дэх удаагаа ах дүүс бие биенийхээ эсрэг тоглох болж байгаа юм. Гэхдээ энэ шатанд хэзээ ч таарч байгаагүй.

Интер аваргуудын лигийн хасагдах шатанд эхний тоглолтыг талбайдаа хийсэн 43  тохиолдолд  ялалт байгуулж байжээ. Харин 4 удаа л мултарч байж.

Харин Барса 22 удаа айлын талбайд ялагдаж, үүнээс 11 -т нь талбайдаа ялж дараагийн шатанд үлдэж байсан байна.

Хуваалцах/Тэмдэглэх

Эхний тоглолтонд оролцоогүй  Ван Боммел, Бадштубер нар эргэн ирсэн нь зочдын ихүчийг улам нэмэгдүүлсэн. Торгуультай байгаа Риберигийн оронд Хамит Алтынтоп гарч үүргээ чамгүй сайн биелүүллээ.

Шүгэл дуугарсан цагаас эхлэн Байерн санаачлагыг гартаа өвөн өрсөлдөгчөө илүүрхэж байлаа. Ингээд 26 дахь минутад Томас Мюллерийн дамжуулалтаар Ивица Олич гоолдож талбайн эздийн даалгаварыг улам хүнд болгосон байна. Роббений эхлүүлсэн энэхүү гоол нь түүний энэ улиралын 5 дахь болж байгаа аж. 2-р үеийн эхэнд Даниэль Ван Бюйтен бэртэл авсан тул Мартин Демичелис сэлгээгээр орж ирлээ.

Харин Клод Пуел довтолгоогоо нэмж Али Сиссоког Гомисоор сэлгэсэн. 59 дэх минутад Крис Олич дээр алдаа гаргаж 2 дахь шар хуудсаа хүртлээ. Өмнө нь Лионы хамгаалалтыг амархан сэтэлж байсан Байернчүүд үүнээс хойш жинхэнэ дураараа дургиж 67, 78 даь минутад гоолдсоноор итгэл төгс Мадридийг зорих тийзээ захиаллаа. 2001 онд хамгийн сүүлд энэ цомыг авсанаасаа хойш Байерн финалд шалгараагүй байсан юм.
Луй Ван Гааль тоглолтын дараа ”Манайхыг зогсоох баг алга. Бид ямар ч өрсөлдөгч таарсан бутниргэх болно” хэмээн онгирсон бол Роббен ”Финалд мэдээж Интертэй таарахыг хүсэж байна. Барсатай одоо лав тоглох хүсэлтэй баг байхгүй. Дээрээс нь би Моу, Шнайдертэй нүүр тулмаар байна” хэмээжээ. Өнөө шөнө Роббений хүсэл биелэх эсэх нь тодорхой болно.



Лион. Стадион “Стад де Жерлан”. 40,000 үзэгч . шүүгч – Массимо Бузакка (Швейцарь). ЛИОН – Байерн – 0:3 (0:1) Олич, 26 (0:1). Олич, 67 (0:2). Олич, 78 (0:3). Лион Байерн Уго Льорис Ханс-Йорг Бутт Антуан Ревейер Филипп Лам Крис Даниэль Ван Бюйтен (46) Жан-Алан Бумсонг Хольгер Бадштубер Али Сиссоко (46) Диего Контенто Максим Гоналон Арьен Роббен (76) Жан Макун Марк Ван Боммель Сидней Гову Бастиан Швайнштайгер (78) Сезар Дельгадо (67) Хамит Алтынтоп Мичел Бастос Томас Мюллер Лисандро Лопес (79) Ивица Олич Сэлгээ Бафетимби Гомис, 46 Мартин Демичелис, 46 Миралем Пьянич, 67 Мирослав Клозе, 76 Эдерсон, 79 Давид Алаба, 78 Торгууль Максим Гоналон, 23 Хамит Алтынтоп, 24 Крис, 59 Крис, 59 (2 жк)

On-line трансляция.

27 апреля. Лион. Стадион “Стад де Жерлан”. 40,000 зрителей. Судья – Массимо Бузакка (Швейцария). ЛИОН – БАВАРИЯ – 0:3 (0:1) Олич, 26 (0:1). Олич, 67 (0:2). Олич, 78 (0:3). Видео. Лион Бавария Уго Льорис Ханс-Йорг Бутт Антуан Ревейер Филипп Лам Крис Даниэль Ван Бюйтен (46) Жан-Алан Бумсонг Хольгер Бадштубер Али Сиссоко (46) Диего Контенто Максим Гоналон Арьен Роббен (76) Жан Макун Марк Ван Боммель Сидней Гову Бастиан Швайнштайгер (78) Сезар Дельгадо (67) Хамит Алтынтоп Мичел Бастос Томас Мюллер Лисандро Лопес (79) Ивица Олич Замены Бафетимби Гомис, 46 Мартин Демичелис, 46 Миралем Пьянич, 67 Мирослав Клозе, 76 Эдерсон, 79 Давид Алаба, 78 Наказания Максим Гоналон, 23 Хамит Алтынтоп, 24 Крис, 59 Крис, 59 (2 жк)

Хуваалцах/Тэмдэглэх

Өнгөрсөн зун Интерээс Барсад худалдагдан ирсэн Златан Ибрахимович маргаашийн тоглолтонд Барса хожиж, финалд үлдэнэ гэдэгт найдаж байгаа гэнэ.

“Mundo Deportivo”-д өгсөн ярилцлагадаа тэрээ: “Бид Бернабеуд болох финалд тоглоно гэдэгт эргэлзэхгүй байна. Би өөртөө болон багийнхандаа итгэж байгаа. Бид зорилгодоо хүрэхийн тулд олон гоол хийх шаардлагатай. Манайх гоолуудыг хийж чаддаг баг” гэсэн бол хамгаалагч Херард Пике тун итгэлтэйгээр “Интерийн тоглогчдын хувьд Ноу Камп дахь 90 минут тамд байгаа мэт санагдах болно” гэжээ.

Интерийн хувьд 1972 оноос анх удаа финалд үлдэхэд тэнцээ, эсвэл 1 гоолын зөрүүтэй хожил л хангалттай. Гэхдээ тэд болгоомжтой байна. Интерийн ахлагч Х. Занетти  “Энэ тоглолт бол тулаан байх болно, учир нь бид дэлхийн хамгийн хүчирхэг багийн эсрэг тоглоно. Бид өөрсдийн тоглолтоо гаргах хэрэгтэй. Эхний тоглолтоос өөр байх болно. Бид ямар нэгэн алдаа гаргахгүй байх ёстой ” гэжээ.

Мөн Сери А-ийн өнгөрсөн тойрогт Рома хожигдож Интер тэргүүн байраа эргүүлэн авсан бөгөөд сэтгүүлч түүнээс дотоодын лигийнх нь тухай асуухад “Лиг сүүлийн өдөр л шийдэгдэнэ” гэсэн байна.

Маргаашийн тоглолтонд Барсагаас А.Иньеста гэмтлийн улмаас, Карлес Пуойль торгуулийн улмаас тоглохгүй бол Эрик Абидаль гэмтлийн улмаас тоглохгүй байж магадгүй юм. Харин Интерээс Деян Станкович 2 шар хуудас авсан тул тоглолтыг өнжих бөгөөд Уэсли Шнейдер лигийн сүүлийн тоглолтонд хөнгөн гэмтэл авч Барсагийн эсрэг гарах эсэх нь тодорхойгүй байгаа гэнэ.

Хуваалцах/Тэмдэглэх

Клод Пуел (Лионы дасгалжуулагч)

Бид багаараа 3 хоног хотоос гарч сайхан амарлаа. Реал Мадридтай тоглохын өмнө ч бид ингэж байсан юм. Миний бодлоор Байернаас манайх туршлагаар дугмаг ч энэ нь ямар нэгэн хүндрэл учруулахгүй байх, Дараагийн шатанд үлдэхийн тулд заавал 2 гоол оруулах хэрэгтэй учраас бид өөрсдөө идэвхтэй байж, санаачлагыг гартаа авах ёстой. Эхний тоглолтонд Байерн илүүрхсэн учраас давуу тал мэдээж тэдэнд байгаа л даа. Гэхдээ байдал үүнээс ч хүнд байж болох байсан учраас одоо харамсах юм алга. Тоглолт болохыг тэсэн ядан хүлээж байна. Манайхан одоо ямар ч Европын шилдэг багаас айлгүй өрсөлдөж чадахаар байгаа. Тиймээс өрсөлдөгчдөө санаа зовохгүй байна. Тэдний хэд хэдэн гол тоглогчид бэртэлтэй байгаа ч шилдэг тоглогчид нь гардгаараа гарна. Үзүүштэй тоглолт болно гэдгийг амлаж байна.

Луй Ван Галь (Байерний дасгалжуулагч)

Би Недерландад ажиллаж байхдаа багийнхаа тоглогчдод ”Германы багууд хэзээ ч бууж өгдөггүй. Тэд сүүлийн мөч хүртэл тэмцэж, шүгэл дуугарах хүртэл бууж өгдөггүй” гэж хэлдэг байсан. Харин одоо Германы баг яаж тоглодгийг бид өнөөөдөр харуулах болно. Манай багийнхан гайхалтай сэтгэлийн тэнхээтэй. Тиймээс бүх зүйл одоо биднээс л шалтгаална.
Харамсалтай нь бэртэл гэмтлийн асуудал бидэнд бага зэрэг хүндрэл учруулж байгаа. Гэхдээ манай үндсэн тактик ерөнхийдөө өөрчлөгдөөгүй. Франк Риберигийн улаан хуудсын дараа хүртэл шүү.
Бид бол довтолж тоглодог баг. Тэрнээс биш хамгаалаад, гоолын зөрүүнд найддаг баг биш. Бүтэн улиралын турш ингэж тоглосон, одоо ч бас үүгээрээ л тоглоно.
Тоглолтын өмнө би ямар ч дарамт шахалт мэдэрдэггүй. Сэтгэл түгших нь ялагдлын эхлэл болдог учраас би тайван байхыг хичээдэгл дээ.

Багийн мэдээ : Байерн
Бэртэлтэй : Анатолій Тимощук
Асуудалтай : Мартин Демишелис (булчин), Даниэль ван Бюйтен (булчин), Диего Контенро (хөл), Мирослав Клозе (өвчтэй)
Торгуульсан : Даниэль Праньич, Рибери
Шар карт хүртвэл дараагийн тоглолтыг өнжих : байхгүй

Клозе ханиадтай байгаа бол Демишелис , ван Бюйтен нар өнгөрсөн бямба гаригт лигийн тоглолтын үеэр булчингаа бэртээсэн.

Хамит Алтинтоп цавьны бэртлээ эдгээж багийнхантайгаа бэлтгэлдээ оржээ.

Лион :
Бэртэлтэй : Франсуа Клер (өвдөг), Йоан Арток (ахиллесийн шөрмөс),     Матье Бодмер (шөрмөс)
Асуудалтай : Жан Макун (цавь), Лисандро (шагай), Жан-Ален Бумсонг (цавь)
Торгуультай : Жереми Тулалан
Шар карт хүртвэл дараагийн тоглолтыг өнжих :  Сиссоко, Делгадо, Гоналонс, Кальстром, Крис, Пьянич

Мюнхенд хавирга болон өвдөгөө бэртээсэн ч Крис талбайд гарах боломжтой юм байна. Бумсонг мөн бэлтгэлдээ орсон байгаа.

Лигтээ хийсэн сүүлийн тоглолт :
24/04/10 Мюнхенгладбах 1-1 Байерн
(Реус 60; Клозе 73)

Клозе сэлгээгээр орж ирээд улиралын 3 дахь гоол оруулсан

Энэ хооронд Шальке Гертаг ялсан тул одоо Байерн, Шалькег ердөө гоолын зөрүү л зааглаж байн. 1 гоол.

Лион талбайдаа Монаког хүлээж авах байсан ч 5 сарын 12-нд болохоор хойшлогджээ.

Сонирхолтой баримт :

Лион энэ улиралын аваргуудын лигт талбайдаа ялагдаагүй байгаа. Тэд Стад де Жерланд цэнгэлдэхдээ сүүлийн 3 тоглолтонд ялалт байгуулаад байгаа юм.

2 баг өмнө нь 6 удаа аваргуудын лиг оноолт тааран өрсөлдөж байлаа. Гэхдээ хэн хэн нь давамгайлж чадаагүй бөгөөд тус бүр 2 ялалт байгуулж ,2 удаа тэнцжээ.

Лион хэзээ ч Европын тэмцээний финалд өрсөлдөж байгаагүй. Харин Байерн 13 дахь удаагаа аваргуудын лигийн хагас шигшээд өрсөлдөж байна.
Тэд 2001 оноос хойш финалын тулаанд шалгарч чадаагүй байгаа ажээ.

Лионы ямар нэгэн тоглогч сүүлийн 3 тоглолтоос хөөгдсөн. Гоналонс 4 сарын 11-нд Лиллийн эсрэг улаан карт авсан бол Ревельери 4 сарын 17-нд Бордогийн эсрэг. Хамгийн сүүлд Тулалан Мюнхенд талбайгаас хөөгдсөн.

Эхний тоглолтын тойм

Хуваалцах/Тэмдэглэх

Шилдэг: Жозе Моуриньо (Интер)

Өөрийгөө ямархуу тактикч вэ гэдгээ харуулж чадсан. Барсаг сүүлийн 2 жил гаран ийм олон гоолоор ялах баг гараагүй. Гэвч Жозегийн баг тэднийг ялж чадсанаар барахгүй, бөмбөг эзэмшилт гээд бүх зүйлээрээ илүүрхэж байлаа. Мэдээж түүнд Ноу Кампд 2 гоол алдалгүй хамгаалах хангалттай ур ухаан байгаа.

Хавьер Занетти (Интер)

Барсатай таарсан баг болгоны юуны түрүүнд анхаарлаа хандуулж байгаа асуудал бол Мессиг хэн барих вэ ? гэсэн асуулт.  Харин өнгөрсөн тоглолтонд 36 насыг зооглож байгаа ч Занетти үүнийг ядах юмгүй амжуулчихлаа. Түүний насан дээр иймэрхүү тоглолтыг үзүүлнэ гэдэг юу гэсэн үг бэ. Зүгээр л төрөлхийн авьяас гэхээс өөр хэлэх үг алга даа.

Арьен Роббен (Байерн)

Байернийг Роббен энэ улиралд хэд дэх удаагаа ч аварч байгаа юм бүү мэд. Шөвгийн 16-д түүнийг оруулсан гоолын ачаар Фиорентинаг мулталсан. Дараа нь шөвгийн наймд МанЮ-г айлын талбайд хийсэн гоолын дүрмээр ялахад бас л Роббен гол баатар нь болсон. Харин энэ удаа түүний гоолоор дараагийн шатны эрхээ бараг л авчихлаа. Энэ залуу ч үнэхээр байх ёстой газраа ирждээ.

Шившиг : Ибрагимович, Дани Алвес, Бускутс (Барселона)

Ибра хуучин багийнхаа эсрэг хийсэн тулаанд бараг юу ч хийсэнгүй.  Түүний гүйсэн зайг харах юм бол бараг Валдестэй адилхан тоо гарах байх. Одоо л нэг учраа олж байна даа гэхээр ингээд л шүүмжлэлийн бай болоод эхлэх юм. Энэ залуугийн төлөө Барса хичнээн ихийг төллөө дөө.

Бразилийн шигшээ багийн баруун жигүүрт тоглохын төлөө  Дани, Майкон гэсэн 2 тоглогч одоо өрсөлдөж байгаа. Харин аваргуудын лигийн тулаанд Майкон Алвесийг зүгээр л ажилгүй болгоод л хаячихсан гэхэд болно. Харин Серхиогийн хувьд өөрийнхөө үүргийг тун муу биелүүлж Интерийн довтолгоог зоргоор нь тоглуулсан гол буруутан. Магадгүй Яя байсан бол ийм зүйл болохгүй ч байсан байх мэднэ. Гэхдээ залуу тоглогчид нилэн том туршлага болсон байх.

Марио Балотелли (Интер)

Тоглолт дууссаны дараа багийнхаа өмсгөлийг газар шидэж фенүүдээрээ шүгэлдүүлсэн. Дараа нь Марко Матераццитай маргалдаж нэр хүндээ унагаагаад зогсохгүй Мораттигаар хамгаалуулан байж цэнгэлдэхээс арай гэж явсан гээд энэ үдшийн Мариогийн ”паян” дуусахгүй. Энэ бүхний дараа Интерийн фенүүдээс түүнийг багтаа үлдээх хүсэлтэй хүн бараг үлдээгүй байх,

Интер-Барса (Шүүгчид)

Португалийн шүүгч Олегерио Бенкуеренко,  түүний туслах Силва Кардинал, Бертино Миранда нар тоглолтын турш маш олон алдаа гаргасан. Тухайлбал сүүлийн Милитогий гоол 100 хувь отон тоглолтоос орсон. Мөн Барсагийн тоглогчдийг 2 ч удаа 16 дотор алдаа гарган унагаахад торгуулийн цохилт өгөөгүй. 0 : 0 байх үед Милитогийн цэвэр довтолгоог отон гэж зогсоосон гэх мэт.

Фрeнк Рибери (Байерн)

Талбай дээр ч талбайн гадна ч тааруухан зүйлстэй учирлаа Рибери. Лисандро Лопез дээр бүдүүлэг алдаа гаргаж талбайгаас хөөгдсөнөөс гадна 2006 оны ДАШТ-ий үеэр насанд хүрээгүй хүүхдийг садар самуунд уруу татсан нь илэрч хэвлэлийн баатар болоод байгаа.

Интер – Барса (тоглолтын зарим зургуудаас)

sdsd

Хуваалцах/Тэмдэглэх