Роман Абрамович  Аваргуудын лигт түрүүлэх мөрөөдлөө хараахан биелүүлж амжаагүй. Одоогийн   “цэнхэрүүдийн” бүрэлдхүүн  энэхүү мөрөөдлийг гүйцэлдүүлхэд хангалттай биш гэдэгтэй маргах хүн гарахгүй биз. Багийн  ахмад тоглогчдын  тоонд багтсан  Лампард ,  Дрогба нарыг ирээдүйд  Ромелу Лукуку мөн Ориоль Ромеу орлох учиртай. Гэхдээ шинэ залуус  багийн амжилтанд бодитой хувь нэмэр оруулах хүртэл хугацаа шаардагдах  нь гарцаагүй. Виллаш Боаш өөрийн ажиллах хугацаандаа томоохон өөрчлөлтийг хийхээр шийдсэн. Иймээс ирэх улиралд Стэмфорд Бриджэд  “шинэ цус сэлбэх”  санаатай байгааг Британий  “ Times” сонинд мэдээлэлжээ.  Португаль дасгалжуулагч,   Роман Аврамовичид  хэд хэдэн тоглогч авах хүсэлтээ илэрхийлсэн аж. Үүнд Боруссиа Дортмундын  19 настай хагас хамгаалагч Марио Гөтцэ, мөн Португийн Жоау Моутинью, түүнчлэн Наполигийн довтлогч Эдисон Кавани багтаж байгаа гэнэ. Гөтце болон Моутинью ,  Лампардын байрлалд харин энэ зун гэрээ нь дуусаж байгаа Дрогбагийн оронд   Кавани тохирох юм.

Гэхдээ Виллаш Боаш эдгээр тоглогчдыг  тийм амар авч чадахгүй. Дортмунд болон Порту хагас хамгаалагчдаа зарахыг хүсэхгүй байгаа. Гэгхээр хамгийн нааштай  нь Эдисон Кавани байх талтай гэнэ.  Учир нь Уругвай тоглогч Наполитай 2016 оныг дуустал гэрээтэй боловч Сери А дахь санхүүгийн нөхцөл байдал түүнийг зархад нөлөөлнө хэмээн таамаглаж байгаа . Хэрэв Дрогба гэрээгээ сунгахгүй бол Кавани эхний сонголт болох гэнэ.

Хуваалцах/Тэмдэглэх

Европын хөлбөмбөгийн холбооны хамгийн нэр хүндтэй тэмцээн Аваргуудын лигийн хасагдах шатны сугалаа явагдлаа. Энэ шатанд Италийн хоёр баг Английн хоёр багийн эсрэг тоглохоор болсон нь анхаарал татаж байна. Манчестер Ситигийн “үнээр” хасагдах шатанд гарч ирсэн Наполи клуб Челситэй учраа таарлаа. Харин АС Милан, Арсеналтай оноолт таарсан. Хоёр баг хамгийн сүүлд 2008 онд оноолт таарахад Арсенал өрсөлдөгчөө буулган авч байсан юм.

Арсеналын ерөнхий нарийн бичиг Давид Майлес сугалааны талаар “Өөр багтай таарсан бол арай амар байх байлаа. Гэхдээ нэгэнт ингэж таарсан болохоор тоглоод үзэхээс аргагүй. Одоогоос гурван жилийн өмнө бид тэднийг талбайд нь хожиж байсан. Бас Италийн Рома, Интер Милан багуудыг ч мулталж байсан. Ер нь их сонирхолтой тоглолт болно гэж хүлээж байна. Энэ шатны хамгийн онцлох сугалаа ч гэж хэлж болно” хэмээлээ.

Харин Челсигийн төлөөлөгч Давид Барнарп Наполиг хүндхэн өрсөлдөгч хэмээн нэрлэлээ. “Ман Сититэй нэг хэсэгт орсны дараа тэднийг гарна гэж бодохгүй байлаа. Гэвч санаанд оромгүй зүйл бол Ситигийн үнээр Наполи хасагдах шатанд үлдэж байна. Андре Виллаш Боаш Интерт ажиллаж байсан туршлагатай болохоор Наполиг буулган авахад үүнийгээ ашиглана гэж найдаж байна.”

Аваргаа хамгаалагч Барселона Германы Байер Леверкузен багтай оноолт таарсан. Харин Манчестер Юнайтедийг өвдөг сөхрүүлэн энэ шатанд үлдсэн Базель клуб Байерн Мюнхентэй оноолт таарсан бол Интер Милан Францын Марсельтэй учраа таарчээ.

Түүхэндээ анх удаа энэ шатанд үлдээд байгаа АПОЭЛ клуб Францын Лионтой тоглоно. Харин Реал Мадрид – ЦСКА, Зенит – Бенфика нар тоглохоор болжээ.

Хуваалцах/Тэмдэглэх

Францын баг энэ хожлыг авснаар хасагдах шатны эрхээ өвөртөлсөн юм. Гэхдээ тэднийг буруутгах ямар нэгэн баримт одоогоор байхгүй байгаа.

Пүрэв гаригт явагдсан Европын хөлбөмбөгийн холбооны удирдах зөвлөлийн хурлын үеэр Платини энэ асуудлыг дэвэргээд байх ямар ч шалтгаан байхгүй хэмээжээ.

Өнгөрсөн пүрэв гаригт Италийн Венец хотноо  Европын хөлбөмбөгийн холбооны удирдах зөвлөлийн хурал явагдсан.

Энэ үеэр олон асуудлыг хэлэлцсэн ч Олимпик Лионы Динамог 7 : 1-ээр буулган авсан тоглолтын талаархи асуудал анхаарлын төвд байсан.

Энэ хожлыг авснаар Лион хэсэгтэ Аяксын өмнө орж шөвгийн 16-гийн эрхээ өвөртөлсөн юм.
Тоглолтын эргэн тойронд явуулсан мөрдөн  шалтгалтаар ямар нэгэн сэжигтэй зүйл илрээгүй юм.

“Энэ тэмцээний зохион байгуулалтад би итгэдэг болохоор ямар ч эргэлзээ алга. Тоглогчдын үнэнч шударга занд ч би найдаж байна. Үүнтэй холбоотой энэ жишээ та бүхэнд ярьж өгье. 1982 оны Францын аваргын сүүлийн тойрогт Сент Этьен – Метцтэй тоглох болоод байлаа. Аварга болохын тулд бидэнд заавал 7 гоол хэрэгтэй байсан. Тэгээд 7 : 0-ээр ялалт байгуулсан. Бидний эсрэг талд Монако мөн аваргын төлөө өрсөлдөж байсан ч тэдний талаар огт хайхраагүй. Эцэст нь Монако 1 : 0-ээр хожиж лигийн аварга болж байлаа. Ийм болохоор л хэрвээ чи Лион, Загреб, Реал эсвэл Аяксын тоглогчид, шүүгчдийн бүрэлдэхүүнд эргэлзэж байгаа бол хэлж ярьж байгаагаа сайн бодох хэрэгтэй гэх гэсэн юм. Учир нь хөлбөмбөгт юу ч тохиолдож болно. Тэгээд ч хууль бус үйл ажиллагааны тухай мэдээлэл Европын хөлбөмбөгт хурдан тардаг болохоор санаа зовоод байх юм алга”

Мишель Платини –  УЕФА-гийн ерөнхийлөгч

Удирдах зөвлөлийн хурлаар мөн Евро 2012 тэмцээний зохион байгуулалтын ажлын явцын талаар хэлэлцсэн юм.
Тэмцээнийг зохион байгуулах долоон цэнгэлдэх одоогоор хаалгаа нээгээд байгаа бөгөөд Польшийн үндэсний цэнгэлдэх ирэх хоёр сард нээлтээ хийнэ.
Платини ирэх жилийн Европын аварга гайхалтай болно гэдэгт итгэлтэй байна.

“Зөвхөн Польш Украйны хувьд ч биш. Европын хөлбөмбөгийн холбооны хувьд энэ ажил их том сорилт болж байна. Бүх зүйл мэдээж амар байхгүй нь ойлгомжтой. Ялангуяа Украйны хувьд шийдэх асуудал их байна. Энэ улсад эдийн засаг, улс төрийн хямрал нүүрлээд байгаа болохоор тэдэнтэй цаашид хамтарч ажиллах эсэх дээрээ эргэлзэж л байна. Тэдний шинэ засгийн газар бүхнийг болох талаас нь бүтээх гээд чадлаараа л ажиллаж байгаа. Одоогийн байдлаар ямар ч байсан цэнгэлдэхүүд бэлэн болсон. Харин үлдсэн асуудлууд гэвэл зочид буудал болон байр сууцны хангамж.

Тэмцээний үеэр асар олон жуулчид энэ оронд ирэх учраас хангалттай олон зочид буудал байр хэрэгтэй болно. Энэ бүхнийг зохион байгуулахад УЕФА чадах бүхнээрээ туслах болно.

Мишель Платини –  УЕФА-гийн ерөнхийлөгч

Мэдээж энэ бүхнийг хийхэд тэдэнд хууль ёсны мэдлэг туршлага хэрэгтэй болно. Ямар ч байсан би тэмцээний зохион байгуулалтанд нэг их санаа зовохгүй байгаа. Уур амьсгал бол хамгийн чухал зүйл. Польш Украйны ард түмний найрсаг харилцаа үүнийг шийдэж чадна.

Мишель Платини –  УЕФА-гийн ерөнхийлөгч
УЕФА-гийн Удирдах зөвлөл мөн тэмцээний явагдах журмын талаар хэлэлцэж байгаа.
Хэрвээ тэмцээний үеэр тоглолт цуцлагдах юм бол дараа нь өдөр нь дахин явуулах бус зөвхөн үлдсэн минутыг тоглуулахаар шийдсэн байна. Ингэснээрээ цаг илүү хэмнэнэ хэмээн тэд үзэж байгаа ажээ.

Хуваалцах/Тэмдэглэх

Аваргуудын лигт Базелийн эсрэг хийсэн тоглолтонд тэрээр энэ бэртлийг авсан юм. Юнайтед энэ айлын талбайд хийсэн энэ тоглолтонд 2 : 1-ээр ялагдал хүлээснээр дараагийн шатан д  үлдэх боломжгүй болсон юм.

ITV-д өгсөн ярилцлагадаа Сер Алекс Фергусон Одоогоор түүний бэртэл хэр хүнд вэ гэдэг нь тодорхой бус байна. Эмнэлэгийн шинжилгээний дараа ерөнхий мэдээллийг өгье. Ямар ч байсан гайгүй байгаасай л найдаж байна. Хэмээжээ.

Сери А-гийн хүснэгтийн хамгийн сүүлийн байранд яваа Лечче клуб дасгалжуулагчаа халлаа. Өнгөрсөн 6 сараас тус багийг удирдаж байгаа Эүсебио ди Франческо ажлаа хүлээлгэн өгч Серсе Косми халааг нь авлаа. 13 тойргийн дараах байдлаар Лечче ердөө хоёрхон хожил авч 8 оноотой хүснэгтийн сүүлийг мушгиж байгаа юм.

Өдгөө 53 настай Косми хамгийн сүүлд Палермог дасгалжуулагж байгаад энэ оны эхээр халагдсан юм. Түүний удирдсан Лечче клуб анхны тоглолтоо бямба гаригт Лациогийн эсрэг хийх ажээ.

–

АС Миланы дэд ерөнхийлөгч Адриано Галлиани Карлос Тевесийг багтаа авчирах болсныг албан ёсоор зарлалаа. Хэдийгээр Манчестер Сити энэ наймааг батлаагүй байгаа ч Аргентин довтлогч өвлийн наймааны цонхоор Миланд ирэхээр болсон тухай мэдээллүүд цацагдаж байна.

Галлиани энэ талаар “Тевесийн агент надтай уулзаж үүсээд байгаа нөхцөл байдлын талаар ярилцсан. Түүний хувьд Италид ирэхэд ямар нэгэн асуудал байхгүй гэж байна лээ. Харин одоо Сити зөвшөөрөх юм бол энэ наймаа хэрэгжиж болно” гэжээ.

Гэхдээ Манчестер Ситид тэдний зээлээр авах саналд таалагдахгүй байгаа гэнэ. Хэдийгээр Роберто Манчини Тевесийг дахиж багтаа тоглуулахгүй гэдгээ мэдэгдсэн ч багийн удирдлага Аргентин эрийг амар тавиуд явуулахгүй бололтой.

Харин Галлиани энэ бүхнийг асуудал гэж үзэхгүй байна. Түүн шиг сайн тоглогч талбайд гарахгүй зэвэрч байснаас Миланд ирж шинэ түүхээ бичсэн нь дээр хэмээн тэрээр ярьжээ.

–

Сери А-гийн хүснэгтийг тэргүүлэгч Ювентус клуб довтлогч Мирко Вучиничийг шинэ он гартал алдлаа. Өнгөрсөн ням гаригт Чезенаг 2 : 0-ээр хожсон тоглолтонд Монтенегро довтлогч булчингийн бэртэл авсан юм. Түүнийг ойролцоогоор 20 хоногийн дараа эргэж ирнэ гэж клубын эмч нар мэдэгдэж байна.

Шинэ улирал эхэлснээс хойш Вучинич 12 тоглолтонд оролцож 2 гоол оруулаад байна.

Долоо хоногийн дундуур Ювентус Италийн цомд Болоньятой тоглох бөгөөд улмаар даваа гаригт Роматай чухал тоглолт хийх юм.

Ювентус 29 оноотой лигийн хүснэгтийг тэргүүлж байна.

–

Ивица Олич Байерн Мюнхенийг орхих нь зөвхөн цаг хугацааны асуудал болоод байна.Гагцхүү өвлийн цонхоор уу, зуны наймааны захаар уу гэдэг нь асуудал болоод байгаа юм.

Хорват довтлогч 2009 оны зун хамбургээс Байернд ирж байсан юм. Гэвч өнгөрсөн хугацаанд гарааны тоглогч болж чадсангүй.

Түүний гэрээ ирэх зун дуусах учраас Байернчууд үүнээс өмнө дажгүй үнээр зарахыг илүүд үзэж байгаа бололтой. Шинэ улирал эхэлснээс хойш Олич 7 тоглолтонд 1 гоол оруулаад байна.

Байерн ирэх өвлийн цонхоор Боруссия Мюнхенгладбахын Марко Русс ыг авахаар идэвхитэй хөөцөлдөж байна. Гэхдээ түүний гэрээг цуцлах үнэн нь 17.5 сая евро байгаа нь асуудал болоод байгаа юм.

Хуваалцах/Тэмдэглэх

Хүн дутуу үлдсэн ч Динамо эхний гоолыг оруулж чадсан. 40 дэх минутад  Ковачич гоол оруулж Лионыг хүнд байдалд орууллаа. Гэвч 2-р үе талбайн эздийн хувьд хар дарсан зүүд мэт өнгөрсөн юм.  Бафетимби Гомис дөрвөн гоол оруулж, Гоналон, Лисандро, Бриан нар тус нэг гоол оруулсан юм.

Энэ хооронд Реал Мадрид “Амстердам Арена”-д зочилж 3 : 0-ээр буулган авлаа. Кальехон дубль хийж, Игуйан нэг гоол Кеннет Вермерийн хаалганд оруулсан юм. Аякс гоолын зөрүүгээр Лионы ард орж хэсгээс шалгарч чадсангүй.

D ХЭСЭГ

РЕАЛ (Мадрид, Испани), ЛИОН (Франц), АЯКС (Голланд), ДИНАМО (Загреб, Хорват).

#	Баг	ТТ	Х	Т	Хж	+/-	О
1	РЕАЛ МАДРИД	6	6	0	0	19-2	18
2	ЛИОН	6	2	2	2	9-7	8
3	АЯКС	6	2	2	2	6-6	8
4	ДИНАМО Зг	6	0	0	6	3-22	0

Хуваалцах/Тэмдэглэх

Интер – ЦСКА-гийн тоглолт 86 дахь минут хүртэл 1 : 1-ээр үргэлжилж байлаа. Энэ эгзэгтэй үед Василий Березуцкий багтаа хожлын гоолыг багтаа авчирсан юм. Өмнө нь Думбья, Камбьяссо нар тус бүр нэг гоол оруулаад байсан юм.

Хэдийгээр ялагдсан ч гэсэн Интер 10 оноотой хэсгээ тэргүүлж байна. Харин Трабзонспор азгүй байдлаар 3-р байранд орлоо.

В ХЭСЭГ

ИНТЕР (Милан, Итали), ЦСКА (Москва, ОХУ), ЛИЛЛЬ (Франц), ТРАБЗОНСПОР (Турк).

#	Баг	ТТ	Х	Т	Хж	+/-	О
1	ИНТЕР	6	3	1	2	8-7	10
2	ЦСКА	6	2	2	2	9-8	8
3	ТРАБЗОНСПОР	6	1	4	1	3-5	7
4	ЛИЛЛЬ	6	1	3	2	6-6	6

Хуваалцах/Тэмдэглэх

Сильва 36 дахь минутад тооны харьцааг нээсэн бол Яя Туре 52 дахь минутад багийнхаа хожлыг баталгаажуулсан.Сити энэ улирал эхлээд 19 өөр  багийн хаалгыг гоолоор мялаагаад байна.

Тэд хэдийгээр 10 оноо цуглуулсан ч хэсгээс шалгарахад хангалтгүй байлаа. 2007 онд Вердер мөн ийм байдлаар хэсгээсээ мултарч байсан юм.

Ийнхүү 2003-04 оноос хойш үргэлжилж байгаа Англичуудын Аваргуудын лиг дэх давамгайлал нуран уналаа.Хэдийгээр ялагдсан ч гэсэн Байерн 13 оноотой хэсгийн тэргүүн байраар шалгарч байгаа юм

Наполид хожлыг авахад Гекхан Инлер, Хамшик нар гоол оруулсан. Энэ хожлыг авснаар тэд 11 оноотой болж хэсгийн 2-р байраар шалгарч байна. Мөн 1994 оноос хойш Европын тавцанд айлын талбайд клин-шит хийгээгүй хар цувралаа зогсоолоо.

A ХЭСЭГ

БАВАРИЯ (Мюнхен, Герман), ВИЛЬЯРРЕАЛ (Испани), МАНЧЕСТЕР СИТИ (Англи), НАПОЛИ (Итали).

#	Баг	ТТ	Х	Т	Хж	+/-	О
1	БАВАРИЯ	6	4	1	1	11-6	13
2	НАПОЛИ	6	3	2	1	10-6	11
3	МАНЧЕСТЕР СИТИ	6	3	1	2	9-6	10
4	ВИЛЬЯРРЕАЛ	6	0	0	6	2-14	0

Хуваалцах/Тэмдэглэх

Юнайтед ийнүү түүхэндээ гурав дахь удаагаа Аваргуудын лигийн хэсгээс шалгарч чадсангүй. Тэд өмнө нь 1995, 2006 онуудад ингэж азгүйтэж байсан юм.

Мөн Аваргуудын лигт талбайдаа 6 жил ялагдаагүй байсан амжилт нь үүгээр төгсөж байна. Сонирхолтой нь Сер Алексийн түрүүлж чадаагүй цорын ганц тэмцээн Европын лиг аж.

Бенфика энэ хооронд Оцецулыг Кардосогийн нэг гоолоор буулган авч 12 оноотой хэсгээ тэргүүллээ. Тэдний араас Базель 11 оноотой 2-р байраар шалгарч байна.

С ХЭСЭГ

МАНЧЕСТЕР ЮНАЙТЕД (Англи), БЕНФИКА (Лиссабон, Португал), БАЗЕЛЬ (Швейцарь), ОЦЕЛУЛ (Румын).

#	Баг	ТТ	Х	Т	Хж	+/-	О
1	БЕНФИКА	6	3	3	0	8-4	12
2	БАЗЕЛЬ	6	3	2	1	11-10	11
3	МАНЧЕСТЕР ЮНАЙТЕД	6	2	3	1	11-8	9
4	ОЦЕЛУЛ	6	0	0	6	3-11	0

Хуваалцах/Тэмдэглэх

Челси болон Валенсиа шүгэл дуугарсан цагаас аль аль  довтолсон  үзүүштэй хөлбөмбөгийг эхлүүлсэн. Гэхдээ  Дрогба эхний гуравдахь минутад тоглолтын салхийг хагалж,  ялгаатай болгосон.  Валенсиа тэр даруй  тооны харьцааг тэнцүүлэх боломж олсон боловч  аз дутаж, бөмбөг нь шон онов. Үүний дараа Рамирес тоог 2:0 болгож холдуулсан нь Челсиг  давуу байдалтай болгосон. Цаашид тоглолт нээлттэй явагдсан хэдий ч гоол орсонгүй.  Нэгдүгээр үед Челси  дараагийн шатанд шалгарах том алхам хийсэн. Хоёрдугаар үед “цэнхэрүүд”  тактикийн хувьд  сайн тоглолтыг үзүүлж, Дрогба хоёрдахь гоолоо оруулсанаар ялалтыг бүрэн баталгаажуулав.

Челси 11 оноогоор хэсгээсээ  нэгээр шалгарсан бол Байер Леверкузен  Генктэй  1:1 –ээр тэнцэж хоёрт бичигдлээ. Харин Валенсиа аваргуудын лигээс хасагдсан ч  8 евро-лигд хүч үзэх боллоо.

ЧЕЛСИ – ВАЛЕНСИА – 3:0 (2:0)
Дрогба, 3 (1:0). Рамирес, 22 (2:0). Дрогба, 76 (3:0).
Челси	Валенсия
Петр Чех	Диего Алвес
Бранислав Иванович	Адиль Рами
Эшли Коул	Антонио Барраган
Давид Луис	Хорди Альда (55)
Джон Терри	Виктор Руис
Ориоль Ромеу	Жереми Матье
Рамирес (65)	Давид Альбельда
Рауль Мейрелеш	Софиан Фегули (65)
Хуан Мата (83)	Тино Коста (77)
Дидье Дрогба (78)	Жонас
Даниэль Старридж	Роберто Сольдадо
Сэлгээ
Джон Оби Микел, 65	Ариц Адуриц, 55
Фернандо Торрес, 78	Пабло Эрнандес, 65
Флоран Малуда, 83	Даниэль Парехо, 77
Шар хуудас
Ориоль Ромеу, 68	Тино Коста, 69

ГРУППА Е.

ЧЕЛСИ (Лондон, Англи), ВАЛЕНСИА (Испани), БАЙЕР (Леверкузен, Герман), ГЕНК (Бельги).

N	Баг	Т	Х	Тн	Хг	Гоол	Оноо
1	ЧЕЛСИ	6	3	2	1	13-4	11
2	БАЙЕР	6	3	1	2	8-8	10
3	ВАЛЕНСИА	6	2	2	2	12-7	8
4	ГЕНК	6	0	3	3	2-16	3

Аваргуудын лигийн “G” хэсэгт  багагүй шуугиан  тарьсан Киприйн АПОЭЛ  плей-оффд шалгарах нь тодорхой болсон ба Порту, Зенит сүүлийн тоглолтоор хэн нь  дараагийн эрхийг авхийг энэ тоглолтоор шийдэх ёстой болсон. Порту  Зенитийг заавал хожих даалгавартай байсан.  Гэвч Зенитийн хаалгач Вячеслав Малафеевийн сайн тоглолтын ачаар оросууд хаалгандаа бөмбөг алдсангүй.  Хаалгач сайн тоглосон гэдэг нь баг муу тоглосон гэсэн үг биш юм. Зенитийн тоглогчид Португийн ширүүн дайралтыг өөрийн чадлаараа хамгаалж байсан юм. Харин  алдсаныг нь Малафеев нөхөж байв. Оросын Зенит клуб түүхэндээ анх удаа аваргуудын лигийн шөвгийн 16-д шалгарч үлдэв. Порту 8 оноотой хэсэгтээ гуравдугаар байр эзэлсэнээр европын лигд тоглоно.

Украины Шахтёрийн  сүүлийн тоглолтонд АПОЭЛ –ийг 0:2 харьцаагаар хожсоноор анхны ялалтаа авч 5 оноотой тэмцээнээ дуусгалаа.

ГРУППА G.

ПОРТУ (Португаль), ШАХТЕР (Донецк, Украин), ЗЕНИТ (С.Петербург, ОХУ) – АПОЭЛ (Никосия, Кипр).

N	Баг	Т	Х	Тн	Хг	Гоол	Оноо
1	АПОЭЛ	6	2	3	1	6-6	9
2	ЗЕНИТ	6	2	3	1	7-5	9
3	ПОРТУ	6	2	2	2	7-7	8
4	ШАХТЕР	6	1	2	3	6-8	5

Барселона Беларусийн БАТЭ-г  “ Камп Ноу”-д хүлээн авч 4:0 –ээр хожив. Гэхдээ каталаний супер одууд энэ удаад амарч тэдний оронд Барселонагийн “Б” баг буюу залуучууд  талбайд гарчээ. Тоглолтын эхний үед тооны харьцаа 1:0 –ээр өндөрлөжээ. Серхио Роберто тоглолтын салхийг хагалж, Монтойя (60)  болон Педро (63, 89)  нарын гоолоор хожил баталгаажсан юм.

Харин энэ хэсгийн нөгөө тоглолтын төгсгөл хэсэг сонирхолтой өрнөж дуусав. Миланчууд Пато (47) , Робиньо (48)  нарын гоолоор тоглолтыг хошуучлав. Гэвч  сүүлийн  дөрвөн минутын дотор хоёр гоол алдсанаар хожлоо алджээ.

ВИКТОРИЯ – МИЛАН – 2:2 (0:0)
Пато, 47 (0:1). Робиньо, 48 (0:2). Быстронь, 89 (1:2). Дюриш, 90+3 (2:2).
Виктория	Милан
Марек Чех	Марко Амелиа
Давид Лимберски	Тайе Тайво (90)
Давид Быстронь	Филипп Мексес
Мариан Чишовски	Даниэле Бонера
Вацлав Пиларж (84)	Маттиа Де Шильо
Павел Хорват	Кларенс Зеедорф
Милан Петржела	Антонио Ночерино (40)
Петр Ирачек (28)	Массимо Амброзини
Даниэль Коларж (67)	Урби Эмануэльсон
Франтишек Райторал	Пато
Марек Бакош	Робиньо (81)
Сэлгээ
Владимир Дарида, 28	Тиаго Силва, 40
Михал Дюриш, 67	Кристанте, 81
Якуб Гора, 84	Джанлука Дзамбротта, 90
Шар хуудас
Михал Дюриш, 86	Массимо Амброзини, 11
Марек Бакош, 90+2

ГРУППА Н.

БАРСЕЛОНА (Испани), МИЛАН (Итали), БАТЭ (Борисов, Беларусь), ВИКТОРИЯ (Плзень, Чех).

N	Баг	Т	Х	Тн	Хг	Гоол	Оноо
1	БАРСЕЛОНА	6	5	1	0	20-4	16
2	МИЛАН	6	2	3	1	11-8	9
3	ВИКТОРИЯ	6	1	2	3	4-11	5
4	БАТЭ	6	0	2	4	2-14	2

Хуваалцах/Тэмдэглэх

Аваргуудын лигийн  “F“ хэсгийн сүүлийн тоглолтонд  Борусси Дортмунд   Олимпик Марселийг 4 бөмбөгний  илүүгээр  хожсон тохиолдолд  плей-оффд шалгарах,  эсвэл евро-лигэд үлдэх багахан найдлага  байсан юм. Гэхдээ Дортмунд олон бөмбөгөөр хожихоос  илүү  ядаж 3 оноо авах зорилготой  байв. Гэвч “Сигнал Идуна Паркт” “хар шарууд”   гайхамшигийг бүтээх битгий хэл  харамсалтайгаар хожигдож  тэмцээнийг орхиж  байна.

Дортмундын Блашиковский (23) багтаа тэргүүлэл авчирав.  Марселийн 16-гийн шугамд Мбиа  ,   Себастьян Келийн нүүрэнд өшиглөсөнийг шүүгч торгуулийн цохилт заажээ.  Келийг тэр даруй эмнэлэгт хүргэсэн байна. Маттс Хуммельс (32) торгуулийн цохилтыг амжилттай гүйцэтгэж тоог 2:0 болгов. Гэвч  нэгдүгээр үеийн нэмэлт цагт Марсель анхны боломжоороо анхны гоолоо оруулав.  Реми (45+4) хажуугын дамжуулалтыг мөргөж тооны харьцааг 2:1 болгов. Хоёрдугаар үед  Дортмунд бүх талаараа илүүрхэж байсан боловч зөвхөн хаалганд бөмбөг оруулж чадсангүй. Тоглолтын 85 дахь минут хүртэл нэгэн хэвийн  өрнөсөн  хэмнэлийг Марсельчууд эвдэж ,  Айюа тооны харьцааг тэнцүүлжээ. Энэ гоолыг мөн мөргөж оруулсан нь агаарын тулаанд хүчирхэг  байдаг Дортмундтай огт адилгүй дүр зургууд үзэгдэв.  Үүнээс  ердөө хоёрхон минутын дараа Вальбуэна (87) хожлын гоолыг оруулж Дортмундын мөрөөдлийг үгүй хийв.

“ Бид давуу байсан ч үүнийгээ  ашиглаж чадалгүй  олон бөмбөг хаалгандаа алдсанаар дараагийн шатанд үлдэх боломжгүй болов” гэж Дортмундын дасгалжуулагч  Юргэн Клоп хэлжээ.

Энэ хэсгийн нөгөө тоглолтонд Олимпиакус  Арсеналийг 3:1 -ээр буулган авсанаар Европын лигт тоглох эрхтэй боллоо.

БОРУССИЯ Д – МАРСЕЛЬ – 2:3 (2:1)
Блащиковски, 23 (1:0). Хуммельс, 32-с пенальти (2:0). Реми, 45+4 (2:1). А.Айю, 85 (2:2). Вальбуэна, 87 (2:3).
Боруссия Д	Марсель
Роман Вайденфеллер	Стив Манданда
Матс Хуммельс	Сесар Асиликуэта
Крис Леве	Николя Нкулу
Лукаш Пищек	Джими Траоре
Фелипе Сантана	Сулейман Диавара
Себастьян Кель (32)	Алу Диарра
Марио Гөтце (46)	Лучо Гонсалес (67)
Якуб Блащиковски	Стефан Мбиа (46)
Илкай Гюндоган	Морган Амальфитано
Роберт Левандовски	Лоик Реми (73)
Лукас Барриос (63)	Андре Айю
Сэлгээ
Антонио Да Силва, 32	Бенуа Шейру, 46
Иван Перишич, 46	Джордан Айю, 67
Синдзи Кагава, 63	Матье Вальбуэна, 73
Шар хуудас
Фелипе Сантана, 68	Стефан Мбиа, 29
	Морган Амальфитано, 44
	Андре Айю, 73
	Алу Диарра, 75
	Матье Вальбуэна, 82

ГРУППА F.

АРСЕНАЛ (Лондон, Англи), МАРСЕЛЬ (Франц), ОЛИМПИАКОС (Пирей, Грек), БОРУССИЯ (Дортмунд, Герман).

N	Баг	Т	Х	Тн	Хг	Гоол	Оноо
1	АРСЕНАЛ	6	3	2	1	7-6	11
2	МАРСЕЛЬ	6	3	1	2	7-4	10
3	ОЛИМПИАКОС	6	3	0	3	8-6	9
4	БОРУССИ Д	6	1	1	4	6-12	4

Хуваалцах/Тэмдэглэх