Ф.Торрес багтаа үлдэх эсэх нь одоог хүртэл тодорхойгүй байгаа талаар Ливерпүүл клубын шинэ дасгалжуулагч Р.Хожсоны өгсөн саяханы ярилцлага, мөн хэдий батлагдаагүй ч Челси клуб Ф.Торресын төлөө 50 сая фунт гаргана гэсэн мэдээлэлүүд нь Сити-нхэнийг ийм хүчтэй санал бэлдэхэд хүргэсэн байж болох юм. Ямартай ч 60 сая фунтын санал гэдэг нь хэрвээ уг арилжаа хийгдвэл ПЛ-н дээд амжилт болохуйц юм.

Манчестер Сити клубын мэнэжэр Р.Манчини: Торрес ПЛ-д ирээд 3 жил болж байна. Лигтээ дасан зохицон тоглож байгаа, тэр бол шилдэг довтлогчдын нэг. Гэхдээ түүний багаасаа явах эсэх нь багт тавиж буй үнийн санал, мөн түүний өөрийнх нь хүсэл сонирхолоос шалтгаална гэсэн байна.

Мөн тэрээр: Бид Астон Вилла-н Ж.Милнерийг авахаар бас сонирхож байгаа ч үнийн хувьд багууд тохиролцоонд хүрч чадаагүй байгаа. Сити клуб сонирхож байна гэхээр л багууд тоглогчийнхоо үнийг бараг 2 дахин нэмээд байгаа нь бидэнд их хүндрэл учруулж байна гэж дурдсан байна

Хуваалцах/Тэмдэглэх

Хуваалцах/Тэмдэглэх

Хуваалцах/Тэмдэглэх

Хуваалцах/Тэмдэглэх

1.Олон олон рекорд амжилт дагуулсан Челсигийн түрүү

Гуус Хиддинкийн залгамжлагчаар Анчелнотти нэрлэгдсэний дараа  Челсигийн амжилтанд  эргэлзэх хүмүүс нилээд  их байлаа. Учир нь ямар ч итали дасгалжуулагч өмнө нь премьер лигт түрүүлсэн удаагүй. Челсиг өмнө нь Виали, Раниери гэсэн 2 итали эрхэм удирдаж байсан ч ямар ч лигийн
цомгүй нутгийн зүг буцаж байсан билээ.

Гэвч Карло энэ бүхнийг өөрчлөхөөр эрс шийдсэн байлаа. Түүний анхны цом тийм ч удаан хүлээлгээгүй бөгөөд Манчестер Юнайтедийг супер цомд торгуулийн цохилтоор буулган авч гайхалтай эхлэлийг тавьсан. Ингэж тэр 1998 оноос хойш торгуулийн цохилтоор авсан клубын анхны цомыг бэлэглэсэн юм. Гэтэл энэ сайхан улиралын эхлэлийг солилцоо наймааны будилаантай асуудал үймүүлж орхих нь тэр. 2007 онд Францын Лен клубээс Гаель Какута хэмээх хүүг хууль бусаар багтаа авчирсан нь илэрсэн тул ФИФА-гийн зөвлөлөөс Челсиг ирэх 2 солилцоо наймааны цонхоор тоглогч худалдан авах эрхийг нь хязгаарласан юм. Гэхдээ Роман Абрамович хэмээх хүчтэй эзэнтэй багт энэ асуудал тийм ч удаан саад болж чадсангүй. Удаа дараа Спортын арбитрийн шүүхээр заргалдсаны эцэст Лондоны баг дээрхи шийтгэлээс чөлөөлөгдөж нэрээ цэвэрлэж чадсан юм.

10 сард Челси ”Топ 4”-ийн анхны тулаанаа Стенфордын гүүрэндээ Ливерпультэй хийлээ. Дидье Дрогба энэ тулаанд гайхалтай тоглож 2 : 0-ээ ялахад гол үүргийг гүйцэтгэсэн. Тэрээр Анелка, Малудагийн гоолыг эхлэлийг тавьжээ. Энэ бол Лондоны багийн гайхалтай амжилтын дөнгөж эхлэл байсан юм. Үүнээс хойш Цэнхэрүүд топ 4-т багтдаг бусад багуудтайгаа хийсэн тулаанд 100 хувийн амжилт үзүүлсэн юм. Тухалбайл 11 сарын 8-нд МанЮ-г Жон Терригийн гоолоор буулгаж авсан бол 29-нд нь Арсеналыг Эмирэйтс цэнгэлдэхэд нь 3 : 0-ээр бутниргэжээ. Дидье Дрогба 2 гоол оруулж Вермаелений авто-гоол Челсид төгс ялалтыг бэлэглэсэн аж.

Он гарсны дааа Челсигийн зарим гол тоглогчид Африкийн цомд оролцохоор хар тивийг зорилоо. Жилийн жилд Африк тоглогчидтой багт ”лай” болдог энэ тэмцээн Челсид нэг их хүндрэл учруулсангүй.

Гол тоглогчдоо эзгүйд ч Челсичүүд ялалтын цувралаа үргэлжлүүлсээр байв. Жон Терригийн гэр бүлийн хувийн асуудлыг эс тооцвол багт ямар ч асуудал байсангүй. 5 : 0, 7 : 2 гэхмэтчилэн өрсөлдөгчдөө бутниргэсээр байсан юм. 2 сарын эхэнд Арсеналыг талбайдаа 2 : 0-ээр ялж ”топ 4”-ийн 100 хувийн амжилтаа үргэлжлүүлсээр байв.

Харин тэмцээн өндөрлөж Африкчуудыг эргэж ирсний дараа жинхэнэ хямрал эхлэх нь тэр.

2 сарын 27-нд талбайдаа Манчесте ситид ялагдаж Стенфордод анхны ялагдлаа амслаа. Залгуулаад Аваргуудын лигийн шөвгийн 16-аас хасагдаж томоохон шуугиан дэгдээв. Челсигийн бүх цаг үеийн агуу дасгалжуулагч Жозе ”Би Стенфордод хэзээ ч ялагддаггүй” хэмээх үгэндээ хүрсэн юм. Ийнхүү тэд сүүлийн 4 жил дараалан Аваргуудын лигийн шөвгийн 4-т шалгарсан амжилтаа таслууллаа.

Гэхдээ энэ хямралын байдлаас Челси хурдан гарч аваргын төлөөх тэмцлээ үргэлжлүүлж эхэлсэн. Эсрэг талд нь топ формтой Уэйн Рүүни жинхэнэ ”галзуурч” байсан ч Челси 7-1-ээр Астон Виллаг бутниргэх зэргээр  мөчөөгөө өгөхгүй гэдгээ харуулсаар байв. Ингээд улиралын хамгийн онцлох мөч ирлээ. 4 сарын 3-нд Олд Траффордод МанЮ-гийн эсрэг хийсэн тоглолт хэн нь премьер лигт түрүүлэх эсэхийг шийдэх байв. МанЮ-гийн гол довтлогч Уэйн Рүүни аваргуудын лигийн тоглолтын үеэр бэртэл авсан тул энэ тулаанд оролцоогүй.

Шүүгчийн буруу шийдвэрээс болж 2 багийнхан хоёулаа багагүй нервтэсэн гэдгийг дурьдах нь зүйтэй. Ингээд Жое Коул, Дрогбагийн гоолуудын ачаар Челси 2 : 1-ээр ялж премьер лигт түрүүлэх замаа зассан юм. Үүний дараа Тоттенхэмд 2 : 1-ээр ялагдаж энэ давуу байдлаа алдаж болох байсан ч аз болж МанЮ Блекбернтэй оноо хувааж оноо нөхөж чадсангүй. Улмаар 37-р тойрогт Ливерпулийг 2 : 0-ээр буулган авснаар ”топ 4”-ийн тулаанд 100 хувь ялалт байгуулсан амжилтын эзэн болсон юм. Гэхдээ энэ бол тэдний рекорд амжилтын дөнгөж эхлэл байлаа. Сүүлийн тойрогт Уйганыг
8 : 0-ээр бутниргэж премьер лигийн хамгийн том ялалтыг байгуулсан. Улиралыг 103  гоол оруулсан амжилтаар дуусгаж премьер лигийн шинэ амжилтыг тогтоосноос гадна английн хөлбөмбөгийн түүхэнд нэг улиралд 4 багийг 7 гоолоор ялсан анхны баг болсон байгаа. Мөн гоолын зөрүүү +71  гэсэн үзүүлэлт нь лигийн түүхэнд хамгийн өндөр үзүүлэлт болжээ. Эцэст нь Дроба 29  гоолтойгоор премьер лигийн мэргэн бууч болж

Челси 86 оноотой Английн премьер лигийн аваргаар 3 дахь удаагаа тодорсон юм. Мөн Карло Анчелотти английн лигт түрүүлсэн анхны итали дасгалжуулагч болжээ.

2. Улаануудын “уналт”

2009 оны улиралд Улаанууд олны анхаарлын гол төвд байсан. Тэд сүүлийн тойрог хүртэл МанЮ-тай аваргын төлөө тэмцэж, нийт 8 удаа come-back буюу ялагдаж яваад ялалт байгуулжээ. Харамсалтай нь тэд улиралын төгсгөлд удаан хүсэн хүлээсэн премьер лигийн цомоо МанЮ-д алдаж дахин нэг улирал хүлээх хэрэгтэй болсон. Гэтэл өнгөрч байгаа улиралд Ливепульчууд бас л олны анхаарлын төвд байж чадсан. 2009 оноос ялгаатай нь тэд эсрэг дүрээр олны анхаарлыг татжээ.

Зуны наймааны цонхоор сүүлийн хэдэн жилийн амжилтын гол түлхүүр болсон Хави Алонсогоо зарж, оронд нь Алберто Аквилани хэмээх ”шилэн хөлт”-ийг авчирсан. Гэтэн өнөөх 22 саяар ирсэн өнөөх залуу нь бүтэн улиралд 11 тоглолтонд оролцсон гэж байгаа. Энэ ч яахав. Премье лигийн эхний тойрогт Тоттенхэмд ялагдсан нь тэднийг ирээдүйд хүлээж буй ”сүйрлийн” цондон болсон. Премьер лигийн хямралын хажуугаар Европын тавцанд ч азүйтэл үргэлжилж байв. Аваргуудын лигт Италийн Фиорентинад 2 удаа ”дөнгүүлж” хэсэгтээ 3-р байр эзлэн Европын лиг рүү унасан. Нэр хүнд чансаа доогуур баг ордог энэ тэмцээнд ”будаа болгоно” гэж байсан ч бас л бараагүй.

Хагас шигшээд түрүүлэх хувьтай Атлетико Мадридад нэмэлт цагт гоол алдан ялагдал хүлээсэн. Өмнөх улиралд нь аваргын төлөө тэмцэж байсан бол энэ удаа тэд 4-р байраа алдахгүйн төлөө Тоттенхэм, Астон Вилла, Манчестер сити багуудтай өрсөлдөж байв. Жэйми Карраге нэгэнтээ багийнхаа энэ амжилтын талаар ”Бид улиралын эхэнд хэтэрхий их зүйлийг хүсэж байсан болохоор энэ хямрал их хүндээр тусаж байна. Лигийн аварга болно гэсэн сэтгэлзүйтэй байсан залуус дөнгөж 4-р байрын төлөө тэмцэж байгаа болохоор ямар ч тэмцэх чанаргүй болчихоод байна” хэмээсэн байна.

Үнэхээр ч сүүлийн тойргуудад Ливерпульчууд ямар ч урамгүй тоглож үүнийхээ ”’ачаар” 7-р байранд орсон амжилтаар улиралыг дуусгасан. Энэ нь тэдний сүүлийн 11 жил үзүүлсэн хамгийн тааруухан амжилт болсон юм. Улиралын турш суудалдаа үлдэх эсэх нь тодорхойгүй байсан Рафа Бенитез эцсийн эцэст багтаа үлдэхээр болсон ч түүнийг явуулах хүсэлтэй Копууд чамгүй их байна.

Хэрвээ Рафа явахаар болбол түүнтэй хамг багийг орхино гэсэн тоглогчид ч цөөнгүй байна. Юу болохыг харж л байядаа.

3. Тоттенхэм Аваргуудын лигт шалгарлаа

Премьер лигийн топ 4 баг гэж МанЮ, Челси, Арсенал, Ливерпулийг нэрлэдэг байсан цаг ард хоцорчээ. Энэ улиралд маш олон баг 4-р байрын төлөө ширүүн тэмцэл өрнүүлсэн. Эцэст нь энэ байранд орохын тулд асар их хөрөнгө хаясан Ман сити ч бус, авьяаслаг залуусаар хүч нэмсэн Астон Вилла ч бус харин Харри Реднапаар удирдуулсан Лондоны Спөрз энэ эрхийг авч чадлаа.

Ийнхүү тэд түүхэндээ анх удаа аваргуудын лигт шалгарч байгаа бөгөөд 1961-62 оны улиралаас хойш анх удаа европын топ тэмцээнд шалгарч байгаа нь энэ юм.

Улиралын төгсгөлд Тот Челси, Арсеналыг дараалан буулган авсан нь тэднийг ийнхүү топ 4-т шалгарахад голлох үүргийг гүйцэтгэжээ. Жермайн Дефое гоолын тоогоор багаа тэргүүлж нийт 24 гоол оруулсан амжилт үзүүлжээ. Түүний араас Петер Крауч 13, Павлюченко 10 гоолтой удаалжээ. Харин хаалгач Гомеш нийт 42 тоглолтонд оролцсон амжилтаа багаа тэргүүлсэн байх юм.

4. Портсмутын санхүүгийн хямрал

2009 оны 5 сард Арабын тэрбумтан Сулиман Аль Фахим Портсмутыг худалдан авахаар болсон. Арабын хамгийн нөлөөтэй бизнесменүүдийн нэгт худалдагдсан  болохоор санхүүгийн тал дээр Портсмутыг санаа зовох зүйлгүй боллоо гэж мэргэжилтнүүд дүгнэж байв.

Гэтэл өнөөх баяр эр нь Ман ситигийн араб эздийг бодвол тун харамч нөхөр таарсан тул 10 сар гэхэд л Помпэй тоглогчдынхоо цалинг тавьж чадахгүй хүнд байдалд орсон. Улмаар Али Аль Фарах хэмээх бас нэгэн Арабын тэрбумтан клубын хувьцааны 90 хувийг худалдан авсан байна. Аль Фарах ирсэн даруйдаа Аврам Грантыг клубын спорт эрхэлсэн захиралаар томилсон. Гэсэн ч тэдний санхүүгийн асуудал шийдэгдсэнгүй.

2009 онд 12 сард Помпэй 2 дахь сардаа дараалан тоглогчдынхоо цалинг тавьж чадаагүй учраас гэрээнд тусгагдсан нөхцлийн дагуу тоглогчид багаа орхиж явах эрхтэй болсон. Нөхцөл байдал даамжирсаар он гараад 2 сард Непалын бизнесмен Балрам Чайнрай клубын ээлжит эзнээр нэрлэгдлээ. Шинэ эзэн дамппуурлын ирмэгт тулсан багтаа 20 сая фунтын л хөрөнгө оруулалт хийсэн бөгөөд үүнээс илүүг гаргахгүй хэмээн гүрийх нь тэр.

Энэ мэтчилэн баг нь санхүүгийн хүнд байдалд байсан тоглогчид шүд зуун тоглосоор ФА цомын финалд шалгарч чадсан. Гэвч тэд топ формондоо байсан Челсиг үнэхээр барж чадсангүй. Хүснэгтийн доод хэсэгт бичигдэж байсан ФА цомын финалд шалгарсан учраас тэдэнд Европын тэмцээний эрх авах найдвар байлаа.

Гэвч санхүүгийн асуудалд орсон багт УЕФА-гийн тэмцээнд лиценз өгдөггүй учраас хичнээн маргалдаад тэд энэ эрхийг авч чадаагүй. Дараагийн улиралаас Помпэй Чампионшип буюу доод лигт хүч сорих бөгөөд бүрэлдэхүүнээ хадгалж эргэн топ лигтээ ирэх зорилго тавьж байгаа аж.

5. Фулхэмийн ”Үнсгэлжингийн түүх”

Хэдийгээр премьер лигттэй холбоогүй ч Английн багийн амжилт учраас энд багтаах нь зүйтэй болов уу, Английн хамгийн олон жилийн настай ч хамгийн даруухан багуудын нэг Фулхэм энэ улиралд түүхээ шинээр бүтээсэн. Рой Хожсоны удирдлаган дор Цагаанууд Европын лигт мөрөөдлийн улиралаа өнгөрүүлсэн билээ.

Хасагдах шатанд тэд Ювентус, Вольсбург, Гамбург гэсэн фаворит багуудыг ээлж дараалан мулталж финалд шалгарч чадсан. Харамсалтай нь аваргын төлөөх тоглолтонд Атлетико Мадридад ялагдал хүлээж түүхэн дэх анхны европын цомоо хүртэх боломжоо алдсан. Гэхдээ тэднийг Лондонд эргэн ирэхэд баатрын дүрээр угтан авсан нь ойлгомжтой.

Премьер лигт Фулхэм уламжлал ёсоор нэг их амжилттай ч биш, амжилтгүй ч биш алтан дундажаа л барьсан. Гэхдээ энэ улиралыг Фулхэмийн фенүүд хэзээ ч мартахгүй бизээ.

Товчхондоо гэхэд 2010 оны улирал Английн хөлбөмбөгт Лондоны багуудын сэргэн мандалтыг авчирлаа. Челси түрүүлж, Тоттенхэм 4-р байр эзэлсэн. Мөн Фулхэм түүхэн амжилтаа үзүүллээ. Бас Вест Хэм доош уналгүй үлдсэнийг амжилт гэлтэй.

Хуваалцах/Тэмдэглэх

Роберто Манчини өнгөрсөн шөнийн тоглолтын дараа ”Тевес ирэх улиралд ч энд тоглоно. Түүний шинэ гэрээний асуудал яригдаж байгаа. Удахгүй хоёр тал тохиролцоод хүрч гарын үсэг зурах болно” хэмээжээ.

Мөн тэрээр Аваргуудын лигийн эрхээ алдсан ч энэ нь Тевесд ямар нэгэн нөлөө үзүүлэхгүй гэжээ. Саяхан Манчини Тевкаг энд сэтгэл хангалуун бус байгаа бол явж болно гэж хатуурхаж байсан. Тэгвэл одоо мань эрийг үлдээхээр бодлоо эргүүлсэн бололтой. Тевез энэ улиралд нийт тэмцээнд 40 тоглолт хийж 29 гоол оруулаад байгаа юм.

Хуваалцах/Тэмдэглэх

Хожлын үнэ цэнэтэй гоолыг Петер Крауч Лондоны багт авчирсан юм. Манчестер ситигийн тоглогчид хэрвээ энэ тулаанд ялах юм бол хүн бүр 70000 фунтын шагнал  авах байлаа. Гэвч мөнгө бүхнийг шийдэж чадахгүй гэдгийг харуулж Тоттенхэмчүүд тэднийг талбайд нь буулган авсан байна.

Ситигийн гол найдвар Барри бэртлээсээ эргэн ирж Виерагийн оронд гарсан бол Тоттенхэмээс Леннон, Краучыг гараанд багтааж Бентлэй, Павлюченког сэлгээнд суулгасан байв. Хоёр багийн хувьд аль аль нь өмнө нь аваргуудын лигт шалгарч байгаагүй учраас ганц олдох энэ эрхийн төлөө эхнээсээ л довтолсон ширүүн тулааныг өрнүүлж эхэлсэн. Эхний аюултай довтолгоонуудыг Сити хийж Барри болон Тевезийн хурдтай довтолгоог  Ассу-Экотто эцсийн мөчид хааж багтаа тус болж байв.

Үүний дараа хариуг нь барихаар Спөрз дайрч эхэллээ. Уэйн Брижийн чөлөөт цохилт хаалганас үйл ялиг зөрж, Ледли КИнгийн мөргөж оруулсан гоолыг шүүгч алдаатай хэмээн тооцсонгүй. Улиралын эхэнд Тот Ман ситиг 3 : 0-ээр бутниргэж байсан. Тийм ч учраас энэ тулаанд ялна гэдэгтээ итгэлтэй байсан нь дамжиггүй.

Гэвч талбай дээр тоглолт огт өөр дүр зургаар өрнөж Ситигийн ээлж дараалан аюултай довтолгоонууд Гомешийн хаалга чиглэж байв. Хоёрдугаар хагас эхлээд ч байдал хэвээрээ Ситичүүд бөмбөгийг илүү эзэмшиж довтолсоор байлаа. 56 дахь минутад бэртэл авсан Барриг сэлгээнд суулгаж Виера талбайд орж ирлээ. Дараа нь Манчини довтолгоогоо улам нэмж Райт-Филлипсийг Жонсоноор сэлгэсэн юм.

Харин Реднапп Бентлиг оруулж ирэн  Ленноныг суулгаж ерөнхийдөө багийнхаа тоглолтыг барихийг хичээсэн. Ман сити хичнээ довтолсон ч нэг лүр дүнд хүрэхгүй байв. Хөлбөмбөгт өөрсдөө хийж чадахгүй бол зөрүүлээд алдах тохиолдол маш олон байдаг.

Энэ хууль ёсоор 82  дахь минутад Кабулын жигүүрээс өгсөн дамжуулалт Брижийн толгойноос ойж Крауч дээр ирлээ. Робо-Крауч энэ сайхан боломжыг ядах юмгүй ашиглан Ситигийн хаалганд хожлын гоолыг оруулж дөнгөсөн байна.
Ийнхүү Харри Реднап хүснэгтийн сүүлийн хэсэгт хомоо хамж байсан багийг аваргуудын лигт шалгаруулж гайхалтай амжилтыг үзүүллээ. Тэд түүхэндээ аваргуудынн лигт анх удаагаа шалгарч байгаа нь энэ юм. Гэхдээ улирал дуусаагүй байгаа.

Хэрвээ сүүлийн тойрогт тэднийг аз ивээвэл 3-р байранд ч орох найдвар байна. Харин Ситигийн хувьд тэр олон сая фунтээ Европын лигт түрүүлэхийн тулд л зарцуулахаар өөр аргагүй боллоо.

Манчестер. 47,370 үзэгч.
МАНЧЕСТЕР СИТИ – ТОТТЕНХЭМ – 0:1 (0:0).
Гоол : Крауч, 82 (0:1
Шар хуудас : Кабуль, 30, Хаддлстоун, 59, Ассу-Экотто, 66 (Тоттенхэм).
Манчестер Сити: Фалоп, Сабалета, Туре, Компани, Бридж, А.Джонсон (Райт-Филлипс, 72), Де Йонг, Бэрри (Виейра, 56), Беллами (Санта Крус, 84), Тевес, Адебайор. Тоттенхэм: Гомес, Кабуль, Доусон, Кинг, Ассу-Экотто, Леннон (Бентли, 71), Хаддлстоун, Модрич (Паласиос, 89), Бэйл, Крауч, Дефо (Павлюченко, 81).

Лондон. 20,831 үзэгч .
ФУЛХЭМ – СТОК СИТИ – 0:1 (0:0).
Гоол : Этерингтон, 83 (0:1).
Шар хуудас : Хьюз, 90 (Фулхэм), Хут, 44, Шоукросс, 54, Фуллер, 90 (Сток Сити).
Фулхэм: Шварцер, Пэнцил (Окака Чука, 86), Хьюз, Хангеланд, Кончески, Дафф (Невланд, 46), Этуху, Мерфи, Дэйвис, Гера, Демпси. Сток Сити: Бегович, Уилкинсон, Шоукросс, Хут, Хиггинботам, Делап, Велан, Уайтхед, Этерингтон (Диао, 88), Фуллер (Лоуренс, 90), Сидибе (Тунджай, 72).



Хуваалцах/Тэмдэглэх

Харин одоо арай өөр зүйл ярьж байна. Өнөө шөнө Манчестер Сити – Тоттенхэм багууд ПЛ-ийн маш чухал тоглолт хийх бөгөөд Сити хожиж чадвал 4-р байранд дэвшиж чадах юм. Өөрөөр хэлбэл өнөө шөнө 4-р байрны төлөөх, Аваргуудын лигийн эрхийн төлөөх тоглолт болно.

“Сити – Тоттенхэмийн тоглолт бол 3 онооноос хамаагүй чухал. Хэрэв Сити хожиж чадвал тэд супер клуб болох замналаа эхлүүлж чадна. ”

“Би өмнө нь хэлж байсан, чи түүхийг худалдаж авч чадахгүй гэж. Харин Сити хожвол Аваргуудын лигийн эрхтэй болно, ингэснээрээ өөрийн түүхээ бичиж эхэлнэ. Тэдэнд нөөц байгаа тул тэд маш хурдан супер баг болж чадна”

“Дэлхийн аваргатай жил тоглогчдын үнэ ханш нэмэгддэг. ДАШТ-д сайн тоглосон тоглогчид хамгийн их үнэ амалж чадах цөөн багийн нэг нь яах аргагүй Сити мөн. Хэрэв тэд өнөө шөнө Тоттенхэмийг хожиж, Аваргуудын лигийн эрхтэй болж чадвал ирэх зун зарим дэлхийн шилдэг тоглогчид Ситид очно гэж бодож байна” гэж Кака хэлжээ.

Хуваалцах/Тэмдэглэх

Мөн Ди Мариагийн багийн анд Давид Луйз хэмээх төвийн хамгаалагчийн
төлөө 35 сая фунт нийтдээ 75 саяар арилжаа наймааны захыг доргиох нь. Мэдээж хэрэг энэ шилжилтүүд ДАШТ-ий дараа хийгдэнэ.

Эдгээр тоглогчдоос гадна ”баян” сити Ливерпулийн Торрес, Жеррард нартай нэр холбогдоод байгаа юм.
Ситигийн араб эздийн ийнхүү өгөөмөр загнах болсон шалтгаан нь мэдээж баг нь аваргуудын лигийн эрх авахад ойрхон байгаатай холбоотой. Хэрвээ Сити авргуудын лигт орж чадвал зуны наймааны зах дээрээс 200 сая фунтэд тоглогч авах эрхийг Манчинид өгөхөд бэлэн байгаа гэнэ.

Хөлбөмбөгийн мэргэжилтнүүд энэ явлдыг хараад ”тэдэнд мөнгө  байна, бид одоо тэгээд юу хийж чадах билээ дээ”  хэмээн шогширч байгаа аж. 22 настай Ди Мариаг ийнхүү өндрөөр үнэлэх болсон шалтгаан нь мэдээж Европын лигтэй холбоотой. Бенфика Английн Эвертоныг хэсэгтээ 5-0 , 2 : 0 гэсэн харьцаагаар ялж томоохон шуугиан дэгдээсэн юм.

Мөн түүний багийн анд Давид Луйз ч багаа шөвгийн найм хүртэл тэмцэхэд чухал үүрэг гүйцэтгэсэн билээ. Харамсалтай нь Бенфика шөвгийн наймд Ливерпульд ялагдаж тэмцээнээ өндөрлүүлсэн юм.

Хуваалцах/Тэмдэглэх

Өнгөрсөн сарын шилдэг менежерээр нэрлэгдсэн Мартин О’Нэйл багийнхаа бүрэлдэхүүнд нэг их өөрчлөлт оруулалгүй сүүлийн үед гаргаж байгаа 11-ээ Ситигийн эсрэг илгээжээ. Энэ бүрэлдэхүүнээрээ Вилла сүүлийн 16  тоглолтоос ганц л ялагдал хүлээсэн юм.  ( Челсид 7 : 1-дүүлсэн). 16 дахь минутад Жон  Карьюгийн баруун жигүүрээс өрнүүлсэн довтолгоог Фулоп алдаж Сити дэх карьераа тааруухан эхлүүллээ.

Гэхдээ түүний алдааг багийнх нь андууд тун удалгүй цайруулж чаджээ. Эхний үеийн төгсгөл хавьцаа Уорнок  Жонсоныг алдаа гаргаж унагааж Ситид торгуулийн цохилт бэлэглэлээ. Тевезийн пеналтийг Фридель хаах дөхсөн ч Аргентин эр маш хүчтэй цохисон тул яаж чадалгүй алдлаа. Завсарлагааны дараа эхний гоолын эзэн Карью дахин нэг удаа Фулопыг сандаргасан ч түүний цохилт хаалганы шон онож азтгүйтсэн байна.

Үүнийх нь хариу болгож  2 минутын дараа Виера, Жонсоны довтолгооны хувилбарыг Адебайор гоолдсон. Энэ гоолоос хойш Сити бөмбөгийг илүүтэй эзэмшиж, итгэлтэй тоглолтыг үзүүлж эхэллээ. 89  дэх минутад олон сайхан боломж алдсанаа цайруулж Беллами гоолдлоо. Түүний гоолын эхлэлийг тавьсан Райт-Филлипст баяр хүргэх нь зүйтэй.
Ингээд Ман сити өөрсдөөсөө шалтгаалах бүхнээ хийк Тоттенхэмийн тоглолтонд найдах л үлдлээ. Гэвч Лондоны баг  Хаддлстоуны ганц гоолоор Болтоныг буулган авсан тул хүснэгтэд өөрчлөлт орсонгүй.
Гэхдээ Ман ситигийн ялалт нэг багт сайнаар тусаж байгаа. Энэ нь Ливерпуль. Хэрвээ хотон шувуунууд өнөөдөр Челсиг ялвал өөрсдөө Виллагийн өмнө орхоос гадна Челсигийн түрүүлх боломжыг багасгах юм.

Өнөөдөр явагдах тоглолтууд :

23.00 САНДЕРЛЕНД – МАНЧЕСТЕР ЮНАЙТЕД
22.00  ФУЛХЭМ – ВЕСТ ХЭМ
20.30  ЛИВЕРПУЛЬ – ЧЕЛСИ

Маргааш

00.00 . БЛЭКБЕРН – АРСЕНАЛ
20.30  УИГАН – ХАЛЛ СИТИ

Лондон. 35,852 үзэгч .
ТОТТЕНХЭМ – БОЛТОН – 1:0 (1:0).
Гоол : Хаддлстоун, 38 (1:0).
Шар хуудас : Робинсон, 37, Тэйлор, 57, Уилшер, 90 (Болтон).
Тоттенхэм: Гомес, Кабуль, Доусон, Кинг, Ассу-Экотто, Бентли (Леннон, 74), Хаддлстоун, Модрич, Бэйл, Павлюченко (Гудйонсен, 87), Дефо (Крауч, 72). Болтон: Яаскелайнен, Стеинссон, Кэхилл, Найт, Робинсон, Вайсс (Ли, 61), Муамба (Гарднер, 78), Уилшер, Тэйлор, К.Дэйвис, Класнич (Эльмандер, 61).

Манчестер. 47,102 үзэгч .
МАНЧЕСТЕР СИТИ – АСТОН ВИЛЛА – 3:1 (2:1).
Гоол : Карью, 16 (0:1). Тевес, 41-с пенальти (1:1). Адебайор, 43 (2:1). Беллами, 89 (3:1).
Шар хуудас : Компани, 24 (Манчестер Сити), Петров, 45, Коллинз, 90 (Астон Вилла).
Манчестер Сити: Фалоп, Сабалета, Туре, Компани, Бридж, А.Джонсон (Райт-Филлипс, 78), Де Йонг, Виейра, Беллами, Тевес (Ричардс, 88), Адебайор. Астон Вилла: Фридель, Куэльяр, Коллинз, Данн, Уорнок (Хески, 74), Даунинг, Петров, Милнер, Э.Янг, Карью (Дельфунесо, 74), Агбонлахор.

Сток. 27,579 үзэгч .
СТОК СИТИ – ЭВЕРТОН – 0:0.
Сток Сити: Бегович, Уилкинсон, Хут, Шоукросс, Хиггинботам, Делап (Пью, 88), Велан, Уайтхед (Лоуренс, 89), Этерингтон, Сидибе (Тунжай, 88), Фуллер. Эвертон: Ховард, Йобо, Джагиелка, Дистен, Бэйнс, Аничебе (Билялетдинов, 90), Невилл, Артета, Осман (Родуэлл, 72), Кэхилл, Саа (Айегбени, 72).

Портсмут. 19,213 үзэгч .
ПОРТСМУТ – ВУЛВЕРХЭМПТОН – 3:1 (2:1).
Гоол : Аруна, 20 (1:0). Дойл, 35 (1:1). Утака, 39 (2:1). Браун, 67 (3:1).
Шар хуудас : Берра, 50 (Вулверхэмптон).
Портсмут: Джеймс, Ванден Борре, Мокена (Уорд, 46), Финнан, Сова, Аруна (Смит, 46), Браун, Хьюз (Буба Диоп, 59), Боатенг, Утака, Пикьонн. Вулверхэмптон: Ханеманн, Зубар, Берра, Крэддок, Элокоби, Фоли (Гуэдиура, 78), Генри, Мансьенн (Эбанкс-Блэйк, 56), Джонс, Муджанги (Ивелумо, 46), Дойл.

Бирмингем. 24,578 үзэгч .
БИРМИНГЕМ – БЕРНЛИ – 2:1 (2:0).
Гоол : Йенсен, 29-автогол (1:0). Бенитес, 41 (2:0). Томпсон, 87 (2:1).
Шар хуудас : Парнаби, 56, Виньяль, 66 (Бирмингем), Фокс, 50 (Бернли).
Бирмингем: Харт, Парнаби (Фэхи, 79), Джонсон, Риджуэлл, Виньяль, Ларссон, Фергюсон, Боуйер, Макфадден (Мичел, 67), Бенитес, Джером (Карсли, 90). Бернли: Йенсен, Мирс, Корт, Калдуэлл, Фокс, Патерсон, Корк, Александер (Макдональд, 85), Эллиотт, Нажент (Блэйк, 65), Флетчер (Томпсон, 68).

Хуваалцах/Тэмдэглэх