1.Олон олон рекорд амжилт дагуулсан Челсигийн түрүү

Гуус Хиддинкийн залгамжлагчаар Анчелнотти нэрлэгдсэний дараа  Челсигийн амжилтанд  эргэлзэх хүмүүс нилээд  их байлаа. Учир нь ямар ч итали дасгалжуулагч өмнө нь премьер лигт түрүүлсэн удаагүй. Челсиг өмнө нь Виали, Раниери гэсэн 2 итали эрхэм удирдаж байсан ч ямар ч лигийн
цомгүй нутгийн зүг буцаж байсан билээ.

Гэвч Карло энэ бүхнийг өөрчлөхөөр эрс шийдсэн байлаа. Түүний анхны цом тийм ч удаан хүлээлгээгүй бөгөөд Манчестер Юнайтедийг супер цомд торгуулийн цохилтоор буулган авч гайхалтай эхлэлийг тавьсан. Ингэж тэр 1998 оноос хойш торгуулийн цохилтоор авсан клубын анхны цомыг бэлэглэсэн юм. Гэтэл энэ сайхан улиралын эхлэлийг солилцоо наймааны будилаантай асуудал үймүүлж орхих нь тэр. 2007 онд Францын Лен клубээс Гаель Какута хэмээх хүүг хууль бусаар багтаа авчирсан нь илэрсэн тул ФИФА-гийн зөвлөлөөс Челсиг ирэх 2 солилцоо наймааны цонхоор тоглогч худалдан авах эрхийг нь хязгаарласан юм. Гэхдээ Роман Абрамович хэмээх хүчтэй эзэнтэй багт энэ асуудал тийм ч удаан саад болж чадсангүй. Удаа дараа Спортын арбитрийн шүүхээр заргалдсаны эцэст Лондоны баг дээрхи шийтгэлээс чөлөөлөгдөж нэрээ цэвэрлэж чадсан юм.

10 сард Челси ”Топ 4”-ийн анхны тулаанаа Стенфордын гүүрэндээ Ливерпультэй хийлээ. Дидье Дрогба энэ тулаанд гайхалтай тоглож 2 : 0-ээ ялахад гол үүргийг гүйцэтгэсэн. Тэрээр Анелка, Малудагийн гоолыг эхлэлийг тавьжээ. Энэ бол Лондоны багийн гайхалтай амжилтын дөнгөж эхлэл байсан юм. Үүнээс хойш Цэнхэрүүд топ 4-т багтдаг бусад багуудтайгаа хийсэн тулаанд 100 хувийн амжилт үзүүлсэн юм. Тухалбайл 11 сарын 8-нд МанЮ-г Жон Терригийн гоолоор буулгаж авсан бол 29-нд нь Арсеналыг Эмирэйтс цэнгэлдэхэд нь 3 : 0-ээр бутниргэжээ. Дидье Дрогба 2 гоол оруулж Вермаелений авто-гоол Челсид төгс ялалтыг бэлэглэсэн аж.

Он гарсны дааа Челсигийн зарим гол тоглогчид Африкийн цомд оролцохоор хар тивийг зорилоо. Жилийн жилд Африк тоглогчидтой багт ”лай” болдог энэ тэмцээн Челсид нэг их хүндрэл учруулсангүй.

Гол тоглогчдоо эзгүйд ч Челсичүүд ялалтын цувралаа үргэлжлүүлсээр байв. Жон Терригийн гэр бүлийн хувийн асуудлыг эс тооцвол багт ямар ч асуудал байсангүй. 5 : 0, 7 : 2 гэхмэтчилэн өрсөлдөгчдөө бутниргэсээр байсан юм. 2 сарын эхэнд Арсеналыг талбайдаа 2 : 0-ээр ялж ”топ 4”-ийн 100 хувийн амжилтаа үргэлжлүүлсээр байв.

Харин тэмцээн өндөрлөж Африкчуудыг эргэж ирсний дараа жинхэнэ хямрал эхлэх нь тэр.

2 сарын 27-нд талбайдаа Манчесте ситид ялагдаж Стенфордод анхны ялагдлаа амслаа. Залгуулаад Аваргуудын лигийн шөвгийн 16-аас хасагдаж томоохон шуугиан дэгдээв. Челсигийн бүх цаг үеийн агуу дасгалжуулагч Жозе ”Би Стенфордод хэзээ ч ялагддаггүй” хэмээх үгэндээ хүрсэн юм. Ийнхүү тэд сүүлийн 4 жил дараалан Аваргуудын лигийн шөвгийн 4-т шалгарсан амжилтаа таслууллаа.

Гэхдээ энэ хямралын байдлаас Челси хурдан гарч аваргын төлөөх тэмцлээ үргэлжлүүлж эхэлсэн. Эсрэг талд нь топ формтой Уэйн Рүүни жинхэнэ ”галзуурч” байсан ч Челси 7-1-ээр Астон Виллаг бутниргэх зэргээр  мөчөөгөө өгөхгүй гэдгээ харуулсаар байв. Ингээд улиралын хамгийн онцлох мөч ирлээ. 4 сарын 3-нд Олд Траффордод МанЮ-гийн эсрэг хийсэн тоглолт хэн нь премьер лигт түрүүлэх эсэхийг шийдэх байв. МанЮ-гийн гол довтлогч Уэйн Рүүни аваргуудын лигийн тоглолтын үеэр бэртэл авсан тул энэ тулаанд оролцоогүй.

Шүүгчийн буруу шийдвэрээс болж 2 багийнхан хоёулаа багагүй нервтэсэн гэдгийг дурьдах нь зүйтэй. Ингээд Жое Коул, Дрогбагийн гоолуудын ачаар Челси 2 : 1-ээр ялж премьер лигт түрүүлэх замаа зассан юм. Үүний дараа Тоттенхэмд 2 : 1-ээр ялагдаж энэ давуу байдлаа алдаж болох байсан ч аз болж МанЮ Блекбернтэй оноо хувааж оноо нөхөж чадсангүй. Улмаар 37-р тойрогт Ливерпулийг 2 : 0-ээр буулган авснаар ”топ 4”-ийн тулаанд 100 хувь ялалт байгуулсан амжилтын эзэн болсон юм. Гэхдээ энэ бол тэдний рекорд амжилтын дөнгөж эхлэл байлаа. Сүүлийн тойрогт Уйганыг
8 : 0-ээр бутниргэж премьер лигийн хамгийн том ялалтыг байгуулсан. Улиралыг 103  гоол оруулсан амжилтаар дуусгаж премьер лигийн шинэ амжилтыг тогтоосноос гадна английн хөлбөмбөгийн түүхэнд нэг улиралд 4 багийг 7 гоолоор ялсан анхны баг болсон байгаа. Мөн гоолын зөрүүү +71  гэсэн үзүүлэлт нь лигийн түүхэнд хамгийн өндөр үзүүлэлт болжээ. Эцэст нь Дроба 29  гоолтойгоор премьер лигийн мэргэн бууч болж

Челси 86 оноотой Английн премьер лигийн аваргаар 3 дахь удаагаа тодорсон юм. Мөн Карло Анчелотти английн лигт түрүүлсэн анхны итали дасгалжуулагч болжээ.

2. Улаануудын “уналт”

2009 оны улиралд Улаанууд олны анхаарлын гол төвд байсан. Тэд сүүлийн тойрог хүртэл МанЮ-тай аваргын төлөө тэмцэж, нийт 8 удаа come-back буюу ялагдаж яваад ялалт байгуулжээ. Харамсалтай нь тэд улиралын төгсгөлд удаан хүсэн хүлээсэн премьер лигийн цомоо МанЮ-д алдаж дахин нэг улирал хүлээх хэрэгтэй болсон. Гэтэл өнгөрч байгаа улиралд Ливепульчууд бас л олны анхаарлын төвд байж чадсан. 2009 оноос ялгаатай нь тэд эсрэг дүрээр олны анхаарлыг татжээ.

Зуны наймааны цонхоор сүүлийн хэдэн жилийн амжилтын гол түлхүүр болсон Хави Алонсогоо зарж, оронд нь Алберто Аквилани хэмээх ”шилэн хөлт”-ийг авчирсан. Гэтэн өнөөх 22 саяар ирсэн өнөөх залуу нь бүтэн улиралд 11 тоглолтонд оролцсон гэж байгаа. Энэ ч яахав. Премье лигийн эхний тойрогт Тоттенхэмд ялагдсан нь тэднийг ирээдүйд хүлээж буй ”сүйрлийн” цондон болсон. Премьер лигийн хямралын хажуугаар Европын тавцанд ч азүйтэл үргэлжилж байв. Аваргуудын лигт Италийн Фиорентинад 2 удаа ”дөнгүүлж” хэсэгтээ 3-р байр эзлэн Европын лиг рүү унасан. Нэр хүнд чансаа доогуур баг ордог энэ тэмцээнд ”будаа болгоно” гэж байсан ч бас л бараагүй.

Хагас шигшээд түрүүлэх хувьтай Атлетико Мадридад нэмэлт цагт гоол алдан ялагдал хүлээсэн. Өмнөх улиралд нь аваргын төлөө тэмцэж байсан бол энэ удаа тэд 4-р байраа алдахгүйн төлөө Тоттенхэм, Астон Вилла, Манчестер сити багуудтай өрсөлдөж байв. Жэйми Карраге нэгэнтээ багийнхаа энэ амжилтын талаар ”Бид улиралын эхэнд хэтэрхий их зүйлийг хүсэж байсан болохоор энэ хямрал их хүндээр тусаж байна. Лигийн аварга болно гэсэн сэтгэлзүйтэй байсан залуус дөнгөж 4-р байрын төлөө тэмцэж байгаа болохоор ямар ч тэмцэх чанаргүй болчихоод байна” хэмээсэн байна.

Үнэхээр ч сүүлийн тойргуудад Ливерпульчууд ямар ч урамгүй тоглож үүнийхээ ”’ачаар” 7-р байранд орсон амжилтаар улиралыг дуусгасан. Энэ нь тэдний сүүлийн 11 жил үзүүлсэн хамгийн тааруухан амжилт болсон юм. Улиралын турш суудалдаа үлдэх эсэх нь тодорхойгүй байсан Рафа Бенитез эцсийн эцэст багтаа үлдэхээр болсон ч түүнийг явуулах хүсэлтэй Копууд чамгүй их байна.

Хэрвээ Рафа явахаар болбол түүнтэй хамг багийг орхино гэсэн тоглогчид ч цөөнгүй байна. Юу болохыг харж л байядаа.

3. Тоттенхэм Аваргуудын лигт шалгарлаа

Премьер лигийн топ 4 баг гэж МанЮ, Челси, Арсенал, Ливерпулийг нэрлэдэг байсан цаг ард хоцорчээ. Энэ улиралд маш олон баг 4-р байрын төлөө ширүүн тэмцэл өрнүүлсэн. Эцэст нь энэ байранд орохын тулд асар их хөрөнгө хаясан Ман сити ч бус, авьяаслаг залуусаар хүч нэмсэн Астон Вилла ч бус харин Харри Реднапаар удирдуулсан Лондоны Спөрз энэ эрхийг авч чадлаа.

Ийнхүү тэд түүхэндээ анх удаа аваргуудын лигт шалгарч байгаа бөгөөд 1961-62 оны улиралаас хойш анх удаа европын топ тэмцээнд шалгарч байгаа нь энэ юм.

Улиралын төгсгөлд Тот Челси, Арсеналыг дараалан буулган авсан нь тэднийг ийнхүү топ 4-т шалгарахад голлох үүргийг гүйцэтгэжээ. Жермайн Дефое гоолын тоогоор багаа тэргүүлж нийт 24 гоол оруулсан амжилт үзүүлжээ. Түүний араас Петер Крауч 13, Павлюченко 10 гоолтой удаалжээ. Харин хаалгач Гомеш нийт 42 тоглолтонд оролцсон амжилтаа багаа тэргүүлсэн байх юм.

4. Портсмутын санхүүгийн хямрал

2009 оны 5 сард Арабын тэрбумтан Сулиман Аль Фахим Портсмутыг худалдан авахаар болсон. Арабын хамгийн нөлөөтэй бизнесменүүдийн нэгт худалдагдсан  болохоор санхүүгийн тал дээр Портсмутыг санаа зовох зүйлгүй боллоо гэж мэргэжилтнүүд дүгнэж байв.

Гэтэл өнөөх баяр эр нь Ман ситигийн араб эздийг бодвол тун харамч нөхөр таарсан тул 10 сар гэхэд л Помпэй тоглогчдынхоо цалинг тавьж чадахгүй хүнд байдалд орсон. Улмаар Али Аль Фарах хэмээх бас нэгэн Арабын тэрбумтан клубын хувьцааны 90 хувийг худалдан авсан байна. Аль Фарах ирсэн даруйдаа Аврам Грантыг клубын спорт эрхэлсэн захиралаар томилсон. Гэсэн ч тэдний санхүүгийн асуудал шийдэгдсэнгүй.

2009 онд 12 сард Помпэй 2 дахь сардаа дараалан тоглогчдынхоо цалинг тавьж чадаагүй учраас гэрээнд тусгагдсан нөхцлийн дагуу тоглогчид багаа орхиж явах эрхтэй болсон. Нөхцөл байдал даамжирсаар он гараад 2 сард Непалын бизнесмен Балрам Чайнрай клубын ээлжит эзнээр нэрлэгдлээ. Шинэ эзэн дамппуурлын ирмэгт тулсан багтаа 20 сая фунтын л хөрөнгө оруулалт хийсэн бөгөөд үүнээс илүүг гаргахгүй хэмээн гүрийх нь тэр.

Энэ мэтчилэн баг нь санхүүгийн хүнд байдалд байсан тоглогчид шүд зуун тоглосоор ФА цомын финалд шалгарч чадсан. Гэвч тэд топ формондоо байсан Челсиг үнэхээр барж чадсангүй. Хүснэгтийн доод хэсэгт бичигдэж байсан ФА цомын финалд шалгарсан учраас тэдэнд Европын тэмцээний эрх авах найдвар байлаа.

Гэвч санхүүгийн асуудалд орсон багт УЕФА-гийн тэмцээнд лиценз өгдөггүй учраас хичнээн маргалдаад тэд энэ эрхийг авч чадаагүй. Дараагийн улиралаас Помпэй Чампионшип буюу доод лигт хүч сорих бөгөөд бүрэлдэхүүнээ хадгалж эргэн топ лигтээ ирэх зорилго тавьж байгаа аж.

5. Фулхэмийн ”Үнсгэлжингийн түүх”

Хэдийгээр премьер лигттэй холбоогүй ч Английн багийн амжилт учраас энд багтаах нь зүйтэй болов уу, Английн хамгийн олон жилийн настай ч хамгийн даруухан багуудын нэг Фулхэм энэ улиралд түүхээ шинээр бүтээсэн. Рой Хожсоны удирдлаган дор Цагаанууд Европын лигт мөрөөдлийн улиралаа өнгөрүүлсэн билээ.

Хасагдах шатанд тэд Ювентус, Вольсбург, Гамбург гэсэн фаворит багуудыг ээлж дараалан мулталж финалд шалгарч чадсан. Харамсалтай нь аваргын төлөөх тоглолтонд Атлетико Мадридад ялагдал хүлээж түүхэн дэх анхны европын цомоо хүртэх боломжоо алдсан. Гэхдээ тэднийг Лондонд эргэн ирэхэд баатрын дүрээр угтан авсан нь ойлгомжтой.

Премьер лигт Фулхэм уламжлал ёсоор нэг их амжилттай ч биш, амжилтгүй ч биш алтан дундажаа л барьсан. Гэхдээ энэ улиралыг Фулхэмийн фенүүд хэзээ ч мартахгүй бизээ.

Товчхондоо гэхэд 2010 оны улирал Английн хөлбөмбөгт Лондоны багуудын сэргэн мандалтыг авчирлаа. Челси түрүүлж, Тоттенхэм 4-р байр эзэлсэн. Мөн Фулхэм түүхэн амжилтаа үзүүллээ. Бас Вест Хэм доош уналгүй үлдсэнийг амжилт гэлтэй.

Хуваалцах/Тэмдэглэх

“Тоттенхэм” – “Портсмут” – 0:2

Гоол: Пикьонн, 99 (0:1). Боатенг, 117, – пенальти (0:2).

Английн алдарт Уэмбли цэнгэлдэхэд урьд шөнө Английн хөлбөмбөгийн холбооны цомын хагас шигшээ Тоттенхэм, Портсмут багийн тоглолт явагдлаа. Хагас шигшээгийн нөгөө хос болох Челси-Астон Вилла багуудын тоглолт Челси багийн ялалтаар өндөрлөснийг та бүхэндээ мэдээлсэн.

Тэгвэл 2008 оны аварга Портсмут Тоттенхэм багийг нэмэлт цагт хоёронтоо гоолдож хожсиноор финалд Челситэй учрахаар боллоо.

Челсигийн экс дасгалжуулагч Аврам Грантаар удирдуулсан Помпейчүүд дараа жилээс доод лиг рүү унах нь тодорхой болсон нь тэдний ФА цомд тоглох, ялах хүслийг бүр нэмсэн гэж хэлж болно. Мөн Тоттенхэмйг экс Портсмутын менежер, 2008 онд багийг удирдан аваргалуулж байсан Харри Реднапп удирдаж байсан нь онцлогтой байлаа. Тэр Помпейгоос шилдэг тоглогчдоо аван Лондонд ирсэн.

Тоглолтын үндсэн цагт аль аль нь гоол хийгээгүй хоёр багийн тоглолтын хувь заяа нэмэлт цагт шийдэгдэхээр болоход Пикьонн, Боатенг нар гоол хийснээр Портсмут ялсан. Тоглолтын турш Тоттенхэм 31 цохилт хаалга руу хийсэн бол Помпей 17-г хийжээ.

Шигшээ тоглолт 5 сарын 15-д Уэмблид болно.

Хуваалцах/Тэмдэглэх

Аваргыг горилогч Челси, Аваргуудын лигийн эрхийг горилогч Астон Виллагийн хоорондын тоглолт энэ тойргийн хамгийн том тоглолт, шигтгээ нь байх учиртай байсан билээ.

Лондон хотын Стэмфорд Бридж цэнгэлдэхэд явагдсан энэ тоглолтонд Челси санаанд оромгүй ялалтыг авч өөрсдийн аваргалах замд нэг шат ахиуллаа.

Тоглолт эхлээд санаачилгыг аван довтолгооныг илүү хийж байсан Челси гоол хийж тэргүүлж эхэлсэн. Лампардын тун мэдрэмжтэй гоол байсан билээ. Харин Астон Вилла багийн Кэрью 29 дэх минутанд хариуг барьснаар тооны харьцаа тэнцсэн. Энэ үед Челси үргэлжлүүлэн довтолсоор байсан ба энэ бүхэн 44 дэх минутад үр дүнгээ өгч Оросын легионер Жирковыг торгуулийн талбайд унагаасан хэмээн шүүгч үзсэнээр торгуулийн цохилтыг Челси хийх эрхтэй болж Лампард төгс цохилтыг хийснээр эхний үед Челси 2-1 ээр тэргүүлсэн. Харин 2-р үед гоолын хур бууж Челси 5 гоол хийлээ. Өнөөдөр Фрэнк Ламдард 4 гоол хийснээр өөрийн карьерийн хамгийн шилдэг тоглолтоо хийж, Малуда 2 гоолоор Фриделийн хаалгыг мялаасан бол Жирков 3 ч гоолын боломжийг гарган өглөө. Фрэнк Лампард өнөөдөр 4 гоол хийснээр энэ улиралд нийт 21 гоол хийв. Энэ улиралд 21 гоол хийснээр тэр 5 дахь жилдээ дараалж 20 оос дээш гоол хийсэн хэмээх өвөрмөц амжилтыг тогтоож байна. Харин нийт 151 гоолтой болсноор Челсигийн бүх үеийн түүхэнд 3т орох амжилтыг үзүүлж байна. Хагас хамгаалагчийн хувьд тун сайхан үзүүлэлт. Түүнчлэн багийн ахлагч Жон Терри багийн ахлагчийн туузтай 325 дахь тоглолтоо хийж туузтай тоглосон тоогоороо Челсигийн бүх үеийн рекордыг эвдлээ. Түүний Челсигийн төлөө хийсэн 450 дахь тоглолт нь байсан юм.

Дээрх тоглолттой зэрэгцээд Бирмингем, Арсенал багуудын тоглолт боллоо. Тоглолт хэр баргийн багийн хожил авч чадахгүй буцдаг Сэйнт Эндрьюсийн цэнгэлдэхэд явагдав. 2 жилийн өмнө энэ хоёр багийн тоглолтын үеэр Эдуардо хөлөө хугалж карьераа удаан хугацаагаар завсарлах шаардлагатай болж байсан түүхтэй. Тухайн үед Арсене Венгер Эдуардо дээр алдаа гаргасан Мартин Тейлорыг бүх насаар нь тоглох эрхийг нь хасах эрхтэй хэмээн мэдэгдэж олон Бирмингемчүүдийн дургүйг хүргэж байлаа. Өнөөдөр түүнийг цэнгэлдэхэд орж ирэхэд Бирмингемийн фэнүүд тун таагүй угтаж авсан. Тоглолтын 81 дэх минутад Самир Насри гоол хийн тоглолтыг буучид тэргүүлж эхэлсэн ч шүүгчийн мэдлийн нэмэлт цагт Бирмингемийн Филипс гоол хийн тэнцүүлснээр Арсенал 2 оноо алдлаа.

Халл Сити Фулхэмийг 2-0 ээр хожиж 6 дараалсан ялагдлын хар цувралаа зогсоолоо. Харин Стоук Сити Вест Хэмийг 1-0ээр хожжээ.

Одоогоор 4-р байранд бичигдэж буй Тоттенхэм ээлжит ялалтаа лигийн хомоолыг хамагч Портсмутаар авлаа. Нико Кранчар, Питр Крауч нар гоол хийснээр 2-О ээр ялалт байгуулж 4-р байраа эзэмшсээр байна. Тэд 5 дараалж ялууд байгаа юм.

“Челси” – “Астон Вилла” – 7:1 (2:1)

Гоол: Лэмпард, 15 (1:0). Карью, 29 (1:1). Лэмпард, 44 – с пенальти (2:1). Малуда, 57 (3:1). Лэмпард, 61 – пенальти (4:1). Малуда, 68 (5:1). Калу, 83 (6:1). Лэмпард, 90+1 (7:1).

“Челси”: Чех, Паулу Феррейра, Алекс, Терри, Жирков (Ван Анхолт, 76), Деку (Баллак, 72), Оби Микел, Лэмпард, Коул (Калу, 76), Малуда, Анелька.

“Астон Вилла”: Фридель, Янг, Коллинз, Данн, Уорнок, Милнер, Петров (Даунинг, 64), Сидуэлл, Агбонлахор (Бей, 72), Янг, Карью (Дельфонесо, 63).

“Халл Сити” – “Фулхэм” – 2:0 (1:0)

Гоол: Баллард, 17 – с пенальти (1:0). Фаган, 48 (2:0).

“Тоттенхэм” – “Портсмут” – 2:0 (2:0)

Гоол: Крауч, 27 (1:0). Краньчар, 41 (2:0).

“Вест Хэм” – “Стоук Сити” – 0:1 (0:0)

Гоол: Фуллер, 69.

“Вулверхэмптон” – “Эвертон” – 0:0

“Бирмингем” – “Арсенал” – 1:1 (0:0)

Гоол: Насри, 81 (0:1). Филлипс, 90+2 (1:1).

Хуваалцах/Тэмдэглэх

“Челси” – “Стоук Сити” – 2:0

Гоол: Лэмпард, 35 (1:0). Терри, 67 (2:0).

Өнгөрөгч шөнө Английн хөлбөмбөгийн холбооны цомын шөвгийн наймын тоглолтууд явагдлаа. Сүүлийн үед тааруухан тоглож буй Челси тун чухал ялалтыг авлаа. Хожлоос гадна Жон Терри гоол хийж багийн сэтгэл санаа, Жон Терригийн сэтгэл санаанд чухал зүйл боллоо.

Тоглолт эхлээд Стоукын “шидэгч” Делапын хажуугийн шидэлтүүд аюул тарьж байлаа. Ер нь ч Челси энэ жил сет-пис буюу стандарт цохилтуудаас олон гоол алдаж байгаа. 30 орчим минутаас Челси санаачилгыг бүрэн авч олон довтолгоог зохион байгуулж байсан. 29 дэх минутад Анелька аюултай довтолж гоол хийх дөхсөн. Харин 35 дахь минутад Челсигийн дэд ахлагч Фрэнк Лампард гоол хийж тоглолтыг тэргүүлж эхлэв. Фрэнк Лампардын 18 дахь ФА цомын гоол, Челсигийн төлөө хйисэн 146 дахь гоол орсон нь энэ. 67 дахь минутад ахлагч Терри өөрийн дархан мөргөлтөөр гоол хийснээр өнгөрсөн жилийн аварга Чеси хагас шигшээд шалгарлаа.

“Ридинг”  – “Астон Вилла” – 2:4 (2:0)

Гоол: Лонг, 27 (1:0). Лонг, 43 (2:0). Янг, 47 (2:1). Карью, 51 (2:2). Карью, 57 (2:3). Карью, 90 -пенальти (2:4).

Тоглолтыг Английн хатуу самруудын нэг Ридинг тун сайн эхлүүлж 27, 43 дахь минутад гоол хийн тэргүүлсэн ч Виллагийн эргэн ирэлт гайхалтай байлаа. Астон Вилла лидер тоглогч Агбонлахор үгүйд ялалтыг авсан ба түүнийг Жон Кэрью гайхалтай нөхсөн. Тоглолтын 2-р үе эхлээд 12 минутын дотор тухайлбал, 9 минутанд 3 гоол хийж тэргүүлсэн. Эшли Янг , Жон Кэрью нарын гоолууд багтаа ялалт авчирсан. Шүүгчийн мэдлийн нэмэлт цагт Жон Кэрью дахин нэг гоолыг торгуулийн цохилтоос хийснээр энэ тоглолтонд хэт-трик хийлээ.

Хагас шигшээд Астон Вилла Челси багууд, нөгөө тоглолтонд нь Фулэм, Тоттенхэм багуудын хожсонтой нь Портсмут тоглоно. 4 сарын 10, 11-нд хагас шигшээ тоглолтууд Уэмбли цэнгэлдэхэд болно.

Хуваалцах/Тэмдэглэх

Премиер лигийн аваргаар хоёронтоо тодорч байсан Помпейд санхүүгийн хүндрэл л хамгийн сэтгэл зовоосон асуудал болоод байна. Багийн вэбсайтан дээр “Багтайгаа холбоогүй асуудлаас болоод тоглогчид гэрээнд тусгагдсан цалингаа цагтаа авч чадахгүй болж байгаа нь бид бүгдэд маш хангалтгүй санагдаж байна” гэж бичигджээ. Тэд уг нь Фраттон Паркын түүхэн дэх том нэрнүүд болох Петер Крауч, Сол Кэмпбелл, Нико Кранчяр зэрэг оддыг 41 сая еврогоор зарсан. Зөрүүлээд зарлагадсан мөнгө нь ердөө 9 сая. Үүнийхээ талыг нь зөвхөн ганц хүнд буюу Кевин-Принц Боатенгд зарцуулсан. Саудын Арабын тэрбумтан дээрээс нь энэ багийг худалдаж авсан гэж байгаа. Гэтэл тэд цалингаа авч чадахгүй болчихов. Тэр ч байтугай багт ажилладаг бусад албаныхан ч цалингаа хүлээж байгаа гэх. Энэ бүгд нийлээд яг 53 сая евро болж байгаа аж. Өнгөрөгч зун багийг худалдаж авсан Сулайман Аль-Фахим ойрын үед цалинг тавихыг амалсан ч бүтэн сайнд болох ёстой байсан Саудын Арабын хөрөнгө оруулагчидтай уулзах уулзалт нь хойшилж магадгүй болоод байгаа аж. Учир нь тэр өөрөө өчигдөр бөөрний хагалгаанд оржээ.

Тоглогчдын цалингаа авч чадахгүй байгаа байдал нь Мэргэжлийн хөлбөмбөгчдийн холбооны сонорт хүрээдэхжээ. Гэхдээ тэд энэ удаад хэсэг харзнах гэнэ. Хэрэв дахин ийм байдал давтагдах эсвэл одоо өгөх ёстой цалингаа хэт удаавал тэд гар дүрж, холбооны бүх гишүүдтэйгээ энэ талаар сайтар ярилцах юм байна. Хэдий багийн удирдлагаас цалинг ойрын үед тавьж, 10 сарын сүүл гэхэд хонгилын үзүүр дэх гэрлийг харна гэж амлаж байгаа ч спортын хувьд баг нь улам л доошлох хандлага харагдсаар. Хэрэв тэд энэ тойрогт доороос орж ирсэн багтай дахиад л муу тогловол магадгүй дасгалжуулагч Пол Харт албаа хүлээлгэх болно. Тэдний өнөөгийн байдал нь 2003/2004 улирлын Лидсийн байдлыг хүчтэй санагдуулж байгаа юм. Тэд тухайн үедээ цалингаа ч тавьж чадахгүй шахам явсаар доош унасан билээ. Нэгэнт цагтаа гэр бүлээ тэжээх талхныхаа мөнгийг авч чадахгүй байгаа хүмүүст хожихын төлөө тоглох эрмэлзэл байна гэж юу байх вэ. Помпейгийн тоглогчид яг адилхан. Тэдний тоглолтыг одоо хааяа нэг харж байхад ялъя гэсэн сэтгэлгүй мэт л тоглож харагдах юм. Өмнө нь энэ баг яаж шаргуу тоглодог байсныг хүмүүс мартаагүй. Хэрэв энэ улиралд энэ сайхан сэтгэл татам баг зоорь луу одвол олон хүмүүс харамсах болно. Гэвч энэ бол спортын өршөөлгүй хууль ажгуу.

Хуваалцах/Тэмдэглэх

***

Цагтаа Ливерпулийн гол хамгаалагчдын нэг явсан Стив Финнан Премьер лигтээ эргэн ирлээ. Өнгөрсөн зунаас Испаний Эспаньол багт хүчин зүтгэх болсон тэрээр Ла лигт дасан зохицож чадаагүй тул ийнхүү дасал болсон Будант Альбиондоо эргэн ирж буй аж. Өдгөө 33 настай баруун жигүүрийн хамгаалагчийг Портсмут клуб нэг жилийн хугацаатайгаар өөрийн эгнээнд нэгтгэсэн аж. Тус клубын менежер Пол Хартын үзэж байгаагаар Финнаны дадлага туршлага болон ур чадвар багийнх нь ирэх улирлын амжилтанд нөлөөлөх боломжтой аж. Портсмутчууд тун удахгүй Португалиар аялан тоглолт хийх ба Финнан үүнээс өмнө багийнхантайгаа нэгдэх боломжтой аж. Ирландад төрж өссөн Финнан мэргэжлийн  хөлбөмбөгийн карьераа нутгийнхаа Уэллинг Юнайтед багаас эхэлжээ. 1998 оныг хүртэл доод лигийн багуудаар хэсэг яваад Фулхэмийн эгнээнд шилжсэн бөгөөд энэ үеэс алдарт Ливерпулийн анхаарлыг татах болсон аж. Ливерпульд зүтгэсэн 5 жилдээ Финнан 150 гаруй тоглолтонд оролцож 2005 оны аваргуудын лигт түрүүлсэн билээ.

Хуваалцах/Тэмдэглэх

Хуваалцах/Тэмдэглэх

***

Английн Премьер лигийн Сандерлэнд клуб Францын Марсель багийн ахлагч Лорик Канаг 5-н сая фунтээр өөрийн болголоо. Лорик Кана тус клубын энэ зуны 3 дахь наймаа болж байгаа юм. Тэд өмнө нь Манчестep Юнайтедаас Фрэйзэр Кэмбел мөн Паоло да Силва нарыг авсан юм. Тэд удахгүй Английн шигшээ багийн довтлогч Петр Краучийг авахаар түүний баг болох Портсмуттай хэлэлцээр хийнэ гэдгээ мэдэгджээ.

***

Европын шилдэг клубууд улирлын өмнөх нөхөрсөг тоглолтуудаа ээлж дараалан хийсээр байна. Өчигдөр Лондоны Челси клуб Италийн алдарт Милан багтай АНУ-д тоглон 2 : 1-ээр буулган авчээ. Тоглолтын эхний гоолыг 8 дахь минутад Зааны Ясан Эргийн довтлогч Дидьер Дрогба оруулсан бол тэнцээний гоолыг Италийн багийн ахмад тоглогч Кларенс Зеедорф 38 дахь минутад хийсэн аж. Ингээд хоёрдугаар хагасын 69 дэх минут үргэлжилж байх үед 18 сая фунтээр ЦСКА Москва багаас ирсэн Оросын хагас хамгаалагч Юрий Жирков Дидагийн хаалганд хожлын гоолыг оруулснаар Лондончууд ялалтын баяраа тэмдэглэн гэрийн зүг буцлаа. Мөн энэ өдөр Испани болон Европын аварга Барса клуб, Английн Тоттенхэмтэй Лондон хотноо тоглолоо. Уэмбли цэнгэлдэхэд болсон энэхүү тоглолтын эхний гоолыг Каталоны багийн залуу довтлогч Бояан Кркич 32 дахь минутад хийсэн байна. Тоглолтын турш Тоттенхэмчүүд санаачлагыг гартаа аван олон аюултай довтолгоон зохион байгуулж байсан ч тэр болгон нь Алберт Жоркуэра дээр очоод зогсож байлаа. Ингээд цаг дуусахаас 8 минутын өмнө Английн багийн Ливермор тэнцээний гоолыг оруулснаар тоглолт эвийн гэрээгээр өндөрлөсөн юм. Азийн орнуудаар аялан тоглолт хийж байгаа Манчестер Юнайтед клуб Солонгосын нийслэлд зочлон Сөүл багтай нөхөрсөг тоглолт хийлээ. Азийн орнуудаас хамгийн олон Манчестер Юнайтедын фэнтэй энэ оронд зочилсон нь гарцаагүй бизнесийн санаа байлаа. Тоглолт ч өрсөлдөөнтэй өрнөж нийт 5 гоол орсон. Манчестерийн багаас Уэйн Рүүни 25 дахь минутад, Федерик Македа 58 дахь минутад, Димитер Бербатов 66 дахь минутад тус тус гоол оруулсан бол Солонгосоос Боснийн легионер Деяан Дамянович хоёр оруулж дубль хийжээ. Бусад тоглолтуудын мэдээлээс хүргэхэд Андерлехт-Женоатай 1 : 1 -ээр тэнцэж, Байерн Мюнхен Кёлныг 2 : 0-оор өвдөг сөхрүүлж, Аякс -Атлетико Мадрид 3 : 3-аар ширүүхэн тэмцэлдсэн байна.

Хуваалцах/Тэмдэглэх

Хуваалцах/Тэмдэглэх