1.Олон олон рекорд амжилт дагуулсан Челсигийн түрүү

Гуус Хиддинкийн залгамжлагчаар Анчелнотти нэрлэгдсэний дараа  Челсигийн амжилтанд  эргэлзэх хүмүүс нилээд  их байлаа. Учир нь ямар ч итали дасгалжуулагч өмнө нь премьер лигт түрүүлсэн удаагүй. Челсиг өмнө нь Виали, Раниери гэсэн 2 итали эрхэм удирдаж байсан ч ямар ч лигийн
цомгүй нутгийн зүг буцаж байсан билээ.

Гэвч Карло энэ бүхнийг өөрчлөхөөр эрс шийдсэн байлаа. Түүний анхны цом тийм ч удаан хүлээлгээгүй бөгөөд Манчестер Юнайтедийг супер цомд торгуулийн цохилтоор буулган авч гайхалтай эхлэлийг тавьсан. Ингэж тэр 1998 оноос хойш торгуулийн цохилтоор авсан клубын анхны цомыг бэлэглэсэн юм. Гэтэл энэ сайхан улиралын эхлэлийг солилцоо наймааны будилаантай асуудал үймүүлж орхих нь тэр. 2007 онд Францын Лен клубээс Гаель Какута хэмээх хүүг хууль бусаар багтаа авчирсан нь илэрсэн тул ФИФА-гийн зөвлөлөөс Челсиг ирэх 2 солилцоо наймааны цонхоор тоглогч худалдан авах эрхийг нь хязгаарласан юм. Гэхдээ Роман Абрамович хэмээх хүчтэй эзэнтэй багт энэ асуудал тийм ч удаан саад болж чадсангүй. Удаа дараа Спортын арбитрийн шүүхээр заргалдсаны эцэст Лондоны баг дээрхи шийтгэлээс чөлөөлөгдөж нэрээ цэвэрлэж чадсан юм.

10 сард Челси ”Топ 4”-ийн анхны тулаанаа Стенфордын гүүрэндээ Ливерпультэй хийлээ. Дидье Дрогба энэ тулаанд гайхалтай тоглож 2 : 0-ээ ялахад гол үүргийг гүйцэтгэсэн. Тэрээр Анелка, Малудагийн гоолыг эхлэлийг тавьжээ. Энэ бол Лондоны багийн гайхалтай амжилтын дөнгөж эхлэл байсан юм. Үүнээс хойш Цэнхэрүүд топ 4-т багтдаг бусад багуудтайгаа хийсэн тулаанд 100 хувийн амжилт үзүүлсэн юм. Тухалбайл 11 сарын 8-нд МанЮ-г Жон Терригийн гоолоор буулгаж авсан бол 29-нд нь Арсеналыг Эмирэйтс цэнгэлдэхэд нь 3 : 0-ээр бутниргэжээ. Дидье Дрогба 2 гоол оруулж Вермаелений авто-гоол Челсид төгс ялалтыг бэлэглэсэн аж.

Он гарсны дааа Челсигийн зарим гол тоглогчид Африкийн цомд оролцохоор хар тивийг зорилоо. Жилийн жилд Африк тоглогчидтой багт ”лай” болдог энэ тэмцээн Челсид нэг их хүндрэл учруулсангүй.

Гол тоглогчдоо эзгүйд ч Челсичүүд ялалтын цувралаа үргэлжлүүлсээр байв. Жон Терригийн гэр бүлийн хувийн асуудлыг эс тооцвол багт ямар ч асуудал байсангүй. 5 : 0, 7 : 2 гэхмэтчилэн өрсөлдөгчдөө бутниргэсээр байсан юм. 2 сарын эхэнд Арсеналыг талбайдаа 2 : 0-ээр ялж ”топ 4”-ийн 100 хувийн амжилтаа үргэлжлүүлсээр байв.

Харин тэмцээн өндөрлөж Африкчуудыг эргэж ирсний дараа жинхэнэ хямрал эхлэх нь тэр.

2 сарын 27-нд талбайдаа Манчесте ситид ялагдаж Стенфордод анхны ялагдлаа амслаа. Залгуулаад Аваргуудын лигийн шөвгийн 16-аас хасагдаж томоохон шуугиан дэгдээв. Челсигийн бүх цаг үеийн агуу дасгалжуулагч Жозе ”Би Стенфордод хэзээ ч ялагддаггүй” хэмээх үгэндээ хүрсэн юм. Ийнхүү тэд сүүлийн 4 жил дараалан Аваргуудын лигийн шөвгийн 4-т шалгарсан амжилтаа таслууллаа.

Гэхдээ энэ хямралын байдлаас Челси хурдан гарч аваргын төлөөх тэмцлээ үргэлжлүүлж эхэлсэн. Эсрэг талд нь топ формтой Уэйн Рүүни жинхэнэ ”галзуурч” байсан ч Челси 7-1-ээр Астон Виллаг бутниргэх зэргээр  мөчөөгөө өгөхгүй гэдгээ харуулсаар байв. Ингээд улиралын хамгийн онцлох мөч ирлээ. 4 сарын 3-нд Олд Траффордод МанЮ-гийн эсрэг хийсэн тоглолт хэн нь премьер лигт түрүүлэх эсэхийг шийдэх байв. МанЮ-гийн гол довтлогч Уэйн Рүүни аваргуудын лигийн тоглолтын үеэр бэртэл авсан тул энэ тулаанд оролцоогүй.

Шүүгчийн буруу шийдвэрээс болж 2 багийнхан хоёулаа багагүй нервтэсэн гэдгийг дурьдах нь зүйтэй. Ингээд Жое Коул, Дрогбагийн гоолуудын ачаар Челси 2 : 1-ээр ялж премьер лигт түрүүлэх замаа зассан юм. Үүний дараа Тоттенхэмд 2 : 1-ээр ялагдаж энэ давуу байдлаа алдаж болох байсан ч аз болж МанЮ Блекбернтэй оноо хувааж оноо нөхөж чадсангүй. Улмаар 37-р тойрогт Ливерпулийг 2 : 0-ээр буулган авснаар ”топ 4”-ийн тулаанд 100 хувь ялалт байгуулсан амжилтын эзэн болсон юм. Гэхдээ энэ бол тэдний рекорд амжилтын дөнгөж эхлэл байлаа. Сүүлийн тойрогт Уйганыг
8 : 0-ээр бутниргэж премьер лигийн хамгийн том ялалтыг байгуулсан. Улиралыг 103  гоол оруулсан амжилтаар дуусгаж премьер лигийн шинэ амжилтыг тогтоосноос гадна английн хөлбөмбөгийн түүхэнд нэг улиралд 4 багийг 7 гоолоор ялсан анхны баг болсон байгаа. Мөн гоолын зөрүүү +71  гэсэн үзүүлэлт нь лигийн түүхэнд хамгийн өндөр үзүүлэлт болжээ. Эцэст нь Дроба 29  гоолтойгоор премьер лигийн мэргэн бууч болж

Челси 86 оноотой Английн премьер лигийн аваргаар 3 дахь удаагаа тодорсон юм. Мөн Карло Анчелотти английн лигт түрүүлсэн анхны итали дасгалжуулагч болжээ.

2. Улаануудын “уналт”

2009 оны улиралд Улаанууд олны анхаарлын гол төвд байсан. Тэд сүүлийн тойрог хүртэл МанЮ-тай аваргын төлөө тэмцэж, нийт 8 удаа come-back буюу ялагдаж яваад ялалт байгуулжээ. Харамсалтай нь тэд улиралын төгсгөлд удаан хүсэн хүлээсэн премьер лигийн цомоо МанЮ-д алдаж дахин нэг улирал хүлээх хэрэгтэй болсон. Гэтэл өнгөрч байгаа улиралд Ливепульчууд бас л олны анхаарлын төвд байж чадсан. 2009 оноос ялгаатай нь тэд эсрэг дүрээр олны анхаарлыг татжээ.

Зуны наймааны цонхоор сүүлийн хэдэн жилийн амжилтын гол түлхүүр болсон Хави Алонсогоо зарж, оронд нь Алберто Аквилани хэмээх ”шилэн хөлт”-ийг авчирсан. Гэтэн өнөөх 22 саяар ирсэн өнөөх залуу нь бүтэн улиралд 11 тоглолтонд оролцсон гэж байгаа. Энэ ч яахав. Премье лигийн эхний тойрогт Тоттенхэмд ялагдсан нь тэднийг ирээдүйд хүлээж буй ”сүйрлийн” цондон болсон. Премьер лигийн хямралын хажуугаар Европын тавцанд ч азүйтэл үргэлжилж байв. Аваргуудын лигт Италийн Фиорентинад 2 удаа ”дөнгүүлж” хэсэгтээ 3-р байр эзлэн Европын лиг рүү унасан. Нэр хүнд чансаа доогуур баг ордог энэ тэмцээнд ”будаа болгоно” гэж байсан ч бас л бараагүй.

Хагас шигшээд түрүүлэх хувьтай Атлетико Мадридад нэмэлт цагт гоол алдан ялагдал хүлээсэн. Өмнөх улиралд нь аваргын төлөө тэмцэж байсан бол энэ удаа тэд 4-р байраа алдахгүйн төлөө Тоттенхэм, Астон Вилла, Манчестер сити багуудтай өрсөлдөж байв. Жэйми Карраге нэгэнтээ багийнхаа энэ амжилтын талаар ”Бид улиралын эхэнд хэтэрхий их зүйлийг хүсэж байсан болохоор энэ хямрал их хүндээр тусаж байна. Лигийн аварга болно гэсэн сэтгэлзүйтэй байсан залуус дөнгөж 4-р байрын төлөө тэмцэж байгаа болохоор ямар ч тэмцэх чанаргүй болчихоод байна” хэмээсэн байна.

Үнэхээр ч сүүлийн тойргуудад Ливерпульчууд ямар ч урамгүй тоглож үүнийхээ ”’ачаар” 7-р байранд орсон амжилтаар улиралыг дуусгасан. Энэ нь тэдний сүүлийн 11 жил үзүүлсэн хамгийн тааруухан амжилт болсон юм. Улиралын турш суудалдаа үлдэх эсэх нь тодорхойгүй байсан Рафа Бенитез эцсийн эцэст багтаа үлдэхээр болсон ч түүнийг явуулах хүсэлтэй Копууд чамгүй их байна.

Хэрвээ Рафа явахаар болбол түүнтэй хамг багийг орхино гэсэн тоглогчид ч цөөнгүй байна. Юу болохыг харж л байядаа.

3. Тоттенхэм Аваргуудын лигт шалгарлаа

Премьер лигийн топ 4 баг гэж МанЮ, Челси, Арсенал, Ливерпулийг нэрлэдэг байсан цаг ард хоцорчээ. Энэ улиралд маш олон баг 4-р байрын төлөө ширүүн тэмцэл өрнүүлсэн. Эцэст нь энэ байранд орохын тулд асар их хөрөнгө хаясан Ман сити ч бус, авьяаслаг залуусаар хүч нэмсэн Астон Вилла ч бус харин Харри Реднапаар удирдуулсан Лондоны Спөрз энэ эрхийг авч чадлаа.

Ийнхүү тэд түүхэндээ анх удаа аваргуудын лигт шалгарч байгаа бөгөөд 1961-62 оны улиралаас хойш анх удаа европын топ тэмцээнд шалгарч байгаа нь энэ юм.

Улиралын төгсгөлд Тот Челси, Арсеналыг дараалан буулган авсан нь тэднийг ийнхүү топ 4-т шалгарахад голлох үүргийг гүйцэтгэжээ. Жермайн Дефое гоолын тоогоор багаа тэргүүлж нийт 24 гоол оруулсан амжилт үзүүлжээ. Түүний араас Петер Крауч 13, Павлюченко 10 гоолтой удаалжээ. Харин хаалгач Гомеш нийт 42 тоглолтонд оролцсон амжилтаа багаа тэргүүлсэн байх юм.

4. Портсмутын санхүүгийн хямрал

2009 оны 5 сард Арабын тэрбумтан Сулиман Аль Фахим Портсмутыг худалдан авахаар болсон. Арабын хамгийн нөлөөтэй бизнесменүүдийн нэгт худалдагдсан  болохоор санхүүгийн тал дээр Портсмутыг санаа зовох зүйлгүй боллоо гэж мэргэжилтнүүд дүгнэж байв.

Гэтэл өнөөх баяр эр нь Ман ситигийн араб эздийг бодвол тун харамч нөхөр таарсан тул 10 сар гэхэд л Помпэй тоглогчдынхоо цалинг тавьж чадахгүй хүнд байдалд орсон. Улмаар Али Аль Фарах хэмээх бас нэгэн Арабын тэрбумтан клубын хувьцааны 90 хувийг худалдан авсан байна. Аль Фарах ирсэн даруйдаа Аврам Грантыг клубын спорт эрхэлсэн захиралаар томилсон. Гэсэн ч тэдний санхүүгийн асуудал шийдэгдсэнгүй.

2009 онд 12 сард Помпэй 2 дахь сардаа дараалан тоглогчдынхоо цалинг тавьж чадаагүй учраас гэрээнд тусгагдсан нөхцлийн дагуу тоглогчид багаа орхиж явах эрхтэй болсон. Нөхцөл байдал даамжирсаар он гараад 2 сард Непалын бизнесмен Балрам Чайнрай клубын ээлжит эзнээр нэрлэгдлээ. Шинэ эзэн дамппуурлын ирмэгт тулсан багтаа 20 сая фунтын л хөрөнгө оруулалт хийсэн бөгөөд үүнээс илүүг гаргахгүй хэмээн гүрийх нь тэр.

Энэ мэтчилэн баг нь санхүүгийн хүнд байдалд байсан тоглогчид шүд зуун тоглосоор ФА цомын финалд шалгарч чадсан. Гэвч тэд топ формондоо байсан Челсиг үнэхээр барж чадсангүй. Хүснэгтийн доод хэсэгт бичигдэж байсан ФА цомын финалд шалгарсан учраас тэдэнд Европын тэмцээний эрх авах найдвар байлаа.

Гэвч санхүүгийн асуудалд орсон багт УЕФА-гийн тэмцээнд лиценз өгдөггүй учраас хичнээн маргалдаад тэд энэ эрхийг авч чадаагүй. Дараагийн улиралаас Помпэй Чампионшип буюу доод лигт хүч сорих бөгөөд бүрэлдэхүүнээ хадгалж эргэн топ лигтээ ирэх зорилго тавьж байгаа аж.

5. Фулхэмийн ”Үнсгэлжингийн түүх”

Хэдийгээр премьер лигттэй холбоогүй ч Английн багийн амжилт учраас энд багтаах нь зүйтэй болов уу, Английн хамгийн олон жилийн настай ч хамгийн даруухан багуудын нэг Фулхэм энэ улиралд түүхээ шинээр бүтээсэн. Рой Хожсоны удирдлаган дор Цагаанууд Европын лигт мөрөөдлийн улиралаа өнгөрүүлсэн билээ.

Хасагдах шатанд тэд Ювентус, Вольсбург, Гамбург гэсэн фаворит багуудыг ээлж дараалан мулталж финалд шалгарч чадсан. Харамсалтай нь аваргын төлөөх тоглолтонд Атлетико Мадридад ялагдал хүлээж түүхэн дэх анхны европын цомоо хүртэх боломжоо алдсан. Гэхдээ тэднийг Лондонд эргэн ирэхэд баатрын дүрээр угтан авсан нь ойлгомжтой.

Премьер лигт Фулхэм уламжлал ёсоор нэг их амжилттай ч биш, амжилтгүй ч биш алтан дундажаа л барьсан. Гэхдээ энэ улиралыг Фулхэмийн фенүүд хэзээ ч мартахгүй бизээ.

Товчхондоо гэхэд 2010 оны улирал Английн хөлбөмбөгт Лондоны багуудын сэргэн мандалтыг авчирлаа. Челси түрүүлж, Тоттенхэм 4-р байр эзэлсэн. Мөн Фулхэм түүхэн амжилтаа үзүүллээ. Бас Вест Хэм доош уналгүй үлдсэнийг амжилт гэлтэй.

Хуваалцах/Тэмдэглэх

Гэвч Лондоны баг түлхүүр тоглогчоо ийнхүү ”гинжилж” авсанаа дээрхи цуу яриаг ор үндэсгүй болохыг нотоллоо. Модрич 2008  онд Динамо Загреб клубээс 16 сая фунтээр Тоттенхэмд ирж байсан.

Энэ улиралд Лука 26 тоглолтонд оролцож 2 гоол оруулсан бөгөөд багаа аваргуудын лигийн эрх авахад чадах чинээгээрээ тусалсан билээ. Шинэ гэрээ байгуулсныхаа дараа тэрээр ”Тоттенхэм надад премьеp лигт тоглох боломжыг өгсөн болохоор би энэ багтай хамт илүү их ялалт амжилт байгуулахыг хүсэж байна.

Мэдээж надад өөр том багуудаас санал ирж байгаа ч би хаашаа ч явах бодолгүй байна. Ирэх жилээс бид аваргуудын лигт өрсөлдөх болохоор улам их хичээж тоглох ёстой” гэжээ.

Модрич Хорватын шигшээ багт 2006 оноос эхлэн дуудагдаж байгаа юм. Одоогоор 41 тоглолтонд оролцоод байгаа бөгөөд түүнийг Барсагийн домогт Иохан Кройфын хойд дүр гэдэг. Энэ нь зөвхөн тоглолтын хэв маягаар нь биш, царай зүсээрээ адилхан болохоор ийн нэрлэдэг ажээ.

Хуваалцах/Тэмдэглэх

Өнгөрсөн сард 5 тоглолт хийснээс 4 хожиж, 1 тэнцсэн Астон Вилла багийн дасгалжуулагч Мартин О’Нейл шилдэг дасгалжуулагч болжээ. 4-р байрын төлөө өрсөлдөж буй Астон Виллагийн хожил бүр, оноо бүр үнэ цэнэтэй байлаа. Энэ даалгаврыг МОН сайхан давсан. О’Нейл сарын шилдэгийн шагналыг 7 дахиа бүр тодруулбал Виллад ирснээсээ хойш 4 дэхээ хүртэж байна. Одоо түүний урд хамгийн хэцүү 5-р сар байна.

Харин сарын шилдэг тоглогчийн шагналыг мөн л 4-р байрын төлөөх гол өрсөлдөгч Тоттенхэмийн Гарет Бэйл авлаа. Тоттенхэмийн хувьд хүнд сар байсан. Лигийн лидер 3 багтай тоглосон ба Лондоны хоёр баг болох Арсенал, Челси багуудыг 2-1ээр хожсон. Энэхүү ялалтуудад хамгийн их үүрэг гүйцэтгэсэн тоглогч бол мэдээж Уэльс залуу Бэйл байсан юм. Ялалт байгуулсан хоёр тоглолтонд чухал гоолуудыг хийж, хэдийгээр МанЮ-д хожигдсон ч гэлээ Сарын хаалгыг мялаасан. Энэ бүхнийг үндэслэн түүнийг сарын шилдэгээр тодруулжээ. Тус шагнал нь түүний анхных юм байна. Түүнчлэн 2007 оны 11 сард Райан Гиггз авснаас хойш авсан анхны Уэльс хүн болжээ.

Энэхүү шагналын эздийг  хөлбөмбөгийн байгууллагууд, хэвлэл мэдээллийнхэн, хөгжөөн дэмжигчдийн төлөөллөөс бүрдсэн Barclay’s Awards Panel байгууллагаас тодруулдаг гэнэ.

Хуваалцах/Тэмдэглэх

“Манчестер Юнайтед” – “Тоттенхэм” – 3:1

Гоол: Гиггз, 58 – пенальти (1:0). Кинг, 70 (1:1). Нани, 81 (2:1). Гиггз, 86 – пенальти (3:1).

“Манчестер Юнайтед”: Ван дер Сар, Видич, Эвра (О`Ши, 67), Да Силва (Македа, 80), Эванс, Валенсия (Кэррик, 60), Гиггз, Флетчер, Скоулз, Нани, Бербатов.

“Тоттенхэм”: Гомес, Ассу Экотто, Бэйл, Доусон, Кинг, Бентли (Леннон, 66), Хаддлстоун, Паласиос, Модрич, Дефо (Гудьонсен, 55), Павлюченко (Крауч, 75).

Шар хуудас: Нани, 35.

Аваргын төлөө гол тэмцлийг өрнүүлж буй гурван багтай дараалж тоглох хуваарьтай Тоттенхэм Арсенал, Челсиг хожсоны эцэст МанЮ-д хожигдлоо. Тоглолтын гол баатраар Нани, Райан Гиггз нар тодров.

Криштиану Роналдуг залгамжлах учиртай Портгугалийн хагас хамгаалагч Нани энэ тоглолтонд гялалзтал тоглож пенальтийн боломж гаргаж өөрөө тун гоёмсог гоолыг хийлээ.

Тоглолтын эхний үед Рунигүй Улаан чөтгөрүүд давамгай тоглож илүү олон боломжийг гаргаж байсан. Бербатов их олон боломжийг хийсгэсэн. Гэсэн хэдий ч 2-р үе эхлээд Бербатов алдаагаа цайруулан араараа Евра руу бөмбөгийг дамжуулж бөмбөгийг Евра хүлээж авах үед Ассу Экотто алдаа гаргаснаар шүүгч пенальтийг МанЮ-ийн талд заав. Түүнийг ахмад тоглогч Гиггз түүртэлгүй гоол богосноор тоглолтыг МанЮ тэргүүлж эхлэх нь тэрээ. Гэсэн ч үүнээс 12 минутын дараа энэ тоглолтонд Тоттенхэмээс хамгийн сайн тоглосон Ледли Кинг булангийн цохилтоос мөргөн тоог тэнцүүлсэн. Хэдийгээр долоо хоногийн дундуур бэлтгэл дээр гэмтсэн гэгдэж байсан ч Ледли Кинг өнөөдөр тун сайн формтой тоглолоо. Хамгаалалтан дээр тун идэвхитэй ажиллаж байсан юм.

Фергюсонд тэнцээ хангалтгүй тул тэр эцсийн найдвар болох өнгөрсөн жилийн аварга авахад гол туслалцаа үзүүлсэн Македаг багаа авруулахаар талбайд Рафаэлаар сэлгэн гаргав. Итали хүүхэд ч найдварыг алдсангүй. Талбайд дөнгөж гараад л Нанид дамжуулалт өгч, Нани Гомесийг хөнгөхөн аргалан багийнхаа хоёр дахь гоолыг хийлээ. МанЮ-ийн ногоон, цагаан хувцас өмссөн фанатууд баяраа тэмдэглэж дуусаагүй байтал Паласиос Нани дээр 16 дотор алдаа гаргаснаар Гиггз дахин торгуулийн цохилт хийх болж тоглолтын эцсийн цэгийг тавилаа.

Манчестер Юнайтед 36 тоглолтын дараах байдлаар 79 дэх оноогоо ийнхүү авсан бол маргааш Стоук Сититэй тоглох Челси 35 тоглолтонд 77 оноотой 2-р байранд бичиглэж эхэллээ.

Хуваалцах/Тэмдэглэх

Тоглолтын хоёрдугаар үед Жон Терри ойрхон хоёр ч шар хуудас авснаар талбайг чөлөөлж Тоттенхэм хүний илүүтэй тоглох болж санаачилгыг бүрэн гартаа авав. Челси бус Тоттенхэм илүү довтолж, Гомез бус Чех илүү завгүй тоглосоор тоглолт үргэлжилсэн. Хэдийгээр 90+2 дахь минутад Лампард гоол хйисэн ч хэтэрхий хожимдсон байлаа. Тоттенхэм бас нэгэн сайхан хожлыг авлаа. Челси ингэснээр МанЮ-аас ердөө ганц онооны илүүтэй боллоо.

Премьер лиг өндөрлөхөд 3 тоглолт үлдээд буй энэ хэцүү үед доошоо унахгүй байх эрхийн төлөө Болтон хамгийн чухал гэж хэлэх тоглолтоо Стоуктай хийлээ. Тэд 85, 88 пахь минутад хийсэн хоёр гоолын ачаар 2-1 ээр хожиж 18-р байранд буй Халл Ситигээс 7 онооны зөрүүтэй боллоо. Гэхдээ тэд нэг тоглолт Халлаас илүү байгаа.

Мөн л доод хэсгийн ширүүн өрсөлдөөний нэг гишүүн Бернли Сандерлэнд багт 2-1ээр ялагдлаа. Өнгөрсөн долоо хоногт л анхныхаа айлын талбайн хожлыг авсан Бернли хожих хүсэл эрмэлзэл дүүрэн байсан боловч ялагдлаа. Тэд 19-р байранд 27 оноотой бачигдэж байгаа бол 17-р байрны Вест Хэм тэднээс 4 оноо илүү байна.

Тоглолтын эхний гоолыг Кэнвин Жонс хийх тун дөхөж хөндлөвч оносон. Гэсэн хэдий ч 25 дахь минутад Фрэзер Кэмпбелл Алан Хаттоны хөндлөн дамжуулалтыг гүйцээж эхний гоолыг хийсэн. 41 дэх минутад Даррен Бент энэ улирлын 23 дахь гоолоо хийж тоог 2-0 болгон холдуулснаар 1-р үе дууссан.

Цаг дуусахаас өмнө Бернли хоёр сэлгээ хийсэн нь үр дүнгээ өгч Бернли гоол хийсэн ч нэмж хийж чадсангүй.

Харин Халл Сити Бирмингемтэй гоолгүй тэнцээ хийсэн нь Бернлид бага ч гэсэн найдвар төрүүлэхээр боллоо.

Эвертон Блакбернийг 3-2 оор хожсоноор ирэх жилийн Европа лигт тоглох хүслээ хадгалж үлдлээ. Сэм Аллердайсын энэ ялагдал нь энэ улирлын ердөө 3 дахь гэрийн хожигдол гэнэ. Тоглолтын эхний гоолыг Микель Артета Райн Нельсоны алдааны дараа пенальт цохиж хийсэн. Энэ бол ердөө 4 дэх минут байлаа. Түүний хариуг 69 дэх минутад Стивен Нзонзи хийж тэнцүүлсэн ч 79 дэхь минутад Якубу гоол хийснээр дахин Эвертон тэргүүлж эхэлсэн. Биг Сэмийн цэргүүд бууж өгсөнгүй. 81 дэх минутад Жейсон Роберт гоолдож тоог тэнцүүлсэн. Харин шүүгчийн мэдлийн нэмэлт цагт Тим Кейхилл ялалтын гоолыг хийснээр Эвертон 54 дэх оноогоо авлаа.

“Тоттенхэм” – “Челси” – 2:1 (2:0)

Гоол: Дефо, 15 – пенальти (1:0). Бэйл, 44 (2:0). Лэмпард, 90+2 (2:1).

“Тоттенхэм”: Гомес, Кабуль, Доусон, Бассонг, Ассу Экотто, Бэйл, Модрич, Бентли, Хаддлстоун, Павлюченко (Крауч, 90+5), Дефо (Гудьонсен, 78).

“Челси”: Чех, Феррейра (Иванович, 46), Алекс, Терри, Жирков, Деку, Оби Микел (Баллак, 33), Коул (Анелька, 46), Лэмпард, Малуда, Дрогба.

Улаан хуудас: Терри, 67 (хоёр дахь шар хуудас).

“Стоук Сити” – “Болтон” – 1:2 (1:0)

Гоол: Китсон, 13 (1:0). Тэйлор, 85 (1:1). Тэйлор, 88 (1:2).

“Сандерленд” – “Бернли” – 2:1 (2:0)

Гоол: Кэмпбелл, 25 (1:0). Бент, 40 (2:0). Томпсон, 82 (2:1).

“Бирмингем” – “Халл” – 0:0

“Фулхэм” – “Вулверхэмптон” – 0:0

“Блэкберн” – “Эвертон” – 2:3 (0:1)

Гоол: Артета, 4 – пенальти (0:1). Н`Зонзи, 69 (1:1). Айегбени, 79 (1:2). Робертс, 81 (2:2). Кэйхилл, 90 (2:3).

Хуваалцах/Тэмдэглэх

“Тоттенхэм” – “Портсмут” – 0:2

Гоол: Пикьонн, 99 (0:1). Боатенг, 117, – пенальти (0:2).

Английн алдарт Уэмбли цэнгэлдэхэд урьд шөнө Английн хөлбөмбөгийн холбооны цомын хагас шигшээ Тоттенхэм, Портсмут багийн тоглолт явагдлаа. Хагас шигшээгийн нөгөө хос болох Челси-Астон Вилла багуудын тоглолт Челси багийн ялалтаар өндөрлөснийг та бүхэндээ мэдээлсэн.

Тэгвэл 2008 оны аварга Портсмут Тоттенхэм багийг нэмэлт цагт хоёронтоо гоолдож хожсиноор финалд Челситэй учрахаар боллоо.

Челсигийн экс дасгалжуулагч Аврам Грантаар удирдуулсан Помпейчүүд дараа жилээс доод лиг рүү унах нь тодорхой болсон нь тэдний ФА цомд тоглох, ялах хүслийг бүр нэмсэн гэж хэлж болно. Мөн Тоттенхэмйг экс Портсмутын менежер, 2008 онд багийг удирдан аваргалуулж байсан Харри Реднапп удирдаж байсан нь онцлогтой байлаа. Тэр Помпейгоос шилдэг тоглогчдоо аван Лондонд ирсэн.

Тоглолтын үндсэн цагт аль аль нь гоол хийгээгүй хоёр багийн тоглолтын хувь заяа нэмэлт цагт шийдэгдэхээр болоход Пикьонн, Боатенг нар гоол хийснээр Портсмут ялсан. Тоглолтын турш Тоттенхэм 31 цохилт хаалга руу хийсэн бол Помпей 17-г хийжээ.

Шигшээ тоглолт 5 сарын 15-д Уэмблид болно.

Хуваалцах/Тэмдэглэх

Аваргыг горилогч Челси, Аваргуудын лигийн эрхийг горилогч Астон Виллагийн хоорондын тоглолт энэ тойргийн хамгийн том тоглолт, шигтгээ нь байх учиртай байсан билээ.

Лондон хотын Стэмфорд Бридж цэнгэлдэхэд явагдсан энэ тоглолтонд Челси санаанд оромгүй ялалтыг авч өөрсдийн аваргалах замд нэг шат ахиуллаа.

Тоглолт эхлээд санаачилгыг аван довтолгооныг илүү хийж байсан Челси гоол хийж тэргүүлж эхэлсэн. Лампардын тун мэдрэмжтэй гоол байсан билээ. Харин Астон Вилла багийн Кэрью 29 дэх минутанд хариуг барьснаар тооны харьцаа тэнцсэн. Энэ үед Челси үргэлжлүүлэн довтолсоор байсан ба энэ бүхэн 44 дэх минутад үр дүнгээ өгч Оросын легионер Жирковыг торгуулийн талбайд унагаасан хэмээн шүүгч үзсэнээр торгуулийн цохилтыг Челси хийх эрхтэй болж Лампард төгс цохилтыг хийснээр эхний үед Челси 2-1 ээр тэргүүлсэн. Харин 2-р үед гоолын хур бууж Челси 5 гоол хийлээ. Өнөөдөр Фрэнк Ламдард 4 гоол хийснээр өөрийн карьерийн хамгийн шилдэг тоглолтоо хийж, Малуда 2 гоолоор Фриделийн хаалгыг мялаасан бол Жирков 3 ч гоолын боломжийг гарган өглөө. Фрэнк Лампард өнөөдөр 4 гоол хийснээр энэ улиралд нийт 21 гоол хийв. Энэ улиралд 21 гоол хийснээр тэр 5 дахь жилдээ дараалж 20 оос дээш гоол хийсэн хэмээх өвөрмөц амжилтыг тогтоож байна. Харин нийт 151 гоолтой болсноор Челсигийн бүх үеийн түүхэнд 3т орох амжилтыг үзүүлж байна. Хагас хамгаалагчийн хувьд тун сайхан үзүүлэлт. Түүнчлэн багийн ахлагч Жон Терри багийн ахлагчийн туузтай 325 дахь тоглолтоо хийж туузтай тоглосон тоогоороо Челсигийн бүх үеийн рекордыг эвдлээ. Түүний Челсигийн төлөө хийсэн 450 дахь тоглолт нь байсан юм.

Дээрх тоглолттой зэрэгцээд Бирмингем, Арсенал багуудын тоглолт боллоо. Тоглолт хэр баргийн багийн хожил авч чадахгүй буцдаг Сэйнт Эндрьюсийн цэнгэлдэхэд явагдав. 2 жилийн өмнө энэ хоёр багийн тоглолтын үеэр Эдуардо хөлөө хугалж карьераа удаан хугацаагаар завсарлах шаардлагатай болж байсан түүхтэй. Тухайн үед Арсене Венгер Эдуардо дээр алдаа гаргасан Мартин Тейлорыг бүх насаар нь тоглох эрхийг нь хасах эрхтэй хэмээн мэдэгдэж олон Бирмингемчүүдийн дургүйг хүргэж байлаа. Өнөөдөр түүнийг цэнгэлдэхэд орж ирэхэд Бирмингемийн фэнүүд тун таагүй угтаж авсан. Тоглолтын 81 дэх минутад Самир Насри гоол хийн тоглолтыг буучид тэргүүлж эхэлсэн ч шүүгчийн мэдлийн нэмэлт цагт Бирмингемийн Филипс гоол хийн тэнцүүлснээр Арсенал 2 оноо алдлаа.

Халл Сити Фулхэмийг 2-0 ээр хожиж 6 дараалсан ялагдлын хар цувралаа зогсоолоо. Харин Стоук Сити Вест Хэмийг 1-0ээр хожжээ.

Одоогоор 4-р байранд бичигдэж буй Тоттенхэм ээлжит ялалтаа лигийн хомоолыг хамагч Портсмутаар авлаа. Нико Кранчар, Питр Крауч нар гоол хийснээр 2-О ээр ялалт байгуулж 4-р байраа эзэмшсээр байна. Тэд 5 дараалж ялууд байгаа юм.

“Челси” – “Астон Вилла” – 7:1 (2:1)

Гоол: Лэмпард, 15 (1:0). Карью, 29 (1:1). Лэмпард, 44 – с пенальти (2:1). Малуда, 57 (3:1). Лэмпард, 61 – пенальти (4:1). Малуда, 68 (5:1). Калу, 83 (6:1). Лэмпард, 90+1 (7:1).

“Челси”: Чех, Паулу Феррейра, Алекс, Терри, Жирков (Ван Анхолт, 76), Деку (Баллак, 72), Оби Микел, Лэмпард, Коул (Калу, 76), Малуда, Анелька.

“Астон Вилла”: Фридель, Янг, Коллинз, Данн, Уорнок, Милнер, Петров (Даунинг, 64), Сидуэлл, Агбонлахор (Бей, 72), Янг, Карью (Дельфонесо, 63).

“Халл Сити” – “Фулхэм” – 2:0 (1:0)

Гоол: Баллард, 17 – с пенальти (1:0). Фаган, 48 (2:0).

“Тоттенхэм” – “Портсмут” – 2:0 (2:0)

Гоол: Крауч, 27 (1:0). Краньчар, 41 (2:0).

“Вест Хэм” – “Стоук Сити” – 0:1 (0:0)

Гоол: Фуллер, 69.

“Вулверхэмптон” – “Эвертон” – 0:0

“Бирмингем” – “Арсенал” – 1:1 (0:0)

Гоол: Насри, 81 (0:1). Филлипс, 90+2 (1:1).

Хуваалцах/Тэмдэглэх

Челси талбай дээрээ өөрийн хуучин домог Жанфранко Золагаар удирдуулсан Вестхэмийг хүлээн авав. Челси багийн хаалгачаар Росс Төрнбулл гарсан бөгөөд түүнийг Анчелотти ирэх мягмар гаригт болох Интер багийн эсрэг тоглолтонд гаргах бололтой. Төрнбулл ч өчигдөр оройны тоглолтоос хангалттай итгэл олж авлаа. Тоглолтын эхний гоолыг Алекс мөргөж хийсэн бөгөөд экс Челси Скотт Паркер гайхалтай цохилтоор тоог тэнцүүлсэн. Гэсэн хэдий ч зүүн жигүүрээр дараалсан олон довтолгоо хийж байсан Челси Малуда, Дрогба нарын голлох тоглолтоор 4-1 ээр ялалт байгууллаа. 55 дахь минутад Дрогба сул гарч мөргөн гоол хийсэн бол цаг дуусахаас 14 минутын өмнө Малуда, тоглолтын сүүлчийн минутад Дрогба дахин хийсэн. Ингэснээр тэр энэ улирлын 21 дэх гоолоо хийлээ. Челси хожсоноор хүснэгтийн тэргүүнд МанЮ-аас 1 онооны илүү бичигдэж эхэлсэн.

Харин Арсенал Челситэй тэргүүн эгнээнд Халл Ситиг 2-1ээр хожсоноор хамт бичигдэх боллоо. Гэхдээ буучид нэг тоглолт илүү хийсэн. Андрей Аршавин тоглолтын эхний гоолыг хийв. Хоёр ч хамгаалагчаас мултарч гаран сайхан гүйцэтгэлийг хийж Арсенал тоглолтыг тэргүүлж эхэлсэн. Гэсэн хэдий ч Сол Кэмбелл Ян Веннегоор оф Хесслинкэд алдаа хийн шар хуудсаар торгуульж Халл пенальти цохих эрхийг олж авч Жимми Буллард цохисноор тоо тэнцжээ.

Баруудын Жорж Боатен эхний үе дуусахын өмнөхөн улаан хуудас хүртэж Халл 10 уулаа үлдсэн хэдий ч тоглолтын эцсийн мөч хүртэл хүчтэй эсэргүүцлийг Арсеналд үзүүлж байлаа. Гэсэн хэдий ч энэ өдөр Арсенал 3 оноогоо авах учиртай байжээ. Тоглолтын цаг дуусах мөчтэй уралдан Денилсоны цохисон бөмбөгийг Бендтнер нэмснээр ялалтыг буучид авлаа.

Оросын легионер Роман Павлюченкогийн хоёр гоолын ачаар Тоттенхэм Блэкберн Роверсыг 3-1 ээр буулган авч топ-4т багтах найдвараа хадгалж үлдлээ. Павлюченко Тоттенхэмийн гараанд гарч эхэлснээс хойшхи 6 тоглолтонд 8 гоол оруулаад байна.

4-р байрын төлөөх гол өрсөлдөгч Астон Вилла Стоук Сити багтай тоглож гоолгүй тэнцээ хийж оноо алдав. Астон Вилла хэд хэдэн боломж гаргаж байсан ч ашиглаж чадсангүй. 2-р үеийн эхэнд Даунин гоол хийх шахсан. Гэсэн ч Соренсоны хөл түүнд гай болжээ.

Бирмингем, Эвертон багууд 2-2оор тэнцлээ. Кгэйр Гарднер Бирмингемийн төлөө анхныхаа гоолыг хийсэн бөгөөд Бирмингемийн 6 сар гэртээ хожигдоогүй цуврал үргэлжилсээр байна.

Эвертон 1-р үеийн дундуур 3 минутын зайтай хоёр гоол хийж тоглолтыг бүрэн санаачилгандаа авсан ч ялалт авч чадаагүй. Кэмерон Жеромийн сүүлийн хоёр тоглолтонд хийсэн 3 дахь гоол болон Бирмингемийн ривал Астон Виллагаас 3 сая паундаар энэ өвөл ирсэн Крэйг Гарднерын гоолын ачаар Бирмингем тэнцсэн.

“Челси” – “Вест Хэм” – 4:1 (1:1)

Гоол: Алекс, 16 (1:0). Паркер, 30 (1:1). Дрогба, 56 (2:1). Малуда, 77 (3:1). Дрогба, 90 (4:1).

“Челси”: Тернбулл, Паулу Феррейра, Терри, Алекс, Иванович (Жирков, 80), Лэмпард, Баллак, Малуда (Калу, 87), Оби Микел, Дрогба, Анелька (Ж. Коул, 66).

“Стоук Сити” – “Астон Вилла” – 0:0

“Бирмингем” – “Эвертон” – 2:2 (1:2)

Гоол: Аничебе, 19 (0:1). Айегбени, 22 (0:2). Жером, 26 (1:2). Гарднер, 52 (2:2).

“Болтон” – “Уиган” – 4:0 (1:0)

Гоол: Эльмандер, 10 (1:0). Дэйвис, 48, пенальти (2:0). Муамба, 53 (3:0). Тэйлор, 69 (4:0).

“Бернли” – “Вулверхэмптон” – 1:2 (0:1)

Гоол: Жарвис, 26 (0:1). Карлайл, 47, авто гоол (0:2). Томпсон, 73 (1:2).

“Халл Сити” – “Арсенал” – 1:2 (1:1)

Гоол: Аршавин, 14 (0:1). Баллард, 28 – пенальти (1:1). Бендтнер, 90+3 (1:2).

“Арсенал”: Альмуния, Кэмпбелл, Вермален, Эбуэ (Уолкотт, 66), Санья, Клиши, Аршавин, Насри (Эдуарду да Силва, 76), Диаби, Денилсон, Бендтнер.

“Тоттенхэм” – “Блэкберн” – 3:1 (1:0)

Гоол: Дефо, 45 (1:0). Павлюченко, 55 (2:0). Самба, 80 (2:1). Павлюченко, 85 (3:1).

“Тоттенхэм”: Гомес, Доусон, Ассу Экотто, Бассонг, Чорлука, Бэйл, Модрич (Гудьонсен, 89), Краньчар, Паласиос, Павлюченко, Дефо (Крауч, 82).

Хуваалцах/Тэмдэглэх

“Челси” – “Стоук Сити” – 2:0

Гоол: Лэмпард, 35 (1:0). Терри, 67 (2:0).

Өнгөрөгч шөнө Английн хөлбөмбөгийн холбооны цомын шөвгийн наймын тоглолтууд явагдлаа. Сүүлийн үед тааруухан тоглож буй Челси тун чухал ялалтыг авлаа. Хожлоос гадна Жон Терри гоол хийж багийн сэтгэл санаа, Жон Терригийн сэтгэл санаанд чухал зүйл боллоо.

Тоглолт эхлээд Стоукын “шидэгч” Делапын хажуугийн шидэлтүүд аюул тарьж байлаа. Ер нь ч Челси энэ жил сет-пис буюу стандарт цохилтуудаас олон гоол алдаж байгаа. 30 орчим минутаас Челси санаачилгыг бүрэн авч олон довтолгоог зохион байгуулж байсан. 29 дэх минутад Анелька аюултай довтолж гоол хийх дөхсөн. Харин 35 дахь минутад Челсигийн дэд ахлагч Фрэнк Лампард гоол хийж тоглолтыг тэргүүлж эхлэв. Фрэнк Лампардын 18 дахь ФА цомын гоол, Челсигийн төлөө хйисэн 146 дахь гоол орсон нь энэ. 67 дахь минутад ахлагч Терри өөрийн дархан мөргөлтөөр гоол хийснээр өнгөрсөн жилийн аварга Чеси хагас шигшээд шалгарлаа.

“Ридинг”  – “Астон Вилла” – 2:4 (2:0)

Гоол: Лонг, 27 (1:0). Лонг, 43 (2:0). Янг, 47 (2:1). Карью, 51 (2:2). Карью, 57 (2:3). Карью, 90 -пенальти (2:4).

Тоглолтыг Английн хатуу самруудын нэг Ридинг тун сайн эхлүүлж 27, 43 дахь минутад гоол хийн тэргүүлсэн ч Виллагийн эргэн ирэлт гайхалтай байлаа. Астон Вилла лидер тоглогч Агбонлахор үгүйд ялалтыг авсан ба түүнийг Жон Кэрью гайхалтай нөхсөн. Тоглолтын 2-р үе эхлээд 12 минутын дотор тухайлбал, 9 минутанд 3 гоол хийж тэргүүлсэн. Эшли Янг , Жон Кэрью нарын гоолууд багтаа ялалт авчирсан. Шүүгчийн мэдлийн нэмэлт цагт Жон Кэрью дахин нэг гоолыг торгуулийн цохилтоос хийснээр энэ тоглолтонд хэт-трик хийлээ.

Хагас шигшээд Астон Вилла Челси багууд, нөгөө тоглолтонд нь Фулэм, Тоттенхэм багуудын хожсонтой нь Портсмут тоглоно. 4 сарын 10, 11-нд хагас шигшээ тоглолтууд Уэмбли цэнгэлдэхэд болно.

Хуваалцах/Тэмдэглэх

Энэ хооронд Тоттенхэм нэг хотын Фулхэмийг 2: 0-ээр ялж Ливерпулээс оноогоор илүү гарлаа. Аарон Леннон бэртэлтэй байсан тул Дэвид Бентлэй түүний оронд гараанд гарчээ. Дэвид энэ улиралд багтаа төдийлөн тус болоогүй бөгөөд сэлгээний сандалд ихэнхи цагийг өнгөрүүлж байгаа юм. Харин Фулхэмээс Бобби Замора бэртлээсээ эргэн ирж МанЮ, Арсеналын идэвхтэй сонирхож байгаа Крис Смаллин гараанд гарчээ. Спөрзчүүд 2010 он гарснаас хойш лигийн ганц ч тоглолтонд ялаагүй байгаа хар цувралаа энд төгсгөл болгохыг хүсэж байлаа. 27 даххь минутад тэдний хүсэл биеэж Крис Смаллиний дамжуулалтаар Петер Крауч тооны харьцааг нээжээ. 60 дахь минутад Дэвид Бентлэй чөлөөт цохилтоос гоёмсог гоол оруулж өөрийгөө дахин нэг харуулсан юм. Ийнхүү Тот 3 оноогоо халаасалж 4-р байрандаа үлдлээ.

Өнөөдөр энэ тойргийн үлдсэн тоглолтууд явагдана.

04.00. ЭВЕРТОН – САНДЕРЛЕНД
04.00. БЛЭКБЕРН – УИГАН

03.45. АСТОН ВИЛЛА – АРСЕНАЛ

03.45 ЧЕЛСИ – БИРМИНГЕМ

Лондон. 35,467 үзэгч
ТОТТЕНХЭМ – ФУЛХЭМ – 2:0 (1:0).
Гоол : Крауч, 27 (1:0). Бентли, 60 (2:0)
Шар хуудас : Доусон, 89 (Тоттенхэм), Камара, 87 (Фулхэм).
Тоттенхэм: Гомес, Чорлука, Доусон, Кинг, Бэйл, Бентли, Хаддлстоун, Паласиос, Модрич, Крауч, Дефо (Кин, 82).

Фулхэм: Шварцер, Хьюз, Смаллинг, Хангеланд, Берд, Риисе (Дэйвис, 64), Мерфи, Дикгасои, Гера (Камара, 72), Дафф, Замора (Эльм, 79).

Вулверхэмптон. 28,763 үзэгч .
ВУЛВЕРХЭМПТОН – ЛИВЕРПУЛЬ – 0:0.
Шар хуудас : Шкртел, 73 (Ливерпуль).
Вулверхэмптон: Ханеманн, Зубар, Крэддок, Берра, Уорд, Фоли, Мансьенн, Генри, Жервис (Гуэдиура, 89), Мильяш (Жонс, 73), Дойл.

Ливерпуль: Рейна, Каррагер, Шкртел, Кирьякос, Инсуа, Родригес, Лукас, Машерано, Джеррард, Риера (Нгог, 67), Кейт.

Портсмут. 18,322 үзэгч.
ПОРТСМУТ – ВЕСТ ХЭМ – 1:1 (0:0).
Гоол : Апсон, 52 (0:1). Уэббер, 76 (1:1).
Шар хуудас : Басинас, 54, Боатенг, 67, Мокена, 89 (Портсмут), Нобл, 60 (Вест Хэм).
Портсмут: Бегович, Финнан, Кабуль, Уилсон, Хрейдарссон, Маллинс (Ванден Борре, 64), Мокена, Басинас, Боатенг, Утака, Пикьонн (Уэббер, 73). Вест Хэм: Грин, Фобер, Томкинс (Да Кошта, 80), Апсон, Спектор, Коллисон, Бехрами, Ковач, Нобл, Диаманти (Станислас, 87), Ноубл (Коул, 74).
Болтон. 23,986 үзэгч .
БОЛТОН – БЕРНЛИ – 1:0 (1:0).
Гоол : Ли, 35 (1:0).
Шар хуудас : Коэн, 42, К.Дэйвис, 73, Ли, 87 (Болтон), Эллиотт, 37, Макдональд, 88 (Бернли).
Болтон: Яаскелайнен, Стеинссон, Кэхилл, Найт, Рикеттс, Ли (Вайсс, 90), Коэн, Муамба, Тэйлор (Гарднер, 77), К.Дэйвис, Класнич (Эльмандер, 52). Бернли: Йенсен, Мирс, Дафф, Карлайл, Калвенес, Иглс (Нимани, 66), Александер (Патерсон, 17), Маканн (Макдональд, 13), Эллиотт, Нажент, Флетчер.



Хуваалцах/Тэмдэглэх