Ван Персиг Арсеналын дэмжигчид Деннис Бергкамптай харьцуулах дуртай бөгөөд Бергкамп энд 10 дугаартай тоглодог байв.

Ван Персигийн өмнөх эзэмшил болох 11 дугаарыг Мексикийн залуу тоглогч Карлос Вела авч байгаа аж.

Голланд довтлогч одоогоор Арсеналын төлөө 131 тоглолт хийж 48 гоол оруулаад байна.

Хуваалцах/Тэмдэглэх

“Арсеналын ахлагч Сеск Фабрегас клубтэйгээ 2015 оны зун хүртэл гэрээтэй. Тэр багийн гол гишүүдийн нэг, ирээдүйн томоохон хэсэг.

Фабрегасыг авна гэсэн яриа өмнө нь 2 ч удаа гарахад бид татгалзаж байгаагаа илэрхийлсэн. Харин өчигдөр Барселонагаас албан ёсны санал хүлээж аваад дахин нэг удаа ахлагчаа зарахгүй гэдгээ мэдэгдсэн” гэж Арсеналын талаас мэдээлжээ.

Харин Барселонагийн дэд ерөнхийлөгч Рафаель Естэ клубынхээ албан ёсны сайтад: “Тэр аль болох хурдан Барсатай гэрээ хийнэ гэдэгт итгэж байна” гэсэн байна.

Одоо 23-тай Фабрегасыг 16-тай байхад нь Барсагаас авч байсан юм. Ер нь Фабрегас өөрөө бол Барсад эргэн очихоос нэг их татгалзаад байхгүй гэдгээ илэрхийлдэг.

Хэдийгээр сая Арсенал татгалзсан саналаа өгсөн ч одоо л жинхэнэ “тоглоом” эхэлж байгаа болов уу.

Хуваалцах/Тэмдэглэх

1.Олон олон рекорд амжилт дагуулсан Челсигийн түрүү

Гуус Хиддинкийн залгамжлагчаар Анчелнотти нэрлэгдсэний дараа  Челсигийн амжилтанд  эргэлзэх хүмүүс нилээд  их байлаа. Учир нь ямар ч итали дасгалжуулагч өмнө нь премьер лигт түрүүлсэн удаагүй. Челсиг өмнө нь Виали, Раниери гэсэн 2 итали эрхэм удирдаж байсан ч ямар ч лигийн
цомгүй нутгийн зүг буцаж байсан билээ.

Гэвч Карло энэ бүхнийг өөрчлөхөөр эрс шийдсэн байлаа. Түүний анхны цом тийм ч удаан хүлээлгээгүй бөгөөд Манчестер Юнайтедийг супер цомд торгуулийн цохилтоор буулган авч гайхалтай эхлэлийг тавьсан. Ингэж тэр 1998 оноос хойш торгуулийн цохилтоор авсан клубын анхны цомыг бэлэглэсэн юм. Гэтэл энэ сайхан улиралын эхлэлийг солилцоо наймааны будилаантай асуудал үймүүлж орхих нь тэр. 2007 онд Францын Лен клубээс Гаель Какута хэмээх хүүг хууль бусаар багтаа авчирсан нь илэрсэн тул ФИФА-гийн зөвлөлөөс Челсиг ирэх 2 солилцоо наймааны цонхоор тоглогч худалдан авах эрхийг нь хязгаарласан юм. Гэхдээ Роман Абрамович хэмээх хүчтэй эзэнтэй багт энэ асуудал тийм ч удаан саад болж чадсангүй. Удаа дараа Спортын арбитрийн шүүхээр заргалдсаны эцэст Лондоны баг дээрхи шийтгэлээс чөлөөлөгдөж нэрээ цэвэрлэж чадсан юм.

10 сард Челси ”Топ 4”-ийн анхны тулаанаа Стенфордын гүүрэндээ Ливерпультэй хийлээ. Дидье Дрогба энэ тулаанд гайхалтай тоглож 2 : 0-ээ ялахад гол үүргийг гүйцэтгэсэн. Тэрээр Анелка, Малудагийн гоолыг эхлэлийг тавьжээ. Энэ бол Лондоны багийн гайхалтай амжилтын дөнгөж эхлэл байсан юм. Үүнээс хойш Цэнхэрүүд топ 4-т багтдаг бусад багуудтайгаа хийсэн тулаанд 100 хувийн амжилт үзүүлсэн юм. Тухалбайл 11 сарын 8-нд МанЮ-г Жон Терригийн гоолоор буулгаж авсан бол 29-нд нь Арсеналыг Эмирэйтс цэнгэлдэхэд нь 3 : 0-ээр бутниргэжээ. Дидье Дрогба 2 гоол оруулж Вермаелений авто-гоол Челсид төгс ялалтыг бэлэглэсэн аж.

Он гарсны дааа Челсигийн зарим гол тоглогчид Африкийн цомд оролцохоор хар тивийг зорилоо. Жилийн жилд Африк тоглогчидтой багт ”лай” болдог энэ тэмцээн Челсид нэг их хүндрэл учруулсангүй.

Гол тоглогчдоо эзгүйд ч Челсичүүд ялалтын цувралаа үргэлжлүүлсээр байв. Жон Терригийн гэр бүлийн хувийн асуудлыг эс тооцвол багт ямар ч асуудал байсангүй. 5 : 0, 7 : 2 гэхмэтчилэн өрсөлдөгчдөө бутниргэсээр байсан юм. 2 сарын эхэнд Арсеналыг талбайдаа 2 : 0-ээр ялж ”топ 4”-ийн 100 хувийн амжилтаа үргэлжлүүлсээр байв.

Харин тэмцээн өндөрлөж Африкчуудыг эргэж ирсний дараа жинхэнэ хямрал эхлэх нь тэр.

2 сарын 27-нд талбайдаа Манчесте ситид ялагдаж Стенфордод анхны ялагдлаа амслаа. Залгуулаад Аваргуудын лигийн шөвгийн 16-аас хасагдаж томоохон шуугиан дэгдээв. Челсигийн бүх цаг үеийн агуу дасгалжуулагч Жозе ”Би Стенфордод хэзээ ч ялагддаггүй” хэмээх үгэндээ хүрсэн юм. Ийнхүү тэд сүүлийн 4 жил дараалан Аваргуудын лигийн шөвгийн 4-т шалгарсан амжилтаа таслууллаа.

Гэхдээ энэ хямралын байдлаас Челси хурдан гарч аваргын төлөөх тэмцлээ үргэлжлүүлж эхэлсэн. Эсрэг талд нь топ формтой Уэйн Рүүни жинхэнэ ”галзуурч” байсан ч Челси 7-1-ээр Астон Виллаг бутниргэх зэргээр  мөчөөгөө өгөхгүй гэдгээ харуулсаар байв. Ингээд улиралын хамгийн онцлох мөч ирлээ. 4 сарын 3-нд Олд Траффордод МанЮ-гийн эсрэг хийсэн тоглолт хэн нь премьер лигт түрүүлэх эсэхийг шийдэх байв. МанЮ-гийн гол довтлогч Уэйн Рүүни аваргуудын лигийн тоглолтын үеэр бэртэл авсан тул энэ тулаанд оролцоогүй.

Шүүгчийн буруу шийдвэрээс болж 2 багийнхан хоёулаа багагүй нервтэсэн гэдгийг дурьдах нь зүйтэй. Ингээд Жое Коул, Дрогбагийн гоолуудын ачаар Челси 2 : 1-ээр ялж премьер лигт түрүүлэх замаа зассан юм. Үүний дараа Тоттенхэмд 2 : 1-ээр ялагдаж энэ давуу байдлаа алдаж болох байсан ч аз болж МанЮ Блекбернтэй оноо хувааж оноо нөхөж чадсангүй. Улмаар 37-р тойрогт Ливерпулийг 2 : 0-ээр буулган авснаар ”топ 4”-ийн тулаанд 100 хувь ялалт байгуулсан амжилтын эзэн болсон юм. Гэхдээ энэ бол тэдний рекорд амжилтын дөнгөж эхлэл байлаа. Сүүлийн тойрогт Уйганыг
8 : 0-ээр бутниргэж премьер лигийн хамгийн том ялалтыг байгуулсан. Улиралыг 103  гоол оруулсан амжилтаар дуусгаж премьер лигийн шинэ амжилтыг тогтоосноос гадна английн хөлбөмбөгийн түүхэнд нэг улиралд 4 багийг 7 гоолоор ялсан анхны баг болсон байгаа. Мөн гоолын зөрүүү +71  гэсэн үзүүлэлт нь лигийн түүхэнд хамгийн өндөр үзүүлэлт болжээ. Эцэст нь Дроба 29  гоолтойгоор премьер лигийн мэргэн бууч болж

Челси 86 оноотой Английн премьер лигийн аваргаар 3 дахь удаагаа тодорсон юм. Мөн Карло Анчелотти английн лигт түрүүлсэн анхны итали дасгалжуулагч болжээ.

2. Улаануудын “уналт”

2009 оны улиралд Улаанууд олны анхаарлын гол төвд байсан. Тэд сүүлийн тойрог хүртэл МанЮ-тай аваргын төлөө тэмцэж, нийт 8 удаа come-back буюу ялагдаж яваад ялалт байгуулжээ. Харамсалтай нь тэд улиралын төгсгөлд удаан хүсэн хүлээсэн премьер лигийн цомоо МанЮ-д алдаж дахин нэг улирал хүлээх хэрэгтэй болсон. Гэтэл өнгөрч байгаа улиралд Ливепульчууд бас л олны анхаарлын төвд байж чадсан. 2009 оноос ялгаатай нь тэд эсрэг дүрээр олны анхаарлыг татжээ.

Зуны наймааны цонхоор сүүлийн хэдэн жилийн амжилтын гол түлхүүр болсон Хави Алонсогоо зарж, оронд нь Алберто Аквилани хэмээх ”шилэн хөлт”-ийг авчирсан. Гэтэн өнөөх 22 саяар ирсэн өнөөх залуу нь бүтэн улиралд 11 тоглолтонд оролцсон гэж байгаа. Энэ ч яахав. Премье лигийн эхний тойрогт Тоттенхэмд ялагдсан нь тэднийг ирээдүйд хүлээж буй ”сүйрлийн” цондон болсон. Премьер лигийн хямралын хажуугаар Европын тавцанд ч азүйтэл үргэлжилж байв. Аваргуудын лигт Италийн Фиорентинад 2 удаа ”дөнгүүлж” хэсэгтээ 3-р байр эзлэн Европын лиг рүү унасан. Нэр хүнд чансаа доогуур баг ордог энэ тэмцээнд ”будаа болгоно” гэж байсан ч бас л бараагүй.

Хагас шигшээд түрүүлэх хувьтай Атлетико Мадридад нэмэлт цагт гоол алдан ялагдал хүлээсэн. Өмнөх улиралд нь аваргын төлөө тэмцэж байсан бол энэ удаа тэд 4-р байраа алдахгүйн төлөө Тоттенхэм, Астон Вилла, Манчестер сити багуудтай өрсөлдөж байв. Жэйми Карраге нэгэнтээ багийнхаа энэ амжилтын талаар ”Бид улиралын эхэнд хэтэрхий их зүйлийг хүсэж байсан болохоор энэ хямрал их хүндээр тусаж байна. Лигийн аварга болно гэсэн сэтгэлзүйтэй байсан залуус дөнгөж 4-р байрын төлөө тэмцэж байгаа болохоор ямар ч тэмцэх чанаргүй болчихоод байна” хэмээсэн байна.

Үнэхээр ч сүүлийн тойргуудад Ливерпульчууд ямар ч урамгүй тоглож үүнийхээ ”’ачаар” 7-р байранд орсон амжилтаар улиралыг дуусгасан. Энэ нь тэдний сүүлийн 11 жил үзүүлсэн хамгийн тааруухан амжилт болсон юм. Улиралын турш суудалдаа үлдэх эсэх нь тодорхойгүй байсан Рафа Бенитез эцсийн эцэст багтаа үлдэхээр болсон ч түүнийг явуулах хүсэлтэй Копууд чамгүй их байна.

Хэрвээ Рафа явахаар болбол түүнтэй хамг багийг орхино гэсэн тоглогчид ч цөөнгүй байна. Юу болохыг харж л байядаа.

3. Тоттенхэм Аваргуудын лигт шалгарлаа

Премьер лигийн топ 4 баг гэж МанЮ, Челси, Арсенал, Ливерпулийг нэрлэдэг байсан цаг ард хоцорчээ. Энэ улиралд маш олон баг 4-р байрын төлөө ширүүн тэмцэл өрнүүлсэн. Эцэст нь энэ байранд орохын тулд асар их хөрөнгө хаясан Ман сити ч бус, авьяаслаг залуусаар хүч нэмсэн Астон Вилла ч бус харин Харри Реднапаар удирдуулсан Лондоны Спөрз энэ эрхийг авч чадлаа.

Ийнхүү тэд түүхэндээ анх удаа аваргуудын лигт шалгарч байгаа бөгөөд 1961-62 оны улиралаас хойш анх удаа европын топ тэмцээнд шалгарч байгаа нь энэ юм.

Улиралын төгсгөлд Тот Челси, Арсеналыг дараалан буулган авсан нь тэднийг ийнхүү топ 4-т шалгарахад голлох үүргийг гүйцэтгэжээ. Жермайн Дефое гоолын тоогоор багаа тэргүүлж нийт 24 гоол оруулсан амжилт үзүүлжээ. Түүний араас Петер Крауч 13, Павлюченко 10 гоолтой удаалжээ. Харин хаалгач Гомеш нийт 42 тоглолтонд оролцсон амжилтаа багаа тэргүүлсэн байх юм.

4. Портсмутын санхүүгийн хямрал

2009 оны 5 сард Арабын тэрбумтан Сулиман Аль Фахим Портсмутыг худалдан авахаар болсон. Арабын хамгийн нөлөөтэй бизнесменүүдийн нэгт худалдагдсан  болохоор санхүүгийн тал дээр Портсмутыг санаа зовох зүйлгүй боллоо гэж мэргэжилтнүүд дүгнэж байв.

Гэтэл өнөөх баяр эр нь Ман ситигийн араб эздийг бодвол тун харамч нөхөр таарсан тул 10 сар гэхэд л Помпэй тоглогчдынхоо цалинг тавьж чадахгүй хүнд байдалд орсон. Улмаар Али Аль Фарах хэмээх бас нэгэн Арабын тэрбумтан клубын хувьцааны 90 хувийг худалдан авсан байна. Аль Фарах ирсэн даруйдаа Аврам Грантыг клубын спорт эрхэлсэн захиралаар томилсон. Гэсэн ч тэдний санхүүгийн асуудал шийдэгдсэнгүй.

2009 онд 12 сард Помпэй 2 дахь сардаа дараалан тоглогчдынхоо цалинг тавьж чадаагүй учраас гэрээнд тусгагдсан нөхцлийн дагуу тоглогчид багаа орхиж явах эрхтэй болсон. Нөхцөл байдал даамжирсаар он гараад 2 сард Непалын бизнесмен Балрам Чайнрай клубын ээлжит эзнээр нэрлэгдлээ. Шинэ эзэн дамппуурлын ирмэгт тулсан багтаа 20 сая фунтын л хөрөнгө оруулалт хийсэн бөгөөд үүнээс илүүг гаргахгүй хэмээн гүрийх нь тэр.

Энэ мэтчилэн баг нь санхүүгийн хүнд байдалд байсан тоглогчид шүд зуун тоглосоор ФА цомын финалд шалгарч чадсан. Гэвч тэд топ формондоо байсан Челсиг үнэхээр барж чадсангүй. Хүснэгтийн доод хэсэгт бичигдэж байсан ФА цомын финалд шалгарсан учраас тэдэнд Европын тэмцээний эрх авах найдвар байлаа.

Гэвч санхүүгийн асуудалд орсон багт УЕФА-гийн тэмцээнд лиценз өгдөггүй учраас хичнээн маргалдаад тэд энэ эрхийг авч чадаагүй. Дараагийн улиралаас Помпэй Чампионшип буюу доод лигт хүч сорих бөгөөд бүрэлдэхүүнээ хадгалж эргэн топ лигтээ ирэх зорилго тавьж байгаа аж.

5. Фулхэмийн ”Үнсгэлжингийн түүх”

Хэдийгээр премьер лигттэй холбоогүй ч Английн багийн амжилт учраас энд багтаах нь зүйтэй болов уу, Английн хамгийн олон жилийн настай ч хамгийн даруухан багуудын нэг Фулхэм энэ улиралд түүхээ шинээр бүтээсэн. Рой Хожсоны удирдлаган дор Цагаанууд Европын лигт мөрөөдлийн улиралаа өнгөрүүлсэн билээ.

Хасагдах шатанд тэд Ювентус, Вольсбург, Гамбург гэсэн фаворит багуудыг ээлж дараалан мулталж финалд шалгарч чадсан. Харамсалтай нь аваргын төлөөх тоглолтонд Атлетико Мадридад ялагдал хүлээж түүхэн дэх анхны европын цомоо хүртэх боломжоо алдсан. Гэхдээ тэднийг Лондонд эргэн ирэхэд баатрын дүрээр угтан авсан нь ойлгомжтой.

Премьер лигт Фулхэм уламжлал ёсоор нэг их амжилттай ч биш, амжилтгүй ч биш алтан дундажаа л барьсан. Гэхдээ энэ улиралыг Фулхэмийн фенүүд хэзээ ч мартахгүй бизээ.

Товчхондоо гэхэд 2010 оны улирал Английн хөлбөмбөгт Лондоны багуудын сэргэн мандалтыг авчирлаа. Челси түрүүлж, Тоттенхэм 4-р байр эзэлсэн. Мөн Фулхэм түүхэн амжилтаа үзүүллээ. Бас Вест Хэм доош уналгүй үлдсэнийг амжилт гэлтэй.

Хуваалцах/Тэмдэглэх

Ирэх 6 сарын 13-нд Барсагийн ерөнхийлөгчийн сонгууль явагдах бөгөөд Хоан Лапорта энэ сонгуулиас өмнө Вилья, Фабрегасыг хамтад нь авчрахаар ажиллаж байсан юм. Гэвч Лапортагийн хүсэл бүтэхгүй бололтой.

Барсагийн спорт эрхэлсэн захирал Хоан Оливер ”Одоохондоо бид ямар нэгэн санал Арсеналд тавиагүй байгаа. Гэхдээ тоглогч өөрөө энд ирэхийг хүсэж байгаа нь нууц биш болсон. Бидэнд бүх л бүтэн зун байгаа учраас нэг их яарахгүй байна. 8 сарын 31 хүртэл Ческийг авах боломж бидэнд байсаар байх болно” гэжээ. Харин Фабрегасын аав Франческ хүүгээ Барсад тоглоно гэдэгт итгэлтэй байгаа аж. ”Арсенал тоглогчдынхоо хүсэлтийг хүндэлдэг. Тийм учраас хоёр багийн хоорон дахь хэлэлцээр удахгүй сайхан үр дүнгээр өндөрлөнө гэж бодож байна” гэжээ.

Хуваалцах/Тэмдэглэх

Арсеналын хурдтай тоглолт үргэлж миний анхаарлыг татсаар ирсэн. Гуркуф бид 2 хурдан дамжуулалтуудыг хэрхэн хийх талаар маш их ярилцаж, бэлтгэл хийдэг байсан болохоор тэдний тоглолтонд дасахад нэг их хүндрэл учрахгүй байх” хэмээн тэрээр ярьжээ.

Чамах Бордогийн академиар хүмүүжиж 2002 онд үндсэн бүрэлдэхүүнд анх багтсан. Энэ хугацаандаа 290 гаран тоглолтонд оролцож 81 гоол оруулсан байна. Түүний Бордотой байгуулсан гэрээ энэ зун дуусаж байгаа учраас Босманы дүрмийн дагуу өөрөө тоглох багаа сонгох эрхтэй болж байгаа юм. Өнгөрсөн жил тэрээр Бордотой хамт Францын лиг болон цомд магнайлсан билээ.

Хуваалцах/Тэмдэглэх

Хэрвээ бэртээгүй бо түүний гоол үүнээс олон байх байсан бизээ. Улиралын турш хангалттай олон удаа багаа хөөдсөн Фабиански харин өөртөө итгэлтэй сайн тоглож олон аюултай довтолгоог зогсоож байв.Гэтэл магтсан хүүхэн хуриман дээрээ гэгчээр 43 дахь минутад Фабиански булангийн цохилтыг хатгаж гаргахдаа алдаа гаргаж айлд бэлэглэлээ.

Үүнийг нь ашигланд Давид Данн гоолдож тооны харьцааг 1 : 1 болгожээ. 63 дахь минутад Ван Персиг довтолгоонд орж байхад  Сальгадо алдаа гарган унагаасан шүүгч торгуулийн цохилт өгсөнгүй. Шүүгчийн энэ шийдвэр Венгерийг нилээд бухимдуулсан бөгөөд удалгүй бүр ч уурлуулсан шийдвэрийг талбайн шүүгч гаргажээ. 68  дахь минутад Блекберний булангийн цохилтын үеэр Фабианск дээр эсрэг багийнх нь тоглогчид шавсан байлаа.

Улмаар мань олон тоглогчдын дундаас бөмбөгөнд хүрч чадалгүй Самбагийн гоолыг алджээ. Мэдээж хэрэг 16 дотор хаалгачтай тоглох хориотой байдаг ч шүүгч энэ гоолыг тооцсон юм. Сүүлд сэлгээгээр Аршавин, Эдүардо нар орж ирсэн ч тэнцээний гоолыг оруулж чадсангүй. Ингээд Буучид 9 дэх ялагдлаа амсаж 72 оноотой хэвээр үлдлээ. Одоо сүүлийн тойрогт тэд нэг хотын Фулхэм багтай тулна.

Доод лиг рүү унахгүйн төлөө тэмцэлдэж байгаа Халл сити эцсийн найдвараа алдаж ирэх улиралд премьер лигт тоглож чадахгүй боллоо. Өнгөрсөн улиралд тэд Фил Брауны ачаар сүүлийн мөчид дээд лигт үлдэж байсан бол энэ удаа Вигантай тэнцэж өөрсдийн боломжоо үгүй хийжээ.

Блэкберн. 26,138 үзэгч.
БЛЭКБЕРН – АРСЕНАЛ – 2:1 (1:1).
Гоол : Ван Перси, 13 (0:1). Данн, 43 (1:1). Самба, 68 (2:1). Видео.
Шар хуудас : Грелла, 25, Педерсен, 59 (Блэкберн), Сильвестр, 65, Кэмпбелл, 90 (Арсенал).
Блэкберн: Робинсон, Сальгадо, Самба, Нельсен, Живе, Педерсен, Эндрюс, Грелла (Хойлетт, 58), Данн (Джонс, 85), Ольссон, Робертс. Арсенал: Фабяньски, Санья, Кэмпбелл, Сильвестр, Траоре, Эбуе (Эдуардо, 78), Диаби, Насри, Уолкотт, Вела (Аршавин, 67), Ван Перси.
Уиган. 20,242 үзэгч .
УИГАН – ХАЛЛ СИТИ – 2:2 (1:1).
Гоол : Мозес, 30 (1:0). Аткинсон, 42 (1:1). Каллен, 64 (1:2). Гохури, 90 (2:2).
Шар хуудас : Гохури, 63, Мельхиот, 77 (Уиган).
Уиган: Стойкович, Мельхиот, Калдуэлл, Гохури, Фигероа, Хорди Гомес (Скотлэнд, 79), Уотсон, Диаме (Шарнер, 82), Маккарти (Синклэйр, 65), Мозес, Родальега. Халл Сити: Дюк, Менди, Муюколо, Гарднер, Доусон, Аткинсон, Боатенг, Кэйрни, Килбэйн, Каллен, Веннегоор (Фолан, 70).


  -

Хуваалцах/Тэмдэглэх

Ситичүүд 1975 оноос хойш Арсеналыг талбайд ялж чадаагүй хар цувралаа төгсгөл болгохоор зочилсон бол Буучид сүүлийн 5 тоглолтонд талбайдаа ялагдаагүй гэсэн үзүүлэлтдээ найдаж байлаа.
Арсеналын фенүүдийн үзэн яддаг Адебайорыг энэ удаа Манчини сэлгээнд суулгаж Белламиг талбайд гаргасан байлаа.

Мөн экс буучид болох Виера, Туре нар гараанд багтсан байв. Харин Арсеналаас удаан хугацаанд бэртэлтэй байсан Ван Перси баггийн ахлагчийн туузыг зүүн багаа ахлан тулаанд оржээ. Мань эр 11 сараас хойш анх удаа л гараанд гарч байгаа нь энэ юм. Тиймдээ ч түүний ”өлсгөлөн” байдал талбай дээр мэдрэгдэж байлаа. Ван Персигийн хэд хэдэн аюултай оролтыг Туре замаас нь тасалж багаа аварсан байгаа. Ер нь эхний хагасын дунд үе хүртэл бөмбөг эзэмшит Арсенал 66 хувьтай байсан бол Сити 34 гэсэн тааруухан үзүүлэлттэй байсан юм. 27 дахь минутад Валкоттой мөргөлдсөн  Уэйн Бриж бэртэл авч Ричардсаар сэлгэгдлээ.
Эхний хагасын уйтгартай уур амьсгалыг эвдэхийн тулд Манчини Адебайорыг оруулж ирэхээр шийджээ. Түүнийг 53 дахь минутад Виерагаар сэлгэсэн байгаа. Саяхан шигшээ багаасаа зодог тайлсан Аде энэ 2 багийн сүүлийн 4 тоглолтонд 5 гоол оруулсан байдаг.

Нэгийг нь Арсеналын хаалганд үлдсэнийг нь Ситид бэлэглэж байсан байх юм. Мэдээж хэрэг Арсеналын фенүүд нэг хэсэг магтан шагшдаг байсан энэ эрийг элдвээр зүхэж угтан авлаа. Нэгэн сонирхолтой баримт дурьдахад Буучдын бүрэлдэхүүнд хамт тоглож суусан Кампбэл Валкотоос 15 насны зөрүүтэй аж. Өөрөөр хэлбэл Сол Кампбэл өсвөрийн багт ид гялалзаж явахад Тео хүү төрж байжээ. Аде орж ирснээр тоглолт илт сэргэж эхний хагаст ажилгүй байсан Арсеналын арын албаныхан сандарчэ эхэллээ. Сити удаа дараалан булангийн цохилтыг авч бөмбөг эзэмшилтээ ч дээшлүүлээд эхлэв. 68 дахь минутад Венгер давхар сэлгээ хийж Бендтнер, Эбүэг оруулж ирлээ. Талбайд орж ирсэн даруйдаа Бендтнер аюултай хөндлөн дамжуулалт хаясан хэн ч хүрж чадалгүй байсаар шугам давав.

Дахиад нэг минутын дараа алсын цохилтоор Гивенийг шалгаад амжлаа. Энэ сэйвийг хийх үеэрээ мөрөө бэртээсэн Гивен удалүй сэлгээнд сууж өнгөрсөн өвөл ирсэн Ниелсэн хэмээх хаалгач анхны дебутээ хийхээр талбайд гарч ирлээ. Фарое арлаас премьер лигт мөрөө гаргасан анхны тоглогч тэр боллоо.
Гэвч Арсеналаас залуу хаалгачын хаалгыг мялаах тоглогч олдсонгүй. Гивений бэртлээс болж нилээд цаг алдсан тулд шүүгч 8 минутыг сунгасан ч бас л хэн ч нэмэлт цагийн баатар болж чадсангүй ээ.

Ингээд 2 баг эвийн гэрээ байгууллаа. Сити тоглолтын турс ердөө 3 удаа л хаалга руу цохисон бол талбайн эзэд 14 удаа цохилт гүйцэтгэжээ.  Сүүлд авсан мэдээлллээр Гивен улирал дуустал тоглож чадахгүй болсон байна.

Лондон. 60,086 үзэгч.
АРСЕНАЛ – МАНЧЕСТЕР СИТИ – 0:0.
Шар хуудас : Сильвестр, 42, Диаби, 51, Сонг, 67, Ван Перси, 82 (Арсенал), Беллами, 81, Сабалета, 83 (Манчестер Сити).
Арсенал: Фабяньски, Санья, Кэмпбелл, Сильвестр, Клиши, Уолкотт (Бендтнер, 69), Сонг, Диаби, Насри, Росицки (Эбуе, 69), Ван Перси. Манчестер Сити: Гивен (Нильсен, 76), Сабалета, Туре, Компани, Бридж (Ричардс, 27), А.Джонсон, Де Йонг, Виейра (Адебайор, 53), Бэрри, Беллами, Тевес.

Хуваалцах/Тэмдэглэх

Хуваалцах/Тэмдэглэх

Мань эрийг эхний гоол дээр буруутгах аргагүй боловч 2 дахь гоолын үеэр үнэхээр ”хайнга” алдаа гаргаж өрсөлдөгч багтаа зүгээр л гоол бэлэглэчихсэн гэхэд болно. Челси Тоттенхэмд ялагдсанаар Арсеналчуудад аваргын төлөө тэмцэх шинэ ”нүх” гарч ирсэн. Гэвч Венгерийн хөвгүүд ийнхүү харамсалтай байдлаар 3 оноогоо алдсан юм. Буучдын 4 жил дараалан цом хүртээгүй цуврал энэ жил ч бас үргэлжлэх бололтой. Харин Атлетикийн хувьд хомоол хамагчийн байрнаас холдож дээд лигт дахин нэг улирал тоглох боломжтой болж байгаа юм.

Арсеналчууд 41  дэх минутад Тео Валкотын гоёмсог гоолоор тоглолтыг тэргүүлж байлаа. Дараа нь хоёрдугаар үеийн эхэнд Майкл Сильвестрийн ”аварга” толгой булангаас ирсэн бөмбөгийг амжилттай мөргөж тооны харьцааг 2 : 0 болгожээ.
Ялалтдаа бүрэн итгэсэн ч Венгер эхний гоолоо алдах хүртлээ ямар нэгэн сэлгээ хийгээгүй. Улмаар Уотсоны гоолыг алдсаны дараа Эбүэ, Мерида нарыг гаргасан ч хэтэрхий оройтсон байлаа. 90 дэх минутад булангийн цохилтоос ирсэн бөмбөгийг Фабиански барьж авахдаа алдаа гаргаж Брэмблийн толгойд ”ойлгон” хаалгандаа гоол алдсан. Улмаар нэмэлт цагийн сүүлийн мөчид  Нзогбиа буучдын хамгаалалтаар даажигнаж алсын цохилтоор гоолдсон юм. Галлас, Вермаелен байхгүй үед Кэмпбелл, Сильвестрийн төвийн хамгаалалтанд найдвартай тоглож чадсангүй.
Венгер тоглолтын дараа ярихдаа ”Манайхан тоглолтын төгсгөлийг муу хийж сахилга батгүй, эмх замбараагүй байсан. Одоо надад дараагийн тоглолтоос өөр бодох юм алга” хэмээн нилээд бухимдангүй ярьжээ. Буучид ирэх тойрогт Манчестер ситиг талбайдаа хүлээж авна.

Уиган. 22,113 үзэгч.
УИГАН – АРСЕНАЛ – 3:2 (0:1).
Гоол : Уолкотт, 41 (0:1). Сильвестр, 48 (0:2). Уотсон, 80 (1:2). Брэмбл, 89 (2:2). Нзогбиа, 90 (3:2).
Шар хуудас : Диаме, 24, Брэмбл, 68 (Уиган), Насри, 37 (Арсенал).
Уиган: Кирклэнд, Мельхиот, Гохури, Брэмбл, Фигероа, Нзогбиа, Маккарти, Диаме, Уотсон (Шарнер, 90), Родальега, Морено (Мозес, 62).

Арсенал: Фабяньски, Санья, Кэмпбелл, Сильвестр, Клиши, Насри, Истмонд (Ван Перси, 90), Диаби, Уолкотт (Эбуе, 81), Росицки (Мерида, 81), Бендтнер.

Портсмут. 16,523 үзэгч.
ПОРТСМУТ – АСТОН ВИЛЛА – 1:2 (1:1).
Браун, 9 (1:0). Карью, 16 (1:1). Дельфунесо, 82 (1:2).
Карью, 41 (Астон Вилла).
Портсмут: Джеймс, Ванден Борре, Мокена, Уилсон, Сова, Йебда, Буба Диоп (Ритчи, 88), Боатенг (Уорд, 80), Браун, Утака, Кану (Смит, 66).

Астон Вилла: Фридель, Куэльяр, Коллинз, Данн, Уорнок, Э.Янг, Милнер, Петров, Даунинг, Агбонлахор (Дельфунесо, 80), Карью (Хески, 7)



Хуваалцах/Тэмдэглэх

BBC Спортод бичсэнээр ван Персигийн гэмтэл эдгэсэн, тоглох боломжтой болсон гэнэ. Робин өнгөрсөн оны 11 сард Италийн шигшээ багтай хийсэн нөхөрсөг тоглолтонд шагайндаа гэмтэл авсан юм.

Арсенал одоогоор лигийг тэргүүлэгч Челсигээс 3 оноо дутуу байгаа. Тоттенхэмээс 3 оноо салгаж чадвал Манчестер Юнайтедийг ардаа оруулна.

26 настай Голланд довтлогч улирлын эхэнд Арсенал Тоттенхэмийг 3:0-ээр хожиход 2 гоол хийж байв. Робин 11 сарын гэмтлээс болж нийт 31 тоглолт өнжөөд байгаа.

Арсеналын гол тоглогчид болох Фабрегас, Аршавин, Галлас нар гэмтэлтэй энэ үед ван Перси талбайд эргэн ирвэл багийн мораль ч дагаад дээшлэх биз.

Хуваалцах/Тэмдэглэх