Манчестер Юнайтед Челсигийн талбайд 3 : 3-аар тэнцлээ. Ийнхүү тэд оноо алдсанаар премьер лигийн хүснэгтэд Ситигээс 2 оноо алдаж эхэллээ. Гэхдэ тэд Стэмфорд Брижээс ганц оноогүй буцаж болох байсан. Харин гайхалтай эргэн ирэлт хийж тэнцээ авч чадсан юм.

36 дахь минутад Старриджийн дамжуулалтыг Эванс өөрийн хаалганд оруулснаар тооны харьцаа нээгдсэн. Улмаар 2-р үе эхлээд Мата, Давид Луйс нар таван минутын дотор хоёр гоол хийж тооны харьцаа улам холдлоо. Энэ үед тэдний оноо авах найдвар тун бага байв.
Гэвч 58 дахь минутад Эвра багтаа торгуулийн цохилт авчирснаар найдварын гэрэл аслаа.

Уэйн Рүүни цохилтоо алдалгүй оруулж тооны харьцааг ойртуулсан. Улмаар үүнээс 10 минутын дараа Уэлбекийг Иванович унагахад Ховард Уэбб дахин торгуулийн цохилтын цэгийг заав. Рүүний ч үүргээ амжилттай биелүүллээ. Юнайтед сүүлд авсан 4 торгуулийн цохилтоо бүгдийг нь оруулаад байна. Тэд энэ улиралд 7 пеналти аваад байгаа аж.

Юнайтед тэнцээ авахаар хүчтэй довтолж байлаа. Тэдний хөдөлмөрийн үр дүн 84 дэх минутад гарч Гиггзийн хөндлөн дамжуулалтыг сэлгээгээр талбайд орж ирсэн  Хавьер Эрнандес чулуу болгон тооны харьцааг 3 : 3 болгосон юм.

Цаг дуусахын өмнө Мата тун нарийн чөлөөт цохилт хийсэн боловч Де Хеа гайхалтай хааж багаа хожигдлоос аварсан.

Лондон. Стадион “Стэмфорд Бридж”. Шүүгч- Ховард Уэбб (Ротерхем).
ЧЕЛСИ – МАНЧЕСТЕР ЮНАЙТЕД – 3:3 (1:0)
Эванс, 36-автогол (1:0). Мата, 46 (2:0). Давид Луис, 50 (3:0). Руни, 58-с пенальти (3:1). Руни, 69-с пенальти (3:2). Эрнандес, 84 (3:3).
Челси	Манчестер Юнайтед
Петр Чех	Давид Де Хеа
Бранислав Иванович	Рафаэл, 64
Давид Луис	Джонни Эванс
Гари Кэхилл	Рио Фердинанд
Жозе Босингва	Патрис Эвра
Рауль Мейрелеш	Антонио Валенсия
Майкл Эссьен	Майкл Кэррик
Флоран Малуда	Райан Гиггз
Даниэль Старридж, 71	Эшли Янг, 53
Фернандо Торрес	Дэнни Уэлбек, 84
Хуан Мата	Уэйн Руни
Сэлгээ :
Ориоль Ромеу, 71	Хавьер Эрнандес, 53
	Пол Скоулз, 64
	Пак Джи Сун, 84
Шар хуудас :
Фернандо Торрес, 31	Патрис Эвра, 50
Бранислав Иванович, 45

***

***
Бямба гаригт Манчестер Сити Фулхэмийг3 : 0-ээр буулган авснаар 57 оноотой болсон.

Мөн Арсенал энэ улирлын хамгийн том хожлоо байгуулж Блекбернийг 7 : 1-ээр бут ниргэсэн юм.

Даваа гаригт энэ тойргийн сүүлийн тоглолт Ливерпуль – Тоттенхэмийн хооронд явагдана.

Хуваалцах/Тэмдэглэх

Манчестер Юнайтед бэртэлтэй байгаа Неманья Видичийг бүрэлдэхүүндээ багтаасан бол Ливерпуль 19 буюу хамгийн цөөхөн хүний бүрэлдэхүүнтэй улирлын үлдсэн хагасыг үдэх нь нээ.

Дүрэм : Баг бүр 25 хүртлэх тоглогчтой байх ёстой бөгөөд тэдний найм нь багийн “бүтээгдэхүүн” буву 21 хүрэхээсээ өмнө Англи эсвэл Уэльсийн хөлбөмбөгийн залуучуудын академид 3 жилийг (36 сар) өнгөрүүлсэн байх ёстой юм.

Мөн шаардлагатай бол 21-ээс доош насны хэдэн ч  тоглогчыг бүрэлдэхүүндээ “нутгийн тоглогч”-оор авч болно. 21-ээс доош гэдэг нь 1989 оны 1 сарын 1-ээс хойш төрсөн тоглогчдыг хэлнэ.

Багууд 25  хүний бүрэлдэхүүндээ багтаахгүйгээр 21-ээс доош нэсны хэдэн ч тоглогчыг нэмж авч болно. Жишээлбэл Челси Даниель Старриж, Арсенал Жэк Уилширийг 25 хүний бүрэлдэхүүндээ багтаахгүй байж болно гэсэн үг.

25 хүний багийн бүрэлдэхүүнтэй багаас хасагдсан ямар ч тоглогч 1 сарын 1 хүртэл Карлинг цомд оролцож болно. 1 сарын 1-нээс 1 сарын 21 хүртэл багууд бүрэлдэхүүндээ хязгааргүй өөрчлөлт хийж болно. 2 сарын 1-нд шинэ улирлын үлдсэн хагаст тоглох 25 хүнтэй багийн бүрэлдэхүүнийг Английн хөлбөмбөгийн холбоонд хүргүүлнэ.

25-аас цөөхөн тоглогч сонгосон баг чөлөөт агент тоглогчдыг багтаа авч болно.

Багуудын бүрэлдэхүүн

(21 хүртэлх насны тоглогчдын тоо албан ёсоор тодорхой болоогүй байгаа учраас тэдний нэрийг багтаагаагүй)

ARSENAL: Andre Santos, Andrey Arshavin, Mikel Arteta, Yossi Benayoun, Maroune Chamakh, Abou Diaby, Johan Djourou, Lukasz Fabianski, Gervinho, Kieran Gibbs, Laurent Koscielny, Vito Mannone, Per Mertesacker, Park Chu-young, Tomas Rosicky, Bacary Sagna, Thierry Henry, Alex Song, Sebastien Squillaci, Robin van Persie, Thomas Vermaelen, Theo Walcott.

ASTON VILLA: Gabriel Agbonlahor, Marc Albrighton, Barry Bannan, Darren Bent, Ciaran Clark, James Collins, Carlos Cuellar, Fabian Delph, Richard Dunne, Shay Given, Brad Guzan, Christopher Herd, Emile Heskey, Stephen Ireland, Eric Lichaj, Andrew Marshall, Stiliyian Petrov, Stephen Warnock, Charles N’Zogbia, Jermaine Jenas, Alan Hutton, Robbie Keane.

BLACKBURN: Christopher Samba, Michel Salgado, Herold Goulon, Bradley Orr, Bruno Ribeiro, David Dunn, Paul Robinson, Mark Bunn, Nick Blackman, Martin Olsson, Mauro Formica, Radosav Petrovic, Gael Givet, Morten Gamst Pedersen, Steven Nzonzi, David Goodwillie, Vince Grella, Simon Vukcevic, Ayegbeni Yakubu, Scott Dann, Amine Linganzi, Anthony Modeste, Marcus Olsson.

BOLTON: Robbie Blake, Adam Bogdan, Tim Ream, Kevin Davies, Mark Davies, Chris Eagles, Sean Davis, Stuart Holden, Jussi Jaaskelainen, Ivan Klasnic, Zat Knight, Robert Lainton, Tyrone Mears, Fabrice Muamba, Temitope Obadeyi, Martin Petrov, Darren Pratley, Nigel Reo-Coker, Sam Ricketts, Paul Robinson, Tuncay Sanli, Gretar Rafn Steinsson, David Wheater, David Ngog, Chung-Yong Lee.

CHELSEA: Petr Cech, Branislav Ivanovic, Ashley Cole, David Luiz, Michael Essien, Ramires, Frank Lampard, Fernando Torres, Juan Mata, Didier Drogba, John Mikel Obi, Florent Malouda, Raul Meireles, Jose Bosingwa, Paulo Ferreira, Salomon Kalou, Ross Turnbull, Daniel Sturridge, John Terry, Ryan Bertrand, Gary Cahill, Hilario, Sam Hutchinson.

EVERTON: Victor Anichebe, Leighton Baines, Tim Cahill, Tony Hibbert, Phil Jagielka, Phil Neville, Leon Osman, Darron Gibson, Nikica Jelavic, Seamus Coleman, Sylvain Distin, Marouane Fellaini, John Heitinga, Tim Howard, Jan Mucha, Steven Pienaar, Landon Donovan, Royston Drenthe, Denis Stracqualursi, Marcus Hahnemann, James McFadden.

FULHAM: Chris Baird, Simon Davies, Mousa Dembele, Clint Dempsey, Damien Duff, Dickson Etuhu, Marcel Gecov, Zdenek Grygera, Orlando Sa, Brede Hangeland, Aaron Hughes, Andrew Johnson, Stephen Kelly, Danny Murphy, Bjorn Helge Riise, John Arnse Riise, Bryan Ruiz, Mark Schwarzer, Philippe Senderos, Steven Sidwell, Csaba Somogyi, Pavel Pogrebnyak, David Stockdale, Rafik Halliche.

LIVERPOOL: Brad Jones, Glen Johnson, Jose Enrique, Daniel Agger, Fabio Aurelio, Luis Suarez, Steven Gerrard, Andy Carroll, Maxi Rodriguez, Dirk Kuyt, Stewart Downing, Jay Spearing, Jamie Carragher, Jose Reina, Charlie Adam, Alexander Doni, Martin Skrtel, Lucas Leiva, Craig Bellamy.

MAN CITY: Micah Richards, Joe Hart, Stuart Taylor, Joleon Lescott, Gareth Barry, James Milner, Adam Johnson, Gael Clichy, Costel Pantilimon, Pablo Zabaleta, Vincent Kompany, Kolo Toure, Aleksandar Kolarov, Nigel de Jong, Yaya Toure, David Silva, Samir Nasri, Edin Dzeko, Carlos Tevez, Sergio Aguero, David Pizarro, Gunnar Nielsen, Owen Hargreaves.

MAN UTD: Patrice Evra, Rio Ferdinand, Jonathan Evans, Michael Owen, Anderson, Dimitar Berbatov, Wayne Rooney, Ryan Giggs, Chris Smalling, Park Ji-Sung, Javier Hernandez, Nemanja Vidic, Michael Carrick, Nani, Ashley Young, Tom Cleverley, Darren Fletcher, Antonio Valencia, Tomasz Kuszczak, Anders Lindegaard, Paul Scholes, Ritchie De Laet.

NEWCASTLE: Shola Ameobi, Demba Ba, Hatem Ben Arfa, Leon Best, Yohan Cabaye, Fabricio Coloccini, Robert Elliot, Danny Guthrie, Jonas Gutierrez, Steve Harper, Tim Krul, Peter Lovenkrands, Sylvain Marveaux, Gabriel Obertan, James Perch, Danny Simpson, Alan Smith, Steven Taylor, Ryan Taylor, Cheik Tiote, Mike Williamson, Papiss Demba Cisse.

NORWICH: John Ruddy, Russell Martin, Adam Drury, Bradley Johnson, Steve Morison, Zak Whitbread, Andrew Crofts, James Vaughan, Grant Holt, Simeon Jackson, Andrew Surman, Anthony Pilkington, Wes Hoolahan, David Fox, Elliott Bennett, Simon Lappin, Leon Barnett, Elliott Ward, Marc Tierney, Jonathan Howson, Kyle Naughton, Aaron Wilbraham.

QPR: Paddy Kenny, Armand Traore, Clint Hill, Shaun Derry, Fitz Hall, Adel Taarabt, Bobby Zamora, Rob Hulse, DJ Campbell, Jay Bothroyd, Samba Diakite, Jamie Mackie, Danny Gabbidon, Akos Buzsaky, Taye Taiwo, Nedum Onuoha, Joey Barton, Luke Young, Thomas Smith, Heidar Helguson, Radek Cerny, Brian Murphy, Shaun Wright-Phillips, Anton Ferdinand, Dijbril Cisse.

STOKE: Diego Arismendi, Asmir Begovic, Peter Crouch, Rory Delap, Salif Diao, Matthew Etherington, Ricardo Fuller, Danny Collins, Robert Huth, Kenwyne Jones, Carlo Nash, Wilson Palacios, Jermaine Pennant, Ryan Shawcross, Ryan Shotton, Mamady Sidibe, Thomas Sorensen, Matthew Upson, Jon Walters, Glenn Whelan, Dean Whitehead, Andy Wilkinson, Marc Wilson, Jonathan Woodgate, Cameron Jerome.

SUNDERLAND: Phil Bardsley, Titus Bramble, Wes Brown, Fraizer Campbell, Trevor Carson, Lee Cattermole, Jack Colback, Nicklas Bendtner, Craig Gardner, Sebastian Larsson, Kieran Richardson, Michael Turner, John O’Shea, David Vaughan, Kieren Westwood, Ahmed Elmohamady, Sotiris Kyrgiakos, Simon Mignolet, Stephane Sessegnon, James McClean, David Meyler, Marcos Angeleri, Craig Gordon, Matthew Kilgallon, Wayne Bridge.

SWANSEA: Michel Vorm, Ashley Williams, Neil Taylor, Alan Tate, Ferrie Bodde, Leon Britton, Andrea Orlandi, Curtis Obeng, Danny Graham, Scott Sinclair, Nathan Dyer, Stephen Dobbie, Wayne Routledge, Garry Monk, Leroy Lita, Luke Moore, Jose Moreira, Angel Rangel, Kemy Agustien, Mark Gower, Gerhard Tremmel, Fede Bessone, Gylfi Sigurdsson.

TOTTENHAM: Brad Friedel, Heurelho Gomes, Carlo Cudicini, Benoit Assou-Ekotto, Michael Dawson, William Gallas, Ledley King, Younes Kaboul, Bongani Khumalo, Ryan Nelsen, Aaron Lennon, Jake Livermore, Tom Huddlestone, Luka Modric, Niko Kranjcar, Gareth Bale, Louis Saha, Jermain Defoe, Rafael van der Vaart, Sandro, Emmanuel Adebayor, David Bentley, Giovanni Dos Santos, Simon Dawkins, Scott Parker.

WEST BROM: Keith Andrews, Chris Brunt, Simon Cox, Luke Daniels, Graham Dorrans, Marc-Antoine Fortune, Ben Foster, Marton Fulop, Zoltan Gera, Billy Jones, Shane Long, Gareth McAuley, James Morrison, Youssouf Mulumbu, Peter Odemwingie, Jonas Olsson, Steven Reid, Liam Ridgewell, Paul Scharner, Nicky Shorey, Gabriel Tamas, Jerome Thomas, Someon Tchoyi.

WIGAN: Chris Kirkland, Mike Pollitt, Ben Watson, Emmerson Boyce, Gary Caldwell, David Jones, Hendry Thomas, James McArthur, Jordi Gomez, Hugo Rodalleha, Mohamed Diame, Maynor Figueroa, Steve Gohouri, Antolin Alcaraz, Franco Di Santo, Ali Al-Habsi, Ronnie Stam, Adrian Lopez, Conor Sammon, Shaun Maloney, Albert Crusat, Jean Beausejour.

WOLVES: Wayne Hennessey, George Elokobi, David Edwards, Richard Stearman, Jody Craddock, Michael Kightly, Karl Henry, Sylvan Ebanks-Blake, Steven Fletcher, Stephen Hunt, Carl Ikeme, Roger Johnson, Christophe Berra, Matt Jarvis, Adam Hammill, Nenad Milijas, Sebastian Bassong, Eggert Jonsson, Ronald Zubar, Jamie O’Hara, Kevin Doyle, Dorus De Vries, Kevin Foley.

Хуваалцах/Тэмдэглэх

86 дахь минутад Эшли Коул,  улаан хуудсаар торгуулж Челси тоглолтыг 10-уулаа дуусгасан.  Экс Челсигийн тоглогч Скотт Синклейр, 39 дэх минутад тооны харьцааг нээсэн. Тоглолтын хоёрдугаар үед Цэнхэрүүд илүү тоглосон ч хүн дутуу үлдсэний дараа тэдний найдвар нуран унасан юм. Харин цаг дуусах мөчид Босингвагийн хөндлөн дамжуулалтыг Нил Тэйлор өөртөө  хийсэн юм.

Челси улирлын 6 дахь тэнцээгээ авч 42 оноотой боллоо. Тэдний араас нэхэж байгаа Ливерпуль 3 оноогоо авч онооны зөрүү 4болж ойртлоо.

Суонси. Стадион “Либерти”. 20526 үзэгч. Шүүгч- Кевин Френд (Лестершир).
СУОНСИ – ЧЕЛСИ – 1:1 (1:0)
Синклейр, 39 (1:0). Тэйлор, 90+4-автогол (1:1).
Суонси	Челси
Михел Ворм	Петр Чех
Анхель	Жозе Босингва
Эшли Уиллиамс	Бранислав Иванович
Стивен Каулкер	Давид Луис
Нил Тэйлор	Эшли Коул
Джо Аллен	Рауль Мейрелеш
Леон Бриттон	Ориоль Ромеу, 65
Гюльфи Сигурдссон, 67	Флоран Малуда, 80
Нэтан Дайер	Даниэль Старридж
Дэнни Грэм	Фернандо Торрес
Скотт Синклейр, 78	Хуан Мата
Сэлгээ :
Кеми Агустьен, 67	Майкл Эссьен, 65
Люк Мур, 78	Ромелу Лукаку, 80
Шар хуудас:
Нил Тэйлор, 14	Эшли Коул, 45
Анхель, 48	Флоран Малуда, 45
	Эшли Коул, 86
	Рауль Мейрелеш, 87

Хуваалцах/Тэмдэглэх

Алекс 2004 онд Бразилийн Сантосоос Челсид ирж байсан. 2004-өөс 2007 оны хооронд тэрээр Недерландын PSV багт зээлээр тоглож байсан юм.

Челсид тоглох хугацаандаа тэрээр 72 премьер лигийн тоглолтонд оролцжээ.

Хуваалцах/Тэмдэглэх

-Хөлбөмбөг бол миний бүхий л амьдрал. Гэхдээ би мэргэжлийн хөлбөмбөгч гэхээсээ илүү хувь хүн. Би одоо хөлбөмбөг тоглож байна. Гэхдээ өөр мэргэжилтэй байсан ч хүмүүст туслах зорилгоо хэзээ ч умартахгүй байх байсан. Би хөлбөмбөг тоглохоо больсон ч энэ ажлаа үргэлжлүүлсээр л байх болно. Надад хүмүүст туслах нь маш чухал зүйл. Хөлбөмбөгт чи өөрийгөө  хэдэн арван жил зориулж болох ч нэг л өдөр пүүзээ ханад өлгөх цаг ирнэ.

Дрогбаг бусад тоглогчидтой адилгүй гэдгийг түүний унааг хараад л ойлгох болно. Түүн шиг алдартай тамирчид ихэнхидээ Бэнтли зэрэг тансаг машин хөлөглөхнь бий.  Харин Дрогба байдаг л нэг жижигхэн Мини унадаг. Учир нь тэр өөртөө гэхээсээ илүү хүмүүнлэгийн ажилдаа анхаардаг нэгэн.
-Хүмүүнлэгийн ажил гэдэг бол ингэлээ тэглээ, гээд олон нийтэд  гайхуулаад байх зүйл биш. Би энэ бүхнийг олон нийтэл сайн хүн болж харагдах гэж хийдэггүй. Харин урьд нь ийм хүнд бэрх зовлонг туулж үзсэн болохоор өөртөө тохиолдсон шиг хэцүү бэрх үе өөр бусдад битгий тохиолдоосоой гэсэндээ л  хийдэг юм. Одоо би  буяны үйлсээ олон  нийтэд илүү нээлттэй байдлаар хийж байна. Учир нь илүү олон хүн миний энэ үйл ажиллагааг нэгдээсэй гэж хүсч байна.

Дрогба өнгөрсөн улиралд хумхаа хэмээх Африкийн олон мянган иргэдийг зовоож байгаа өвчин туссан юм.
-Би Англид байснаараа азтай. Учир нь хүн бүр л ндад санаа тавьж байлаа. Африкт бол энэ өвчнөөр маш олон хүмүүс амь үрэгдэж байгаа. Тэднийг нийгэм нь анхаардаггүй болохоор энэ өвчин хэтэрхий их газар авч байна. Бас  энэ өвчнийг зогсооход хангалттай их хөрөнгө байхгүй нь л гол асуудал байгаа юм.

Дрогба эрүүл мэндийн салбараараа дэлхийд тэргүүлдэг Англид эмчлүүлсэндээ өөрийгөө азтай гэж тооцдог байх. Харин ийм аз төдийлөн тохиогоод байдаггүй хүнд өвчтөй Африкийн хүүхдүүдэд туслахыг нэн тэргүүний зорилтоо болгоод байгаа. Түүнийг хамгийн ихээр сэтгэлээр унагадаг зүйл бол өөрт нь итгэж байгаа хүмүүсийн амийг аварч чадахгүй байх явдал гэнэ. Түүний дотор ийм гашуун дурсамжууд олон.
-Би өөрийнхөө хамгийн сайн найзын дүү Стефанд туслахыг маш их хичээсэн. Түүнийг Англид хүртэл авчирч хумхаа өвчнөөс нь эдгээхийг оролдсон. Харамсалтай нь түүнийг Англид авчирах виз, бичиг баримтны асуудлыг хөөцөлдсөөр байтал бүх зүйл хэтэрхий оройтсон байлаа. Тэр альхэдийнэ нас барчихсан байсан.  Тэр чинь ердөө  15ехан настай бяцхан хүү байсан шүү дээ. Түүний аав бүх найдвараа тавьж байсныг бодохоор одоо ч гэсэн аймшигтай санагддаг.

Тэд өдөр бүр над руу залгаж зөвшөөрлийн бичгийг нь авсан уу, миний хүү эмчлэгдэх үү гэж асууж байлаа. Харамсалтай нь би  чадахаараа хичээсэн ч дэндүү оройтсон байсан. Түүнээс хойш энэ аймшигтай бүхнийг  зогсоохын төлөө чадах бүхнээ хийнээ гэж өөртөө амласан юм.
Өнгөрсөн жил би нутаг руугаа явж байхдаа цус багадалтын өвчтэй Яао гэх бяцхан зоригтой хүүтэй танилцаж байлаа.  Тэр үнэхээр зоритой хүү байсан. Ээж нь ажилаа хийж гэр бүлээ тэжээхийн  хажуугаар  хүүгээ сахих хэрэгтэй болчихоод байлаа. Тэгээд би түүнийг Англид эмчлүүлж, эрүүл энх болоход нь туслахаар шийдсэн юм.  Өмнөх хар дурсамж намайг зовоож байсан болохоор түүний төлөө бүх боломжтой бүхнээ хийж Женевийн эмнэлэгт хэвтүүлсэн юм.

Эмч нар амийг нь  аврах боломжгүй гэдгийг хэлж байсан ч Яао эцсийн мөч хүртлээ өвчинтэйгөө тэмцсээр л байсан. Иймэрхүү байдлаар явсаар сарын дараа гэхэд хүү  багаа багаар сайжирч байгаа тухай  мэдээ надад ирж байлаа. Харамсалтай нь түүний өвчин хэтэрхий хүнд байснаас болж энэ жил өөд болсон доо. Иймэрхүү зүйл дахин давтагдахыг би хүсэхгүй байна. Тийм болохоор өөрийнхөө хүмүүнлэгийн  сангаа байгуулж тусламжлын үйл ажиллагаа эхлүүлэхээр шийдсэн юм.

Хумхаа өвчнөөс болж Дрогба өнгөрсөн улирлын турш шаналсан. Харин  одоо түүний бие тэр хэр байгаа бол?

-Гайгүй ээ. Гэхдээ энэ өвчин тийм ч амар эмчлэгдэхгүй. Байнга гэртээ хэвтэж, гам сахих хэрэгтэй болно. Дээрээс нь 40 градус хүртэл халуурч, хөлөрч, биень сульдах болно. Ийм үед тоглолт байтугай бэлтгэл хүртэл хийх аргагүй. Тийм болохоор түрүү жил олон тоглолт өнжсөн юм.

Хүмүүнлэгийн ажлаар нэр хүнд олохыг хүсдэг тамирчид олон байдаг. Харин Дрогбагийн зорилго огт өөр зүйлд чиглэж байгаа.
-Мэдээж хэрэг иймэрхүү байдлаар өөрийгөө дөвийлгөх гэж оролддог хүмүүс олон байгаа. Гэхдээ тэднээс илүү чин сэтгэлээсээ хүмүүст туслахыг хичээж байгаа хүмүүс илүү олон байна.

Би хөлбөмбөгт иймэрхүү үзэгдэл байдгыг мэднэ. Гэхдээ  жинхэнэ сайн санаатан хүмүүстэй олон удаа таарч байлаа. Хуучин Арсенал болон Манчестэрийн тоглогч байсан Силвестре  Африкт олон сургууль, цэцэрлэг  үүсгэн байгуулсан. Бас Эссьен байна. Тэр Ганы төлөө ихийг хийж байгаа. Энэ бүгдийг харахад надад үнэхээр сайхан байдаг. Миний ах бас тоглогч байсан. Түүний үед тамирчид зүгээр л гэр – тоглолт гэсэн зарчмаар явдаг байсан бол өнөө үеийн тамирчдад хөлбөмбөгөөс гадуур их олон зүйл хийх болжээ.

Хоёр  жилийн өмнө Дрогбагийн сан сард 500 мянган фунтыг хүмүүнлэгийн ажилд зарцуулж байсан. Харин энэ удаа Дрогба үүнээс илүү их хөрөнгийг хүмүүнлэгийн сандаа хуримтлуулахыг хүсч байна. Түүний санг Пепси ивээн тэтгэж байгаа бөгөөд The Saturdays хамтлаг, дуучин Congolese болон Bono нарын амьд тоглолтоос гарах ашиг Дрогбагийн санд шилжиж Африкийн сайн санааны үйлд зарцуулагдах юм байна.

-Би юу гэж хэлэхээ мэдэхгүй байна. Бонотой уулзаж түүний хүмүүст туслахыг хичээж байгааг харах сайхан байх болно. Тэр зөвхөн Африкчуудад ч туслаагүй.  Хүмүүсийг өөрийн сандаа туслахыг гуйх,  талбай дээр тоглохоос тэс өөр зүйл шүү дээ. Чи олон хүмүүстэй холбогдож хийж байгаа зүйлийнхээ зорилгоо ухааруулах хэрэгтэй болно. Гэхдээ би хийж байгаа зүйлдээ сэтгэл хангалуун байдаг.

Арсене  Венгер Дрогбаг нэгэн удаа дутуу үнэлж байсан.  Францад гялалзаж байсан түүнийг Арсеналын агентууд хараад хангалттай сайн биш хэмээн багтаа авахаас татгалзаж байсан гэдэг. Венгерийг харамсуулахаар статистик ч Дрогбад бий. Тэрээр Челсид 24 сая фунтээр ирснээсээ хойш 6 жилийн хугацаанд Арсеналын эсрэг 12 тоглолтонд орохдоо 12 гоол хийж байсан/2010 оны байдлаар/. Мөн Челси энэ тоглолтуудын 9-д нь хожиж үлдсэнд нь тэнцэж байжээ. Нэгэн удаа Венгер “Бид энэ тоглолтонд Дрогбаг зогсоох хэрэгтэй. Түүний хувийн ур чадвар байдлыг яаж ч эргүүлж магадгүй. Тэр мөргөж, чөлөөтөөс хийж, гуядаж яаж ч магадгүй. Ийм л учраас тэр олон өөр багуудын эсрэг гоолдоод байдаг юм” гэж аргаа барсан янзтай ярьсан байдаг.
-Би Венгерийг намайг аваагүйдээ харамсдаггүй байх. Учир нь тэр үед түүнд Анри байсан шүү дээ. Энэ зүгээр л миний хувь тавилан байсан.

Өнөө шөнө тэрээр  Парис луу нисэж багадаа тоглож байсан Levallois Sporting Club-ийн 15 хүртэл насны хүүхдүүдтэй уулзах юм. Энэ багийн удирдлага цэнгэлдэхэээ академиасаа төрөн гарсан гайхалтай тамирчны нэрээр буюу “Дидье Дрогба” гэж нэрэлсэн юм. Дрогбаг Марселиас Челси рүү явахад гэрээ ёсоор Levallois клуб 700 мянган фунтын  хувь хүртэж байсан. Үүгээрээ тэд цэнгэлдээ бүрэн тохижуулах боломжтой болсон юм.

Дрогбагийн анхны баг нь Levallois байсан бөгөөд тэр энэ багтаа 15 наснаасаа л тоглож эхлэсэн. Харин дараа нь тэр 19 настайдаа мэргэжлийн хөлбөмбөгийн Le Mans клубд тоглож эхлэсэн юм. Тэрээр Levallois-д их зүйлийг сурсан гэдэг. Тухайн үед түүний дасгалжуулагч байсан Srebrenko Repcic энэ талаар бидэнтэй хуучилсан юм.
-Дрогба их шийдэмгий, тэмцэгч хүүхэд байлаа . Биеийн хүчний тоглолтын хувьд гайхалтай байсан ч техник талдаа хангалттай сайн байсангүй. Харин энэ сул талаа  хөдөлмөрч байдлаараа нөхдөг байсан юм.  Үүнийхээ ч ачаар дэлхийн шилдгүүдийн нэг болох зорилгодоо  хүрч чадсан. Эхний улиралд тэр зөвхөн баг нь  хожсон тохиолдолд л цалин авдаг байсан.

Ойролцоогоор 200 евро. Мэдээж хэрэг түүн шиг залуу тоглогчын хувьд асар мөнгө шүү дээ. Харин хожигдсон үедээ тэр ямар ч урамшуулал авдаггүй байлаа. Магадгүй үүнээс болж тэр хожигдохыг үзэн яддаг байсан байх. Нэг удаа би түүнтэй хамт бэлтгэлийн бааз руу явж байхад том ачааны тэрэг жолоодлогоо алдан биднийг мөргөчихсөн . Энэ үед би түүнд “Чи ганц л амьдарна. Харин энэ амьдралдаа сэтгэл хангалуун амьдраарай” гэж хэлж байсан юм.

Тиймээ Зааны ясан эрэг улсдаа бол Дрогба бурхан шиг шүтэгддэг нэгэн. Магадгүй тэр ийм хайр хүндэтгэлийг нутаг нэгт ахан дүүсээсээ хүлээж сурсан байх. Харин Парист түүний нэрээр цэнгэлдэх нэрлэж хүндэтгэж байгаа нь түүнийг гайхшруулсан бололтой.
-Одооноос эхлээд Парисийн энэ дүүргийн хүүхдүүд “Хүүхдүүдээ, Дидье Дрогба стадионд очиж тоглоё” гэж хэлэх нь байна шүү  дээ. Энэ бол миний амьдралын хамгийн  гайхалтай мөчүүдийн нэг.  Францын нэг цэнгэлдэх  “Кот’д Ивуар”-ын тоглогчын нэрээр нэрлэгдэж байгааг харах надад үнэхээр бахархмаар санагдаж байна.

Levallois-д өнгөрүүлсэн 4 жилдээ би маш их зүйлийг сурч мэдсэн.  Хэдийгээр албан ёсны мэргэжлийн баг биш ч гэсэн өөрийн үнэ цэнийг мэдэрч, суурь мэдлэгээ тэлж, өөрийгөө хөгжүүлж болох хамгийн сайхан газруудын нэг байлаа . Намайг Челси рүү шилжихэд Марселийн авсан  мөнгөнөөс бага ч гэсэн хувийг Levallois авсанд би их баяртай байсан. Учир нь энэ мөнгө тэдэнд их хэрэгтэй байсан юм. Тэднийг цэнгэлдэхээ өргөжүүлж хүүхдүүдэд муу зүйлээс ангид байж хөлбөмбөгөөр хичээллэх боломж олгосонд маш их  баяртай байна.

Дрогба өөрийнхөө нэрээр нэрлэгдсэн  стадионы нээлтэнд очиж хүүхдүүдтэй цагийг зугаатай өнгөрөөлөө.  Бяцхан багийн хамтрагчидтайгаа хамт Дрогба тоглож ур чадвараараа үзэгчдийг хөгжөөгөө амжлаа. Энэ өдрийн үйл ажиллагаан дээр Levallois-д ажилладаг байсан Patrick Balkany ч ирсэн  юм.

-Харамсалтай нь би түүнийг 15етайдаа яг ямархуу харагдаж байсныг санахгүй байна. Гэхдээ би Абрагаас их хэмжээний мөнгө авсанаа л санаж байна. Учир нь бид түүний анхны баг болохоор ирээдүйн очих багуудынх нь төлсөн үнээс хувь хүртэх гэрээтэй юм. Тэгэхээр тэр өөр тийшээ зарагдах юм бол бид өшөө л их хувь хүртэнэ гэсэн үг. Би бүүр Дрогбад “Бид чиний дараагын чинь шилжилтийг хүлээж байгаа шүү” ч гэж хэлж байсан/инээв/.
Дрогба бол даруухан, юм бүхэнд ул суурьтай ханддаг нэгэн. Тэр энд дүр үзүүлэх гэж ирдэггүй. Түүнийг сайхнаар хүлээж авах хүмүүсийг хараад тэр чин сэтгэлээсээ баярлаж байдаг. Ер нь тэр бүхий л зүйлд зүрх сэтгэлээсээ ханддаг даа.

Дрогба хүү Isaaс-тайгаа хамт гитар тоглохыг сурч байгаа гэнэ.
-Тиймээ би сурч эхлэсэн. Гэхдээ хүү маань надаас хавьгүй дээр хөгжимддөг юм билээ. Би үүнийг зөвхөн хөгжилтөй байхын тулд л сурч байгаа.

Челсигийнхэн шинэ гишүүнээ угтаж авахдаа заавал дуулуулдаг заншилтай. Дрогба хэр сайн дуулсан бол?
-Би нутгийнхаа дууг дуулсан. Гэхдээ тэнд аймшигтай санагдсан байх. Тэр үед би  маш их хөлөрч аймар сандарч байлаа.  Чи энэ багт шинээр нэгдэж байгаа л бол сандал дээр суугаад хамтрагчдынхаа өмнөөс нь харж байгаад дуулах хэрэгтэй болно. Хэцүү л дээ. Үг ч наашаа гарч ирдэггүй юм. Гэхдээ би хамгийн муу нь байгаагүй шүү. Минийхээр Алэксэй Смертин  нэг хайрийн тухай Орос дуу дуулж байсан. Тэр магадгүй хамгийн муу нь байх хэхэ . Бас Бенаюн байна. Тэр ирэнгүүтээ You’ll Never Walk Alone-г дуулаад эхлэсэн. Бид түүнлүү алчуурнуудаа шидэж эхлэсэн. Би түүнийг юугаа бодож Ливерпүүлийн сүлд дууг дуулсныг ойлгодгүй юм.

Дрогбагийн нас нь явж байгаа боловч тоглох арга барил, чадвар нь хэвээрээ мэт. Тэр талбай дээр яг л залуучууд шиг харагддаг. Түүний энэ олон жилийн хугацаанд хуримтлуулсан туршлага түүний карьерийг цаашид ч удирдан залах бизээ.
-Би өөрийгөө хөгширсөн мэт мэдрэхгүй байна. Би хөлбөмбөг тоглож байгаадаа баяртай байна. Би аль болох сайжирч, чадах бүхнээ талбай дээр хийж, багтаа туслахыг хүсч байна. Одоогоор би 35 хүртлээ дээд зэрэглэлийн тоглолтоо үзүүлэх боломжтой гэж бодож байна. Би аль болох олон жилийг талбай дээр өнгөрөөхийг хүсч байна.

Дрогба мөн Челси түүнд ямар онцгой болохыг дурьдсан юм.
-Энэ бол асар том эв нэгдэлтэй гэр бүл. Чи баг дотор орж ирээд л гэртээ байгаа мэт халуун дулаан уур амьсгалыг мэдрэх болно. Би хамтрагчидтайгаа 6,7 жилийг хамт өнгөрөөлөө. Би гэртээ байна. Би энэ багт карьераа үдэхийг маш их хүсч байна. Гэхдээ хөлбөмбөгт ам гарах боломжгүй юм. Челси бол миний амьдралын нэгэн том хэсэг. Тийм болохоор би энэ багт үнэхээр их хайртай.

 Спортын цонх  форум  – Болжмор

Хуваалцах/Тэмдэглэх

Тоглолтын эхний үед хоёр багийнхан аль аль нь ганц ч алдаа гаргаагүй юм. Фернандо Торрес 77 дахь минутад сэлгээнд суухаасаа өмнө хэд хэдэн сайхан боломж алдсан. Тэрээр премьер лигийн 11  тоглолт дараалан гоол оруулж чадсангүй. 2011 оны 1 сараас 4 сарын хооронд 10 тоглолт дараалан гоол оруулаагүй сөрөг амжилтаа тэрээр “эвдлээ”.

Майко Эссьен удаан хугацааны бэртлээсээ эргэн ирсэн нь Челсигийн фенүүдийн хувьд баяртай мэдээ байлаа. Харин бусдаар тэднийг баясгах үйл явдал энэ тоглолтонд байсангүй.

Тэд 41 оноотой хэвээр үлдэж аваргын өрсөлдөөнөөс улам бүр холдож байна.

Хуваалцах/Тэмдэглэх

Хэдийгээр гоол оруулаагүй ч  Фернандо Торрес энэ тоглолтонд тун идэвхитэй сайн тоглосон. Хуан Матагийн жигүүрээс өгсөн бөмбөгийг тэрээр гайхалтай унаж гуядсан ч хаалган хөндлөвч оносон. Харин ойж ирсэн бөмбөгийг Лампс чихэж багтаа хожлын гоолыг авчирсан юм.

Эсрэг багаас Никлас Бендтнер, Джеймс Маклин нар мөн сайхан боломжуудаа ашиглаж чадаагүй.

Челси энэ хожлыг авснаар Ситигээс алдаж байгаагаа онооны зөрүүгээ 8 болгож ойртуулж байна. Гэхдээ Сити даваа гаригт хожил авбал тэдний зай дахин холдоно.

Лондон. Стадион “Стэмфорд Бридж”. 41696 үзэгч. Шүүгч- Фил Дауд (Стэффордшир).
ЧЕЛСИ – САНДЕРЛЕНД – 1:0 (1:0)
Лэмпард, 13 (1:0).
Челси	Сандерленд
Петр Чех	Симон Мигнолет
Жозе Босингва	Филлип Бардсли
Давид Луис	Мэтью Килгаллон, 45
Джон Терри	Джон О’Ши
Эшли Коул	Киран Ричардсон, 81
Рамирес	Себастьян Ларссон
Ориоль Ромеу	Ли Каттермол
Рауль Мейрелеш	Дэвид Воан, 69
Хуан Мата, 85	Джеймс Маклин
Фрэнк Лэмпард, 73	Стефан Сессеньон
Фернандо Торрес	Никлас Бендтнер
Сэлгээ:
Майкл Эссьен, 73	Майкл Тернер, 45
Флоран Малуда, 85	Крейг Гарднер, 69
	Коннор Уикхэм, 81
Шар хуудас
Давид Луис, 9	Ли Каттермол, 59
Фернандо Торрес, 66
Рауль Мейрелеш, 73

Хуваалцах/Тэмдэглэх

Челси хоёрдугаар лигийн Портсмоутыг 4:0 харьцаагаар хожиж FA Cup-ийн дараагийн шатанд шалгарлаа . “ Цэнхэрүүд” тоглолтыг хурдан  хяналтандаа оруулж чадсан . Гэхдээ  хамгаалах тактиктай зочдын хаалганы тор нэгдүгээр  үед хөдөлсөнгүй. Хоёрдугаар үеийн 48 дах минутад Хуан Мата тоглолтын салхийг хагалсан. Портсмоутын Жоел Вард, Футакс  нарт  энэ гоолын хариуг барих сайхан боломж олдсон авч Чех болон Терри нар энэ аюулыг зайлуулж чадав. Төгсгөл хэсэгт Челсигийн Рамирес хоёр гоол оруулж, нэмэлт Лампард 4 дэх гоолыг оруулж цэг тоглолтонд тавив.

Хуваалцах/Тэмдэглэх

Харин энэ эгзэгтэй мөчид Лампс багаа аварлаа. Түүнд шигшээ багийн анд Эшли Коул дамжуулалтыг өгсөн юм.

Цаг дуусах мөчид Кевин Дойл Челсигийн хожлыг “хулгайлах” дөхсөн ч Петр Чех багаа аварчээ.

Вулверхэмптон. Стадион “Молинеукс”. 27289 үзэгч. Шүүгч- Питер Уолтон (Нортгемптоншир).
ВУЛВЕРХЭМПТОН – ЧЕЛСИ – 1:2 (0:0)
Рамирес, 54 (0:1). Уорд, 85 (1:1). Лэмпард, 89 (1:2).
Вулверхэмптон	Челси
Уэйн Хеннесси	Петр Чех
Ричард Стирмэн	Жозе Босингва
Роджер Джонсон	Джон Терри
Кристоф Берра	Давид Луис
Стивен Уорд	Эшли Коул
Энтони Форд, 46	Рамирес
Дэвид Эдвардс, 76	Ориоль Ромеу
Эммануэл Фримпонг, 61	Рауль Мейрелеш
Карл Генри	Фрэнк Лэмпард
Адам Хэммилл	Хуан Мата, 84
Кевин Дойл	Фернандо Торрес
Сэлгээ:
Мэтт Джервис, 46	Джошуа Макихрэн, 84
Стивен Флетчер, 61
Кевин Фоли, 76
Шар хуудас:
Адам Хэммилл, 26	Фрэнк Лэмпард, 25
Карл Генри, 27	Ориоль Ромеу, 33
Кевин Дойл, 31

Хуваалцах/Тэмдэглэх

Толгойны хамгаалалт, маскгүй Чехийн хувийн амьдрал руу бид өнгийхийг хүслээ. Ингээд дэлхийн шилдэг хаалгачдын нэг ‘Танкчин’ хочит Чехийн ертөнцөөр аялцгаая !
Чех бол гурван ихрийн хамгийн бага нь. Түүнтэй зэрэгцэн төрсөн  ихрийн өрөөсөн ах нь хоёр насандаа өвчнөөс болж нас барсан бөгөөд  үүнээс хойш Чех өөрийн ихэр эгч болон том эгчийн хамт өсч торнисон билээ. Чех багаасаа л спортын ертөнцөөр аяласаар ирсэн. Тэр хөлбөмбөгөөс өмнө хоккейн хаалгач байсан ба гольф ч тун сайн тоглодог нэгэн. Тэрээр өөрийн нутгийн нэгэн сайхан бүсгүйтэй гэрлэж хүү, охинтой болсон. Мөн “Танкчин” маань өөрийн боловсролдоо асар их анхаардаг эрхэм. Чех бүр таван  хэлээр ярьж чаддаг. Цаашдаа хэдэн ч хэлээр ярихыг бид таашгүй.

-Одоо бол би Испани хэлийг хөгжилдөхийн тулд сурч байгаа. Хувцас солих өрөөнд олон улсаас ирсэн өөр өөр тамирчид цугласан байдаг. Тиймээс олон хэл сурах нь намайг тэдэнтэй чөлөөтөй харьцахад тус болно гэсэн үг.

Хамгийн сүүлд бид түүнээс 2004 онд ярилцлага авч байлаа. Энэ нь түүнийг толгойндоо хүнд гэмтэл авч 50 гаруй оёо тавиулж, хамгаалалт зүүдэг болохоос өмнө мөн түүнийг хамраа хугалан маск зүүдэг болохоос өмнө гэсэн үг. Хэдийгээр тэр хүнд бэртэл олныг авч карьераа өндөрлүүлэх дөхөж байсан ч  бууж өгөхийг хүсээгүй, эрэлхэг нэгэн. Хамгийн гол нь энэ бэртэл гэмтлүүд түүний эр зоригийг хэзээ ч мохоож байгаагүй нь гайхалтай.

-Би хэдийгээр маскнийхаа зураасыг харж байгаа ч энэ нь надад нээх том асуудал бишээ. Би урьд нь Хоккейн хаалгач хийж байхдаа толгойндоо бүтэн хамгаалалттай тоглодог л байлаа. Гэхдээ энэ маск маань надад хэдхэн долоо хоногын дараа хэрэггүй болчихноо.

Гэхдээ би түүнээс хэзээ нэгэн цагт айдас мэдэрч байсан уу гэж асуухгүй өнгөрч чадаагүй юм. Тэр хэзээ нэгэн цагт дахиад өөр гэмтэл авчих вий гэж айж байсан болов уу? Эмч нар түүнийг 3 ихэрийн нэг болохоор дундаж хүнийхээс илүү нимгэн ястай гэж үзэж байгаа.

2006 онд Stephen Hunt-д толгойндоо өшиглүүлж хүнд гэмтэл аван 50 аад оёог тавиулсан Чех дахин ийм байдлаар гэмтэлд өртөх юм бол үхэж ч болох гэнэ. Мэдээж толгойныхоо хамгаалалтгүй бол шүү дээ.

-Би гурван ихрийн ясыг хуваалцсан юм шиг байгаа юм.  Эмч нар ч гэсэн миний ясны зузааныг дундаж хүнийхээс нимгэн гэж хэлж байсан. Тэд баталгаатай ийм гэж хэлээгүй  магадлал өндөр  гэж хэлсэн. Учир нь би 3 ихрийн нэг шүү дээ. Гэхдээ би талбай дээр гарсан л бол багийнхаа төлөө 100 хувь зүтгэдэг.

Энэ юу гэсэн үг вэ гэвэл шаардлагатай гэж үзвэл би багийнхаа төлөө юугаа ч золиосолж чадна гэсэн үг. Энэ үзэл маань толгойны хүнд гэмтлийн дараа ч, хамраа хугалуулсаны дараа ч, бэлтгэл дээр авсан гэмтлээсээ болоод мэс засалд орох хэрэгтэй болсоны дараа ч өөрчлөгдөөгүй.

Хэрвээ би гоол алдахыг зогсоох гэж толгойгоо тавих хэрэгтэй болвол үүнийг хийх л болно. Учир нь би гоол алдахыг үзэн яддаг. Шударга л байя.  Хэрвээ чиний дотор айдас байгаа бол талбай дээр гарах хэрэггүй байдаг юм. Учир нь хоёдсон санаатай талбай дээр тоглоно гэдэг чамд үүнээс илүү том аюулыг  авчирч болно. Хэрвээ хэзээ нэгэн цагт өөр зүйлийг мэдрээд, талбай дээр 100 хувь байж чадахгүй гэдгээ мэдрэх юм бол би карьераа өндөрлүүлэх болно.

Гэхдээ юу гээч , би хэзээ ч тоглохоо болих тухай бодож байгаагүйм байна. Би өөрийгөө амьд байгаад үргэлж бурханд талархаж явдаг. Гэхдээ би үргэлжлүүлэн тоглох тухай бас байнга л боддог. Намайг толгойндоо хүнд гэмтэл авсан өдөр эмч нар надад чи дахин тоглохгүй ч байж магадгүй, энэ зөвхөн эмчилгээ хэрхэн явагдахаас л шалтгаална гэж хэлж байсан.

Тэр бол миний хөлбөмбөгөөс хамааралгүй байсан анхны тохиолдол байсан. Гэхдээ тэд намайг тоглох боломжтой гэж дүгнэхэд би шууд л хэзээ талбайд гарах талаараа л бодож эхлэсэн. Тэр үед бэлтгэлийн талаар ч бодож чадахааргүй хүнд өдрүүд байсан. Гэхдээ л би 3 сарын дараа эргэн ирж чадсан. Тэрнээс 1 сарын дараа бид Карлин Кап хүртсэн. Энэ миний дуртай цомуудын нэг. Учир нь энэ цом надад хэрхэн бүхнийг давж гарсаныг минь санагдуулдаг. Би тэр үед зөвхөн өөртөө ч баярлаж байгаагүй би тэр хүнд үед миний ард байсан бүхий л хүмүүст баярлаж байсан.

Та хэзээ нэгэн цагт хамгаалалтаа тайлах уу? …
-Үгүй ээ учир нь хамгаалалтгүйгээр иймэрхүү гэмтэл дахиж авах юм бол  би амиа алдаж ч болно. Хэн ч ирээдүйд юу болохыг харж, дахин ийм гэмтэлтэй таарахгүй гэдэг баталгаа өгч чадахгүй шүү дээ.

Гэхдээ би хамгаалалтгүй байх нь миний карьер цаашлаад амьдарлыг минь сүйтгэж болзошгүй талаар боддоггүй.

Тэр үргэлж л зоригтой нэгэн байсаар ирсэн. Чех бага байхдаа цагт 100 миль хурдтай ирэх хоккейн бөмбөгийг барьдаг л байсан.

-Намайг хоккей тоглодог байхад өнөөдрийнх шиг сайн хамгаалалтын хэрэгсэл байдаггүй байлаа. Тийм болохоор их өвддөг байсан . Би ер нь сайн хаалгач байсан гэж боддог.  Магадгүй би багадаа энэ спортод хөлбөмбөгөөс илүү дуртай байсан байх. Учир нь хоккейд хийх зүйл их байдаг байсан. Үргэлж завгүй байх хэрэгтэй болно. Хөлбөмбөг сонгох нь гэр бүлд маань хэтэрхий өндөр үнээр тусч байсан болохоор магадгүй би хоккей тоглодог байсан байх. Гэхдээ ирж байгаа бөмбөгийг барьж авахад маш их өвдөлт мэдрэгддэг байсан. Яг л зодуулж байгаа мэт…

Тэр алдаа гаргаж байсан нь ховор.  Ойрийн зайн, хурдтай бөмбөгийг Чех ямар ч асуудалгүй хааж чадна. Магадгүй тэр багаасаа жижиг бөмбөг хааж өссөн болохоор тэр байх . Харамсалтай нь Петр урьд өмнөхөөс илүү олон гоолыг энэ улиралд алдаж байгаа. Гэхдээ түүнд буруу өгөх нь шударга бус болно. Учир нь Боашын тактик ёсоор  Чехийг ганцааранг нь хойно үлдээх үе цөөнгүй гарч байгаа. Гэхдээ Чех тактикийг буруутгахгүй байна. Тэр үүнийгээ өөрөө сонирхолтой баримтаар баталсан юм. Челси 9 тоглолтонд 5 хожигдчихоод дараа нь Сити, Ньюкасл, Аваргуудын лигт Валесияг яг ижилхэн тактикаар хожсон юм.

-Асуудал тактикд байхгүй. Харин бид жижиг сажиг алдаа хэтэрхий их гаргаж байгаад л байгаа юм. Асуудал урагш шахсан хамгаалалтын шугаманд байхгүй. Бид зүгээр л анхааралгүй, тогтмол тоглолт үзүүлж чадахгүй байсан. Манайхан ихэнхи нь довтолгоонд түлхүү орж байгаа болохоор хурдан байраа нөхөж амжихгүй байсан.

Одоо бол илүү олон хүмүүс араа харж үлдэж байна. Энэ л том өөрчлөлт юмуу даа. Бид одоо илүү зохион байгуулалттай тоглож байгаа. Валенсия, Манчестэр Ситигийн эсрэг бид илүү хамгаалалтанд орж тоглож байсан. Учир нь тэд үнэхээр сайн тоглож байлаа.

Бид урагшаа цөмөрч тоглож болохгүй байсны учир нь манайх хангалттай бөмбөг эзэмшихгүй байна. . Тийм болохоор бид хамгаалалттай эвлэрэх хэрэгтэй болсон. Би дээр хувийн алдаануудын талаар хэлсэн. Энэ нь юу вэ гэхээр бид сайн довтолгоогоо хийж байхдаа хамгаалалтаа мартчих гээд байх юм. Гэхдээ бид үүнийгээ засаж чадсан. Үр дүн ч харагдаж байна. Гэхдээ Уигантай тэнцсэн тоглолт бол өөр байлаа. Бид тэднийг хамгаалж сөрөг хийх боломж хайх байх гэж тооцоолж байсан ч байдал өөр байсан. Тийм болохоор арга барилаа тоглолт болгон дээр дасгах хэрэгтэй.

Чех бол өнөө цагийн Челсигийн түлхүүр дөрвөн тоглогчдын нэг.  Ахлагч Терри, Дэд ахлагч Лампард, Дрогба тэгээд Чех. Энэ дөрвөн  эрхмийг Челсигийн фенүүд  хамгийн нөлөө бүхий тамирчдаар нэрлэж байсан.

Гэхдээ түүнийг Боаштай хэр эвтэй байгаа талаар хүмүүс мэдэхийг хүсч байна.  Челсигийн экс менежер байсан Сколари халагдахдаа Чех, Дрогба, Баллак нартай хувийн асуудалтай байсан талаараа хэлж байсан. Гэхдээ бид түүний ярианаас нас ойролцоо менежерээ хэр их хүндэлдэгийг нь мэдэрсэн юм.

-Бүх менежерүүд ялгаатай. Гэхдээ хүмүүс энэ бүхнийг гадна талас нь дүгнэх нь харамсалтай.  Тэд хэзээ ч бидэнтэй хамт бэлтгэлд байдаггүй, өдөр бүр юу болдгийг мэдэхгүй шүү дээ. Хүмүүс зөвхөн тоглолтын үр дүнг л анзаардаг. Гэхдээ тоглолтын үр дүн үргэлж баг дотор юу болоод байгаагаас шалтгаалдаггүй. Хүн бүр л Боасийн насны талаар ярьж байна. Гэхдээ хөлбөмбөгт нас биш хувийн зан чанар, авъяас чадвар чухал байдаг юм.

Жишээ нь Ван Дер Сар 40-төй мөртлөө топ хэвээр л байсан. Хэрвээ чамд авъяас чадвар байгаад, ялалтын төлөөх сэтгэл байвал нас асуудал биш. Менежер Португ сайн удирдаж, тэдэнтэй олон цом авсан. Тийм болохоор миний хувьд түүний нас асуудал биш. Учир нь түүнд хангалттай туршлага бий. Чиний менежертээ дуртай байх эсэх бол тийм ч чухал биш. Би бүх менежерүүддээ дуртай байгаагүй. Гэхдээ би тэдний багийг хэрхэн удирдах арга барилд нь дуртай байсан. Хэрвээ менежер хүн хөлбөмбөгийг ойлгож чаддаг л байвал би баяртайгаар угтан авах болно.

Чи менежертээ дуртай биш байж болно, бусад тамирчдаа, багийн андууддаа дургүй байж болно. Гэхдээ чи тэдэнтэй нэг талбай дээр тоглож байгаадаа баяртай байвал бүх зүйл зүгээр гэсэн үг. Би Сколарийг яагаад тэгж хэлсэнийг ойлгодоггүй юм. Менежер хүн тамирчнаа муу, багт хангалттай биш гэж үзэж байвал явуулах бүрэн эрхтэй. Би бүх л тоглолтонд гарч, өөрийн чадах бүхнээ хийдэг л байсан. Түүний багт ирэхээсээ өмнө хийж бүтээсэн бүхнийх нь төлөө би түүнийг хүндэлдэг байсан. Тэр Бразилийг ДАШТ-ий аврага болгож, Португалд сайн ажиллаж байсан. Гэхдээ тэр Челсид сайн байгаагүй.
Би хэзээ ч өөрийнхөө төлөө тоглож байгаагүй. Одоо ч хэвээрээ. Би багаа, клубээ илүүд үздэг. Петр Чех тийм ч чухал биш. Би багийн чухал гишүүдийн нэг байж болох ч Челси гэдэг клубтэй харьцуулахад онц хүн биш юм.

Тэгвэл багийнхаа хувцас солих өрөөний уур амьсгалаас яриач?
-Хэрвээ чи багийн маань дасгалжуулагч байсан бол хувцас солих өрөөний маань нэгдмэл байдал чамд багийг удирдахад их том тус хүргэх байсан даа. Хувцас солих өрөө маань ажиллахад их таатай газар: Энд багийг удирдахад илүү амар байдаг юм. Манай тамирчид айдас, бүх зүйлсээ мартаж чөлөөтөй байдаг . Бидний хувцас солих өрөө их хүчирхэг. Бид энд л жаргал зовлонгоо хуваалцаж, ялалтыг хамтдаа мэдэрч, хэцүү үеүүдийг хамтдаа давсаар ирсэн.

Хэдийгээр олон олон менежер багийг орхиж байсан ч бидний хүчирхэг байдал хэзээ ч алдарч байгаагүй. Бид агуу амжилтыг бүтээсээр байна. Бид хэцүү үед өөрсдийн хүчирхэг зан чанараа гаргадаг. Та бүхэн энэ зан чанарыг сүүлийн хэдэн долоо хоногт харж амжсан байх. Бид бас нэгэн хэцүү үеээ өнгөрч байна. Одоо ч энэ үе дуусаагүй л байна. Гэхдээ бид энэ үеийг ардаа үлдээх аргаа олсон. Бид алдаагаа засч байгаа. Бид зөв замдаа орж байна.

Эх сурвалж: http://www.dailymail.co.uk/sport/footba … l?ITO=1490

Спортынх форум/ Болжмор

Хуваалцах/Тэмдэглэх