Тэрээр өвдөгөндөө бэртэл авсан бөгөөд зөвхөн ПЛ-ийн улирлын нээлтийн (Ньюкастле-н эсрэг) тоглолтонд оролцох боломжгүй гэж мэдэгдэж байсан. Гэвч түүний талбайд гарах хугацаа нь хойшилж ямартай ч Фулхэм, Вестхэм багуудтай хийх тоглолт, түүнчлэн Английн шигшээ багийн Унгартай хийх нөхөрсөг тоглолтыг өнжих нь тодорхой боллоо. Цаашид мөн ЕВРО 2012 –н урьдчилсан тоглолтууд болох Болгар, Швецарьтай хийх тоглолтуудад шигшээ багтаа туслах нь ч эргэлзээтэй байна.

Сайн мэдээ нь мөн тус багийн төвийн хамгаалагч Н.Видич –н багтаа үлдэх эсэх асуудал ид яригдаж байсан ч тохиролцоонд хүрч шинэ гэрээ байгуулахаар болжээ. Клубын гүйцэтгэх захирал D.Gill –н мэдэгдэж байгаагаар клуб болон тоглогч урт хугацааны гэрээний ерөнхий нөхцлийг зөвшөөрсөн, одоогоор Видич амарч байгаа тул зөвхөн бичиг цаасны ажил үлдсэн. Манай хуульчид болон Видичийн зөвлөх гэрээн дээр ажиллаж байгаа, 3 юм уу 4 долоо хоногийн дараа гэрээг үзэглэнэ гэсэн байна. Н.Видичийг Испаний том багууд нэлээн сонирхож байсан боловч тэрээр багтаа үлдэхээр боллоо.

Хуваалцах/Тэмдэглэх

Хуваалцах/Тэмдэглэх

“Kicker”-т бичсэнээр 26 настай Герман хамгаалагч Манчестер Юнайтедийн арын эгнээг хүчирхэгжүүлэх гол тоглогч ажээ.

Лам сая Дэлхийн аваргаар маш сайн тоглосны дээр багийн ахлагчийн үүргийг амжилттай гүйцэтгэсэн билээ. Нас залуу ч Лам клубын болон олон улсын хэмжээний олон чухал тоглолтуудад оролцсон, хангалттай туршлагатай нэгэн юм.

Өнгөрсөн улирлын Аваргуудын лигийн дунд шөвөгт МЮ Ламийн багт хожигдсон бөгөөд Сэр Алекс Фергюсонд Ламийн тоглолт ихэд таалагдаж, түүнээс хойш Ламийг ажиглаж, анхаарах болсон байна.

Гэри Невилл залуусын хурдыг гүйцэхээ больсон тул түүнийг орлуулах сайн тоглогч авах зайлшгүй шаардлага МЮ-д байгаа юм.

Рафаель да Силва уг нь Невиллийг орлох ёстой тоглогч боловч Фергюсоний бүрэн итгэлийг олж чадахгүй байгаа бололтой.

Дашрамд ДАШТ-ийн өмнө Михаэль Баллак гэмтэж, түүний оронд Лам Германий ахлагч болсон. ДАШТ-ийн дундуур Баллак багаа дэмжих гэж ирээд энэ үеэр Ламтай ахлагчийн туузнаас болж маргасан гэх мэдээлэл гарч байсан.

Ямар ч байсан Баллак Германы ахлагчийн статусаа үргэлжлүүлэн эзэмшинэ гэж сая хэлжээ.

Хуваалцах/Тэмдэглэх

1.Олон олон рекорд амжилт дагуулсан Челсигийн түрүү

Гуус Хиддинкийн залгамжлагчаар Анчелнотти нэрлэгдсэний дараа  Челсигийн амжилтанд  эргэлзэх хүмүүс нилээд  их байлаа. Учир нь ямар ч итали дасгалжуулагч өмнө нь премьер лигт түрүүлсэн удаагүй. Челсиг өмнө нь Виали, Раниери гэсэн 2 итали эрхэм удирдаж байсан ч ямар ч лигийн
цомгүй нутгийн зүг буцаж байсан билээ.

Гэвч Карло энэ бүхнийг өөрчлөхөөр эрс шийдсэн байлаа. Түүний анхны цом тийм ч удаан хүлээлгээгүй бөгөөд Манчестер Юнайтедийг супер цомд торгуулийн цохилтоор буулган авч гайхалтай эхлэлийг тавьсан. Ингэж тэр 1998 оноос хойш торгуулийн цохилтоор авсан клубын анхны цомыг бэлэглэсэн юм. Гэтэл энэ сайхан улиралын эхлэлийг солилцоо наймааны будилаантай асуудал үймүүлж орхих нь тэр. 2007 онд Францын Лен клубээс Гаель Какута хэмээх хүүг хууль бусаар багтаа авчирсан нь илэрсэн тул ФИФА-гийн зөвлөлөөс Челсиг ирэх 2 солилцоо наймааны цонхоор тоглогч худалдан авах эрхийг нь хязгаарласан юм. Гэхдээ Роман Абрамович хэмээх хүчтэй эзэнтэй багт энэ асуудал тийм ч удаан саад болж чадсангүй. Удаа дараа Спортын арбитрийн шүүхээр заргалдсаны эцэст Лондоны баг дээрхи шийтгэлээс чөлөөлөгдөж нэрээ цэвэрлэж чадсан юм.

10 сард Челси ”Топ 4”-ийн анхны тулаанаа Стенфордын гүүрэндээ Ливерпультэй хийлээ. Дидье Дрогба энэ тулаанд гайхалтай тоглож 2 : 0-ээ ялахад гол үүргийг гүйцэтгэсэн. Тэрээр Анелка, Малудагийн гоолыг эхлэлийг тавьжээ. Энэ бол Лондоны багийн гайхалтай амжилтын дөнгөж эхлэл байсан юм. Үүнээс хойш Цэнхэрүүд топ 4-т багтдаг бусад багуудтайгаа хийсэн тулаанд 100 хувийн амжилт үзүүлсэн юм. Тухалбайл 11 сарын 8-нд МанЮ-г Жон Терригийн гоолоор буулгаж авсан бол 29-нд нь Арсеналыг Эмирэйтс цэнгэлдэхэд нь 3 : 0-ээр бутниргэжээ. Дидье Дрогба 2 гоол оруулж Вермаелений авто-гоол Челсид төгс ялалтыг бэлэглэсэн аж.

Он гарсны дааа Челсигийн зарим гол тоглогчид Африкийн цомд оролцохоор хар тивийг зорилоо. Жилийн жилд Африк тоглогчидтой багт ”лай” болдог энэ тэмцээн Челсид нэг их хүндрэл учруулсангүй.

Гол тоглогчдоо эзгүйд ч Челсичүүд ялалтын цувралаа үргэлжлүүлсээр байв. Жон Терригийн гэр бүлийн хувийн асуудлыг эс тооцвол багт ямар ч асуудал байсангүй. 5 : 0, 7 : 2 гэхмэтчилэн өрсөлдөгчдөө бутниргэсээр байсан юм. 2 сарын эхэнд Арсеналыг талбайдаа 2 : 0-ээр ялж ”топ 4”-ийн 100 хувийн амжилтаа үргэлжлүүлсээр байв.

Харин тэмцээн өндөрлөж Африкчуудыг эргэж ирсний дараа жинхэнэ хямрал эхлэх нь тэр.

2 сарын 27-нд талбайдаа Манчесте ситид ялагдаж Стенфордод анхны ялагдлаа амслаа. Залгуулаад Аваргуудын лигийн шөвгийн 16-аас хасагдаж томоохон шуугиан дэгдээв. Челсигийн бүх цаг үеийн агуу дасгалжуулагч Жозе ”Би Стенфордод хэзээ ч ялагддаггүй” хэмээх үгэндээ хүрсэн юм. Ийнхүү тэд сүүлийн 4 жил дараалан Аваргуудын лигийн шөвгийн 4-т шалгарсан амжилтаа таслууллаа.

Гэхдээ энэ хямралын байдлаас Челси хурдан гарч аваргын төлөөх тэмцлээ үргэлжлүүлж эхэлсэн. Эсрэг талд нь топ формтой Уэйн Рүүни жинхэнэ ”галзуурч” байсан ч Челси 7-1-ээр Астон Виллаг бутниргэх зэргээр  мөчөөгөө өгөхгүй гэдгээ харуулсаар байв. Ингээд улиралын хамгийн онцлох мөч ирлээ. 4 сарын 3-нд Олд Траффордод МанЮ-гийн эсрэг хийсэн тоглолт хэн нь премьер лигт түрүүлэх эсэхийг шийдэх байв. МанЮ-гийн гол довтлогч Уэйн Рүүни аваргуудын лигийн тоглолтын үеэр бэртэл авсан тул энэ тулаанд оролцоогүй.

Шүүгчийн буруу шийдвэрээс болж 2 багийнхан хоёулаа багагүй нервтэсэн гэдгийг дурьдах нь зүйтэй. Ингээд Жое Коул, Дрогбагийн гоолуудын ачаар Челси 2 : 1-ээр ялж премьер лигт түрүүлэх замаа зассан юм. Үүний дараа Тоттенхэмд 2 : 1-ээр ялагдаж энэ давуу байдлаа алдаж болох байсан ч аз болж МанЮ Блекбернтэй оноо хувааж оноо нөхөж чадсангүй. Улмаар 37-р тойрогт Ливерпулийг 2 : 0-ээр буулган авснаар ”топ 4”-ийн тулаанд 100 хувь ялалт байгуулсан амжилтын эзэн болсон юм. Гэхдээ энэ бол тэдний рекорд амжилтын дөнгөж эхлэл байлаа. Сүүлийн тойрогт Уйганыг
8 : 0-ээр бутниргэж премьер лигийн хамгийн том ялалтыг байгуулсан. Улиралыг 103  гоол оруулсан амжилтаар дуусгаж премьер лигийн шинэ амжилтыг тогтоосноос гадна английн хөлбөмбөгийн түүхэнд нэг улиралд 4 багийг 7 гоолоор ялсан анхны баг болсон байгаа. Мөн гоолын зөрүүү +71  гэсэн үзүүлэлт нь лигийн түүхэнд хамгийн өндөр үзүүлэлт болжээ. Эцэст нь Дроба 29  гоолтойгоор премьер лигийн мэргэн бууч болж

Челси 86 оноотой Английн премьер лигийн аваргаар 3 дахь удаагаа тодорсон юм. Мөн Карло Анчелотти английн лигт түрүүлсэн анхны итали дасгалжуулагч болжээ.

2. Улаануудын “уналт”

2009 оны улиралд Улаанууд олны анхаарлын гол төвд байсан. Тэд сүүлийн тойрог хүртэл МанЮ-тай аваргын төлөө тэмцэж, нийт 8 удаа come-back буюу ялагдаж яваад ялалт байгуулжээ. Харамсалтай нь тэд улиралын төгсгөлд удаан хүсэн хүлээсэн премьер лигийн цомоо МанЮ-д алдаж дахин нэг улирал хүлээх хэрэгтэй болсон. Гэтэл өнгөрч байгаа улиралд Ливепульчууд бас л олны анхаарлын төвд байж чадсан. 2009 оноос ялгаатай нь тэд эсрэг дүрээр олны анхаарлыг татжээ.

Зуны наймааны цонхоор сүүлийн хэдэн жилийн амжилтын гол түлхүүр болсон Хави Алонсогоо зарж, оронд нь Алберто Аквилани хэмээх ”шилэн хөлт”-ийг авчирсан. Гэтэн өнөөх 22 саяар ирсэн өнөөх залуу нь бүтэн улиралд 11 тоглолтонд оролцсон гэж байгаа. Энэ ч яахав. Премье лигийн эхний тойрогт Тоттенхэмд ялагдсан нь тэднийг ирээдүйд хүлээж буй ”сүйрлийн” цондон болсон. Премьер лигийн хямралын хажуугаар Европын тавцанд ч азүйтэл үргэлжилж байв. Аваргуудын лигт Италийн Фиорентинад 2 удаа ”дөнгүүлж” хэсэгтээ 3-р байр эзлэн Европын лиг рүү унасан. Нэр хүнд чансаа доогуур баг ордог энэ тэмцээнд ”будаа болгоно” гэж байсан ч бас л бараагүй.

Хагас шигшээд түрүүлэх хувьтай Атлетико Мадридад нэмэлт цагт гоол алдан ялагдал хүлээсэн. Өмнөх улиралд нь аваргын төлөө тэмцэж байсан бол энэ удаа тэд 4-р байраа алдахгүйн төлөө Тоттенхэм, Астон Вилла, Манчестер сити багуудтай өрсөлдөж байв. Жэйми Карраге нэгэнтээ багийнхаа энэ амжилтын талаар ”Бид улиралын эхэнд хэтэрхий их зүйлийг хүсэж байсан болохоор энэ хямрал их хүндээр тусаж байна. Лигийн аварга болно гэсэн сэтгэлзүйтэй байсан залуус дөнгөж 4-р байрын төлөө тэмцэж байгаа болохоор ямар ч тэмцэх чанаргүй болчихоод байна” хэмээсэн байна.

Үнэхээр ч сүүлийн тойргуудад Ливерпульчууд ямар ч урамгүй тоглож үүнийхээ ”’ачаар” 7-р байранд орсон амжилтаар улиралыг дуусгасан. Энэ нь тэдний сүүлийн 11 жил үзүүлсэн хамгийн тааруухан амжилт болсон юм. Улиралын турш суудалдаа үлдэх эсэх нь тодорхойгүй байсан Рафа Бенитез эцсийн эцэст багтаа үлдэхээр болсон ч түүнийг явуулах хүсэлтэй Копууд чамгүй их байна.

Хэрвээ Рафа явахаар болбол түүнтэй хамг багийг орхино гэсэн тоглогчид ч цөөнгүй байна. Юу болохыг харж л байядаа.

3. Тоттенхэм Аваргуудын лигт шалгарлаа

Премьер лигийн топ 4 баг гэж МанЮ, Челси, Арсенал, Ливерпулийг нэрлэдэг байсан цаг ард хоцорчээ. Энэ улиралд маш олон баг 4-р байрын төлөө ширүүн тэмцэл өрнүүлсэн. Эцэст нь энэ байранд орохын тулд асар их хөрөнгө хаясан Ман сити ч бус, авьяаслаг залуусаар хүч нэмсэн Астон Вилла ч бус харин Харри Реднапаар удирдуулсан Лондоны Спөрз энэ эрхийг авч чадлаа.

Ийнхүү тэд түүхэндээ анх удаа аваргуудын лигт шалгарч байгаа бөгөөд 1961-62 оны улиралаас хойш анх удаа европын топ тэмцээнд шалгарч байгаа нь энэ юм.

Улиралын төгсгөлд Тот Челси, Арсеналыг дараалан буулган авсан нь тэднийг ийнхүү топ 4-т шалгарахад голлох үүргийг гүйцэтгэжээ. Жермайн Дефое гоолын тоогоор багаа тэргүүлж нийт 24 гоол оруулсан амжилт үзүүлжээ. Түүний араас Петер Крауч 13, Павлюченко 10 гоолтой удаалжээ. Харин хаалгач Гомеш нийт 42 тоглолтонд оролцсон амжилтаа багаа тэргүүлсэн байх юм.

4. Портсмутын санхүүгийн хямрал

2009 оны 5 сард Арабын тэрбумтан Сулиман Аль Фахим Портсмутыг худалдан авахаар болсон. Арабын хамгийн нөлөөтэй бизнесменүүдийн нэгт худалдагдсан  болохоор санхүүгийн тал дээр Портсмутыг санаа зовох зүйлгүй боллоо гэж мэргэжилтнүүд дүгнэж байв.

Гэтэл өнөөх баяр эр нь Ман ситигийн араб эздийг бодвол тун харамч нөхөр таарсан тул 10 сар гэхэд л Помпэй тоглогчдынхоо цалинг тавьж чадахгүй хүнд байдалд орсон. Улмаар Али Аль Фарах хэмээх бас нэгэн Арабын тэрбумтан клубын хувьцааны 90 хувийг худалдан авсан байна. Аль Фарах ирсэн даруйдаа Аврам Грантыг клубын спорт эрхэлсэн захиралаар томилсон. Гэсэн ч тэдний санхүүгийн асуудал шийдэгдсэнгүй.

2009 онд 12 сард Помпэй 2 дахь сардаа дараалан тоглогчдынхоо цалинг тавьж чадаагүй учраас гэрээнд тусгагдсан нөхцлийн дагуу тоглогчид багаа орхиж явах эрхтэй болсон. Нөхцөл байдал даамжирсаар он гараад 2 сард Непалын бизнесмен Балрам Чайнрай клубын ээлжит эзнээр нэрлэгдлээ. Шинэ эзэн дамппуурлын ирмэгт тулсан багтаа 20 сая фунтын л хөрөнгө оруулалт хийсэн бөгөөд үүнээс илүүг гаргахгүй хэмээн гүрийх нь тэр.

Энэ мэтчилэн баг нь санхүүгийн хүнд байдалд байсан тоглогчид шүд зуун тоглосоор ФА цомын финалд шалгарч чадсан. Гэвч тэд топ формондоо байсан Челсиг үнэхээр барж чадсангүй. Хүснэгтийн доод хэсэгт бичигдэж байсан ФА цомын финалд шалгарсан учраас тэдэнд Европын тэмцээний эрх авах найдвар байлаа.

Гэвч санхүүгийн асуудалд орсон багт УЕФА-гийн тэмцээнд лиценз өгдөггүй учраас хичнээн маргалдаад тэд энэ эрхийг авч чадаагүй. Дараагийн улиралаас Помпэй Чампионшип буюу доод лигт хүч сорих бөгөөд бүрэлдэхүүнээ хадгалж эргэн топ лигтээ ирэх зорилго тавьж байгаа аж.

5. Фулхэмийн ”Үнсгэлжингийн түүх”

Хэдийгээр премьер лигттэй холбоогүй ч Английн багийн амжилт учраас энд багтаах нь зүйтэй болов уу, Английн хамгийн олон жилийн настай ч хамгийн даруухан багуудын нэг Фулхэм энэ улиралд түүхээ шинээр бүтээсэн. Рой Хожсоны удирдлаган дор Цагаанууд Европын лигт мөрөөдлийн улиралаа өнгөрүүлсэн билээ.

Хасагдах шатанд тэд Ювентус, Вольсбург, Гамбург гэсэн фаворит багуудыг ээлж дараалан мулталж финалд шалгарч чадсан. Харамсалтай нь аваргын төлөөх тоглолтонд Атлетико Мадридад ялагдал хүлээж түүхэн дэх анхны европын цомоо хүртэх боломжоо алдсан. Гэхдээ тэднийг Лондонд эргэн ирэхэд баатрын дүрээр угтан авсан нь ойлгомжтой.

Премьер лигт Фулхэм уламжлал ёсоор нэг их амжилттай ч биш, амжилтгүй ч биш алтан дундажаа л барьсан. Гэхдээ энэ улиралыг Фулхэмийн фенүүд хэзээ ч мартахгүй бизээ.

Товчхондоо гэхэд 2010 оны улирал Английн хөлбөмбөгт Лондоны багуудын сэргэн мандалтыг авчирлаа. Челси түрүүлж, Тоттенхэм 4-р байр эзэлсэн. Мөн Фулхэм түүхэн амжилтаа үзүүллээ. Бас Вест Хэм доош уналгүй үлдсэнийг амжилт гэлтэй.

Хуваалцах/Тэмдэглэх

Лигийн мэргэн буучын төлөө тэмцэж байсан түүнийг цаг дуусахаас өмнө Сер Алекс сэлгээнд суулгасан юм.

Одоогоор Рүүниг цавиндаа бэртэл авсан гэдгээс өөр тодорхой мэдээлэл алга. Гэхдээ Сер Алекс Фергусон ярихдаа Уэйний бэртэл хүнд биш, ДАШТ-аас өмнө бүрэн эдгэрнгэ гэж хэлсэн учраас санаа амар байж бололтой.

Юу ч гэсэн эмнэлэгийн шинжилгээний дараа Рүүниг хэр хугацаанд бэртэлтэй байх нь тодорхой болох байх. Хэдийгээр Рүүни премьер лигийн алтан шаахайгаа Дрогбад алдсан ч Английн оны шилдэг тоглогчоор тодорсон билээ.

Хуваалцах/Тэмдэглэх

Гэвч тэрээр тамирчин хүний тэсвэр тэвчээр зааж ногоон талбайдаа эргэн ирсэн юм. Түүнийг эзгүйд Жон О’Ши ихэнхидээ гараанд гарч байсан.

Харин одоо Невиль гарааны эрхийн төлөө багийн ирээдүй болсон Рафаельтэй өрсөлдөж байгаа. Невиль байнга гараанд гарч чадахгүй байгаа ч томоохон тоглолтуудад Сер Алекс түүнд найдаж гараанд гаргаж байгаа юм. Фабио Капелло ч Невильд итгэж байгаагаа харуулж шигшээ багтаа урьсан байгаа.
Невиль 1990-ээд оны дундуур Бекс, Гиггз, Батт, Скоулз нарын хамтаар МанЮ-гийн үндсэн бүрэлдэхүүнд багтаж тэр цагаас одоог болтол хүчин зүтгэж байна.

Хуваалцах/Тэмдэглэх

Рүүни энэ шагналыг хүртсэн 18 дахь Англи тоглогч болж байгаа. 2006 онд Жеррардыг шилдэг болсноос хойш Англи тоглогч энэ шагналыг хүртээгүй байсан юм. Мөн 1974 оноос оны шилдгийг шалгаруулдаг болсоноос хойш анх удаа 4 жил дараалан нэг багаас шилдэг тоглогч тодорч байгаа аж. Англичуудын ДАШТ-ий гол найдвар болоод байгаа Рүүни одоогоор лигийн 30 тоглолтонд 26 гоол оруулаад байгаа бөгөөд хэрвээ нийт тэмцээнд оруулсан гоолыг нь тооцох юм бол 34 хүрнэ. Түүнийг Роналдугийн 42 гоолын амжилтыг эвдэх боломжтой гэж байсан боловч харамсалтай нь аваргуудын лигийн тоглолтын үеэр бэртэл авч хэд хэдэн чухал тоглолтонд оролцож чадаагүй билээ.

Харин шилдэг залуу тоглогчоор Астон Виллагийн Жэймс Милнер шалгарсан байна. 24 настай хагас хамгаалагчын ухаалаг тоглолт энэ улиралын Астон Виллагийн гол хөшүүргэ болж байгаа нь дамжиггүй. Дашрамд сонирхуулахад 2006 оноос хойш хоёр английн тоглогч гол шагналыг хүртэж байгаа нь энэ болж байгаа юм.

Ингээд та бүхэнд Премьер лигийн оны шилдэг багийг танилцуулья.

Харт (Бирмингэм), Иванович (Челси), Вермаелен (Арсенал) , Данн (Астон Вилла) , Эвра (МанЮ) , Фабрегас  (Арсенал), Милнер (Астон Вилла), Флетчер (МанЮ), Валенси, Рүүни (МанЮ), Дрогба (Челси)

Хуваалцах/Тэмдэглэх

“Манчестер Юнайтед” – “Тоттенхэм” – 3:1

Гоол: Гиггз, 58 – пенальти (1:0). Кинг, 70 (1:1). Нани, 81 (2:1). Гиггз, 86 – пенальти (3:1).

“Манчестер Юнайтед”: Ван дер Сар, Видич, Эвра (О`Ши, 67), Да Силва (Македа, 80), Эванс, Валенсия (Кэррик, 60), Гиггз, Флетчер, Скоулз, Нани, Бербатов.

“Тоттенхэм”: Гомес, Ассу Экотто, Бэйл, Доусон, Кинг, Бентли (Леннон, 66), Хаддлстоун, Паласиос, Модрич, Дефо (Гудьонсен, 55), Павлюченко (Крауч, 75).

Шар хуудас: Нани, 35.

Аваргын төлөө гол тэмцлийг өрнүүлж буй гурван багтай дараалж тоглох хуваарьтай Тоттенхэм Арсенал, Челсиг хожсоны эцэст МанЮ-д хожигдлоо. Тоглолтын гол баатраар Нани, Райан Гиггз нар тодров.

Криштиану Роналдуг залгамжлах учиртай Портгугалийн хагас хамгаалагч Нани энэ тоглолтонд гялалзтал тоглож пенальтийн боломж гаргаж өөрөө тун гоёмсог гоолыг хийлээ.

Тоглолтын эхний үед Рунигүй Улаан чөтгөрүүд давамгай тоглож илүү олон боломжийг гаргаж байсан. Бербатов их олон боломжийг хийсгэсэн. Гэсэн хэдий ч 2-р үе эхлээд Бербатов алдаагаа цайруулан араараа Евра руу бөмбөгийг дамжуулж бөмбөгийг Евра хүлээж авах үед Ассу Экотто алдаа гаргаснаар шүүгч пенальтийг МанЮ-ийн талд заав. Түүнийг ахмад тоглогч Гиггз түүртэлгүй гоол богосноор тоглолтыг МанЮ тэргүүлж эхлэх нь тэрээ. Гэсэн ч үүнээс 12 минутын дараа энэ тоглолтонд Тоттенхэмээс хамгийн сайн тоглосон Ледли Кинг булангийн цохилтоос мөргөн тоог тэнцүүлсэн. Хэдийгээр долоо хоногийн дундуур бэлтгэл дээр гэмтсэн гэгдэж байсан ч Ледли Кинг өнөөдөр тун сайн формтой тоглолоо. Хамгаалалтан дээр тун идэвхитэй ажиллаж байсан юм.

Фергюсонд тэнцээ хангалтгүй тул тэр эцсийн найдвар болох өнгөрсөн жилийн аварга авахад гол туслалцаа үзүүлсэн Македаг багаа авруулахаар талбайд Рафаэлаар сэлгэн гаргав. Итали хүүхэд ч найдварыг алдсангүй. Талбайд дөнгөж гараад л Нанид дамжуулалт өгч, Нани Гомесийг хөнгөхөн аргалан багийнхаа хоёр дахь гоолыг хийлээ. МанЮ-ийн ногоон, цагаан хувцас өмссөн фанатууд баяраа тэмдэглэж дуусаагүй байтал Паласиос Нани дээр 16 дотор алдаа гаргаснаар Гиггз дахин торгуулийн цохилт хийх болж тоглолтын эцсийн цэгийг тавилаа.

Манчестер Юнайтед 36 тоглолтын дараах байдлаар 79 дэх оноогоо ийнхүү авсан бол маргааш Стоук Сититэй тоглох Челси 35 тоглолтонд 77 оноотой 2-р байранд бичиглэж эхэллээ.

Хуваалцах/Тэмдэглэх

Хуваалцах/Тэмдэглэх

Энэ нь Роналдуг зарж олсон 80 сая фунтээс үлдсэн мөнгө бололтой. Хамгийн сүүлд Мексийн залуу авьяастан Мексикийн шигшээ багтай хамт ДАШТ-д оролцох  Хавьер Эрнандез МанЮ-д зүтгэхээр болоод байгаа. Мөн Фулхэмийн хамгаалагч Крис Смаллингийг зургаан сард эгнээндээ нэгтгэхээр болсон тухай багийн албан ёсны сайтад мэдээлсэн байна.

Сер Фергусоны сонирхол ерөнхийдөө залуу авьяастнууд руу чиглэж байгаа бөгөөд Реалын 22 настай Франц довтлогч Карим Бензема, Валенсигийн Давид Вилла нарын нэгээр урд эгнээгээ хүчирхэгжүүлэх бодолтой байгаа аж.

Хуваалцах/Тэмдэглэх