"Спортын цонх" онлайн сэтгүүл - Спортод хайртай хүн бүрт зориулав! » Европын хөлбөмбөг

Сами Хедира Реалд ирлээ

Баярсайхан Г — Fri, 30 Jul 2010 14:13:07 +0000

Сами Хедира 14 сая еврогоор Эзэн хааны багт ирлээ. Сантьяго Бернабеуд Хедира нийт 4 жилийг өнгөрөөхөөр гэрээнд гарын үсэг зурсан бөгөөд эмнэлэгийн шинжилгээ өгсний дараа тэрээр албан ёсоор Реалын тоглогч болох юм байна. Штутгартын спорт эрхэлсэн захирал Фреди Бобич ”Сами бол талбай дээр ч талбайн гадна ч жинхэнэ лидер байж чаддаг. Түүн шиг тоглогчыг явуулж байгаадаа харамсаж байна.

Гэвч бид түүний хүсэл зоригийг хүндлэх хэрэгтэй. Шинэ багтаа тэр илүү ихийг хийнэ байх” хэмээжээ. Өдгөө 23 настай Сами Хедира Штутгартын академиар хүмүүжиж Германы шигшээ багийн гарааны тоглогч болтлоо өсөн дэвжсэн. Өнгөрсөн ДАШТ-д тэрээр оролцож хүрэл медаль хүртсэн билээ.

Энэхүү наймаа нь Реалын энэ зуны 4 дэх арилжаа болж байна. Өмнө нь тэд Ди Мариа, Каналес, Педро Леон нарыг аваад байсан. Ийнхүү Реал Мадридийн зуны наймаанд зарсан мөнгө 51.5 сая евро боллоо. Харин Раул, Гути, Метзелдер зэрэг 5 тоглогчыг явуулсан ч нэг ч еврогийн ашиг олоогүй. Сами Хедира Германиас шууд Америк луу нисэж шинэ багийнхантайгаа нэгдэх бололтой.

Хуваалцах/Тэмдэглэх

Пуйоль ”Фабрегасыг явуулалдаа”

Баярсайхан Г — Fri, 30 Jul 2010 09:20:24 +0000

Ческ Фабрегасыг тойрсон ”үлгэр” дуусах болоогүй л байна. Багт нь санал тавиад авч чадаагүй Барсагийнхан Фабегаст хүчээр өөрийнхөө өмсгөлийг өмсүүлээд ч эгнээндээ нэтгэж чадаагүй л байна. Гэхдээ 8 сарын 31 хүртэл Каталончууд энэ дайралтаа зогсоохгүй бололтой. Саяхан Барсагийн ахлагч Карлоc Пуйоль ээлжит ”өдөөн хатгалага” хийсэн байна.

Тэрээр ”Фабрегас тоглохыг хүсэхгүй байгаа багтаа дахиад нэг улирал үлдэх нь байна шүү дээ. Нэгэнт сэтгэл нь урвачихсан хүнийг Арсеналчууд багтаа байлгаад байгаа нь үнэхээр гайхалтай. Уг нь Чексийн Арсеналын төлөө хийсэн бүхнийх нь хариу болгож тэд хүссэн багт нь явуулах л хэрэгтэй юмсан. Өнгөрсөн 7 жилийн хугацаанд Фабре энэ багийн төлөө чадах бүхнээ хийж байсан гэтэл тэд одоо түүний хүслийг хүндэтгэхгүй байна.
Гэхдээ мэдээж Фабре шоронд байгаа гэж хэлэхгүй л дээ. Бид чинь хөлбөмбөгчид юм чинь хоригдлуудаас илүү давуу эрхтэй байх ёстой. Тэр тусмаа Барсад очно гэдгээ тодорхой мэдэгдсээр байхад түүнийг хорьж байна гэдэг итгэмээргүй юм.
Бид бүгдээрээ л энэ наймааг зун хийгдэнэ гэж бодож байгаа. Гэхдээ Арсеналчууд энэ чигээрээ эсэргүүцээд байвал Ческ гэртээ ирэхийн тулд дахиад нэг жил хүлээх хэрэгтэй болох юм шиг байна.
Одоо цор ганц үнэн бол Фабрегасын зүрх Барсагийн төлөө цохилж байгаа. Гэтэл бие нь тэнд огт хүсэхгүй газар байж байдаг. Тэр ямар ч байсан ирэх улиралд Барсад ирэх л болно” хэмээжээ. Барса Фабрегасын төлөө 35 сая евро төлөхөд бэлэн байгаа ч Арсеналчууд татгалзсан хариу өгсөн билээ.

Хуваалцах/Тэмдэглэх

Роналду 7 дугаарыг хүсэж байна

Баярсайхан Г — Fri, 30 Jul 2010 08:11:33 +0000

Раулын зүүж байсан 7 дугаарыг Криштиану Роналду эзэмшихийг хүсэж байгаагаа мэдэгджээ. Реалын домогт эрийг Шальке руу шилжсэнээс хойш энэ номеp эзэнгүй байгаа. Харин Роналдо МанЮ-д эзэмшиж байсан 7 номероо эргүүлэн авахдаа баяртай байх гэнэ. Одоогоор Реал Мадридийн бүрэлдэхүүн АНУ-д бэлтгэлээ базааж байгаа бөгөөд тэнд хийсэн хэвлэлийн бага хурлын үеэр Рон ”Намайг энэ дугаарыг авбал Раул ч баяртай байна байх. Яагаад гэвэл тэр намайг ямархуу тамирчин бэ гэдгийг мэднэ.
Тэр үргэлж Реал Мадридийн онцой тоглогч байсаар ирсэн. Гэхдээ өөрийнхөө сонголтыг нэгэнт хийсэн болохоор цаашдаа ч өндөр түвшинд тоглож чадна гэдэгт би эргэлзэхгүй байна.
Моуриньогийн тухайд тэр бол сайн мэргэжилтэн. Манай багт маш олон довтолгооны тоглогчдоос бүрдэж байгаа болохоор довтолсон үзүүштэй хөлбөмбөгийг үзүүлнэ байх. Шинэ улиралд эхлэхийг тэсэн ядан хүлээж байна даа” гэжээ.
Роналду ДАШТ-д оролцсон бусад тоглогчдын адил амарч байгаад саяхан багийнхантайгаа нэгдсэн. Мадридийн баг 8 сарын 4-нд Мексикийн Америка багтай, 7-нд Дэвид Бекхэмийн ЛА Гэлэкси багтай нөхөрсөг тоглолт хийнэ. Мөн тэд улиралд эхлэхээс өмнө Байерн Мюнхен, Стандарт, Геркулес, Пенарол багуудтай тоглох болно. 8 сарын 29-нд Реалчууд Мальоркогийн талбайд зочилж улирлыг эхлүүлнэ.

Хуваалцах/Тэмдэглэх

Нгог дубль хийж Ливерпуль яллаа

Баярсайхан Г — Fri, 30 Jul 2010 04:29:03 +0000

Ливерпульчууд Европын лигийн урьдчилсан 3-р шатанд Македоны Работнички багтай оноолт таарсан. Эхний тоглолт Македонд болж Давид Нгогийн хоёр гоолоор Ливерпульчууд яллаа. Одоогоор Улаануудын үндсэн бүрэлдэхүүний 10 орчим тоглогч амралтаасаа эргэж ирээгүй байгаа.

Ямар ч байсан Рой Хожсон залуусынхаа хамт урьдчилсан шатыг нэг их зүдрэлгүй давах бололтой. Өнгөрсөн шөнийн тоглолтонд Стивен Жеррард, Жо Коул зэрэг тоглолтогчид оролцоогүй.

Мөн Италийн алдарт Ювентус клуб Ирландын Шамрок Роверс багтай тоглож Амауригийн 2 гоолоор ялсан. Хуучин ноёдын шинэ тоглогчид болох Симоне Пепе, Бонуччи нар гараанд гарч тоглосон. Хариу тоглолтууд 8 сарын 5-нд явагдаж эцсийн хасагдах шатанд өрсөлдөх багуудын нэрс тодрох болно.

СИБИРЬ (ОХУ) – АПОЛЛОН (Кипр) – 1:0
ОДЕНСЕ (Дани) – ЗРИНЬСКИ (Босни) – 5:2
ДНЕПР (Беларусь) – БАНИК (Чех) – 1:0
РАБОТНИЧКИ (Македони) – ЛИВЕРПУЛЬ (Англи) – 0:2
МАРИТИМУ (Португали) – БАНГОР СИТИ (Уэльс) – 8:2
БЕРОЕ (Болгар) – РАПИД (Австри) – 1:1
МЮПА (Финлянд) – ТИМИШОАРА (Румын) – 1:2
ЦСКА (Софи, Болгар) – КЛИФТОНВИЛЛ (Х.Ирланд) – 3:0
КАРПАТЫ (Украин) – ЗЕСТАФОНИ (Гүрж) – 1:0
ШЭМРОК РОВЕРС (Ирланд) – ЮВЕНТУС (Итали) – 0:2
ЭЛЬФСБОРГ (Швед) – ТЕТЕКС (Македони) – 5:0
НОРДСЬЕЛЛАНД (Дани) – СПОРТИНГ (Португали) – 0:1
МАРИБОР (Словени) – ХАЙБЕРНИАН (Шотланд) – 3:0
ЦРВЕНА ЗВЕЗДА (Серби) – СЛОВАН (Словак) – 1:2
ИНТЕР (Финляндия) – ГЕНК (Бельги) – 1:5
РУХ (Польш) – АУСТРИЯ (Австри) – 1:3
ВИКТОРИЯ (Чехия) – БЕШИКТАШ (Турция) – 1:1
ОЛИМПИАКОС (Грек) – МАККАБИ (Тель-Авив, Израиль) – 2:1
ВИСЛА (Кр, Польш) – КАРАБАХ (Азербайжан) – 0:1
ШТУРМ (Австри) – ДИНАМО (Тб, Гүрж) – 2:0
СЕРКЛЬ БРЮГГЕ (Бельги) – АНОРТОСИС (Кипр) – 1:0
БУДУЧНОСТ (Черногор) – БРОНДБЮ (Дани) – 1:2
МЕЛЬДЕ (Норвег) – ШТУТГАРТ (Герман) – 2:3
МАККАБИ (Хайфа, Израиль) – ДИНАМО (Мн, Беларусь) – 1:0
УТРЕХТ (Голланд) – ЛЮЦЕРН (Швейцарь) – 1:0
РАНДЕРС (Дани) – ЛОЗАННА (Швейцарь) – 2:3
ДИНАМО (Бх, Румын) – ХАЙДУК (Хорват) – 3:1
АЛКМАР (Голланд) – ГЕТЕБОРГ (Швед) – 2:0
СПАРТАК (Сербия) – ДНЕПР (Украин) – 2:1
ДЬЕР (Венгрия) – МОНПЕЛЬЕ (Франц) – 0:1
ОЛЕСУНН (Норвегия) – МАЗЕРУЭЛЛ (Шотланд) – 1:1
КАЛЬМАР (Швед) – ЛЕВСКИ (Болгар) – 1:1
ГАЛАТАСАРАЙ (Турк) – ОФК (Серби) – 2:2
ЯГЕЛЛОНИЯ (Польш) – АРИС (Грек) – 1:2
АПОЭЛ (Кипр) – ЯБЛОНЕЦ (Чех) – 1:0

Хуваалцах/Тэмдэглэх

Интерийн эхний учраа нь Болонья

Цолмонбаатар П — Thu, 29 Jul 2010 05:41:35 +0000

Италийн Сери-А лигийн ирэх улирлын хуваарь гарчээ. Аварга баг Интер Милан эхний тоглолтоо Болоньягийн эсрэг 8 сарын 28-нд хийх юм байна.

Болонья өнгөрсөн улиралд 17-д орсон, золтой л доошоо унаагүй баг.

Рафаель Бенитес анхны томхон шалгалтаа 5, 6-р тойрогт Рома, Ювентустэй дараалж тоглосноор өгөх аж.

Өнгөрсөн улиралд Интертэй улирал дуустал өрсөлдсөн ганц баг болор Рома эхний тоглолтоо Сьеанатай талбай дээрээ хийх бол Массимилиано Аллегри гэх шинэ дасгалжуулагчтай АС Милан талбай дээрээ Леччетэй тоглож гараагаа хийх нь.

Мөн Ювентус Баритай, Фиорентина Наполотай, Палермо Кальяритай, Катаниа Кьевотой, Парма Брешиатай, Лацио Самдориатай, Удинезе Женоатай тус тус эхний тоглолтоо хийцгээх ажээ.

Хамгийн том дерби болох Миланы дерби 11 сарын 14, 4 сарын 13-нд тус тус болох юм байна.

Хуваалцах/Тэмдэглэх

Селтик бараг л мулт

Баярсайхан Г — Thu, 29 Jul 2010 05:29:55 +0000

Аваргуудын лигийн урьдчилсан шатны тоглолтууд үргэлжилж байна. Өнгөрсөн шөнө 3-р шатны эхний тоглолтууд явагдлаа. Эндээс шалгарсан багууд эцсийн хасагдах шатанд өрсөлдөх учраас өрсөлдөөн тун ширүүн байна. Селтик, Аякс, Фенербахче, Зенит зэрэг шилдэг багууд энэ шатанд өрсөлдөж байна. Долоо хоногийн дараа 8 сарын 3-нд хариу тоглолтууд явагдана. Шотландын алдарт Селтик клуб Поругалын Брага багийн талбайд зочилж 3 : 0-ээр бутниргүүллээ. Шотландчууд тоглолтын турш бараг хаалга руу цохилт хийгээгүй бөгөөд харин өрсөлдөгч нь олдсон боломжуудаа ашиглаж давуу байдлыг үүсгэж чадсан байна. Селтик парк цэнгэлдэхдээ Ногоонууд дор хаяж 3 гоолоор ялах шаардлагатай боллоо. ДАШт-ий нээлтүүдийн нэг Луйс Суарез Аякст хэрэгтэй тэнцээг авчирлаа. Грекийн ПОАК багийг талбайдаа Аякс хүлээн авч 1 :1-ээр тэнцсэн. Лучиано Спаллеттигээр удирдуулсан Зенит клуб Румынд зочилж хэрэгтэй үр дүнгүү авлаа. Тэд Униря багийн талбайд 0 : 0-ээр тэнцсэн. Хариу тоглолтонд мэдээж Оросууд талбайдаа ялахын төлөө үзэх нь ойлгомжтой.

УНИРЯ (Румын) – ЗЕНИТ (ОХУ) – 0:0

ДИНАМО (Киев, Украин) – ГЕНТ (Бельги) – 3:0

АЯКС (Голланд) – ПАОК (Греk) – 1:1

ЯНГ БОЙЗ (Швейцари) – ФЕНЕРБАХЧЕ (Турk) – 2:2

БРАГА (Португали) – СЕЛТИК (Шотланд) – 3:0

СПАРТА (Прага, Чех) – ЛЕХ (Познань, Польш) – 1:0

АКТОБЕ (Казахстан) – ХАПОЭЛЬ (Тель-Авив, Израиль) – 1:0

ШЕРИФ (Молдова) – ДИНАМО (Загреб, Хорват) – 1:1

ЛИТЕКС (Болгар) – ЖИЛИНА (Словак) – 1:1

ДЕБРЕЦЕН (Унгар) – БАЗЕЛЬ (Швейцари) – 0:2

АИК (Швеция) – РУСЕНБОРГ (Норвеги) – 0:1

ПАРТИЗАН (Сербия) – ХИК (Финлянд) – 3:0

БАТЭ (Беларусь) – КОПЕНГАГЕН (Дани) – 0:0

ТНС (Уэльс) – АНДЕРЛЕХТ (Бельги) – 1:3

ОМОНИЯ (Кипр) – ЗАЛЬЦБУРГ (Австри) – 1:1

Хуваалцах/Тэмдэглэх

Хедира тун удахгүй Реалд

Баярсайхан Г — Wed, 28 Jul 2010 15:26:32 +0000

Германы ирээдүйтэй залуусын нэг Сами Хедира бараг л Реал Мадридад ирчихлээ. Хэрвээ Испаний нэр хүндтэй AS сонин худлаа мэдээлээгүй бол Хедира удахгүй цагаан өмсгөлтэй тоглох нь ээ. Штутгартын залуу одыг Байерн Мюнхен бас сонирхож байсан ч Реал илүү өндөр цалин амлаж өөртөө урвуулсан гэнэ. Харин үнэ хөлсний тухайд 10 сая еврог авьяаслаг хагас хамгаалагчын төлөө Реал төлж байгаа юм байна. Ер нь Жозе Моуриньо нилээн дээрээ хамгаалах чиглэлийн хагас хамгаалагч сонирхож байсан. Ромагийн Даниеле Де Россиг авах оролдлого нь бүтэлгүйтсэн учраас тэрээр өнгөрсөн ДАШТ-д Германы бүрэлдэхүүнд багтсан Хедираг хараандаа авсан. Реалын агентууд ч түргэн хөдөлж залуу эрийн амнаас нааштай үг унагаж чадсан тул энэ наймаа тун удахгүй биелэлээ олох нь ээ. Өдгөө 23 настай Хедира нь Штутгартын үндсэн ”бүтээгдэхүүн” бөгөөд 2007 онд багтайгаа хамт Бундеслигт түрүүлж байсан. Үүгээр ч зогсохгүй Германы шигшээ багт байр сууриа эзэлж өнгөрсөн ДАШТ-д гараанд гарч байсан юм. Хүрэл медалийн төлөөх Уругвайтай хийсэн тулаанд тэрээр хожлын гоол оруулсан билээ.

Хуваалцах/Тэмдэглэх

Шалькегийн 7 номер

Баярсайхан Г — Wed, 28 Jul 2010 15:17:18 +0000

Раул Гонзалез албан ёсоор Шальке 04 багийн гишүүн боллоо. Шинэ багтаа Раул домот 7 дугаараа зүүх бөгөөд өнөөдөр түүний танилцуулах ёслол Велтинс Арена цэнгэлдэх хүрээлэнд болсон байна. Реал Мадридийн домогт тоглогч Шальетэй 2 жилийн гэрээг үзэглэсэн бөгөөд үнэгүй ирж байгаа юм. Шалькегийн дасгалжуулагч Феликс Магат ”Энэ бол манай багийн хувьд маш сайхан мэдээ. Раул шиг дэлхийн түвшний довтлогчтой болсноор бид хүссэн амжилтандаа хүрнэ гэдэгт итгэлтэй байна. Раулын ур чадвар болон дадлага туршлага манай багийнханд урам зориг өгөх нь дамжиггүй. Би түүнтэй хамт ажиллахдаа баяртай байх болно” хэмээн клубынхээ сайтад ярьжээ. Раулыг Английн премьер лигийн хэд хэдэн багууд сонирхож байсан ч ийнхүү үр дүнд хүрсэнгүй.
Шальке 04 багийн хувьд өнгөрсөн улиралд Бундеслигийн 2-р байранд орж аваргуудын лигийн эрх авсан байгаа. Энэ зун тэд Раулаас гадна Хятадын шинэ од Хао Жунмин гэсэн тоглогчыг авсан. Хагас хамгаалагчаар тоглодог тэрээр Шалькегийн түүхэн дэх анхны Хятад тоглогч болж байгаа аж.

Хуваалцах/Тэмдэглэх

Ливерпулийн ээлжит наймаа

Баярсайхан Г — Wed, 28 Jul 2010 11:03:48 +0000

Астон Виллагийн хамгаалагч Люк Яанг Ливерпулийнх боллоо. Улаанууд 31 настай хамгаалагчын төлөө 2.5 сая фунтыг төлөхөөр болсон байна. Энэ нь Копуудын энэ зун хийж байгаа 5 дэх наймаа бөгөөд өмнө нь тэд К.Коул, Иованович, Ж.Шелвеи, Уйлсон гэсэн тоглогчдын эгнээндээ нэгтгээд байсан юм. Люк Глен Жонсонтой адил баруун жигүүрийн хамгаалагчаар тоглодог бөгөөд Мидлсборо, Чарльтон, Тоттенхэм багуудад тоглож байсан юм байна. Ливерпулийн менежер Рой Хожсон ”Бид өөр тоглогчдыг ч авахаар сонирхож байгаа. Энэ зун хийсэн наймаанууд маань өнгөрсөн жилийнх шиг бүтэлгүйтэхгүй байх гэж найдаж байна. Клубын удирдах зөвлөл шинэ тоглогчид авчрах тал дээр бүгд эерэг бодолтой байгаа. Хэрвээ бид наймааны цонх хаагдахаас өмнө шинэ тоглогчид авчирч хүчээ сайжруулж чадвал хүссэн зорилгодоо хүрэхэд илүү амар болно” гэжээ.

***

Дээд лигтээ эргэн ирсэн Ньюкэсл юнайтед хашир туршлагатай хамгаалагч Сол Кампбэлийг эгнээндээ нэтгэлээ. Сол өнгөрсөн улиралд Арсеналд эргэн ирж цөөнгүй тоглолтонд оролцсон. Гэхдээ түүний Буучидтай байгуулсан гэрээ улирлын төгсгөлд дуусаж чөлөөт агент болоод байсан юм. Селтик, Сандерлэнд зэрэг багууд Солыг сонирхож байсан ч 35 настай Англи эр премьер лигтээ үлдэхийг илүүд үзсэн байна. Шаазгайнууд зуны наймааны цонхоор 3 дахь тоглогчоо авч байна. Гэхдээ нэг ч фунт зарцуулаагүй.

Хуваалцах/Тэмдэглэх

Барселона санхүүгийн хүнд байдалд

Цолмонбаатар П — Wed, 28 Jul 2010 03:36:38 +0000

Барселона өнгөрсөн жил 77 сая еврогийн алдагдал хүлээжээ. Энэ тухай клубын дэд ерөнхийлөгч, санхүү хариуцсан Хавьер Фаус хэлсэн байна.

Барсад энэ зун ерөнхийлөгчийн сонгууль болж, Сандро Росселийн баг ялсан. Өмнөх ерөнхийлөгч Хоан Лапортегийн сонгуульт хугацаа багийн дүрэмд зааснаар дууссан тул дахин нэр дэвшээгүй юм. Лапорте анх ирээд багаа санхүүгийн хүнд байдлаас гаргаж, улмаар амжилт ялалтыг эргүүлэн авчирч, тоглолтоороо дэлхийн шилдэг клуб болоход онцгой үүрэг гүйцэтгэсэн нэгэн.

Гэхдээ түүнийг явсны дараа баг санхүүгийн хувьд хүнд байдалд байгаа нь илэрхий болж байна.

Лапорте албаа өгөхөөс өмнө өнгөрсөн улиралд баг 11 саяын алдагдалтай байсан гэж мэдэгдсэн ч сая аудит хийхэд тийм биш нь илэрчээ.

Өнгөрсөн улиралд Барса 408.9 сая евро олсон ч 477.9 саяыг зарсан гэнэ. Тэгэхээр зөрүү -77.1 сая болж байгаа юм.

“Өмнөх удирдалгууд бодит байдлыг хэлээгүй. Тэд худлаа хэлсэн” гэж Фаус хэлжээ.

“Спортын хувьд гайхалтай байсан ч санхүүгийн хувьд өөр байж. Шинэ удирдлагын багийн зорилго бол эдийн засаг, санхүүг спортын амжилтын хамтаар сайн авч явах” гэж тэрээр мөн хэлсэн байна.

Барса сая нэг хэсэг тоглогчдынхоо цалинг ч тавьж чадахгүй дээрээ тулаад байсан бөгөөд Дмитро Чигринскийг зарснаар хэцүү байдлаас хэсэгхэн ч гэсэн ангижирсан юм.

Барса энэ зун Давид Вильяг 40 сая еврогоор авсан бөгөөд одоо Сеск Фабрегасын төлөө бас тиймэрхүү хэмжээний санал өгөөд сууж байгаа.

Тэд одоогоор нийт 442 сая еврогийн өртэй аж.

Ер нь багуудад тодорхой хэмжээний өр байдаг, байнга эргэлтэнд ороод явдаг ч Барсагийн одоогийн байдал тэрхүү “эрүүл” байдлаас ялгаатай байгаа юм.

Хуваалцах/Тэмдэглэх