1964 оноос эхэлсэн уг шагналыг өнгөрсөн  жил Юрий Жирков хүртэж байв. Домингес энэ жил 418 авсан бөгөөд 103 удаа 1-рт, 42 удаа 2-рт, 25 удаа 3-рт нэрлэгдэв. Түүний дараа Алекс 229 оноо (1-рт 34, 2-рт 44, 3-рт 39 удаа нэрлэгдсэн), Веллитон 216 оноо (1-рт 30, 2-рт 47, 3-рт 32) тус тус аван жагсжээ.

Домингес оны шилдгээр нэрлэгдсэнийхээ дараа энэ амжилтаа бүх багийнхан, дасгалжуулагч, арын албаныхан зэрэг олон хүний хүчин зүйл орсон, дундын шагнал гэсэн байна.

Домингесийн Рубин баг өнгөрсөн улиралд Оросын аваргаар 2 дахиа дараалан тодорсон бөгөөд улирал дууссаны дараа тэрээр Испаний Валенси рүү шилжээд байгаа юм.

1992 оноос хойшхи Оросын шилдгүүд:

1992 Виктор Онопко »Спартак» Москва
1993 Виктор Онопко »Спартак» Москва
1994 Игорь Симутенков »Динамо» Москва
1995 Илья Цымбаларь »Спартак» Москва
1996 Андрей Тихонов »Спартак» Москва
1997 Дмитрий Аленичев »Спартак» Москва
1998 Егор Титов »Спартак» Москва
1999 Алексей Смертин »Локомотив» Москва
2000 Егор Титов »Спартак» Москва
2001 Руслан Нигматуллин »Локомотив» Москва
2002 Дмитрий Лоськов »Локомотив» Москва
2003 Дмитрий Лоськов »Локомотив» Москва
2004 Дмитрий Сычев »Локомотив» Москва
2005 Даниэл Карвальо ЦСКА Москва
2006 Андрей Аршавин »Зенит» Санкт-Петербург
2007 Константин Зырянов »Зенит» Санкт-Петербург
2008 Юрий Жирков ЦСКА Москва
2009 Алехандро Домингес »Рубин» Казань

Хуваалцах/Тэмдэглэх

Гэхдээ нэг тойргийн өмнө аварга багийн нэр тодорчээ. Казаний Рубин 2 дахь жилдээ дараалан Оросын аварга болж байна. Тэд 29-р тойрогт Зениттэй тэнцсэнээр хэрэгтэй 1 оноогоо авчээ.

Зениттэй өрсөлдөж байсан Спартак Москва энэ тойрогт ЦСКА-д 2:3-аар хожигдож, 5 онооны зөрүүтэй болсон тул Рубин түрүүлэх нь тодорхой болжээ.

Зенит болон Локомотив багууд адилхан 51 оноотой 3, 4-р байранд байгаа бөгөөд сүүлийн тоглолтын дараа хэн нь 3-т орж, Аваргуудын лигийн эрх авах эсэхээ шийднэ.

Рубин нь Казань хотын баг бөгөөд Москвагаас зүүн тийш 450 милийн зайд байдаг. Оросын лигт түрүүлсэн 3 дахь Москвагийн бус баг аж. Өмнө нь Владикавказийн Алания 1995 онд, Санкт-Петербургийн Зенит 2007 онд тус тус аварга болж байсан юм.

Рубин өнөө шөнө Аваргуудын лигийн хүрээнд Динамо Киевтэй чухал тоглолт хийнэ.

ПЛ-ийн явц:

Хуваалцах/Тэмдэглэх

Оросуудын бүтэн 8 жил хүлээж байгаа тэр мөрөөдлийг бодит зүйл болгоход Билялетдинов маш том үүрэг гүйцэтгэсэн. Хэдийгээр ”Ах нар” Африкийг зорих эсэх нь тодорхойгүй байгаа ч Диниярийн Москвад байгуулсан гавьяа нэг хэсэгтээ л мартагдахгүй байх.

Одоогоос жилийн өмнө Роман Павлюченко яг түүн шиг гавьяаг байгуулж байсан. Евро 2008 тэмцэний урьдчилсан шатны шийдвэрлэх тоглолтонд Роман , Английн хаалганд хоёр гоол оруулж Хөлбөмбөгийн эх орныг гунигт автуулж байсан билээ. Тэгвэл тэр өдөр амталж байсан баяр хөөрөөсөө ч илүү сайхан мэдрэмжийг Оросууд ДАШТ-д оролцох эрхээ авсан тохиолдолд мэдэрнэ.
Харин Динияр хэмээх энэ 24 настай залуу тэдний мөрөөдлийг боломжтой болголоо. Сборная одоо Словений ”цастай” талбайд хуурай тэнцэхэд л Өмнөд Африк руу нисэх боломжтой болно. Ингээд Диниярын тухай бага зэрэг мэдээлэл хүргэе. 1985 оны 2 сарын 27-нд Локомотив багийн хагас хамгаалагч Ринат Билялетдиновынх хүүтэй болж Динияр хэмээн нэрлэжээ. Түүнийг төрснөөс жилийн дараа эцэг нь багаа сольж Яросла́вль хотын Шинник багтай гэрээ байгуулсан тул гэр бүл нь ч тийшээ нүүхээс өөр аргагүй болсон юм.

Бяцхан Динияр эцгийгээ дагаж хөлбөмбөгт хайртай болсон нь ойлгомжтой. Мөн ах Мараттайгаа өдрийн ихэнхийг бөмбөг өшиглөн өнгөрүүлж хөлбөмбөг хэмээх агуу том ертөнцийн хаалгыг бага багаар нээж байв. Ринат ч өөрийнхөө шийрийг хатаах сайн хөлбөмбөгч хүүтэй боллоо хэмээн мэддэг чаддаг бүхнээ заан сургаж, зав зай л гарвал хөлбөмбөгийн ”хичээл” заадаг байв. Хэдийгээр эцгийгээ дагаж олон хотуудаар аялдаг байсан ч төрсөн Москва хотоосоо л Динияр хөлбөмбөгчийн карьераа эхлүүлсэн 2004 онд Локомотив багийн үндсэн бүрэлдэхүүнд анхны тоглолтоо хийснээсээ хойш тэрээр дасгалжуулагчийнхаа анхаарлыг татаж, итгэлтэй тоглолтоороо гарааны эрхийг өөрийн болгож чадсан юм. Тэр ондоо Локомотив ч лигтээ түрүүлж, Динияр ч шилдэг залуу тоглогчоор шалгарч орос даяар шигшээ багийн шинэ нүүр царай гэж түүнийг нэрлэж байв.

2005 онд ялалт амжилт нь гэрлийн хурдаар дээшилж байсан Диниярийг Юрий Сёмин анхааралдаа авч шигшээ багийн дуудлага өгсөн. Тухайн үед дөнгөж 20 настай байсан болохоор ”томчуудын” байрыг булаацалдахад Билялетдинов арай балчирдаж байв. Гэхдээ өөрийнхөө хэмжээнд амжилттай тоглож 21 хүртэлх насны Европын аваргын сонгон шалгаруулалтын эцсийн шат хүртэл багаа явуулж чадсан. Харамсалтай нь Данийн залууст 4 : 1-ээр ялагдаж түүний том тэмцээнд оролцох мөрөөдөл талаар болсон юм.

Түүний карьерийн тухай дурсахад өдгөө Челсид тоглож байгаа Юрий Жирковыг бас дурьдах *a*рдлагатай болно. Оросын лигт Локомотивийн дерби ЦСКА хамгийн гол өрсөлдөгч нь байсан бол Диниярийнх, Жирков байлаа. Жирков үргэлж түүнийг өөрийн сүүдэртээ үлдээж авах ёстой шагнал, нэр хүндийг нь булаадаг байсан гэж хэлж болно. Оросын лигийн сүүлийн 4 жилийн шилдэг багт Диниярийн багтаагүй шалтгаан нь Жирков л байсан. Евро 2008 тэмцээний дараачаас Диниярийг шигшээ багтаа Хиддинк багтаахаа байсан нь бас л Жирковтой холбоотой байлаа. Хэдийгээр Локомотивийн ахлагчийн туузыг зүүх болсон ч түүнд үүнээс илүү зүйл хэрэгтэй байсан юм. Хиддинкт ч тоогдохоо больж гунит ирээдүй рүүгээ алхаж байгаагаа мэдэрсэн Динияр өнгөрсөн зуны Английн Эвертон багийн тавьсан саналыг хүлээн авч 4 жилийн гэрээ байгуулсан. Түүний энэ үйлдэл зөв шийдвэр байсныг одоо та бүхэн харж байгаа байх.

”Премьер лигт тоглох нь миний мөрөөдөл байсан. Харин одоо миний хүсэн хүлээсэн мөч ирлээ. Эвертон шиг сайн багт тоглох нь миний хувьд маш том боломж олдож байна гэсэн үг. Энэ багийг 131 жилийн түүхтэй Английн хамгийн шилдэг багуудын нэг гэдгийг ч би дуулсан. Манай багт бас Жо зэрэг оросын лиг тоглож байсан тоглогчид байгаа нь ч надад маш сайхан санагдаж байна. Би тун удахгүй премьер лиг тоглодог Аршавин, Жирков зэрэг шигшээ багийн андуудтайгаа уулзана гэхээс тун их сэтгэл догдолж байна”

9 сая фунтээр Ливерпуль хотод ирсэн тэрээр анхны дебутээ Уйганыг 2 : 1-ээр ялсан тоглолтонд сэлгээгээр орж ирсэнэээр хийсэн бол анхны гоолоо 10 сарын 17-нд Гүүдисон Паркт Волвесийн хаалганд оруулсан. Гэхдээ үүнээс өмнө Динияр олон гоолын дамжуулалт өгөөд хэн гэдгээ нэгэнт харуулчихсан болохоор Эвертоны фенүүд түүнд зориулаад дуу хүртэл гаргаад амжсан байсан юм.

Шигшээ багтаа анхны гоолоо Динияр 2007-11-17-нд Евро 2008 тэмцээний урьдчилсан шатны тоглолонд Израйлийн хаалганд хийж байлаа. Оросуудын сэтгэл зүрхэнд үлдсэн тэрхүү Европын аваргад Хиддинкийн цэргүүдийн үзүүлсэн амжилт тодорхой хэмжээгээр Динияртай холбоотой.
Хувь хүнийх нь хувьд дүгнэвэл Динияр нилээд даруухан. Заримдаа түүний үзэл бодлыг ойлгоход хэцүү гэж багийнх нь андууд ярьдаг аж.

“Би хэзээ ч бааранд танилцсан бүсгүйтэйгээ нэг оронд орохгүй, зөвхөн өөрийн хайртай хүнтэйгээ гэрлэнэ” гэж нэгэн сэтгүүлд өгсөн ярилцлагадаа онцолжээ. Түүний бодлоор эхнэр хүн гадуур зугаалж, дэмий сэлгүүцэхийн оронд гэр бүлийнхэндээ анхаарлаа хандуулдаг байх ёстой гэнэ. Магадгүй тэр өөрийн хайсан бүсгүйгээ олсон байх. Одоогоос жилийн өмнөөс фото модель Маша Поздняковатай, Динияр үерхэх болсон . Машад түүний хүүхдийн гэмээр царай таалагддаг бөгөөд найз залуугийгаа харанхуйгаас айж, тоглоомон бамбарууш тэвэрч унтдаг учраас ”Жаалхүү” гэж хочилдог гэнэ.

Блиц анкет

Нэр : Динияр Ринатович Билялетдинов
Төрсөн огноо : 19852.27
Төрсөн газар : Москба (ОХУ)
Байрлал : Жигүүрийн хагас хамгаалагч
Одоо тоглодог баг : Эвертон (Англи)
Дугаар : 7

Амжилт : Оросын премьер лигийн аварга -2004
Оросын цом – 2005
Оросын супер цом – 2005

Хуваалцах/Тэмдэглэх

Энэ жилийн лиг эхлэхийн өмнө Рубиний Казаниас аваргын титмийг дэлхийд нэр алдраа түгээсэн ямар дасгалжуулагчийн баг булааж авах вэ гэсэн асуулт тавигдаж байсан. Тухайлбал Голландын шигшээгийн босс асан Дик Адвокат Зенитийг, Бразилын агуу хөлбөмбөгчин Зико Валерий Газзаевийг орлон ЦСКА-г, Михаель Лаудруп Спартакийг удирдаж байв. Эдгээр 3 баг бол бүрэлдэхүүний хувьд дотооддоо толгой цохихоор сайн багууд.

Гэвч 10-р сар гэхэд эдгээр 3-аас хэн нь ч үлдсэнгүй, бүгд халагджээ. Адвокат Зениттэй хамт Европт дажгүй амжилт үзүүлсэн нэгэн боловч энэ жил дотооддоо бүтэлгүй байсан тул 8-р сард халагдав. Хэд хэд дараалан хожигдсон ЦСКА Зиког халж, Реалыг дасгалжуулж байсан Хуанде Рамосоор орлуулсан.

Харин аль 4 сард Москвагийн Спартак баг Лаудрупыг хуучин энэ багт тоглож явсан, Оросын алдарт хөлбөмбөгчин Валерий Карпинаар сольсон явдал нь нэлээн үр дүнгээ өгөөд байна.

Карпин гараагаа Спартакаас эхэлж, Европт буюу Испаний Ла Лигт маш сайн тоглож явсан нэгэн. Сельта Виго, Валенси, Реал Сосьедадийн үндсэн бүрэлдэхүүнд тоглож, Сосьедадтай хамт Ла Лигт түрүүлэх тун дөхөж байв.

Карпин 2005 онд 36 настайдаа хөлбөмбөгчний замналаа өндөрлөж, Испанид хувийн бизнесст хүч сорих болсон.

Өнгөрсөн жилээс Спартакийн удирдах албанд очиж, улмаар багийнхаа муу амжилтаас шалтгаалан 4 сард ерөнхий дасгалжуулагч нь болжээ..

Спартак бол Зөвлөлт улс задарсны дараах 10 жилд Оросын хамгийн шилдэг баг байлаа. Харин шинэ зуун гарснаас хойш амжилт нь уруудаж, 2001 оноос хойш нэг ч удаа улсынхаа аварга болоогүй явна.

Энэ жилийн лигийн эхэнд ч тааруу амжилт үзүүлж байсан тул Орост эргэн ирээд удаагүй Карпин томоохон аз сорьж, Спартакийг өөрөө дасгалжуулах болсон. Тэрээр “Энэ клубтэй холбоотой миний ирээдүй яг энэ шугаман дээр байна. Хэрэв би дасгалжуулагчийн ажлыг муу хийвэл дахин энд дээшээ залагдахгүй” гэж байжээ.

Гэхдээ энэхүү аз туршилт дажгүй үр дүн өгөөд байна. Улирал дуусахад 5 тойрог үлдээд буй энэ үед Спартак Рубинээс 1 оноо дутуу, дэд байранд бичигдэж байгаа юм.

Рубины хувьд 2 фронтод зэрэг тулалдаж байгаа тул хүч тамирдах талтай. Тэд Аваргуудын лигт Барсаг талбай дээр нь хожиж шуугиан тарихын зэрэгцээ хэсгээсээ гарах боломжтой болоод байгаа. Тиймээс Аваргуудын лигийн тоглолтондоо ихээхэн анхаарал тавих нь гарцаагүй. Үүнийг нь Спартак ашиглан, лигтээ түрүүлэх боломж байна.

Үүнээс гадна Спартак өөрийн стилийн тоглолтоо дахин үзүүлж эхлээд байгаа. Хэзээнээс л Спартакийн нэрийн хуудас нь богино дамжуулалтууд байсан. Сүүлийн жилүүдэд уг стилээ алдаад байсан ч Карпин богино дамжуулалтууд бүхий тоглолтын хэв маягаа сэргээжээ.

Карпин өөрийн найз, хамтрагч А. Мостовойг урьсан ч бардам зант Мостовой татгалзсан байна. “Би Спартакт хайртай ч тэнд одоо миний хэрэг байхгүй. Би Карпин дасгалжуулагчтай Спартакаас ямар ч дэвшил, сайжралт олж харахгүй байна” гэж байсан гэнэ.

Спартак гол тоглогчдын нэг Владимир Быстровоо өрсөлдөгч Зенитэд 2 сарын өмнө алдсан ч тоглолт нь муудаагүй.

Хэрэв Карпиний баг Рубинийг гүйцэж чадахгүй бол Туркмен – Орос Курбан Бердяев тэргүүтэй Казаньчууд 2 жил дараалан лигтээ түрүүлэх нь. Спартакаас гадна Зенитэд бас боломж бий. Анатолий Давыдов дасгалжуулагчтай тэд одоогоор Рубинээс 4 онооны дутуу байгаа.

Үүнээс харахад гадаадын, өндөр цалинтай, олонд танигдсан дасгалжуулагч гэхээрээ л багаа аварга болгодоггүйг Оросууд одоо ухаарч байгаа биз ээ.

Оросын ПЛ-ийн явц:

Мэргэн буучид

Хуваалцах/Тэмдэглэх

Зико Валерий Газзаеваас ажлаа хүлээж авснаас хойш амжилт муугуй байлаа. Улирлыг сайхан эхлүүлж, Оросын цом, Оросын Супер цомын эзэн болсон. Гэвч түүний сүүлийн үед үзүүлж буй амжилт багийнханд таалагдсангүй. Оросоос хоёр багийг шууд Аваргуудын лигт оруулдаг болсон билээ. ЦСКА улирлын эхнээс ихэнхи хугацааг эхний хоёрт өнгөрүүлж байсан боловч сүүлийн үед эрс уналт хийж 4-р байр хүртэл унан, лигийг тэргүүлж буй Рубиний Казань багаас 10 оноогоор хоцрох болсон.

Өнгөрсөн сард ЦСКА баг Химкитэй тоглож 2-1ээр хожсоноос хойш Зико олон нийтийн эсэргүүцэлтэй тулгарах болжээ.  Энэхүү шүүмжлэлтэй зэрэгцэн Зиког халах болсон тухай шуугиан ихэд гарч байлаа. Үүнийг ЦСКА багийн удирдлагууд няцааж энэ бол зүгээр тоглолтгүй долоо хоногийн үеэр тохиолддог хоосон шуугиануудын нэг гэж хэлж байв.

Гэвч багийн албан ёсны вэб хуудсан дээр : “Хоёр талын тохиролцоон дээр үндэслэн өнөөдөр Зико болон ЦСКА багийн хоорондох гэрээг цуцаллаа” гэсэн мэдээлэл өнөө өглөө гарчээ.

Түүнчлэн “Бид Артур Коимбра (Зико)-д бидэнтэй хамт байж, манай багийн төлөө зүрх нь цохилж, Оросын цом, Супер цомыг авсанд их баярлаж байгаа. Түүний удирдлаган дор манай баг ихэд сайжирсан. Бид сайн найзууд хэвээрээ байна гэдэгт итгэж байна. Цаашдын нь ажилд амжилт хүсье” гэжээ.

2010-11 оны улирал дуусахад 10 тоглолт дутуу байхад Хуанде Рамос ажлаа хүлээн авлаа. Түүний багийн анхны тоглолт нь ирэх мягмаг гарагт Германы аварга Вольфсбургтэй хийх тоглолт ажээ.

Рамос өнөө өглөө ЦСКА-д орох болсон тухайгаа өөрийн вэб хуудсаар дамжуулан зарласан ба тэр “ЦСКА бол түүхтэй баг ба тивийн тэмцээнүүдэд азгүй байсаар өдий хүрсэн. Бид хүнд хэцүү хөдөлмөрийг даван туулж байж Европын тэмцээнд орох эрхийг авах нь. Би өрсөлдөөнд дуртай. БИд Европод өөрийн нөөц бололцоогоо бүрэн үзүүлэхийг хичээх ба ирэх 3 сард өөрийн хамаг чадлаараа ажиллах болно” гэжээ.

Рамос Севильяд байхдаа хоёр улиралд 5 цом хүртэж дэлхийн шилдэг дасгалжуулагчийн зиндаанд хүрсэн. Тэр Севильягаас гаран Тоттенхэм багийг дасгалжуулж өнгөрсөн улиралд Тоттенхэм багийн түүхэн дэх хамгийн муу гарааг хийснээр ажлаасаа халагдсан билээ. Тоттенхэмээс халагдсан 54 настай эр 45 хоногийн дараа нь Бернд Шустерыг залгамжлан Реал Мадрид багт 6 сарын гэрээгээр очсон. Тэр Реалд муугүй амжилт үзүүлж байсан ч улирал дуусгаад Реал гэрээгээ сунгахгүй хэмээн мэдэгдэж Рамос өдийг хүртэл ажилгүй явж байжээ.

Хуваалцах/Тэмдэглэх

“Бид Артур Антунес Коймбра (Зико)-д манай багт өнгөрүүлсэн хугацаандаа хийж бүтээсэнд нь, Оросын цом болон Супер цомыг авсанд нь баярлаж байна. Бид ирээдүйд ч сайн найз нөхдийн харилцаагаа хэвээр хадгалах бөгөөд түүний дараагийн ажил үйлсэд амжилт хүсье” хэмээн ЦСКА-ын зүгээс хэлжээ.

Зикотой ЦСКА энэ улирлын Оросын АШТ-ыг муугүй эхэлсэн ч яваандаа уруудаж, одоогоор 20 тойргийн дараа 4-р байранд байгаа бөгөөд ирэх жилийн Аваргуудын лигийн эрх авахад хэцүү болжээ. Одоогоор Оросын АШТ-ыг ЦСКА-аас 10 онооны илүүгээр Казаний Рубин тэргүүлж байгаа юм.

Рамост одоо улсын аваргад 10 тоглолт үлдээд байгаа, алдсан оноогоо нөхөж эхний 2 байрт орсноор ирэх жилийн Аваргуудын лигт оролцох эрхтэй болно. Харин энэ жилийн Аваргуудын лигийн гараагаа ЦСКА ирэх Лхагва гаригт Германы аварга Вольфсбургтэй хийх юм.

Рамос Севильяг өндөр амжилтанд хүргэсэн ч Англид очоод Тоттенхэмийг баллах шахсан. Эргэж Испанидаа ирээд Реалыг түр зуур муугүй тоглуулж байсан ч Ла лиг болон Аваргуудын лигт бүтэлгүйтэж халагдсан билээ.

Харин Орост яах бол?

Хуваалцах/Тэмдэглэх

1-р хэсэг

Швед 0 : 1 Дани (22′ Каленберг) ]

Албани 1 : 2 Португал (29′ Богдани), (27′ Уго Алмейда, 90+3 Бруно Алвеш)

Португал : Эдүардо, Бруно Алвеш, Босингва, Дуда, Карвальо (76′ Нани), Ронал13′ду, Боа Морте (46′Симао) Уго Алмейда (70′ Эдиньо) Декү, Пепе, Раул Мейрелеш

Өмнөд Африкийг зорих Португалчуудын найдвар хэвээр үлдлээ. Хэсгийн лидер Дани өрсөлдөгчөө ялсан тул Европын Бразилчуудад 3 оноо ус агаар мэт хэрэгтэй байсан. Сүүлийн мөч хүртэл тэнцээгээр үргэлжилж байсан уг тоглолтын хожлын гоолыг Португийн хамгаалагч Бруно Алвеш авчирсан ба тэрбээр ”Өрсөлдөгч маань их хянуур тоглолоо. Ер нь алдаа бараг гаргасангүй. Ямар ч байсан ялж чадсандаа баяртай байна, үлдсэн тоглолтуудаа сайн хийж чадвал бидэнд ДАШТ-д зодоглох хангалттай боломж байна” гэжээ. Ирэх лхагва гаригт энэ хэсгийн ээлжит тоглолт Швед-Мальтийн хооронд болно. Гурван титмийнхэн хэрвээ ялж чадвал Португалтай адил 9 оноотой болох учиртай. Одоогоор 1-р хэсгийг Дани 16, Унгар 13 оноотой тус тус тэргүүлж байна.

3-р хэсэг

Словак 7 : 0 Сан Марино (3′ 32′ Марек Чех, 12′ Пекарик, 35′ Шточ, 42′ Козак, 63′ Якубко, 68′ Ханзел)

6,652 хөгжөөн дэмжигчдийнхээ өмнө Словакчууд гайхалтай ялалт байгууллаа. Энэ ялалтынхаа ачаар тэд 15 оноотой болж хэсгээ тэргүүлж эхэлсан ба тэдний ард Х.Ирланд 13 (нэг тоглолт илүү байгаа), Польш 10 оноотой явж байна.
Мөн бөмбөгний зөрүүн дээр ч Словак санаа зоволтгүй болов. Сан Мариночуудын хувьд сүүлийн хоёр тоглолтонд 17 гоол алдсан сонирхолтой ”рекордыг” тогтоожээ. 4 сарын 1-нд Польштой хийсэн тулаанд тэд 10 : 0-оор мөн бутниргүүлсэн юм.

4-р хэсэг

Азербайжан 0 : 1 Уэльс (41′ Эдвардс)

Финлянд 2 : 1 Лихтенштэйн (33′ Форссел, 71′ Иохенсен), (13′ Фрик)

Хэсгийн хомоол хамагчид анхны ялалтаа авч чадсангүй. Финлянд одоо Оросуудын араас хоёрхон онооны алдагдалтай нэхэж байна. Харин Уэльсийн хувьд тэдэнтэй бараг ойролцоо ч хоёр тоглолт илүү байгаа тул бүрхэг л харагдаж байгаа юм. Хэсгийн лидэр Герман 16 оноо, ОХУ – 12 оноо.

6-р хэсэг
Казакстан 0 : 4 Англи (40′ Барри, 45+1 Хескей, 72′ Рүүни, 77′ Лампард)

Англи : Роберт Грин, Глен Жонсон (75′ Бекхэм) Э.Коул, Барри, Апсон, Тэрри, Уалкотт (46′ Райт-Филипс), Лампард, Хескей (81′ Дофое),  Рүүни, Жеррард

Беларус 5 : 1 Андорра (2′ 75′ Близняк, 44′ Калачев, 50′ 65′ Корниленко), (90+3 Лима)

Хорват 2 : 2 Украйн (2′ Петрич, 68′ Модрич), (13′ Шевченко, 54′ Хай)

Англичуудын ялалтын цуврал үргэлжилсээр. Фабио Капеллогийн удирдлаганд орсноосоо хойш тэд ердөө хоёрхон удаа ялагдаж, 14 ялалт байгуулжээ   Хэрвээ энэ эрчээ алдахгүй явбал Будант Албиончуудын олон жилийн мөрөөдөл биелэхэд нэг их хол биш болоод байна. Одоогоор тэд хэсэгтээ 6 хожилтой 18 оноотой явж байгаа ба араас нь Хорват 7 оноо алдах ажээ.

7-р хэсэг

Литуань 0 : 1 Румын (38′ Марика)

Серби 1 : 0 Австри (7′ Ненад Милижаш)

Серби, Францаас 5 оноогоор тасарлаа. Одоо тэд лхагва гаригт Фалаогийн арлыг ялчихвбал онооны зөрүүгээ улам холдуулах боломжтой. Гэхдээ гурван өнгөтнүүд тэднээс 1 тоглолт дутуу яваа. Энэ хооронд Францын өмнө гишгэх гэсэн Литуаний мөрөөдөлд Румынчууд саад боллоо. Тэд 9 оноотой 3-р байранд жагсаж байгаа юм.

8-р хэсэг

Болгар 1 : 1 Ирланд (29′ Телкивский), (24′ Данне)

Кипр 2 : 2 Монтенегро (13′ Константину, 45′ Михайл), (65′ 77′ Даманович)

2-р байрын төлөө өрсөлдөж буй Болгарчууд, талбайдаа тэнцсэнээр Ирландыг гүйцэхэд хүндхэн болов. Уг нь тэд энэ тулаанд ялсан бол онооны зөрүүгээ 3 болгож ойртуулах боломжтой байсан юм. Одоогоор энэ хэсгийг Италийн шигшээ 14 оноотой тэргүүлж байгаа.

9-р хэсэг

Македон 0 : 0 Норвег

Исланд 1 : 2 Недерланд (87′ Шугарассон), (8′ Де Ёонг, 15′ Ван Боммел)

Нисдэг Голландууд Европын бүсээс хамгийн анхны эрхийг халаасаллаа. Тэд зургаан тоголтонд английн адил ганц ч тэнцээ ялагдалгүй байгаа ба ардаа яваа багуудаас даруй 11 оноогоор тасарсан тул ийнхүү Өмнөд Африкийг зорих тийзээ захиалжээ.
Лхагва гаригт тэд Норвегийг хүлээж авах бопл Македон-Исландтай тулна.
2-р байранд яваа  Шотланд, хомоол хамж буй Норвегийн  хооронд гуравхан оноо зааглаж байгаа тул өрсөлдөөн маш ширүүн байх нь ойлгомжтой.

Урьдчилсан шатны европын бүсийн мэргэн буучаар Боснигийн Дзеко 7 гоолтой явж байна. Ардаас Рүүни, Смоларек нар 6 гоолтой нэхэж байгаа юм.

Азийн бүс

Х.Солонгос 0 : 0 Иран

Узебкитсан 0 : 1 Япон (9′ Оказаки)

Катар 0 : 0 Австрали

АНЭ 0 : 2  Ө.Солонгос (5′ Чу Юн Пак, 37′ Сун Юн Ки)

Азийн бүсээс гурван шигшээ ДАШТ-ийн эрхээ халаасаллаа. Япон, Австралийн багууд тус бүр 14 оноотой хэсгээ тэргүүлж чадсан бол Өмнөд Солонгосчууд , Арабуудыг буулган авснаар хойд зүгийн ах дүү нараасаа 3-н оноогоор илүү гарчээ. Үлдсэн эрхийн төлөө Хойд Солонгос-АНЭ хоёр өрсөлдөх нь тодорхой болсон.
Харин нэмэлт нэг эрхийн төлөө Иран, Бахрэйний багууд тунаж магадгүй байна.

КОМНЕБОЛ

Уругвай 0 : 4 Бразил (12′ Дани Алвес, 36′ Хуан, 52′ Луйс Фабиано, 75′ Кака)

Хөлбөмбөгийн шидтэнүүд энэ ялалтыг авснаар 24 оноотой болж бүсээ тэргүүлж эхэллээ. Тэдний дараагийн учраа нь Парагвай, Аргентиний хүчирхэг багууд байх тул ДАШТ-н авсан гэж хэлэхэд арай л эрт байна. Гэхдээ тэд яаж ийгээд Африкийг зорих нь тодорхой. Миланаас явна хэмээн сандаргаж байгаа Кака энэ тулаанд пеналтис нэг гоол оруулжээ.

Бразил : Жулиа ЦезарДани Алвес, Лусио, Жуан, Фелипе Мело, Клебер, Элано (66′ Римарес) Жилберто, Луйс Фабиано, Кака (85′ Жисуе) Робиньо (85′ Баптиста)

Боливи 0 : 1 Венесуель (33′ Риверо а.г)

Аргентин 1 : 0 Колумби (56′ Диаз)

Марадонагийн нутгийнхан сандруу байна. 13 тойргийн дараах байдлаар тэд 22 оноотой 4-р байранд яваа ба нэг л алдаа гаргавал Уругвайд гүйцэгдэх аюултай буй. Энэ хүнд үед Хетафегийн хамгаалагч Диаз багтаа тун чухал ялалтыг авчирлаа.

Парагвай 0 : 2 Чили (13′ Фернандез, 50′ Соуза)

Ялсан бол Парагвай, Бразилаас 3 оноогоор илүү гарах байлаа. Гэхдээ энэ ялагдал тэдэнд онц хүндрэл учруулахгүй болов уу.

КОНКАКАФ

Тринидад Тобаго 2 : 3 Коста Рика (29′ Эдвардс, 63′ Самуель), (40′ Саборио, 52′ 68′ Боргес )

АНУ 2 : 1 Гондурас (39′ Донован, 68′ Боканегро), (5′ Костли)

Эль Сальвадор 1 : 2 Мексик (11′ Мартинез, 86′ Куантанилла), (71′ Бианко)

Мексикийн шигшээн энэ ялагдал олны анхаарлыг зүй ёсоор татаж байна. Дэлхийн чансааны 100-д эрэмбэлэгддэг, ганц ч  гялтайх одгүй Сальвадорчууд тэдний буулган авч 3-р байранд жагсаж байгаа нь ч мөн дуулиан. Хэрвээ ”El Tri” нар хямралын байдлааса хурдан гарахгүй бол ДАШТ-ийг өнжих аюул тулгараад буй.

Африк

Габон 3 : 0 Того

Тунис 2 : 0 Мозамбек

Замби 1 : 0 Руанда

Малави 0 : 1 Буркино Фасо

Хуваалцах/Тэмдэглэх

Франц :Лорис, Абидал, Бумсонг, Мексес, Санья, Малуда, Лассана Диарра, Тулалан, Анелка (58′ Рибери) Бензема (46′ Жиньяк  Андре-Пьер) Гуркюфф

Турк : Демирель, Сарыоглу (86′ Эркин Канер), Гохан, Хакан Балта, Ибрахим, Тунчай Шанли, Нури Сахин, Арда Туран, Халил Алтинтоп (46′     Семих Шентюрк) Мехмет Топал, Эрдин Мевлют (41′ Эмре Гюнгёр),

Францын шигшээ талбайдаа Туркыг хүлээн авч 1 : 0-ээр ялжээ. Тоглолтын 38 дахь минутад Олимпик Лионы супер довтлогч Бензема, Вилкан Демирелийн хаалгыг мялаасан аж. Раймон Доменек тоглолтын дараа ”Манайхан бүгд их сайн байлаа. Ялангуяа Анелка, Малудагийн форм дажгүй байгаа нь харагдаж байна. Нөхөрсөг тоглолт байсан учир нэг их хүч гаргахыг хүссэнгүй” гэжээ. Өнгөрсөн лхагва гаригт Нигерийн багт дийлдэж шүүмжлэлд өртсөн Доменек ямар ч байсан алдаагаа цайруулж чадлаа. Гурван өнгөтнүүд ирэх 8 сард ДАШТ-ийн урьдчилсан шатны тоглотоо Фалаогийн арлын багтай хийнэ.
Одоогийн байдлаар тэд сонгон шалгаруулалтын 7-р хэсэгтээ 10 оноотой аман хүзүүнд давхиж яваа юм. Тэдний өмнө Сербичүүд 12 оноотой хэсгээ тэргүүлж байгаа.
Өнөөдөр болон маргааш 2010 оны дэлхийн аваргын урьдчилсан шатны тоглолтууд явагдана. Эдгээр тоглолтуудын мэдээллээc хүргэе.

Европын Бразилчууд урьдчилсан шатны сүүлийн дөрвөн тоглолтдоо ялалт байгуулж чадаагүй. Үүнийхээ улмаас тэд хэсэгтээ 3-р байранд бичигдэж байгаа ба  хэрвээ тэд үлдсэн тоглолтуудаас бүтэн оноого авч чадахгүй бол ирэх жилийн ДАШТ-с мултpах аюул тулгараад буй. ”Бидний Өмнөд Африкийг зорих эсэх нь энэ тоглолтоос шалтгаалах болоод байна. Тиймээс энэ бол маш хариуцлагатай тоглолт” хэмээн багийн ахлагч К.Роналду өгүүлж байна.

Мөн энэ өдөр 13  оноотой энэ хэсгийн лидерээр бичигдэж байгаа Даничууд хөрш Шведийнхээ талбайд зочилж 3 онооны төлөө тулалдана.

Сонгон шалгаруулалт эхэлснээс хойш ганц ч ялалт авч чадаагүй яваа Сан Марино, Словакийн өмнө хүчин мөхөстөнө  гэж олон хүн үзэж байна. Тэр тусмаа тоглолт Словакийн талбай дээр болж байгаа болохоор. Владимер Вейсийн цэргүүд одоогоор 12 оноотой хэсгийн 2-р байранд жагсаж байна. Тэдний ард Чех, Польш ”хоцорсон” байгаа.

Хэсгийн лидерүүд болох Орос, Германы тоглолт ирэх 10 сард болно. Тэдэнтэй хамгийн ойр яваа Финлянд 7 оноотой байгаа ба өнөөдөр ялж чадвал Oросоос хоёрхон онооны алдагдалтай болно. Лихтенштейн, Азербайжан  хоёрын хувьд дэлхийн аварга альхэдийнэ үлгэр болсон.

Өмнөд Африкийг зорих гэсэн Казакстаны сүүлчийн хүслийг үгүй хийхээр Англи зочилно. Бернд Шторк энэ тоглолтыг ”бүх зүйлийг шийдэх эцсийн тулаан” хэмээн өргөмжилжээ. Гурван Арслангууудын хувьд ч байдал тийм сайнгүй байгаа. Тэднийг европын аваргаас мулталж дөнгөсөн Хорватууд тавхан онооны алдагдалтай ард нь яваа ба хэрвээ оноо алдах нь юм бол өршөөхгүй гэдэг тодорхой. Английн бүрэлдэхүүнийг бид өмнө хүргэсэн.

***

Хорват-Украйны тулаан ч сонирхол татаж байна. Хэрвээ Шева тэргүүтэй ”ах нар” Хорватыг ялж чадвал 2006 оны амжилтаа давтахад тун их дөхөмтэй болж ирнэ.

Сербичүүд Австрийг ялж чадвал Өмнөд Африкийг зорих тийзээ бараг л зохиолчихна. Учир нь тэдэнтэй өрсөлдөх ёстой Францчуудын сулхан тоглолт ийм боломжыг олгож байгаа юм. Хөлбөмбөгийн  түүх намтараар тааруухан Литуанчууд өнөө шөнө ялбал Францын өмнө гишгэх боломж байна.

Робби Кийнээр урирдуулсан Ирландын шигшээ түүхэн амжилтаа үзүүлэхэд ойрхон байна. Өнөө шөнийн тоглолт тэдний хувьд амь наснаас ч илүү байж мэднэ. Учир тэд 3 оноо авч чадвал Италийн урд орж хэсгээ тэргүүлэх болно. Харин Мирко Вучиничийн Монтенегро сонгон шалгаруулалтын анхны ялалтаа авахаар Киприйн талбайд зочлох нь.

Нисдэг Голландууд нэг их зоволгүй Африкийг зорьчих шинжтэй. Харин хоёрдугаар байрын өрсөлдөөн л анхаарал татаж байна. -Шотландтай өрнүүлж буй энэхүү дайнд ялахын тулд Исланд өнөө шөнө хэсгийн лидерээ өвдөг сөхрүүлэх ёстой.

–

Маргааш буюу 6 сарын 7

Хуваалцах/Тэмдэглэх

Хуваалцах/Тэмдэглэх

Гэхдээ гараа хумхиад суусангүй, маргааш бус өнөөдөр бодит туслалцаа үзүүлэх чадвартай тоглогчдыг бүрэлдэхүүндээ элсүүлэн улсынхаа аварга шалгаруулах тэмцээнд амжилт олох, цаашлаад Европын цомуудад дээгүүр өрсөлдөх нөөцөө хангав. Үүний тод баталгаа нь Португалийн шигшээ багийн хамгаалагч Фернандо Мейра “Зенит”-д, Румыний шигшээ болоод “Валенси” багийн довтлогч асан Адриан Илие “Терек”-т, Бразилийн шигшээд үе үе дуудагддаг хагас хамгаалагч Алекс Москвагийн “Спартак”-т, Данийн лигийн мэргэн бууч сенегал эр Байе Жиби Фаль “Локомотив”-т, Бельгийн лигийн манлай довтлогч, Нигерийн шигшээгийн гишүүн Маазу “ЦСКА”-д очсон баримтууд юм.

Тэдгээрээс хамгийн их шуугиулж байгаа хөлбөмбөгчид бол Алекс, Мейра хоёр. Бразил залуу олон жилийн турш “Интернасьонал” клубийн лидер байж, оновчтой дамжуулалт, хүчтэй цохилт, талбайг мэдрэх чадвараараа Европын олон багийн анхааралд байсаар ирсэн. “Спартак” өнгөрсөн онд 10 сая хол давсан еврогийн үнэд хүрээд байсан түүний өртгийг хямралаар далимдуулан 5 сая болтол нь буулгаад өөрийн болгожээ.

Мейрагийн хувьд “Зенит” түүний төлөө мөнгө харамлалгүй, “Галатасарай”-д шаардсан 6 саяыг нь өгөөд багтаа элсүүлсэн юм. Тэрбээр 31 настай ч залуу үеийнх шигээ шижигнэсэн тоглолт үзүүлж байгаа нь Дик Адвокатад гойд таалагдсан гэнэ. Харин трансферийн талбарт хамгийн их идэвхи гаргасан баг бол “Кубань” байлаа. Хаалгач асан Сергей Овчинников тус багийн ерөнхий дасгалжуулагч болж, Траоре, Драман тэргүүтэй арав гаруй тоглогч элсүүлэхэд “энэ улирлын нээлт болох мэргэжилтэн” гэсэн урьдчилсан гуншинг тэрбээр мэргэжилтнүүдээс хүртсэн.

Гэтэл тэр эхний тоглолтдоо 2008 оны аварга “Рубин”-д 3:0-ээр бут ниргүүлэн “Премьер лиг”-т өрсөлдөхөд улаан нялзрай байгаагаа харуулав. “Рубин” ч гэсэн трансферийн цонхны үеэр олон яриа хэлэлцээр хийсэн ч Оросын дундаж тоглогчид элсүүлснээс өөр дорвитой наймаа хийсэнгүй. Дурдаж болох ганц одоор нь “Зенит”-ээс авсан Домингесийг нэрлэж болох ч тэрбээр Петербургт хоёр жил болохдоо сэлгээнд суухаас өөрийг хийгээгүй билээ. Харин Москвагийн “Спартак” авчирсан тоглогчдоороо бус зээлж явуулсан хөлбөмбөгчдийнхөө тоогоор олны анхааралд өртөв.

Урьд нь тус  баг лидерүүд болох Майдана, Ковачийг Испанийн “Рекреативо”, Английн “Вестхэм”-д худалдах нөхцөлтэйгээр зээлээд байсан бол өнгөрөгч долоо хоногт Шишкинийг “Крылья Советов”, Прудниковыг “Терек”-т, Иванов, Филипенког “Томь”-д тоглуулахаар болжээ. Дээр дурдагдсан орос, беларусь тоглогчид зуны солилцооны цонх хүртэл зээлээр тоглоод нутаг буцах болзолтой гэнэ.

Хуваалцах/Тэмдэглэх