Ялангуяа 2010 оны зургадугаар сард Голландтай хийсэн нөхөрсөг тоглолтод Стекеленбергийн хаалгыг гайхалтай бөмбөгөөр мялааж, олны та нил болжээ. Тоглолтыг нь үзсэн “Манчестер Юнайтед”-ын менежер Алекс Фергюсон түүнийг авах гэж багагүй хөөцөлдсөн ч тэрбумтан Сулейман Керимовын “Анжи” урьтсан аж. Харин Дагестаны баг 14.5 сая еврогоор өөрийн болгосон тог логчоо хагас жилийн хугацаанд ердөө наймхан тоглолтод оролцуулсан байна. Тэгэхээр “Анжи” яагаад өртөг ихтэй тоглогчоо ийм цөөхөн тоглуулав” гэсэн асуулт гарч ирнэ.

Хэргийн гол нь тэд Жужактай нэг байрлалд тоглодог Юрий Жирковыг өнгөрсөн зун “Челси”-гээс 15 сая еврогоор авчирсанд оршино. Нэгдүгээрт, үнийн хувьд тэд ойролцоо, хоёрдугаарт, Жирков түүнийг бодвол илүү туршлагатай, гуравдугаарт, Юрий нутагтаа тоглож байгаа давуу талтай. Ийм тохиолдолд “Анжи”-гийн сонголт Жирков дээр тогтох нь тодорхой. Тэгээд ч гурав хоногийн өмнө багаараа Арабын Нэгдсэн Эмират руу цугларалтад гарахад Жужак үлдсэн нь хэрэг явдал нэгэнт шийдэгдсэнийг илтгэнэ. Ийнхүү Жужак Унгарын хөлбөмбөгийн түүхэнд хамгийн өндөр үнэ хүрсэн хөлбөмбөгчин боллоо.

НЭРИЙН ХУУДАС: Балаж Жужак. 1986 оны арванхоёрдугаар сарын 23-нд Унгарын Ньирлугош хотод төрсөн. Биеийн өндөр 179 см, жин 72 кг. Довтлох чиглэлийн болон жигүүрийн хагас хамгаалагчаар тоглодог. Хувийн дугаар 22.

Тоглож байсан багууд: 2005-2007 Дебрецен (Унгар) 48 тоглолт (14 гоол) 2007-2011 ПСВ (Голланд) 111 (43) 2011 оноос Анжи (ОХУ) 8 (0)

Р.МАНЛАЙ

Хуваалцах/Тэмдэглэх

АС Миланы довтлогч Александре Пато  Францын лигийн хүснэгтийг тэргүүлэгч Парис Сан Жермейнд очиход тун ойрхон байна. ПСЖ  Патогийн төлөө 50 сая еврог санал болгосон бөгөөд түүний  зөвлөхийн үзэж буйгаар энэ нь тун боломжын санал  юм хэмээн ‚Tuttosport‘ сонинд ярьжээ.

Гэхдээ шийдвэрийг тэд гаргахгүй гэдгийг нэмж хэлсэн байна. Шийдвэр гаргачдын зүгээс буюу  Миланы дэд ерөнхийлөгч Адриано Галлины хэлэхдээ бүгдээрээ хэлэлцэж, тохиролцоонд хүрвэл асуудалгүй гэжээ. Дохад  Нэгдүгээр сарын 4-нд  төлөвлөгдсөн хоёр багийн нөхөрсөг тоглолтын үеэр  Патогийн солилцооны талаар хэлэлцэх юм байна.

Фарфан шийдэлд хүрээгүй  байна

Шальке 04 багийн жигүүрийн довтлогч Жефферсон Фарфан цаашдын зорилгынхоо талаар тодорхой шийдвэр гаргаагүй  байна. Фарфаны гэрээ 2012 оны зун дуусах ба гэрээгээ сунгахгүй удаж байгаа тул  Шальке Хоффенхаймаас түүнтэй ойролцоо  тоглолттой   тоглогч Чинеду Обасиг аваад байгаа юм.

Павлюченко Анжиг үл тоомсорлохоо болисон

Тоттенхэмийн довтлогч Роман Павлюченко   өмнө нь   Анжи клубыг тоохгүй байсан  харин одоо  байдал өөрчлөгдсөн гэж түүний зөвлөх Олег Артёмов ‚Daily Mirror‘ өгсөн ярилцлагдаа хэлжээ. Бид ерөнхийдөө Оросод тоглохоос татгалзахгүй байгаа гэж  нэмж хэлсэн байна. Энэ улиралд 30 настай Орос тоглогч  ердөө 4 удаа богино хугацаатай талбайд гарсан нь багаасаа явах хүслийг төрүүлээд байгаа юм.

Жилардино Женоад

Фиорентино багийн Алберто Жилардино  ФЦ Женотай  4 жилийн гэрээ байгуулжээ. 29 настай 47 удаа шигшээ багт тоглосон Жилардиног 8 сая еврогоор авсан хэмээн италийн хэвлэлүүд бичсэн байна.

Ювентус өвлийн цугларалтанд 26 тоглогчтой

Ювентус Турины дасгалжуулагчид  Саудын Арабад хийх багийн өвлийн цугларалтанд 26 тоглогч авч явахаар болсон талаар Football Italia –д мэдээлэлжээ. Үүнд  хаалгач Буффон, Маннингер, Сторари, Слуга; хамгаалагч  Кьеллини, Пациенца, Де Челье, Барцальи, Бонуччи, Лихштайнер, Серенсен, Магнуссон, Гуано; хагас хамгаалагч  Пепе, Маркизио, Элиа, Пирло, Видал, Красич, Эстигаррибиа, Марроне; довтлогч Дель Пьеро, Вучинич, Квальярелла, Джаккерини, Матри нар багтжээ.

Хуваалцах/Тэмдэглэх

Оросын спортын сэтгүүлч Кретов Максим ийм нэгэн нийтлэл бичжээ. Уг нийтлэлд гадаадын лигт тоглож  буй орос тоглогчдын талаар дүгнэлт хийсэн байна.  Үүнээс та бүхэндээ Арсеналын Андрей Аршанвиний талаар юу бичсэнийг товчлон хүргэж байна.

Андрей Аршавин, Роман Павлюченко, Павел Погребняк, Динияр Билялетдинов, Марат Измайлов бас Дмитрий Булыкин. Эдгээр эрхэмүүд тус бүрийн түүхтэй, гэхдээ ихэнхи тоглогчдыг  өөрийн багтаа тоглолтын практик  дутагдалтай гэсэн нэг л  асуудал  нэгтгэж байгаа юм.

Харин Андрей Аршавин болон түүний Арсеналийн хувьд бусдаас  илүү чухал. Хэдийгээр Арсен Венгер  Оросын шигшээ багийн ахлагчид  бага багаар боломж олгосон ч  тэрээр “ буучдын” гарааны бүрэлдхүүн дэх байрлалаа  үргэлжлүүлэн алдсаар  байна. Мэдээж Аршавин тэмцсэн,  зүтгэсэн,  гэвч яагаад ч юм энэ нь болохгүй л байна. Үнэхээр. Үүнд Андрейг буруутгах зүйл байхгүй. Тэрээр бэлтгэл бүртээ  түүнчлэн оролцсон тоглолт болгондоо хамаг хүчээ дайчилж байгаа гэж болно. Гэвч 2011 он түүний  хувьд карьерийн хамгийн азгүй улирал нь болж байх шиг.  Аршавинийг Арсеналийн  гарааны  бүрэлдхүүнд  талбайд гардаг байхад түүнийг хямдхан авсан талаар  аль хэдийн мартагдсан байв. Тиймээ, Андрей сэлгээнээс бол тогтмол тоглож байгаа. Заримдаа түүнд 10 минут , заримдаа хагас тайм тоглох боломж   олдоно. Гэхдээ тухай бүрт нь Аршавинд өөрийгөө харуулах боломж олдохгүй   өөрөөр хэлбэл  Жервиньо биш  тэр л Арсеналийн зүүн жигүүрийн довтолгооны байрлалыг эзлэх ёстойг харуулж чадахгүй байгаа юм.  Ийм тохиолдолд Аршавиний зан чанарын асуудал хүнд нөхцөлд тод илэрдэг гэж тодорхойлж болох юм. Түүнээс гадна, Андрейг зүгээр ч оросын шигшээгийн ахлагч болгоогүй. Магадгүй, тэрээр гагцхүү түүний  хамтрагчид болон дасгалжуулагч түүнд итгэсэн үед л  лидер байж чадна. Харин Арсеналд хамтрагчид нь түүнийг анзаарахаа болиод удаж байгаа ба “буучид” довтолгоо хийх үедээ баруун жигүүрээр буюу Тео Уолккотын тоглож байгаа талаар гол тоглолт явагдаж, Аршавин талбайд гарсан тохиолдолд Тео Уолккотоос хоёр дахин цөөн бөмбөг хүлээж авдаг. Тэр бүтэн биш тоглолтонд  хичнээн боломжыг гаргаж мөн яаж тэмцэх  тэр бүү хэл Жерьвино, Уолккот шиг шилдэг  хамтрагчтай багт  юу хийж чадахыг та бүхэн өөрсдөө шүүнэ биз.  Одоо Аршавинийг оросын аварга шалгаруулах тэмцээнд эргэн ирнэ хэмээх цуу яриа намжихгүй байна. Жишээ нь Анжид. Гэхдээ тэр оросын премьер лигт эргэн ирэх бол зөвхөн,  түүн шиг хүчтэй тоглогч хэрэгтэй байгаа  төрөлхи баг Зенитдээ ирнэ хэмээн мэдэгдсэн . Хэрэв  мэдээж  багийн дасгалжуулагч Лучано Спаллети татгалзахгүй бол шүү дээ.

Үнэхээр   Аршавин  ” Одоо гэртээ харих цаг болсон” уу?  Эрхэм уншигч та харин  юу гэж бодож байна?

Хуваалцах/Тэмдэглэх

Зааны Ясан эрэг улсын тоглогч, Манчестер Ситигийн  хагас хамгаалагч  Яя Туре африк тивийн 2011 оны шилдэг хөлбөмбөгчнөөр тодорлоо.  Удаах байруудыг  Гана тоглогч Андре Айю (Олимпик Марсель ),  болон Мали улсын тоглогч Сейду Кэйта (Барселона ) нар эзэлжээ. Өнгөрсөн  жил оны шилдэг тоглогчоор  оросын Анжи клубын довтлогч Самуэль Это   шалгарч байв.

Хуваалцах/Тэмдэглэх

Интер – ЦСКА-гийн тоглолт 86 дахь минут хүртэл 1 : 1-ээр үргэлжилж байлаа. Энэ эгзэгтэй үед Василий Березуцкий багтаа хожлын гоолыг багтаа авчирсан юм. Өмнө нь Думбья, Камбьяссо нар тус бүр нэг гоол оруулаад байсан юм.

Хэдийгээр ялагдсан ч гэсэн Интер 10 оноотой хэсгээ тэргүүлж байна. Харин Трабзонспор азгүй байдлаар 3-р байранд орлоо.

В ХЭСЭГ

ИНТЕР (Милан, Итали), ЦСКА (Москва, ОХУ), ЛИЛЛЬ (Франц), ТРАБЗОНСПОР (Турк).

#	Баг	ТТ	Х	Т	Хж	+/-	О
1	ИНТЕР	6	3	1	2	8-7	10
2	ЦСКА	6	2	2	2	9-8	8
3	ТРАБЗОНСПОР	6	1	4	1	3-5	7
4	ЛИЛЛЬ	6	1	3	2	6-6	6

Хуваалцах/Тэмдэглэх

Челси болон Валенсиа шүгэл дуугарсан цагаас аль аль  довтолсон  үзүүштэй хөлбөмбөгийг эхлүүлсэн. Гэхдээ  Дрогба эхний гуравдахь минутад тоглолтын салхийг хагалж,  ялгаатай болгосон.  Валенсиа тэр даруй  тооны харьцааг тэнцүүлэх боломж олсон боловч  аз дутаж, бөмбөг нь шон онов. Үүний дараа Рамирес тоог 2:0 болгож холдуулсан нь Челсиг  давуу байдалтай болгосон. Цаашид тоглолт нээлттэй явагдсан хэдий ч гоол орсонгүй.  Нэгдүгээр үед Челси  дараагийн шатанд шалгарах том алхам хийсэн. Хоёрдугаар үед “цэнхэрүүд”  тактикийн хувьд  сайн тоглолтыг үзүүлж, Дрогба хоёрдахь гоолоо оруулсанаар ялалтыг бүрэн баталгаажуулав.

Челси 11 оноогоор хэсгээсээ  нэгээр шалгарсан бол Байер Леверкузен  Генктэй  1:1 –ээр тэнцэж хоёрт бичигдлээ. Харин Валенсиа аваргуудын лигээс хасагдсан ч  8 евро-лигд хүч үзэх боллоо.

ЧЕЛСИ – ВАЛЕНСИА – 3:0 (2:0)
Дрогба, 3 (1:0). Рамирес, 22 (2:0). Дрогба, 76 (3:0).
Челси	Валенсия
Петр Чех	Диего Алвес
Бранислав Иванович	Адиль Рами
Эшли Коул	Антонио Барраган
Давид Луис	Хорди Альда (55)
Джон Терри	Виктор Руис
Ориоль Ромеу	Жереми Матье
Рамирес (65)	Давид Альбельда
Рауль Мейрелеш	Софиан Фегули (65)
Хуан Мата (83)	Тино Коста (77)
Дидье Дрогба (78)	Жонас
Даниэль Старридж	Роберто Сольдадо
Сэлгээ
Джон Оби Микел, 65	Ариц Адуриц, 55
Фернандо Торрес, 78	Пабло Эрнандес, 65
Флоран Малуда, 83	Даниэль Парехо, 77
Шар хуудас
Ориоль Ромеу, 68	Тино Коста, 69

ГРУППА Е.

ЧЕЛСИ (Лондон, Англи), ВАЛЕНСИА (Испани), БАЙЕР (Леверкузен, Герман), ГЕНК (Бельги).

N	Баг	Т	Х	Тн	Хг	Гоол	Оноо
1	ЧЕЛСИ	6	3	2	1	13-4	11
2	БАЙЕР	6	3	1	2	8-8	10
3	ВАЛЕНСИА	6	2	2	2	12-7	8
4	ГЕНК	6	0	3	3	2-16	3

Аваргуудын лигийн “G” хэсэгт  багагүй шуугиан  тарьсан Киприйн АПОЭЛ  плей-оффд шалгарах нь тодорхой болсон ба Порту, Зенит сүүлийн тоглолтоор хэн нь  дараагийн эрхийг авхийг энэ тоглолтоор шийдэх ёстой болсон. Порту  Зенитийг заавал хожих даалгавартай байсан.  Гэвч Зенитийн хаалгач Вячеслав Малафеевийн сайн тоглолтын ачаар оросууд хаалгандаа бөмбөг алдсангүй.  Хаалгач сайн тоглосон гэдэг нь баг муу тоглосон гэсэн үг биш юм. Зенитийн тоглогчид Португийн ширүүн дайралтыг өөрийн чадлаараа хамгаалж байсан юм. Харин  алдсаныг нь Малафеев нөхөж байв. Оросын Зенит клуб түүхэндээ анх удаа аваргуудын лигийн шөвгийн 16-д шалгарч үлдэв. Порту 8 оноотой хэсэгтээ гуравдугаар байр эзэлсэнээр европын лигд тоглоно.

Украины Шахтёрийн  сүүлийн тоглолтонд АПОЭЛ –ийг 0:2 харьцаагаар хожсоноор анхны ялалтаа авч 5 оноотой тэмцээнээ дуусгалаа.

ГРУППА G.

ПОРТУ (Португаль), ШАХТЕР (Донецк, Украин), ЗЕНИТ (С.Петербург, ОХУ) – АПОЭЛ (Никосия, Кипр).

N	Баг	Т	Х	Тн	Хг	Гоол	Оноо
1	АПОЭЛ	6	2	3	1	6-6	9
2	ЗЕНИТ	6	2	3	1	7-5	9
3	ПОРТУ	6	2	2	2	7-7	8
4	ШАХТЕР	6	1	2	3	6-8	5

Барселона Беларусийн БАТЭ-г  “ Камп Ноу”-д хүлээн авч 4:0 –ээр хожив. Гэхдээ каталаний супер одууд энэ удаад амарч тэдний оронд Барселонагийн “Б” баг буюу залуучууд  талбайд гарчээ. Тоглолтын эхний үед тооны харьцаа 1:0 –ээр өндөрлөжээ. Серхио Роберто тоглолтын салхийг хагалж, Монтойя (60)  болон Педро (63, 89)  нарын гоолоор хожил баталгаажсан юм.

Харин энэ хэсгийн нөгөө тоглолтын төгсгөл хэсэг сонирхолтой өрнөж дуусав. Миланчууд Пато (47) , Робиньо (48)  нарын гоолоор тоглолтыг хошуучлав. Гэвч  сүүлийн  дөрвөн минутын дотор хоёр гоол алдсанаар хожлоо алджээ.

ВИКТОРИЯ – МИЛАН – 2:2 (0:0)
Пато, 47 (0:1). Робиньо, 48 (0:2). Быстронь, 89 (1:2). Дюриш, 90+3 (2:2).
Виктория	Милан
Марек Чех	Марко Амелиа
Давид Лимберски	Тайе Тайво (90)
Давид Быстронь	Филипп Мексес
Мариан Чишовски	Даниэле Бонера
Вацлав Пиларж (84)	Маттиа Де Шильо
Павел Хорват	Кларенс Зеедорф
Милан Петржела	Антонио Ночерино (40)
Петр Ирачек (28)	Массимо Амброзини
Даниэль Коларж (67)	Урби Эмануэльсон
Франтишек Райторал	Пато
Марек Бакош	Робиньо (81)
Сэлгээ
Владимир Дарида, 28	Тиаго Силва, 40
Михал Дюриш, 67	Кристанте, 81
Якуб Гора, 84	Джанлука Дзамбротта, 90
Шар хуудас
Михал Дюриш, 86	Массимо Амброзини, 11
Марек Бакош, 90+2

ГРУППА Н.

БАРСЕЛОНА (Испани), МИЛАН (Итали), БАТЭ (Борисов, Беларусь), ВИКТОРИЯ (Плзень, Чех).

N	Баг	Т	Х	Тн	Хг	Гоол	Оноо
1	БАРСЕЛОНА	6	5	1	0	20-4	16
2	МИЛАН	6	2	3	1	11-8	9
3	ВИКТОРИЯ	6	1	2	3	4-11	5
4	БАТЭ	6	0	2	4	2-14	2

Хуваалцах/Тэмдэглэх

Тоглолтын турш Оросын баг нийт 23 цохилт хийсний 8 нь хаалга руу чиглэсэн бол АПОЭЛ -ээс хаалга руу чиглэсэн ганц ч довтолгоо явагдсангүй. Харин сайн хамгаалж чадсаныхаа хүчинд Киприйн түүхэнд Аваргуудын лигийн хэсгээс шалгарсан анхны баг болж байна. Тоглолтын үеэр үзэгчдийн тарьсан утаанаас болж тоглолт завсарлах дөхсөн. Иймээс УЕФА тэдэнд шийтгэл оногдуулахаа мэдэгдээд байна.

Хэсгээс гарах найдваргүй болсон Шахтер клуб Португ талбайдаа угтаж авсан ч 2 : 0-ээр ялагдав.

Халк 79 дэх минутад,  Рэзван Рац цаг дуусах мөчид өөртөө авто-гоол хийсэн юм. Энэ хожлыг авснаар хэсгээс шалгарах найдвараа хадгалан үлдлээ. Сүүлийн тойрогт Порту – Зенитийн тоглолтоос бүх зүйл шалтгаална. Харин АПОЭЛ Шахтертэй тоглох учраас санаа зовох зүйлгүй. Учир нь тэд хэсгийн тэргүүнд байгаа.

G ХЭСЭГ

#	Баг	TT	X	T	Хж	+-	О
1	АПОЭЛ	5	2	3	0	6-4	9
2	ЗЕНИТ	5	2	2	1	7-5	8
3	ПОРТУ	5	2	1	2	7-7	7
4	ШАХТЕР	5	0	2	3	4-8	2

Баг

Хуваалцах/Тэмдэглэх

ОХУ-ын хөлбөмбөгийн ЦСКА клубийн кот-д` ивуар довтлогч Сейду Думбья энэ улиралд “Премьер лиг”-т 23 гоол оруулж, шинэ амжилт тогтоогоод байгаа.Түүний “Спорт-Экспресс”-т өгсөн ярилцлагыг хүргэе.

-Та улирлын тоглолтод 23 гоол оруулж, ОХУ-ын лигийн түүхэнд рекорд тогтоосон. Үүнийг хэзээ мэдсэн бэ?

-Лигийн 29 дүгээр тойрогт “Спартак Нальчик”-ыг хожсоны дараа дээд амжилт тогтоосноо мэдсэн. Хамгийн түрүүнд багийн ерөнхий дасгалжуулагч Леонид Слуцкий баяр хүргэсэн.

-Багийнхантайгаа хэр ойлгол цож байна вэ?

-Санасныг бодвол маш түргэн ойлголцож байгаа шүү. Орос хэлийг маш хурдан сурч байгаа. Багийн зарим нөхөд маань орос хэл сурахад их тус болж байна.

-Вагнер Лав, Алан Загоев нар таныг дамжуулалтаар их дэмжиж байгаа. Тэдний талаар юу хэлэх вэ?

-Тийм ээ. Тэд үнэхээр сайн хөлбөмбөгчид надад олон гоолын дамжуулалт өгсөн. Бас Зоран Тошичийг дурдахгүй байж болохгүй. Тэр ч ялгаагүй багийн нөхдөө дамжуулалтаар хангахаа мэддэг.

-Та ЦСКА-д ирсэн анхны улиралдаа ямар дүгнэлт хийсэн бэ?

-Надад үнэхээр сайхан байсан. Хоёр дахь улирал ч илүү сайхан дурсамж үлдээж байна. Гэхдээ ирэх хавар багийнхаа хамтаар ОХУ-ын аварга болчихвол миний хувьд хэзээ ч мартагдашгүй сайхан дурсамж үлдэх байх.

-ЦСКА-д ирэхэд юу нөлөөлөв?

-Би зүгээр Орост тоглохыг хүссэн. ЦСКА Европын шилдэг багуудын нэг. Тэгээд ч тэдний санал надад таалагдсан учраас би сонголтоо хийсэн. Мөн энэ орны соёлтой танилцахыг хэзээнээс хүсч байсан. Би энд ирсэндээ харамсахгүй. Харин ч энд удаан амьдрахаар төлөвлөж байна.

-Оросын “Премьер лиг”-т хийсэн анхны тоглолтоо санаж байна уу?

-Өнгөрсөн жилийн наймдугаар сард “Лужники” цэнгэлдэх хүрээлэнд “Спартак”-ын эсрэг анх тоглосон. Тэр тогллолтод бид өрсөлдөгчөө талбай дээр нь 2:1-ээр хожиж байсныг тод санаж байна.

-Танай багийн хамгийн шилдэг нь хэн бэ?

-Багийн ахлагч Игорь Акинфеев. Тэр шилдэг нь. Үнэхээр мэдрэмжтэй, юу хийхээ мэддэг. Акинфеев дэлхийн ямар ч топ багийн хаалганд бүтэн 90 минут зогсох чадвартай. Надаас гадна багийн нөхөд маань бүгд л ингэж хэлэх байх.

-Та орос нэрүүдийг хэлэхээр тун аялгатай хэлж байна?

-Тийм ээ. Үнэнийг хэлэхэд орос нэрүүдийг тогтооход үнэхээр хүнд байгаа. Харин ч одоо давгүй хэлж сурч байна.

-Орос орон танд таалагдаж байна уу?

-Мэдээж, олон зүйл таалагдаж байгаа. Оросууд тун эелдэг сайхан харьцаатай хүмүүс шиг санагддаг. Гэхдээ зарим нэг хөгжөөн дэм­жигчийг эс тооцвол. Москвад үзэх харах зүйл олон. Ялангуяа Кремль, Ялалтын талбай. Үнэхээр түүх шингэсэн олон барилгыг энд харж болно.

-Харин юу нь таалагдахгүй байна вэ?

-Өвлийн улирал. Орос хамгийн хүйтэн газар гэдгийг хэлэх байна. Гэхдээ өвлийн улиралд дасан зохицох хэрэгтэй. Би энд хамгийн их цасыг харсан. Гэхдээ Москва өвлийн улиралд хамгийн дулаан хот. Сибирьт очвол би ганц хоног тэсэхгүй байх аа. Бас эсрэг багийн хөгжөөн дэмжигчдийн өдөөн хатгалга надад таалагдахгүй байгаа (инээв).

-Та өмнө цас харж байв уу?

-Тийм ээ. Би Японд, Швейцарьт байхдаа цас үзсэн. Гэхдээ тэнд цас тийм сайн ордоггүй юм билээ.

-Нээрээ мартсан байна. Та тэнд амьдарч байсан шүү дээ. Япон, Швейцарьт амьдрах ямар вэ?

-Хоёулаа сайхан газар. Ялангуяа Швейцарь. Тэнд миний урьд өмнө үзэж хараагүй олон зүйл байдаг. Дэлхийн хамгийн сайхан газрын нэг. Япон ч гэсэн ялгаагүй сайхан газартай. Харин газар хөдлөлт, байгалийн үзэгдэл надад таалагдаггүй. Бусад зүйлээрээ бол сайхан. Ялангуяа япон хоол тун амттай.

-Тэндхийн ямар багт тоглож байв?

-Японд “Кашива Рейсол”, “Токү шима Вортис”, Швейцарийн “Янг Бойз” клубт тоглож байсан.

-Халуун орны хөлбөмбөгчид. Орост ирэхэд дургүй байдаг юм шиг. Харин та асар их зориг гаргаж энд ирсэн байна?

-Үгүй дээ. Би хэзээ ч шантарч байгаагүй. Оросын өвөл их хүйтэн гэдгээс болж зорилгоосоо буцвал ямар хэрэг байх вэ. Хамгийн гол нь дасан зохицох хэрэгтэй. Тэгээд ч өвлийн улирал ердөө гурван сар л үргэлжилнэ шүү дээ. Бас өвөл хөлбөмбөгийн тэмцээн болох нь ховор.

-Нээрээ тийм байна шүү. Сүүлийн үед африкийн хөлбөмбөгчид Орост ирэх нь их болжээ. Са­муэль Это`О өнгөрсөн зун “Анжи”-д ирлээ?

-Тийм ээ, цааш даа олон тоглогч Орост ирэх байх.

-Это`О-гийн талаар юу хэлэх вэ?

-Үнэхээр гай­халтай хөлбөмбөгч. Африкийн олон сая хүний шүтээн болсон хүн. Чухам тэр л Африк тивийн хөлбөмбөгчдөөс хамгийн шилдэг амжилтыг үзүүлсэн. Тэр ямар ч багт тоглосон амжилт дагуулж чаддаг. Это`О “хар тив”-ийн өнөө цагийн хамгийн шилдэг нь.

-Дрогба биш гэж үү?

-Тэр ч гэсэн ялгаагүй шилдэг нь. Би ч гэсэн түүнээс суралцдаг, одоо ч суралцсаар байгаа.

-Хөлбөмбөгч бүр багаасаа хэн нэгнийг дуурайж, түүн шиг болохыг хүсдэг. Та хэнийг шүтдэг байв?

-Тийм ээ. Миний багын шүтээн маань Жорж Веа. Хүүхэд байхаасаа түүн шиг болохыг хүсдэг байлаа. Түүний тоглолтыг хэдэн удаа үзсэн ч уйдахгүй шүү. Намайг хүүхэд байхад Африк тивээс өөрийгөө Европт таниулсан цорын ганц хөлбөмбөгч тэр байсан. Бөмбөг хөөсөн африк жаал бүр түүн шиг болохыг хүсдэг байсан биз. Харин одоо Африкт топ зэрэглэлийн хөлбөмбөгч олон болсон.

-Бусад багуудын хөгжөөн дэмжигчдийн өдөөн хатгалтыг хэрхэн хүлээж авч байна вэ?

-Мэдээж, анх намайг арьс өнгөний үзлээр доромжлоход сайхан санагдаагүй. Харин одоо үүнийг нэг их тоодоггүй. Тэдний эсрэг ганц л юм хийж чадна гэдгээ ойлгосон.

-Тэр хийж чадах юм чинь юу юм бол?

-Гоолоор хариу барихыг хүсдэг.

-Япон, Швейцарийн хөлбөм­бөгийн хөгжөөн дэмжигчид бас ийм дайралт хийдэг үү?

-Бараг үгүй. Харин ч тун соёлтой.

-Танай орны талаар яривал ямар вэ. Кот-д` Ивуар амьдрахад тун эрсдэлтэй гэж сонссон юм байна?

-Манай оронд амьд рах үнэхээр эрсдэлтэй. Өдөр бүр тай­ван амьдрах боломж хомс. Адал явдалд дуртай хүмүүс тэнд амьдрах боломжтой (инээв).

-Үүнээс болж танай улсын хөлбөмбөгчид хилийн чанадыг зорьдог байх?

-Тийм ээ. Хэдийгээр манай оронд хөлбөмбөгийн асар ирээдүйтэй хүүхэд олон бий. Хамгийн гол нь тэд Европын лигт тоглож байж, өөрийгөө хөгжүүлж, таниулах болно. Тиймээс Кот-д`Иваурын хөлбөмбөгчид Европт гялалзаж байгаа байх.

-Шигшээ багтаа хэзээнээс тоглох болов?

-2008 оноос хойш тоглож байгаа. Хараахан тус хүргэж чадаагүй л явна.

-Хэнтэй нь илүү дотно нөхөр­лөдөг вэ?

-Бүх тоглогчтой сайхан харьцаа­тай. Тэр дундаа Саломон Калутай илүү дотно.

-Та хөлбөмбөгч болоогүй бол ямар мэргэжил эзэмших байсан бол?

-Үнэнийг хэлэхэд хөлбөмбөгөөс өөр юу ч хийж чадахгүй. Миний толгойд өдөр, шөнөгүй, үргэлж хөлбөмбөг бодогддог.

-Английн “Премьер лиг”-т тоглохыг хүсдэг гэж дуулсан юм байна?

-Тийм ээ. Англид тоглохыг мөрөөддөг. Тэнд хөлбөмбөг дээд зэргээр хөгжсөн. Хэзээ нэгэн цагт “Премьер лиг”-т тоглох байх.

“Өдрийн шуудан”, Б.Бат

Хуваалцах/Тэмдэглэх

Гэхдээ Карло Кудичини үүргээ сайн биелүүлж бусад довтолгоог амжилттай зогсоосон. Харин түүний багийн андууд гоол хийх үүргээ биелүүлж чадсангүй.
Рубин нийт 16 цохилт хийсний 10 нь хаалга руу чиглэсэн бол Тоттенхэм ердөө хоёроос нэгийг л Сергей Рыжиков руу чиглүүлжээ.

Энэ хооронд хэсгийн хүчтэй өрсөлдөгч Грекийн ПАОК – Шэмрок Роверсийг талбайд нь 3 ; 1-ээр буулган авч 8 оноотой болсон.

Салпингидис дубль хийж, Фотакис нэгийг нэмсэн аж. Хэсгийн хомоолыг Шэмрок ганц ч оноогүй эзэлж байна.

Рубин (Казань, Россия) – Тоттенхэм (Англия) – 1:0 (0:0).

Гоол: Натхо, 56 (1:0).

Рубин: Рыжиков, Сесар Навас, Калешин, Боккетти, Шаронов, Рязанцев (А.Еременко, 90), Касаев (Ансальди, 84), Нобоа, Карадениз, Натхо, Мартинс (Вальдес, 65).

Тоттенхэм: Кудичини, Галлас (Паррет, 73), Дефо, Бассонг, Фальке, Ливермор, Таунсенд, Пинар, Фредерикс, Кэрролл, Павлюченко (Кейн, 75).

Шэмрок Роверс (Ирландия) – ПАОК (Греция) – 1:3 (0:3).

Гоол: Салпингидис, 7 (0:1). Фотакис, 36 (0:2). Салпингидис, 38 (0:3). Деннехи, 51 (1:3).

Шемрок Роверс: Томпсон, Салливан, Стивенс, Сайвс, Мюррей, Маккейб (Килдафф, 46), О`Доннелл, Шеппард, Тернер (Твигг, 46), Деннехи, Маккормак (Райс, 70).

ПАОК: Халкиас, Георгиадис (Апостолопулос, 88), Чирилло, Салпингидис (Папацоглу, 90), Малезас, Лино, Фотакис (Балафас, 64), Виейринья, Лазэр, Этто, Ариас.

Хуваалцах/Тэмдэглэх

Анжи Оросын  Премьер лигийн 26 тойргын дараахи байдлаар хүснэгтийн 8-р байрт явж байна.

Хуваалцах/Тэмдэглэх