Ямар ч байсан Рой Хожсон залуусынхаа хамт урьдчилсан шатыг нэг их зүдрэлгүй давах бололтой. Өнгөрсөн шөнийн тоглолтонд Стивен Жеррард, Жо Коул зэрэг тоглолтогчид оролцоогүй.

Мөн Италийн алдарт Ювентус клуб Ирландын Шамрок Роверс багтай тоглож Амауригийн 2 гоолоор ялсан. Хуучин ноёдын шинэ тоглогчид болох Симоне Пепе, Бонуччи нар гараанд гарч тоглосон. Хариу тоглолтууд 8 сарын 5-нд явагдаж эцсийн хасагдах шатанд өрсөлдөх багуудын нэрс тодрох болно.

СИБИРЬ (ОХУ) – АПОЛЛОН (Кипр) – 1:0
ОДЕНСЕ (Дани) – ЗРИНЬСКИ (Босни) – 5:2
ДНЕПР (Беларусь) – БАНИК (Чех) – 1:0
РАБОТНИЧКИ (Македони) – ЛИВЕРПУЛЬ (Англи) – 0:2
МАРИТИМУ (Португали) – БАНГОР СИТИ (Уэльс) – 8:2
БЕРОЕ (Болгар) – РАПИД (Австри) – 1:1
МЮПА (Финлянд) – ТИМИШОАРА (Румын) – 1:2
ЦСКА (Софи, Болгар) – КЛИФТОНВИЛЛ (Х.Ирланд) – 3:0
КАРПАТЫ (Украин) – ЗЕСТАФОНИ (Гүрж) – 1:0
ШЭМРОК РОВЕРС (Ирланд) – ЮВЕНТУС (Итали) – 0:2
ЭЛЬФСБОРГ (Швед) – ТЕТЕКС (Македони) – 5:0
НОРДСЬЕЛЛАНД (Дани) – СПОРТИНГ (Португали) – 0:1
МАРИБОР (Словени) – ХАЙБЕРНИАН (Шотланд) – 3:0
ЦРВЕНА ЗВЕЗДА (Серби) – СЛОВАН (Словак) – 1:2
ИНТЕР (Финляндия) – ГЕНК (Бельги) – 1:5
РУХ (Польш) – АУСТРИЯ (Австри) – 1:3
ВИКТОРИЯ (Чехия) – БЕШИКТАШ (Турция) – 1:1
ОЛИМПИАКОС (Грек) – МАККАБИ (Тель-Авив, Израиль) – 2:1
ВИСЛА (Кр, Польш) – КАРАБАХ (Азербайжан) – 0:1
ШТУРМ (Австри) – ДИНАМО (Тб, Гүрж) – 2:0
СЕРКЛЬ БРЮГГЕ (Бельги) – АНОРТОСИС (Кипр) – 1:0
БУДУЧНОСТ (Черногор) – БРОНДБЮ (Дани) – 1:2
МЕЛЬДЕ (Норвег) – ШТУТГАРТ (Герман) – 2:3
МАККАБИ (Хайфа, Израиль) – ДИНАМО (Мн, Беларусь) – 1:0
УТРЕХТ (Голланд) – ЛЮЦЕРН (Швейцарь) – 1:0
РАНДЕРС (Дани) – ЛОЗАННА (Швейцарь) – 2:3
ДИНАМО (Бх, Румын) – ХАЙДУК (Хорват) – 3:1
АЛКМАР (Голланд) – ГЕТЕБОРГ (Швед) – 2:0
СПАРТАК (Сербия) – ДНЕПР (Украин) – 2:1
ДЬЕР (Венгрия) – МОНПЕЛЬЕ (Франц) – 0:1
ОЛЕСУНН (Норвегия) – МАЗЕРУЭЛЛ (Шотланд) – 1:1
КАЛЬМАР (Швед) – ЛЕВСКИ (Болгар) – 1:1
ГАЛАТАСАРАЙ (Турк) – ОФК (Серби) – 2:2
ЯГЕЛЛОНИЯ (Польш) – АРИС (Грек) – 1:2
АПОЭЛ (Кипр) – ЯБЛОНЕЦ (Чех) – 1:0

Хуваалцах/Тэмдэглэх

Мальорка өнгөрсөн улиралд Ла Лигт тун сайн тоглож, бараг Аваргуудын лигийн эрх авах дөхсөн ч сүүл хэрд сууж 5-д орсон юм.

УЕФА-с Мальоркад Европын лигт оролцох зөвшөөрөл өгөхгүй байгаа шалтгаан нь тэдний санхүүгийн асуудал гэнэ. Мальорка клубын санхүүгийн байдал сайнгүй, зөрчилтэй байгаа нь тэднийг Европын лигийн гадна үлдээж байна.
УЕФА-ын хяналт, сахилга хариуцсан хороо уржигдар Ньонд хуралдаад ийм шийдвэрт хүрч.

УЕФА хяналт, сахилгын хороо нь УЕФА-ын Европын лигийн журмын 2.07 дахь зүйлийг баримталж ийм шийдвэр гаргасан бөгөөд уг зүйлд заасан шаардлагыг Мальорка нь хангаж чадахааргүй байсан тул зөвшөөрөл олгохоос татгалзаж байгаа тухайгаа  мэдэгджээ.

Энэ шийдвэрийг Мальоркагийн тал хүлээн зөвшөөрөхгүй нь мэдээж бөгөөд таамаглаж байсанчлан эсэргүүцэж, давж заалдахаар болж. Хэрэв Мальорка давж заалдаад амжилтанд хүрэхгүй бол өнгөрсөн улиралд Ла Лигт 6-д орсон Вильяреал ирэх улиралд Евролигт өрсөлдөх эрхтэй болох юм.

Дашрамд алдарт теннисчин Рафаель Надаль уг клубын хувьцаа эзэмшигчдийн нэг гэнэ.

Хуваалцах/Тэмдэглэх

Хуваалцах/Тэмдэглэх

Тэдний энэ гайхалтай түүх өнгөрсөн жил Литвийн Ветра багийг Европын лигийн урьдчилсан шатад буулган авсан цагаас эхэлсэн. Үүний дараа Фулхэм E хэсэгт Рома, Басель, ЦСКА Софи багуудтай багтаж хэсгээсээ 2-р шалгаран хасагдах шатанд гайхамшгийг бүтээсээр финалд хүрчээ.

Гамбургийн хувьд  ”Нордбанк aрена”-даа гоол оруулж чадаагүй нь гол алдаа болсон. Тэдний довтолгоонд Рүүд Ван Нистелрой, Петрич нар тоглож байлаа. 22  дахь минутад Петрич гайхалтай гоолыг чөлөөт цохилтоос оруулж чадсан ч  түүний гоол Гамбургийг финалд шалгаруулсангүй. Довтолгоонд тааруухан тоглож байсан Замораг Клинт Демпсигээр сэлгэсний дараа Фулхэмийн тоглолт илт сэргэж ирсэн. Улмаар 69  дэх минутад Саймон  Дэйвис Мерфигийн төвөөс өгсөн дамжуулалтыг тэрээр чадварлагаар тогтоон авч хоёр хамгаалагчийн дундаас тэнцээний бөмбөгийг оруулжээ. 76  дахь минутад булангийн цохилтоос ирсэн бөмбөгийг Золтан Гера Гамбургийн хаалганд гоолдож Фулхэмийг финалд шалгаруулжээ.

Премьер лигт 12-р байранд яваа Фулхэмчүүд ийнхүү Английн нэр төрийг хамгаалахаар финалд үлдэж чадлаа. Тэнцээний бөмбөгийг хийсэн Дэйвис ялалтынхаа дараа ”Үнэхээр итгэмээргүй эргэн ирэлт байлаа. Эхний хагасын завсарлагаанаар Хожсон бидэнд тоглодгоороо л тогло. Тэгээд удахгүй юу болохыг та нар харна гэж хэлсэн. Үүнийг хийж чадсандаа үнэхээр итгэж өгөхгүй байна” хэмээн ярьжээ.
Фулхэм 130 жилийн түүхэндээ ийм өндөр амжилтанд хүрч байгаагүй. Тэд 1948-49, 2000-01 онд Английн доод лигт түрүүлж байснаас гадна 2002 онд Интертотогийн цомд түрүүлж байсан амжилттай. Рой Хожсон Фулхэмийн түүхэн дэх хамгийн амжилттай дасгалжуулагч болоход тун ойрхон байна.

Шигшээ тоглолт 2 долоо хоногийн дараа Гамбург хотын Нордбанк Арена цэнгэлдэхэд явагдана.

Лондон. Стадион “Крэвен Коттэж”. Шүүгч - Жунейт Жакир (Турk).
ФУЛХЭМ – ГАМБУРГ – 2:1 (0:1)
Петрич, 22 (0:1). Дэйвис, 69 (1:1). Гера, 76 (2:1). .
Фулхэм	Гамбург
Марк Шварцер	Франк Рост
Джон Пэнцил (75)	Ги Демель
Бреде Хангеланд	Жером Боатенг
Арон Хьюз	Йорис Матейсен
Пол Кончески	Деннис Аого
Дамьен Дафф	Роберт Тесхе (56)
Диксон Этуху	Давид Яролим (90+1)
Данни Мерфи	Зе Роберто
Золтан Гера	Джонатан Питройпа
Саймон Дэйвис	Младен Петрич
Бобби Замора (58)	Руд Ван Нистелрой
Сэлгээ
Клинт Демпси, 58	Томас Ринкон, 56 (79)
Эрик Невланд, 75	Хосе Паоло Герреро, 79
	Давид Розегнал, 90+1
Шар хуудас
Бреде Хангеланд, 65	Жером Боатенг, 62
Клинт Демпси, 90+3	Франк Рост, 90+3

Хуваалцах/Тэмдэглэх

Хавьер Машераног баруун жигүүрийн хамгаалалтад тавьж  Аквилани, Лукасыг төвийн хагас хамгаалалтад тоглуулсан нь нүдээ олсон хэрэг байлаа. Харин Мадридийн багаас торгуулийн улмаас эхний тулаанд ороогүй Серхио Агуеро эргэн ирсэн байв.

Тоглолтын эхнээс талбайн эзэд бөмбөг эзэмшилтийн хувиараа Атлетиког илүрхэж байлаа. Шүгэл дуугараад минут ч хүрэхгүй хугацаанд тэд хоёр ч булангийн цохилтыг гүйцэтгээд амжсан. Ялангуяа  Ливерпулийн хамгийн муу наймаа гэгдэж байгаа Аквилани 11 дэх минутад алсын цохилтоор тооны харьцааг нээх дөхсөн юм. Үүний дараа сөрөг довтолгоогоор Атлетикочууд Рэйнагийн хаалга руу хоёр ч удаа эвгүй цохилтыг гүйцэтгээд амжлаа.

Гэхдээ Ливерпульчууд давамгайлсан хэвээр байсан. 23 дахь минутад Хотон шувуунууд нэг хүрэлтээр өрнүүлсэн гайхалтай довтолгооны хувилбар зохион байгуулсан ч Машераногийн хөндлөн дамжуулалтыг гоол болгоход Кюитэд хэдхэн см-ийн зай дутсан юм . 32 дахь минутад Аггер чөлөөт цохилтоос ирсэн бөмбөгийг мөргөж гоолдсон ч отон тоглолтонд орсон байлаа.

Энэ бүх оролдлогууудын эцэст Улаанууд ямар ч байсан гоолдож чадсан байгаа. 44 дэх минутад Ёосси Бенаюны хөндлөн дамжуулалтыг Аквилани чулуу болгож цувралын тооны харьцааг 1 : 1 болгон тэнцүүлсэн. Мань эр Ливерпулийн төлөө 2 дахь гоолоо оруулж байгаа бөгөөд өмнө нь лигийн тоглолтонд нэгийг хийгээд байсан юм.
Хоёрдугаар хагаст тоглолтын хэмнэл бага зэрэг намжсан. Аль аль нь гоолдож чадаагүй учраас цаг сунгаж нэмэлт цаг ялагчийн хувь заяаг шийдэх болов. Рафа 90 дэх минутад Аквиланиг суулгаж Эль Зарыг оруулж ирсэн байлаа.
Нэмэлт цаг эхлээд 5 минут өнгөрч байхад Анфиелд цэнгэлдэх доргиж эхэллээ.
Лукасын өлгөж өгсөн дамжуулалтыг Бенаюн хүлээн авч зүүн талаас сулхан цохилтыг гүйцэтгэсэн ч Атлетикогийн залуу хаалгач барьж чадсангүй. Ингээд 2 : 0. Энэ бол Ливерпулийг дараагийн шатанд шалгаруулахад хангалттай үзүүлэлт.

Гэхдээ үлдсэн минутад ганц гоол алдахад л тэд юу ч үгүй хоцорно.      Паулу Ассунсауг суулгаж Хурадог оруулж ирснээр Атлетикогийн довтолгоо илүү аюултай болж ирлээ.

102 дахь минут үргэлжилж байхад Рэйсийн баруунаас өгсөн хөндлөн дамжуулалтыг Форлан  хүлээж авлаа. Түүнийг барьж байх ёстой Жонсон хаа нэгтээ ”тэнэж”явсан учраас мань Рэйнаг ядах юмгүй аргалж энэ тулааны 3 дахь бөгөөд Атлетиког финалд шалгаруулсан гоолыг оруулжээ. Үлдсэн минутад Рафа Пашеко, Дегенийг оруулж ирээд ч нэмэр болсонгүй.

Атлетико энэ улиралд лигтээ тааруухан тоглож европын эрх авах найдваргүй болсон ч ийнхүү цом хүртэх найдвартай үлдлээ. Тэд 1962  оноос хойш Европын дэвжээнээс ямар ч цом хүртэж амжаагүй байгаа.
Тоглолтын өмнө Бенитезийн ирээдүй энэ тулаанаар шийдэгдэж мэднэ гэсэн яриа гарч байсан. Хэрвээ тэр бүхэн үнэн бол Рафа Ливерпулийг орхих нь бараг тодорхой болчихлоо. Түүнийг Италийг Ювентус идэвхтэй сонирхож байгаа аж.

Ливерпуль. Стадион “Энфилд”. 42,040 үзэгч . Шүүгч - Терье Хауге (Норвеги).
ЛИВЕРПУЛЬ – АТЛЕТИКО – 2:1 (1:0, 1:0)
Аквилани, 44 (1:0). Бенаюн, 95 (2:0). Форлан, 102 (2:1).
Ливерпуль	Атлетико
Пепе Рейна	Давид Де Хеа
Хавьер Маскерано (110)	Хуан Валера
Джэми Каррагер	Альваро Домингес
Даниэль Аггер	Луис Переа
Глен Джонсон	Антонио Лопес
Йосси Бенаюн (114)	Хосе Антонио Рейес
Альберто Аквилани (90)	Паулу Ассунсау (99)
Лукас Лейва	Рауль Гарсия
Стивен Жеррард	Симау Саброса
Раян Бабел	Серхио Агуэро (120)
Дирк Кейт	Диего Форлан (117)
Сэлгээ
Набил Эль Жар, 90	Хосе Хурадо, 99
Филипп Деген, 110	Начо Камачо, 117
Дани Пашеко, 114	Эдуардо Сальвио, 120
Шар хуудас
Стивен Жеррард, 43	Паулу Ассунсау, 52
Альберто Аквилани, 51	Хуан Валера, 67
Джэми Каррагер, 82	Диего Форлан, 103
	Альваро Домингес, 104

Хуваалцах/Тэмдэглэх

Хуваалцах/Тэмдэглэх

Фабио Капелло Евро 2012-ийн урьдчилсан шатны сугалаа Английн багийн хувьд хүнд боллоо гэж дүгнэж байна. Тэрээр ”Миний бодлоор хамгийн хэцүү хэсэг бол А болон G .

Харин манайх тэр  G хэсэгт тоглох болох нь. Би уг нь 5 багтай хэсэгт багтахыг хүсэж байсан юм. Тоглолт цөөхөн хийх учраас тэр чинээгээрээ амар байх болно. Гэхдээ манай багт сонгон шалгаруулалтыг давах хангалттай хүч байгаа. Тийм болохоор би санаа зовохгүй байна” гэжээ.

Мөн тэрээр Жон Терригийн асуудлын талаар ”Би өөрийнхөө шийдвэрийг нэгэнт гаргасан учраас эргэж буцахгүй. Территэй  би уулзаж энэ асуудлын талаар нухацтай ярилцсан. Удахгүй Риотой уулзах өөрийнх нь бодлыг асууна” гэжээ.

Хуваалцах/Тэмдэглэх

Дэлхийн аварга Италичууд С хэсэгт Серби, Хойд Ирланд, Словен, Эстон болон Фарерийн аралтай учраа таарчээ.

Англичууд хөрш Уэльс болон Швейцарь, Черногор, Болгартай тоглоно. Английн багийн экс босс Терри Венайблс энэ хэсгийг хатуу хэсгийн нэг, Швейцарь хамгийн хэцүү өрсөлдөгч нь гэж тодорхойлж.

А хэсэгт Герман – Турк ширүүн тоглолтууд хийх байх. Энэ хэсэгт мөн Австри, Бельги, Казахстан, Азербайжан багтжээ.

Францийн шигшээ Румын, Босни, Беларус, Албани, Люксембургтай D хэсэгт орсон бол Голландын шигшээ Швед, Финлянд, Унгар, Молдав, Сан-Маринотой тоглох болов.

Хэсэг тус бүртээ тэргүүлсэн 9 баг болон хамгийн сайн амжилттай 2-р байрын баг шууд эрхээ авна. Харин үлдсэн дэд байр эзэлсэн 8 баг сугалаа сугалж плей-оффийн тоглолт хийгээд ялагчид нь зохион байгуулагч Польш, Украйн 2 дээр нэмэгдэж ЕАШТ-нд оролцох 16 багийг бүрдүүлэх юм.

Урьдчилсан шатны тоглолтууд энэ оны 9 сарын 3-нд эхлэх гэнэ.

A Хэсэг: Герман, Турк, Австри, Бельги, Казакстан, Азербайжан

B Хэсэг: ОХУ, Словак, Ирланд, Македон, Армен, Андорра

C Хэсэг: Итали, Серби, Хойд Ирланд, Словен, Эстон, Фарер

D Хэсэг: Франц, Румын, Босни-Герцеговин, Беларус, Албани, Люксембург

E Хэсэг: Голланд, Швед, Финлянд, Унгар, Молдав, Сан Марино

F Хэсэг: Хорват, Грек, Израйль, Латви, Гүрж, Мальт

G Хэсэг: Англи, Швейцарь, Болгар, Уэльс, Монтенегро

H Хэсэг: Португал, Дани, Норвег, Кипр, Исланд

I Хэсэг: Испани, Чех, Шотланд, Литва, Лихтенштейн

Хуваалцах/Тэмдэглэх

Чансаа өндөр 10 баг эхний потод тэдний түвшин доогуур10 баг  дараагийн потод гэх зэргээр УЕФА хуваажээ. 2010 оны ДАШТ-ийг өнжихөөр болсон ОХУ, Хорватын багууд 1-р хэсэгт багтсан бол Евро 2008-ийн хагас финалист Туркийн баг 2-т потод багтсан байна.

Хуваалцах/Тэмдэглэх

Ер нь энэ жилийн Аваргуудын лигийн сугалааг УЕФА-гийн мяндагтнууд эртнээс нарийн төлөвлөж, зохион байгуулсан гэж зарим мэргэжилтнүүд хардаж байгаа гэнэ. Батлах гээд оролдоод үзье л дээ. 2002 оноос хойш Аваргуудын лигт топ 3 лигээс өөр (Энд Англи, Испани, Италийн лигийг багтааж байна)  лигийн баг түрүүлсэн тохиолдол ердөө ганцхан удаа л болжээ. 2004 онд Португалын Порту гэнэт цойлон гарч ирэн Европын шилдэг багаар тодорсон ч зун нь Моуриньогоос өгсүүлээд өнгөтэй өөдтэй бүх тоглогчдоо алдаад ”таг” болсон. Тэгээд ирэх жилийнх нь Аваргуудын лигт дөнгөж шөвгийн 16-д шалгараад л ”өнхрөөд’ ойчсоныг хөлбөмбөг сонирхогчид санаж байгаа байх.

Хөлбөмбөгийн их гүрнүүд болох Англи, Испани. Италийн багууд хөрөнгө мөнгөөр далайлган ”бусад” лигийн гялтайх оддыг түүж сэлгээнд суулгадаг заншлаараа ”хөөрхий” Португ цөлгөж дээшээ тэнгэр хол доошоо газар хатуу болгосон хэрэг.  Энэ цаг үе бол хөлбөмбөгийн ертөнцөд Абрамовичисм хүчээ авч байсан үе билээ. Оросын тэрбумтны араас мөнгөө яаж үрэхээ мэдэхээ байсан олон  баячууд хөлбөмбөгт ”хошуугаа” дүрж клубуудыг өөрийн болгох болсон юм.

Мэдээж тэд Португал, Франц гээд ”жижиг” лигүүд бус дэлхий нийтийн анхаарлын төвд байдаг ”топ лиг”’-үүдийг л сонирхоно шүү дээ. Энэхүү баячуудын нөлөөөгөөр хөлбөмбөгийн солилцоо наймааны зах дээр сүүлийн хэдэн жилд урьд хожид дуулдаагүй өндөр үнээр тоглогчид зарагдах болж асар их мөнгөний урсгал хөврөх болсон. Харамсалтай нь ”өндөр үнэтэй” тоглогчдийн очих газар нь ойлгомжтой бөгөөд Испани юм уу Английн лигт л ийм их хөрөнгө гаргах чадалтай баячууд байгаа юм чинь.  Нэг багт олон шилдэг тоглогчдыг цуглуулснаар лигүүдийн ялгааг улам холдуулж, дундаж лигийн багуудад европын тэмцээнд амжилт гаргахад тун төвөгтэй болж байгаа юм.

УЕФА хүртэл зохицуулж чадаагүй энэ үнийн хөөрөгдөлтийг өнгөрсөн зун Реал Мадрид, Манчестер сити багууд дээд цэгт нь хүргэж дундаж лигүүдийн олон оддыг мөнгөөр ”зодож” бүрэлдэхүүндээ багтаасан. Энэ бүхний эцэст Реал Мадридийн бүрэлдэхүүнд байгаа тоглогчдын үнэ л гэхэд бүх л бүтэн Украйний лигийн тоглогчдын үнэтэй зэрэгцэж очихоор байхад Динамо юмуу Шахтёрт яаж Аваргуудын лигт түрүүлэх шаанс гарч ирэх билээдээ. Гэтэл энэ улсын телевизүүд бараг өөрсдийнхөө багуудын тоглолтыг үзүүлэх гэж л олон мянган евро төлж Аваргуудын лигийг дамжуулах эрх авч байгаа. Хэрвээ баг нь шөвгийн 16-гаас хойш явахгүй нь тодорхой юм бол энэ эрхийг авах шаардлага байна уу гэсэн асуудал тулгарна.

УЕФА-гийн төсвөө бүрдүүлдэг гол санхүүжилт бол телевизийн эрх байдаг. Харин Украйны адил ”ганц багаа дэмжээд” суудаг Франц, Португал, Австри, Швэйцарь зэрэг олон орон тв-ийн эрх авахаас татгалзвал тэдний хувьд сүйрэл л гэсэн үг. Тиймээс л УЕФА ”бусад” лигийн багуудад боломж олгохын тулд сугалааг ”будлиантуулж” том багуудыг эрт тааруулсан байж мэдэх юм. Үргэлж түрүүлэх боломжтой багуудын тоонд бичигддэг Милан – МанЮ, Интер – Челси гэсэн багуудтай тулахгүй шөвгийн наймд шалгарна гэдэг Олимпиакос, ЦСКА, Бордо, Порту гэсэн багуудад асар их боломж олдож байгаа юм.

Хэрвээ УЕФА-гийн төлөвлөснөөр болбол бид ямар ч байсан 2008 оных шиг Английн 3 багийг хагас шигшээд бид харж чадахгүй байх нь.

Хуваалцах/Тэмдэглэх