Харин Английн спортын сайд Хью Робертсон “Ийм зүйл болсонд сэтгэд дундуур байна. Гэхдээ яая гэхэв. Блаттер амлалтаа биелүүлж шинэчлэл хийнэ гэж итгэж байхаас. Энэ байгууллагын нэр хүнд одоо газарт унаад байна. Тийм болохоор аль болох хурдан дахин сэргээж, өөрчлөлт хийх хэрэгтэй байгаа. ОУХХ бол хөлбөмбөгийн гэр бүл гэж тэд хэлсэн. Үүнд Английн хөлбөмбөгийн холбоо ч багтах байх. Цаашид бидний харилцаа сайжирна гэж итгэж байна” гэлээ.

Блаттер 1998 онд Жоао Авеланжын халааг авч  ОУХХ-ны удирдагч болсон. Түүнээс хойш 13 дахь жилдээ дэлхийн хамгийн хүчирхэг байгууллагуудын нэгийг удирдаж байна.

Хуваалцах/Тэмдэглэх

“Энэ бүх жилүүд, хамт тоглож байсан хүн бүхнийг дурсахад сайхан байна. Энэ бүхэн надад маш их туршлага, сайхан дурсамжийг өгсөн” хэмээн өнөөдрийн гол баатар маань яриад цааш нь Евро 2012-г тэсэн ядан хүлээж байгаагаа нуугаагүй юм. Клозэ одоо 32 настай, довтлогч хүний хувьд тийм залуу нас биш ч түүний туршлага, ур чадвар залуухан Германын шигшээ багт маш чухал.
Миро одоогоор клубтээ Марио Гомэзийн дараагийн сонголт байгаа ч Германын шигшээ багийн дасгалжуулагч Йохим Лөв түүний шигшээ дэхь байр сууринд эргэлздэггүй. Гомэз бол клубтээ дэлхийн хэмжээний тоглолтыг үзүүлж боломжуудыг гайхалтай ашигладаг, харин эсрэгээр Миро шигшээдээ яг тийм тоглолтыг үзүүлдэг.

Тэр бол хөлбөмбөгийн ертөнцөд нэрээ цуурайтуулсан тоглогч. “Хэрвээ та Аргентин, Английн эсрэг эсвэл Аваргуудын лигт түүний хэрхэн тоглохийг харсан бол: Бүх хүмүүс түүнийг шүтэн бишрэх болно” хэмээн Бастиан Швайнштайгэр багийнхаа андын талаар хэлсэн бөгөөд цааш нь “Энэ бол түүнийг агуу тоглогч гэдгийг харуулна” гэсэн юм. Клозэгийн Байернтай хийсэн гэрээ энэ зун дуусах бөгөөд тэр цаашдынхаа ирээдүйн талаар одоохондоо шийдээгүй байгаа.

Ингээд Клозэгийн шигшээ багтаа хийсэн тоглолтуудаас сонирхолтой агшнуудыг оруулж байна.

Шигшээгийн анхны тоглолтоо хийснээс хойш 10 жилийн дараа 2011 оны 3 сарын 24-нд хэвлэлийн хуралд оролцож асуултанд хариулж байгаа нь. Энэ 10 жилийн хугацаанд багийнхаа хамт Дэлхийн аваргын 2 хүрэл, 1 мөнгө мөн Европийн аваргын дэд байр авч байлаа. Ингээд Клозэгийн шигшээ багийн намтарыг сонирхъё

2001 оны 2-р сарын 26. Мирослав Клозэ анхны шигшээ багийн хэвлэлийн хурал дээрээ. Үүнээс нэг сарын дараа анхны тоглолтондоо оролцох байлаа

2001 оны 3-р сарын 24 мөрөөдөл биелэлээ: Мирослав Клозэ тоглолтын 73 дахь минутанд Оливэр Нойвиллээр сэлгэгдэн талбайд орж ирлээ. Энэ мөчид Дэлхийн аваргын сонгон шалгаруулалтын тэмцээнд Албанитай хийж байсан тоглолт 1:1 харьцаатай өрнөж байсан юм.

Сэлгээнээс орж ирээд яг 15 минут өнгөрсний дараа Клозэ шигшээ багтаа оруулсан анхны гоолоо тэмдэглэж байв. Түүний гоолоор баг нь хожил авч, түүний дэбют тоглолт шуугиан тарьлаа.

2002 оны 2-р сарын 13-нд Мирослав Клозэ Израйлтай хийсэн нөхөрсөг тоглолт дээр анх удаа гарааны 11-т багтлаа.

Энэ бол түүний дөнгөж 8 дахь тоглолт.. Гэсэн ч тэр шигшээ багийн өмсгөлтэй дөрөв дахь хэт-трикээ хийлээ

Энэ үед тэр 23 настай байсан юм. Зураг дээр багийн андууд болох Мэхмэт Шоль (баруун), Сэбастиан Кэл (зүүн)-ийн хамт гоолын баяраа тэмдэглэж байгаа нь.

2002 оны Япон, Өмнөд Солонгост болсон Дэлхийн аварга түүний хувьд төсөөлөмгүй гайхалтай болж өнгөрсөн. Эхний тоглолоо Саудын Арабын эсрэг хийхэд тэр 3 гоол оруулсан.

Энэ бол түүний ДАШТ-д нийт оруулсан 14 гоолын эхлэл байсан юм. 2002 онд 5 гоол оруулж мэргэн буучийн жагсаалтанд Бразилийн багийн Роналдогийн ард хоёрт орсон.

Клозэгийн алдарт сальто эргэлт. Дэлхийн аваргын эхний тоглолтын үеэр бүх л дэлхий түүнийг гоолын баяраа хэрхэн тэмдэглэж байхийг харж байлаа.

Галласын эсрэг. 50 дахь шигшээн тоглолтоо 2005 оны 11-р сарын 12нд Парис хотноо Францын эсрэг хийсэн.

Гэхдээ энэ тоглолтонд Клозэ гоол оруулж чадаагүй. Ревелеритай бөмбөгний төлөө тэмцэж байна.

Германын шигшээ Евро 2004-т амжилт муутайхан оролцсон бөгөөд Клозэ хоёр удаа л сэлгээнээс гарч тоглосон юм. Үүний дараа Герман 2006 Дэлхийн аваргыг гэртээ зохиох боллоо. Нээлтийн тоглолтонд Коста Рикагийн хаалганд хоёр гоол хийсэн бөгөөд баг нь 4-2 харьцаатай тэмцээнийг эхлүүлсэн.

Тэр үед Клозэ ирээдүйд Мюнхэнийн энэхүү цэнгэлдэхийн эзэн клубын төлөө тоглоно гэдгээ мэдээгүй байв

Эсрэг багийн хоёр тоглогч Клозэгийн эсрэг юу ч хийж чадалгүй гоол алдлаа. Экваторын эсрэг Клозэ тоглолтын эхний гоолыг оруулсан юм.

Тоглолтын хоёр дахь гоолоо оруулсны дараа Миро мэргэн буучийн жагсаалтыг 5 гоолтойгоор тэргүүлж эхэллээ.

Мөн л алдарт сальто

Хэсгээс гарсны дараа хасагдах шатанд Герман Швэдтэй таарсан. Энэ тоглолтонд хэдий Клозэ гоолдоогүй ч өөрийн хамтрагч Подолскид хоёр гоолын дамжуулалт гарган өгч улмаар тоглолтын МоМ болсон билээ

Тэр жилийн ДАШТ-д оруулсан түүний сүүлийн гоол ч маш чухал гоол байсан юм.

Баг нь хожигдож байх үед тэр тэнцээний гоолыг оруулсан бөгөөд улмаар хоёр баг торгуулийн цохилтоор ялагчаа шийдэхээр болж Лэманнын гайхалтай хаалтаар Герман цааш шалгарсан билээ.

Шигшээ багтаа хийсэн 70 дахь тоглолт нь маш онцгой болсон. Клозэ анх удаагаа шигшээ багаа ахлаж талбайд гарсан юм.

2007 оны 9-р сарын 8нд 2:0 харьцаатай Уэлсийг хожсон тэр тоглолтонд шинэхэн ахлагч багийнхаа хоёр гоолыг оруулж багаа Евро 2008-д улам ойртуулсан.

Хэдий Мирослав Клозэ тийм нуруулаг тоглогч биш ч маш олон гоолоо толгойгоороо оруулсан. Энэ нь мэдээж түүний гайхалтай үсрэх чадвартай холбоотой. Энэ бол түүний Евро 2008-д Португалийн хаалганд оруулсан гоол.

Шигшээгийн 80 дахь тоглолтоо Евро2008-н хагас шигшээд Туркын эсрэг хийсэн. Ер бусын тэр тоглолтонд Клозэ 79 дахь минутанд гоол оруулж тооны харьцааг 2:1 болгон багтаа тэргүүлэл авчирсан.

Энэ бол багтаа Өмнөд Африк 2010 зорих үүд хаалгыг нээсэн гоол юм. 2009 оны 10-р сарын 10нд Оросын эсрэг тоглолтын цор ганц гоолыг хийж багтаа Дэлхийн аваргад оролцох эрх авчирсан.

Түүний шигшээ багтаа авсан анхны улаан хуудас. Түүний хоёр өчүүхэн алдаанд өгсөн шар хуудаснаас болж Дэлхийн аваргын Сербитэй хийсэн тоглолтоос хөөгдсөн

Өмнөд Африк 2010-н өмнөх улирал нь Байерн Мюнхэнд тийм ч их гараанд гарахгүй байсан ч Йохим Лөв түүнд итгэл хүлээлгэсэн юм. Английн эсрэг гоол оруулснаар 2010 оны Дэлхийн аваргын хоёр дахь гоолоо орууллаа. Одоо түүнд Роналдогийн амжилтыг эвдэхэд 3 гоол л хэрэгтэй

Аргентин дээр Клозэ энэ тэмцээний хамгийн сайн тоглолтоо үзүүлж 2 гоол оруулсан. Нийт 5 тэмцээн (Европийн аваргад 2 удаа, Дэлхийн аваргад 3 удаа)-д оролцож 16 дахь гоолоо орууллаа

Түүний шигшээн кареерын 100 дахь тоглолт гайхалтай болж өнгөрөн Роналдогийн амжилтыг эвдэхэд ердөө нэг гоол хэрэгтэй байсан боловч баг нь дараагийн шатанд Испанид хожигдон улмаар хүрэл медалийн тоглолтонд гэмтлийн улмаар оролцож чадаагүй.

Аргентин дээр гоол оруулсны дараа мөн л сальтогоо үзүүлэв. Тэр зөвхөн чухал гоол оруулсны дараа энэ хөдөлгөөнөө хийдэг юм

Түүний 106 дахь тоглолт Италийн эсрэг нөхөрсөг тоглолт байлаа. Мэдээж маш олон фенүүд 2006 оны өшөөгөө авахийг хүсэж байв.

Дортмундад болсон энэ тоглолт 1:1 харьцаатай өндөрлөсөн бөгөөд нэг гоолыг нь мэдээж Клозэ оруулсан байлаа. Одоо тэр агуу Герд Мюллэрийн амжилтыг эвдэхэд 9 гоол л хэрэгтэй.

2011 оны 3-р сарын 26: Тэр 107 дахь тоглолтоо Еврогийн сонгон шалгаруулалтын тоглолтын анхны гоолыг оруулснаар эхлүүлэв. Тоглолтын эхэнд багтаа тэргүүлэл авчирсан тэрээр мөн тоглолтын сүүлд ахин нэг гоол оруулсан

Миро тоглолтоос тоглолтонд Герд Мюллэрийн амжилттай ойртсоор. Одоо зөвхөн 7 гоол оруулахад агуу Мюллэртэй мөр зэрэгцэнэ.

Хуваалцах/Тэмдэглэх

Олон улсын хөлбөмбөгийн холбооны удирдах зөвлөл ирэх 3 сар гэхэд  (IFAB) ОУХХ-ноос сонгосон тодорхой тооны технологиудыг хянаж үзээд хамгийн найдвартай гэсэн нэгийг нь сонгон цаашдаа хөлбөмбөгийн тоглолтуудад ашиглах юм байна. Блаттер “Энд Цюрихт бид 17 өөр системийг туршиж үзэж байгаа. Тэгээд хамгийн шилдэг гэсэн 4, 5 системийг удирдах зөвлөлд хүргүүлэх юм. Эцсийн шийдвэрийг тэд гаргах боловч ямар ч эргэлзээгүй шалгарсан нэг технологи тэр дороо хүлээн зөвшөөрөгдөнө гэдгийг батлах байна” гэжээ.Мөн тэрээр нэмэн

“Ер нь хөлбөмбөгийг фенүүд энэ тал дээр бидэнтэй адил бодолтой байгаа гэж би бодож байна. Тэд гоолын шугамын технологийг хүлээн зөвшөөрнө байх. Харин шүүгч нар боло зарим тоглогчид хэтэрхий хуучинсаг үзэл гаргаж энэ системийг эсэргүүцэж байгаа. Харин миний хувьд бол хэрвээ үр дүнтэй л байх юм бол зөвшөөрөхөд бэлэн байна” гэж ярьсан байна.

Блаттераас 2022 оны ДАШТ өвөл явагдаж магадгүй байгаа талаар тодруулахад “Яагаад болохгүй гэж. Хэрвээ хэдэн хувийн боломжтой гэж надаас асуух юм бол 50 хувь л гэж хариулах байна. Тэмцээнийг үзэж байгаа хөгжөөн дэмжигчидээ бодох юм бол өвлийн сард зохион байгуулсан нь арай дээр байгаа. Фенүүдийг ч гэсэн бас бодох хэрэгтэй шүү дээ.  Тэмцээнийг өвөл зохион байгуулах боломж байж байхад заавал зун хийх гээд байх нь шударга бус хэрэг” хэмээсэн.

Энэхүү өвлийн Дэлхийн аваргын тухай сэдвийн тухай дэлхийн олон хөлбөмбөгийн нөлөөтэй эрхмүүд эсэргүүцэж байгаа. Ялангуяа премьер лигийн дасгалжуулагчид өвөл дэлхийн аварга зохиох нь утгагүй хэрэг гэдгийг мэдэгдэж байгаа. Гэтэл саяхан УЕФА-гийн ерөнхийлөгч Мишель Платити Катар дангаараа ийм том хэмжээний наадам зохион байгуулахад жижигдэнэ. Тиймээс Арабын орнууд хамтран энэ ДАШТ-ийг зохион байгуулах хэрэгтэй хэмээн гал дээр тос нэмээд байгаа билээ.

Хуваалцах/Тэмдэглэх

Хуучин Аргентиний шигшээгийн дасгалжуулагч Диего Марадона Пауль наймаалжийг нас барсанд нь нэг ч дусал нулимс унагасангүй.

2010 оны Дэлхийн аваргын үеээр Пауль наймаалж Германы шигшээгийн 7 тоглолтыг яг зөв тааж, Испани Голландын финалын тоглолтын ялагчийг ч зөв тодорхойлсон билээ.

Германы шигшээ шөвгийн 8-ын тоглолтонд Аргентиний шигшээг 4:0-оор хожсон билээ, энэ нь Марадонагийн Аргентиний дасгалжуулагчийн ажилд цэг тавьсан юм, тиймээс ‘Эль Диего‘ Паулийг нас барсанд их баяртай байгаа аж.

“Би наймаалжийг нас барсанд баяртай байна, бид нарын Дэлхийн аваргаар хожигдсон нь чиний буруу,” хэмээн Мягмар гаригт хэлээд авжээ.

Хуваалцах/Тэмдэглэх

Хуваалцах/Тэмдэглэх

Тэрээр саяхан энэ бэртлээ эдгээгээд шигшээ багтайгаа хамт Евро 2012-н урьдчилсан шатны тоглолтын бэлтгэл хийж байхдаа ахиллесийн шөрмөсөө бэртээж сар гаран талбайд гарч чадахгүй боллоо гэж байсан юм.

Харамсалтай нь түүнд хийсэн хагалгаа нилээд хүнд болсон учраас ийнхүү улирал дуустал багтаа тус болж чадахгүй болсон гэнэ.
Бенаюн өнгөрсөн зун Ливерпулиэс Челсид ирсэн. Шинэ улирал эхэлснээс хойш Бена 1 гоол оруулаад амжсан. Гэхдээ тэр премьер лигийн тоглолтонд гараанд гарч амжаагүй байсан юм.

Хуваалцах/Тэмдэглэх

Харин Серхио Батиста ДАШТ-д оролцож чадаагүй хал цэрэг Занетти болон Камбьяссо нараар бүрэлдэхүүнээ хүчирхэгжүүлсэн байв. Мөн төвийн хагас хамгаалалтанд Хавьер Машерано нэгдсэнээр Испанид бөмбөг эзэмших боломжыг тэд бараг олгоогүй гэхэд болно. Эхний гоол 10 дахь минутад орлоо.

Леонел Месси зүүн жигүүрээр довтолгоонд орж Реинаг эвлэгхэн давуулж цохин тооны харьцааг нээсэн юм. Сонирхолтой нь Месси хамгийн сүүлд шигшээдээ 2009 оны 11 сард гоол оруулаад байсан бөгөөд тэр нь Испаний эсрэг байсан юм байна.
Одоо тэр шигшээдээ 14 гоолтой болло. 2 дахь гоол ч үзэгчдийг удаан хүлээлгэсэнгүй. Испаний хамгаалагчдын сиймхийгээр уралдуулсан дамжуулалтыг Тевез Игуйанд өгч Реалын бомбардир ч төгсгөл дээрээ мэдээж алдаа гаргаагүй.
Удалгүй энэ гоолын эхлэлийг тавьсан Тевес ч гоодллоо.

Реинагийн инээдтэй гэмээр алдаанаас болж Тевесд гоол оруулахад ямар нэгэн хүндрэл учраагүй бөгөөд ердөө л хаалга руу чиглүүлж цохихоос бусдыг нь Реина өөрөө бэлдээд өгчихсөн. Энэ жил Реина ер нь нэг л базаахгүй алдаанууд гаргаад байна даа.
Дэлхийн аваргууд ингээд хуурай ялагдаж болох байсан ч Фернандо Льоренте багаа энэ гутамшигтай ялагдлаас аварлаа. Гэсэн ч 89 дэх минутад Кун Агуеро багийнхаа ялалтын төгсгөлийг хийж тооны харьцааг 4 : 1 болгон холдуулсан. Тоглолтын шилдгээр Леонел Месси тодорсон бол хамгийн тааруухан тоглосон тамирчнаар Реинаг нэрлэжээ.
Диего Марадонагийн оронд дасгалжуулагч иртэл түр ажиллаж байгаа Батиста энэ ялалтын дараа ирэх жилийн Копа Америка хүртэл ажиллах эрхээ бараг авчихлаа. Одоо Аргентиний хөлбөмбөгийн холбоо түүний талаарх асуудлыг ярилцаж байгаа.

Аргентини 4 : 1 Испани
10′ Месси (Арг) , 15′ Игуайн (Арг) , 34′ Тевес (Арг) , 84′ Льоренте (Исп), 89′ Агуеро

Аргентин : Ромеро, Хайнц, Г.Милито, Демичелис, Занетти, Машерано, Камбьяссо, Банега, Тевес, Месси, Игуайн

Испани : Реина, Арбелоа, Марчена, Пике, Монреал, Чави Алонсо, Бускутс, Фабрегас, Иниеста, Силва, Вилья

Хуваалцах/Тэмдэглэх

Тэрээр цаашид “Би угаасаа Францын шигшээгийн хувцас өмсөхгүй, миний амьдралын Францын шигшээ гэдэг бүлэг дууссан, одоо зөвхөн өдөр бүр Челсигийн төлөө яаж тоглохоо л бодож байх болно. Энэ л надад хангалттай” гэсэн байна.

Хуваалцах/Тэмдэглэх

ДАШТ-ий хэсгийн Мексиктэй хийсэн тоглолтын хагас цагийн завсарлагаан дуусч 2-р үе эхлэхэд өөрийг нь сэлгэж солилцоо хийсэн дасгалжуулагч Раймон Доменекээ буруутгаж үг хаясан нь телевизийн бичлэгт үлдсэн байдаг. Доменек түүнийг байрлалаа орхиж хаа хамаагүй гүйж байна гэж шүүмжлэхэд ”Тэгээд өөрөө тоглохгүй юу, өлөгчний зулбасга минь” хэмээн хараажээ.

Энэхүү үйлдлийг нь Францын хөлбөмбөгийн холбоо шууд буруутгаж ӨАБНУ-аас хөөсөн ба түүний тухай эцсийн шийд өчигдөр гарч 18 тоглолтонд тоглох эрхийг нь хаслаа. Одоогоор 69 тоглолт шигшээдээ хийгээд байгаа түүний хувьд шигшээдээ дахиж тоглоно гэдэг тун хүнд.

Францын хөлбөмбөгийн холбоо түүнчлэн багийн ахлагч Патрис Эвраг Анелькаг өмөөрөн бусдыгаа бэлтгэл бойкот хийхэд уриалсан хэргээр 5 тоглолт, Франк Рибериг гурван тоглолт, Жереми Тулуланг нэг тоглолтоор шийтгэсэн бол Эрик Абидал шийтгэл хүлээлгүй өнгөрсөн байна.

Хуваалцах/Тэмдэглэх

SN та бүхэнд 2010 оны ДАШТ-д тааруухан тоглосон 10 тоглогчыг танилцуулсан бол энэ удаа шилдэг тоглолтыг үзүүлсэн 10 тоглогчыг танилцуулж байна.

Диего Форлан (Уругвай)

Довтлогч нар Жабулинигийн ”учрыг” олохгүй сандарч байхад Форлан хэсгийн 2 дахь тоглолтонд  бӨАБНУ-ын хаалганд алсын цохилтоос гоол оруулж тэмцээний анхны гоолоо оруулж байлаа. Улмаар тэр тоглолтдоо торгуулийн цохилтоос нэг гоол оруулж баг нь 3 : 0-ээр ялалт байгуулсан. Шөвгийн наймд Ганатай хийсэн хүнд хэцүү тоглолтонд Форлан багаа ялагдаж байхад чөлөөт цохилтоос гоол оруулж Уругвайчуудын аминд орсон. Форланы гайхамшиг үүгээр дуусаагүй бөгөөд хагас шигшээд Недерландын хаалганд мөн л алсын цохилтоос гоол оруулж тооны харьцааг тэнцүүлсэн. Ийнхүү тэрээр 1990 оны ДАШТ-аас хойш анх удаа дэлхийн аваргад 3 удаа торгуулийн талбайн гаднаас гоол оруулсан тоглогч болсон. Алдарт Лотар Маттеус энэ амжилтыг үзүүлж байсан. Харамсалтай нь баг нь Нисдэг Голландчуудад ялагдаж хүрэл медалийн төлөө өрсөлдөхөөр болсон ч Форлан тэмцээнийг нэр төртэй дуусгасан.
Германы хаалганд энэ ДАШТ-ийг чимсэн гайхалтай гоол оруулж нийт 5 гоолтойгоор мэргэн буучдын жагсаалтын тэргүүн эгнээнд бичигдэж чадсан.
Гэвч бас л хүрэл төлөөх тулаанд ялалт байгуулж чадаагүй учраас Уругвай болон Форлан эцсийн эцэст ямар ч шагналгүй тэмцээнийг дуусгахад хүрэв.
Харин ФИФА-гаас тэмцээний шилдэг тоглогчын шагналыг түүнд гардуулсан н чухамдаа нүдээ олсон шийдвэр болсон гэдэгтэй олон хүн санал нэгдэх байх. Тэмцээний турш хамгийн шилдэг тоглолтыг үзүүлсэн тоглогч гар хоосон буцна гэдэг шударга бус шүү дээ.

Томаш Мюллер (Герман)

Өдгөө 20 настай энэ залуугийн өмнө маш сайхан ирээдүй байна. Олон улсын карьераа түүн шиг сайхан эхлүүлсэн тоглогч ер нь ховорхон байх. ДАШТ эхлэхийн өмнө Мюллер шигшээ багтаа дөнгөж гуравхан тоглолтонд оролцоод байсан. Байерн Мюнхентэй хамт улирлын бүх тоглолтонд оролцсон ч гэсэн ДАШТ-д тоглоно гэдэг шигшээдээ дөнгөж багтсан залуу тоглогч байтугай хашир суусан туршлагатай нэгнийг ч сандрахад хүргэдэг.
Гэвч Мюллер гайхалтай тоглолтоороо өөрийг нь дутуу үнэлж байсан хүмүүсийн эргэлзээг алга болгож чадсан юм. Австралийг 4 : 0-ээр бутниргэхэд Мюллер нэг гоол оруулж Франц Беккенбауэрээс хойш ДАШТ-д гоолдсон хамгийн залуу Герман тоглогч болж чадсан. Улмаар шөвгийн 16-д Английн хаалганд дубль хийж Пелегаас хойш ДАШТ-ий хасагдах шатанд гоолдсон хамгийн залуу тоглогч гэсэн бас нэг гуншинг өөртөө нэмлээ. Энэ тоглолтын дараа Английн хэвлэлүүдээр ”Aнгличууд Мюллердүүллээ” гэсэн гарчигтай мэдээллийг нийтэлж байлаа. Дашрамд дуулгахад Герман хэлэнд Мюллер гэдэг нь цэвэрлэх гэсэн утгатай аж. Мюллерийн гайхалтай форм цааш үргэлжилж Аргентиний хаалганд тэмцээний 4 дэх гоолоо оруулсан боловч торгуулийн улмаас хагас шигшээд тоглох боломжоо алдсан нь харамсалтай. Харин энэ алдаагаа тэр хүрэл медалийн төлөөх тоглолтонд засаж  5 дахь гоолоо оруулж мэргэн буучдын жагсаалтын тэргүүн байранд бичигдсэн. Үүгээр ч зогсохгүй шилдэг залуу тоглогчын шагналыг давхар хүртэж шагналын хурд дарагдан эх орондоо ирсэн юм.
Тэр зөвхөн нэрээрээ ч Герд Мюллертэй төстэй байгаад зогсохгүй бүтээсэн гайхамшгаараа түүнтэй эн зэрэгцэх цаг удахгүй ирэх бизээ.

Давид Вилья (Испани)

Вилья хэдийгээр шилдэг тоглолтыг үзүүлж багийнхаа мэргэн буучаар шалгарсан ч гэсэн үүнээс илүү өндөр амжилт үзүүлэх боломж байсан. Өөрөөр хэлбэл түүний оруулсан гоолын тоо таваар дуусахгүй байж болох байсан ч мань эр өөрөө олон сайхан боломжыг алдаж ДАШТ-ий алтан шаахайгаа Мюллерт алдчихсан. Гэхдээ энэ нь түүний хийсэн гавьяаг огтхон ч бүдрэрүүлж эс чадна. Испаничуудыг аваргын цом авахад гол үүргийг гүйцэтгэсэн тоглогч болж яах аргагүй Давид Вилья. Одоо тэр шигшээ багийнхаа бүх цаг үеийн мэргэн бууч болоход ердөө ганц гоол дутуу байна. Реалын домо Раул Гонзалез 102 тоглолтонд оролцож байж 44  гоол оруулсан бол Вилья ердөө 65 тоглолтонд л 43 гоол оруулчихсан байгаа. Мэдээж хэрэг түүний гоол, оролцсон тоглолт цаашаа нэмэгдэнэ. Нэг тоглолтонд оруулсан дундаж гоолынхоо тоогоор Вилья ДАШТ-ий мэргэн бууч Роналдогоос ч илү гэсэн судалгаа гарсан байдаг.

Весли Шнайдер (Голланд)

Шнайдер энэ жилийн ФИФА-гийн оны шилдгийн шагналыг авбал би лав гайхахгүй. Яагаад гэдэг нь мэдээж тодорхой. Тэр ганцхан улирлын дотор Интерийн түлхүүр тоглогч болж чадсанаар барахгүй гурван тэмцээнд түрүүлэх боломжыг нь бүрдүүлсэн. Үүнээс гадна тэр ДАШТ -дшилдэг нь байж өнгөрсөн улиралын формоо алдалгүй  багаа финалд шалгаруулсан. Уэйн Рүүни, Роналду гээд лигийн тоглолтонд ”будаа болгож” байсан шилдэг тоглогчид ДАШТ-д юу ч хийж чадалгүй гэрийн зүг буцаж байхад харин Шнайдер огт эсрэгээрээ тоглосон.
Тэмцээний эхний тоглолтоос л Шнайдер өөрт нь найдаж байсан Голландчуудын итгэлийг хөсөрдүүлээгүй бөгөөд хэсгийн эхний 2 тоглолтын шилдгээр шалгарсан.
Нийт тэмцээний турш Шнайдер 4 удаа man of the match буюу шилдэг тоглогчоор шалгарсан байгаа. Харамсалтай нь финалын тоглолтонд Голландчууудыг аз ивээгээгүй ч Шнайдерийн шилдэг байсныг хэн ч үгүйсгэхгүй байх.
Гэртээ эргэн ирснийхээ дараа Шнайдер найз бүсгүйтэйгээр гэрлэлтээ батлуулж энэ зуны бас нэгэн аз жаргалаа нэмсэн юм.

Асамоа Гьян (Гана)

Хар тивд зохиогдсон анхны ДАШТ-д энэ тивийн багуудыг өндөр амжилт үзүүлнэ гэж таамаглаж байсан боловч Гана л ганцаараа тивийнхээ нэрийг тахалж шөвгийн 16-д үлдсэн. Харин энэ багийн онцлох тамирчныг нэрлэ гэвэл мэдээж Гьян байх нь гарцаагүй.
Тэр хэсгийн эхний тоглолтуудад тоглолтын хувь заяаг шийдсэн 2 гоол торгуулий нцохилтоос оруулж мэргэн буучдын жагсаалтанд бичигдэж эхэлсэн. Улмаар шөвгийн 16-д АНУ-тэй хийсэн тоглолтонд жинхэнэ ёсоор өөрийгөө харуулж нэмэлт цагт багтаа ялалтын гоолыг авчирсан билээ. Ганачууд Камерун, Сенегалын амжилтыг давтаж ДАШТ-ий шөвгийн наймд үлдсэн боловч тэдний тэмцээн тун харамсалтай байдлаар өндөрлөсөн гэдгийг та бүхэн мэдэж байгаа.
Уругвай – Ганын тоглолт нэмэлт цагт шийдэгдэх болж  цаг бараг дуусаж байхад Луйс Суарез бөмбөгөнд гар хүрснээр торгуулийн цохилтыг Ганачууд авлаа. Энэ цохилтыг оруулаад л цаг дуусаж ялалт талбайн эздэд ирэх ёстой байсан атал Гьян шийдвэрлэх цохилтоо алдаж гартаа ороод байсан ялалтыг хийсгэсэн билээ. Уругвайчуудын хувьд гайхамшиг гэж нэрлэж болохоор үйл явдал цааш өрнөж торгуулийн цохилтоор тэд ялалт байгуулсан. Гэхдээ Гьяаныг нутагт нь ардын баатраар хүлээн авсан нь дамжиггүй.

Икер Касильяс (Испани)

Испаний шигшээ багийн түүхийн хуудсанд Икерийн нэр алтан үсгээр бичигдэн үлдлээ. Евро 2008 тэмцээний өмнө Раул зодог тайлсан учраас ахлагчын тууз Касильясд ирсэн. Харин Икер энэ туузыг нэр төртэйгээр эзэмшиж дэлхийн хамгийн нэр хүндтэй тэмцээнд багаа ахлан түрүүлж байна. Урьд нь мөнхийн азгүй гэгддэг байсан Испаний шигшээг одоо хэн ч ингэж нэрлэж зүрхлэхгүй.
Тэмцээний турш Икер 5 тоглолтонд хаалгаа цэвэр манаж, нэг удаа торгуулин цохилт хааж (Парагвайн эсрэг), тэмцээний алтан бээлий шагналыг хүртсэн. Мөн финалын тулаанд шилдэг тоглолтоо үзүүлж Голландчуудын олон аюултай довтолгоог зогсоосон гавьяа түүнд оногдоно.
Икер Касильяс гайхалтай !

Филип Лам (Герман)

Баллакын орыг Лам гайхалтай залгаж багийн ахлагчын үүргийг нэр төртэй биелүүлж чадлаа. Лам Германы шигшээ багийн түүхэн дэх хамгийн залуу ахлагч болон үлдсэн. Дан залуучуудаас бүрдсэн Германчуудыг ийм өндөр амжилт үзүүлнэ гэхэд эргэлзэх хүмүүс цөөнгүй байсан. Харин тэд тэмцээний гол фаворитууд болох Англи, Аргентинийг бутниргэж дөрвөн жилийн өмнөх амжилтаа давтаж чадсан нь Ламын найдвартай хамгаалалттай холбоотой.
Цаашдаа ч Лам багийн ахлагчаар үргэлжлүүлэн тоглох сураг байгаа.

Бастиан Швайнштайгер (Герман)

Лам Баллакын оронд багийн ахлагчаар гайхалтай тоглосон бол Бастиан Баллакын байрлалд шилдэг тоглолтыг үзүүлсэн. Төвийн хагас хамгаалтад тэр үнэхээр шилдэг нь байж довтолгоо хамгаалалтад жигд оролцож байсныг нь үнэлэх хэрэгтэй. Ялангуяа Аргентинтэй хийсэн тулаанд 2 ашигтай дамжуулалт өгснөөс гадна Мессиг барих үүргээ маш сайн биелүүлсэн. Хүрэл медалийн төлөөх тоглолтонд Ламын оронд Швайни багийн ахлагчаар тоглож ялалт байгуулсан. Энэ тэмцээний турш тэрээр 7 тоглолтонд 3 ашигтай дамжуулалт өгч Өзил, Кака, Кюит, Мюллер нарын хамт тэргүүн эгнээнд бичигдсэн.

Чави (Испани)

Испаничуудын үзүүлсэн амжилт болгоныг гол найруулагч Чавигаас ангид авч үзэх аргагүй. Энэ тэмцээнд тэр нэг ч минут амралгүй хэсгийн шатнаас эхлээд финал хүртлэх бүхий л тоглолтонд оролцсон. Евро 2008 тэмцээнд Чави багийнхаа гол хөдөлгүүр байсан бол энэ удаад ч хэвээр. тэрээр нийт 2 гоолын дамжуулалт өгч аваргын цом хүртэх замыг зассан.

К.Хонда (Япон)

Хонда энэ ДАШТ-д 9 дугаарыг зүүж тоглосон ч нилээд хойшоо татаж хамгаалалтад тусалж байсныг дурьдах хэрэгтэй. Дасгалжуулагчынх нь энэ санаа түүнийг олон гоол оруулахад саад болсон байж мэдэх юм.  Гэхдээ л тэр энэ тэмцээнд 2 гоол оруулаад амжсан. Ялангуяа Данийн хаалганд өөрийнхөө нэрийн хуудас болсон чөлөөт цохилтыг хийж гайхалтай гоолыг оруулсан юм. Хонда Дани, Камерунтэй хийсэн хэсгийн тоглолт болон шөвгийн 16-гийн Парагвайтай хийсэн тоглолтын шилдгээр тодорч нэр төртэйгээр тэмцээнийг өндөрлүүлж чадсан.

Хуваалцах/Тэмдэглэх