"Спортын цонх" онлайн сэтгүүл - Спортод хайртай хүн бүрт зориулав! » Confederations cup 2009 http://www.sportnews.mn Спортод хайртай хүн бүрт зориулав! Mongolian sport news Fri, 30 Jul 2010 14:13:09 +0000 en hourly 1 http://wordpress.org/?v=3.0 Бразил түрүүлж, Испани хүрэл дээр буулаа http://www.sportnews.mn/2009/06/29/%d0%b1%d1%80%d0%b0%d0%b7%d0%b8%d0%bb-%d1%82%d2%af%d1%80%d2%af%d2%af%d0%bb%d0%b6-%d0%b8%d1%81%d0%bf%d0%b0%d0%bd%d0%b8-%d1%85%d2%af%d1%80%d1%8d%d0%bb-%d0%b4%d1%8d%d1%8d%d1%80-%d0%b1%d1%83%d1%83%d0%bb/ http://www.sportnews.mn/2009/06/29/%d0%b1%d1%80%d0%b0%d0%b7%d0%b8%d0%bb-%d1%82%d2%af%d1%80%d2%af%d2%af%d0%bb%d0%b6-%d0%b8%d1%81%d0%bf%d0%b0%d0%bd%d0%b8-%d1%85%d2%af%d1%80%d1%8d%d0%bb-%d0%b4%d1%8d%d1%8d%d1%80-%d0%b1%d1%83%d1%83%d0%bb/#comments Mon, 29 Jun 2009 14:12:39 +0000 Баярсайхан Г http://sportnews.mn/?p=13338 51156hp2”Тив хоорондын цом”-ын тэмцээний медалийн төлөөх тоглолтууд гайхалтай явагдаж өндөрлөлөө. Ялангуяа хүрэл медалийн төлөө тунан үлдсэн талбайн эзэн Өмнөд Африк, Европын аварга Испаний шигшээн тоглолт онцгой содон үйл явдлаар дүүрэн байсан юм. Тус тоглолтын 88 дахь минут хүртэл Өмнөд Африкчууд 1 : 0 -ээр тэргүүлж байлаа. Гэтэл Фенербахчегийн довтлогч Даниел Гуйза ердөө хоёрхон минутын дотор дубль хийж тоглолтыг орвонгоор нь эргүүлж орхисон юм. Висенте дель Боске түүнийг 57 дахь минутад Фернандо Торресийн оронд талбайд гаргасан бөгөөд Андалуз эр дасгалжуулагчийнхаа итгэлийг алдсангүй. Гэвч Гуйзагийн гоол Испаничуудад ялалт авчрах хувьгүй байжээ. Үзэгчид цэнгэлдэхийг орхин явж байсан мөч буюу 93 дахь минутад эхний гоолын эзэн Мпела чөлөөт цохилтоос гайхалтай гоолыг оруулж тооны харьцааг тэнцүүлж чадсан байна. Ингээд ялагчын хувь заяа нэмэлт цагт шийдэгдэх боллоо. Маш хүнд байдлаас гарч чадсан Өмнөд Африкчууд цаг дуустал хамгаалаад торгуулийн цохилт хийхийг хүлээж байсан ч, Ливерпулийн хагас хамгаалагч Чави Алонсо өөр зүйл бодож байжээ. Түүний 107 дахь минутад гүйцэтгэсэн чөлөөт цохилт талбайн эздэд ялагдал, харин Испаничуудад хүрэл медалийг авчирсан юм. Икер Касильяс тоглолтын дараа ”Америкчуудын эсрэг тоглоход үгүйлэгдээд байсан аз гэгч зүйл өнөөдөр бидэнд хангалттай ирлээ. Ерөнхийд нь авч үзвэл Тив хоорондын цом манай шигшээд эерэг уур амьсгалыг авчирлаа. Хэдийгээр финалд шалгарч чадаагүй ч, гайхалтай тоглолтыг үзүүлж, багаараа маш сайн нэгдэж чадсаны хүчинд бид гар хоосон буцсангүй” гэжээ. Шигшээ тоглолт ч үүнээс дутахааргүй сонирхолтой болсон. Хагас шигшээн эрчээрээ Америкийн хөвгүүд тун сайн тулалдсан бөгөөд эхний үе өндөрлөхөд тэд Бразилийг 2 : 0-ээр тэргүүлж байлаа. 10 дахь минутад Спекторын хөндлөн дамжуулалтыг Демпси хаалга руу чихсэн бол хоёр дахь гоолыг Дэвис, Донован нарын хослол дахь 27 дахь минутад оруулжээ. Гэвч алдарт ”Пентакампеон”-д зүгээр ингээд буугаад өгөхийг хүссэнгүй. Хоёрдугаар хагасаас тэдний довтолгоон илт сайжирч Ховардыг сандаргах болсон бөгөөд 46, 74 дэх минутад тэмцээний мэргэн бууч болсон Луйс Фабиано дубль хийж тооны харьцааг тэнцүүлжээ. Хожилдоо хэтэрхий итгэлтэй байсан Боб Бредлид энэ нь гэнэтийн цохилт болсон бөгөөд Борнстэйн , Клейстэн нарыг талбайд гаргасан ч үр дүнд хүрсэнгүй. Ингээд тоглолтын 84 дэх минутад Лусио ахлагч хүний үүргээ гүйцэтгэн тооны харьцааг 3 : 2 болгосноор Бразилчууд гурав дахь Тив хоорондын цомын түрүүгээ хүртлээ. Тэд өмнө нь 1997, 2005 онуудад энэ тэмцээнд магнайлж байсан юм. Шар өмсгөлтнүүдийн дасгалжуулагч Дунга энэ ялалтынхаа дараа ”Тэмцээний өмнө бид ямар нэгэн амжилтанд хүрнэ гэдэгтээ итгэлтэй байсан. Багийн сэтгэлгүй өндөр байх нь амжилтанд шууд нөлөөлдөг. Дээрээс нь манай тоглогчид бүгд гайхалтай ур чадвартай, шилдэг залуус тул түрүүлэхэд асуудал нэг их байсангүй. Өнөөдрийн тоглолтын эхлэл хүндхэн байсныг хүлээн зөвшөөрнө. Гэхдээ зөв тактик ашиглаж, багаараа хичээсний хүчинд зорилгодоо хүрч чадлаа”хэмээжээ.

Тэмцээний “Алтан бээлий” шагналыг АНУ-ын Тим Ховард хүртсэн бол шилдэг довтлогчид олгодог “Алтан шаахай”-г таван гоолын эзэн Бразилын Луис Фабиано хүртжээ. Тус бүр гурван гоол хийсэн Испанийн хослол Фернандо Торрес, Давид Вилья нар “Мөнгөн бөмбөг”, “Хүрэл бөмбөг”-ийг хүртсэн байна. Харин шилдэг тоглогчид очдог “Алтан бөмбөг”-ийн эзнээр Реалын шинэ цэрэг Кака тодорчээ. “Мөнгөн бөмбөг”-ийг түүний нутаг нэгт Луис Фабиано, “Хүрэл бөмбөг”-ийг АНУ-ын Клинт Демпси нар авцгаав.

Испани – ӨАБНУ 3:2 н.ц

Гуиза 88, 89, Хави Алонсо 107 – Мпела 73, 90+3

Испани : Касильяс, Арбелоа, Альбиол, Пике,Капдевилья, Касорл,Чаби Алонсо,Бускетс (Льоренте 81)-Риера, Вилья (Силва 57)-Торрес (Гуиза 57)

ӨАБНУ: Куне, Гакса-Бүүт-Мокоена-Масилела, Дикгасой-Сибайа, Пинаар (Мпела 64)-Модизе (ван Хеерден 69), Паркер-Цабалала (Млонго 84)

Шар хуудас: Бускетс 39, Пике 77, Альбиол 84, Льоренте 115 – Пинаар 47, Мпела 77, Масилела 108

Рустенбург хот, “Роял Бафонкенг” цэнгэлдэх, 31788 үзэгч

АНУ – Бразил 2:3

Демпси 10, Донован 27 – Луис Фабиано 46, 74, Лусио 84

АНУ : Ховард, Спектор-Оньеву-ДеМерит-Боканегра, Кларк (Кейси 88)-Фейлхабер (Борнстэйн 75), Демпси-Донован, Дэвис-Алтидор (Клейстэн 75)

Бpазил : Жулио Сезар, Майкон-Лусио-Луизао-Андре Сантос /Даниэл Алвес 66/, Рамирес (Элано 67)-Жилберто Силва-Кака-Фелипе Мело, Луис Фабиано-Робиньо

Шар хуудас: Боканегра 19 – Фелипе Мело 25, Андре Сантос 36, Лусио 70

Йоханнесбург хот, “Эллис Парк” цэнгэлдэх, 52291 үзэгч

Хуваалцах/Тэмдэглэх

]]> http://www.sportnews.mn/2009/06/29/%d0%b1%d1%80%d0%b0%d0%b7%d0%b8%d0%bb-%d1%82%d2%af%d1%80%d2%af%d2%af%d0%bb%d0%b6-%d0%b8%d1%81%d0%bf%d0%b0%d0%bd%d0%b8-%d1%85%d2%af%d1%80%d1%8d%d0%bb-%d0%b4%d1%8d%d1%8d%d1%80-%d0%b1%d1%83%d1%83%d0%bb/feed/ 15 Бразил шигшээд шалгарлаа http://www.sportnews.mn/2009/06/26/%d0%b1%d1%80%d0%b0%d0%b7%d0%b8%d0%bb-%d1%88%d0%b8%d0%b3%d1%88%d1%8d%d1%8d%d0%b4-%d1%88%d0%b0%d0%bb%d0%b3%d0%b0%d1%80%d0%bb%d0%b0%d0%b0/ http://www.sportnews.mn/2009/06/26/%d0%b1%d1%80%d0%b0%d0%b7%d0%b8%d0%bb-%d1%88%d0%b8%d0%b3%d1%88%d1%8d%d1%8d%d0%b4-%d1%88%d0%b0%d0%bb%d0%b3%d0%b0%d1%80%d0%bb%d0%b0%d0%b0/#comments Fri, 26 Jun 2009 01:23:48 +0000 Баярсайхан Г http://sportnews.mn/?p=13235 51002hp2Өмнөд Африк 0 : 1 Бразил (88′ Алвес)

Бразил- Жулио Цесар, Лусио, Майкон, Фелипе Мело, Жилберто Силва, Луйс Фабиано (92′ Клеберсон), Kaka, Робиньо, Луйсао, Андре Сантос (82′ Алвес), Рамирес.

South Africa - Куне, Гакса, Масилеле, Бүүт, Мокоена, Пиенаар (93′ Ван Херден), Дикгакой, Модисе (91′ Мфела), Млонго, Цабалала (91′ Машего), Пакер.

Кока Кола парк (Иохансбург) 48,049 үзэгч

Шар хуудас : # Фелипе Мело 31′ # , Масилела 45′ # , Андре Сантос 61′ # , Дани Алвес 88′

Талбайн эзэд Америкчуудын гавьяаг давтах дөхсөн ч цаг дуусахаас ердөө хоёрхон минутын өмнө Барсагийн хамгаалагч Дани Алвес тэдний мөрөөдлийг үгүй хийлээ. Алвесийг 88 дахь минутад чөлөөт цохилтоос гоолдох хүртэл тоглолтын хувь заяа хаашаа ч эргэж мэдэх аюултай байдалд байсан. Өмнөд Африкчууд энэ өдөр 40.000 дэмжигчдийнхээ өмнө үнэхээр гайхалтай тулалдсан ба хүчирхэг Бразилчуудыг сандаргаж чадсан. Ялангуяа ”Улаан од”-ын залуу довтлогч Бернард Паркер хэд хэдэн удаа аюултай довтолгоо гүйцэтгэж Цесарын ур чадварыг шалгаад амжсан юм. Гэхдээ түүнээс илүү багийнхаа амжилтанд нөлөөлсөн толгогч бол Пиенаар. Ур чадвараара дэлхийд гайхагддаг Бразилчуудын эсрэг тэрээр маш сайн тулалдаж, бөмбөгийг үнэхэр сайн эзэмшиж байсны дээр багийнхнаа оновчтой дамжуулалтаар хангаж байлаа. Мөн хоёр багийн хаалгач тун тусын үүргээ тун амжилттай гүйцэтгэж байсан нь тоглолтыг цөөн гоолоор өндөрлүүлэхэд нөлөөлсөн нь тодорхой. Тоглолтын турш Өмнөд Африкчууд нийт 14 цохилт гүйцэтгэсний 3 нь хаалга руу чиглэсэн бол Бразилийн 17 цохилтын 4 нь амжилттай болсон байна. Бөмбөг эзэмшилтээр Бразил 54 хувьтай илүүрхжээ. Бразилийн дасгалжуулагч Дунга энэ ялалтын дараа ‘‘Энэ тэмцээний тоглолт болгон л хүнд болж байна. Энэ удаа ч гэсэн хэцүү тоглолт боллоо. Өмнөд Африкчууд маш хурдтай, зохион байгуулалттай юм. Уг нь Маоконыг гаргахдаа довтолгоон нэмэртэй юм болов уу гэж бодсон. Гэвч тэд үнэхээр сайн хамгааллаа. Ямар ч байсан бид шигшээд үлдэж чадлаа. Одоо аваргаа хамгаалах ганцхан тоглолт бидний өмнө үлдээд байна” гэжээ. Харин Африкийн багийн лидер Пиенаар ”Ичгүүртэй явдал боллоо. Бид ингэж их хичээснийхээ хүчинд ямар нэгэн амжилтанд хүрнэ гэж бодож байсан юм. Mаш том сургамж боллоо. Манай ихэнхи тоглогчдын хувьд энэ бол анхных нь томоохон тэмцээн. Тиймээс ирэх жилийн тэмцээнд амжилттай оролцоход энэ туршлага маань их хэрэг болно байх” хэмээжээ.

Ийнхүү гурав хоногийн дараа яг энэ цэнгэлдэхдээ Бразилчууд өмнө нь цөөнгүй удаа тулж байсн Америкчуудтай аваргын төлөө тоглохоор боллоо. Харин хүрэл медалийн төлөөх Испани-Өмнөд Африкийн шигшээн тоглолт Рустенбург хотын Рояал Бафокен цэнгэлдэхэд явагдана.

Хуваалцах/Тэмдэглэх

]]> http://www.sportnews.mn/2009/06/26/%d0%b1%d1%80%d0%b0%d0%b7%d0%b8%d0%bb-%d1%88%d0%b8%d0%b3%d1%88%d1%8d%d1%8d%d0%b4-%d1%88%d0%b0%d0%bb%d0%b3%d0%b0%d1%80%d0%bb%d0%b0%d0%b0/feed/ 101 Испаний шигшээ АНУ-д хожигдлоо http://www.sportnews.mn/2009/06/25/%d0%b8%d1%81%d0%bf%d0%b0%d0%bd%d0%b8%d0%b9%d0%bd-%d1%88%d0%b8%d0%b3%d1%88%d1%8d%d1%8d-%d0%b0%d0%bd%d1%83-%d0%b4-%d1%85%d0%be%d0%b6%d0%b8%d0%b3%d0%b4%d0%bb%d0%be%d0%be/ http://www.sportnews.mn/2009/06/25/%d0%b8%d1%81%d0%bf%d0%b0%d0%bd%d0%b8%d0%b9%d0%bd-%d1%88%d0%b8%d0%b3%d1%88%d1%8d%d1%8d-%d0%b0%d0%bd%d1%83-%d0%b4-%d1%85%d0%be%d0%b6%d0%b8%d0%b3%d0%b4%d0%bb%d0%be%d0%be/#comments Thu, 25 Jun 2009 05:01:49 +0000 Хантулга Г http://sportnews.mn/?p=13201 dempsey3500624

Тив Хоорондын Цомын хагас шигшээд АНУ ын баг Испанийн багийг 2-0 ийн харьцаатайгаар хожиж Аваргын төлөө шалгарч үлдэн шуугиан тарьлаа. Түрүүчийн долоо хоногт л арайхийн хэсгээсээ шалгарч байсан Америкчуудыг энэ удаа ч гэсэн азын тэнгэр ивээж Жози Алтидор болон Клинт Дэмпси нарын гоолын ачаар энэ ертөнцийн хамгийн шилдэг багийг хожлоо.
Dempsey412g
Ийнхүү Америкийн шигшээ баг хожсоноор 1916 оноос хойш анх удаагаа ФИФА гаас зохион байгуулж олон улсын чанартай тэмцээний эрэгтэйчүүдийн төрөлд аваргын төлөө шалгарч үлдэж байгаа нь энэ юм.

27 дахь минутанд Алтидор анхны гоолыг оруулсан бол 74 дахь минутанд Дэмси эцсийн гоолыг хийснээр 2006 оны 11 сараас ганц ч хожигдол амсаагүй байсан өнөө цагийн хамгийн шилдэг Испани улсын шигшээ багийг хожсон юм.
Аваргын төлөө АНУ ын багийн эсрэг Бразил болон ӨАБНУ ийн хэн хожсон нь Ням гарагт тоглох хуваарьтай юм. Энэ удаагийн Тив Хоорондын Цомын тэмцээн нь ирэх онд ӨАБНУд зохиогдох ДАШТ ийн сорилго маягаар зохиогдсон хоёр долоо хоногийн хугацаатай тэмцээн байсан юм.

Тоглолтын дараа АНУ ийн багийн дасгалжуулагч Боб Брэдли хэлэхдээ “Шавиг өөрийнх нь тоглолтыг гаргуулахгүй сайн хамгаалж тоглох тактик маань үр дүнгээ өглөө” гэж мэдэгджээ.

Хуваалцах/Тэмдэглэх

]]> http://www.sportnews.mn/2009/06/25/%d0%b8%d1%81%d0%bf%d0%b0%d0%bd%d0%b8%d0%b9%d0%bd-%d1%88%d0%b8%d0%b3%d1%88%d1%8d%d1%8d-%d0%b0%d0%bd%d1%83-%d0%b4-%d1%85%d0%be%d0%b6%d0%b8%d0%b3%d0%b4%d0%bb%d0%be%d0%be/feed/ 57 Итали хасагдлаа http://www.sportnews.mn/2009/06/22/%d0%b8%d1%82%d0%b0%d0%bb%d0%b8-%d1%85%d0%b0%d1%81%d0%b0%d0%b3%d0%b4%d0%bb%d0%b0%d0%b0/ http://www.sportnews.mn/2009/06/22/%d0%b8%d1%82%d0%b0%d0%bb%d0%b8-%d1%85%d0%b0%d1%81%d0%b0%d0%b3%d0%b4%d0%bb%d0%b0%d0%b0/#comments Mon, 22 Jun 2009 02:02:07 +0000 Баярсайхан Г http://sportnews.mn/?p=13023 50792hp2Итали-Бразилийн шигшээн тоглолт санаанд оромгүй байдлааар өндөрлөлөө. Хэдийгээр ”Шар өмсгөлтнүүд” энэ тулааны фаворит нь байсан ч, дэлхийн аварга италичуудыг ийм өндөр тоогоор хожигдоно гэж хэн ч төсөөлөөгүй нь лавтай. Тоглолтын эхнээс л тэдний хаалгыг чиглэсэн олон аюултай довтолгоо явагдаж байсан ба тухай бүрд нь  Буффон багаа аварч байв. Харин 37 дахь минутад гүйцэтгэсэн Луйс Фабианогийн цохилтыг тэр яаж ч хичээгээд хааж чадсангүй. Түүний гоолын эхлэлийг Майкон тавьсан бөгөөд энэ гоолоос ердөө зургаахан минутын дараа ‘Севильягийн бөмбөгдөгч” дахин нэг гоол оруулснаар  Фернандо Торрес, Давид Вилья нарын хамт мэргэн буучдын жагсаалтын тэргүүн эгнээнд бичигдэж эхэлжээ. Кака, Робиньо нарын бэлдсэн гайхалтай ”амттай бэлэн хоолыг” Луйс хүртсэн нь энэ аж. Байдал явцгүй болж байгааг ухаарсан Липпи талбайд Ж.Россиг гаргаж өнгөрсөн тоглолтод харуулсан ид шидээ үзүүлнэ гэж найдсан ч тооны харьцаа ойртох нь байтугай улам холдлоо. Эхний үе өндөрлөхөөс өмнө Робиньогийн хөндлөн дамжуулалтыг Доссена ”оновчтой” цохиж тооны харьцааг 3 : 0 болгосон аж. Хоёрдугаар хагаст  хоёр баг олон аюултай довтолгоо зохион байгуулсан ч аль аль нь гоол оруулж чадалгүй байсаар цаг дуусгажээ. Ийнхүү дэлхийн аварга италичууд тэмцээнээс хасагдлаа. Учир нь тэдний араас нэхэж явсан АНУ, Египетийг 3 : 0-р буулган авсан тул  бөмбөгний зөрүүгээр ”Сэм авгын” хөвгүүд дараагийн шатанд шалгарч байгаа юм. Вильяреалын довтлогч Жузеппе Росси энэ ялагдлыг ‘гутамшиг” хэмээн нэрлэсэн бол Жижи Буффон ”Бидний хүч сул байна. Шинэ залуу тоглогчдод итгэл хүлээлгэх хэрэгтэй. Үнэнийг хэлэхэд Липпи энэ тал дээр тун хангалтгүй ажиллаж байгаа. Сүүлийн долоон сар тоглоогүй Гаттузо, форм муутай Каннаваро нартайгаар амжилтанд хүрч чадах эсэхэд би эргэлзэж л байсан” хэмээн өгүүлжээ.
Харин Лука Тони ”Ирэх жилийн ДАШТ-аас өмнө хийх зүйл их байна гэдгийг энэ ялагдал  бидэнд санууллаа. Тэмцээнээс хасагдсандаа үнэхээр харамсаж байна”  гэсэн байна. Сонирхуулахад Фабио Каннаваро шигшээ баг дахь 126 дахь тоглолтоо энэ өдөр хийж домогт Малдинигийн амжилттай зэрэгцэн очжээ. Одоо тэр дахин нэг тоглолт хийхэд л италийн шигшээд хамгийн олон тоглолт хийсэн гэсэн гуншинг зүүх болно. Ингээд эцэст нь Бразилийн дасгалжуулагч Дунгагийн сэтгэгдлээс хүргэе.

‘Би тоглогчдодоо бөмбөгөө сайн эзэмшиж тоглолтыг өөрсдийн хэмнэлд оруулахыг зөвлөсөн. Ингэж чадвал бид тэднийг дарамтанд оруулж, хожих боломжтой болно гэж тооцоолсон минь алдсангүй. Одоо ирэх тоглолтдоо анхаарлаа хандуулж, энэ баяр хөөрөө мартах хэрэгтэй. Өмнөд Африкчууд талбай дээрээ тоглож байгаа. Дэээрээс нь Сантанагаар удирдуулсан тул яавч амар өрсөлдөгч бш гэж бодож байна”

Тив хоорондын цомын хагас шигшээн тоглолтууд ирэх 24, 25-ны өдрүүдэд явагдана.

Итали 0 : 3 Бразил (37′ 43′ Луйс Фабиано, 45′ Доссена автогоол)

Итали : Буффон, Киеллини, Каннаваро, Тони (57′ Жилардино), Де Росси, Якинта (38′ Ж.Росси), Каморанези, Замбротта, Монтоливо (46′ С.Пепе)

Бразил : Жулио Сезар, Майкон, Лусио, Жуан (Луйсао), Фелипе Мело, Жилберто Силва (84′ Клеберсон), Луйс Фабиано, Кака, Робиньо, Андре Сантос, Рамирес (86′ Жосуе)

Лофтус Версфел цэнгэлдэх (Преториа) 41,195 үзэгч

Египет 0 : 3 АНУ (21′ Дэвис, 63′ Бредли, 71′ Демпси)

Египет : Аль-Хадари, Хани Саид (56′ Саид Ахмед), Аль-Мухаммади, Фатхи, Абд-Рабу,     Ахмед Эйд (50′ Ахмед Хассан), Мохаммед Шавки, Самир Фараг,     Мохаммед Абутрика, Ваэль Гомаа, Абделгхани (62′ Абугриша)

АНУ : Гузан,  Борнштейн, Оньеву, Демпси, Дэвис (82′  Кэйси), Донова, Бредли, Кларк, Демерит, Алтидор (69′ Фейлхабер), Спектор

Рояал Бафокен цэнгэлдэх (Рустенбург) 23,140 үзэгч

T/T X T Хж + - +/- оноо
Бразил 3 3 0 0 10 3 +7 9
АНУ 3 1 0 2 4 6 −2 3
Итали 3 1 0 2 3 5 −2 3
Египет 3 1 0 2 4 7 −3 3

Хуваалцах/Тэмдэглэх

]]> http://www.sportnews.mn/2009/06/22/%d0%b8%d1%82%d0%b0%d0%bb%d0%b8-%d1%85%d0%b0%d1%81%d0%b0%d0%b3%d0%b4%d0%bb%d0%b0%d0%b0/feed/ 45 Испани түүхийг шинээр бүтээв http://www.sportnews.mn/2009/06/21/%d0%b8%d1%81%d0%bf%d0%b0%d0%bd%d0%b8-%d1%82%d2%af%d2%af%d1%85%d0%b8%d0%b9%d0%b3-%d1%88%d0%b8%d0%bd%d1%8d%d1%8d%d1%80-%d0%b1%d2%af%d1%82%d1%8d%d1%8d%d0%b2/ http://www.sportnews.mn/2009/06/21/%d0%b8%d1%81%d0%bf%d0%b0%d0%bd%d0%b8-%d1%82%d2%af%d2%af%d1%85%d0%b8%d0%b9%d0%b3-%d1%88%d0%b8%d0%bd%d1%8d%d1%8d%d1%80-%d0%b1%d2%af%d1%82%d1%8d%d1%8d%d0%b2/#comments Sun, 21 Jun 2009 04:03:19 +0000 Баярсайхан Г http://sportnews.mn/?p=12982 50629hp2Тив хоорондын цомын тэмцээний А хэсгийн сүүлчийн тоглолтууд явагдлаа. Ганц ч ялагдалгүйгээр хэсгээ тэргүүлж байсан Испаничууд энэ өдөр талбайн эздийг хүлээн авсан бөгөөд Давид Вилья, Фернандо Лорентье нарын гоолоор өрсөлдөгчөө буулган авчээ. Ийнхүү тэдний ялалтын цуврал 15-д хүрч шинэ түүхийн эзэд  болж байна. Үүнээс гадна Испаничууд ялагдаагүй цувралын тоогоо 35-д хүргэж  Бразилийн 1993-1997  оны хооронд тогтоосон 45 тоглолт ялагдаагүй амжилтыг эвдэхэд нэг алхам ойртлоо. Тоглолтын турш Испаничууд талбайн эздийн хаалга руу нийт 8 удаа цохисон бол Африкчууд ердөө 2-хон удаа л Рейнаг шалгаад амжжээ. 58 : 42 гэсэн бөмбөг эзэмшилтийн хувь ч хэн нь илүү байсныг хангалттай харуулж байгаа байх. Хэрвээ Испаничууд олдсон боломжуудаа ашигласан бол тооны харьцаа үүнээс ч байх боломжтой байсан. Гэвч  африкийн багийн залуу хаалгач Куне тэдэнд ийм боломжыг олгоогүй бөгөөд тэрээр эхний үед Давид Вильягийн пеналтийг зогсоосон юм. Энэхүү ялагдал нь талбайн эздийг тэмцээнээс мулталж болох байсан ч, аз болж Ирак-Шинэ Зеландын багийн тоглолт тэнцээгээр өндөрлөснөөр тэд дараагийн шатанд шалгарлаа. Ази тивийг төлөөлөн оролцож буй Иракчуудыг үнэхээр аз ивээсэнгүй гэж хэлж болох юм. Тэд  тоглолтын турш хүч дутуу өрсөлдөгчөө илүүрхсэн ч гоол оруулж амжилгүй байсаар цаг дуусгажээ. Шинэ зеландын багийн дасгалжуулагч Рики Эрберт ”Бид өнөөдөр хамаг чадлаараа л тулалдлаа. Үүнийхээ хүчинд тэмцээний анхны оноогоо авч чадсандаа баяртай байна. Сэтгэлзүйн хувьд ч гэсэн манай тоглогчдод энэ нь маш том дэмжлэг болсон. Хэрвээ бид ганц ч оноогүй харьсан бол үнэхээр хэцүү байх байлаа” хэмээжээ.
Ийнхүү далайн орны болон ази тивийн төлөөлөл нутгийн зүг хүлгийн жолоо залж, Европын аварга, талбайн эзэд тэмцээнээ цааш үргэлжлүүлэхээр үлдлээ. Өнөө шөнө Б хэсийн шийдвэрлэх тоглолтууд явагдана. Преториа хотод Итали-Бразилийн шигшээн сонирхолтой тулаан өрнөх бол Рустенбург хотноо Египет – АНУ-н багийн тоглолт болох аж.

Испани 2 : 0 Өмнөд Африк (52′ Вилья, 72′ Лорентье)

Испани : Рейна, Албиол, Пике, Пуйоль, Вилья (60′ Павло),Чави Эрнандез, Торрес (60′ Лорентье), Фабрегас, Бускутс, Риера (81′ Казорла) Арбелоа

Өмнөд Африк : Куне, Масилела, Гакса, Мокоена, Млонго, Сибайя (83′ Машего), Пинаар, Модисе, Дикгакой, Бут, Паркер (93′ Цабалала)

Фри Стэйт цэнгэлдэх (Блоемфонтэйн)38,212 үзэгч

Ирак 0 : 0 Шинэ Зеланд

Ирак : Гассид, Али Карим, Аббас, Нашат Акрам,  Эмад Мохаммед, (56′ Абдул-Захра), Юнис Махмуд, Мулла Мохаммед (46′ Фарид Маджд), Каррар Яасим, Салам Шакир, Али Рехема, Махди Карим (67′Салих Садир)

Шинэ Зеланд : Мосс, Скотт (85′ Маллиган),  Локхед, Сигмунд (71′ Бойенс),  Вицелич, Эллиотт, Браун, Смельц, Киллен, Бертос, Броки (68′ Кристи)

Кока Кола парк (Иохансбург) 23,295 үзэгч

# баг T/T X T Хж Гоол ± Оноо
1 Испания Испани 3 3 0 0 8 − 0 +8 9
2 Южно-Африканская Республика Өмнөд Африк 3 1 1 1 2 − 2 0 4
3 Ирак Ирак 3 0 2 1 0 − 1 −1 2
4 Новая Зеландия Шинэ Зеланд 3 0 1 2 0 − 7 −7 1

Хуваалцах/Тэмдэглэх

]]> http://www.sportnews.mn/2009/06/21/%d0%b8%d1%81%d0%bf%d0%b0%d0%bd%d0%b8-%d1%82%d2%af%d2%af%d1%85%d0%b8%d0%b9%d0%b3-%d1%88%d0%b8%d0%bd%d1%8d%d1%8d%d1%80-%d0%b1%d2%af%d1%82%d1%8d%d1%8d%d0%b2/feed/ 14 Итали ”Фараон”-ы өмнө өвдөг сөхөрлөө http://www.sportnews.mn/2009/06/19/%d0%b8%d1%82%d0%b0%d0%bb%d0%b8-%d1%84%d0%b0%d1%80%d0%b0%d0%be%d0%bd-%d1%8b-%d3%a9%d0%bc%d0%bd%d3%a9-%d3%a9%d0%b2%d0%b4%d3%a9%d0%b3-%d1%81%d3%a9%d1%85%d3%a9%d1%80%d0%bb%d3%a9%d3%a9/ http://www.sportnews.mn/2009/06/19/%d0%b8%d1%82%d0%b0%d0%bb%d0%b8-%d1%84%d0%b0%d1%80%d0%b0%d0%be%d0%bd-%d1%8b-%d3%a9%d0%bc%d0%bd%d3%a9-%d3%a9%d0%b2%d0%b4%d3%a9%d0%b3-%d1%81%d3%a9%d1%85%d3%a9%d1%80%d0%bb%d3%a9%d3%a9/#comments Fri, 19 Jun 2009 04:01:53 +0000 Баярсайхан Г http://sportnews.mn/?p=12903 50279АНУ – Бразил 0:3 (Фелипе Мело 7′, Робиньо 20′, Майкон 62′)

АНУ (4-3-3): Ховард, Спектор-Оньеву-ДеМерит-Борнстэйн, Брэдли-Клейстен-Бизли /Кейси 46′/, Демпси-Алтидор /Фейлхабер 60′/-Донован

Бразил (4-4-2): Жулио Сезар, Майкон-Лусио /Луизао 70)-Миранда-Андре Сантос, Рамирес-Жилберто Силва-Кака (Жулио Баптиста 69′)-Фелипе Мело, Луис Фабиано (Нилмар 69′)-Робиньо

Шар хуудас: Оньеву 33′ (АНУ)

Улаан хуудас: Клейстен 57′ (АНУ)

Шүүгч: Массимо Бузакка (Швейцарь)

Преториа хот-“Ловтус Версфелд” цэнгэлдэх-39617 үзэгч

Сэм авгын хөлбөмбөгчид түүхэндээ нийт 13 удаа Бразилтай тулж байснаас ердөө ганцад нь л давамгайлж байжээ. Хамгийн сүүлд 2007 онд тэд  Чикаго хотдоо 4 : 2-оор бутниргүүлж байсан юм. Энэхүү түүх Өмнөд Афикт ч дахин давтагдлаа. Тоглолтын дөнгөж долоо дахь минутад Майконы дамжуулалтаар Фиорентинагийн хагас хамгаалагч Фелипе Мело мөргөж тоог нээсэн бөгөөд эхний үе дуусахад тооны харьцаа альхэдийнэ 2 : 0 болсон байлаа. 20 дахь минутад хийсэн  Робиньогийн гоолын гол буруутан нь Бизли болсон юм. Тэрбээр булангаас дамжуулсан бөмбөгийг тогтоож чадалгүй алдсанаар эсрэг багтаа сөрөг довтолгоо эхлүүлэх боломжыг олгосон аж. Хоёрдугаар үеийн дундуур Америкчууд хүн дутуу болсноор оноо авах найдвар нь тасарсан ба тоглолтын гол баатар гэж болох Майкон эцсийн цэгийг тавьж тоог 3 : 0 болгожээ. Одоо Пента-Кампеонуудыг хэсгийн хамгийн хүнд өрсөлдөгч Италийн шигшээ хүлээж байна. Энэхүү тоглолт ням гаригийн шөнө буюу 21-нд явагдах юм.

Египет 1 : 0 Итали (Хомос 40′)

Египет (5-4-1): Эссам Эль-Хадари, Ахмед Фатхи (Ахмед Хассан 80′)-Ахмед Сайд-Хани Сайд-Ваел Гомаа-Сайед Моавад (Ахмед Фараг 69′), Мохамед Абутрика-Мохамед Шавки-Хосни Абд Раббу-Мохамед Хомос, Мохамед Зидан (Ахмед Эйд 57′)

Итали (4-3-3): Буффон, Замбротта-Каннаваро-Кьеллини-Гроссо, Гаттуззо /Монтоливо 58′/-Де Росси-Пирло, Квальярелла /Пепе 64/-Якинта-Ж.Росси (Тони 58′)

Шар хуудас: Ахмед Эйд 58 (E), Эссам Эль-Хадари 90+3 (E) ,Ваел Гомаа 90+4

Шүүгч: Мартин Ханссон (Швед)

Йоханнесбург хот- “Эллис Парк” цэнгэлдэх- 52150 үзэгч

Хар тивийн ”Мохамед”-үүд анхны хожлоо авлаа. Өмнөх тоглолтонд гаргасан алдаагаа давтахгүйн тулд тэд эхнээс л ширүүн дайрсан ба үүнийхээ үр дүнг 40 дэх минутад харсан . Булангийн цохилтоос ирсэн бөмбөгийг Мохамед Солиман амжилттай мөргөж,энэ тулааны эхний бөгөөд эцсийн бөмбөгийг оруулсан бөгөөд Де Россигийн алдаанаас болж уг гоол орсон аж. Үлдсэн минутад Аззурри тоог тэнцүүлэхээр олон довтолгоон зохион байуулсан ч Эль-Хадари тухай бүрд нь хаалгаа амжилттай манасаар цаг дуусгасан юм. Ийнхүү Египетчүүд дараагийн шатанд шалгарах муугүй боломжтой болж үлдлээ.

баг T/T X T Хж О.Г А.Г +/- оноо
Бразил 2 2 0 0 7 3 +4 6
Итали 2 1 0 1 3 2 +1 3
Египет 2 1 0 1 4 4 0 3
АНУ 2 0 0 2 1 6 −5 0

Хуваалцах/Тэмдэглэх

]]> http://www.sportnews.mn/2009/06/19/%d0%b8%d1%82%d0%b0%d0%bb%d0%b8-%d1%84%d0%b0%d1%80%d0%b0%d0%be%d0%bd-%d1%8b-%d3%a9%d0%bc%d0%bd%d3%a9-%d3%a9%d0%b2%d0%b4%d3%a9%d0%b3-%d1%81%d3%a9%d1%85%d3%a9%d1%80%d0%bb%d3%a9%d3%a9/feed/ 17 “Ялагдашгүй Армада” ялагдашгүй http://www.sportnews.mn/2009/06/18/%d1%8f%d0%bb%d0%b0%d0%b3%d0%b4%d0%b0%d1%88%d0%b3%d2%af%d0%b9-%d0%b0%d1%80%d0%bc%d0%b0%d0%b4%d0%b0-%d1%8f%d0%bb%d0%b0%d0%b3%d0%b4%d0%b0%d1%88%d0%b3%d2%af%d0%b9/ http://www.sportnews.mn/2009/06/18/%d1%8f%d0%bb%d0%b0%d0%b3%d0%b4%d0%b0%d1%88%d0%b3%d2%af%d0%b9-%d0%b0%d1%80%d0%bc%d0%b0%d0%b4%d0%b0-%d1%8f%d0%bb%d0%b0%d0%b3%d0%b4%d0%b0%d1%88%d0%b3%d2%af%d0%b9/#comments Thu, 18 Jun 2009 02:58:41 +0000 Баярсайхан Г http://sportnews.mn/?p=12851 50215Испани 1 : 0 Ирак (55′ Давид Вилья)

Испани: Касильяс, Рамос, Марчена, Пике, Капдевила, Казорла (67′ Силва), Хави Алонсо, Чави (82′ Бускуетс), Мата, Вилья (73′ Гуйза), Торрес

Ирак : Гассид, Али Карим, Аббас, Мажид, Акрам, Мулла Мохаммед (69′ Каррар Ясим), Шакир, Рехема, Захра (80′ Юнис Махмуд), Саи (60′ Махди Карим), Муаяд Халид

Шар хуудас : # Аббас(Ирак) 29′
# , Хави Алонсо (Испани) 38′
# , Марчена (Испани) 53′

Испаний шигшээн ялалтын цуврал үргэлжилсээр. Тэд өнгөрсөн шөнө ”Тив хоорондын цом”-ын хэсгийн хоёр дахь тоглолтоо Азийн аварга Иракийн эсрэг хийсэн бөгөөд Давид Вильягийн 55 дахь минутад  оруулсан гоолын ачаар өрсөлдөгчөөө буулган авчээ. Ийнхүү тэдний дараалсан ялалтын тоо 14-т хүрч байна. Өмнө нь ийм амжилтанд Франц, Бразилийн шигшээ багууд хүрч байсан бөгөөд ”Ялагдашгүй Армадачууд” дахин ганц ялалт авахад л түүхийг шинээр бичих аж. Мөн тэдний дэлхийн аваргаас хойш үргэлжилж байгаа ялагдаагүй цуврал ч нэгээр арвижиж 35-д хүрч байгаа юм.
Иракчууд уг тоглолтонд анхнаасаа сайн хамгаалж, тэнцээгээр өндөрлөхийг зорьж байсан нь харагдсан. Тэд тоглолтын турш ердөө ганцхан цохилт хаалга руу чиглүүлсэн бол Испани 6 удаа Моссыг туршаад амжжээ. Бөмбөг эзэмшилт ч энэ тоглолтонд хэн нь илүү байсныг хангалттай харуулна. Испани 60 % – 40 % Ирак.

Өмнөд Африк 2 : 0 Шинэ Зеланд (21′ 52′ Паркер)

Өмнөд Африк : Куне, Гакса, Масилела, Мокоена, Пинаар, Сибайя, Сибайя, Дикгакой, Бут, Паркер (81′ 81′ Цхабалала), Фантени (62′ Машега)

Шинэ Зеланд : Мосс, Локхед, Вицелич, Эллиотт, Браун (55′ Аугтон), Смельц, Килле (75′ Вүүд), Бертос (66′ Жеймс), Кристи, Маллиган, Бойенс
Талбайн эзэд эхний ялалтаа авлаа. Сербийн алдарт Црвена Звезда багт хүчин зүтгэдэг Бернард Паркер тэдэнд ялалтыг авчирсан бөгөөд энэ ялалтынхаа ачаар Африкчууд 4 оноотой болж Испаний араас нэхэж эхэллээ. Энэ тэмцээний хамгийн сул баг гэгдэж буй Шинэ Зеландчууд тоглолтын турш ганц удаа хаалга руу цохисон бол хариуг нь талбайн эзэд 10-ийг илгээсэн байх юм. Булангийн цохилт , бөмбөг эзэмшилт, отон тоглолт гээд бүх талаараа илүүрхсэн Өмнөд Африкчууд хэрвээ боломжоо бүрэн ашигласан бол үүнээс ч олон гоолоор ялж болох байсан.

Өнөөдөр Б хэсгийн тоглолтууд явагдана. 22 цагаас АНУ Бразилийн шигшээтэй тулах бол шөнийн 02.30 минутаас Египет-Италийн шигшэээн тоглолт Кока Кола Парк цэнгэлдэхэд явагдах аж.

баг T/T X T Хж О.Г А.Г +/- оноо
Испани 2 2 0 0 6 0 +6 6
Өмнөд Африк 2 1 1 0 2 0 +2 4
Ирак 2 0 1 1 0 1 −1 1
Шинэ Зеланд 2 0 0 2 0 7 −7 0

Хуваалцах/Тэмдэглэх

]]> http://www.sportnews.mn/2009/06/18/%d1%8f%d0%bb%d0%b0%d0%b3%d0%b4%d0%b0%d1%88%d0%b3%d2%af%d0%b9-%d0%b0%d1%80%d0%bc%d0%b0%d0%b4%d0%b0-%d1%8f%d0%bb%d0%b0%d0%b3%d0%b4%d0%b0%d1%88%d0%b3%d2%af%d0%b9/feed/ 12 Итали, Бразил эхний хожлоо авлаа http://www.sportnews.mn/2009/06/16/%d0%b8%d1%82%d0%b0%d0%bb%d0%b8-%d0%b1%d1%80%d0%b0%d0%b7%d0%b8%d0%bb-%d1%8d%d1%85%d0%bd%d0%b8%d0%b9-%d1%85%d0%be%d0%b6%d0%bb%d0%be%d0%be-%d0%b0%d0%b2%d0%bb%d0%b0%d0%b0/ http://www.sportnews.mn/2009/06/16/%d0%b8%d1%82%d0%b0%d0%bb%d0%b8-%d0%b1%d1%80%d0%b0%d0%b7%d0%b8%d0%bb-%d1%8d%d1%85%d0%bd%d0%b8%d0%b9-%d1%85%d0%be%d0%b6%d0%bb%d0%be%d0%be-%d0%b0%d0%b2%d0%bb%d0%b0%d0%b0/#comments Tue, 16 Jun 2009 06:30:51 +0000 Баярсайхан Г http://sportnews.mn/?p=12801 50515hp2Өмнөд Африкт үргэлжилж байгаа ”Тив хоорондын цом”-ын тэмцээний Б хэсгийн эхний тоглолтууд өчигдөр явагдаж өндөрлөлөө. Бразилийн пента-кампеонууд эхний тоглолтоо Египетийн эсрэг хийсэн ба цаг дуусахтай зэрэгцэн гүйцэтгэсэн Какагийн пеналтийн ачаар өрсөлдөгчөө буулган авчээ. Гол довтлогч Амр Заки нь бэртлийн улмаас тэмцээнийг өнжсөн ч Египетчүүд энэ өдөр тун гайхалтай тулалдаж, шар өмсгөлтнүүдийг бүдрүүлэх тун дөхсөн юм. Ялангуяа Боруссиа Дортмунд багийн довтлогч Мохамед Зиданы од гийж  хоёр ч гоолоор Цезарын хаалгыг мялаагаад амжсан ба харамсалтай нь түүний оруулсан гоолууд багтаа ялалт авчирахад хангалтгүй байжээ. Тооны харьцаа 3 : 3 байсан эгзэгтэй мөчид сэлгээгээр орж ирсэн Аль-Мухаммади бөмбөгөнд гар хүрсэнэээр багаа ”булшилсан”. Английн шүүгч Ховард Уэбб түүнийг улаан хуудсаар шагнаж, эсрэг багт нь торгуулийн цохилт өгснөөр ялагчийн хувь заяа тодорхой болсон юм.

Бразил 4 : 3 Египет (5′ 90′ Кака, 12′ Луйс Фабиано, 37′ Жуан), (9′ 55′ Зидан, 54′ Шавки)

Бразил : Жулио Цесар, Лусио,Жуан, Фелипе Мело, Клебер (83′ Андре Сантос) Элано (62′ Рамирес), Жилберто Силва, Луйс Фабиано, Кака, Робиньо (62′ Пато), Даниел Алвес

Египтет : Аль-Хадари, Ахмед Сайд, Хани Сайд, Ахмед Фатьи, Абд-Рабу (75′ Аль-Мухаммади), Мохамед Зидан, Мохамед Шавки, Саод Моавад, Ахмед Хассан (51′ Ахмед Эйд), Ваэль Гомаа, Мохаммед Абутрика

50523hp2Дэлхийн аварга Италичуудад ч ялалт тийм амар ирсэнгүй. Премьер лигийн туршлагатай тоглогчдоор хүч нэмсэн Сэм Авгынхан тэдэнд хүчтэй эсэргүүцэл үзүүлсэн ба эхний үеийг 1 : 0-ээр хошуучилжээ. 33 дахь минутаас арвуулаа үлдсэн Америкчууд хамгаалаад тооны харьцааг хэвээр нь үлдээх бодолтой байсан ч Италийн Россинууд тэдний төлөвлөгөөг тасалдуулсан юм . 58 дахь минутад сэлгээгээр орж ирсэн Жузеппе Росси гайхалтай цохилтоор тоог тэнцүүлсэн бол, түүнээс дутахааргүй мэргэн гэдгээ Де Росси 72 дахь минутад харуулж 35 орчим яардаас Ховардын хаалгыг мялаажээ. Ингээд цаг дуусахтай зэрэгцэн Жузеппе дахин нэг гоол оруулснаар Азурри эхний ялалтаа итгэл төгс авлаа. Марчело Липпи тоглолтын дараа ”Россиг гараанд гаргаагүй нь түүний ур чадварт эргэлзсэн хэрэг огт бус. Энэ бол тактик. Түүнд илүү ихийг хийж бүтээх нас, цаг хугацаа, бас авьяас байгаа. Үүнийгээ ч өнөөдөр хангалттай харуулсан байх” гэжээ.

АНУ 1 : 3 Итали (41′ Донован), (58′, 90+4 Ж.Росси, 72′ Де Росси)

АНУ : Тим Ховард, Борнштейн (86 Кльестан), Оньеву, Демпси, Донован, Брэдли, Кларк, Демерит, Алтидор (66 Дэвис), Спектор, Фейлхабер (72 Бизли)

Итали : Буффон, Гроссо, Чиеллини, Легротальи, Гаттузо (57′ Жузеппе Росси), Де Росси, Жилардино (69′ Лука Тони), Якуйнта, Каморанези (57′ Монтоливо),Замбротта, Пирло

Энэ хэсгийн дараагийн тоглолтууд 18нд АНУ-Бразил, Египет-Италийн тулаанаар үргэлжилнэ. Харин А хэсгийн Испани-Ирак, Өмнөд Африк-Шинэ Зеландын шигшээ тоглолтууд өмнөх өдөр нь буюу 17-нд болох аж.

Хуваалцах/Тэмдэглэх

]]> http://www.sportnews.mn/2009/06/16/%d0%b8%d1%82%d0%b0%d0%bb%d0%b8-%d0%b1%d1%80%d0%b0%d0%b7%d0%b8%d0%bb-%d1%8d%d1%85%d0%bd%d0%b8%d0%b9-%d1%85%d0%be%d0%b6%d0%bb%d0%be%d0%be-%d0%b0%d0%b2%d0%bb%d0%b0%d0%b0/feed/ 37 Фабрегас догдолж байна http://www.sportnews.mn/2009/06/14/%d1%84%d0%b0%d0%b1%d1%80%d0%b5%d0%b3%d0%b0%d1%81-%d0%b4%d0%be%d0%b3%d0%b4%d0%be%d0%bb%d0%b6-%d0%b1%d0%b0%d0%b9%d0%bd%d0%b0/ http://www.sportnews.mn/2009/06/14/%d1%84%d0%b0%d0%b1%d1%80%d0%b5%d0%b3%d0%b0%d1%81-%d0%b4%d0%be%d0%b3%d0%b4%d0%be%d0%bb%d0%b6-%d0%b1%d0%b0%d0%b9%d0%bd%d0%b0/#comments Sun, 14 Jun 2009 07:00:57 +0000 Цолмонбаатар П http://sportnews.mn/?p=12709 Хожигдол гэдгийг мартаад удаж байгаа Испаний шигшээ баг өнөө орой Шинэ Зеландын багтай Тив хоорондын цомын анхны тоглолтоо хийнэ.

281818_33_preview

Европын сүүлийн аваргууд хүчирхэг бүрэлдэхүүнтэй Өмнөд Африкт очсон бөгөөд Арсеналын хагас хамгаалагч Сеск Фарбегас гарааны бүрэлдэхүүнд гарах бололтой. Фабрегас өнгөрсөн Европын аваргаар нөөц тоглогчоор тоглосон, түүний тоглох боломжтой 2 байрлалд Барсагийн супер дуо Чави, Иньеста нар тоглож байлаа.

Харин энэ тэмцээнд Андрьес Иньеста гэмтлийн улмаас тоглохгүй юм. Фабрегас оройны тоглолтыг хүлээж ч  чадахгүй байгаа гэнэ. Тэрээр “Би бэлтгэл дээр маш сайн байсан, Шинэ Зеландын эсрэг сайн тоглолт гаргана гэдэгтээ итгэлтэй байгаа” гэжээ. Мөн тэрээр “2 жил хагасын өмнө би шигшээдээ дебютээ хийж байснаас хойш гарааны байрлал олоход их хэцүү байв. Одоо ч энэ хэцүү хэвээрээ байгаа, гэхдээ би өөрийн хйих ёстой бүхнээ хийнэ…Иньеста гэмтсэн нь тоогү хэрэг боловч бусад тоглогчдод боломж олгож байна. Би дасгалжуулагчийн дуудлагыг хүлээж авахад бэлэн байна…Шинэ Зеланд хүчтэй, зохион байгуулалт сайтай баг. Бичлэг үзэхэд тэнд сайн тоглогчид байгаа нь харагдсан. Бид сайн тоглож байж тэднийг буулгаж авна ” гэв.

Мөн Тив хоорондын цомын сүүлийн мэдээллээс хүргэхэд Италийн шигшээ багийн ахлагч Фабио Каннаваро хэсгийн эхний АНУ-ын эсрэг хийх тоглолтонд оролцох боломжгүй болжээ.

Каннаварогийн хөлийн булчин гэмтэлтэй байгаа аж. Италийн багийн эмч Энрико Кастеллаччи түүнийг Даваа гаригийн тоглолтонд оролцох хэрэггүй гэсэн юм байна.

Хуваалцах/Тэмдэглэх

]]> http://www.sportnews.mn/2009/06/14/%d1%84%d0%b0%d0%b1%d1%80%d0%b5%d0%b3%d0%b0%d1%81-%d0%b4%d0%be%d0%b3%d0%b4%d0%be%d0%bb%d0%b6-%d0%b1%d0%b0%d0%b9%d0%bd%d0%b0/feed/ 21 ”Тив хоорондын цом 2009” http://www.sportnews.mn/2009/06/12/%d1%82%d0%b8%d0%b2-%d1%85%d0%be%d0%be%d1%80%d0%be%d0%bd%d0%b4%d1%8b%d0%bd-%d1%86%d0%be%d0%bc-2009/ http://www.sportnews.mn/2009/06/12/%d1%82%d0%b8%d0%b2-%d1%85%d0%be%d0%be%d1%80%d0%be%d0%bd%d0%b4%d1%8b%d0%bd-%d1%86%d0%be%d0%bc-2009/#comments Fri, 12 Jun 2009 12:32:51 +0000 Баярсайхан Г http://sportnews.mn/?p=12586

confed2009logoХөгшин тивийн лигүүд ихэнх нь амралтаа авсан тул фанатууд бидний хувьд уйтгартай гурван сар эхэлж байна. Гэхдээ мэдээж хэрэг солилцоо наймааны сонин содон мэдээллүүд, шигшээ багуудын нөхөрсөг тоглолтууд болон тун удахгүй эхлэх Тив хоорондын цомын тэмцээн бидэнд зуныг зугаатай өнгөрөөхөд туслах нь лавтай. Энд бид та бүхэнд ирэх ням гаригт Өмнөд Африкийн Иоханбург хотноо хөшгөө нээх 8 дахь удаагийн ”Confederations Cup”-ийн тухай мэдээллийг хүргэх гэж байна. Тив тивийнхээ аваргад магнайлсан хүчирхэг зургаан шигшээгээс гадна зохион байгуулагч Өмнөд Африк, 2006 оны Дэлхийн аварга Итали гэсэн найман орон энэ тэмцээнд тоосоо өргөж байгаа ба 14 өдрийн турш хөлбөмбөгийн ногоон талбайд ”цусгүй тулаан” өрнүүлж шилдэгээ тодруулахаар юм. Багууд дөрөв дөрвөөрөө хоёр хэсэгт хуваагдөж өрсөлдөх ба хэсгээ тэргүүлсэн хоёр баг хагас шигшээд шалгарч, нөгөө хэсгийн багуудтайгаа тэмцэлдэх аж.

Холбооны цомын түүхээс

1992, 1995 онуудад Саудын Арабт зохиогддог байсан King Fahd Cup хэмээх тэмцээн өнөөгийн ”Тив хоорондын цом ”-ын эхлэл болжээ. Тухайн үед Саудын Араб болон зарим тивийн аврагууд уг тэмцээнд оролцдог байсан ба 1997 онд ФИФА-гаас шийдвэр гаргаж нэрийг нь ”Confederations Cup” хэмээн өөрчилсөн юм. 2005 оноос тэмцээнийг дөрвөн жил тутамд, Дэлхийн аваргын өмнө зохиогддог болгосон. ”Тив хоорондын цом”’ бүрийн өмнө ямар нэгэн шигшээ оролцохгүй хэмээн хэл ам таталсаар ирсэн түүх бий. 1997 онд Герман оролцохоос татгалзаж оронд нь Чех өрсөлдөж байсан бол 1999 онд дэлхийн аварга Францын оронд мөнгө медаль хүртсэн Бразил оролцож байсан байна. 2003 оны ”Тив хоорондын цом”-д Германчууд мөн л оролцохоос татгалзаж Турк оронд нь явж байсан юм. Харин тэмцээнийг дөрвөн жил тутам зохиодог болсоноос хойш ийм асуудал гарахаа больсон гэдэг.

Тэмцээний ялагчид

King Fahd Cup

он З/Б орон Шигшээ Хүрэл медалийн төлөө
Ялагч
1992 Саудын Араб Flag of Argentina
Аргентин 		3–1 Flag of Saudi Arabia
Саудын Араб		 Flag of the United States
АНУ		 5–2 Flag of Côte d'Ivoire
Кот’д Ивиор
1995 Саудын Араб Flag of Denmark
Дани 		2–0 Flag of Argentina
Аргентин		 Flag of Mexico
Мексик		 1–1
(5–4 p.k.)		 Flag of Nigeria
Нигер

Confederations Cup

он З/Б орон Шигшээ Хүрэл медалийн төлөө
Ялагч
1997

 Саудын Араб Flag of Brazil
Бразил 		6–0 Flag of Australia
Австрали		 Flag of the Czech Republic
Чех		 1–0 Flag of Uruguay
Уругвай
1999

 Мексик Flag of Mexico
Мексик		 4–3 Flag of Brazil
Brazil		 Flag of the United States
АНУ		 2–0 Flag of Saudi Arabia
Саудын Араб
2001

 Япон/Солонгос
 Flag of France
France		 1–0 Flag of Japan
Япон		 Flag of Australia
Австрали		 1–0 Flag of Brazil
Бразил
2003

 Франц Flag of France
France		 1–0 (алтан гоол) Flag of Cameroon
Камерун		 Flag of Turkey
Турк		 2–1 Flag of Colombia
Колумби
2005

 Герман Flag of Brazil
Бразил 		4–1 Flag of Argentina
Аргентин		 Flag of Germany
Герман		 4–3 (a.e.t.) Flag of Mexico
Мексик

А хэсэг

1. Өмнөд Африк

2. Ирак

3. Шинэ Зеланд

4. Испани

Тоглолтын хуваарь

2009.6.14 Өмнөд Африк - Ирак
2009.6.14 Шинэ Зеланд - Испани
2009.6.17 Испани - Ирак
2009.6.17 Өмнөд Африк - Шинэ Зеланд
2009.6.20
Ирак
- Шинэ Зеланд
2009.6.20 Испани - Өмнөд Африк

Дэлхийн чансааны тэргүүн байранд 10 сарын турш заларч байгаа Ялагдашгүй Армадачууд энэ хэсгийн маргаангүй лидер нь. Виценте Дель Боске ажлаа spain_euroхүлээж авснаасаа хойш ялагдал гээчийг мэдрээгүй яваа нь ч тэднийг түрүүлнэ хэмээн бооцоо тавигчдыг улам олшруулж байна. ДАШТ-ийн сорилгын 5-р хэсэгт багтсан тэд одоогоор ганц ч ялагдалгүй 18 оноотой хэсгээ тэргүүлж байгаа ба үлдэн дөрвөн тоглолтоосоо хоёр хожил авахад л Хар тивийг зорих эрхээ халаасална. Бүрэлдэхүүний хувьд Андрес Иниеста, Маркос Сенна нар бэртлийн улмаас тэмцээнийг өнжиж байгаа тул тэднийг Пабло Эрнандез, Серхио Бускетсээр орлуулжээ. Бусад шилдэг тоглогчид нь бүгд дуудагдсан байгаа. Сонирхуулахад энэ тэмцээн Испаний шигшээн оролцож буй анхны ”Тив хоорондын цом” болж байгаа аж.

Хэсгийн бусад багуудын тухайд

Хоёр жилийн өмнө гайхамшгийг бүтээн Азийн цомын эзнээр тодорсон Иракийн шигшээ өдгөө тун тааруухан амжилттай яваа. Дөрвөн сарын эхээр тэд дасгалжуулагчаа сольж Серби Мэргэжилтэн Бора Милутиновичээр удирдуулах болсон ч ДАШТ-н сонгон шалгаруулалтыг давж чадаагүйгээр барахгүй сүүлд хийсэн хэд хэдэн нөхөрсөг тоглолтдоо ялагдал хүлээжээ. Бүрэлдэхүүний хувьд ихэнхи нь нутагтаа тоглодог залуу тоглогчид учраас туршлага дутах нь лавтай. Харин зохион байгуулагч Өмнөд Африкийн хувьд тэднээс хэд хэдэн давуу талаараа ялгарч байна. Нэгдүгээрт өөрийн талбай дээрээ тоглож байгаа. Ямар ч багийн хувьд хөгжөөн дэмжигчдийнхээ өмнө, талбай дээрээ тоглоно гэдэг маш том давуу тал болдог. Мөн Блакбөрн, Евертон, Рубин, Панатинайкос, Арминиа зэрэг европын багуудад чамгүй олон төлөөлөлтэй учир бүрэлдэхүүний хувьд ч илүү гэж хэлж болно. Иймээс хоёроор гарах багаар ихэнхи мэргэжилтнүүд тэднийг нэрлэж байна. Иракийн хувьд өмнө нь Тив хоорондын цомд оролцож байгаагүй бол Өмнөд Африк 1997 онд Уругвай, Чехийн багуудтай нэг хэсэгт орж ”хомоол хамж” байжээ. Эцэст Шинэ Зеландын шигшээг танилцуулья. Австралийн шигшээг Азийн бүс рүү шилжсэнээс хойш тэд Далайн орнууд дундаа аргагүй л ”доминантлаж” байгаа. Дэлхийн аваргын сонгон шалгаруулалтаа толгой өвтгөлгүй давсан тэд плей-фф шатанд Азийн бүсийн 5-р байранд орсон багтай халз тоглож байж эрхээ өвөртлөх юм. Селтик, Уэст Бромвич болон Америкийн хэд хэдэн багт төлөөлөлтэй. Гэхдээ багийн лидерээрээ нутгийнхаа Финикс багт хүчин зүтгэдэг Тим Брауныг нэрлэж буй. Шинэ Зеландын шигшээн оргил амжилт нь 1982 онд тохиосон. Испанид зохиогдсон дэлхийн аваргад тэд Шотланд, Бразил, ЗХУ-ийн хүчирхэг багуудтай нэг хэсэгт орсон ба харамсалтай нь ганц ч оноо авч чадаагүй юм.

Б хэсэг

1.АНУ

2. Итали

3. Бразил

4. Египет

2009.6.15 Бразил v Египет
2009.6.15 АНУ v Итали
2009.6.18 АНУ v Бразил
2009.6.18 Египет v Итали
2009.6.21 Итали v Бразил
2009.6.21 Египет v АНУ

brazil-celebrating-2Мэдээж хэрэг гол өрсөлдөөн 2006 оны дэлхийн аварга Скуадра Аззурра, 2007 оны Копа Америка тэмцээний ялагч Бразилийн хооронд өрнөх нь тодорхой. Алдарт шар өмсгөлтнүүдийн хувьд сүүлийн үед нилээд өнгөтэй байгаа. ДАШТ-ий урьдчилсан шатанд КОМНЕБОЛ бүсийнхээ лидерээр бичигдэж байгаа тэд сүүлийн 3 тоглолтдоо 9 гоолоор өрсөлдөгчийнхөө хаалгыг мялааж ганцхан бөмбөгийг хаалгандаа алдсан үзүүлэлттэй байна. Үүнээс гадна Бразилийн шигшээд ”Тив хоорондын цом ”-ын арвин туршлага бий. Анх 1997 онд энэ тэмцээнд түрүүлснээсээ хойш тэд ганц ч удаа ”Confederations Cup”-г алгасч байгаагүй ба 2005 онд Аргентинийг 4 : 1-ээр бутниргэж хоёр дахь удаагаа түрүүлсэн билээ. Бүрэлдэхүүний хувьд Дунга нилээд олон оддыг орхисон байна. Тухайлбал бэртэлтэй байгаа Манчестрийн залуу тоглогч Андерсон, Челсигийн Алекс Кошта, саяхан Ювентус шилжсэн Диего болон Роналдиньо, Адриано нарыг тэрбээр Өмнөд Африк руу авч явсангүй. Харин Миранда, Рамирес, Андре Сантос гэсэн шинэ тоглогчдыг бүрэлдэхүүндээ багтаажээ.

Италийн шигшээ баг - Азурри ДАШТ-ий сонгон шалгаруулалтад харьцангуй сул хэсэгт багтсан ч бусдыгаа илүүрхэж чадахгүй л байна. Тэд одоогоор 14 оноотой хэсгээ тэргүүлж байгаа ба ардаа яваа Ирландаас ганцхан оноогоор тусгаарлагдаж байгаа юм. Магадгүй тэдний ирээдүй 9 сард болох Гүрж, Болгартай хийх тоглолтоос шийдэгдэнэ байх. Марчело Липпи улиралын турш форм сайтай байсан Катаньянгийн Маскара, Паззини, Фогья нарыг үлдээж хүнд бэртлээс дөнгөж эргэж ирсэн Гаттузо, 18 настай Интерийн Сантон нарыг бүрэлдэхүүндээ багтаасан нь сонирхол татаж байна. Италичууд анх удаа ”Тив хоорондын цом ”-д оролцох гэж байгаа нь энэ юм.

АНУ – Костра Рикад бутниргүүлснийг эс тооцвол КОНКАКАФ бүсдээ дажгүй амжилттай яваа. Сүүлд Донованы гоолын ачаар Гондурасыг буулган авсан ба 10 оноотой болж хэсгийн 2-р байранд бичигдэж байна. Дараагийн өрсөлдөгчид нь Эль Салвадор, Тринидад Тобаго байх тул хүссэн хожлоо авч чадна байх. Английн Евертон, Францын Реннээс өгсүүлээд Стандарт, Торонто, Бенфика, Пачука гээд газар газар тоглодог олон легионертэй ч багийн лидер Лэндон Донован хэвээр байна. Шигшээнхээ бүх цаг үеийн мэргэн бууч тэрбээр дэлхийн аваргын урдчилсан шатанд нийт 4 гоол оруулаад байгаа. Мөн Фулхэмийн довтлогч Демпсэй ч түүний адил үзүүлэлттэй яваа юм.

Египет : 1999 онд Францад болсон ”Тив хоорондын цом’-д Египетчүүд анх оролцож байсан. Тухайн үед Саудын Арабт бутниргүүлж Боливи, Мексиктэй тэнцсэн үзүүлэлтэйгээр тэмцээнийг орхиж байсан бөгөөд энэ удаа тэр түүхээ давтахгүйг хүсэж байгаа нь лавтай. Гэвч Дэлхийн аваргын сонгон шалгаруулалтад үзүүлж буй тааруухан тоглолт нь тэдэнд итгэгсдийг улам цөөрүүлж байна.

Алжир, Замби, Руандатай нэг хэсэгт орсон тэд ганц тэнцээтэйгээр хэсгийнхээ хомоолыг хамж байгаа юм. Египетчүүдийн гол найдвар мэдээж энэ улиралын нээлт Амр Заки дээр төвлөрч байгаа нь тодорхой. Мөн Мохамед Зидан, Мохамед Шавки, Аль Хадари гэсэн шилдэг тоглогчдыг ч мартаж болохгүй.

Хуваалцах/Тэмдэглэх

]]> http://www.sportnews.mn/2009/06/12/%d1%82%d0%b8%d0%b2-%d1%85%d0%be%d0%be%d1%80%d0%be%d0%bd%d0%b4%d1%8b%d0%bd-%d1%86%d0%be%d0%bc-2009/feed/ 15