Хөлбөмбөгийн фенүүд нөгөө багийн фенүүдээ ангуучилж, айж сандарсан тоглогчид талбайг орхих аймшигт дүр зураг өчигдөр “Port Said” стадионд болж өнгөрөв.  Египетийн нийслэл  Кайрогоос 200 километрийн өмнө зүгт орших Суэцын сувгийн боомт хотын  “Port Said” стадионд явагдсан “Аl-Masri “болон “Аl-Ahly”   багуудын тоглолт 3:1 харьцаатай өндөрлөсөний дараа хожигдсон баг буюу “Аl-Masri “-гийн хөгжөөн дэмжигчид талбайд дайран орж үймээн дэгдээсэнээс 70 гаруй хүн амь үрэгдэж,  олон хүн гэмтэл авсан эмгэнэлтэй явдал боллоо. FIFA –гийн   ерөнхийлөгч Зепп Блатер  үүнийг “ Хөлбөмбөгийн хар өдөр” хэмээн онцлов.

Port Said хотын  стадионд тоглолт дууссан даруй “Аl-Masri”- гийн  фенүүд Кайро хотын багийн хөгжөөн дэмжигчдийн зүг гартаа таарсан бүхнээрээ зэвсэглэн  довтолжээ. Үүний уршгаар одоогоор 74 хүн амь үрэгдсэн гэх боловч гэмтэл авсан олон хүн байгаа бөгөөд энэ тоо цаашид өсөх хандлагатай байгаа гэнэ. “Аl-Ahly”   багийн тоглогчид болон багийн гишүүд стадионы хамгаалалтын албаныхан,  3000 гаруй цагдаагийн ажилтан танхайрагчдын эсрэг ямар ч арга хэмжээ авалгүй өөгшүүлсэн хэмээн буруутгаж байна. Тэдний мэдэгдэж буйгаар энэхүү халдлага нь улстөрийн өшөө авах зорилготой зохион байгуулалттай арга хэмжээ байсан гэж үзэж байна. Учир нь хохирогчдын ихэнхи нь “Аl-Ahly”   багийн үнэнч хөгжөөн дэмжигч “Ultra” бүлгийн гишүүд аж. Өнгөрсөн жил Кайрогийн “Tahrir” –ийн талбайд болсон  Египетийн хувьсгалын тэргүүн шугамд “Аl-Ahly”  багийн “Ultra” бүлэг хамгийн идвэхтэй оролцож Хосни Мубаракийн дэглэмийг түлхэн унагахад чухал үүрэг гүйцэтгэж байжээ. Port Said  хотоос сонгогдсон египетийн парламентийн гишүүн  Albadry Farghali-гийн хэлсэнээр улсын удирдлагууд болон хүчний байгууллага нь  аймшигт явдал болохыг зүгээр хараад өнгөрсөн нь зориудаар  үүнийг хийсэн гэж үзэж байна.  Мубарак үгүй болсон ч түүний дэглэмийн хүмүүс  албан тушаалаа хашсаар байгаад  хамаг учир оршиж байна хэмээн шүүмжилжээ.
Аймшигт  мэдээ   улс даяар  маш хурдан тархсан. Тийм учраас үймээн дэгдэхээс сэргийлж бусад бүх хөлбөмбөгийн тоглолтуудыг цуцалжээ. Кайрогийн стадионд  2:2 харьцаатай  явагдаж байсан “Zamalek” болон  “Ismailia” багуудын тоглолтыг мөн зогсоожээ. Энэ явдал нь египетэд дахин улстөрийн тогтворгүй байдлыг үүсгэх нь гарцаагүй болоод байна. Нэг талаас Мубаракийн дэглэмийг унагаасан ардчилсан үзэлтнүүд нөгөө талаас Мубаракаас төрийн эрхийг гардаж авсан цэргийн хүчний тэмцэл ширүүсэх төлөвтэй.

Хөлбөмбөгийн стадионуудад болсон аймшигтай ослууд

1985 оны 5 сард Бельгийн Брюссель хотод Европын цомын шувтаргын тоглолтонд  Ливерпуль болон Ювентус Турин багууд тоглолтын үеэр английн фенүүдийн өдөөсөн үймээнээс үүдэж  39 хүн амь үрэгдэж, 400 гаруй хүн гэмтжээ. Хохирогчдын ихэнхи нь буюу 32 нь италичууд байсан байна.

1988 онд Катманду хотод Непал-Бангладеш улсын хөлбөмбөгийн тоглолтын үеэр хүчтэй мөндөр орсоноос  эмх замбраагүй байдал үүсэж 93 хүн амиа алджээ. Стадионы гарах гарц хаалттай байсан нь аймшигт осол гарах гол шалтгаан болсон.

1989 оны дөрөвдүгээр сард  Hillsborough стадионд  Ливерпуль -Nottingham Forest багуудын цомын хагас шигшээгийн тоглолтын үеэр үймээн дэгдэж 200 гаруй хүн гэмтэж, 95 хүний амь хохирсон байна.

1991 оны нэгдүгээр сард өмнөд Африкийн  Orkney хотод болсон хөлбөмбөгийн нөхөрсөг тоглолтын үеэр хоёр багийн хөгжөөн дэмжигчдийн тэмцэл хурцдаж,  үүний улмаас 42 хүн амь үрэгджээ.

1994 оны аравдугаар сард Guatemala стадионд Гватемала болон Коста –Рика багуудын хооронд явагдсан дэлхийн аваргын урдчилсан шатны тоглолтын үеэр дэгдсэн эмх замбраагүй байдлаас болж  84 хүн дарагдаж  амиа алдсан байна.

2001 оны дөрөвдүгээр сард  өмнөд Африкийн  Ellis-Park-Stadion-д үүссэн  үймээнээс 43 хүн амь үрэгджээ.

Хуваалцах/Тэмдэглэх

2011 оны шилдэг гоолын эзэн Сантосын довтлогч   Нэймарын    Фламенго багийн хаалганд оруулсан гоолын видео.  Энэ төрөлд Руни болон Месси нар бас өрсөлдсөн билээ.

Хуваалцах/Тэмдэглэх

Зико өөрийн ихэнхи тоглолтоо Flamengo Rio de Janeiro багт өнгөрүүлж, 509 гоол оруулсан амжилтаар багийн түүхэнд шилдэг мэргэн бууч болсон юм.  Тэрээр саяхан уг багийн дасгалжуулагчын ажлаа хүлээлгэн өгчээ.

Иракийн шигшээг дасгалжуулж байсан Герман дасгалжуулагч Вольфганг Зидка  Иракчуудтай  гэрээгээ сунгаагүй учир шинэ дасгалжуулагчыг хайх болжээ.

Хуваалцах/Тэмдэглэх

7-р сарын 30 буюу бямба гарагт 2014 оны Бразилд болох ДАШТ-ны урьдчилсан шатны сугалаа Рио-Де-Жаниеро хотод боллоо

Тив хоорондын нэмэлт эрхийн төлөө
Азийн бүс – Өмнөд Америкийн бүс
Умард, Төв Америк болон Карибын бүс – Далайн бүс

Африкийн бүсийн оноолт (…../….. – Багууд хоорондоо нэмэлт хоёр тоглолт хийж хожсон нь хэсэгт багтана)
А хэсэг: Өмнөд Африк, Ботсвана, Төв Африкийн БНУ, Сомаоли/Этоип
B хэсэг: Тунис, Капе Верде арлууд, Сиерра Лион, Экваторын Гвиней/Мадагаскар
C хэсэг: Коте д’Ивуар, Морокко, Гамби, Чад/Танзани
D хэсэг: Гана, Замби, Судан, Лесото/Бурунди
E хэсэг: Буркина Фасо, Габон, Нигр, Сао Томе и Принципе/Конго
F хэсэг: Нигери, Малави, Сейшеллэс/Кени, Жибути/Намиб
G хэсэг: Египет, Гвиней, Зимбабве, Коморос/Мозамбик
H хэсэг: Алжир, Мали, Бенин, Эритрей/Руанда
I хэсэг: Камерун, Ливи, Гвиней Биссау/Того, Свазиланд/Ардчилсан Конго
J хэсэг: Сенегал, Уганда, Ангола, Мауритиус/Либери

Африкийн бүсээс ДАШТ-нд 5 баг оролцоно. Зөвхөн хэсгээ тэргүүлсэн 10 баг цааш шалгарч хоёр, хоёроор хоорондоо тоглож эрхээ авна.

Азийн бүс
A хэсэг: Хятад, Йордан, Ирак, Сингапур
B хэсэг: Өмнөд Солонгос, Кувейт, АНЭУ, Ливан
C хэсэг: Япон, Узбекистан, Сири, Умард Солонгос
D хэсэг: Австрали, Сауди Араб, Оман, Тайланд
E хэсэг: Иран, Катар, Бахрейн, Индонез

Азийн бүсээс 4,5 баг эрх авах  боломжтой. Энэ нь 4 баг шууд эрх авах ба өөр нэг баг нэмэлт тоглолт хийж эрх авах боломжтой.

Эдгээр 5 хэсгээс тэргүүн 2 баг нь цааш шалгарна. Нийт 10 баг тав таваараа хоёр хэсэгт хуваагдана. Мөн хэсгээ тэргүүлсэн хоёр баг шууд ДАШТ-нд орох ба A,B хэсгийн гуравдугаар байрны багууд хоорондоо тоглоно.

Умард, Төв Америк ба Карибын бүс (2-р шат)
A хэсэг: Эл Салвадор, Суринам, Кейманы Арлууд, Доминиканы БНУ
B хэсэг: Тринидад Тобаго, Гуяана, Барбадос, Бермуда
C хэсэг: Панама, Доминика, Никарагуа, Бахамын арал
D хэсэг: Канад, Сейнт Киттс ба Невис, Пуэрто Рико, Сейнт Луйс
E хэсэг: Гренада, Гуатемала, Сейнт Винсент ба Грениденис, Белиз
F хэсэг: Хайти, Антигуа ба Барбуда, Куракао, АНУ-ын Виржини Арлууд

Умард, Төв Америк ба Карибын бүс (3-р шат)
A хэсэг: АНУ, Ямайк, E хэсгийн ялагч, F хэсгийн ялагч
B хэсэг: Мексик, Коста Рика, A хэсгийн ялагч, B хэсгийн ялагч
C хэсэг: Хондурас, Куба, D хэсгийн ялагч, C хэсгийн ялагч

Энэ бүс 3,5 эрхтэй. Хэсгээ тэргүүлсэн 3 баг шууд ДАШТ-нд оролцож хэсэгтээ удаалсан 3 баг Умард, Төв Америк болон Карибын бүсийн 4-р байрын төлөө тоглоно. Шалгарсан баг нь Далайн бүсийн тэргүүн багтай тоглоно.

Далайн бүс
A хэсэг: Вануату, Шинэ Каледон, Америкийн Самоа/Күүкийн Арлууд/Самоа/Тонга, Тахити
B хэсэг: Фижи, Шинэ Зиланд, Соломоны Арлууд, Папуа Шинэ Гвиней

Далайн бүс 0,5 эрхтэй. Эдгээр хоёр хэсгийн тэргүүлэгчид хоорондоо тоглож ялсан баг нь Умард, Төв Америк ба Карибын бүсийн 4-р байранд орсон багтай нэмэлт эрхийн төлөө хүчээ үзнэ.

Европын бүс
A хэсэг: Хорват, Серби, Бельги, Шотланд, Македон, Уэльс
B хэсэг: Итали, Дани, Чех, Болгар, Армян, Мальт.
C хэсэг: Герман, Швед, Ирланд, Австри, Фарерийн Арлууд, Казакстан.
D хэсэг: Нидерланд, Турк, Унгар, Румын, Эстони, Андорра.
E хэсэг: Норвеги, Словени, Швейцарь, Албани, Кипр, Исланд.
F хэсэг: Португал, ОХУ, Израел, Умард Ирланд, Азербайжан, Люксембург
G хэсэг: Грек, Словак, Босни Герцеговин, Литва, Латви, Лихтенштейн
H хэсэг: Англи, Черногор, Украйн, Польш, Молдав, Сан Марино
I хэсэг: Испани, Франц, Беларус, Гүрж, Финлянд

Европын бүс 13 эрхтэй. Хэсгээ тэргүүлсэн 9 баг шууд ДАШТ-нд орж A-H хэсгийн 2-р байранд орсон багууд хоорондоо үлдсэн 4 эрхийн төлөө тоглоно.

Хуваалцах/Тэмдэглэх

Харин Английн спортын сайд Хью Робертсон “Ийм зүйл болсонд сэтгэд дундуур байна. Гэхдээ яая гэхэв. Блаттер амлалтаа биелүүлж шинэчлэл хийнэ гэж итгэж байхаас. Энэ байгууллагын нэр хүнд одоо газарт унаад байна. Тийм болохоор аль болох хурдан дахин сэргээж, өөрчлөлт хийх хэрэгтэй байгаа. ОУХХ бол хөлбөмбөгийн гэр бүл гэж тэд хэлсэн. Үүнд Английн хөлбөмбөгийн холбоо ч багтах байх. Цаашид бидний харилцаа сайжирна гэж итгэж байна” гэлээ.

Блаттер 1998 онд Жоао Авеланжын халааг авч  ОУХХ-ны удирдагч болсон. Түүнээс хойш 13 дахь жилдээ дэлхийн хамгийн хүчирхэг байгууллагуудын нэгийг удирдаж байна.

Хуваалцах/Тэмдэглэх

Жек Уорнер болон Бен Хаммам

Бен Хаммамыг 5 сарын дундуур зохион байгуулсан уулзалтын үеэр Карибын тэнгисийн орнуудын ХХ-ны удирдлагуудад хахууль өгсөн хэмээн буруутгасан.  Бүр өгсөн дугтуйтай мөнгийг нь гэрэл зургаар баталгаажуулсан учраас Бен Хаммам гарах гарцгүй болсон юм.

Гэхдээ Катар эрхэм энэ бүхнийг өөрийг нь ерөнхийлөгчийн сонгуульд оролцуулахгүйн тулд хийж байгаа зохион байгуулалттай хуйвалдаан хэмээж нэр төрийг нь сэргээх хүртэл тэмцэнэ хэмээн мэдэгдсэн.Улмаар ерөнхийлөгчийн сонгуулиас нэрээ татсан юм. Тэрээр  Сепп Блаттер өөрийнх нь өгсөн гээд байгаа “бэлэг”-ний талаар мэдэж байсан  хэмээн хариу цохилт хийсэн. Гэвч Блаттер нэрээ цэвэр авч үлдэж чадсан тул ямар нэгэн шийтгэл хүлээгээгүй.

Хямрал аа, ямар хямрал ?

Гэхдээ даваа гаригт хийсэн хэвлэлийн бага хурлын үеэр Блаттер өөрийнхөө нэр хүндийг багагүй унагасан тухай нэр хүндтэй  хэвлэлүүд бичиж байна. Тэрээр сүүлийн үед болж байгаа үйл явдлын талаар аль болох ярихгүй байхыг хичээж, өөрийнхөө байр суурийг хамгаалах маягаар хэвлэлийн бага хуралд оролцсон.

Сэтгүүлчид түүнээс Бен Хаммам болон авилгалын талаар асуухад энэ бол ОУХХ-ны дотоод асуудал, бид одоохондоо дотроо энэ бүхнийг шийдэж чадах хангалттай хүчтэй байгаа хэмээн мэдэгдсэн. Мөн сэтгүүлчдийн зарим асуултанд хариулаагүй бөгөөд хурлыг эрт орхин гарсан юм.

“Магадгүй та өөрөө ОУХХ-ны асуудал болоод байгаа юм биш үү. Яг одоо энэ холбоо хямралд орчихоод байгаа нь үнэн биз дээ” хэмээн асуухад Блаттер “Хямрал аа, ямар хямрал яриад байна. Хөлбөмбөгт ямар ч хямрал нүүрлээгүй байна. Сая явагдсан Аваргуудын лигийн финал сайхан л болсон шүү дээ. Яахав манай холбоонд бага зэргийн асуудал тулгарсан нь үнэн. Гэхдээ бид дотроо үүнийг зохицуулж чадна” хэмээсэн юм.

Тэрээр голчлон Английн хөлбөмбөгийн холбоо болон Лорд Трьесманы мэдүүлсэн гомдлын талаар ярилаа. Английн хөлбөмбөгийн холбоо өнгөрсөн 12 сард явагдсан 2018 болон 2022 оны ДАШТ-ий эрх олгох үйл ажиллагааг булхайтай явагдсан гэж маргалдсаар байгаа. Бүр ОУХХ-ны удирдах зөвлөлийн хэд хэдэн гишүүд санал худалдаж болох тухай асуусныг ч илчилсэн. Жек Уорнерийг “бан”-дсан нь ч үүнтэй нэг талаараа холбоотой.

Бүр цаашилвал 2022 оны Катарын ДАШТ-ий асуудал ч эргээд сөхөгдөх бололтой. Жек Уорнер ОУХХ-ны нарийн бичгийн дарга Жером Валкегээс Бен Хаммамыг ерөнхийлөгчийн сонгуульд өрсөлдөх боломжтой эсэх талаар байр суурийг нь e-mail-ээр асуухад тэрээр “Яагаад Бен Хаммам сонгуульд нэр дэвшсэнийг ойлгох юм алга. Магадгүй тэр ДАШТ-ийг худалдаж авсан шигээ (2022) ОУХХ-г бас худалдаж авч чадна гэж бодсон байх” хэмээн хариу илгээсэн байв.

Үүнийг нь Жек Уорнер олон нийтэд зарлаж бас нэгэн дуулиан дэгдээд байгаа. Катарын хөлбөмбөгийн холбоо ч дуугүй байсангүй. Бид шударгаар өрсөлдөж ДАШТ-ий эрхийг авсан. Бидний тавьсан санал бусад орнуудынхаас илүү байсан учраас ялалт байгуулсан. Тиймээс дахин бидний нэр хүндэд халдахгүй байхыг хүсэж байна хэмээн мэдэгдсэн.

Энэ бүхэн яаж дуусахыг дэлхийн нийт чих тавин хүлээж байна. Ямартай ч маргааш ОУХХ-ны ерөнхийлөгчийн сонгууль ном журмын дагуу явагдана.

Хуваалцах/Тэмдэглэх

Ням гарагт Зеп Блаттер  болон Мохамед бин Хамам мөн FIFA – гийн гурван өндөр албан тушаалтанууд байцаагдана.

Ирэх Лхагва гарагт  ерөнхийлөгчийн сонгууль болох эсэх  нь олон хүнд  эргэлзээтэй санагдаж байна.

Хуваалцах/Тэмдэглэх

Тэдний араас өнгөрсөн дэлхийн аваргын мөнгөн медальт Недерландын “Улбар шар”-ууд 1702 оноотой удаалж байна. Германы шигшээ -100 алдаж нэг байр ухарснаар 4-т бичигдэж эхэлсэн бол алдарт “Шар өмсгөлтнүүд” Бразил хоёр байр ахиж 3-т орж ирлээ. Тэд 14 оноо нэмж  1425 оноотой болжээ.Харин Аргентинчууд эхний 32 байранд бичигдсэн багуудаас хамгийн их буюу -136 оноо алдаж 1276 оноотой болсноор 5-р байр луу ухарчээ.

Азийн бүсийн “Challenge cup” тэмцээний урьдчилсан шатанд Филиппинийг талбайдаа ялсан ч нийлбэр дүнгээр дараагийн шатанд үлдэж чадаагүй манай улсын шигшээ дөрвөн байр ахиж 179-т эрэмбэлэгдэж байна. Манайхан 21 оноо нэмж нийт 53 оноотой болжээ. Бидний урд Ливан 55 оноотой, ард Мавритани 45 оноотой бичигдэх аж.

Манай Азийн орнуудаас хамгийн өндөр чансаатай Японы шигшээ хоёр байр ахиж 13-т бичигдэж эхэллээ. Дээгүүр байгаа орнуудаас Израйль  томоохон тэсрэлт хийж  25 байр ахиж 33-т бичигдэх боллоо. Мөн “Улаан чөтгөрүүд” тэдэнтэй адил 25-аар үсэрч 37-д орж ирлээ. Дараагийн чансаа таван сарын 18-нд зарлагдах юм.

Хуваалцах/Тэмдэглэх

2011.3.15 Зав Зав (баруун) Блаттерийн хамт

Мьянмарын сөрөг хүчний төлөөлөгчид өнгөрсөн долоо хоногт тус улсад зочилсон FIFA-гийн ерөнхийлөгч Сепп  ерөнхий нарийн бичгийн дарга Жером Валккег шүүмжилж байна. Мьянмарын хөлбөмбөгийн холбооны урилгаар хоёр өдрийн айлчлал хийхдээ Блаттер Мандалай хот дахь FIFA-гийн санхүүжилтээр үйл ажиллагаагаа явуулдаг хөлбөмбөгийн академиар орж Бирмийн ерөнхий сайд Тейн Сейнтэй уулзаж ярилцсан юм.

FIFA  тус улсын хөлбөмбөгийн холбоонд жил 250,000 ам.долларын тусламж үзүүлдэг бөгөөд үүнийг нь сөрөг хүчин эсэргүүцэж байгаа аж. Мьянмарын хөлбөмбөгийн холбооны (МХБХ) ерөнхийлөгч Зав Зав нь тус улсын хунтын засгийн газрын тэргүүн генерал Тан Швен бизнесийн хамтрагчаар ажилладаг. Тан Швен нь Швейцарийн засгийн газрын хар дансанд орсон дарангуйлагч бөгөөд Европын холбооны орнууд ,АНУ-д түүний зорчих эрх, ямар нэгэн санхүүгийн гүйлгээ хийх эрхийг хаасан байдаг гэнэ. Зав Зав ч мөн түүний араас орж мэдэх сурагтай.

Бирмийн Ардчилсан намын төлөөлөгч, парламентийн гишүүн  Кун Мин Тун энэ талаар “Зав Заваар тэргүүтэй манай хөлбөмбөгийн холбоонд мөнгөөр туслах нь цаад утгаараа генерал (Тан Швен) болон түүний хамсаатнуудын авилгалын системийг өөгшүүлж байгаа хэрэг” хэмээжээ.

Кун Мин Тунгийн  хамтран зүтгэгч Брим дэх улс төрийн хоригдлуудын эрхийг хамгаалах холбооны тэргүүлэгчдийн нэг Бо Кью мөн энэ талаар санаа зовж байна. “Энэ спортыг нэр хүндийг  төр засаг өөрсдийнхөө тархи угаах үйл ажиллагаанд ашиглаж байна. Блаттерийн айлчлал ч гэсэн цаагуураа үүнтэй холбоотой” хэмээн Бо Кью ярилаа.

Их Британий эрэн сурвалжлагч сэтгүүлч Эндрьв Женнингс утсаар мэдээлэл өгөхдөө “Блаттерийн Зав  Зав болон Бирмийн засгийн эрх баригчдад тал засаж байгаа нь сүртэй хэрэг биш. Ирэх зургаан сард явагдах FIFA-гийн  сонгуульд дэмжлэг хэрэгтэй учраас л Блаттер Азийн орнуудаар айлчлал хийж байгаа юм” хэмээлээ. Гол өрсөлдөгч нь (Бен Хаммам) Азийн хөлбөмбөгийн холбооноос нэр дэвшиж байгаа болохоор “Шар тив”-ийн орнуудын саналыг өөртөө татах гэсэн энэ оролдого нь ямар ч үн дүнгүй гэж Женнингс мөн ярилаа.

Энэ сэтгүүлчийн бичсэн  “Алдаа – ФИФА-гийн далд ертөнц : Хээл хахууль, санал худалдах, тасалбарын маргаан” гэсэн гарчигтай ном   томоохон шуугиан дэгдээж байсна юм.

“Блаттер дахин сонгогдохийн тулд юу ч хийхэд бэлэн байгаа. Түүний “байгууллага” зохион байгуулалттай хахуулиас болж хүнд байдалд ороод байна.  1999 онд л гэхэд Блаттер  Либерийн дарангуйлагч Чарльз Тэйлортай уулзаж холбоо тогтоож байсан бөгөөд өдгөө  Тэйлор Недерландын Гаага хотод Сьерра-Леоне -Либерит   дайны гэмт хэрэг өдүүлсэн хэргээр хоригдож байна.

Швэйцарийн засгийн газрын хянан шалгах хорооны орлогч захирал Томас Графаас FIFA болон тус улсын иргэн Сепп Блаттерийн явуулж байгаа үйл ажиллагааг  шалгах эсэх талаар тодрууллаа. Мөн Блаттерийн хамтрагч Зав Завт хориг тавьж болох эсэх тодруулахад

“Бид  Мьянмарын  хөлбөмбөгийн холбооны тэргүүн Зав зав болон түүний эхнэрийн явуулж байгаа санхүүгийн үйл ажиллагааг шалган хориг тавихаар бэлдэж байгаа. Хөлбөмбөгийн холбоо  Зав Завын хувийн өмч биш. Тийм болохоор манай хориг Мьянмарын хөлбөмбөгийн холбоонд ямар нэгэн нөлөө үзүүлэхгүй байх ёстой”

Хөлбмбөгийн холбоонд энэ хориг хамаарахгүй ч гэсэн  Зав Завын эзэмшдэг “Max Myanmar” барилгын компани FIFA-гийн шугамаар орж ирсэн 400,000 ам долларыг ашиглан Мандалайн хөлбөмбөгийн академийн барилгын ажлыг хариуцаж хийсэн шүү дээ.

Бо Кью “Швэйцарийн засгийн газар FIFA, Мяньмарын хөлбөмбөгийн холбоотой ямар холбоотой ажилладгийг шалгах хэрэгтэй байгааа юм. Төрийн эрх баригчдын гар хөл болсон Зав Зав энэ холбоог тэргүүлж байгаа болохоор ямар нэгэн далд үйл ажиллагаа явагдаж л байгаа ”
Эх сурвалжуудын мэдээлж байгаагаар Зав Завын Бирм дэх бизнесийн үйл ажиллагаа Генерал  Тан Швентэй салшгүй холбоотой байдаг аж.

Хуваалцах/Тэмдэглэх

Al-Rayyan цэнгэлдэх

2022 онд Катарт хөлбөмбөгийн ДАШТ үзэхээр зочилсон фанатууд хиймэл үүлний сүүдэрт сэрүүцэн, тав тухтай тоглолт үзэх гэнэ. Катарын эрдэмтэд үүнийг бололцоотой гэж үзэж байгаа бөгөөд судалгааны ажил тун урагштай явж байгаа аж. Тус улсын Их сургуулийн эрдэмтэд тоглолт явагдах цэнгэлдэх болон бэлтгэлийн талбайг нарнаас бүрэн халхалж чадах хиймэл үүл зохион бүтээж байгаа юм байна. Үүл бүр нь 500,000 ам.долларын өртгөөр бүтээгдэх гэнэ. Катарын их сургуулийн механик, үйлдвэрлэлийн сургуулийн захирал Сауд Абдил Гани энэ талаар “Үүлийг 100 хувь хөнгөн нүүрстөрөгчийн хийгээр бүтээж байгаа. Мөн дөрвөн нарны эрчим хүчээр ажилладаг хөдөлгүүртэй. Түүнийг нь алсын удирдлагаар хянаж болно. Үүл хэдий хэрийн өндөрт хөөрч чадахыг одоогоор тодорхой судлаагүй байна. Гэхдээ нарны гэрлийг хангалттай халхалж чадах байх” гэжээ.

Өнгөрсөн оны 12 сард Катарыг 2022 оны ДАШТ-ий зохион байгуулагчаар зарласны дараа олон шүүмжлэл гарч ирсэн. Ялангуяа зундаа цельсийн нэмэх 50 хэм хүрдэг энэ оронд хөлбөмбөгийн их баяр наадмыг зохион байгуулах нь бүтэшгүй хэрэг хэмээж шүүмжилж байсан юм. Үүний дараа ФИФА-гийн ерөнхийлөгч Сепп Блаттер тэмцээнийг өвөл зохион байгуулах талаар санал гаргасан ч дэмжигдээгүй. Азийн хөлбөмбөгийн холбоо ч үүнийг баталж тэмцээн зун болдгоороо болно хэмээн зарласан билээ.  2022 оноос өмнө 2018 оны ДАШТ манай хойд хөрш ОХУ-д болно.

Хуваалцах/Тэмдэглэх