Хөлбөмбөгийн фенүүд нөгөө багийн фенүүдээ ангуучилж, айж сандарсан тоглогчид талбайг орхих аймшигт дүр зураг өчигдөр “Port Said” стадионд болж өнгөрөв.  Египетийн нийслэл  Кайрогоос 200 километрийн өмнө зүгт орших Суэцын сувгийн боомт хотын  “Port Said” стадионд явагдсан “Аl-Masri “болон “Аl-Ahly”   багуудын тоглолт 3:1 харьцаатай өндөрлөсөний дараа хожигдсон баг буюу “Аl-Masri “-гийн хөгжөөн дэмжигчид талбайд дайран орж үймээн дэгдээсэнээс 70 гаруй хүн амь үрэгдэж,  олон хүн гэмтэл авсан эмгэнэлтэй явдал боллоо. FIFA –гийн   ерөнхийлөгч Зепп Блатер  үүнийг “ Хөлбөмбөгийн хар өдөр” хэмээн онцлов.

Port Said хотын  стадионд тоглолт дууссан даруй “Аl-Masri”- гийн  фенүүд Кайро хотын багийн хөгжөөн дэмжигчдийн зүг гартаа таарсан бүхнээрээ зэвсэглэн  довтолжээ. Үүний уршгаар одоогоор 74 хүн амь үрэгдсэн гэх боловч гэмтэл авсан олон хүн байгаа бөгөөд энэ тоо цаашид өсөх хандлагатай байгаа гэнэ. “Аl-Ahly”   багийн тоглогчид болон багийн гишүүд стадионы хамгаалалтын албаныхан,  3000 гаруй цагдаагийн ажилтан танхайрагчдын эсрэг ямар ч арга хэмжээ авалгүй өөгшүүлсэн хэмээн буруутгаж байна. Тэдний мэдэгдэж буйгаар энэхүү халдлага нь улстөрийн өшөө авах зорилготой зохион байгуулалттай арга хэмжээ байсан гэж үзэж байна. Учир нь хохирогчдын ихэнхи нь “Аl-Ahly”   багийн үнэнч хөгжөөн дэмжигч “Ultra” бүлгийн гишүүд аж. Өнгөрсөн жил Кайрогийн “Tahrir” –ийн талбайд болсон  Египетийн хувьсгалын тэргүүн шугамд “Аl-Ahly”  багийн “Ultra” бүлэг хамгийн идвэхтэй оролцож Хосни Мубаракийн дэглэмийг түлхэн унагахад чухал үүрэг гүйцэтгэж байжээ. Port Said  хотоос сонгогдсон египетийн парламентийн гишүүн  Albadry Farghali-гийн хэлсэнээр улсын удирдлагууд болон хүчний байгууллага нь  аймшигт явдал болохыг зүгээр хараад өнгөрсөн нь зориудаар  үүнийг хийсэн гэж үзэж байна.  Мубарак үгүй болсон ч түүний дэглэмийн хүмүүс  албан тушаалаа хашсаар байгаад  хамаг учир оршиж байна хэмээн шүүмжилжээ.
Аймшигт  мэдээ   улс даяар  маш хурдан тархсан. Тийм учраас үймээн дэгдэхээс сэргийлж бусад бүх хөлбөмбөгийн тоглолтуудыг цуцалжээ. Кайрогийн стадионд  2:2 харьцаатай  явагдаж байсан “Zamalek” болон  “Ismailia” багуудын тоглолтыг мөн зогсоожээ. Энэ явдал нь египетэд дахин улстөрийн тогтворгүй байдлыг үүсгэх нь гарцаагүй болоод байна. Нэг талаас Мубаракийн дэглэмийг унагаасан ардчилсан үзэлтнүүд нөгөө талаас Мубаракаас төрийн эрхийг гардаж авсан цэргийн хүчний тэмцэл ширүүсэх төлөвтэй.

Хөлбөмбөгийн стадионуудад болсон аймшигтай ослууд

1985 оны 5 сард Бельгийн Брюссель хотод Европын цомын шувтаргын тоглолтонд  Ливерпуль болон Ювентус Турин багууд тоглолтын үеэр английн фенүүдийн өдөөсөн үймээнээс үүдэж  39 хүн амь үрэгдэж, 400 гаруй хүн гэмтжээ. Хохирогчдын ихэнхи нь буюу 32 нь италичууд байсан байна.

1988 онд Катманду хотод Непал-Бангладеш улсын хөлбөмбөгийн тоглолтын үеэр хүчтэй мөндөр орсоноос  эмх замбраагүй байдал үүсэж 93 хүн амиа алджээ. Стадионы гарах гарц хаалттай байсан нь аймшигт осол гарах гол шалтгаан болсон.

1989 оны дөрөвдүгээр сард  Hillsborough стадионд  Ливерпуль -Nottingham Forest багуудын цомын хагас шигшээгийн тоглолтын үеэр үймээн дэгдэж 200 гаруй хүн гэмтэж, 95 хүний амь хохирсон байна.

1991 оны нэгдүгээр сард өмнөд Африкийн  Orkney хотод болсон хөлбөмбөгийн нөхөрсөг тоглолтын үеэр хоёр багийн хөгжөөн дэмжигчдийн тэмцэл хурцдаж,  үүний улмаас 42 хүн амь үрэгджээ.

1994 оны аравдугаар сард Guatemala стадионд Гватемала болон Коста –Рика багуудын хооронд явагдсан дэлхийн аваргын урдчилсан шатны тоглолтын үеэр дэгдсэн эмх замбраагүй байдлаас болж  84 хүн дарагдаж  амиа алдсан байна.

2001 оны дөрөвдүгээр сард  өмнөд Африкийн  Ellis-Park-Stadion-д үүссэн  үймээнээс 43 хүн амь үрэгджээ.

Хуваалцах/Тэмдэглэх

Л.Донован гэж супер довтлогчтойн дээр Ирландын Робби Кинийг авчирснаар тэдний тэргүүн шугам нь эрс хүчирхэгжсэн юм. Улмаар тойргийн тоглолтоос 67 оноо (19 хожил, таван тэнцээ, 10 хожигдол) авч, плей-оффт нэгээр шалгарсан. “Гэлэкси” плей-оффын эхний шатанд Т.Анри тэргүүтэй “Нью-Йорк Ред Булл”-ыг 1:0, 2:1-ээр, хагас шигшээд “Реал Солт Лейк”-ийг 3:1-ээр, финалд “Динамо”-г 1:0-ээр хожсон билээ. Хожлын ганц гоолыг Л.Донован 72 дахь минутад оруулсан байна. Бекс хэдийгээр плей-оффт гоол оруулаагүй ч гурван дамжуулалт өгч, энэ үзүүлэлтээр бусад тоглогчдыг тэргүүлсэн юм.

Ийнхүү Бекхэм Америкт өнгөрүүлсэн дөрвөн жилийн карьераа тун дурсгалтай өндөрлүүлж байна. Сонирхолтой нь тэр өмнөх хоёр багаасаа явахдаа мөн л аваргын цом бэлэглэж байсан билээ. 2003 онд тэр “МЮ”-ыг Премьер лигийн аварга болгосны дараа “Реал”-ыг зорьсон. Харин Испанийн нийслэлд амжилт муутай хэдэн оныг үдсэний эцэст сүүлийн жилдээ буюу 2007 онд Ла Лигийн аваргаар шалгарсан юм. Өдгөө 36 настай Бекхэмийн хувь заяа хэрхэх бол гэдгийг олон хүн анхааралтай ажиглаж буй. Тэр шигшээдээ тоглох хүслээ гээгээгүй болохоор Европын аль нэг багтай гэрээ байгуулж, формоо хадгалах магадлал өндөр. Одоогоор түүнийг Францын “ПСЖ” баг идэвхтэй сонирхож байгаа юм.

Хуваалцах/Тэмдэглэх

Энэ шийдвэр нь Туркийн хөл бөмбөгийн холбооны цахим хуудсан дээр Хорваттай 0-0 тэнцсэн тоглолтынх нь дараа тавигдсан байна.

Сонгон шалгаруулалтын плэй-оффийн шат эхлэхээс өмнө түүний байр суурь ганхаж эхэлсэн. Дэмжигчид нь 2008 Европын аваргын хагас шигшээд хүрч байсан багийг муу удирдаж байна хэмээн шүүмжилж байсан юм.

Плэй-Оффийн тоглолтын дараа Туркийн хөл бөмбөгийн холбооны удирдах албаныхан Гуус Хиддинктэй уулзаж. Тэд олон өнцгөөс асуудлыг авч үзсэний эцэст гэрээг цуцлахаар болсон байна.

Туркийн хөлбөмбөгийн холбооноос “Бид ноён Гуус Хиддинкд талархснаа илэрхийлэх хэрэгтэй. Тэр багийг сайн дасгалжуулсан. Түүний чаашдын ажил үйлсэд нь амжилт хүсье” хэмээжээ.

Тэрээр Истанбулийн гудамжинд ч олон найзтай болсон.

Туркийн хэвлэлийнхний мэдээллэж байгаагаар, Истанбул ББ багийн дасгалжуулагч Абдула Авси, Хиддинкийн байрыг залгамжлах хамгийн тохиромжтой хүн гэж мэдээллэж байна.

Өнгөрсөн жилийн 2 сард Хиддинк Туркийн шигшээ багтай 4 жилийн гэрээг байгуулсан. Түүнд дахин 2 жил үлдэх боломж байсан ч түүний удирдлага дор тоглосон Туркийн шигшээ баг өмнөхөөсөө сайн амжилт гаргасангүй.

Хуваалцах/Тэмдэглэх

Харин хөлбөмбөгч өөрөө клубүүдийн ДАШТ-д оролцох хүсэлдээ дийлдэн “Сантос”-т үлдэхээр шийдсэн билээ. Харин тэр тэмцээн дууссаны дараа буюу өвлийн солилцооны цонхоор Неймарыг Европт газардана гэдэгт олонх хүн итгэлтэй байсан. Тэгвэл одоо түүнд санаархагчид 2014 он хүртэл хүлээх хэрэгтэй болох нь. “Сантос”-тай шинэ гэрээ үзэглэснийхээ дараа Неймар “Би Бразилд үлдэхийг хүсдэг гэдгээ үргэлж хэлдэг байсан. Ялангуяа “Сантос”-т. Намайг идэвхтэй сонирхож байсан багуудад баярлалаа” хэмээн ярьжээ. 19-хөн настай залуу довтлогч ингэж ярианы гол сэдэв болсон нь түүний авьяас чадвартай шууд холбоотой. Тэр ердөө хоёр жил хагасын өмнө “Сантос”-ын үндсэн бүрэлдэхүүнд багтаж байв. Тэр жилээ 49 тоглолтод 14 гоол оруулсан нь залуу довтлогчийн хувьд чамлахааргүй үзүүлэлт байлаа.

Харин өнгөрсөн жил жинхэнэ тэсэрч, өөрийгөө хэн болохыг дэлхий дахинд харуулж чадсан. Нийт тэмцээнүүдэд 63 удаа гараанд гарч тоглоод 43 гоол оруулсан нь ямар ч багийн анхаарлыг татахаас аргагүй байв. Мөн үүн дээр багийн андууддаа өгсөн 21 дамжуулалт нэмэгдэнэ гэхээр тэр ямархуу авьяаслаг довтлогч болох нь ойлгогдоно. Түүний гялалзсан тоглолтын ачаар “Сантос” баг Бразилийн аваргаар тодорч, Өмнөд Америкийн клубүүдийн хамгийн нэр хүндтэй тэмцээнЛибертадоресийн цомд өнгөлсөн. Энэ үеэс хойш тэр дэлхий дахины анхаарлын төвд орсон юм.

Мөн Бразилийн шигшээд 15 удаа тоглож, найман бөмбөг оруулж амжжээ. Өдгөө энэ залуу Бразилийн шигшээ багийн гол найдвар хэмээн үнэлэгдэх болсон. Тиймдээ Неймар гурван жилийн дараа эх оронд нь зохиогдох хөлбөмбөгийн ДАШТ хүртэл “Сантос”-аас явахгүй байхаар шийджээ. Пеле тэргүүтэй зарим алдартнууд түүний энэ шийдвэрийг туйлын зөв хэмээн талархан хүлээн авлаа. Гэхдээ буруутгах хэсэг ч бас байна. Хэрвээ Неймар Европт ирж тоглохгүй бол хэзээ ч дэлхий нийтийг байлдан дагуулж чадахгүй. Месситэй эн зэрэгцэхүйц авьяастай нь үнэн л юм бол Европын том багт ирж, үүнийгээ харуулах ёстой хэмээн тэд ярьдаг. Энэ нь ч үнэн юм. Дэлхийд нэр алдраа дуурсгасан Бразил, Аргентиний одод чухам буурал тивд ирж тоглосны ачаар л тэрхүү өндөрлөгт хүрч чадсан билээ.

Г.БАЯРСАЙХАН

Хуваалцах/Тэмдэглэх

Хуваалцах/Тэмдэглэх

Д	С	Т	Хожил	Т	хожигдол	гоол	Оноо
1	ИТАЛИЯ	8	7	1	0	16-1	22
2	СЕРБИ	8	4	2	2	12-10	14
3	ЭСТОН	9	4	1	4	13-13	13
4	СЛОВЕН	9	3	2	4	10-7	11
5	Ө.ИРЛАНД	8	2	3	3	8-8	9
6	ФАРЕР	10	1	1	8	6-26	4

Түүнчлэн ”I“ хэсэгт Дэлхийн болон Европын аварга Испаничууд Лихтенштайны шигшээ багийг 6:0 –ээр хожиж  Евро 2012 –ын тасалбараа халааслав.

Д	I	Т	Хожил	Т	Хожигдол	Гоол	Оноо
1	ИСПАНИ	6	6	0	0	21-5	18
2	ЧЕХ	6	3	1	2	8-5	10
3	ШОТЛАНД	6	2	2	2	7-7	8
4	ЛИТВА	7	1	2	4	3-9	5
5	ЛИХТЕНШТАЙН	7	1	1	5	3-16	4

Хельсинк хотноо  айлчилсан 1988 оны Европын аварга Недерьландын шигшээ баг Финландыг 2:0 хожиж  24 оноотой “Е” хэсгийг  тэргүүлж байна.  Шведүүд  Сан Мариног 0:5 харьцаагаар хожиж 18 оноотой Унгарын өмнө гарлаа. Хэдийгээр Унгарчууд 18 оноотой боловч бөмбөгний харьцаагаар Шведийн дараа орж байна.

Д	E	Т	Хожил	Т	Хожигдол	Гоол	Оноо
1	ХОЛЛАНД	8	8	0	0	34-5	24
2	ШВЕД	8	6	0	2	26-8	18
3	УНГАР	9	6	0	3	22-14	18
4	ФИНЛЯНД	8	3	0	5	15-14	9
5	МОЛДОВ	8	2	0	6	8-15	6
6	САН-МАРИНО	9	0	0	9	0-49	0

“G” хэсэгт Англичууд  Манчестер Юнайтедийн Эшли Янгийн гоолоор Уэллсийг 1:0 –ээр хожлоо. Одоогоор Англи 17 оноотой хэсгээ тэргүүлж , Черногор (Монтенегро)  11 оноотой удаалж байна.  Аравдугаар сарын 7-нд Англичууд  Черногорийн эсрэг хэсгийн сүүлийн тоглолтоо хийнэ. Оттмар Хицфельдийн дасгалжуулсан Швейцарийн шигшээ Лоттар Маттеусын дасгалжуулж буй  Болгарыг 3:1 харьцаатай хожиж, хэсгээсээ хоёроор гарах найдлага олж авлаа. Одоо Швейцарьд Уэлльс болон Черногортой хийх хоёр тоглолт үлдээд байна. Харин Болгарчууд дараагийн шатанд шалгарах боломжгүй боллоо.

Д	G	Т	Хожил	Т	Хожигдол	Гоол	Оноо
1	АНГЛИ	7	5	2	0	15-3	17
2	ЧЕРНОГОР	6	3	2	1	5-3	11
3	ШВЕЙЦАРЬ	6	2	2	2	10-8	8
4	БОЛГАР	7	1	2	4	3-12	5
5	УЭЛЬС	6	1	0	5	3-10	3

“А” хэсэгт Австри  өөрийн талбай дээр Туркийн шигшээ багтай 0:0 –ээр  тэнцэж  8 оноотой болсоноор хэсгээсээ гарах боломжгүй боллоо. Харин Туркууд 14 оноотой хэсгийн хоёрдугаар байранд төвхөнөсөн бол Бельги 12 оноотой гуравдугаарт бичигдэж байна.

Д	А	Т	Хожил	Т	Хожигдол	Гоол	Оноо
1	ГЕРМАН	8	8	0	0	28-5	24
2	ТУРК	8	4	2	2	11-8	14
3	БЕЛЬГИ	8	3	3	2	16-11	12
4	АВСТРИ	8	2	2	4	12-16	8
5	АЗЕРБАЙДЖАН	8	2	1	5	9-21	7
6	КАЗАХСТАН	8	1	0	7	5-20	3

“B” хэсгийг Оросууд тэргүүлж байна. Тэд Ирландыг нутагтаа хүлээн авсан бөгөөд тоглолт 0:0 харьцаатай өндөрлөв. Оросууд тоглолтын турш маш олон боломжуудыг гаргасан хэдий ч Ирландын хаалгыг мялаах аз дутав. Тэдний хэсгийн гол өрсөлдөгч Словакууд Арменийн шигшээд өөрийн талбай дээрээ 0:4 хожигдсон нь Оросуудад бага зэргийн тайвшрал олгосон. Гэхдээ Словакчууд тэднээс гуравхан оноо дутуу байгаа. Орос 17 оноотой хэсгээ тэргүүлж, Ирланд 15 оноотой удаалж байгаа. Харин Армен болон Словакчууд 14 оноотой бөгөөд  үлдэж буй хоёр тоглолтонд аль нь ч шалгарч болох эгзэгтэй байдалд ороод байна.

Д	В	Т	Хожил	Т	Хожигдол	Гоол	Оноо
1	ОХУ	8	5	2	1	10-4	17
2	ИРЛАНД	8	4	3	1	11-6	15
3	АРМЕН	8	4	2	2	17-7	14
4	СЛОВАК	8	4	2	2	6-8	14
5	МАКЕДОНИЯ	8	2	1	5	6-9	7
6	АНДОРРА	8	0	0	8	1-17	0

Францчууд Оросуудын мөн адил “D” хэсгийг 17 оноогоор тэргүүлж байна. Гэхдээ байдал тэдний хувьд байдал тийм ч таатай биш болоод байна. Тэд сулхан тоглолтоор Румыний шигшээтэй 0:0 –ээр тэнцсэн нь өрсөлдөгчиддөө ойртох боломж олгов. Босни Херцогивина     Беларусийг 1:0 ээр хожиж 16 оноотой Францын араас нэхэж,  Румын 12 оноотой удаалах боллоо. Францууд аравдугаар сарын 7-нд Албанийг талбай дээрээ хүлээж авах бөгөөд сүүлийн тоглолтоо Боснитой хийх юм.

Д	D	Т	Хожил	Т	Хожигдол	Гоол	Оноо
1	ФРАНЦ	8	5	2	1	11-3	17
2	БОСНИ	8	5	1	2	11-7	16
3	РУМЫН	8	3	3	2	10-6	12
4	БЕЛАРУСЬ	9	3	3	3	6-5	12
5	АЛБАН	8	2	2	4	6-10	8
6	ЛЮКСЕМБУРГ	9	1	1	7	3-16	4

Хорватууд “F” хэсэгт 19 оноотой боллоо. Тэд Израилийн шигшээг 3:1 харьцаатай буулган авлаа. Тоглолтын 47 дахь минутад Лука Модрич гоолдож тоглолтын салхийг хагалжээ. 2004 оны Европын аварга Грекчүүд Литватай 1:1 ээр тэнцэж 18 оноотойгоор Хорватын дараа бичигдэж байна. Хэсгийг тэргүүлэгч Хорватууд  дараагийн тоглолтонд гол өрсөлдөгч Грекийг хүлээн авч тоглоно.

Д	F	Т	Хожил	Т	Хожигдол	Гоол	Оноо
1	ХОРВАТ	8	6	1	1	16-5	19
2	ГРЕК	8	5	3	0	10-4	18
3	ИЗРАИЛЬ	9	4	1	4	11-11	13
4	ГҮРЖ	9	2	4	3	6-7	10
5	ЛАТВИ	8	2	2	4	7-10	8
6	МАЛЬТА	8	0	1	7	4-17	1

“H” хэсэг гурван оноо тэнцүү өрсөлдөгчидтэй боллоо.Скандинавийн тулаанд   Даничууд Норвегийг 2:0 –ээр хожсоноор  Португаль, Норвегийн адил 13 оноотой болж байна. Гэхдээ тэд оруулсан гоолын үзүүлэлтээр Норвегийг ардаа орхиж байгаа юм.

Д	H	Т	Хожил	Т	Хожигдол	Гоол	Оноо
1	ПОРТУГАЛ	6	4	1	1	15-7	13
2	ДАНИ	6	4	1	1	9-4	13
3	НОРВЕГ	7	4	1	2	7-6	13
4	ИСЛАНД	7	1	1	5	3-9	4
5	КИПР	6	0	2	4	5-13	2

Хуваалцах/Тэмдэглэх

Кайрт явагдсан Ливи Мозамбекийн уг түүхэн тоглолтыг тийм ч олон хүн үзэж чадсангүй.
Бямба гаригт Кайрт явагдсан Африкийн цомын урьдчилсан шатны тоглолтыг аюулгүй байдлын үүднээс үзэгчгүй цэнгэлдэхэд явуулсан юм.
“Бид нар бүр Триполи, Бенхажи хотоос багаа дэмжихээр ирсэн. Харин Египетийн хамгаалалтын ажилчид биднийг оруулсангүй”
- Азази Бу Хамэд , Ливийн дэмжигч

” Египетийн хамгаалалтын ажилчид биднийг цэнгэлдэхэд оруулах ёстой байсан юм. Ер нь яагаад хөгжөөн дэмжигчид цэнгэлдэхэд орж болдоггүй билээ. Хуулинд тийм заалт байдаггүй биздээ”
-  Халид Махмуд Ливийн дэмжигч

Ливийн шигшээ багийн ихэнх тоглогчид Бэнхажи хотоос гаралтай. Уг хотод өнгөрсөн хоёр сард эхэлсэн Ливийн хувьсгалын гал анх дүрэлзсэн юм. Ливийн багийнхан Каддафигийн ноёрхол унахаас өмнө босогчидын хэрэглэж байсан гурван өнгө хосолсон өмсгөлийг өмссөн байлаа.
Тоглолтын 30 дахь минутад баруун жигүүрээс Мохаммед Аль-Мухрабигийн дамжуулалтаар Раби эль-Лафи цорын ганц гоолыг оруулсан юм.
Уг хожлыг авснаар Ливичууд 6 оноотой болж хэсэгтээ Замбигийн араас 2-р байранд жагсаж байна.

Хуваалцах/Тэмдэглэх

B хэсгийг Италийн Интер Милан толгойлж байгаа юм. Тус хэсэгт Интер Милан, ЦСКА Москва, Францын Лилль болон  Туркийн Транзонспор багууд таарсан.  Интерийн  хувьд хэсгээсээ шалгарах хамгийн найдвартай багийн тоонд зүй ёсоор багтах нь гарцаагүй. Фенебаже Стамбулаас  сугалаанд оролцох эрхийг шилжүүлэн авсан Туркийн дэд аварга Транзонспор баг энэ хэсэгт багтсан нь бусад өрсөлдөгчдийнх нь хувьд огт танихгүй “битүү морь”  болж байна.

Жиан Пиеро Гасперини Интерийн дасгалжуулагч

Би ЦСКА болон Лилль багуудыг сайн мэднэ, харин Транзонспорыг үгүй. Бид бүгдийг анхааралтай судалж үзэх хэрэгтэй, яагаад гэвэл Туркийн хөлбөмбөгт хүчтэй өрсөлдөгчидийг гаргаж,  тэд үргэлж сайжирч байдаг. Үүнээс үүдээд Туркэд тоглох  үед үзэгчид нь маш их сэтгэлийн хөөрөлтэй байдаг. Одоогоор ЦСКА Оросын хамгийн хүчтэй баг ба олон улсын тэмцээний туршлаг сайтай.

Алан Загоев ЦСКА багийн хагас хамгаалагч

Надад  ямар ч илүү үзэх өрсөлдөгч алга. Бид маш сонирхолтой хэсэгт багтсан. Лилль бол Францын аварга гэхээр бүх зүйл ойлгомжтой. Интерийг Европын топ клуб гэдгээс  бид ерөөсөө айх хэрэггүй байх. Транзонспорыг би мэдэхгүй, гэхдээ хэсгээс шалгарах бидний хамгийн гол тэмцэлдэх өрсөлдөгч бол Франц, Италичууд юм.

Руди Гарсиа Лилль багийн дасгалжуулагч

Бид бүгдэд нь боломж бий. Манайх хамгийн гялалзсан тоглолттой хэсэг болж болох юм, магадгүй төвөг багатай аялал болох биз, гэхдээ хамаагүй ээ бид энэ тэмцээнд шүдээ сайн зуугаад оролцоно. Хэн гол найдвар  гэж үү? Мэдээж Интер Милан, олон солилцоо хийгдэж тоглогчид нь явсан ч тэдний авьяас нь  байгаа.

Садри Шенер Транзонспор багийн ерөнхийлөгч

Энэ бол бидэнд таарсан хамгийн сайн сугалаа боллоо.Бид манай хэсэгт байгаа өрсөлдөгчид шиг хүчтэй бөгөөд,  Туркийг аваргуудын лигт аль болох хамгийн  сайнаар танилцуулахыг хүсэж байна.

Д	Багууд	Т	Хожил	Тэнцээ	Хожигдол	Гоол	Оноо
1	ИНТЕР	0	0	0	0	-	0
2	ЦСКА	0	0	0	0	-	0
3	ЛИЛЛЬ	0	0	0	0	-	0
4	ТРАБЗОНСПОР	0	0	0	0	-	0

Тоглолтуудын хуваарь

Хуваалцах/Тэмдэглэх

Зико өөрийн ихэнхи тоглолтоо Flamengo Rio de Janeiro багт өнгөрүүлж, 509 гоол оруулсан амжилтаар багийн түүхэнд шилдэг мэргэн бууч болсон юм.  Тэрээр саяхан уг багийн дасгалжуулагчын ажлаа хүлээлгэн өгчээ.

Иракийн шигшээг дасгалжуулж байсан Герман дасгалжуулагч Вольфганг Зидка  Иракчуудтай  гэрээгээ сунгаагүй учир шинэ дасгалжуулагчыг хайх болжээ.

Хуваалцах/Тэмдэглэх

Түүний үндсэн дасгалжуулагчын туршлага тийм ч арвин биш.  Сабелла дөнгөж 2009 оноос дасгалжуулагчын карьераа эхлүүлсэн бөгөөд тэр жилээ “Либертадоресийн цом”-д багаа түрүүлүүлжээ. Улмаар энэ оны эхээр өөрийн саналаар ажлаасаа татгалзаж чөлөө аваад байсан юм. Харин эх орныхоо шигшээ багийн хүнд байдалд орсон үед тэрээ эргэн ажилдаа орлоо.

Сабелла хэдийгээр ерөнхий дасгалжуулагчын туршлага багатай ч Даниэль Пассареллагийн туслахаар олон орны лигт ажиллаж байсан. Жишээлбэл Италийн Парма, Мексикийн “Monterrey” , Бразилийн Коринтианс гэх мэтчилэн.  Сабелла тоглогчын карьераа Английн Лидс Юнайтед, Ривер Плэйт, Эстудиантес зэрэг багуудад өнгөрүүлсэн. Харин шигшээ багтаа ердөө 4 удаа дуудагдаж байжээ. Тэрээр шигшээ багийн дасгалжуулагчаар ирэх 2 жилд ажиллах бөгөөд хэрвээ ДАШТ-ий эрх авч чадвал дахин нэг жилээр гэрээг сунгах боломжтой юм байна.

Өнгөрсөн “Копа Америка” тэмцээнд Аргентинчууд шөвгийн наймын шатанд Уругвайд торгуулийн цохилтоос дийлдэж Серхио Батиста ажлаа алдсан билээ.

Хуваалцах/Тэмдэглэх