Хөлбөмбөгийн фенүүд нөгөө багийн фенүүдээ ангуучилж, айж сандарсан тоглогчид талбайг орхих аймшигт дүр зураг өчигдөр “Port Said” стадионд болж өнгөрөв.  Египетийн нийслэл  Кайрогоос 200 километрийн өмнө зүгт орших Суэцын сувгийн боомт хотын  “Port Said” стадионд явагдсан “Аl-Masri “болон “Аl-Ahly”   багуудын тоглолт 3:1 харьцаатай өндөрлөсөний дараа хожигдсон баг буюу “Аl-Masri “-гийн хөгжөөн дэмжигчид талбайд дайран орж үймээн дэгдээсэнээс 70 гаруй хүн амь үрэгдэж,  олон хүн гэмтэл авсан эмгэнэлтэй явдал боллоо. FIFA –гийн   ерөнхийлөгч Зепп Блатер  үүнийг “ Хөлбөмбөгийн хар өдөр” хэмээн онцлов.

Port Said хотын  стадионд тоглолт дууссан даруй “Аl-Masri”- гийн  фенүүд Кайро хотын багийн хөгжөөн дэмжигчдийн зүг гартаа таарсан бүхнээрээ зэвсэглэн  довтолжээ. Үүний уршгаар одоогоор 74 хүн амь үрэгдсэн гэх боловч гэмтэл авсан олон хүн байгаа бөгөөд энэ тоо цаашид өсөх хандлагатай байгаа гэнэ. “Аl-Ahly”   багийн тоглогчид болон багийн гишүүд стадионы хамгаалалтын албаныхан,  3000 гаруй цагдаагийн ажилтан танхайрагчдын эсрэг ямар ч арга хэмжээ авалгүй өөгшүүлсэн хэмээн буруутгаж байна. Тэдний мэдэгдэж буйгаар энэхүү халдлага нь улстөрийн өшөө авах зорилготой зохион байгуулалттай арга хэмжээ байсан гэж үзэж байна. Учир нь хохирогчдын ихэнхи нь “Аl-Ahly”   багийн үнэнч хөгжөөн дэмжигч “Ultra” бүлгийн гишүүд аж. Өнгөрсөн жил Кайрогийн “Tahrir” –ийн талбайд болсон  Египетийн хувьсгалын тэргүүн шугамд “Аl-Ahly”  багийн “Ultra” бүлэг хамгийн идвэхтэй оролцож Хосни Мубаракийн дэглэмийг түлхэн унагахад чухал үүрэг гүйцэтгэж байжээ. Port Said  хотоос сонгогдсон египетийн парламентийн гишүүн  Albadry Farghali-гийн хэлсэнээр улсын удирдлагууд болон хүчний байгууллага нь  аймшигт явдал болохыг зүгээр хараад өнгөрсөн нь зориудаар  үүнийг хийсэн гэж үзэж байна.  Мубарак үгүй болсон ч түүний дэглэмийн хүмүүс  албан тушаалаа хашсаар байгаад  хамаг учир оршиж байна хэмээн шүүмжилжээ.
Аймшигт  мэдээ   улс даяар  маш хурдан тархсан. Тийм учраас үймээн дэгдэхээс сэргийлж бусад бүх хөлбөмбөгийн тоглолтуудыг цуцалжээ. Кайрогийн стадионд  2:2 харьцаатай  явагдаж байсан “Zamalek” болон  “Ismailia” багуудын тоглолтыг мөн зогсоожээ. Энэ явдал нь египетэд дахин улстөрийн тогтворгүй байдлыг үүсгэх нь гарцаагүй болоод байна. Нэг талаас Мубаракийн дэглэмийг унагаасан ардчилсан үзэлтнүүд нөгөө талаас Мубаракаас төрийн эрхийг гардаж авсан цэргийн хүчний тэмцэл ширүүсэх төлөвтэй.

Хөлбөмбөгийн стадионуудад болсон аймшигтай ослууд

1985 оны 5 сард Бельгийн Брюссель хотод Европын цомын шувтаргын тоглолтонд  Ливерпуль болон Ювентус Турин багууд тоглолтын үеэр английн фенүүдийн өдөөсөн үймээнээс үүдэж  39 хүн амь үрэгдэж, 400 гаруй хүн гэмтжээ. Хохирогчдын ихэнхи нь буюу 32 нь италичууд байсан байна.

1988 онд Катманду хотод Непал-Бангладеш улсын хөлбөмбөгийн тоглолтын үеэр хүчтэй мөндөр орсоноос  эмх замбраагүй байдал үүсэж 93 хүн амиа алджээ. Стадионы гарах гарц хаалттай байсан нь аймшигт осол гарах гол шалтгаан болсон.

1989 оны дөрөвдүгээр сард  Hillsborough стадионд  Ливерпуль -Nottingham Forest багуудын цомын хагас шигшээгийн тоглолтын үеэр үймээн дэгдэж 200 гаруй хүн гэмтэж, 95 хүний амь хохирсон байна.

1991 оны нэгдүгээр сард өмнөд Африкийн  Orkney хотод болсон хөлбөмбөгийн нөхөрсөг тоглолтын үеэр хоёр багийн хөгжөөн дэмжигчдийн тэмцэл хурцдаж,  үүний улмаас 42 хүн амь үрэгджээ.

1994 оны аравдугаар сард Guatemala стадионд Гватемала болон Коста –Рика багуудын хооронд явагдсан дэлхийн аваргын урдчилсан шатны тоглолтын үеэр дэгдсэн эмх замбраагүй байдлаас болж  84 хүн дарагдаж  амиа алдсан байна.

2001 оны дөрөвдүгээр сард  өмнөд Африкийн  Ellis-Park-Stadion-д үүссэн  үймээнээс 43 хүн амь үрэгджээ.

Хуваалцах/Тэмдэглэх

Байерн Мюнхен-Фрайбург 7:0

Байерн Мюнхен  Франк Рибери  болон Марио Гомесийн  оруулсан гоолын хураар Фрайбургыг  7:0-ээр илт давуу хожлоо. Энэ нь  Фрайбург Бундеслигийн түүхэнд дэх хамгийн өндөр тоотой хожигдол байлаа. Харин Байерн улирлын 6 дахь албан ёсны тоглолтондоо дараалалсан хожил авч лигийн хүснэгтийг дахин тэргүүлж эхлээд байна.

Фрайбург тун сул тоглолт үзүүлж Аллианц Аренад   Байерны залуусд дураараа бүжиглэх сайхан  боломж олгосон юм. Марио Гомес энэ тоглолтонд 4  (8., 52., 55., 71./11 метрийн торгууль).гоол  оруулж улирлын 8 дахь гоолоо оруулж мэргэн буучдын жагсаалтыг ганцаараа тэргүүлж байна. Цуцахыг үл мэдэх  Франк Рибери (26, 41). хоёр гоол  , Нилс Петерсен (90).  нэг гоол оруулсан юм.

Байерн тоглолтоос тоглолтонд улам бэлтгэл нь хангагдаж, хүчирхэгжиж байгаа нь өнгөрсөн тоглолтуудаас илт  харагдаж байна. Тэдний тоглолт гэмтэлтэй байгаа Роббенийг үгүйлээд байхааргүй  дардан явж байна. Фрайбург довтолгооны шилдэг хувилбараа талбайд илгээсэн ч Байернд огтхон ч аюул тарьж чадсангүй. Мануэль Нойер бүх л  тоглолтын турш  ажилгүй зогсов. Тоглолтын нэгдүгээр үед Байерны дасгалжуулагч Юп Хайнкесийн  санааг  түрхэн  зуур зовоосон нэг асуудал гарсан юм. Багийн ахлагч Филипп Лаам эсрэг тоглогчтой өвдөгөөрөө мөргөлдсөнөөр сэлгээний суудал суух дохио өгч   оронд нь Контенто талбайд гарч ирхээр биеэ халааж эхлэв.  Гэвч Лаам хэсэг хугацааны дараа  багаа толгойлон талбайд үлдэхээр болсон юм.

Томас Мюллер 11 метрийн торгуулийн цохилтын эрх багтаа олж ирсэн ба Гомес хаалганы зүүн доод  буланд цохиж оруулсан ч Швайнштайгер түрүүлж шугам давсан тул дахиж цохихоор болжээ. Ингээд  Гомес  дараагийн удаа  бөмбөгийг баруун буланд оруулсан юм.

БАЙЕРН – ФРАЙБУРГ – 7:0 (3:0)
Гомес, 8 (1:0). Рибери, 26 (2:0). Рибери, 41 (3:0). Гомес, 52 (4:0). Гомес, 55 (5:0). Гомес, 71-с  (6:0). Петерсен, 90 (7:0).
Байерн	Фрайбург
Мануэль Нойер	Оливер Бауманн
Марсио Рафинья	Максимилиан Нику, 46
Жером Боатенг	Оливер Барт
Хольгер Бадштубер	Павел Крмаш
Филипп Лам, 63	Феликс Бастианс
Луис Густаво	Йоханнес Флум
Бастиан Швайнштайгер	Юлиан Шустер
Тони Кроос	Стефан Райзингер
Томас Мюллер	Седрик Макиади, 84
Франк Рибери, 72	Эрик Ендришек, 46
Марио Гомес, 73	Демба Сиссе
Сэлгээ
Диего Контенто, 63	Менсур Муйжа, 46
Давид Алаба, 72	Гарра Дембеле, 46
Нилс Петерсен, 73	Яцин Абдессадки, 84

Вердер Бремен- Хамбург 2:0

Германы хамгийн алдартай тулаануудын нэг болох “Хойд нутгийн тулаан” Вердерийн Везер цэнгэлдхэд явагдаж Бременчүүд өрсөлдөгчөө 2:0 харьцаатай хожлоо.

Хойд нутгийн 96 дахь тулаан хоёр баг харилцан довтолгоотой, маш өндөр хурдтайгаар ширүүхэн эхэлсэн юм.  Хүснэгтийн хомоол хамагч Хамбургчууд цаашид хожигдох эрхгүйгээр энэ цэнгэлдхэд хөл тависан мэт байлаа. Тоглолтын эхний 20 гаруй минут  өгөө аваатай өрнөж, харин үүнээс хойш тоглолтын хурд бага зэрэг саарав. Бремен бөмбөг эзэмшилтээр зочидоос арай илүү байв. Гэвч хоёр багийн хаалганы тор хөдөлсөнгүй  нэгдүгээр үе 0:0 харьцаатай өндөрлөв.  Бремений довтлогч Клаудио Писарро нь Хамбургийн эсрэг нийт 18 тоглолтонд 12 гоол оруулаад байсан юм. Ер нь Хамбургийн эсрэг тун эерэг статистиктай тоглогч юм. Харин Хамбургийн довтлогч Младен Петрич нийт 6 удаа Вердерийн эсрэг тоглолтонд оролцож 3 гоол оруулж байжээ. Бремений Марко Марин  тун идвэхтэй тоглож бараг бүх довтолгоог эхлүүлж  мөн дамжуулж байлаа.  Тоглолтын хоёрдугаар үед Писаррогийн өнөөх эерэг тоон үзүүлэлт биелэлээ олсон юм. Бременчүүд булангын цохилтыг тун олон хийсэн бөгөөд Писарро  ийм нэгэн стандарт цохилтын  гоол оруулсан юм.  Гэвч шүүгч түүний мөргөж оруулсан гоолыг тооцсонгүй. Учир нь бөмбөгний төлөөх тулаанд хамгаалагчыг түлхсэн гэж үзжээ. Гэхдээ Писарро үнэхээр Хамбургийн хаалгыг мялаах дуртай гэдгээ энэ явдлаас ердөө 2 минутын дараа дахин нотлон харуулж дахин гоолдож энэ удаад шүүгч бөмбөгийг тооцсон юм. Ингээд тоглолтыг хошуучилж эхэлсэн Бремен хамгаалалтандаа илүү анхаарал тавих болов. Хамбургийн довтолгоо тодорхой санаагүй, эмх замбраа муутай байсаны дээр шинэ хамгаалалтын бүрэлдэхүүн  хараахан нэгэн цул болж  амжаагүй байгаа нь ажиглагдаж байлаа. Тоглолтын төгсгөл хэсэгт Клаудио Писарро дахин нэг гоол оруулсанаар Хамбургийн хонгилоос гарах оролдлогыг тасалсан юм.

Хамбург 5 тойргын дараагаар 1 тэнцээ 4 хожигдолтой хамгийн сүүлийн байрнаас хөдөлсөнгүй. Энэхүү сөрөг амжилт нь Хамбургийн клубын түүхэнд дэх хамгийн муу гараа болоод байгаа бөгөөд хагас жилийн турш нэг ч хожил аваагүй  байдал нь клубын удирдлагуудын толгойн өвчин болсоор удаж байна.

ВЕРДЕР – ХАМБУРГ – 2:0 (0:0) Писарро, 53 (1:0). Писарро, 78 (2:0). Вердер Хамбург  Тим Визе  Ярослав Дробны  Клеменс Фритц  Майкл Мансьенн  Себастьян Прёдль  Хайко Вестерманн  Андреас Вольф  Слободан Райкович  Сократис Папастатопулос  Деннис Аого  Александар Игновски  Роберт Теше  Филипп Баргфреде  Давид Яролим  Аарон Хунт  Марсель Янсен, 88  Марко Марин, 79  Пер Шельбред, 76  Клаудио Писарро, 86  Хосе Паоло Герреро  Марко Арнаутович, 79  Младен Петрич Сэлгээ:  Мехмет Экижи, 79  Гекхан Торе, 76  Маркус Розенберг, 79  Гойко Качар, 88  Налдо, 86   шар хуудас  Клаудио Писарро, 25  Хосе Паоло Герреро, 22  Марко Марин, 45  Слободан Райкович, 22  Филипп Баргфреде, 69  Майкл Мансьенн, 28    Марсель Янсен, 70    Давид Яролим, 73

Гоол: Энэ тойргын 9 тоглолт бүгдээрээ ялагчтай өндөрлөсөн бөгөөд нийт 31 гоол оржээ.

Сөрөг амжилт: Көльн өөрийн талбайд  163 дахь ялагдлаа авлаа. Багийн ахлагч Геромель 8 болон 9 дэх 11 метрийн торгуулийн алдаагаа хийсэн нь лигийн  тоглогчдын дунд хамгийн  олон юм.

Дуртай өрсөлдөгч: Бремений Писарро Хамбургийн эсрэг 19 дэх тоглолтондоо 13 болон 14 дэх гоолоо оруулав. Тэрээр өөр ямар ч багийн эсрэг ийм олон гоол оруулаагүй юм. Мөн 25 дахь удаагаа 2 гоол оруулсан амжилттай болов.

Түүхэн хожигдол: Фрайбург Байерн Мюнхенд 12 удаа дарааллан хожигдож байна. Мөн тэд багийн түүхэн дэх хамгийн өндөр тоотой ялагдал амссан юм.

Бөмбөгний харьцаа: Байерн Мюнхен нийт 16 гоол оруулж 1 гоол хаалгандаа алдсан нь 5 тойргын дараа өөрийн түүхэнд нь байгаагүй амжилт юм.

БОРУССИЯ Д – ХЕРТА – 1:2

БАЙЕРН – ФРАЙБУРГ – 7:0

МАЙНЦ – ХОФФЕНХАЙМ – 0:4

ШТУТГАРТ – ХАННОВЕР – 3:0

БОРУССИЯ М – КАЙЗЕРСЛАУТЕРН – 1:0

ВЕРДЕР – ХАМБУРГ – 2:0

КӨЛЬН – НЮРНБЕРГ – 1:2

ВОЛЬФСБУРГ – ШАЛЬКЕ 04 – 2:1

Хуваалцах/Тэмдэглэх

Аугсбург талбайдаа Байер Леверкузенийг хүлээн авч 1:4 харьцаатай хожигдол хүлээв. Леверкузений дасгалжуулагч Робин Дутт    Михаэль Баллак болон Симон Рольфес нар  талбайд зэрэг гарахгүй гэж өмнө нь мэдэгдэж байсан . Гэвч Аугсбургын эсрэг энэ хоёр тоглогчыг талбайд хамт гаргажээ.

Тоглолтын эхний гоолыг Аугсбургийн Япон тоглогч Хосогай (5) оруулсан бол ердөө нэг минутын дараа  Сидней Сэм (6) тооны харьцааг тэнцүүлэв. Тоглолтын хувь заяа эхний үед Байер Леверкузений  талд шийдэгдсэн гэж болно. Штефан Кисслинг (22)  тоглолтонд тун сайн формтой байгаагаа харуулж тооны харьцааг 2:1 болгожээ. Хоёрдугаар үед Сидней Сэм (71) болон Эрен Дердийок (80) нарын гоолдож тоглолтоо  амжилттай төгсгөв.

Байер Леверкузен 3 хожил 1 тэнцээ авч нийт 10 оноотой одоогоор  хүснэгтийг тэргүүлж байна.

Өнөө орой Бундеслигийн 5-р тойргын тоглолтууд үргэлжилэн явагдана. Та бүхэн  Германы  хойд нутгийн хамгийн сонирхолтой тулаан болох Вердер Бремен- Хамбург багуудын тоглолтыг Бундеслигийн албан ёсны хамтрагч NTV телевизээр 00:30 цагаас шууд хүлээн авч үзээрэй.

АУГСБУРГ – БАЙЕР – 1:4 (1:2)
Хосогай, 5 (1:0). Сам, 6 (1:1). Кисслинг, 23 (1:2). Сам, 72 (1:3). Дердийок, 80 (1:4).
Аугсбург	Байер
Симон Йенцш	Бернд Лено
Хажимэ Хосогай	Гонсало Кастро
Жибриль Санко	Штефан Райнарц
Йонас де Рук	Эмер Топрак
Лоренцо Давидс	Даниэль Швааб
Эндрю Синкала, 62	Ларс Бендер, 68
Ян-Ингвер Калльсен-Браккер	Симон Рольфес
Тобиас Вернер, 61	Михаэль Баллак, 60
Даниэль Байер	Сидней Сам
Аксель Беллингхаузен, 77	Ренато Аугусто
Саша Молдерс	Штефан Кисслинг, 75
Сэлгээ:
Акаки Гогиа, 61	Андре Шюррле, 60
Доминик Райнхардт, 62	Ханно Балич, 68
Дауда Ба, 77	Эрен Дердийок, 75
Шар хуудса:
Эндрю Синкала, 51	Даниэль Швааб, 25
	Михаэль Баллак, 28
	Ханно Балич, 71

Хуваалцах/Тэмдэглэх

Хуваалцах/Тэмдэглэх

Английн хаалгач Дэвид Симен  энэхүү эрээн өмсгөлтэй  Евро -1996 –д оролцсон билээ.

Канарын-өмсгөл  буюу Байер Мюнхен клубын  бүх цаг үеийн хамгийн муухай өмсгөлийг 1993 онд Лоттар Маттеус болон түүний нөхөд өмсөж байв.

Бундеслигийн Бохум багийн 1997 оны өмсгөл

Цагаан дээр  бяцхан зүрхтэй Холландын  Хеерефен  багийн өмсгөл.

АНУ-д болсон 1994 оны дэлхийн аварга шалгаруулах тэмцээнд Мексикийн хаалгач Кампосийн өмсгөл олны нүдэнд онцгой харагдаж байв.

Бундеслигийн Штутгарт багийн хаалгачийн өмсгөл зохилдолгоо муутай эрээн мяраан, цээжин тус газраа “ Өмнөдын сүү” гэсэн бичиг хаджээ. Мэдээж энэ нь эртний явдал л даа.

Өмнөхөөс дээрдсэнгүй дахиад ерөнхий спонсор сүү үйлдвэрлэгчийн логог арай томруулжээ.

Барселонагийн энэ өмсгөл нүдэнд тийм ч аятайхан харагдсангүй.

Японы “Shimizu S-Pulse”   багийн 2004/05 улирлын өмсгөл.

Швейцарийн  “FC St. Gallen” багийн шинэ өмсгөл танд ямар санагдаж байна?

Эвертоны  өмсгөл тун чамин өнгөтэй юм.

Английн  Hull City   1992/93 оны улиралд барын өнгөтэй өмсгөлөөр гангарчээ. Яагаад гэвэл  тоглогчдыг нь барс гэж нэрлэдэг юм байна.

Дараагийн улиралд  нь Hull City   дахиад бар шиг хувцаслажээ.

Олимпик Лион шинэ өмсгөлөө танилцуулжээ.

1994 оны дэлхийн аваргаар Америкчууд ийм өмсгөл өмсөж байв.

Америкийн лигт Caribous of Colorado 1978 багийнхан нэгэн сонирхолтой өмсгөлийг танилцуулж байжээ.

Францын Лориент багийн энэ улирлын өмсгөл.

Францууд ер нь сонин сэтгэхүйтэй ч юм шиг. Олимпик Марселийн шинэ өмсгөл.

Атлетик Билбао 2004/05 онд ийм өмсгөлийг танилцуулж байв.

Залуухан Райн Гигс Манчестер Юнайтедад 1992/93 оны улиралд ийм өмсгөлтэй тоглож байв.

Хуваалцах/Тэмдэглэх

Челси  Байерн Мюнхений Франк Риберигийн төлөө 30 сая фаундын санал тависан байна. (ойролцоогоор 35 сая евро)  Үүний сацуу тэд жилийн 11 сая еврогийн цалинг Риберид өгч чадна гэнэ.  Карла Анчелотти тухайн үедээ  франц тоглогчийг авах сонирхолтой байсан боловч Байерний босс Ули Хөнес 100 сая евро нэхэж хатуурхаж байсан. Одоо ч Байерн Мюнхений хувьд  Рибериг явуулна гэдэг бүтэшгүй асуудал  хэвээрээ юм.

***                                                                   ***                                                                                      ***

Беларусь тоглогч Александр Хлеб Вольфсбургийн дасгалжуулагч Феликс Магатын удирдлаган доор Штутгарт багт тоглож байсан билээ. Тэгвэл хуучин дасгалжуулагч нь түүнийг Барселона клубээс нэг жилийн хугацаатай  Вольфсбургт зээлээр тоглуулах тохиролцоог хийлээ гэж Германы хэвлэлүүд мэдээллэж байна.

***                                                                   ***                                                                                      ***

Испанийн хэвлэлийн мэдээгээр Реал Мадрид  Педро Леонийг нэг жил Гетафэд зээлээр явуулах болов.

Фернандо Гаго  Палермо  эсвэл АС Ромын аль нэгэнд очих бололтой.

***                                                                   ***                                                                                      ***

Ювентус Турин Шалькегийн Жефферсон Фарфанийг авхаар хөөцөлдөж байна.  Перу тоглогчын хэлж буйгаар  Ювентус түүний зөвлөхөд одоогоор ямар ч тодорхой санал ирүүлээгүй хэрэв түүний сэтгэлд нийцсэн санал байх аваас татгалзах зүйлгүй гэнэ. Тэрээр одоо Перугийн шигшээ баг Боливийн эсрэг хийх тоглолтын  бэлтгэлд оролцохоор нутаг буцсан  юм.  Уг нь Шальке багийн удирдлагууд Фарфанийг гэрээгээ дуустал багтаа үлдэнэ гэж мэдэгдэж байсан.

Хуваалцах/Тэмдэглэх

Арсенал Лондон

Арсенал Лондон түүхэн ялагдал хүлээсний дараа хамгаалалтын шугамд нэмэлт хүч яаралтай авах шаардлагтай байна. Фенербаче Стамбулаас зүүн жигүүрийн хамгаалагч Андре Сантос ирхээр боллоо. Түүнээс гадна “Буучид”  Челсид Флорент Малудаг авах санал хүргүүлж, төвийн хамгаалагч Алекс мөн Ёосси Бенаёон болон  Болтон багаас Гэри Кахил нарыг сонирхож байгаа гэнэ.

Түүнчлэн Бундеслигийн Вердер Бремений төвийн хамгаалагч Пер Мертезакерийг 10,2 сая еврогоор авхаар тохиролцоонд хүрлээ гэж “BILD” сонинд мэдээлэлжээ. Хэрвээ үнэхээр   “урт хөлт“ -ийг авчихвал  “Буучид”-ын төвийн хамгаалалтанд том хэрэмтэй болно гэсэн үг юм.

Овен Харгривз

Овен Харгривз 2007 онд Байерн Мюнхенээс Манчестер Юнайтед клубт  25 сая еврогоор ирсэн цагаасаа  тун цөөхөн талбайд гарсан. Үүний гол шалтгаан нь олон тооны  бэртэл,  гэмтлүүд болсон юм. Үүнээс  үүдэн баг нь түүний гэрээг хугацаанаасаа өмнө цуцалсан. Баггүй болсон Харгривз Манчестер Юнайтедад нэг улирал цалингүй тоглох хүртэл санал тавьж байв.  Харгривес тоглохын тулд  хэрхэн бэлтгэл хийж буйгаа мөн  одоо тоглох чадвартай гэдгээ нотолсон олон видеог  Youtube  сайтад байрлуулжээ. Тэгвэл түүнийг Астон Вилла болон зарим багууд сонирхож байгаа талаар “Sun  “ сонинд мэдээлэлжээ.

Гай Демель

Хамбургийн тоглогч Гай Демель улирал эхэлсэнээс хойш нэг ч тоглолтонд оролцоогүй. Түүнийг арал руу явна гэсэн сураг сонсогдож байна. „Daily Mail“ –ийн мэдээгээр Астон Вилла  хэрвээ Тотенхэмээс Алан Хаттоныг авах төлөвлөгөө бүтэлгүйтсэн  тохиолдолд Гай Демелийг авах юм байна.

Ювентус Турин

Ювентус Турин Хамбургээс Недерланд тоглогч Элияг өөрийн болгосон бол одоо Штутгартын Сердар Таскиг авах сонирхолтойгоо мэдэгджээ.

 Михаэль Баллак

Чэлсигээс 2010 онд Байер Леверкузенд ирсэн Михаэль Баллакийн ирээдүй одоогоор бүрхэг байна. Улирал эхэлсэнээс хойш 2 удаа талбайд гарсан бөгөөд сүүлийн хоёр тоглолтын турш сэлгээний суудлаас үзэгч болсон билээ. Мэдээж тэр энэ байдалдаа сэтгэл хангалуун бус байгаа . Тийм ч учраас дотроо Леверкузенийг орхиж талбайд байнга гаргах эрхтэй  багийг эрэлхийлж буй нь ойлгомжтой. Харин түүний ажил олгогч зүгээр сул тавиад явуулчихгүй байх. Бундеслигийн клубүүдээс Вольфсбург түүнийг авах сонирхолтойгоо мэдэгджээ. Баллак Лхагва гарагт Леверкузенд  үлдэх үү ? эсвэл хаашаа очих бол? гэдгийг хүлээх үлдлээ.

Хуваалцах/Тэмдэглэх

Одоогоор Твенте Энтшеде клуб 4 тойрогт ялалт байгуулсан амжилтаар хүснэгтийг тэргүүлж , Аякс Амстердам 10 оноотой удаалж байна. Харин Холландын алдарт клуб Роттердамийн Фейеноорд сүүлийн хоёр тойрогт тэнцэж хүснэгтийн тавдугаарт бичигдэж байна.

 Аякс шинэ хаалгачтай боллоо

Недерландын Аякс клуб  Маартен Стекленбургийн орыг залгах  шинэ хаалгачтай боллоо. Тэд Недерьландын   “Eredivisie” -гийн  Нек Нейменген багаас  22 настай Яспер Силлессенийг 4 сая еврогоор авсан байна. Яспер Силлессен  Аякстай  2016 он хүртэл гэрээ байгуулжээ.

Янссен оны шилдэг хөлбөмбөгчин

Шигшээ багийн тоглогч  Тео Янссен  (30)   2010/2011 оны шилдэг хөлбөмбөгчинөөр тодорлоо. Энэ улиралд тэрээр Твенте багаас Аяксад ирсэн юм.

Снайдерийг зээлээр

Интер Миланы тоглогч   Весли Снайдерийн дүү  Родней Снайдерийг (20)  Аякс Амстердамаас нэг жилийн хугацаанд ФЦ Утрехт багт зээлээр тоглуулах гэрээ хийсэн байна.

Хуваалцах/Тэмдэглэх

Марио Гөтцегийн улаан хуудас

Ханно Балич болон Гөтце нар бөмбөгний төлөө тэмцэлдсэний дараа Гөтце Баличийн араас өшиглөжээ. Мөн шүүгч түүнийг Балич руу нулимсан гэж үзэж байгаа юм.  Энэ үйлдлийнхээ төлөө  Гөтце 3-6 тоглолтонд орох эрхээ хасуулж магадгүй болоод байна. Харин тэр өөрийн хийсэн үйлдэлийг санаатай биш гэж тайлбарлаж байна. “ Би үүнийг 50 удаа давтаж харсан. Үнэхээр алдаатай шүүлт болсон . Ханно тэнцвэрээ алдахдаа миний хөлийг дээш нь өргөсөн. Мөн нулимсан тухайд би Ханногийн зүг нулимаагүй энгийн шүлсээ хаях үйлдэл байсан”  гэжээ .

Себастьян Кель шүүгчийг түлхэв

Дортмундын үндсэн ахлагч  Себастьян Кель цаг дуусах мөчид солилцоогоор орох гэсэн боловч талбайн гаднах шүүгч түүнийг  талбайн шүүгчид мэдэгдээгүй аж. Үүнд уурссан Кель түүнийг түлхэж орхижээ.  Урд нь  тэрээр 2003 онд үүнтэй төстэй үйлдэл хийснийхээ төлөө 6 долоо хоног тоглох эрхээ хасуулж байжээ. Вольфганг Штарк  энэ талаар сахилгын арга хэмжээ авах мэдээг илгээгээд байгаа аж.

Хуваалцах/Тэмдэглэх

Байерны дасгалжуулагч дахиад хамгаалалтын үндсэн бүрэлдхүүнийг өөрчилж Рафиньяагийн оронд Боатенгийг гаргасан юм. Мөн өмнөх тойрог талбайд гарсан Тимошук болон Бойтон нар энэ удаа гараанд гарах эрхтэй болсон байлаа. Байернчууд шүгэл дуугарсан цагаас эхлэн ширүүн довтолгоогоор бөмбөгдөж талбайн эздийг сүрдүүлж байв. Хэдийгээр баруун жигүүрийг эзэгнэгч Роббен гэмтлийн улмаас тоглолтыг өнжсөн ч  зүүн жигүүрт Мюллер болон Рибери нарын хослол хурд хүчээр гайхуулж байв. Роббений байрлалд Давид Алаба тоглосон юм. Бөмбөг эзэмшилт болон тактиктийн тоглолтын хувьд зочид илүүрхэж байсан бөгөөд Марио Гомес (34) торгуулийн цохилтоор тэргүүллийг авчирч тоглолтын хоёрдахь үед дахин 11 метрийн цохилтоор (55)  тооны харьцааг 0:2 болгосон юм. Энэ хоёр 11 метрийн торгуулийн цохилтын гол буруутан нь Лаутерний төвийн хамгаалагч Родней болсон юм. Ингээд тоглолтын 69 дэх минутад Марио Гомес гуравдах гоолоо оруулж улирлын анхны хет-трикээ хийв. Гомесийн гоолын дараа улаан чөтгөрүүд  хожигдолтойгоо нэгэнт  эвлэрсэн байлаа. Тоглолтын төгсгөлд өнгөрсөн улиралд Байерны хаалгыг мялааж байсан довтлогч Иво Иличивич  Анотоли Тимошук дээр хүнд алдаа хийж улаан хуудас хүртсэн юм.

Хуваалцах/Тэмдэглэх