“Спортын Цонх”  онлайн сэтгүүлийн дэргэдэх “Спортын Цонх” Форумын гишүүдийн бичсэн сонирхолтой  нийтлэлүүдээс олны хүртээл болгодог  билээ. Энэ удаад Cule-гийн  нийтлэлийг та бүхэндээ хүргэж байна.

- Юуны өмнө Алжирын сэтгүүлчид таниас ярилцлага авахаар ирж байгаа тухай анх сонсоход таны толгойд ямар бодол орж ирсэн талаар бидэнд хэлээч? 
- Үнэндээ анх энэ тухай сонсоод бага зэрэг гайхсанаа хүлээн зөвшөөрөх ёстой. Чамтай энд ярилцаад сууж байгаадаа баяртай байна. Алжирт хүмүүс намайг сонирхож байгаа нь гайхалтай. Гэхдээ энэ бол Барса болон шигшээ багийн нөлөө бөгөөд үүнгүйгээр бий болох боломжгүй зүйл юм. Өнөөдөр Барселона бол маш их алдартай баг, тиймээс би энд тантай уулзаж байгаадаа сэтгэл хангалуун байна.

- Алжирт та маш олон фэнтэй гэдгээ мэдэх үү? 
- Үнэндээ энэ тухай мэдэхгүй гэдгээ хүлээн зөвшөөрч байна. Би дэлхийн өнцөг булан бүрт Барсагийн хөгжөөн дэмжигчид байдаг гэдгийг мэднэ, Алжирт ч тэдний зарим хэсэг байдаг байх. Гэхдээ би өөрийгөө энд тийм ч алдартай гэж бодохгүй байна. Нуруун дээрээ миний нэртэй Барсагийн цамц энд зарагдаж байгааг мэдэх нь миний хувьд нэр төрийн хэрэг.
Дэлхийн өнцөг булан бүрт амьдарч байгаа хүмүүсийг хөлбөмбөг хэрхэн нэгтгэж байгаа нь гайхалтай. Жишээ нь би Алжирчуудтай энэ гайхамшигтай тоглоомын тухай сэтгэгдлээ хуваалцаад сууж байна шүү дээ. Би тэднээс Барсагийн тоглолтыг цаашид ч үзэж, биднийг дэмжсэн хэвээр байгаарай гэж хүсч байна.

- Таны энэ сэтгэгдлээ хуваалцаж байгаа Алжирчуудын хувьд өнгөрсөн жил та Ballon d’Or хүртэж чадаагүй чинь нилээд урам хугармаар үйл явдал болсон. Та тэдэнд юу хэлмээр байна? 
- Юуны өмнө тэдэнд маш их баярлаж байгаагаа, мөн хүмүүсийг итгэлийг хадгалахын тулд би өдөр бүр илүү сайжрахыг, өөрийн ажлаа зохих түвшинд нь хийхийг хичээж байгаагаа хэлмээр байна. Гэвч тэнд бусдаас илүү нэг тоглогч байна, түүнийг Лео Мэсси гэдэг юм. Тэр бол хосгүй, үнэхээр гайхалтай хөлбөмбөгчин. Хэрвээ тэр Аргентинтай ДА болж чадах л юм бол магадгүй энэ спортын түүхэн дэх хамгийн агуу түүхтэй нэгэн ч болж мэднэ. Харин миний хувьд, тэрхүү шагналд нэр дэвшиж, бүр эцсийн мөч хүртэл өрсөлдөөнд нэр минь байсан нь аль хэдийнэ маш их хүндтэй, бахархууштай зүйл маань болж чадсан.

- Та Мэссигээс өмнө зодог тайлах нь ойлгомжтой. Таны оролцоогүйгээр түүнийг хэрхэн тодорхойлж болох бол? 
- Тийм ээ, би талбайд гараад л түүнд тус нэмэр болохыг хичээдэг минь үнэн, гэхдээ өнөөдрийн тоглолтонд бүгд л бие биедээ тусалж, илүү хялбар тоглолт гаргахыг хичээж байгааг та ойлгосон биз дээ, эсвэл үгүй юу? Леод өөрийнхөө шилдэг тоглолтыг гаргахын тулд би хэрэгтэй нь үнэн, гэхдээ түүнд Иниэста, Бүскүэтс болон багийн бусад гишүүд бүгд л хэрэгтэй. Надад ч бас Мэсси, Иниэста болон бусад нь хэрэгтэй байдаг. Тэр Аргентины шигшээтэйгээ байхдаа Барсад байгаа шигээ байж чаддаггүй ч гэсэн тэд ч бас нэг гайхалтай баг. Харин Мэсси бол харьцуулшгүй, түүнтэй мөр зэрэгцэн тоглож байгаа нь миний хувьд нэр төрийн хэрэг.

- Та бүр хэтэрхий даруу зан гаргахыг хичээгээд байна, бараг дипломат зан ч гэж хэлж болохоор. Таныг Барсагийн болон Испанийн шигшээ багийн уураг тархи гэдгийг бүх л мэргэжилтнүүд хүлээн зөвшөөрч байна шүү дээ. 
- Би их чухал үүрэгтэй байдгаа мэднэ, гэхдээ би гайхамшигтай багийн нэг хэсэг нь. Би Барсагийн болон Испанийн шигшээ багийн чухал хэсэг нь мөн, хүнд хэцүү байх хирээр би энэ байдалдаа дуртай байдаг. Өнгөрсөн 3, 4 жилийн хугацаанд би клубтэйгээ болон шигшээ багтайгаа нилээд олон цом авч чадсан учраас зарим хүмүүс намайг Ballon d’Or шиг хувийн шагнал гардаад зогсож байхыг минь харахыг хүсчээ гэж би ойлгож байна.
Гэвч харамсалтай нь энэ үед өөр нэг хөлбөмбөгчин надаас хавьгүй илүү төвшинд тоглож байна л даа. Мэсси энэ гариг дээрх тоглогчдоос хавьгүй илүү төвшинд байна. Үүнийг би дипломат байдлаар хэлж байгаа юм биш шүү.

- Ла Масиад дараагийн Шави байгаа болов уу?
- Тэгэлгүй яахав. Энэ бол амьдралын хууль. Тэнд магадгүй надаас хавьгүй илүү Шави өсч торниж байгаа байх, юм бүхэн үргэлж сайжирч хөгжиж байдаг. Одоо манай багт ч гэсэн намайг орлож тоглох чадвартай тоглогчид байгаа, ялангуяа Фабрегас. Тиаго ч байна, би түүний тоглолтонд их дуртай. Тэгээд Сержи Роберто бас үндсэн багийн хаалгыг тогшоод зогсож байна. Эспиноза ч бас маш сайн тоглогч, Тиагогийн дүү Рафаэль гээд л үргэлжилнэ. Барселона хэзээ ч авъяаслаг тоглогчийн хомсдолд орж байгаагүй, тиймээс би эндээс явахдаа баг маань намайг энд байх эсэхээс үл хамаараад амжилт ялалтыг дагуулсаар байх болно гэдгийг мэддэг хүний хувьд маш тайван унтаж чадах байх аа.

- Испанийн тики така физикал байдалд тулгуурласан Франц маягийн хөлбөмбөгийн сул талыг харуулж чадсан. Хэрвээ техникийн ур чадвар өндөртэй хэдий ч биеийн хүч төдийлөн сайнгүй Алжир тоглогч таньтай уулзвал та юу гэж зөвлөх вэ?
- Миний бодлоор ур чадвар бол хамгийн гол нь. Би түүнд ур чадвар бол хүч чадлаас илүү чухал зүйл шүү гэж хэлэх байх. Талбай дээр тоглогчид ур чадварынхаа хүчээр тоглолтыг өөрчилж чаддаг болохоос биеийн хүчээр үүнийг хийж чаддаггүй юм.
Мэдээж хүчирхэг байдал бол бас нэг чухал хэсэг мөн, гэхдээ үүнийг хүн бүр өөртөө бий болгох боломжтой. Ур чадвар болон авъяас бол төрөлхийнх. Хэрвээ чамд үнэхээр авъяас байхгүй бол хөлбөмбөг тоглох тухай бодоод хэрэггүй.
Миний хувьд жижиг биенээсээ болж нилээд хүнд үеийг бас туулсан. 2002, 2003 оны үед л гэхэд над шиг тоглогчийг төвийн хагас хамгаалагчийн байрлалд тохирохгүй гэж үздэг байсан, яагаад гэвэл энэ байрлалд тоглохын тулд биеийн хөгжил сайтай, хүчирхэг тоглолт хийж чаддаг байх ёстой байлаа. Харин би энэ үзлийг тийм ч авууштай санаа биш гэдгийг баталж чадсан. Энэ амжилтын үндэслэгч нь Луис Арагонесийг гэж би боддог. Ур чадвар бол гол түлхүүр.

- Үүнийг Испани хэв маяг Францынхаас илүү гэж ойлгож болох уу? 
- Тийм ээ, тэгж хэлж болно. Гэхдээ илүү үзүүштэй тоглолтын хэв маяг яллаа гэж хэлсэн нь зохимжтой болов уу. Илүү чадварлаг, довтолгооны чиглэлийн тоглолтын хэв маяг гэсэн үг л дээ. Одоогийн хөлбөмбөг дэх гол өөрчлөлт бол зөвхөн сүүлийн дамжуулалт, хаалгаруу цохих, байрлал эзлэхээс гадна хурдтай сэтгэмж шаардах юм. Миний хувьд хурдан сэтгэх нь хурдан хөдөлснөөс илүү чухал. Хэрвээ чи хурдан сэтгээд, үүнийгээ хурдан хэрэгжүүлж чадаж байвал чи дэлхийн шилдэг тоглогч болж болно. Үүнийг энэ тоглоомын тухай зүйр цэцэн үг гэж ойлгож болох юм.

- Тодруулбал, та бөмбөг хүлээж авах үедээ хамгийн эхэнд яг юу боддог вэ? 
- Би тийм ч хүчирхэг бие бялдартай тоглогч биш гэдгээ өмнө хэлсэн. Миний хувьд хүч гэдэг нь тоглолтын үйл явцыг ойлгож унших юм. Би бөмбөг хүлээн авахаасаа өмнө эргэн тойрон болж байгаа бүхнийг харах ёстой, учир нь бөмбөг надад ирэх үед би юу хийх ёстойгоо мэдэж байхын тулд. Аль тоглогчруу бөмбөгөө дамжуулж болох, эсвэл өөрөө бөмбөгөө эзэмжих үү, цагаа барихын тулд хамгаалагчид дамжуулах уу гээд л.
Энэ тал дээр Зидан харьцуулшгүй мастер байсан, тоглолт унших гайхалтай мэдрэмжтэйн дээр хоёр хөлөө адилхан ашиглаж чаддаг тоглогч. Түүний хийж буй бүхэн гайхалтай байдаг байлаа. Би зүүн хөлөөрөө арай муу тоглодог.
Түүнчлэн Барсад хэдийнээс байдаг нэг зүйл нь биднийг дамжуулалт хийх, бөмбөгтэй харьцахаасаа өмнө толгойгоо өргөн багийнхнаа харах, хэрхэх тухай бодохыг сургадаг. Энэ бол миний үндсэн багт ирсэн хойноо сурсан зүйл минь биш. Энэ бүхэн биднийг жаахан байхад толгойд минь сууж, олон дахин давтсан дасгалын үеэр бий болсон дадал юм.

- Ла Масиад хөлбөмбөгөөс гадна юу сурсан бэ? 
- Ла Масиа бол хөлбөмбөгийн сургуулиас гадна амьдралын сургууль юм. Бидний хамгийн түрүүнд заалгадаг зүйл бол хүндлэл. Бид зөвхөн багийнхнаа хүндлээд зогсохгүй өрсөлдөгчийг, шүүгчийг болон фэнүүдийг хүндлэх ёстой.

- Та түрүүнд Зиданы тухай ярьсан. Та түүнийг Алжир гаралтай гэдгийг мэдэх үү? 
- Тэгэлгүй яахав. Зиданыг Алжир гаралтай гэдгийг мэдэхгүй хэн байхав дээ.

- Хүн бүр түүний тоглолтыг хараад өөрийнхөөрөө дүгнэдэг байх. Марадона түүнийг тэр том биеэ хэрхэн чадварлаг хөдөлгөж байгааг шагшиж байсан бол Аяала түүний бөмбөг эзэмшилтийг онцгойлж байлаа. Харин таны хувьд? 
- Миний хувьд Зидан бол 1995-2006 оны хооронд дэлхийн шилдэг тоглогч, энэ спортын түүхэн дэх агуу хүмүүсийн нэг. Түүний тоглолтыг үзнэ гэдэг яг л нэг үзвэр шиг. Тэр бүгдийг мэдэж байгаа юм шиг л тоглодог байсан, баруун хөлөөрөө гайхалтай сайн тоглоно, яг л зүүнээрээ тоглодог шигээ, хууралт, цохилт гайхалтай хийнэ, толгойгоороо ч мундаг. Тэр бол миний амьдралдаа харж байсан хамгийн төгс тоглогч.

- Бидэнд ярьж өгөх Зизутай холбоотой түүх таньд бий юу? Та голдуу түүний өрсөлдөгч байсан болохоор энэ их сонирхолтой байна.
- Тэр талбай дээр байхдаа өөрийг нь давж гарсан зүйлсийг хэзээ ч тэвчдэггүй байсан. Би түүнээс тийм ч олон удаа бөмбөг тасалж байгаагүй, тэр ч үүнийг зөвшөөрөхгүй нь мэдээж. Зиданыг жинхэнэ дайчин гэж хэлж болно. Олон хүн үүнийг үгүйсгэж магад, гэхдээ тэр талбай дээр маш түрэмгий, гайхалтай хүчирхэг тоглогч.

- Таны “дайчин” гэж хэлсэн чинь Алжирчуудын хувьд яг л уриа шиг сонсогдох байх даа. Шигшээ баг нь “Цөлийн дайчид” гэдэг хочтой юм. 
- (инээв) Энэ магадгүй түүний Алжир гарлаас нь болсон байж ч мэднэ. Түүний техникийн ур чадвар дээр нь нэмээд тэр маш мундаг хамгаалдаг байсан. Үнэндээ тэр хөлбөмбөгийн талбай дээрхи Алжирын дайчин байсан.

Спортын Цонх Форум / Модератор Cule

Үргэлжлэл бий

Хуваалцах/Тэмдэглэх

Харин хөлбөмбөгч өөрөө клубүүдийн ДАШТ-д оролцох хүсэлдээ дийлдэн “Сантос”-т үлдэхээр шийдсэн билээ. Харин тэр тэмцээн дууссаны дараа буюу өвлийн солилцооны цонхоор Неймарыг Европт газардана гэдэгт олонх хүн итгэлтэй байсан. Тэгвэл одоо түүнд санаархагчид 2014 он хүртэл хүлээх хэрэгтэй болох нь. “Сантос”-тай шинэ гэрээ үзэглэснийхээ дараа Неймар “Би Бразилд үлдэхийг хүсдэг гэдгээ үргэлж хэлдэг байсан. Ялангуяа “Сантос”-т. Намайг идэвхтэй сонирхож байсан багуудад баярлалаа” хэмээн ярьжээ. 19-хөн настай залуу довтлогч ингэж ярианы гол сэдэв болсон нь түүний авьяас чадвартай шууд холбоотой. Тэр ердөө хоёр жил хагасын өмнө “Сантос”-ын үндсэн бүрэлдэхүүнд багтаж байв. Тэр жилээ 49 тоглолтод 14 гоол оруулсан нь залуу довтлогчийн хувьд чамлахааргүй үзүүлэлт байлаа.

Харин өнгөрсөн жил жинхэнэ тэсэрч, өөрийгөө хэн болохыг дэлхий дахинд харуулж чадсан. Нийт тэмцээнүүдэд 63 удаа гараанд гарч тоглоод 43 гоол оруулсан нь ямар ч багийн анхаарлыг татахаас аргагүй байв. Мөн үүн дээр багийн андууддаа өгсөн 21 дамжуулалт нэмэгдэнэ гэхээр тэр ямархуу авьяаслаг довтлогч болох нь ойлгогдоно. Түүний гялалзсан тоглолтын ачаар “Сантос” баг Бразилийн аваргаар тодорч, Өмнөд Америкийн клубүүдийн хамгийн нэр хүндтэй тэмцээнЛибертадоресийн цомд өнгөлсөн. Энэ үеэс хойш тэр дэлхий дахины анхаарлын төвд орсон юм.

Мөн Бразилийн шигшээд 15 удаа тоглож, найман бөмбөг оруулж амжжээ. Өдгөө энэ залуу Бразилийн шигшээ багийн гол найдвар хэмээн үнэлэгдэх болсон. Тиймдээ Неймар гурван жилийн дараа эх оронд нь зохиогдох хөлбөмбөгийн ДАШТ хүртэл “Сантос”-аас явахгүй байхаар шийджээ. Пеле тэргүүтэй зарим алдартнууд түүний энэ шийдвэрийг туйлын зөв хэмээн талархан хүлээн авлаа. Гэхдээ буруутгах хэсэг ч бас байна. Хэрвээ Неймар Европт ирж тоглохгүй бол хэзээ ч дэлхий нийтийг байлдан дагуулж чадахгүй. Месситэй эн зэрэгцэхүйц авьяастай нь үнэн л юм бол Европын том багт ирж, үүнийгээ харуулах ёстой хэмээн тэд ярьдаг. Энэ нь ч үнэн юм. Дэлхийд нэр алдраа дуурсгасан Бразил, Аргентиний одод чухам буурал тивд ирж тоглосны ачаар л тэрхүү өндөрлөгт хүрч чадсан билээ.

Г.БАЯРСАЙХАН

Хуваалцах/Тэмдэглэх

Хуваалцах/Тэмдэглэх

Учир нь сүүлийн 10 жилд еврогийн фунттэй харьцах ханш огцом чангарснаар хоёр валютын хооронд зөрүү гарч ирсэн юм. Тухайлбал, Зидан 2001 онд “Реал”-д очихдоо 53 сая фунт буюу тэр үеийн ханшаар 86 сая еврогийн үнэ хүрч байв. Тэгвэл хоёр жилийн өмнө Кака 56 сая фунтын өртгөөр мөн л Мадридыг зорьсон ч еврогоор тооцож үзвэл Зиданы ард (68 сая) бичигдэж байгаа юм. Ийнхүү хоёр валютын ханшийн өөрчлөлтөөс болоод тоглогчдын байрыг гаргахад хэцүү болсон. Гэхдээ хөлбөмбөгийн мэргэжилтнүүд дээрх зөрүүг арилгахын тулд инфляцын өөрчлөлттэй уялдуулан өнөөгийн ханшийг гаргажээ. Ингээд дээрх тооцоогоор хамгийн өндөр үнэ хүрсэн тоглогчдыг дор танилцуулья.

Хуваалцах/Тэмдэглэх

1. Алексис Санчез 

Хаанаас :  Удинезе

Хаашаа : Барселона

Хэдээр :  37.5 сая евро

Европын аваргуудын эгнээнд нэгдсэнийхээ дараахан Санчез шинэ багийн анд Месси шиг тоглогч болно хэмээн ярилцлага өгсөн. Санчезт мэдээж сайжруулах зүйл чамгүй их байгаа. Гэхдээ нэг л зүйл тодорхой.  Ла лигийг доргиох шинэ залуу од нарлаг Испанид хөл тавилаа.

2. Нури Сахин

Хаанаас :  Б.Дортмунд

Хаашаа : Реал Мадрид

Хэдээр :  10 сая евро

Өнгөрсөн улирлын Б.Дортмундын гайхалтай амжилтын нэг үндэс бол Сахин байсан. Дортмундын фенүүдийн удаан хүлээсэн аваргын цомыг тэрээр авчирсан бөгөөд Реалд ч мөн ийм зорилготой ирж байна. Олон багуудын харааг булааж байсан авьяаслаг тоглогчыг ердөө 10 сая еврогоор авч чадсан нь Реалд тун хожоотой наймаа болсон.  Ганцхан жилийн дараа гэхэд Сахинийг үүнээс дөрөв, тав дахин өндөр үнээр тэд зарж болно. Гэхдээ мэдээж хүссэн зорилгодоо хүрсний дараа.

3. Серхио Агуеро

Хаанаас :  Атлетико Мадрид

Хаашаа : Манчестер Сити

Хэдээр :  38 сая евро

Ман Ситигийн арилжаа наймааны шинэ дээд амжилтыг тогтоон Серхио Агуеро ирлээ. Энэ наймаа нилээд  удаан саатсаны учир нь Агуерогийн өндөр цалингийн шаардлага байв. Нэгэнт олон баг араас нь хөөцөлдөж байсан болохоор Серхио аль болох өөртөө ашигтай гэрээ байгуулахыг хичээж байлаа. Ингээд “Копа Америка” өнгөртөл багагүй хугацаанд хүмүүсийн толгойг эргүүлсний эцэст Марадонагийн хүргэн Манчестерт газардлаа. Энд түүний шигшээ багийн анд Тевес, Сабалета гээд танил хүмүүс цөөнгүй бий. Мөн долоо хоногийг 200 гарсан мянган фунтын цалин халааслах болсондоо Агуеро сэтгэл хангалуун суугаа бизээ.

4. Мануель Нойер

Хаанаас :  Шальке 04

Хаашаа : Байерн Мюнхен

Хэдээр :  18 сая евро

Нойерийг Байернд алга ташиж угтсан хүн цөөхөн. Гэхдээ дэлхийн шилдэг гэсэн тодотголтой хаалгач багийнх нь хаалгыг манахаар ирэж байхад  ингэж гомдоогоод явуулбал жинхэнэ алдас болох биз. Нойер 2016 он хүртэл урт хугацааны гэрээ байгуулж 18 сая еврогоор Мюнхений багт ирсэн. Хөлбөмбөгийн түүхэнд ийм өндөр үнэ хүрсэн хаалгач цөөхөн. Гэхдээ Нойер энэ жагсаалтанд 3-рт жагсаж байна. Эхний байранд мэдээж хэрэг Жижи Буффон 33 сая фунтээр орсон. Харин аман хүзүүдсэн хаалгачыг доор та бүхэн харна.

 5. Артуро Видал 

Хаанаас :  Байер Леверкузен

Хаашаа : Ювентус

Хэдээр :  10.5 сая евро

Өнгөрсөн улиралд үзүүлсэн шилдэг тоглолтынхоо ачаар Чили эр Европын топ  багуудын  нүдийг багагүй хужирласан. Харин түүнийг багтаа элсүүлэхийн төлөөх тулаанд Туриний аварга загас Ювентус ялалт байгууллаа. Шинэ орчин, шинэ лиг, шинэ баг гээд бүх зүйл түүний хувьд амаргүй байх болно. Тэр тусмаа аваргын титмээ эргүүлэн авах том зорилго тавьж буй Ювентусын фенүүд түүнээс их зүйлийг хүлээж байгаа.

6. Жервиньо

Хаанаас :  Лилль

Хаашаа : Арсенал

Хэдээр :  13.5 сая евро

Арсеналын цомгүй жилүүдээ дууусгахад гарцаа байхгүй тус болох тоглогч. Жервиньо дебут тоглолтоороо л үүнийг баталж чадсан. Кёльнтой хийсэн нөхөрсөг тоглолтонд тэрээр дубль хийж дебут тоглолтоо чимсэн билээ. Энэ бүхний эцэст Арсенал  13.5 сая фунтынхаа төлөө харамсахгүй гэдэгт итгэж байна.

7. Давид Деа Хеа

Хаанаас :  Атлетико

Хаашаа : Манчестер Юнайтед

Хэдээр :  19.5 сая евро

Дээр дурьдсан түүхэн дэх хамгийн үнэтэй хаалгачдын жагсаалтанд аман хүзүүдсэн залуу. Эдвин Ван дер Сар хэмээх аугаа хаалгачын гаргасан замаар алхаж байгаа Испаний ирээдүй. Түүнд итгэж байгаа хүмүүсийн адил эргэлзэж байгаа хүмүүс ч бас олон байгаа. Хар багаасаа Атлетикогийн гарааны хаалгач болсон учраас өндөр түвшний тоглолтын туршлага түүнд хангалттай байгаа.  Сарын адил шилдэг хаалгач болох эсэхийг цаг хугацаа харуулахбизээ.

8. Эшли Янг

Хаанаас :  Астон Вилла

Хаашаа : Манчестер Юнайтед

Хэдээр :  19 сая евро

Эшли Янгд энэ жагсаалтанд багтсан бусад тоглогчдын адил шинэ лигт дасна гэсэн асуудал байхгүй. Харин гарааны эрхээ хурдан баталгаажуулах гэсэн онцгой даалгавартай. Ингэхийн тулд тэр Нани гэсэн айхавтар тоглогчыг давж гарах хэрэгтэй болно. Мэдээж Янгийн ур чадварт эргэлзээд байх зүйлгүй. Гагцхүү хэн сайн хөдөлмөрлөж, формтой байсан нь алдар хүндийг оргилд гарна.

9. Андре  Шюррле

Хаанаас :  Майнц

Хаашаа : Байер Леверкузен

Хэдээр :  8 сая евро

Бундеслигийн ирээдүйг гэрэлтүүлж байгаа олон авьяаслаг залуусын нэг бол  Шюррле. Өнгөрсөн улиралд 15 гоол оруулж 5 ашигтай дамжуулалт өгч шигшээ багийн дебутээ хийгээд амжсан байгаа. 20 настай энэ залуугийн өмнө гайхалтай карьер хүлээж байна. Бундеслигтээ гялалзаж байхад тун удахгүй бусад лигүүдээс урилга ирнэ бизээ.

10. Санти Касорла

Хаанаас :  Вильяреал

Хаашаа : Малага

Хэдээр :  21 сая евро

Хүмүүс Касорлаг 21 сая хүрсэн гэхэд итгэж чадахгүй байгаа байх. Гэхдээ  дараагийн Ман Сити болохоор ажиллаж байгаа Малагагийн хувьд энэ мөнгө дэмий зарагдаагүй гэж найдахаас. Хурдтай тоглолтоо талбайн аль аль жигүүрт ашиглаж чаддагаараа Санти өндөр үнэлэгддэг. Ла лигийн шинэ улирлыг чимэх тоглогч гарцаагүй мөн.

Хуваалцах/Тэмдэглэх

Барселона хотын Консулын газрын статистикийн албан дахь 1996 оны шилжин суурьшигчдын бүртгэл дээр 11,028 хүн энэхүү хотод шинээр суурьшихаар бүртгүүлсэн байдаг бөгөөд үүнээс 99 хүн Кастиль-Ла Манчагаас иржээ. Тэдэн дунд хөлбөмбөгч болох мөрөөдлөө тээсэн 12-хон настай бяцхан хүү Андрес Иньеста явж байлаа. Тэрээр өөрийн мөрөөдлөө биелүүлж чадсан юм. Андрес аавыгаа 40 насандаа барилгын хүчир ажлаа орхиход нь тусалж, анхныхаа мэргэжлийн гэрээг хийсэн даруйдаа ээждээ байшин авч өгч байв. Харин өнөөдөр тэр 27 настай, Дэлхийн Аварга, дөнгөж эцэг болоод буй, одоог хүртэл төмстэй тахианы маханд дуртай, талбайн гадна төдийлөн олны анхаарал татаад байдаггүй нэгэн. Энэтхэгээр аялж Таж Махалыг үзнэ гэж өөртөө амлачихсан байгаа гэсэн.

“Би хувь заяанд итгэдэг. Яагаад гэвэл болох ёстой юмс л болоод өнгөрдөг учраас. Би бас бурханд итгэдэг хэдий ч энэ тодорхой хэмжээтэй. Надад дагаж мөрддөг зан үйл байдаггүй”.

Андрес Иньестаг өвөө нь Андрес хэмээн дууддаг байж. Фуэнтелбиллад (Албасете) гурван Андрес Иньеста байжээ. Нагац ах Жозе Антониогийн хүүхдүүд болох Андресийн 2 үеэлийн нэг нь ийм нэртэй хөлбөмбөгч байлаа. Мөн тохиолдлоор түүний ээжийн аав нь бас л Андрес гэдэг нэртэй байж. Тэрээр хотод нэг жижигхэн баар ажиллуулдаг, охинтойгоо хамт үүнийгээ эрхэлдэг байсан бөгөөд 10 жилийн өмнө баараа хаажээ.

Бид FC Барселонагийн тоглогчтой Сиудад Депортивогийн бэлтгэлийн танхимд ярилцаад сууж байна. Тэрээр Найкын бэлтгэлийн хувцас өмсчээ. Энэ компанитай тэрээр залуу тоглогч байхдаа гэрээ байгуулан ажиллаж эхэлсэн бөгөөд одоо  Америк брэндийн бас нэг нүүр царай болсон гэж хэлж болно. Андресийг жаахан хүү байх үед түүнд Адидас Предаторын хос гутал авч өгөхийн тулд аав нь бүтэн 3 сарын турш мөнгөө цуглуулах хэрэгтэй болж байсан түүх бий аж.

Андрес Иньеста бяцхан хүү байхдаа Фуэнтелбиллагийн спорт цогцолбор дахь Ла Писта гэдэг футзалын 2 жижигхэн хаалгатай, цементэн талбайд хөлбөмбөг тоглодог байв. Энд тэр 8 нас хүртлээ буюу хотоос 80 км алс дахь Албасете клубын шалгалтанд хамрагдах хүртлээ байсан юм. “Би Албасетег дэмждэг байсан. Миний аав Атлетикийн дэмжигч, харин би Албасете болон Барсаг дэмждэг, миний 2 дахь баг. Амралтын өдрүүдээр би зурагтаар нэгдүгээр дивизионд хүч үзэж буй Албэсетегийн тоглолтуудыг үздэг байлаа. Жосико, Салазар, Катали, Барсагаас зээлээр ирсэн Жаги Оскар, Биелика, Молина гээд л… Тэр жил тэд дээшээ дэвшсэн маш сайхан улирал байсан юм. Би хотынхонтой хамт энэхүү баярыг тэмдэглэсэн. Гэвч нэг өдөр би маш их гунигласан, шалтгаан нь Барселона Албасетегийн хаалганд 7 гоол хийчихсэн юм”.

Каденагийн сэтгүүлч Сэр Жозе Рамин де ла Моренагийн зохион байгуулсан “Брунете” тэмцээний шилдэг тоглогчоор шалгарах хүртлээ Иньеста  Албасетед хэнд ч үл мэдэгдэм байдалтай байв. Тэмцээний үеэр хэт цайвар содон арьстай, гайхалтай тоглолттой хүүг анзаарахгүй байхын аргагүй байлаа. Мэдээж тэнд Реал Мадрид, Барса гэх мэт томоохон багуудыг скаутууд ажиллаж байв. FCB-ын хүүхдийн багийн асуудал эрхэлдэг Ориол Тортын холбоотон Алберт Бенайжес тэмдэглэлийн дэвтэртээ нэжгээд нэрстэй, харин толгойдоо Иньестагийн тухай бодолтой Ноу Кампд эргэж ирлээ. Гэвч тэдэнд нэг асуудал үүсэв. Ла Масиад элсүүлж болох насны доод хязгаар 14, гэтэл тэр дөнгөж 12 настай. Клубын зүгээс Андресийн эцэг эхэд хүүд нь дээд зэргийн анхаарал тавих бөгөөд түүнд зориулж 3 жилийн турш байр хадгалах болно гэсэн болзол тавьжээ.

“Энэ бол тухайн үедээ байдаг л үзэгдэл байлаа, харин одоо бүх зүйлсийг илүү хялбар, хурдан амжуулдаг болжээ” гэж тэр үеийн Ла Масиагийн дасгалжуулагч, одоо Ливерпулийн 18-с доош насны багийн мэргэжилтэн Родолфо Боррэл хэлсэн юм. Иньестагаас гадна түүнтэй нас чацуу Жорге Тройтейро хэмээх бас нэгэн хүүгийн асуудал яригдаж байлаа. Тэр ч бас Бенайжесийн дэвтэрт тэмдэглэгдсэн нэгэн. Брунетегийн тэмцээнээс хоёр долоо хоногийн дараа Тройтейрогийн эцэг нь хүүгээ дагуулан Ла Масиад ирэв.

“Шийдвэрээ гарга. Тэр энд үлдэнэ, эсвэл бид Мадрид руу явлаа. Яагаад гэвэл миний хүү хөлбөмбөгчин болох ёстой”.

Хүүхдийн асуудал эрхэлсэн эрхэм профессор Торт шийдвэрээ гаргалаа. Клуб тэдний саналыг зөвшөөрсөн бөгөөд Фуэнтеалбилла руу утасдаж Иньестагийн  талаар тохиролцжээ.

Андресийн ээж хүүгээ Барселон руу явуулахыг зөвшөөрч чадахгүй байлаа. Гэвч эцэг нь түүнийг ятгаж дөнгөв. Барсагийн санал тэдний хүүгийн карьерт хамгийн сайнаар нөлөөлж чадна гэж тэр үзжээ.

“Магадгүй тэр үед би маш хатуу хандсан байх” гэж тэрээр одоо ярьж сууна. “Би түүнд явахыг хүсэхгүй байгаагаа хэлэхэд аав минь надад амьдрал дээр зарим галт тэрэг ганц л удаа ирдэг гэж хэлсэн юм”

Хэдийгээр аавынх нь хариулт хэт хатуу мэт санагдаж байсан ч Андрес толгой дээр нь Лаудрүп, Гвардьола нарын зурагт хуудас наасан орон дээрээ хэвтэж байхдаа аавынхаа ярьсан, зөвлөсөн бүгдийг бодсоор л байлаа. Тэгээд нэг л өдөр тэр аавдаа ийн хэлэв. “Ааваа, Барсаруу залгаач”. Аав нь утсаа авлаа.

Хэдэн долоо хоногийн дараа хичээлийн жил эхлэхээс өмнөхөн Андрес дээр өгүүлсэн Ла Манчагаас Барселон руу шилжих 99 хүний нэг болохоор шийджээ.

“Маш их бодсоны эцэст, эцэг эхтэйгээ зөвлөлдсний дараа би тийшээ явахыг хүсч байгаагаа хэлсэн. Нэгэнт бодолдоо бүрэн итгэснийхээ дараа би ямар ч үнээр хамаагүй үүнийг хийхэд бэлэн болсон байлаа. Энэ бол миний оршин байх зам, надад байгаа үнэ цэнэтэй зүйлс минь болжээ.

Шийдвэр гаргах үед энэ нь надад л тустай, тэгээд ч нэгэнт шийдсэн бол буцах зам үгүй гэдгийг би мэдэж байсан юм. Энэ бол амьдрал дээр болон спортын аль алинд нь байдаг төстэй нөхцөл байдал. Нэгдүгээр багт орох үед надад төдийлөн хангалттай тоглох боломж олддоггүй байсан ч би энд гайхамшгийг бүтээж мөрөөдөлдөө хүрэх болно гэдэгтээ бүрэн итгэлтэй байсан.

Зарим нэг шилжилт, наймааны тухай янз бүрийн яриа сонсогддог байсан хэдий ч би эндээ тавхан минут талбайд гарч тоглохыг хаа нэг тийшээ явахаас илүүд үзэж байсан юм. Би шаргуу хөдөлмөр, асар их хүсэл тэмүүлэлтэй байхад мөрөөдөлдөө хүрч болно гэдэгт итгэж байсан. Тиймээс би аавдаа тийшээ явцгаая гэж хэлэх үедээ надад буцах зам үгүй гэдгийг ойлгосон”

Барселон руу аялах аялал яг л там шиг байв. Тэр хэзээ ч энэ зам түүнийг ийм хол авч явна гэж төсөөлж байсангүй. Хөх өнгийн Форд Орионд эцэг эх, өвөөтэйгөө хамт суугаад Барселон хүргэх замаар яваа бяцхан хүү тасралтгүй уйлж байлаа.

“Бид Тортосад юм идэхээр зогссон юм. Гэвч хэн ч юм идсэнгүй. Ээж минь уйлж байсан, аав минь өлсөөгүй гэж хэлсэн бол харин өвөө минь намайг тайвшруулахыг оролдож байлаа. Би ч бас хооллож чадаагүй. Миний санаанд үлдсэн Ла Масиагийн анхны зүйл бол захирал Жоан Фаррис. Тэр намайг хүүхдийн багийн хаалгач, 1,90м гаруй өндөр Жозетой танилцуулж, Ла Масиагийн байгууламжуудыг үзүүллээ. Би түүнийг хараад “бурхан минь” гэж уулга алдсан. Тэгээд оройн хоолонд орсон. Би уйлсаар л байлаа.

Дараагийн өдөр нь сургуульд явж, эцэг эх минь надад сургуулиас гарч иртэл чинь эндээ хүлээж байх болно гэж хэлсэн юм. Гэвч намайг хичээлээ тараад гарч иртэл тэд хэдийнэ явчихсан байв. Энэ нь ч тэрхүү зүдгүүртэй байдлыг зогсоох хамгийн шилдэг арга байсан байх. Намайг үргэлжлүүлэн уйлах үед тэд миний дэргэд хэвээр үлдсэн бол байдал хамаагүй муу болох байжээ”.

Иймэрхүү баяртай гэсэн үггүй салалтууд хоёр долоо хоног бүр давтагдана. Түүний эцэг эх нь бямба гарагт ирж хүүгээ харж байгаад ням гаригийн орой буцах үедээ:

“Маргааш бид чамайг сургуульд чинь хүргэж өгөхөөр буцаж ирэх болно” гэж хэлдэг байв. Гэвч Андрес сургууль руугаа ганцаараа явна гэдгээ мэддэг байлаа. Зарим амралтын өдрөөр аав ээж нь ирээгүй үед Бенайжес түүнийг гэрлүүгээ авч яван сэтгэлийг нь засахаар оролдож кино үзүүлэх, тоглоом тоглуулах зэргээр Бямба гаригийн оройг хүртэл хамт байдаг байв. Энэ бүхэн дуусахад Андрэс маань Виктор Валдэс зэрэг бие биенээ сайн мэдэх арай ахмад настай хүүхдүүдээр дүүрэн байшинд үлдсэн бяцхан хүүгийн зангаар дахиад л уйлж эхэлдэг байлаа.

“Одоо Ла Масиад маш олон жаахан хүүхдүүд байдаг. Гэвч тэр үед Тройтейро бид хоёроос өөр жаахан хүүхэд байгаагүй юм. Виктор бидэнд санаа тавьдаг, тэр бидэнтэй их сайнаар харьцдаг байсан. Тройтейро бол маш сайн байсан хэдий ч өөрөө хянаж чадахааргүй нөхцөл байдал үүсдэг шүү дээ, хүн бүхэнд өөрийн түүх, өөрийн агшин байдаг.

Тэр Барсагийн төлөө тоглох мөрөөдлөө дагаагүй юм, гэхдээ л хөлбөмбөгийн ертөнцөд үлдсэн. Одоо тэр Бургос клубт тоглодог”. Иниэста өөрийн сэтгэл зүйгээ барьж чадсан гэж Бенайжес хүүрнэнэ. “Би маш олон сайн тоглогчидтой уулзаж байсан, 19 настай боловч Ла Масиа дахь хоёр долоо хоногийг ч тэсч чадаагүй залууг оролцуулаад шүү. Тэд гэртээ л байхыг хүсдэг юм”

Саяхныг хүртэл клубын хувьд түүний талаар зарим эргэлзээ байсан юм. Спонсоруудад ч мөн адил. Тэр Сеск, Мэсси, Пике нарыг багтаасан нэгэн гайхалтай үед багтахгүй, мөн энэ бүхэнд хүчтэй нөлөө үзүүлэхээр дасгалжуулагчтай үе ч түүнд тохиохгүй л байлаа. Ллоренз Серра Феррер, Луйс Ван Гааль нарын түрүү авч чадахгүй үе болон фэнүүдийн гайхан шагших Франк Райкаард түүнийг дийлэнхдээ сэлгээнд суулгаж байв.

Гэмтэл бэртэл болон талбайд гарах цаг хомс олдох хүсээд баймгүй тэр үеийг Иниэста өөрийн хүсэл мөрөөдлөө хадгалж байсны хүчин гэтэлж, хүмүүс түүний кареерийг Раул Мартинез юм уу Эмили Рикартынх шигээр төсөөлж байсан хүнд үеийг эмч нарын хүчээр даван гарлаа.

Түүний Стэмфорд Бриджэд гоол оруулан Барсаг Аваргуудын Лигийн финалруу хөтөлсөн шиг зарим гайхалтай агшнуудынх нь талаар бичихэд их сонирхолтой байх болно. Барселонизмын ертөнц тэр аяараа Андрэсийн баруун хөл рүү ур чадварыг нь бахдан, хүсэл мөрөөдөлдөө автан байж харсан байх. Магадгүй хэн нэгэнд зарим зүйлс үнэхээр боломжтой гэдгийг мэдрэхийн тулд хэсэгхэн хугацаа шаардагдсан ч байж мэднэ. Тэр заримдаа зүгээр л бүхнийг мэдэрдэг. Талбай дээр болон талбайн гадна. Тэр ДАШТ-ын финалын гоолыг ч мэдэрч байсан.

Андрес Испанийг аварга болохыг нь мэдэж байсан аж. Бүүр итгэлтэй байж. Энэ бол “одоо, эсвэл хэзээ ч үгүй” гэсэн утгатай байв. Дасгалжуулагч, тоглогчид болон бусад бүх нөхцөл байдалд, тэгээд тэр өөрөө тоглож байгаа учраас. Тэр улирал Андрэсийн хувьд маш хэцүү үе байлаа.

“Эцэст нь би өөрийгөө хөлбөмбөгчин гэдгийг дахин мэдэрсэн юм, би маш аз жаргалтай байсан. ДАШТ намайг миний хувьд аймшигтайгаар өнгөрсөн өмнөх улирлын дарамтнаас чөлөөлсөн, би тэрхүү ялалтын хэдхэн хормын төлөө маш их зовлон туулсан”. Тийм ээ, тэрээр төгсгөлийн тэр хэдхэн хормын төлөө, тэр гоолын төлөө нилээдгүй шаналж зовсон юм”

Одоо тэрээр үндэсний баатар, Барсагийн байнгын хэсэг, Стэмфорд Бридж болон Иоханнэсбүргийн гоолоор алдаршсан, Испанийн хамгийн шилдэг “төлөөлөгч” болсон билээ.

“Юунаас ч илүү сэтгэгдэл төрүүлсэн зүйл бол улс орны хаана ч голдуу эсрэг баг маань ялагдаж байгаа нөхцөлд фэнүүд нь намайг сэлгээгээр суухад алга ташин үдэж байгаа нь юм. Энэ нь хөлбөмбөгөөс гадна, тухайн үед гарч буй үр дүнгээс илүү үнэ цэнэтэй зүйл байдгыг харуулдаг”.

Та дэлхийн хэмжээний тоглогч болсон гэдгээ мэдэрдэг үү?

“Би Фуэнтэалбиллагаас ирсэн, Албасетед төрсөн хэдий ч өөрийгөө яг л бусад шигээ Каталан мэтээр төсөөлдөг. Би энд Албасетед өнгөрүүлснээсээ илүү урт хугацаанд байсан. Би энд өсч торнисон, их азтай хүн. Барселона болон Каталан намайг би болгосон, миний гэр бүлд бүхнийг өгсөн, тиймээс би болон бид өөрсдийгөө Каталанаас гаралтай мэтээр л боддог болжээ. Би өөрийгөө хаанаас гаралтай болон хаанаас ирснээ сайн мэднэ”.

Испани эх орон болон шигшээ багийн тухайд?

“Энэ их хэцүү асуулт байна. Хүн бүр өөрийн бодол санаагаа чөлөөтэй илэрхийлэх эрхтэй. Гэхдээ бусдад хүндэтгэлтэй хандах ёстой. Испани, Каталан, Андалуз гэж бодохоосоо илүүтэй бие биедээ хүндэтгэлтэй хандах хэрэгтэй байх. Үүнээс үүдсэн ямар нэг зөрчилдөөн байх ёсгүй, яагаад гэвэл ямар нэг мэдрэмж бол нэг л зүйл, харин бусад зүйлс бол бусад зүйлс шүү дээ. Бид боломжит хамгийн сайн гэсэн замаар л амьдрахыг хичээх хэрэгтэй байх”

Барселонад мөрөөдөлдөө хүрсэн хүүд Фуэнтеалбиллад түүний болон гэр бүлийнх нь бахархал болгож түүний нэрээр нэрлэсэн гудамж ба 140 гектар талбай бүхий усан үзмийн талбай бий.

9-р сарын эхний долоо хоногт Иниэста болон түүний гэр бүл хамгийн анхны ургац хураалтаа хийнэ. Усан үзэмний тариалалт маш их шаргуу хөдөлмөр шаарддаг аж.

“Аав минь болон ах дүүс маань тэнд шаргуу ажиллаж байгаа. Анхандаа бидэнд энэ маш хүнд ажил санагддаг байсан, гэхдээ одоо бид аргыг нь олсон. Бид Каррил де Иниэста гэдэг ферм худалдаж авсан, энэ миний хувьд нэгэн шинэ ертөнц”.

Тэр бол хөлбөмбөгт хүсэл тэмүүлэлтэй жирийн л нэг залуу. Тэрээр өөрийн тоглолттой давхацсан тоглолтуудыг ихэнхдээ зурагтаар үздэг гэнэ. Тэр мөн өөрийг нь тайвшруулж, урам сэргээдэг болохоор нь “Комо Камарун?” сонсох дуртай. Англи хэлний хичээлд бас цаг зарцуулдаг. Удахгүй тэр Каталанд хэвлэлийн бага хуралд оролцоно.

Гэхдээ яг одоо бол түүний хамаг анхаарал анхны хүүхэд нь болох Валериа дээр төвлөрчихөөд байгаа аж. Энэ бол түүний “хувь заяа”. “Надад дахиад аз таарч Анна надад шинэ амьдрал бэлэглэсэн. 2007 он их хүнд жил байлаа. Надад маш олон асуудал тулгарч байсан хэдий ч тэр намайг сэргээж чадсан юм. Хүнийхээ хувьд тэр 10/10 оноо авч чадна”.

“Хүн бүр өөрийн аз жаргалыг, өөрийн амьдрах замыг, хамт амьдрах хүмүүсийг хайж олдог. Миний аз жаргал бол энэ. Би өөрийнхөөрөө байхдаа яг л өөртөө таарсан аз жаргалтай байж чаддаг. Би өөртөө байгаа бүхэнд хайртай. Заримдаа ТВ Шоу эсвэл кино үзэх дуртай”.

Дуртай жүжигчин?

“Дензел Вашингтон, Рассэл Кроу. Би бусдад өгөхөөсөө илүү өөртөө хадгалах дуртай. Энэ миний жаргал, амьдрах зам минь. Хүмүүс миний талаар ямар сэтгэгдэлтэй явдаг нь намайг хэн бэ гэдгийг харуулна. Заримдаа би бусдын анхаарлын төвд ордог ч үүндээ дургүй. Би өөртөө байгаа зүйлээс л таашаал авдаг. Надад маш их зүйлс байгаа бол би сэтгэл хангалуун бус байж хэрхэн чадах вэ. Талбай дээр чи хэрхэн тоглож байгаа чинь чиний амьдралын л тусгал”

Тэр бол иймэрхүү ярианд дуртай хүмүүсийн нэг

“Надад маш өндөр боловсролтой найзууд бий. Яагаад зарим зүйлс тийн өрнөөд өнгөрснийг би заримдаа ойлгодоггүй. Байгалийн гамшиг, Австрали дахь үер, Японы газар хөдлөлт гэх мэт. Энэ бүхэн намайг гунигт автуулдаг. Бас Египтэд, Каддафид юу тохиолдов гээд л. Би шударга бус байдалд дургүй, хүүхдүүд хүчирхийлэлд автаж байхад, эмэгтэйчүүд дорд үзэгдэхэд ч бас”

Заримдаа тэр сэтгэл тавгүйтдэг ч уураа ил гаргадаггүй. Та Алтан Шаахай авч чадаагүйдээ уурласан уу?

“Би өөрийгөө хэзээ ч Баллон ДиОр-ын гол нэр дэвшигч мэтээр төсөөлж байсангүй”

Мэсси үнэхээр шилдэг нь үү?

“Бидний хувьд тэр бол шилдэг. Багт тэр хэрэгтэй, түүнчлэн Мэссид ч бас баг хэрэгтэй. Завшаантай нь бидэнд Пэп байна. Тэр бүгдийг мэддэг, Барсагийн бүх системээр дамжсан хүн. Хөлбөмбөгийг хэний ч мэдэхгүй өнцгөөс хардаг, биднийг бүгдийг нь маш сайн мэднэ. Тэр бол энэ багийн хамгийн гол хэсэг, маш олон түрүү хүртэж байсан, цаашид ч чадах нэгэн. Би түүний тоглолтонд дуртай байсан, одоо тэр бидэнд тусалж байна. Тэр бол бидний замыг гэрэлтүүлэх гэрэл”.

Андрэс Иниэста одоог хүртэл анхны буюу аав нь мөнгөө гурван сар цуглуулж байж авч өгсөн гутлыг хадгалж байдаг. Тэрээр гэртээ байхдаа, гутлаа харахдаа Ла Писта, Албасетеруу хийсэн аялал, Брунетегийн тэмцээн, амьдралдаа тохиолдсон хамгийн гунигтай Тортосагийн хооллолт, Валдэсын асран хамгаалалтыг санан дурсдаг. “Би тэр гутлаа харах бүртээ хаанаас ирснээ санадаг”.

Тэрээр дараагийн удаа эцэг эх дээрээ айлчлан очиж төмстэй шарсан тахиа идэж, эгчтэйгээ уулзан Анна болон бяцхан Валеритайгаа гар гараасаа хөтлөлцөн суух бяцхан аз жаргалыг түүнд хүсье. Тэгээд Андрэс Иниэста маань сайн сайхан бүхнийг дахин мэдэрч мөрөөдөл нь биелэх мөчийг дахин харах байх.

Мөн үргэлж ивээлээ хайрлаж байдаг ээж чинь аз жаргалтай байх болтугай…

sportnews.mn/forum

by CULE

Хуваалцах/Тэмдэглэх

“Энэ бүх жилүүд, хамт тоглож байсан хүн бүхнийг дурсахад сайхан байна. Энэ бүхэн надад маш их туршлага, сайхан дурсамжийг өгсөн” хэмээн өнөөдрийн гол баатар маань яриад цааш нь Евро 2012-г тэсэн ядан хүлээж байгаагаа нуугаагүй юм. Клозэ одоо 32 настай, довтлогч хүний хувьд тийм залуу нас биш ч түүний туршлага, ур чадвар залуухан Германын шигшээ багт маш чухал.
Миро одоогоор клубтээ Марио Гомэзийн дараагийн сонголт байгаа ч Германын шигшээ багийн дасгалжуулагч Йохим Лөв түүний шигшээ дэхь байр сууринд эргэлздэггүй. Гомэз бол клубтээ дэлхийн хэмжээний тоглолтыг үзүүлж боломжуудыг гайхалтай ашигладаг, харин эсрэгээр Миро шигшээдээ яг тийм тоглолтыг үзүүлдэг.

Тэр бол хөлбөмбөгийн ертөнцөд нэрээ цуурайтуулсан тоглогч. “Хэрвээ та Аргентин, Английн эсрэг эсвэл Аваргуудын лигт түүний хэрхэн тоглохийг харсан бол: Бүх хүмүүс түүнийг шүтэн бишрэх болно” хэмээн Бастиан Швайнштайгэр багийнхаа андын талаар хэлсэн бөгөөд цааш нь “Энэ бол түүнийг агуу тоглогч гэдгийг харуулна” гэсэн юм. Клозэгийн Байернтай хийсэн гэрээ энэ зун дуусах бөгөөд тэр цаашдынхаа ирээдүйн талаар одоохондоо шийдээгүй байгаа.

Ингээд Клозэгийн шигшээ багтаа хийсэн тоглолтуудаас сонирхолтой агшнуудыг оруулж байна.

Шигшээгийн анхны тоглолтоо хийснээс хойш 10 жилийн дараа 2011 оны 3 сарын 24-нд хэвлэлийн хуралд оролцож асуултанд хариулж байгаа нь. Энэ 10 жилийн хугацаанд багийнхаа хамт Дэлхийн аваргын 2 хүрэл, 1 мөнгө мөн Европийн аваргын дэд байр авч байлаа. Ингээд Клозэгийн шигшээ багийн намтарыг сонирхъё

2001 оны 2-р сарын 26. Мирослав Клозэ анхны шигшээ багийн хэвлэлийн хурал дээрээ. Үүнээс нэг сарын дараа анхны тоглолтондоо оролцох байлаа

2001 оны 3-р сарын 24 мөрөөдөл биелэлээ: Мирослав Клозэ тоглолтын 73 дахь минутанд Оливэр Нойвиллээр сэлгэгдэн талбайд орж ирлээ. Энэ мөчид Дэлхийн аваргын сонгон шалгаруулалтын тэмцээнд Албанитай хийж байсан тоглолт 1:1 харьцаатай өрнөж байсан юм.

Сэлгээнээс орж ирээд яг 15 минут өнгөрсний дараа Клозэ шигшээ багтаа оруулсан анхны гоолоо тэмдэглэж байв. Түүний гоолоор баг нь хожил авч, түүний дэбют тоглолт шуугиан тарьлаа.

2002 оны 2-р сарын 13-нд Мирослав Клозэ Израйлтай хийсэн нөхөрсөг тоглолт дээр анх удаа гарааны 11-т багтлаа.

Энэ бол түүний дөнгөж 8 дахь тоглолт.. Гэсэн ч тэр шигшээ багийн өмсгөлтэй дөрөв дахь хэт-трикээ хийлээ

Энэ үед тэр 23 настай байсан юм. Зураг дээр багийн андууд болох Мэхмэт Шоль (баруун), Сэбастиан Кэл (зүүн)-ийн хамт гоолын баяраа тэмдэглэж байгаа нь.

2002 оны Япон, Өмнөд Солонгост болсон Дэлхийн аварга түүний хувьд төсөөлөмгүй гайхалтай болж өнгөрсөн. Эхний тоглолоо Саудын Арабын эсрэг хийхэд тэр 3 гоол оруулсан.

Энэ бол түүний ДАШТ-д нийт оруулсан 14 гоолын эхлэл байсан юм. 2002 онд 5 гоол оруулж мэргэн буучийн жагсаалтанд Бразилийн багийн Роналдогийн ард хоёрт орсон.

Клозэгийн алдарт сальто эргэлт. Дэлхийн аваргын эхний тоглолтын үеэр бүх л дэлхий түүнийг гоолын баяраа хэрхэн тэмдэглэж байхийг харж байлаа.

Галласын эсрэг. 50 дахь шигшээн тоглолтоо 2005 оны 11-р сарын 12нд Парис хотноо Францын эсрэг хийсэн.

Гэхдээ энэ тоглолтонд Клозэ гоол оруулж чадаагүй. Ревелеритай бөмбөгний төлөө тэмцэж байна.

Германын шигшээ Евро 2004-т амжилт муутайхан оролцсон бөгөөд Клозэ хоёр удаа л сэлгээнээс гарч тоглосон юм. Үүний дараа Герман 2006 Дэлхийн аваргыг гэртээ зохиох боллоо. Нээлтийн тоглолтонд Коста Рикагийн хаалганд хоёр гоол хийсэн бөгөөд баг нь 4-2 харьцаатай тэмцээнийг эхлүүлсэн.

Тэр үед Клозэ ирээдүйд Мюнхэнийн энэхүү цэнгэлдэхийн эзэн клубын төлөө тоглоно гэдгээ мэдээгүй байв

Эсрэг багийн хоёр тоглогч Клозэгийн эсрэг юу ч хийж чадалгүй гоол алдлаа. Экваторын эсрэг Клозэ тоглолтын эхний гоолыг оруулсан юм.

Тоглолтын хоёр дахь гоолоо оруулсны дараа Миро мэргэн буучийн жагсаалтыг 5 гоолтойгоор тэргүүлж эхэллээ.

Мөн л алдарт сальто

Хэсгээс гарсны дараа хасагдах шатанд Герман Швэдтэй таарсан. Энэ тоглолтонд хэдий Клозэ гоолдоогүй ч өөрийн хамтрагч Подолскид хоёр гоолын дамжуулалт гарган өгч улмаар тоглолтын МоМ болсон билээ

Тэр жилийн ДАШТ-д оруулсан түүний сүүлийн гоол ч маш чухал гоол байсан юм.

Баг нь хожигдож байх үед тэр тэнцээний гоолыг оруулсан бөгөөд улмаар хоёр баг торгуулийн цохилтоор ялагчаа шийдэхээр болж Лэманнын гайхалтай хаалтаар Герман цааш шалгарсан билээ.

Шигшээ багтаа хийсэн 70 дахь тоглолт нь маш онцгой болсон. Клозэ анх удаагаа шигшээ багаа ахлаж талбайд гарсан юм.

2007 оны 9-р сарын 8нд 2:0 харьцаатай Уэлсийг хожсон тэр тоглолтонд шинэхэн ахлагч багийнхаа хоёр гоолыг оруулж багаа Евро 2008-д улам ойртуулсан.

Хэдий Мирослав Клозэ тийм нуруулаг тоглогч биш ч маш олон гоолоо толгойгоороо оруулсан. Энэ нь мэдээж түүний гайхалтай үсрэх чадвартай холбоотой. Энэ бол түүний Евро 2008-д Португалийн хаалганд оруулсан гоол.

Шигшээгийн 80 дахь тоглолтоо Евро2008-н хагас шигшээд Туркын эсрэг хийсэн. Ер бусын тэр тоглолтонд Клозэ 79 дахь минутанд гоол оруулж тооны харьцааг 2:1 болгон багтаа тэргүүлэл авчирсан.

Энэ бол багтаа Өмнөд Африк 2010 зорих үүд хаалгыг нээсэн гоол юм. 2009 оны 10-р сарын 10нд Оросын эсрэг тоглолтын цор ганц гоолыг хийж багтаа Дэлхийн аваргад оролцох эрх авчирсан.

Түүний шигшээ багтаа авсан анхны улаан хуудас. Түүний хоёр өчүүхэн алдаанд өгсөн шар хуудаснаас болж Дэлхийн аваргын Сербитэй хийсэн тоглолтоос хөөгдсөн

Өмнөд Африк 2010-н өмнөх улирал нь Байерн Мюнхэнд тийм ч их гараанд гарахгүй байсан ч Йохим Лөв түүнд итгэл хүлээлгэсэн юм. Английн эсрэг гоол оруулснаар 2010 оны Дэлхийн аваргын хоёр дахь гоолоо орууллаа. Одоо түүнд Роналдогийн амжилтыг эвдэхэд 3 гоол л хэрэгтэй

Аргентин дээр Клозэ энэ тэмцээний хамгийн сайн тоглолтоо үзүүлж 2 гоол оруулсан. Нийт 5 тэмцээн (Европийн аваргад 2 удаа, Дэлхийн аваргад 3 удаа)-д оролцож 16 дахь гоолоо орууллаа

Түүний шигшээн кареерын 100 дахь тоглолт гайхалтай болж өнгөрөн Роналдогийн амжилтыг эвдэхэд ердөө нэг гоол хэрэгтэй байсан боловч баг нь дараагийн шатанд Испанид хожигдон улмаар хүрэл медалийн тоглолтонд гэмтлийн улмаар оролцож чадаагүй.

Аргентин дээр гоол оруулсны дараа мөн л сальтогоо үзүүлэв. Тэр зөвхөн чухал гоол оруулсны дараа энэ хөдөлгөөнөө хийдэг юм

Түүний 106 дахь тоглолт Италийн эсрэг нөхөрсөг тоглолт байлаа. Мэдээж маш олон фенүүд 2006 оны өшөөгөө авахийг хүсэж байв.

Дортмундад болсон энэ тоглолт 1:1 харьцаатай өндөрлөсөн бөгөөд нэг гоолыг нь мэдээж Клозэ оруулсан байлаа. Одоо тэр агуу Герд Мюллэрийн амжилтыг эвдэхэд 9 гоол л хэрэгтэй.

2011 оны 3-р сарын 26: Тэр 107 дахь тоглолтоо Еврогийн сонгон шалгаруулалтын тоглолтын анхны гоолыг оруулснаар эхлүүлэв. Тоглолтын эхэнд багтаа тэргүүлэл авчирсан тэрээр мөн тоглолтын сүүлд ахин нэг гоол оруулсан

Миро тоглолтоос тоглолтонд Герд Мюллэрийн амжилттай ойртсоор. Одоо зөвхөн 7 гоол оруулахад агуу Мюллэртэй мөр зэрэгцэнэ.

Хуваалцах/Тэмдэглэх

АС Миланы "Ультра"-нууд

Хөлбөмбөг сонирхогчид “Ультра” гэсэн нэрийг олонтоо сонсож байсан байх. Зарим хүмүүс цэнгэлдэхэд үймээн дэгдээж, зодоон цохион хийдэг танхай фенүүдийг “Ультра” гэж нэрлэдэг гэж бодож байж магадгүй. Гэхдээ энэ бол өрөөсгөл ойлголт юм.  Утгачлан орчуулбал “Хэт даврагсад” хэмээгдэх  энэ үгний цаана хөлбөмбөгийн асан том соёл, уламжлал хадгалагдаж байдаг. Ультра нар нь товчхондоо ямар нэгэн багийн хамгийн үнэнч, галзуу дэмжигчидын зохион байгуулалттай бүлэг юм. Европ даяар (Зүүн Европыг эс тоовцол) Ультрагийн урсгал саа сайгүй байдаг бөгөөд хамгийн эртний уламжлалтай , хүчирхэг нь Италийн Ультра нар билээ.

Тоглолт болгоны өмнө тэд асар том, сүрлэг туг, зурагт хуудсаар өөрсдийн багийн сүр хүчийг илэрхийлдэгээс гадна дуу хоолойгоороо ч нэгдэн тоглолтын турш цэнгэлдэхийг доргиож байдаг. Ультра нарын гол зорилгыг багаа зохион байгуулалттай дэмжиж, эсрэг багийнханд өөрсдийнхөө сүр хүчийг харуулж, нэр хүнд олох гэж тодорхойлвол зохилтой. Ингээд та бүхэнд Ультра бүлгийн үүсэж бий болсон түүх болон зохион байгуулалтын талаархи зарим мэдээллээс хүргэе.

Тэд яаж үүсэв ?

Баг болгоны “Ультра” бүлгүүд  өөрсдийн үүссэн  түүхээ янз бүрээр тайлбарладаг учраас  яг хаанаас энэ бүхэн эхэлснийг олоход нилээд төвөгтэй. Гэхдээ хамгийн анх хөлбөмбөгийн фенүүд зохион байгуулалтад орж, нэгдэж эхэлсэн газар бол гарцаа байхгүй Бразил юм. Хөлбөмбөгийг спорт гэхээсээ илүү үндэсний шашин гэж ойлгодог энэ оронд алаг бөмбөгийн хэнээрхэл 1950 онд дээд цэгтээ хүрсэн. Тэр жил Бразилд зохион байгуулагдсан  хөлбөмбөгийн ДАШТ   урьд өмнөх тэмцээнүүдтэй харьцуулах аргагүй  гайхалтай уур амьсгал дор өрнөсөн нь “Торсида” нарын гавьяа билээ.

Цэнгэлдэх даяар тэд дуугаа дуулан, тугаа намируулж урьд нь ийм зүйл үзээгүй Европчуудын амыг жинхэнэ ангайлгаж байв. 1950 оны ДАШТ-д нэг тоглолтыг дунджаар  61,000 үзэгч үзэж байсан бөгөөд шигшээ тоглолтыг л гэхэд алдарт Маракана цэнгэлдэхэд 174,000 үзэгч чихцэлдэн үзэж байлаа. Тухайн үеийн Европын хамгийн том цэнгэлдэх л гэхэд үүнээс хоёр дахин бага суудалтай байсан гээд бодохоор Бразилын “Торсида” буюу хөлбөмбөгийн фанатууд  ямар хүчтэй байсан нь харагдаж байна. Гэхдээ Бразилчууд харамсалтай байдлаар Уругвайд ялагдаж нутагтаа “Алтан дагина” өргөх зорилгоо биелүүлж чадаагүй.

Бразилийн “Торсида” нарыг “Ультра” урсгалын эхлэл гэж хэлж болох юм. 1960-аад оны эхэн үе хүртэл Бразилд туг, зурагт самбар, галт цацраг зэрэг зүйл цэнгэлдэхэд  авчран багаа дэмждэг жижиг бүлэглэлүүд байсан бөгөөд яваандаа тэд нэг нэгнээ мэдэх болсноор зохион байгуулалтад орж эхэлжээ. Эхлээд цөөхөн гишүүдтэй байсан “Torcidas organizadas”-ийн хүрээ жил ирэх тусам өргөжин тэлж яваандаа цэнгэлдэхийн нэг хэсгийг тэр чигээр нь дүүргэж чадахаар хүчирхэг болж эхэлсэн байна.

Бразилийн хөлбөмбөг хөгжихийн хэрээр “Торсида” бүлгүүдийн үйл ажиллагаа ч сайжирч илүү сайн зохион байгуулалттай болж байлаа. Баг болгон өөрсдийн “organizadas” –тай болсон ч үүнийг дагаад хөлбөмбөгт хүчирхийлэл газар авч эхэллээ.  Цэнгэлдэхэд эсрэг багийн фенүүдтэй гар зөрүүлэх явдал газар авч “Торсида”-гийн нэр хүнд ч нилээд унасан. Бразил шиг гэмт хэрэг ихтэй оронд хөлбөмбөгийг гэмт хэргээс ангид байлгах хууль сахиулагчидад тун хүнд байлаа. Гэхдээ хөрш залгаа Аргентинийг бодох юм бол Бразилд хөлбөмбөг дэх хүчирхийлэл харьцангүй гайгүй гэж болох юм.

"Коринтианс"-ийн Торсида нар тоглолт эхлэхийн өмнө

“Торсида бүлгийн  онцлог”

Торсида бүлгийн явуулдаг үндсэн үйл ажиллагаа нь Европын “Ультра”- нуудтай төстэй ч хэд хэдэн ялгаатай зүйл бий. Юуны түрүүнд тэд тоглолтын турш юу ч болж байсан багийнхаа сүлд дууг дуулж цэнгэлдэхэд өөрсдийгөө байгаа гэдгийг үргэлж сануулж байдаг.

Ингэж дэмжих нь зөвхөн өөрсдийнхөө байгаа гэдгийг харуулахаас гадна багийнх нь амжилтанд эерэгээр нөлөөлдэг гэж тэд итгэдэг аж. Бүр эсрэг баг нь гоол оруулсан үед ч дуулсаар байх нь бий. Гэхдээ зүгээр нэг дуулах биш бүрээ, бөмбөр зэрэг үндэсний хөгжмөө тоглон нэг ёсондоо “концерт” тоглочихдог аж.  Хэдийгээр иймэрхүү хөгжмийн зэмсгүүдийг цэнгэлдэхэд оруулахыг хориглодог ч багууд өөрсдийн Торсида бүлгийнхэнтэй холбоотой ажилладаг учраас туг далбаа болон дээрхи зүйлсийг цэнгэлдэхэд хадгалж байгаад тоглолт эхлэхийн өмнө тэдэнд өгдөг юм байна.

Европын ” Ультра” нар ч яг энэ жишгээр үйл ажиллагаагаа явуулж багтайгаа холбоотой ажилладаг. Клубээс үнэнч фенүүддээ цэнгэлдэхийн тодорхой нэг хэсгийг бүхэлд нь зориулж, билетийг хямдралтай зарах нь бий. Энэ талаар тун удахгүй тодорхой тайлбарлах болно.

Энэ багийн жинхэнэ дэмжигч  л юм бол тоглогч нарыг харааж загнах, элдвээр хэлэхгүй байх ёстой гэсэн дүрэм “Торсида”-гийн бичигдээгүй хуулинд байдаг. Тиймээс өөр хэн нэгэн хүн багийнх нь тоглогчдыг муулснаас болж багахан хэмжээний зодоон үүсэх тохиолдол байдаг. ГэхдээТорсидо бүлгийнхэн бөөнөөрөө цэнгэлдэхийг нэг хэсгийг эзэлж бусад фенүүдтэй холилдож  суудаггүй учраас иймэрхүү асуудал ховор гардаг.

Бразилийн хамгийн хүчирхэг Торсида бүлгүүд гэвэл Кориниансын “Gaviões da Fiel”, Флуминенсе багийн “Young Flu and Força Flu”, Ботафогогийн “Torcida Jovem do Botafogo” зэргийг нэрлэж болох юм.

“Хөгшин” Европийн орнуудаас хамгийн анх   Бразилийн хөлбөмбөгийн “Торсида” бүлгийн соёл хамгийн анх Хорватад нэвтэрсэн гэж үздэг. 1950 оны ДАШТ-ий дараа Хорватын “Хайдук сплит” багийн хэсэг үнэнч фенүүд нэгдэн өөрсдийн бүлгийг бий болгосон бөгөө үүнийгээ “Торсида Сплит” хэмээн нэрлэв. “Торсида Сплит” нь албан ёсоор байгуулагдсан Европын хамгийн анхны хөлбөмбөгийн фенүүдийн бүлэг гэж явдаг. Үүнээс өмнө ч тэд багийнхаа зочлон тоглолт болгонд дагаж явдаг байсан ч зохион байгуулалтад ороогүй байсан.  “Торсида Сплит”-ийн нөлөөгөөр  Хорватын багууд өөрсдийн “Торсида” бүлгүүдтэй болж эхэллээ. Энэ бол Ультра бүлгийн үүсэн бий болох эхлэл байсан юм.

"Бока Хуниорc"-н Барра браванууд

“

 

Барра брава”-гийн талаар товчхон

Торсида бүлгээс   гадна Өмнөд Америк “Барра брава” гэх бүлгүүдээрээ алдартай бий. Шууд утгаараа “Барра брава” нь хөлбөмбөгийн танхайчууд  бөгөөд Их Британий “Фирм”-үүдтэй адил эсрэг багийн “Барра брава” нартай зодолдож нэр хүнд, алдар нэр  олох гол зорилготой.  Аргентиний “Барра брава” нарыг дэлхийн хамгийн аюултай хөлбөмбөгийн хулигаанууд гэдэгтэй  хөлбөмбөгийн мэргэжилтнүүд бүгд санал нийлдэг.

Ихэнхидээ  юу ч хийхээс буцахгүй гэмт хэргийн бүлэглэлүүд тэдгээр танхайчуудыг бүрдүүлдэг учраас арга ч үгүй юм. Габриель  Батистута, Хорхе Валдано, Леонел Месси зэрэг алдартай хөлбөмбөгчидыг “төрүүлсэн”  Ньюэллс Олд Бойзын “Барра брава” нар нутагтаа хамгийн аюултайд тооцогддог. Мөн мэдээж хэрэг Бока Хуниорс, Ривер Плэйтийн фенүүд үргэлж  анхаарлын төв байна.

Өмнөд Америкийн бараг бүх орнууд “Барра брава” бүлгүүдтэй. Гэхдээ ихэнхи нь Аргентин шиг танхайрахыг гол зорилгоо болголгүй багаа дэмжихыг  илүүд үздэг. Мексикчүүд анх “Барра брава”-гийн соёлыг Америкт оруулж ирсэн бөгөөд одоо MLS-н багуудад “Барра брава” хэмээн өөрсдийгөө нэрлэдэг бүлгүүд бий. Гэхдээ тэдгээрийн  үйл ажиллагаа нь  ерөнхийдөө баг руугаа хандсан байхаас бус хүчирхийллийг төдийлөн  сонирхдогүй.

Үргэлжлэл бий…

Хуваалцах/Тэмдэглэх

Мөн өнгөрсөн зуны шилдэг  10 наймааг ч дахин сануулья.

Фернандо Торрес (Ливерпуль – Челси)

Үнэндээ Фернандо Торресийг арай ч ийм зүйл хийнэ гэж Ливерпулийн фенүүд төсөөлөөгүй байх. Кенни Дэлглиш ирж, баг нь хоёр дараалан ялаад өөрөө ч формондоо ороод бүх зүйл өсөх хэмнэлээр явж байтал гэнэтхэн л Торрес явах хүслээ  илэрхийлэх нь тэр. Өнгөрсөн дөрвөн жилийн хугацаанд багийнх нь төлөө оруулсан гайхалтай гоолууд, авчирсан ялалтуудыг нь бодоод энэ үйлдлийг нь уучилж болохоор байсан ч өөр дэндүү олон өршөөж боломгүй  шалтгаанууд Торресийн дуулиант шилжилтийн үеэр давхацсан байлаа.

Яагаад заавал өвийн цонхоор гэж, яагаад заавал сүүлчийн өдөр, яагаад заавал Челси рүү ?

Торрес өвлийн цонх хаагдахаас хэдхэн цагийн өмнө Английн хөлбөмбөгийн түүхэн дэх хамгийн үнэтэй наймаа болж Челси рүү шилжсэн нь Копуудыг жинхэнэ шоконд оруулсан. Ганцхан өдрийн дотор Эль Ниногийн Ливерпуль дэх нэр хүнд  Мелвүдийн өмнө шатсан өмсгөлтэйгөө адил бүрмөсөн арчигдаж алга боллоо.

Яг л 2000 онд Луйш Фигү Барсагаас урваж Реалд элссэнтэй адил зүйл болсон. Тухайн үед Барсагийн фенүүд “Бид чамайг юунаас ч илүү үзэн ядаж байна. Яагаад гэвэл бид чамд бүхнээс илүү хайртай байсан болохоор” хэмээн уухайлж байсан. Түүх дахин давтагдаж Улаануудын фенүүд яг л ийм нөхцөл байдалд ороод байна.

Ядаж зун хүртэл хүлээж байгаад явсан бол өөрийг нь гэж хайрлаж байсан фенүүдтэйгээ салах ёс хийж болохоор байлаа. Одоо нэгэнт бүх зүйл болоод өнгөрсөн болохоор ирээдүйнх нь талаар ярилцья.

Өөрийнх нь хэлснээр бол Торрес Челсид цом шагнал, аваргуудын лигийн төлөө ирсэн гэсэн. Гэхдээ улирлын эхний хагаст Европын лигт тоглочихсон болохоор аваргуудын лигийн хасагдах шатанд түүний нэр багтах боломжгүй.  Премьер лигийн тоглолтууд болон ФА цомд тоглох боложтой юм.  Шинэ багийн андуудтайгаа ойлголцох гэсэн   асуудлаас гадна Челсигийн 4 : 3 : 3 тактикт дасан зохицох хэрэгтэй байгаа. Түүнтэй гарааны эрхийн төлөө Анелка, Дрогба гэсэн ширүүн залуустэй тэмцэх хэрэгтэй болно. Мань эр өөрөө эдгээр довтлогчидыг биширдэг  гэж “манж”-лаад амжсан.

Шинэ баг нь улирлын эхнээс эхэлсэн хямралаасаа одоо л бага багаар гарч эхний дөрөв лүү ороод байна. Гэхдээ л хүснэгтийг тэргүүлж байгаа МанЮнайтедээс 10 оноо алдсаар л байна. Бодит боломжыг авч үзвэл Торрест энэ улиралд цом өргөх магадлал нэг л фронтод байна. Тэр нь ФА цом.

Английн түүхэнд бичигдсэн өндөр үнээр ирсэн нь Торрест дарамт болж мэдэх л юм. Гэхдэ дэлхийн хэмжээний супер довтлогч иймэрхүү жижиг асуудалд толгойгоо гашилгахгүй байх.

Энэ хагас сайнд Челсигийн  Ливерпулийн эсрэг хийх тоглолтыг л харья.

Антонио Кассано (Сампдория – АС Милан)

“Супермен”-ийг Италийн бүх шилдэг багууд сонирхож байсан гэхэд хилсдэхгүй. Хаа очсон газраа хэл ам таталж явдаг ч авьяас чадвар гэж байгалиас заяачихсан болохоор хямдхан авах боломж олдож байгаа дээр нь  ”сугал”-чих гэсэн санаа бүх багуудад л байсан. Эдэн дундаас АС Миланы агентууд шуурхай ажиллаж 2.5 сая еврогоор Итали эрийг өвлийн цонхоор авахаар болсон. Энд нэг зүйл дурьдахад Сампдория анх Кассаног Реалаас авахдаа  ямар нэгэн багт зарахаар болвол нөхөн төлбөр төлөхөөр гэрээндээ тусгасан учраас Эзэн хааны баг бас  2.5 сая еврог дундаас нь “унагаад” амжсан.

Шинэ багтаа анхны тоглолтоо Кассано 1 сарын 9-нд  Удинезегийн эсрэг хийж 69 дэх минутад сэлгээгээр орж ирээд л бужигнуулж орхисон.  Түүнийг талбайд гарч ирэхэд баг нь 2:3-оор ялагдаж байсан бөгөөд  дөнгөж гарч ирээд хоёр ч гоолын дамжуулалт өгөөд амжсан. Ингээд эцсийн дүнд Милан 4 : 4-өөр тэнцэж ялагдлаас аврагдсан. Зөвхөн энэ хэдхэн минутаас л Кассано Миланы Скудеттог эргүүлэн авчирах мастер төлөвлөгөөнд гарцаа байхгүй тус болох тоглогч гэдэг нь хангалттай харагдсан.

Зөрүүд зан нь хөдлөөд багийн эзэдтэйгээ түнжин тасарчихгүй бол Кассано шинэ багтаа их зүйл өгнө дөө.

Луйс Суарес (Аякс – Ливерпуль)

Өнгөрсөн жилийн Өмнөд Африкийн дэлхийн  аварга Суаресийг дэлхий нийтэд илүү сайн танил  болгосон. Зөвхөн Ганын эсрэг гараараа бөмбөг хааж талбайгаас хөөгдсөндөө ч биш, тэмцээний турш тун сайн тоглож багаа хагас шигшээд шалгаруулахад чухал үүрэг гүйцэтгэснийг нь мэргэжилнүүд өндрөөр үнэлсэн юм.

Яг дэлхийн аваргын өмнөх улиралд лигтээ мэргэн бууч болж  ”галзуу” формтой байсан болохоор тэгэхээс ч аргагүй. Клубтээ Суарес үнэхээр дархан эрхтэй тоглогч байсан. Харин Ливерпульд ирээд олон шилдэг  оддын дунд орж ирээд хэр хурдан дасан зохицох нь сонирхол татаж байна. Аяксаас явахаасаа хэдхэн сарын өмнө PSV-гийн тоглогчын мөрнөөс хазаад “Ханнибал” гэсэн хоч аваад амжсан гэж байгаа. Ер нь бол шар, улаан картыг багагүй бөөнддөг түргэн ууртэй эр гэж дүгнэж болно.

22.8 сая фунт гэдэг бага мөнгө биш. Шинэ багтаа Суарес 7 дугаарыг зүүх бөгөөд Торресийн орон зайг нөхөх гол тоглогчоор нэрлэгдэж байна. Угаасаа ч Суаресээс өөр хэн нөхөх билээ. Түүний ур чадварыг үгүйсгэх нь утгагүй хэрэг л дээ. Гэхдээ лигийн ялгаа гэж маш том зүйл байдаг. Хэдэн жилийн өмнө Афонсо Алвес гэж Бразил залуу Недерландын лигт 34 гоол оруулж  мэргэн бууч болж мандаж байгаа премьер лигт ирээд л ханд нь хага дарагдсан түүх бий. Тийм болохоор премьер лигийн хатуу ширүүн, өндөр түвшний лигт Суарес өнгөрсөн жилийнх шиг сайн тоглох нь бас эргэлзээтэй. Гэхдээ мэдээж шинэ багт ирээд учих зүггүй бөмбөгдөөд эхлэх нь боломжгүй учраас жинхэнэ ид шид нь удахгүй харагдах байх гэж найдаж байна.

Эдин Жеко (Вольфсбург – Манчестер сити)

Энэ наймаанаас Вольфсбург л башийх шиг боллоо. Ситигийн өндөр амбицийг далимдуулж байгаад Бундеслигийн рекорд үнээр Босни довтлогчоо өвлийн цонхоор явуулчихсан. Зөрүүлээд  Патрик Хельмес, Тунжай Шанлы, Йохандри Ороско, Ян Полак, Ку Жа-Чхоль гэсэн тоглогчидоор бүрэлдэхүүнээ сайжруулаад улирлын үлдсэн хагаст тун сайн үзэх баг бүрдүүлчихлээ. Гэхдээ эдээр наймааг “Чоно”-нууд өөрсдийн мөнгөөрөө хийсэн бөгөөд Жекогоор олсон мөнгө бараг тэр чигээрээ байгаа гэж бодохоор тэдний “толгой” тун сайн ажилласан байгаа биз.  Ситигийн хувьд яахав мөнгөө үрэх тусам хөрөнгө нь багасах нь байтугай улам өсөөд байдаг дундаршгүй баян  Араб эзнийх нь хувьд энэ зэргийн мөнгө юу ч биш.

Тэгээд ч премьер лиг, цаашлаад аваргуудын лиг гэж том дуугарч байгаа Ситичүүд  Челсигийн гаргасан замаар явья гэж бодож байгаа бол Жеко шиг довтлогч гарцаагүй хэрэгтэй байсан. Гоол оруулахаа байсан Адебайорыг Реал руу зээлээр явуулж , шинэ улирал эхлээд нэг л удаа талбайд гарсан Санта Крузыг Блекбернд мөн зээлсэн  учраас  Жекотой гарааны эрхий төлөө тэмцээд байх хүчтэй өрсөлдөгч үлдсэнгүй.

Яахав хэл амнаас цаашгүй Балотелл хүүг эс тооцвол шүү дээ.  Бало топ тоглогч болж төлөвших хүртлээ өдий байгаа.  Роберто Манчини Тевесийг цэвэр довтлогын байрлалаас хойш татаж өөрийнх нь дуртай довтолгооны хагас дээр тоглуулж байгаа. Ямар ч байсан Жеко ФА цомын 4-р шатанд Нотс Каунтигийн хаалганд дебут гоолоо хийгээд авсан.

Энди Кэррол (Ньюкэсл – Ливерпуль)

Английн шигшээ багт ганцхан удаа дуудагдсан 22 настай залуугийн төлөө  35 сая фунт гэдэг эрсдэлтэй алхам. Кэррол хөлбөмбөгийн түүхэн дэх хамгийн өндөр үнэтэй тоглогчидын жагсаалтад 8-д жагсаж байна. Тэрхүү жагсаалтыг харах юм бол альхэдийнэ хийх зүйлээ хийсэн агуу, домог гэсэн ангилалд багтах тоглогчид байгаа. Харин Кэррол гэж хэн билээ ?

Зөвхөн ирээдүйтэй гэсэн магтаалаас өөр юуг ч тэр одоохондоо олж аваагүй байгаа. Гэхдээ яагаад болохгүй гэж.

Уэйн Рүүниг 20 ч хүрээгүй байхад МанЮнайтед 25.6 сая фунтээр өөрийн болгож байсан. Тухайн үед үүнийг яг л Кэрролын адил эрсдэлтэй, алдагдалтай  наймаа гэж  шүүмжилж байсан. Одоо Рүүнигийн хүрсэн оргилыг харалдаа.

Ливерпулийн шинэ 9 номерийн өмнө урт удаан, гайхамшигтай карьер хүлээж байна. Өндөр нуруулаг болохоор агаарын тулаанд хэнд ч дээрэлхүүлэхгүй. Ур чадвар, хурд, биеийн хүчний тоглолт сайтай  гээд сонгодог 9 номерийн довтлогчид байх бүх зүйл түүнд бүрэлдсэн.  Дээр ньн Английн ирээдүй гэгдэж байгаа учраас нутгийн шүүгч нар ч түүнд таатай хандах нь дамжиггүй.

Одоо бүх зүйл зөвхөн түүнээс өөрөөс нь л шалтгаална.

Даррен Бент (Сандерлэнд – Астон Вилла)

Энэ жагсаалтад багтсан  бусад наймаануудыг бодвол нэг  их “савангийн дуурь” бологүй тун хурдан биелэлээ олсон наймаа. Өвлийн цонх нээгдээд 17 хонож байхад Бент багаасаа явах хүслээ илэрхийлж ердөө ганц өдрийн дараа л Астон Вилла 18 сая фунтын санал тавьж түүнийг нь Сандерлэнд хүлээж авснаар бүх зүйл шийдэгдсэн.

Их мөнгөний өмнө хөрөнгө санхүү муутай Сандерлэнд  юу ч хийж чадаагүй нь туйлын үнэн. Бент шинэ багт 39 дугаарыг зүүж дебут тоглолтдоо гоол оруулсан. Яг л анх Сандерлэндэд анх ирж байсан шигээ.

Түүний анхны гоол Ситиг буулган авахад хангалттай байсан юм. Сүүлд МанЮ-д 3 : 1-ээр ялагдахад Бент Виллагийн төлөө 2 дахь гоолоо оруулсан.

Жампаоло Паццини (Сампдория – Интер)

Кассано явснаар Сампдориягийн довтолгооны шугам Паццинид найдаж байлаа. Гэтэл Милан хотын өөр нэгэн баг Интер түүнийг мөнгөөр “зодоод” сэлгээндээ авчихлаа. Энэ наймаанд Интер 12 сая евро төлсөн бөгөөд нэмээд залуу довтлогч Жонатан Бьябьянигаа Генуя хотын баг руу зээлсэн. Ингээд Сампдориягийн урд талд баахан учир мэдэхгүй залуус, нас нь явсан Массимо Маккароне нар л үлдлээ. Өнгөрсөн тойрогт л гэхэд тэд Наполид 4 : 0-ээр бутниргүүлсэн байгаа. За тэр ч яахав гол асуудалдаа орьё.

Тэгэхээр Паццинигийн Интерийн төлөө хийсэн анхны тоглолт өнгөрсөн долоо хоногт тохиосон. Палермогийн эсрэг хийсэн тус тоглолтын 2-р хагаст Паццини талбайд гарч ирээд дубль хийж орвонгоор нь эргүүлж орхисон.  Үүний дараа түүнийг Интерийн фенүүд Il Pazzo Pazzini буюу “Галзуу Паццини” гэж нэрлэх болсон юм.

Давид Луйз (Бенфика – Челси)

Челсиг араасаа нилээн гүйлгэж байж ирсэн “хүнд” нөхөр. Өнгөрсөн улиралд үзүүлж байсан шигээ сайн тоглолт нь төдийлөн харагдахгүй байгаа ч Терригийн нөмөр дор их зүйл сурч сайжирна байх. Яг л Иванович шиг.

21.3 сая фунтээс Луйз Челсид ирж түүнтэй зөрөөд Серби хагас хамгаалагч  Неманья Матич  энэ улирлын төгсгөлд Бенфикад очихоор болсон.  Энэ бямба гаригт Ливерпультэй хийх тоглолтод Торрестой хамт дебутээ хийх боломжтой.

Симао Саброза (Атлетико – Бешикташ)

Бешикташ үүнээс өмнө Куарежма, Уго Алмейда, Мануель Фернандес гэсэн нутгийнх нь залуусыг авчихсан байсан болохоор Симао дуртай Туркийг зорьсон байх. Мөн Гути, Роберто Хилберт гэсэн туршлагатай тоглогчид Бешикташд хөлбөмбөгийн шинэ доминанд үүсгэхээр цуглаад байгаа.

Симаогийн хувьд нас 30 гарсан ч ур чадвар нь харих болоогүй байгаа. Атлетикогийн амжилт ч ахихаа больж аваргуудын лиг байтугай, Европын эрхүй үлдэх болсон тул Бешикташын саналыг дуртай хүлээн авч тун хямдхан буюу 900,000 ам.доллараар л зарагдсан.

Ибрагим Афеллай (PSV – Барселона)

24 настай ч Недерландын шигшээ багт багтаад Европ, дэлхийн аваргад оролцоод үзчихсэн олон талын авьяастай залуу. Барсагийн тоглолтын стильд маш сайн зохицно гэж мэргэжилнүүд магтаад байгаа. Ирээдүйтэй, цул авьяасыг Барса тун хямдхан буюу 3 сая еврогоор л авсан.

Довтолгооны хагас хамгаалалтад тоглохоос гадна хэрэгтэй үед жигүүрээр ч гүйгээд байж чадна. Вильягийн сэлгээ гэсэн үг.  Каталоны багийн төлөө одоогоор 3 тоглолтод оролцоод байгаа.

Хуваалцах/Тэмдэглэх

2) Тэрний хурц ирмэгтэй чих тун алдартай. Недерландад байхдаа Суарес чамгүй олон рекламанд тоглосон бөгөөд сонсголын аппаратны сурталчилгаагаар их ашиг олж байлаа.

3. Аякст анх ирэхдээ Суарес урт үстэй байлаа. Гэвч багийн ахлагч болсных нь дараа эхнэр Софиа  нь үсээ багасгахыг зөвлөжээ. Учир нь ийм хүндлэл хүлээсний дараа нөхөр нь жентельмен төрхтэй харагдах хэрэгтэй гэж Софиа бодсон гэнэ.  2009 онд Томас Вермален Арсенал руу явсны дараа Суарес багийн ахлагч болсон юм.

4. Суарес 1987 оны 1 сарын 24-нд Уругвайн хойд хэсэгт байдаг Сальто хотод төржээ. Түүний эх 7 хүүхдээ ганцаараа өсгөсөн гэдэг.

5) Түүний төрсөн хот Сальто нь бүтэн жилийн турш +37 хэмийн дулаан байдаг халуун рашаанаараа алдартай.

6) 2009-10  оны улиралд Суарес Эредивиз лигийн 33 тоглолтод  35 гоол хийж мэргэн  бууч болсон.  Бүх тэмцээнд 49 гоол хийжээ. Мөн Недерландын оны шилдэг хөлбөмбөгч болсон.

7)  Олон улсын хөлбөмбөгийн түүх статистикийн холбооноос (IFFHS) түүнийг 2010 оны дэлхийн мэргэн буучаар нэрлэсэн.

8). Суарес Мессиг Дэлхийн шилдэг хөлбөмбөгч гэж хүлээн зөвшөөрдөг. 2009 онд Испаний El Mundo Deportivo -д өгсөн ярилцлагадаа “Месси гарцаа байхгүй шилдэг нь. Түүнийг тоглохыг харах нэр төрийн хэрэг. Мартин Касересээс Мессигийн тухай асуухад  тэр их даруухан, жирийн л нэг багийн тоглогч гэж хариулсан” гэжээ.

9) Өөрийнх нь хэлснээр Суаресийн онцгой ур чадвар нь байгалиас заяасан гоол оруулах мэдрэмж, бөмбөг зэмших чадвар аж. “Би өөрийгөө сайн ур чадвартай гэж бардам хэлж чадна. Гоол оруулах тал дээр би үргэлж азтай байдаг. Гэхдээ би өөрийнхөө тухай ярих биш хүмүүс миний тухай юу гэж ярьж байгааг сонсох дуртай”

10) Испаний бүх цаг үеийн түүхэн дэх аугаа хөлбөмбөгч түүнтэй адил нэртэй байсан. 1950 оны хооронд Барса болон Интер Миланд тоглож байсан Луйс Суарес 3 Италийн лигийн түрүү, 2 Европын цом болон Тив хоорондын цом хүртсэн домогт хагас хамгаалагч. Одоо Интерийн агентаар ажиллаж байгаа.

11) 2010 оны ДАШТ-ий шөвгийн наймд Уругвай – Ганын тоглолтын үеэр Суарес цаг дуусах мөчид бөмбөгийг гараараа хааж талбайгаас хөөгдөн эсрэг багтаа торгуулийн цохилт өгсөн. Гэвч Гьян энэ цохилтыг алдаж Уругвайчууд дараа нь торгуулийн цохилтоос ялалт байгуулсан юм.  Энэ ДАШТ-д тэрээр 3 гоол хийжээ.

12) Түүний ах Паоло Суарес мөн мэргэжлийн хөлбөмбөгч бөгөөд нутгийнхаа Isidro Metapán багт тоглож байгаа.

13) 2009 онд Суарес багаасаа үерхсэн Софи Бальбитэйгээ хуримаа хийсэн. Хосууд нэг охинтой.

14) 2007 оны 9 сарын 13 -нд Боливийн хаалганд шигшээ багийн анхны гоолоо хийсэн. 2010 оны ДАШТ-ий урьдчилсан шатны тоглолт байлаа.

15) 2010 оны 11 сард ПСВ-тэй хийсэн тоглолты үеэр Суарес эсрэг багийн Отман Баккалын мөрнөөс хазаж 2 тоглолтоор торгуулсан. Үүний дараа Недерландын De Telegraaf сонин түүний зурагтай “Cannibal of Ajax гэсэн гарчигтэй хэвлэгдэж байлаа.

Хуваалцах/Тэмдэглэх