"Спортын цонх" онлайн сэтгүүл - Спортод хайртай хүн бүрт зориулав! » Мэдээ http://www.sportnews.mn Спортод хайртай хүн бүрт зориулав! Mongolian sport news Fri, 30 Jul 2010 14:13:09 +0000 en hourly 1 http://wordpress.org/?v=3.0 Хэмилтон 2 дахиа http://www.sportnews.mn/2010/06/14/%d1%85%d1%8d%d0%bc%d0%b8%d0%bb%d1%82%d0%be%d0%bd-2-%d0%b4%d0%b0%d1%85%d0%b8%d0%b0/ http://www.sportnews.mn/2010/06/14/%d1%85%d1%8d%d0%bc%d0%b8%d0%bb%d1%82%d0%be%d0%bd-2-%d0%b4%d0%b0%d1%85%d0%b8%d0%b0/#comments Mon, 14 Jun 2010 06:16:12 +0000 Спортын цонх http://www.sportnews.mn/?p=28020 Льюс Хэмилтон энэ улиралын 2 дахь түрүүгээ Канадын гран прид хүртлээ. 2-р байранд мөн Макларений Женсон Баттон орсон бөгөөд Макларенчууд 2 гараа дараалан давхар цохилт хийлээ. Тэд зохион бүтээгчдийн ангилалд 215 оноотой болж тасархай тэргүүлж эхэллээ. Араас нь 193 оноотой Ред Булл Рено баг удаалж байгаа юм.
Дэлхийн аваргын сүрд дарагдаж даруухан болж өнгөрсөн Канадын гран прин онцлог нь 2008 оны Канадын гран пригээс хойш анх удаа Хойд Америк тивд уралдаан зохион байгуулагдаж байгаагаараа онцлогтой байсан юм. Хэмилтон байрлал тогтоох уралдаанд тэргүүлж тэргүүн байрнаас гарах эрхтэй болсон.

Улмаар үндсэн уралдаанд ч шилдэг нь байж 70 тойргийг 1 цаг 33 минут 53.456 секундэд туулж шагналын тавцанд гишгэсэн юм. Хэмилтон эхний 6 тойрогт тэргүүн байранд явж байгаад Себастьян Веттелд байраа алдсан ч 50 дахь тойргоос эхлэн дахин тэргүүлж урдаа хэн нэгнийг оруулсангүй. Уралдааны төгсгөл хавьцаа Михайль Шумахер уралдааны хамгийн хурдан тойргийг үзүүлсэн Фелипе Массатай мөргөлдөж машинийх нь урд хэсгийг сүйрүүлсэн.

Үүнээс болж Шуми шийтгэл хүлээж магадгүй байгаа ч багийнхан нь түүнийг өмөөрч байна. Мерседесийн босс ”Шуми Массагийн бодсоноос эрт тормосоо гишгэсэн нь үнэн. Гэхдээ тухайн үед Шумигийн дугуй нилээд муудсан байсан учраас өөр арга байгаагүй. Миний бодлоор энэнд ямар нэгэн муу санаа байгаагүй байх” гэжээ. Хэмилтон 109 оноотой нисгэгчдийн ангилалыг тэргүүлж араас нь багийн анд ”Товчлуур’ 3 онооны алдагдалтай нэхсээр байна. 2 гараанд дараалан түрүүлснээсээ хойш амжилт нь буурсаар байгаа Марк Веббер 103 оноотой явж байна.

Үр дүн

01. Hamilton McLaren-Mercedes 1h33:53.456
02. Button McLaren-Mercedes + 2.254
03. Alonso Ferrari + 9.214
04. Vettel Red Bull-Renault + 37.817
05. Webber Red Bull-Renault + 39.291
06. Rosberg Mercedes + 56.084
07. Kubica Renault + 57.300
08. Buemi Toro Rosso-Ferrari + 1 lap
09. Liuzzi Force India-Mercedes + 1 lap
10. Sutil Force India-Mercedes + 1 lap
11. Schumacher Mercedes + 1 lap
12. Alguersuari Toro Rosso-Ferrari + 1 lap
13. Hulkenberg Williams-Cosworth + 1 lap
14. Barrichello Williams-Cosworth + 1 lap
15. Massa Ferrari + 1 lap
16. Kovalainen Lotus-Cosworth + 2 laps
17. Petrov Renault + 2 laps
18. Chandhok HRT-Cosworth + 4 laps
19. Di Grassi Virgin-Cosworth + 5 laps
барианд ороогүй
Glock Virgin-Cosworth 50
Trulli Lotus-Cosworth 43
De la Rosa Sauber-Ferrari 31
Senna HRT-Cosworth 14
Kobayashi Sauber-Ferrari 2

Хуваалцах/Тэмдэглэх

]]> http://www.sportnews.mn/2010/06/14/%d1%85%d1%8d%d0%bc%d0%b8%d0%bb%d1%82%d0%be%d0%bd-2-%d0%b4%d0%b0%d1%85%d0%b8%d0%b0/feed/ 1 Туркийн Гран При эхэллээ http://www.sportnews.mn/2010/05/29/%d1%82%d1%83%d1%80%d0%ba%d0%b8%d0%b9%d0%bd-%d0%b3%d1%80%d0%b0%d0%bd-%d0%bf%d1%80%d0%b8-%d1%8d%d1%85%d1%8d%d0%bb%d0%bb%d1%8d%d1%8d/ http://www.sportnews.mn/2010/05/29/%d1%82%d1%83%d1%80%d0%ba%d0%b8%d0%b9%d0%bd-%d0%b3%d1%80%d0%b0%d0%bd-%d0%bf%d1%80%d0%b8-%d1%8d%d1%85%d1%8d%d0%bb%d0%bb%d1%8d%d1%8d/#comments Sat, 29 May 2010 09:18:51 +0000 Ганбаатар Д http://www.sportnews.mn/?p=27351 Улирлын долоо дахь уралдаан  Ази-Европын зааг дээр орших Истанбулын  авто тойруулгад эхэлж байна. Анх 2005 оноос зохиогдож байгаа Туркийн Гран Прид 6 дахь удаагаа дээд ангиллын зочдоо хүлээн авч байгаа нь энэ юм. Тус зам ихэвчлэн дунд хурдны эргэлттэй ба өргөн  (12,5-21,5 метер)  хэсгээр  гүйцэж түрүүлэх боломж хангалттай бий. Бельги, Унгар мөн Бразилийн замуудын холимог төрхийг агуулсан гэж үздэг. Цагийн зүүний эсрэг чиглэлтэй ба зүүн тийш 8, баруун тийш 6 эргэлттэй. Анхны ялагчаар Кими Райкконен (McLaren) тодорч 2006, 2007, 2008 Фелиппе Масса дарааллан түрүүлж,  өнгөрсөн жил Женсон Баттон ялалт байгуулсан юм.

Хэмилтон хурдалж  Сутил осолдов

Эхний  Чөлөөт уралдаанд  McLaren –ний Льюис Хэмилтон 1:28.653 минутаар тэргүүлж Женсон Баттон бараг нэг секундийн зайтай хоцорч  удааллаа. McLaren –ний араас Mercedes GP- гийн Михаэль Шумахер ,  Нико Росберг нар 3, 4 байранд хурдлав. Харин  Ferrari –гийн Алонсо 9, Масса 13 –р байранд бичигдэв. Цаг дуусахаас хэдэн минутын өмнө Force India багийн Адриан Сутил 8-р эргэлт дээр осолджээ.  F- Kanal -ийн анхдагч McLaren –ийг дагаж энэ удаа  Ferrari ба Sauber  багуудаас гадна Red Bull, Force India мөн  Mercedes GP   өөр өөрсдийн хувилбаруудыг ашиглаж байна. Red Bull-ийн  Себастьян Феттелийн машины арлыг сольж оролцож байгаа ба түүнд “Randy Mandy” гэдэг нэрийг өгч амжжээ. Феттель шинэ “Randy Mandy”-гаараа 1:29.867 минут хурдалж 5-р байрт жагсав.

Ferrari багийн  Формула-1 –ийн 800 дахь гараа Туркийн Гран Пригийн үеэр тохиож байгаа нь  тэмдэглэлт үйл явдлын нэг болж байна. Ferrari- чууд машиндаа 800 GRAND PRIX бичигтэйгээр уралдах юм.  Ferrari багт 14 жил уралдаж таван удаа дэлхийн аварга цол хүртсэн Михаэль Шумахер бас энэ баяр хамаатай билээ. Тэрээр “Миний зүрх сэтгэлийн нэг хэсэг нь үргэлж улаанд байна ” гэж хэлжээ.

1Льюис Хэмильтон McLaren 1.28.653

2Женсон Баттон McLaren 1.29.615

3Михаэль Шумахер Mercedes GP 1.29.750

4Нико Росберг Mercedes GP 1.29.855

5Себастьян Феттель Red Bull 1.29.867

6Роберт Кубица Renault 1.30.061

7Виталий Петров Renault 1.30.065

8Марк Уэббер Red Bull 1.30.097

9Фернандо Алонсо Ferrari 1.30.294

10Адриан Сутиль Force India 1.30.501

11Камуи Кобаяши BMW Sauber 1.30.615

12Витантонио Льюцци Force India 1.30.853

13Фелипе Масса Ferrari 1.30.867

14Себастьян Буэми Toro Rosso 1.31.011

15Педро де ля Роза BMW Sauber 1.31.238

16Нико Хюлкенберг Williams 1.31.355

17Рубенс Баррикелло Williams 1.31.464

18Хайме Алгуерсуари Toro Rosso 1.31.735

19Хейкки Ковалайнен Lotus 1.32.161

20Ярно Трулли Lotus 1.32.990

21Карун Чандхок HRT 1.34.876

22Лукас ди Грасси Virgin 1.35.137

23Тимо Глок Virgin 1.35.583

24Сакон Ямамото                              HRT 1.36.137

Хуваалцах/Тэмдэглэх

]]> http://www.sportnews.mn/2010/05/29/%d1%82%d1%83%d1%80%d0%ba%d0%b8%d0%b9%d0%bd-%d0%b3%d1%80%d0%b0%d0%bd-%d0%bf%d1%80%d0%b8-%d1%8d%d1%85%d1%8d%d0%bb%d0%bb%d1%8d%d1%8d/feed/ 1 Массаг Кубицагаар солихуу? http://www.sportnews.mn/2010/05/26/%d0%bc%d0%b0%d1%81%d1%81%d0%b0%d0%b3-%d0%ba%d1%83%d0%b1%d0%b8%d1%86%d0%b0%d0%b3%d0%b0%d0%b0%d1%80-%d1%81%d0%be%d0%bb%d0%b8%d1%85%d1%83%d1%83/ http://www.sportnews.mn/2010/05/26/%d0%bc%d0%b0%d1%81%d1%81%d0%b0%d0%b3-%d0%ba%d1%83%d0%b1%d0%b8%d1%86%d0%b0%d0%b3%d0%b0%d0%b0%d1%80-%d1%81%d0%be%d0%bb%d0%b8%d1%85%d1%83%d1%83/#comments Wed, 26 May 2010 07:10:24 +0000 Ганбаатар Д http://www.sportnews.mn/?p=27182 Формула-1-ийн  2010 оны улирал эхлээд дөнгөж зургаан уралдаан явагдаад байгаа ч дараагийн улиралд хэн хаана  гэрээ хийх, ямар багт  солигдох  талаар сураг  чимээ дуулдаж  эхэллээ. Гол дүрүүдэд  Фелиппе Масса , Роберт Кубица мөн Марк Уэбберын нэрс дуулдаж   байна. Фелиппе Масса  болон  Марк Уэббер нар ажил олгогчтойгоо гэрээгээ баталгаажуулаагүй байгаа  учир ийнхүү яригдах болжээ. Тэдэнтэй зэрэгцэн Кубица   анхаарал татсан этгээд  болоод  байна. Тэрээр Renault багтай урт хугацааны гэрээ байгуулсан  боловч  хэрэв баг нь зохион бүтээгчдийн цомд  дор хаяж  дөрөвдүгээр байр эзлэхгүй бол тэрээр гэрээгээ  цуцлах боломжтой гэнэ. Түүнээс гадна Кубица   Ferrari-тай урьдчилсан гэрээнд гарын үсэг зурсан бөгөөд одоогийн ДА-гийн нөхцөл байдлаас хархад энэ солилцоо  хийгдэх бүрэн боломжтой байгаа гэжээ.

Марк Уэббэр мөн адил  Ferrari-тай холбоо тогтоосон  байгаа ба  Red Bull нь цорын  ганц сонголт биш гэдгийг хүлээн зөвшөөрөөд байгаа аж . Гэхдээ Red Bull-ийн сонирхол бол одоогийн хоёр нисгэгчтэйгээ цаашид хамтран ажиллах явдал юм.

Гэрээ сунгах цаг бол менежерүүдийн шинэ тактик хэрэгжүүлэх үе байдаг. Ажил олгогчид шахалт үзүүлж чадсанаар шинэ болзол,  гэрээг амжилттай хийнэ. Тийм ч учраас менежерүүд   олон багтай уулзаж яриа хийхдээ дуртай.  Массагийн  менежер Николас Тодт зарим багуудтай ярилцаж байгаа юм байна. Үүний дотор Renault-той холбогдсон нь Кубица болон Массаг солилцох нь гэсэн яриа гарах үүсвэр болжээ. Харин Масса   цаашид Ferrari-тай ажилласаар байх сонирхолтой байгаа юм.

Хуваалцах/Тэмдэглэх

]]> http://www.sportnews.mn/2010/05/26/%d0%bc%d0%b0%d1%81%d1%81%d0%b0%d0%b3-%d0%ba%d1%83%d0%b1%d0%b8%d1%86%d0%b0%d0%b3%d0%b0%d0%b0%d1%80-%d1%81%d0%be%d0%bb%d0%b8%d1%85%d1%83%d1%83/feed/ 0 Макларены давхар цохилт http://www.sportnews.mn/2010/04/18/%d0%bc%d0%b0%d0%ba%d0%bb%d0%b0%d1%80%d0%b5%d0%bd%d1%8b-%d0%b4%d0%b0%d0%b2%d1%85%d0%b0%d1%80-%d1%86%d0%be%d1%85%d0%b8%d0%bb%d1%82/ http://www.sportnews.mn/2010/04/18/%d0%bc%d0%b0%d0%ba%d0%bb%d0%b0%d1%80%d0%b5%d0%bd%d1%8b-%d0%b4%d0%b0%d0%b2%d1%85%d0%b0%d1%80-%d1%86%d0%be%d1%85%d0%b8%d0%bb%d1%82/#comments Sun, 18 Apr 2010 15:29:45 +0000 Цолмонбаатар П http://www.sportnews.mn/?p=25842 Женсон Баттон Хятадын гараанд түрүүлж, улмаар ДАШТ-ийг нийлбэр дүнгээр тэргүүлж эхлэв. Мөн МакЛарений Льюис Хэмилтон дэд байранд орж, поул позишнд төдийлөн өндөр амжилт гаргаагүй МакЛарены хувьд гэнэтийн явдал боллоо. Мөн Нико Росберг 2 гараа дараалан подиумд гишгэсэн юм.

5 удаа пит стопт орсон Фернандо Алонсо 4-р байр эзэлсэн бол Реногийн Роберт Кубица 5-р байранд орсон байна. Мөн түүний багийн В. Петров 7-р байр эзэлж, Ф-1 дэх анхны оноогоо авав.

Харин поул позишнд 1, 2-р байр эзэлсэн Ред Буллийн хосын хувьд тун таагүй уралдаан боллоо. Тэд 6 болон 8-р байраар бариа хийжээ.

Ред Буллийн хос болон Хэмилтон, бусад олон нисэгчид харьцангуй эрт дугуйгаа сольсон бол Баттон, Росберг нар питэд ороогүй. Энэ шийдвэрийнхээ ачаар тэд тэргүүлэл олж чадсан юм.

Гэхдээ аюулгүйн машин зам дээр гарч нисэгчдийн зөрүү байхгүй болсон. Аюулгүй машин уралдааныг орхисны дараа Баттон тэргүүллээ хадгалсан бол Хэмилтон тун гайхалтай уралдаж, Шуми, Петров, Кубица нарыг ээлж дараалан гүйцсэн болно.  Улмаар хурдан питийн ачаар Росбергийг гүйцэн 2-р байранд орсон.

Гэхдээ Хэмилтон болон Феттель нарын питлэйн дэх хэрэг явдлыг зохион байгуулагчид хянаж үзээд ямар нэгэн торгууль хүлээлгүй өнгөрч байгаа. Хэрэв ийм зөөлөн хандаагүй бол тэдний байрыг ухраах зэрэг арга хэмжээ авагдах байсныг үгүйсгэхгүй.

Уралдааны дараа Женсон Баттон: “Энэ бол миний Формула-1 дэх хамгийн шилдэг ялалт. Энэ ялалт бол цаг агаарын их хүнд нөхцөлд боллоо. Мөн Водафоун МакЛарен Мерседес баг доминант байж чадсан нь бүр ч онцгой. Баг бүх л элементүүдийг үнэхээр төгс хийсэн. Энэ бол аз биш. Бид зөв шийдвэр гаргаж байсан. ” гэжээ.

Дашрамд 1955 оноос хойш анх удаа подиум дээр гарсан нисэгчид бүгд Мерседес Бензийнх байсан, мөн 1999 оны А1 авто тойруулгад Эдди Ирвин, Дэвид Култхард нараас хойш анхны Британи 1, 2-р байр гэнэ.

Хятадын Гран-при:

1. Дженсон Баттон (“Макларен”) – 1:53,993
2. Льюис Хэмилтон (“Макларен”) + 1,5
3. Нико Росберг (“Мерседес”) + 9,4

4. Фернандо Алонсо (“Феррари”) + 11,8
5. Роберт Кубица (“Рено”) + 22,2
6. Себастьян Феттель (“Ред Булл”) + 33,3
7. Виталий Петров (“Рено”) + 47,6
8. Марк Уэббер (“Ред Булл”) + 52,1
9. Фелипе Масса (“Феррари”) + 57,7
10. Михаэль Шумахер (“Мерседес”) + 61,7
11. Адриан Сутиль (“Форс-Индия”) + 62,8
12. Рубенс Баррикелло (“Уильямс”) + 63,6
13. Хайме Альгерсуари (“Торо Россо”) + 71,4
14. Хейкки Ковалайнен (“Лотус”) – 1 тойрог
15. Нико Хюлькенберг (“Уильямс”) – 1 тойрог
16. Бруно Сенна (“HRT”) – 2 тойрог
17. Карун Чандок (“HRT”) – 4 тойрог
18. Ярно Трулли (“Лотус”) – барианд ороогүй
19. Лукас ди Грасси (“Верджин”) – барианд ороогүй
20. Педро де ла Роса (“БМВ-Заубер”) – барианд ороогүй
21. Себастьен Буэми (“Торо Россо”) – барианд ороогүй
22. Камуи Кобаяси (“БМВ-Заубер”) – барианд ороогүй
23. Витантонио Лиуцци (“Форс-Индия”) – барианд ороогүй
24. Тимо Глок (“Верджин”) – барианд ороогүй

ДАШТ-ын явц:

Нисэгч Оноо
Баттон (Макларен) 60
Росберг (Мерседес) 50
Алонсо (Феррари) 49
Хэмилтон (Макларен) 49
Феттель (Ред Булл) 45
Масса (Феррари) 41
Кубица (Рено) 40
Уэббер (Ред Булл) 28
Сутиль (Форс-Индия) 10
Шумахер (Мерседес) 10
Лиуцци (Форс-Индия) 8
Петров (Рено) 6
Баррикелло (Уильямс) 5
Альгерсуари (Торо Россо) 2
Хюлькенберг (Уильямс) 1
Буэми (Торо Россо) 0
де ла Роса (БМВ-Заубер) 0
Ковалайнен (Лотус) 0
Чандхок (HRT) 0
ди Грасси (Верджин) 0
Сенна (HRT) 0
Трулли (Лотус) 0
Глок (Верджин) 0
Кобаяси (БМВ-Заубер) 0

ЗОХИОН БҮТЭЭГЧДИЙН ЦОМ

БАГ Оноо
Макларен 109
Феррари 90
Ред Булл 73
Мерседес 60
Рено 46
Форс-Индия 18
Уильямс 6
Торо Россо 2
БМВ-Заубер 0
Лотус 0
HRT 0
Верджин 0

3163 3172 3193 3198.2 3180 3172

Хуваалцах/Тэмдэглэх

]]> http://www.sportnews.mn/2010/04/18/%d0%bc%d0%b0%d0%ba%d0%bb%d0%b0%d1%80%d0%b5%d0%bd%d1%8b-%d0%b4%d0%b0%d0%b2%d1%85%d0%b0%d1%80-%d1%86%d0%be%d1%85%d0%b8%d0%bb%d1%82/feed/ 3 Red Bull тэргүүн эгнээнд http://www.sportnews.mn/2010/04/18/red-bull-%d1%82%d1%8d%d1%80%d0%b3%d2%af%d2%af%d0%bd-%d1%8d%d0%b3%d0%bd%d1%8d%d1%8d%d0%bd%d0%b4/ http://www.sportnews.mn/2010/04/18/red-bull-%d1%82%d1%8d%d1%80%d0%b3%d2%af%d2%af%d0%bd-%d1%8d%d0%b3%d0%bd%d1%8d%d1%8d%d0%bd%d0%b4/#comments Sat, 17 Apr 2010 17:03:47 +0000 Ганбаатар Д http://www.sportnews.mn/?p=25804 Шанхайн Гран Пригийн байрлал эзлэх шалгаруулалтанд  Себастьян Феттель 1:34.558 минутаар тэргүүлж  Марк Уэббер удаалан  Red Bull  баг дахин хосолсон гарааны  түрүүг авлаа.  Улиралын дөрөвдэх Гран Прид Феттель гурван удаа,   Red Bull   дөрөвдэх удаагаа гарааны түрүүг авч байгаа юм. Red Bull –ийн араас Ferrari-гийн  Фернандо Алонсо , Mersedes GP  багийн Нико Росберг   хоёрдугаар эгнээнээс гараагаа хийхээр боллоо. Харин  чамгүй хүчирхэг сэтгэгдэл төрүүлж  байсан McLaren  багийн хоёр нисгэгч  Льюис Хэмилтон,  Женсон  Баттон нар гуравдугаар эгнээнд 5 болон 6 дугаар байрлалыг эзлэв. 7, 8 байрлалыг Фелиппэ Масса  Роберт Кубица авч,  Михаэль Шумахер , Адриан Сутил нар 9, 10 дахь байрлалыг эзлэв.

Шалгаруулалтын эхний хэсгээс  хамгийн удаан  нисгэгчид  болох  Витантонио Льюцци (Forc India) Тимо Глок (Virgin) , Ярно Трулли,  Хейкки Ковалайнен (Lotus) Лукас ди Грасси,  Брунно Сенна, Карун Чандхок (HRT)  нар хасагдлаа.

Хоёрдахь хэсгээс Рубенс Барикелло(Williams)   Хэйми Алгуэрсуари, Себастьен Буэми (Toro Rosso) Виталий Петров (Renault) Камуй Кобаяаши  (Sauber)  Нико Хьюлкенберг (Williams) мөн   Педро ди ла Росса (Sauber)   нар хасагдав.

Феттель чөлөөт уралдаанд Хэмилтоноос илүү хурдалж чадаагүй. Механикчид түүний машинд  учирсан бэрхшээлийг шалгаруулалт хүртлэх хугацаанд   арилган өөрчилж чадсанаар   гарааний түрүүг авлаа.  Марк Уэббер  багийн хамтрагчаасаа 0,248 секундийн зайтайгаар удаалсан ч хоёр машин нь тэргүүн эгнээг эзэлсэнд сэтгэл хангалуун байна.

Фернандо Алонсо гуравдахь удаагаа  Red Bull –ийн ард гуравдугаар байрлалыг эзлэв.  Гэхдээ Mersedes болон  McLaren-ний урд байгаа нь давуу талтай. Өнөөдөр тэр  байгаа бүх потенциалиа шавхаж чадав.

Шалгаруулалтын өмнө  McLaren  хүчтэй байсныг бүгдээрээ харсан . Гэхдээ шийдвэрлэх мөчид Хэмилтон, Баттон нар  хамгийн дээд үзүүлэлтэндээ хүрсэнгүй. Хэмилтон Баасан гаригт  бэлтгэлийн үеэр мөн  Q1,  Q2- д сайн  хурдалж  харин сүүлийн хэсэгт амжилт үзүүлж чадаагүйдээ сэтгэл хангалуун биш байна. Түүний  таамаглаж буйгаар машины баланс алдагдсан байж болох боловч  үүнийг одоогоор бүрэн тайлбарлаагүй байна.Q3 буюу сүүлийн шалгаруулалтанд машины явдал эрс өөрчлөгдсөнд гайхаж байгаагаа хэлжээ. Баттоны дугуй эхлэл хэсэгт хангалттай халаагүй эсвэл төгсгөлдөө хэт халах гэх мэт бэрхшээлээс тавдугаар байрлалыг эзлэв.

Михаэль Шумахер улирал эхлээд  хоёр удаа 7 нэг удаа 8  өнөөдөр 9 байрлалыг авч ухарсаар. Гэхдээ үнэмлэхүй аварга үүнд сэтгэл зовнихгүй байгаа юм. Шумахерийн хамгийн гол бэрхшээл  удаан эргэлтүүд  байв. Машин зам дээр гарсан цагаас эхлэн балансын тохиргоотой ноцолджээ.  Mersedes GP  шинэ хойд далавч санасан хэмжээнд нь хүртэл үр дүн өгсөнгүй. Тийм учир  шалгаруулалтын өмнө Нико Росбергийн машинд хуучин далавчийг сольж,  Шумахер шинэ эд ангитай уралджээ. Төгсгөлд нь Росберг 4,  Шумахер 9 байр. Хэрвээ Шумахер хуучин далавчтайгаа уралдсан бол хоёр McLaren-ний өмнө гарах магадлал байсан байх. Ямар ч байсан Mersedes GP шилдгүүдэд бага боловч ойртсоор байна.

Роберт Кубица 8, Виталий Петров 14 байрлалыг авлаа. Петров өглөө чөлөөт уралдааны үеэр осолдсон ч механикчдийн шаргуу хөдөлмөрийн ачаар хэвийн хэмжээнд уралдах машинтай шалгаруулалтанд оролцож чадав. Хойд хөршийн анхны Формула-1-ийн нисгэгч маань энэ удаад шинүүд дундаа хамгийн урд байрыг эзлэв.

Адриан Сутил Шанхайд дахиад Q32-т шалгарч чадав. Замын дунд секторт гулгалттай бага зэрэг хугацаа алдаж байжээ. Энэ асуудал тулгараагүй бол дахин хоёр байрлалаа ахих боломжтой байсан гэж үзжээ.

Шанхайн уралдаанд  багууд F-Duct системийг өөр өөрсдийн нөхцөлд тохируулан ашиглаж байна. Дараа дараагийн уралдаанд багууд  үүнийг зохион бүтээж  уралдахаа  мэдэгдээд байгаа юм.

Шанхайн уралдаанд дугуй нийлүүлэгч Bridgestone- ний   зөөлөн резинтэй дугуйг гол суурь болгож байгаа билээ. Өнөөдрийн шалгаруулалтанд зөөлөн дугуйг зөв ашиглах дараалал нь  замын эхний секторт гамнаж явах  ,  дараагийн хоёр,  гуравдахь секторт ширүүн ашиглах байв. Хэрэв эхний секторт хэтэрхий ширүүн явбал үлдсэн секторуудад машины  хэвийн тогтвортой байдал алдагдхад хүрэх аж. Уралдаанд эхний  10 нисгэгч  зөөлөн дугуйтай гараагаа эхлүүлэх тактиктай  ба  20 тойргоос дугуйгаа сольж эхлэх магадлалтай.

Маргааш бороо орж магадгүй гэсэн болгоомжлол зарим багуудад бий. Гэхдээ цаг агаарыг таашгүй. Мэдээж топ багуудад бороо  том асуудал биш юм. Феттель бол борооны мэргэжилтэн. Тэр анхны Гран Пригээ бороотой уралдаанд авч байлаа.  Мөн Хэмилтон, Шумахер зэрэг бороонд уралдах дуртай эрхмүүдэд цаг агаар огтхон ч сонин биш.

Хуваалцах/Тэмдэглэх

]]> http://www.sportnews.mn/2010/04/18/red-bull-%d1%82%d1%8d%d1%80%d0%b3%d2%af%d2%af%d0%bd-%d1%8d%d0%b3%d0%bd%d1%8d%d1%8d%d0%bd%d0%b4/feed/ 0 Техникийн өөрчлөлтүүд http://www.sportnews.mn/2010/04/07/%d1%82%d0%b5%d1%85%d0%bd%d0%b8%d0%ba%d0%b8%d0%b9%d0%bd-%d3%a9%d3%a9%d1%80%d1%87%d0%bb%d3%a9%d0%bb%d1%82%d2%af%d2%af%d0%b4/ http://www.sportnews.mn/2010/04/07/%d1%82%d0%b5%d1%85%d0%bd%d0%b8%d0%ba%d0%b8%d0%b9%d0%bd-%d3%a9%d3%a9%d1%80%d1%87%d0%bb%d3%a9%d0%bb%d1%82%d2%af%d2%af%d0%b4/#comments Wed, 07 Apr 2010 14:03:18 +0000 Ганбаатар Д http://www.sportnews.mn/?p=25239 Австрали  болон Малайзийн уралдааны  хооронд богинохон  хугацаатай боловч   зарим багууд   нэмэлт өөрчлөлтүүдийг хийж амжсан байна. Эдгээр шинэчлэл  нь  Малайзийн халуунд уралдахад  зайлшгүй  хэрэгтэй  хөргөлтийг  сайжруулах   үр нөлөөтэй  арга замд чиглэсэн байдаг.

Toro Rosso,  Mercedes-ийн өөрчлөлт

Toro Rosso багийнхан  Сепангд машиныхаа хажуу бөөрөнд,  яндангийн  эргэн тойронд хөргөлтийн нэмэлт нээлхий хийж өгчээ. Энэ нь машины дугуйнд бүрэн халхлагдаж байгаа юм. Mercedes  багийхан үүнтэй төстэй  өөрчлөлтийг  MGP-W01 –д хэрэглэжээ. Тэд Бахрайн болон Мельбурнд  нарийхан урт онгорхойг байрлуулж  халуун агаарыг дээш нь чиглүүлж байв. Харин Сепангд  халууныг илүү гадагшлуулахын тулд өмнөхөөс илүү том нээж өгчээ.

МcLaren-ний урд далавч

Малайзийн уралдаанд тэдний аэродинамикийн шинэчлэл үр дүнгээ өгсөн гэж бодож байна. Бахрайнд  стюартууд  МcLaren-ний урд далавчнs хажуугийн хурц  ирмэгийг өөрчлөхийг шаардаж байжээ. Үүнийн дараа тэд урд далавчны хажуу ирмэгийг  өөрчилснөөр  дугуй руу чиглэх  агаарын эргүүлэгийн  хүчийг  багасгаж  чадсан байна.

Хуваалцах/Тэмдэглэх

]]> http://www.sportnews.mn/2010/04/07/%d1%82%d0%b5%d1%85%d0%bd%d0%b8%d0%ba%d0%b8%d0%b9%d0%bd-%d3%a9%d3%a9%d1%80%d1%87%d0%bb%d3%a9%d0%bb%d1%82%d2%af%d2%af%d0%b4/feed/ 0 Малайзийн уралдааны тэмдэглэл http://www.sportnews.mn/2010/04/07/%d0%bc%d0%b0%d0%bb%d0%b0%d0%b9%d0%b7%d0%b8%d0%b9%d0%bd-%d1%83%d1%80%d0%b0%d0%bb%d0%b4%d0%b0%d0%b0%d0%bd%d1%8b-%d1%82%d1%8d%d0%bc%d0%b4%d1%8d%d0%b3%d0%bb%d1%8d%d0%bb/ http://www.sportnews.mn/2010/04/07/%d0%bc%d0%b0%d0%bb%d0%b0%d0%b9%d0%b7%d0%b8%d0%b9%d0%bd-%d1%83%d1%80%d0%b0%d0%bb%d0%b4%d0%b0%d0%b0%d0%bd%d1%8b-%d1%82%d1%8d%d0%bc%d0%b4%d1%8d%d0%b3%d0%bb%d1%8d%d0%bb/#comments Wed, 07 Apr 2010 03:41:51 +0000 Ганбаатар Д http://www.sportnews.mn/?p=25131 Малайзийн Гран При нь анх 1999 оноос Формула-1-ийн календарьт багтаж түүнээс хойш  уралдаан тогтмол явагдсаар ирсэн юм. Сепангын авто тойруулгыг  бусад уралдааны замууд дундаа   хамгийн үзэсгэлэнтэй нь гэдэг. Формула-1-ийн улирлын  хамгийн хатуу шалгуурын нэг бөгөөд  техникийн үзүүлэлтийг бүх талаар  онцсайн байхыг шаардана. Ялангуяа хөдөлгүүр,  тоормосны хөргөх системд   илүү анхаарал тавигдана.  Техникийг   халуунд тэсвэртэй  байлгахаас  гадна нисгэгчид  энэ онцгой нөхцөлд  бэлтгэгдсэн байх нь чухал . Малайзийн уралдаанд гаднах температур 30 , асьфалт  50,  бүхээгт 70 хэм хүртэл халдаг ба  нисгэгч дунджаар 3,5 литр шингэн алддаг тооцоо бий. Хэт  халуун   бас чийглэг агаартай ,  бороо орох магадлал өндөртэй. 2009 оны Малайзын Гран Пригийн үеэр хэтэрхий  ширүүн бороо орж  уралдааныг хугацаанаас нь өмнө  зогсоогоод түрүүлсэн Женсон Баттонд  хагас оноо өгч байв. Ийм ч учраас Сепангийн  тэнгэрийн  аашийг  бүгд  мэддэг билээ.

Феттелийн ялалт

Себастьян Феттель Бахрайн болон Австралийн уралдаанд  хоёр  удаа ялагдсаныхаа дараа  улирлын гуравдахь гараанд сая нэг ялалт байгуулж чадав. Энэ удаад  Red Bull-д ямар ч техникийн эвдрэл гарсангүй.  Орчин үеийн Формула-1-ийн уралдаанд ихэвчлэн  гараанд ялсан нь уралдаанд түрүүлдэг болсон. Феттель  гараанаас эхний 500 метрт  ялалтыг гартаа оруулж чадсан гэж багийн дарга Кристиан Хорнер хэлсэн юм. Үнэхээр л Феттель гараанаас тэсэрч  Нико Росбергийг гүйцэж  тэр даруй Уэбберийн урд гарч байрлалаа баттай хамгаалж чадсан  нь  шийдвэрлэх явдал болсон юм. Нико Росберг   ширүүн хөдөлснөөс   хойд дугуй нь хий эргэн хугацаа алдаж  Феттельд төвөггүй гүйцэгдэв. Уэббер  байрлал эзлэх шалгаруулалтанд  хурдалж чадаж байсан . Харин гараанд бага зэрэг  алдаж  Феттельд боломж олгов. Феттель   бараг 10 гаруй метрийн хойноос   секунд хүрэхгүй хугацаанд  Уэбберийг   гүйцэж эхний эргэлтээр  урд нь гарч чадсан.  Гарааг сайн хийх нь хааз консийг сайн тохируулахаас гадна нисгэгчийн  ур чадвар,  мэдрэмжээс шалтгаалдаг. Феттелийн  ур чадвар нь өмнөх жилийнхээс  илүү сайжирсан нь  харагдаж байна. Уэбберийг муу байсан гэж хэлэхгүй. Тэр сайн байсан. Мөн тэрээр  Феттелийн араас  үргэлжлүүлэн  довтлох нь эрсдэлтэй гэдгийг ойлгосон байх.  Ингээд Феттель уралдааныг алдаагүй, итгэл төгс  тэргүүлсээр барианд орсон юм.

Хэмилтоний түрэмгий довтолгоо

Багийн буруу тактикийн уршгаар  сүүл хэсэг буюу байрлал 20- иос  гараагаа хийсэн  топуудын нэг Льюис Хэмилтон  гарамгай  сайн уралдаж 6-д  оров. Гараанаас маш идвэхтэй ээлж дарааллан гүйцэж түрүүлсээр цувааны дунд хэсэгт Renault -гийн нисгэгч Виталий Петровтой халз тулалдав. Энэ тулаанд орос залуу мөчөөгөө өгөлгүй тэмцэлдэж үзүүштэй сайхан уралдааныг харуулж  муугүй нисгэгч гэдгээ таниулав. Мэдээж түүнд туршлага дутагдаж байгаа нь харагдаж   байлаа.  Зарим эргэлт дээр хожуу тоормослох,  хаах газраа амжилгүй  нээлттэй эргэж байв. Үүнээс гадна дүрмэнд  байрлалаа хамгаалж байгаа тохиолдолд нисгэгч  чиглэлээ нэг удаа өөрчлөхийг зөвшөөрдөг аж. Гэтэл Хэмилтон  Петровтой  өрсөлдөхдөө  3 удаа чиглэлээ өөрчилөн мушгирсан  хөдөлгөөн хийсэн нь дүрэм зөрчсөн  гэж  Renault  багийхан  мэдэгдсэн юм. Уралдааны дараа стюартууд Хэмилтонд сануулага өгөөд өнгөрлөө. Гэхдээ Хэмилтон Петров хоёрын тэмцэл сонирхолтой байсныг  хүлээн зөвшөөрөхөөс аргагүй. Хэмилтоны ширүүүн довтолгоо Force India багийн Адриан Сутилийн ард  ирээд нэг хэмнэлд орсон юм. Адриан Сутилийг гүйцэх оролдлогуудыг хийсэн ч амжилт ололгүй уралдаан дуусав. McLaren  уралдааны зам дээр хурдтай байгаад зогссонгүй  3,4 секундэд   Хэмилтоны  дугуйг  сольсон нь улирал эхэлснээс хойшхи хамгийн хурдан цаг  болжээ.

Баттон

Австралийн ялагч энэ удаад багийн хамтрагчаасаа өөр тактиктай хэрэгжүүлэв. Гараанд олигтой амжилт олоогүйн дээр уралдааны эхний тойргуудад зөөлөн дугуйтай бэрхшээл ихтэй байлаа. Тийм учир эрт зогсож хатуу дугуйг сольж азаа үзэхээр шийдсэн юм.  9 дэх тойрогт дугуйгаа сольсон Баттон сүүлд шинэ дугуйтай уралдагч нараас байрлалаа чадварлаг хамгаалж байв. Эхлээд Массатай  тэмцэлдэж  гүйцэгдсэн ч Алонсогийн дайралтыг сайн хамгаалсаар 8 байранд шалгарсан юм. McLaren багийг  байрлал тогтоох уралдааны дараа  оноо авах үгүйг таахад бэрх байсан ч хоёр нисгэгч оноот байранд шалгарч чадсан юм.

Ferrari

Өнгөрдөг Бямба гаригт  бороо орж  байрлал эзлэх шалгаруулалтанд   McLaren болон  Ferrari багуудын   алдаатай бодлогын улмаас  гараанд хойгуур байр эзэлсэн нь тэнэг явдал байлаа. Энэ алдаа нь Red Bull-д оноог зүгээр л  бэлэглэсэнтэй адил зүйл юм.  2009 оны Малайзийн уралдаанд  Ferrari баг  Кими Райкконенд борооны дугуйг  эрт сольж  бас иймэрхүү алдааг хийж байсан санагдаж байна.  Уралдааны үеэр бороо орохгүйг мэдэгдсэн  ч  Ferrari баг  бороог ороосой гэсэн  горьдлого агуулсаар  байв. Масса, Алонсо нар  дугуйгаа солихгүй уралдааны тал  хүртэл явсан бөгөөд  Масса дугуйгаа сольсоноос хойш 10 тойргын дараа Алонсо  дугуйгаа солив. Хэрэв бороо орсон тохиолдолд ганцхан удаагийн зогсолтоор цаг  хожино гэж найдаж байсан юм. Гэвч бороо орсонгүй.

” Энэ бол миний амьдралдаа үзсэн хамгийн хүнд  уралдаан байсан”  гэж Фернандо Алонсо хэлжээ . Гараанаас хурдны  хайрцагны гэмтэлтэй хөдөлжээ. Уралдааны турш  коонс нь бүрэн ажиллаагүй ба  эргэлтэнд зөв араагаа  холбохын  тулд нэгдүгээр араанд  шилжүүлсний    дараа нь тоормосоо тултал гишгэж араагаа  тохируулж байжээ. Ингэж уралдана гэдэг үнэхээр ур чадвар шаардсан зүйл юм.  Ийм хүнд нөхцөлөөс   Баттоныг довтолж  шахалт үзүүлж  чадаж байсан нь гайхалтай.  Уралдаан дуусхаас хоёр тойргын өмнө гарааны шулууны төгсгөл буюу  эхний эргэлт дээр Алонсо   Баттоныг гадна талаар нь гүйцэж  эргэсэн ч  урд гарч амжсангүй. Энэ довтолгооны дараа  түүний мотор нь шатаж уралдаанаас гарсан юм.  Ferrari  огт өөр зорилготойгоор Малайзид ирсэн боловч биелүүлж чадсангүй сэтгэл гонсгор үлдлээ. Ганцхан эерэг зүйл нь Ferrari баг  болон  Масса дэлхийн аваргын жагсаалтыг тэргүүлж байгаа юм.

Mersedes GP

Mersedes-ийн  Нико Росберг  энэ жил  анх удаагаа  шагналын тавцанд гарав. Харин Михаэль Шумахер 8-р байрлалаас гараагаа хийж  хэдэн оноо зулгаах бүрэн боломжтой байлаа. Гэвч  дугуй чангалагч  боолтны гэмтлээс уралдааныг цагаасаа өмнө дуусгав.  Гэмтэлийн гол шалтгааныг  тодруулаагүй  байна. Шумахер Формула-1-д эргэж ирснээс хойш   сайн амжилт үзүүлэхгүй байгааг  шүүмжлэгчид олон байгаа боловч тэр өөрөө  үүнд хүлээцтэй хандаж байгаа юм. Одоогоор Mersedes-ийн  машин шилдэгүүдтэй  эн зэрэгцэх хэмжээнд  хүрээгүй ч үүнд  тун ойрхон байгаа гэж  Mersedes GP багийн дарга Росс Браун хэлж байгаа юм. Маш богино хугацаанд ялалт авчрах машин бүтээх зорилго тавьж байгаа бөгөөд хэрэв улиралын дунд хүртэл  ялалт авч чадахгүй бол Б төлөвлөгөөнд шилжиж 2011 оны улиралын бэлтгэл ажилдаа анхаарлаа хандуулхаар төлөвлөж байгаа гэнэ.

Forca India

Forca India  багийн чадвахи өдрөөс өдөрт дээшилж байгааг хэлэх ёстой. Льюис Хэмилтон олон машин гүйцэж түрүүлсэн ч   Адриан Сутилийн ард ирээд гацсан юм. McLaren радио холбоогоор  Сутилийг гүйцэхгүй бол Масса ойртож байгааг Хэмилтонд анхааруулж байв. Яг үнэндээ Хэмилтоний эрч суларсандаа бус Сутил түүнтэй өрсөлдөхүйц машинтай байсан юм.

Sauber-ийн хоёр нисгэгч  Комуй Кобояши  Педро де ла Роса нар моторын гэмтлээс уралдааныг  дуусгаж чадсангүй. Харин Williams-ийн залуу нисгэгч  Нико Хюлкенберг  дэлхийн аваргын анхны 1 оноогоо  авч багийн хамтрагч Рубенс Барикелло 12 дугаар байранд оров. Мөн Toro Rosso багийн Хэйме Алгуерсуари анхны оноогоо авсан бол  Себастьен Буэми  11 дүгээр байрыг эзэллээ. HRT  багийн  нисгэгчид  Брунно Сенна,  Карун Чандок  эхний удаа барианы шугамыг давцгаалаа. Малайзийн  Гран Прид Малайзийн баг Lotus-ийн нисгэгч Ярно Трулли  17 дугаар байранд оржээ.

Малайзийн уралдаанд багууд олон янзын тактик хэрэгжүүлж,  дугуйны стратегийг янз янзаар хийж,  мөргөлдөж бас шүргэлцэж уралдлаа.  Уралдагчид  өмнөө  байгаа өрсөлдөгчөө   зогсоол руу орж зам чөлөөлхийг  хүлээлгүй   гүйцэж түрүүлэх оролдлогуудыг хийж байв.  Гурван уралдааны дараахи байдлыг авч үзвэл  Red Bull нь топ багуудыг тэргүүлж   өөрийн байр сууриа бэхжүүлсээр байна.  McLaren ба Ferrari багууд дараагийн хүчирхэг хослол ба  Mersedes GP баг  энэ гурван хүчний араас нэхэгчээр тодорч байна. Гэхдээ  ажилсаг германууд тун удахгүй тэргүүлэгчдийн эгнээнд шилжих байхаа. Кубица одоохондоо Renault багийг чирж яваа боловч Виталий Петров багтаа хувь нэмэрээ  оруулхад ойрхон байна.

Хуваалцах/Тэмдэглэх

]]> http://www.sportnews.mn/2010/04/07/%d0%bc%d0%b0%d0%bb%d0%b0%d0%b9%d0%b7%d0%b8%d0%b9%d0%bd-%d1%83%d1%80%d0%b0%d0%bb%d0%b4%d0%b0%d0%b0%d0%bd%d1%8b-%d1%82%d1%8d%d0%bc%d0%b4%d1%8d%d0%b3%d0%bb%d1%8d%d0%bb/feed/ 2 Австралийн гран-при (шууд дамжуулалт) http://www.sportnews.mn/2010/03/28/f1australiangp/ http://www.sportnews.mn/2010/03/28/f1australiangp/#comments Sun, 28 Mar 2010 01:33:17 +0000 Спортын цонх http://www.sportnews.mn/?p=24769 Уралдаан удахгүй эхэлнэ

Хуваалцах/Тэмдэглэх

]]> http://www.sportnews.mn/2010/03/28/f1australiangp/feed/ 9 Red Bull–ийн давамгайлал http://www.sportnews.mn/2010/03/28/red-bull%e2%80%93%d0%b8%d0%b9%d0%bd-%d0%b4%d0%b0%d0%b2%d0%b0%d0%bc%d0%b3%d0%b0%d0%b9%d0%bb%d0%b0%d0%bb/ http://www.sportnews.mn/2010/03/28/red-bull%e2%80%93%d0%b8%d0%b9%d0%bd-%d0%b4%d0%b0%d0%b2%d0%b0%d0%bc%d0%b3%d0%b0%d0%b9%d0%bb%d0%b0%d0%bb/#comments Sat, 27 Mar 2010 16:29:00 +0000 Ганбаатар Д http://www.sportnews.mn/?p=24739 Австралийн Гран Пригийн  байрлал  тогтоох шалгаруулалт Бахрейны уралдааны уйтгартай байсныг  мартуулахаар  өрсөлдөөнтэй болсон гэж болно. 2010 оны улирал Себастьян Феттелийн хувьд маш сайн үргэлжилж байна. Red Bull өнөөдөр бусад багуудаас  өөр түвшинд  хурдалж халуунхан тулааныг харуулав. Зөвхөн  Алонсо л  Red Bull –ийг  ойрхон дагаж чадав. Уэббер сүүлийн тойргийнхоо  нэг ба гуравдахь хэмжүүрт Феттелиэс илүү хурдтай байсан боловч дунд хэсэгт яльгүй удааширснаас   гарааны түрүүгээ алдсан юм.

Яагаад дүүрэн  шатахуунтай байхдаа RB6–гийн хойд хэсэг суухгүй байгаа нь  зарим  хүмүүсийн  сонирхлыг татаж байна. Red Bull баг хөдөлгүүрийг өөрөөр тоноглосон ба шатахууны  хэмжээнээс хамааран   газраас хөндийрэх зайг тохируулах зориулалттай  удирдлагын системийг ашиглаж байна гэж McLaren багийн дарга Мартин Уитмарш ам нээсэн  юм.  “Active Suspension Control Systems”-ийг     ашиглаж байж магадгүй гэжээ . Энэ нь машины дугуйг дээшлэх ба доошлох  хөдөлгөөнийг бүрдүүлэн залдаг  идвэхтэй систем юм. Үүнийг анх 1981-1982 онд Lotus-ийн инженер  Колин Чэпмен зохион бүтээж эхэлжээ. 1987 онд Формула-1д Lotus-ийн машинд хэрэглэж эхэлсэн ч хүчин чадлыг нь бүрэн дүүрэн хэрэг ашиглах техникийн боломж дутагдалтай байжээ. Хожим 1992 онд  Williams баг  уг системийг боловсронгуй болгож ашиглаад дэлхийн аварга болсон бөгөөд 1994 оноос энэ системийг Формула-1-д бүрмөсөн хориглосон юм. Давуу тал нь хүчтэй цалгих шатахууныг нэг хэмнэлд тогтоох боломж олгодог. Хэрхэн хэрэгждэг нарийвчилсан тодорхойлолт одоогоор алга байна. Red Bull багийхан ямар нэгэн нэмэлт  механизмийг үгүйсгэж байгаа юм. Харин  тэр FIA-д ямар нэгэн эсэргүүцэл гомдол гаргалгүй өөрсдөө үүнийг судлан дараагийн уралдаанд хэрэгжүүлэх бодолтой байгаа гэнэ.

Ноён Уитмаршийн хардлага Формула-1-д тохиолддог  хардлагын   нэг болов уу гэж таамаглаж байна. Феттель Абу Дабигийн уралдааны дараа

Red Bull  багийн ажлыг хэрхэн дүгнэх вэ? 2010 оны талаар ямар таамагтай байна?

“ Нэг багт байгаагын хувьд миний нүдээр  манайхан тун мэргэжлийн ажилласан шүү. Энэ жил бусад багууд энд тэндээ шинэчлэл хийж  боловсронгуй болгож  мөн 2010 онд бэлтгэж байна. Дүрэм бол өөрчлөгдөж шалихгүй. Хамгийн том өөрчлөлт нь  шатахуун цэнэглэх хориотой болсон явдал. Түүнээс машинууд онцгой өөрчлөгдөхгүй байх. Хэлбэр төрх нь  хэвээрээ байна гэж бодож байна. “Milton Keynes” –д байгаа хүмүүс юу хийхээ сайн мэдэж байгаа. Энэ жил бидэнд томоохон боломж байсан хүчтэй  “зэвсэг” ч бүтээсэн. Ер нь би итгэлтэй байна. Миний бодлоор бид улам хүчирхэг болно” гэж хариулж байж. Түүний хэлснээр тэд   хүчирхэг болсноо нотолж байна.

Хуваалцах/Тэмдэглэх

]]> http://www.sportnews.mn/2010/03/28/red-bull%e2%80%93%d0%b8%d0%b9%d0%bd-%d0%b4%d0%b0%d0%b2%d0%b0%d0%bc%d0%b3%d0%b0%d0%b9%d0%bb%d0%b0%d0%bb/feed/ 1 Формула-1-ийн сониноос http://www.sportnews.mn/2010/03/24/%d1%84%d0%be%d1%80%d0%bc%d1%83%d0%bb%d0%b0-1-%d0%b8%d0%b9%d0%bd-%d1%81%d0%be%d0%bd%d0%b8%d0%bd%d0%be%d0%be%d1%81/ http://www.sportnews.mn/2010/03/24/%d1%84%d0%be%d1%80%d0%bc%d1%83%d0%bb%d0%b0-1-%d0%b8%d0%b9%d0%bd-%d1%81%d0%be%d0%bd%d0%b8%d0%bd%d0%be%d0%be%d1%81/#comments Tue, 23 Mar 2010 16:22:50 +0000 Ганбаатар Д http://www.sportnews.mn/?p=24570 Формула-1-ийн шинэ дүрэм ёсоор уралдааны явцад шатахууныг нэмж цэнэглэхгүй болсон . Төсвийг багасгах бодлогын хувьд энэ дүрэм нь зөв боловч  олон хүн үүнийг сайшаахгүй  бөгөөд хүнд машинууд ширүүн өрсөлдөөнийг үгүй болгож байгаа талаар шүүмжилж түргэн арга хэмжээ авахыг хүсэж байгаа юм. Мэргэжилтнүүд зарим зам дээр  уралдаанууд бүр уйтгартай болно гэж  таамаглаж байгаа. Үүнийг өөрчлөхгүй бол үзэгчид  уралдааны үеэр унтана гэж хэлсэн хүн  байна. Улирлын эхлэхийн өмнө 3 багийн зүгээс   заавал  зогсож дугуй солих дүрмийг  санал болгож байсан. Харин Берни Экклстоун  бүх багууд үүнтэй санал нэгдсэн  учир 2010 онд ямар ч дүрэм өөрчлөгдөхгүй гэж хэлж байгаа юм.

Баттон  ялалтыг хүсэж байна

Макларен багийн нисгэгч дэлхийн аварга Женсон Баттон  цөлийн уралдаанд долдугаар байр эзэлсэн билээ . Тэгвэл Мельбурнд ялалт байгуулж  багаар бодход шагналын тавцанд гарахын хүсэж байна. Баттоны үзэж буйгаар Бахрайнд Макларений машины өрсөлдөх нөхцөл хангалтгүй байсан. Харин  Мельбурний  Алберт Паркд  МР4-25 түүнээс илүү амжилт олно гэж найдаж байгаа юм. Баттон өнгөрсөн жил    ялалтын цувралаа  Австралиас эхэлсэн . Тиймээс  энд үүнтэй адил явдал тохиолдоно хэмээн бяцхан  найдалага тавьж байна.

Форс Индиа зөв замдаа

Улирлын анхны гараанд Тони Льюцци  9 байрыг эзэлж анхны оноогоо авсан нь дажгүй амжилт юм. Хэрэв Адриан Сутил гараан дээр саатаагүй бол  магадгүй илүү сайнаар  төгсөх байсан биз. Форс Индиа баг зөв гольдрилдоо орлоо  гэж багийн дарга Вижа Малья  үнэлж байна. Нэг жилийн хугацаанд тус багийн үзүүлэлт мэдэгдэхүйц сайжирчээ. Одоо  Австралид үүнийгээ баталгаажуулахыг зорьж байна.

Мерседес салхин хоолойд

Формула-1-ийн салхин хоолойд хийх туршилтын хугацааг долоо хоногт 60 цаг болгосон ч   урьдын адил өдөр тутмын ажлын нэг хэсэг  хэвээрээ  үлджээ. Мерседес  туршилтын энэхүү хугацааг үр дүнтэй ашиглахаар шаргуу ажиллаж байна. Өнгөрсөн долоо хоногт хэд хэдэн туршилт хийжээ. Гол зорилго нь машиныг  зөв тэнцвэржүүлэх . Тэд машины хойд хэсэгт  жингийн харьцааг  тогтоохоор оролдож байна. Үүгээрээ жолоодлогын бэрхшээлийг багасгах гэнэ. Хэр амжилттай болохыг дараагийн уралдаанд  харах үлдлээ.

Шумахер хамгийн нэртэй нь

Хамгийн сүүлд FOTA-гийн хийсэн Формула-1-ийн  олны танил нисгэгчийг тодруулах судалгаагаар   Михаэль Шумахер тэргүүлэв. 90 000 хүн хамрагдсан санал асуулгаар долоон удаагийн дэлхийн аварга маань 19,5 хувийн саналаар тэргүүлж Фернандо Алонсо 9,7 хувиар удаалсан байна. Гайхалтай нь  Формула-1-д уралдахаа болиод Раллид хүч үзэж байгаа Кими Райкконен  гуравдугаарт бичигджээ.

Спагийн туннель нуржээ

Бельгийн Спа Франкашомийн авто тойруулгад 6 метр өндөр  туннель  нуржээ. Иймээс замыг энэ долоо түр хугацаанд  хаагаад  байна.Бэртэж гэмтсэн хүн байхгүй гэжээ. Формула-1-ийн Бельгийн Гран При энэ зам дээр наймдугаар сарын 27-29 хооронд явагдана.

Хуваалцах/Тэмдэглэх

]]> http://www.sportnews.mn/2010/03/24/%d1%84%d0%be%d1%80%d0%bc%d1%83%d0%bb%d0%b0-1-%d0%b8%d0%b9%d0%bd-%d1%81%d0%be%d0%bd%d0%b8%d0%bd%d0%be%d0%be%d1%81/feed/ 1