Феттелийн  хувьд Сингапурын уралдаан бол аварга цолонд хүрэх “Mission Possible” гэж тооцогдож байсан юм. Түүнийг нэхэгч гурван нисгэгч энэ өрсөлдөөнөөс хасагдаж , зөвхөн Макларений нисгэгч Женсон Баттон үлдсэн 5 уралдаанд түрүүлж , Феттель энэ 5 уралдаанд нэг ч оноо аваагүй тохиолдолд аварга цолыг булааж болно. Гэхдээ Феттель түрүүлэх нь тодорхой болсон гэдгийг  бүгд дуу нэгтэй хүлээн зөвшөөрхөөс өөр аргагүй.

Феттель гараанаас бариа хүртэл ямар ч торох зүйлгүйгээр түрүүлсэн. Харин түүний багийн хамтрагч Марк Уэббер гараанд Баттон болон Алонсог өмнө гаргаж алдаа хийсэн. Мөн Масса, Нико Росберг, Шумахер нар Макларений Хэмилтоны өмнө гарч чадсан юм. Феттель уралдааныг ямар ч бэрхшээлгүй дуусгасан ба  Михаэль Шумахерийн ослоос улбаалж зам дээр   Safety Car-аар гарч ирсэн үеэр   уралдагчидтай  ойртсон юм. Шумахер болон Серхио Перес нарын тэмцлийн дүнд Шумахер замын хашлага мөргөж  осолдсон. Аюулгүйн машин замыг орхисоны дараа Феттель ямар ч төвөггүй цааш уралдааныг хошуучилсан хэвээр үлджээ.

Уралдааны дүн

Нисгэгчдийн оноо

№	Нисгэгч		Баг		Ялалт	оноо
1		Себастьян Феттель		Red Bull Renault	9	309
2		Женсон Баттон		McLaren Mercedes	2	185
3		Фернандо Алонсо		Ferrari	1	184
4		Марк Уэббер		Red Bull Renault		182
5		Льюис Хэмильтон		McLaren Mercedes	2	168
6		Фелипе Масса		Ferrari		84
7		Нико Росберг		Mercedes		62
8		Михаэль Шумахер		Mercedes		52
9		Виталий Петров		Renault		34
10		Ник Хайдфельд		Renault		34
11		Адриан Сутил		Force India Mercedes		28
12		Камуи Кобаяши		Sauber Ferrari		27
13		Пол ди Реста		Force India Mercedes		20
14		Хайме Альгерсуари		STR Ferrari		16
15		Себастьян Буеми		STR Ferrari		13
16		Серхио Перес		Sauber Ferrari		9
17		Рубенс Баррикелло		Williams Cosworth		4
18		Бруно Сенна		Renault		2
19		Пастор Мальдонадо		Williams Cosworth		1
20		Педро де ла Роса		Sauber Ferrari		0
21		Ярно Трулли		Lotus Renault		0
22		Хейкки Ковалайнен		Lotus Renault		0
23		Витантонио Лиуцци		HRT Cosworth		0
24		Жером д’Амброзио		Virgin Cosworth		0
25		Тимо Глок		Virgin Cosworth		0
26		Нараин Картикеян		HRT Cosworth		0
27		Даниэль Риккардо		HRT Cosworth		0
28		Карун Чандхок		Lotus Renault		0

ба

Хуваалцах/Тэмдэглэх

Бямба гарагт байр эзлэх шалгаруулалтанд Ред Булл баг тооцоолсоноос  илүү амжилт гаргаж Феттель 25 дахь гарааны түрүүгээ авсан юм.  Мэргэжилтнүүд ердөө 11 эргэлттэй Монцагийн шулуун зам нь Макларен болон Ферраригийн машинд  уралдхад тун тохиромжтой гэж үзэж байв.

Гараа тун сонирхолтой болов. Феттель болон хоёрдугаар байрлалаас гараагаа хийсэн Хэмилтон  тааруухан хөдөлсөн нь Алонсод  урд нь гарах боломж олгов. Түүнчлэн Михаэль Шумахер 8-р байрлалаас тэргүүлэгчдийн эгнээд ахиж чадсан байлаа.

Виталий Петров, Нико Росберг мөн Даниэль Рикиардо нар хэсэг  багийн Лиуццигийн хохирогч болов. Лиуцци гараанаас хөдлөхдөө замаас гарч жолоодлогоо алдан улмаар эргэлтэн дээр эдгээр нисгэгчдийг мөргөж жагсаалаас гаргасан юм. Ингээд Safety-Car  зам дээр гарч ирэв. Осолдсон машинуудыг  замаас гаргаж аюулгүй болгосны дараа уралдаан цааш үргэлжилэв.  Долоон удаагын аварга Шумахер  Хэмилтоныг  тун эвлэгхэн гүйцэж гуравдугаар байрлалд уралдаж эхлэв. Энэ нь нэгдүгээрт түүний туршлага хоёрдугаарт Мерседес өнөөдөр Монцад тулалдах хүчтэй байгаа гэдгийг харуулсан явдал байв. Уралдааныг хошуучлагч Алонсо Феттельд ямар зай өгөхгүй хамгаалж байсан хэдий ч Феттель түүнийг гүйцэх эрсдэлтэй  оролдлогоо амжилттай хийж гүйцэж чадсан юм. Үүгээр Феттель бусад өрсөлдөгчдөөс тасрах боломж өөртөө гаргаж Алонсо түүнд халхавч болон хоцорлоо. Алонсог хоёрдугаар байрлалд  ухарсан даруй Шумахер түүнийг довтолж эхлэв.  Эртний өрсөлдөгчдийн  тулааныг харалгүй  урт  хугацаа өнгөрчээ. Хамгийн сүүлд 2006 онд энэ хоёрын гайхалтай өрсөлдөөнийг харж байснаа санаж байна. Шумахер  шагналын тавцангын төлөө хамгийн хүчирхэг нисгэгчидтэй тэмцэлдэж байгаа  нь олон олон үзэгчдэд  таатай байсан гэдэгт эргэлзэхгүй байна. Алонсо ,  Шумахер , Хэмилтон нарын гурвалсан тэмцэл нь  Хэмилтон Шумахерийн  байр булаалдсан уралдаан болж хувирсан бөгөөд үүний дүнд Алонсод урагшаа ахих боломж нээгдэв. Марк Уэббер Массагийн хойд хитгийг мөргөж хамараасаа салав. Үүнээс удалгүй Ред Буллын хоёрдугаар нисгэгч жолоодлогоо алдаж хамгаалалтын хашлага мөргөсөнөөр  уралдааныг орхиход хүрсэн юм.

Шумахер болон Хэмилтоны гуравдугаар байрын төлөөх тэмцэл үргэлжилсээр. Энэ хоёр нэг нэгэндээ санаа тавих зуур Баттон тэдний ард нэхэж ирэв. Ингээд дахин  гурвалсан тулаан эхэлсэн юм. Энэ хооронд Феттель,  Алонсо нар хангалттай холдож чадсан байлаа. Маш олон оролдсоны эцэст Хэмилтон Шумахерийг гүйцэв. Гэхдээ тулаан үүгээр дуусаагүй байлаа. Гараа барианы шулуун хэсэгт Шумахер Хэмилтонд хариу цохилт өгч дахин түүний урд гарч чадлаа. Шумахер  2009 онд Формула-1-д эргэн ирсэнээсээ хойш  ийм гайхалтай уралдаан хийгээгүй санагдана.  Баттон эхний ээлжинд тэр хоёрын араас зөвхөн дагаж явсан бөгөөд аажмаар хутгалдаж эхлэв. Баттон эхлээд багийн хамтрагчаа гүйцэж дараа нь эхний оролдлогоороо Шумахерийн урд гарч чадав.  Нэг тойрогт хоёр хүчтэй өрсөлдөгчөө гайхалтай ур чадвараар ардаа орхив. Мерседес үүнийг даруй анзаарч Шумахерийн дугуйг солихоор зогсоолд дуудав. Феттель уралдааныг итгэл төгс хошуучилж, Баттон Алонсог ангуучлах аяндаа гарчээ. 24 тойргын дараахи байдлаар 16 нисгэгч уралдаж , бусад нь уралдааныг орхисон байлаа. Шумахер болон Хэмилтоны тэмцэл үргэлжилсээр. Хэмилтон довтолгооны бүх л аргыг хэрэглэж байв. Ингээд 27 –р тойрогт Хэмилтон Шумахерийн гадна талаар гүйцэж , маш удаан үргэлжилсэн хамгийн амттай тулаан төгсгөл болов. Баттон 36 дахь тойрогт Алонсог хялбархан ардаа орхив.  40 тойргын дараагаар  Феттель, Баттон, Алонсо,  Хэмилтон , Шумахер эхний 5 байранд уралдааныг хошуучилж байв. Италийн гран при  дуусах цаг ойртсоор. Үүгээр энэ улирлын Европын уралдаанууд дуусах бөгөөд Азийн тив рүү аялах юм. Уралдаан дуусахаас нэг тойргын өмнө Хэмилтон Алонсогийн ард ирлээ. Гэвч түүнд гүйцэж түрүүлэх хугацаа байсангүй уралдаан дуусав. Ингээд 53 тойрог шувтарч Себастьян Феттель өөрийн карьерийн 18 дахь ялалтаа Монцад авлаа. Төгсгөлд нь 5 дэлхийн аварга эхний 5 байрыг хуваан эзэлсэн байлаа.

Феттель 284 оноотой,  Алонсогоос (172) 112 онооны илүү боллоо. Хоёр долоо хоногын дараа Сингапурт болох уралдаанд Феттель түрүүлбэл хоёрдахь удаагаа дэлхийн аварга цол хүртэх боломжтой.

Уралдааны дараа Хэмилтон өөрийн үзүүлсэн амжилтанд сэтгэл дундуур байгаагаа хэлжээ. Мөн тэрээр Шумахертай хийсэн тулаан нь түүнийг шагналын тавцанд хүрэх боломжинд  саад болсон гэжээ. Түүнийг  гүйцэх оролдлого хийх үед Шумахер түүнд зай өгөлгүй шахаж, чиглэлээ олон удаа өөрчилсөн гэж гомдол гаргасан юм. Энэ тухайгаа багийн удирдлагадаа радио холбоогоор мэдэгдэж, улмаар стюартууд Мерседес багийнханд  Шумахерийн уралдааны талаар анхааруулсан бөгөөд багийн дарга Росс Браун  Шумахерийг Хэмилтонд зай үлдээж уралдахыг  сануулжээ.

Уралдааны дүн

Дэлхийн аварга

Зохион бүтээгчдийн дэлхийн аварга

өхө

Хуваалцах/Тэмдэглэх

Хуваалцах/Тэмдэглэх

Хуваалцах/Тэмдэглэх

Харин Шумахерийн багийн даргаар ажиллаж байсан Эдди Жорданд  түүний үзүүлсэн амжилт  сонин биш бололтой. Эдди  Жордан (63)   “ Шумахер   бол хөгшин төгцөг. Түүнд сайн байсан үе бий “ хэмээн  Британийн „The Sun“  сонинд ярьжээ. Эдди Жордан түүнийг уралдахаа болисон нь дээр гэж үзэж байгаа хүмүүсийн нэг юм.  Үүний хариуд Шумахерийн менежер Сабина Кем “ Жордан Михэлийн ачаар үргэлж олон нийтийн мэдээллийн хэрэгсэлийн анхааралд өртдөг ” гэжээ.

Шумахер 1991 оны наймдугаар сарын 25 нд  Эдди Жорданы даргалж байсан Беннотон багт Формула-1-ийн анхны уралдаанаа хийсэн юм.

Хуваалцах/Тэмдэглэх

Хайдфельд өмнө нь Испаний гран прид мөн иймэрхүү осолтой тулгарсан юм.

Хуваалцах/Тэмдэглэх

Хуваалцах/Тэмдэглэх

Хэн ч түүнийг төмөр хүлэгтэй нөхөрлөхөд нь хориг тавьсангүй. Тиймээс зоригт шонхор болохыг мөрөөдсөн хүү багаасаа л уралдааны “утаа үнэрлэж”, мотоциклийн эд анги, эрэг шураг, бензин тостой элгэмсэн дасчээ. Тоглоомон  машинаа эрэг шураг, элдэв боолтоор сольж, тоодгор дээлээ тайлан, томчуудтай уралдан мотоциклчдын хатуу ширүүн амьдралд эрт идээшсэн учраас ч тэр үү, саад бэрхшээл бүхнээс шантарч зүрхшээсэнгүй. Үе тэнгийнх нь хүүхдүүд мотоциклиор уралдах нь нүдний гэм байсан гэхэд хилсдэхгүй болов уу?

Э.Халиунболд хэмээх нэгэн нэр Монголын спортынхонд эрт танил болсны учир ийм. Өдгөө Монголдоо болдог уралдаануудад “ногоон гэрэл”-ээр түрүүлдэг энэ залуу хилийн чанадад ч алдар нэрээ дуургасаар явна. Тиймээс ч түүний медалийн сан хөмрөгт хилийн чанадаас “олзолсон” цом олон бий. Э.Халиунболдын одоогоор үзүүлээд байгаа хамгийн мундаг амжилт нь 2008 оны Азийн аваргын титэм.

Азийн цуврал тэмцээнүүдэд амжилттай оролцон, алтан медалийг өөрийн болгож чадсан юм. Иранд болсон тивийн авар гад Монголоос ганцаараа ирж уралдан, тэргүүн байр эзэлсэн 19-тэй залууг гадаадын тамирчид тун ихээр гайхсан нь лавтай. Түүний тоосонд булуулан, хоёр, гуравдугаар байрт орсон эзэн орны тамирчид хөгжөөн дэмжигчидтэйгээ хамжаад ч Э.Халиунболдыг няцааж чадаагүй юм. Ер нь л Э.Халиунболд ОУТ-үүдэд ихэвчлэн ганцаараа оролцдог. Зардал мөнгөнөөс шалтгаалан, дасгалжуулагчтайгаа явж чаддаггүй боловч ганц дайчин ганцаарддаггүйн үлгэрийг харуулсаар ирсэн юм.

Тэр зөвхөн хувийн төрлөөр бус, багийн уралдаанд ч өндөр амжилт гаргадгийн илрэл нь багийн Азийн АШТ-ээс нөхдийнхөө хамт мөнгөн медаль зүүсэн явдал. “Багаараа уралдах маш сайхан. Ноднин бид 2009 оны багийн ДАШТийг өнжсөн болохоор энэ жил Францад болох уралдаанд даагаа нэхэх хүсэлтэй” хэмээн өгүүлсэн юм. Энэ жил залуу мотоциклч Тайландад гурван сар бэлтгэл хийсэн. Азийн АШТ-ий эхний шатанд түрүүлж, хоёр дахид нь гурав, аравдугаар сард болсон гараанд дэд байрт шалгарсан билээ. Тэр Индонез, эсвэл Филиппинд болох (одоогоор шийдэгдээгүй байгаа) дараагийн шатанд өндөр амжилт гаргах итгэл төгс байна. Гэхдээ мотоспорт тэсвэр хатуужлын дээд хэлбэрийн нэг гэдгийг мартаж болохгүй.

Түүний өвдөгний бэртэл эдгэрээгүй, эмчилгээ хийлгэж байгаа ч, ямар ч уралдаанд хурд сорихоос зориг шантрахгүй явна. Эмч нар өвдөгт нь мэс засал хийх шаардлагатай гэсэн ч залуу эр тэмцээний талбараа орхиж төвдсөнгүй. Монголынхоо нэрийг дэлхийн дэвжээнд цуурайтуулах их хүсэл нь Э.Халиунболдыг ийн ирлэн хурцалж буй. 2008 онд Азийн аварга болохдоо л Засгийн газрын мөнгөн шагналыг гардаж авсан. Түүнээс хойш бор зүрхээрээ, МАММСХны дэмжлэг, сайн санаат ах нарынхаа буянд гадаадад хурд сорьж, гялалзсан амжилт гаргасаар буй.

“Миний хувьд мөнгө төгрөг, шагнал урамшил чухал биш. Мотоциклоороо уралдаж, оролцохыг хүссэн тэмцээн бүхэндээ хүч сорих нь чухал” хэмээн тэр ярьсан юм. Тэмцээний медаль, өргөмжлөл, цом түүнд олон бий. Тэдгээр шагналаа цаасан хайрцагт нямбайлан хийгээд машины гаражид хадгалдаг гэсэн. Хэзээ нэгэн цагт байшинтай болоод хойморьтоо зална хэмээн мөрөөдлөөсөө хуваалцав. Тэднийх нь түрээсний байранд аж төрдөг гэсэн. Балчир ахуйгаасаа л мото спортын нэртэй тамирчин болж, аав, ээжийгээ баярлуулахыг хүссээр ирсэн түүний мөрөөдөл нь биелсээр. Өөр олон шинэ оргил, сайхан ирээдүй түүнийг хүлээж буй. Өвлийн сэрүү орсон энэ өдрүүдэд тэр тун гунигтай байгаа. Мотоцикл унах боломж олддоггүй хүйтний улирал эхэлж байгаа учраас аргагүй биз ээ. Төмөр хүлгээ санасан энэ өдрүүд туйлын урт юм шиг санагддаг ч мотоциклио “гоёх” багагүй төлөвлөгөө боловсруулж амждаг аж.

Түүнчлэн гадаадад бэлтгэл хийх их хүсэл ундарна. Тайланд, Японд олон сарын бэлтгэл хийсэн нь үр дүнгээ өгснийг өнгөрсөн тэмцээнүүд харуулж байна. ҮБТДС-ийн төг сөх курсийн оюутан тэрбээр За мын цагдаагийн тусгай хамгаалалтын хэлтсийн “байлдагч”. Авто машинаар ч мөн уралддаг бөгөөд “Great Paragon” группийн удирдлага мотоциклч залууд УАЗ-469 машин бэлэглэсэн нь энэхүү боломжийг олгожээ. Уралдаан бүхэн түүнд урам зориг хайрладаг, саад бартаа ихтэй, авхаалж самбаа шаардсан зам бүр давтагдашгүй түүх бүтээдэг.

Түүнд чөлөөт цаг ба раг гардагг үй. Зав гарвал машины эд анги эвлүүлээд суучихна. Техникийг монголчлохдоо муугүйн илрэл энэ биз ээ. “Уралдахад хамгийн тааламжтай улс аль нь вэ” хэмээн асуухад тэр арлын орныг нэрлэсэн юм. “Европын орнууд нэг хэвийн. Харин Азийн орнуудын амьдрал сонирхолтой, уралдааны замууд ч харь цангуй өөр” хэ мээн хүүрнэсэн тэрбээр Монголынхоо нэрийг өндөрт өргөхийг эрхэм зорилгоо болгож яваа. Э.Халиунболд залуу, түүний ирээдүй бүр ч залуу байна.

Б.ӨЛЗИЙТОГТОХ

Хуваалцах/Тэмдэглэх

Мото Спортын ОУХМ Э.Халиунболд Ираны Тегеран Хотноо мотоциклийн бартаат замын Ази тивийн аварга шалгаруулах гурав дахь шатны тэмцээнд хурд сорьж хоёр гараанд хоёуланд нь дэд байрт шалгарчээ. Түүнтэй ижил оноотой явсан Японы Томоюки Сүзүки Ираны гараанд тэргүүлснээр Азийн АШТ-ийг ганцаараа өнгөлж эхлэв. Сүзүки, Халиунболд нарыг нэхэж буй Ираны Амир гуравдугаар байрт шалгарснаар энэ жилийн Азийн аваргаас медаль авах гурван тамирчин ерөнхийдөө тодорхой боллоо. Дөрвөн гараанаас бүрдэх Азийн АШТ-ий сүүлчийн буюу шийдвэрлэх гараа арваннэгдүгээр сард Саудын Арабт зохиогдох юм.

Хуваалцах/Тэмдэглэх

Ирэх жил хэн аль багт уралдах вэ ? 2010 онд хэн ямар багт уралдахыг  багууд удахгүй албан ёсоор зарлана. Ирэх Пүрэв   гарагт  Феррари баг нисгэгчдээ  танилцуулна. Фернандо Алонсо нь  Реногоос Феррарид ирэх нь тодорхой болсноор бусад шилжилтүүдэд  ч хөдөлгөөн орж байгаа юм.

Ferrari

Уг нь Фелиппе Масса болон Кими Райкконен нь 2010 оныг дуустал Ферраритай гэрээтэй. Тэгсэн ч  Райкконен улиралын явцад өөр ажил олгогчтой болох яриаг гаргаж байсан. Массаг осолдсоноос хойш эрүүл мэндийн асуудал нь тус  багийнхний   санааг зовоосон асуудал болсон. Харин Масса энэ оны сүүлээр буюу Абу Дабигийн Гран Прид   эргэж ирж магадгүй гэсэн яриа байна. Саяхан тэрээр Сан Паулод болсон картын  уламжлалт уралдаанд зургаан тойрог давхижээ.  Масса биеийн хүчний бэлтгэлдээ хэдийнээ гарсан гэнэ. Одоо Массаг орлож байгаа Физикелла өөр багт шилжих эсвэл туршин нисгэгчээр үлдэх нь тодорхой бус байна. Феррари нь Алонсотой урт хугацааны хамтран ажиллах гэрээг байгуулж байгаа аж. Үүгээр  испани эр ч   ихээхэн хэмжээний мөнгө олох юм байна. 2015 он хүртэл тэрээр 150 сая еврог Феррарид байхдаа  авна гэж  “AS “ болон  “Diario Sport” сонинд мэдээлэлсэн байна.

McLaren

Льюис Хэмилтон өөрийн суудалдаа бат хадагдсан нь тодорхой. Харин шаргал үст Ковалайнен ирээдүйд Макларенд уралдах боломжгүй боллоо. Тэрээр тогтмол  амжилт үзүүлж чадахгүй байгаа нь үүнтэй холбоотой юм. Түүний оронд   Нико Росберг ирнэ гэж  их яригдсан боловч залуу герман Браун ГП -тэй харилцах болсон гэнэ. Гэхдээ  Кими Райкконен Макларенд ирэх хамгийн өндөр магадлалтай нь болж байна. Кимиг эргүүлэн авч  Алонсог Феррарид багтаах ажиллагааг   мөнгөлөг сум нь Феррари болон Макларений спонсор” Santander “тай тохиролцож хийсэн ажээ. Харин Хэмилтонд энэ  нь таалагдах эсэх нь огт хамаагүй асуудал болж байгаа юм.

Red Bull

Себастьян  Феттель , Марк Веббер нарын Ред  Буллтай байгуулсан   гэрээ  2010 онд хүчинтэй. Ирэх улиралд энэ бүрэлдэхүүн уралдана.

Brawn GP

Брауны хоёр нисгэгчийн гэрээ энэ улиралын төгсгөлд дуусах юм байна. Росс Браун гэрээг сунгах эсвэл шинэ нисгэгчтэй болох тал дээр яараагүй бололтой. 2010 онд Нико Росберг  нэг машинд нь  суухаар нэр нь дэвшээд  байгаа ч Барикелло Баттон нартайгаа уралдаж бас болох юм.Эсвэл ерөөсөө энэ хоёргүйгээр Ник Хайдьфелд , Роберт Кубицаг ч сонгож магадгүй. Мөн Райкконен ч  Браунд бас яригдаад амжжээ.

Renault

Роман Грожан нисгэгчээр үлдэх магадлал тун бага байна. Роберт Кубицагийн нэр хүчтэй яригдаж байгаа мөн Хейкки Ковалайнен эргэж ирэхийг ч үгүйсгэхгүй.

Williams

Нико Росберг энэ багийг үргэлж сайнаар ярьдаг ч эндээс явахын түүс болсон. Казуки Накажима тус багт уралдахгүй нь тодорхой. Туршин нисгэгч Нико Хулкенберг суурин нисгэгчээр тодроод байгаа. Бас  Ник Хайдфельд нь Франк Уильямсийн удирдлаган доор ажиллах боломжтой нэр дэвшигч болж байна. Формула-2 ийн нисгэгч Энди Сосек Уильямсийн машиныг амжилттай туршиж байсан болхоор нэр нь бас  дурдагджээ.

Toyota

Тоёотай багийн ирээдүй нээлттэй байна. Тоёота концерн 11 дүгээр сард цаашид Формула-1д оролцох үгүйгээ эцэслэн шийдвэрлэнэ. Дээд ангилалд үлдсэн тохиолдолд Тимо Глок үлдэх нь гарцаагүй. Ярно Трулли Тоёотагийн хамтын ажиллагаа төгсгөл болох байх. Шинэ нисгэгчээр  Кубица мөн  Накажимагийн  нэг байж болно гэжээ.

Toro Rosso

Себастьен Буэми, Хайме Алгуесуари нар үлдэх боломжтой. Гагцхүү ур чадвараа дээшлүүлэх нь бүтэн улиралын турш энэ багт байх үгүй нь шийднэ.

Force India

Бүгд нээллтэй байгаа аж. Адриан Сутил өөрт нь  илүү машин олдох хүртлээ энд байх нь тодорхой. Макларений хоёрдахь машины бүхээгт суух мөрөөдөл түүнд бий. Витантонио Льюццитэй улирал дуустал  ажиллах төлөвлөгөөтэй ч цаашид түүнийг харж байж шийдэх юм байна. Өөр нэг сонирхолтой хувилбар болох  алдарт Сеннагийн үеэл Брунно Сенна нь тус багийн үйлдвэрээр үзэгдэх болжээ.

BMW Sauber

Хэдийгээр тус баг ийг “Qadbak” групп худалдан  авсан боловч гараанд оролцох нь тодорхой бус хэвээр.Хэрэв аль нэг баг оролцохгүй тохиодолд эсвэл  бусад багууд 2010 онд 14 баг уралдхыг зөвшөөрвөл уралдах болно. Төсөв нь  хангалттай батлагдвал одоогийн хоёр нисгэгчидтэйгээ байх сонирхолтой. Мөн туршин нисгэгч Кристиан Клиний нэр бий.

Manor GP

Багийн дарга Жон Бүүт нь Кристиан Клин, Адам Каролл болон Энтони Дэвидсонтой ярилцсан гэдгээ хэлжээ. Тус баг сайн спонсорын ивээлээр санхүүжилт сайтай шинэ баг болох гэнэ. Хуучин туршлагатай нисгэгчдээс Ярно Труллиг сонирхож байгаа аж.

Campos GP

Багийн эзэн Адриан Кампос  болоод түүний спонсорууд  нь испани нисгэгчтэй болохыг хүсэж байна. Том багуудын хоёр туршин нисгэгч Марк Жене , Педро де Ла Россогын  нарын нэрс  хамгийн ойрхон байгаа юм.

USF1

Юуны түрүүнд америк нисгэгчтэй байхаар зорьж байгаа гэнэ.Нэгдүгээрт үзэсгэлэнт Даника Патрикийн нэр яригдаж байна. Мөн Алех Вурц байж болох аж. Энэ баг мотор нийлүүлэн хамтран ажиллах “Cosworth” той одоог хүртэл нэг ч удаа харилцаагүй байгаа болхоор 2010 онд уралдахгүй байж магадгүй гэж зарим мэргэжилтнүүд үзэж байна.

Lotus

Хамгийн сүүлд уралдах мэдүүлэг авсан шинэ баг.Малайзийн баг одоогоор санхүүжилтээ баталгаажуулж  машинаа үйлдвэрлээд дараагаар нь нисгэгчдийн асуудлаа ярих бололтой.

Хуваалцах/Тэмдэглэх