Монголын волейболын холбооны 16 дахь удаагийн лигийн тэмцээн ням гаригт өндөрлөсөн. Тэмцээний “Шилдэг давуулагч”-аар тодорсон Монгол Улсын шигшээ болон “Уурхайчин” клубийн тоглогч П.Буянжаргалтай ярилцлаа. Түүний хувьд энэхүү шагнал анхных биш бөгөөд 2009 оны Азийн оюутны аварга шалгаруулах тэмцээн болон өнгөрсөн жилийн лигийн тэмцээний “Шилдэг давуулагч”-аар тодорч байв. Монголын волейболын ирээдүй хэмээн үнэлэгддэг тэрбээр 20 нас хүрээгүй ч дэлхийн оюутны спортын “Универсиад” наадам, Азийн оюутны аварга шалгаруулах тэмцээн Азийн наадам, Зүүн Азийн аварга шалгаруулах тэмцээнд эх орноо төлөөлөн оролцоод байна.

-Лигийн тэмцээнээс хүрэл медаль хүртсэнд баяр хүргэе. Энэ жил танай баг ямар зорилт тавьж оролцсон бэ?

-Баярлалаа. Манай “Уурхайчин” баг энэ жилийн лигт аваргын төлөө тоглох зорилготой оролцсон. Харамсалтай нь жаахан туршлага дутаад, шигшээ тоглолтод шалгарч чадсангүй.

-Хоёрдугаар байрт шалгарахын тулд “Эрчим”-тэй нэлээн ширүүхэн өрсөлдлөө?

-Тийм ээ. Эхний хоёр тойргийн дараа манай хоёр багийн оноо тэнцүү байсан. Харин гуравдугаар тойрогт 2:3-аар ялагдсанаар хүрэл медалийн төлөө тоглох болсон. “Эрчим”-ийн эгч нар биднээс туршлагаар илүү байлаа.

-Өнгөрсөн жил бас хүрэл медаль хүртэж байсан. Тухайн үед медалийн өнгөө хувиргах боломж байсан уу?

-Арай байгаагүй. Уг нь энэ жил илүү боломжтой байсан юм.

-Энэ жилийнх таны оролцсон хэд дэх лигийн тэмцээн бэ?

-Гурав дахь нь. Анхны лигтээ эгч нартайгаа оролцоод хүрэл медаль хүртэж байсан. Гурван жил дараалан хүрэл медаль хүртсэн.

-Та олон улсын тэмцээнд оролцохдоо “Энагура” багийн өмнөөс тоглодог. Дотооддоо хүчтэй өрсөлдөх болсон энэ багаас санал ирдэг биз?

-Тийм ээ. Гэхдээ “Уурхайчин”-даа үргэлжлүүлэн тоглох хүсэлтэй.

-Манай лигийн багууд тогтмол бэлтгэл хийж чаддаг уу. Эсвэл том тэмцээний өмнө цугларч байна уу?

-Манай клуб байнга хийх боломжтой. Гэхдээ дийлэнх тамирчин нь оюутан болохоор хичээл нь давхцах тохиолдол гардаг.

-Сербийн Белград хотод 2009 онд болсон дэлхийн оюутны спортын “Универсиад” наадам шигшээ багийн өмнөөс тоглосон анхны олон улсын тэмцээн байсан уу?

-Тийм ээ. Анхных байсан. Манайх дэлхийн оюутны шилдэг 16 багийн тоонд багтаж, “Универсиад”-д оролцсон. Хэцүү санагдаж байсан ч их туршлага суусан даа.

-Тэр жилийн намар олон улсын тэмцээний томоохон амжилт гаргасан шүү?

-Тайландын Бангкок хотод болсон Азийн оюутны спортын аварга шалгаруулах тэмцээнээс хүрэл медаль хүртсэн. Тивийн тэмцээнд медаль хүртээд их баярласан. Өрсөлдөгч бүр хүчтэй байлаа. Энэ дундаас Тайланд, Хонгконг, БНХАУ илүү ширүүн өрсөлдсөн.

-Тэмцээний “Шилдэг давуулагч”-аар шалгарна гэж бодсон уу?

-Тоглолтдоо анхаарлаа хандуулж байснаас тусгай шагнал хүртэнэ гэж бодоогүй.

-“Гуанжоу-2010” Азийн наадамд хэрхэн тоглов. Азийн шилдэг найман багийн нэг болсон?

-Зунаас эхлэн бэлтгэлээ базаасан. Харамсалтай нь санасандаа хүртэл тоглож чадаагүй. Манай баг тоглолт бүрт эхлэл сайтай ч төгсгөл муу хийсэн. Хэдийгээр шигшээ баг Монголдоо бэлтгэл хийж байсан ч өөр багтай тоглоогүй учир хүндрэлтэй байсан.

-Шигшээ багийн өнгөрсөн онд оролцсон хоёр дахь том тэмцээн нь БНСУ-ын Чежүд болсон. Зүүн Азийн аварга шалгаруулах тэмцээнд ямар амжилт үзүүлсэн бэ?

-Азийн наадмаас илүү сайн тоглосон шүү. “Гуанжоу-2010” бидэнд маш том туршлага болсон тул Зүүн Азийн аварга шалгаруулах тэмцээнд муугүй хүч үзсэн. Японы хүчтэй багтай хүрэл медалийн төлөө тоглоод бараагүй. Нийтдээ хоёр ялж, хоёр хожигдсон.

-Волейболын спортоор хэзээнээс хичээллэсэн бэ?

-Намайг долдугаар ангид байхад 2004 онд 53 дугаар сургуульд волейболын мэргэжлийн сургалттай анги байгуулагдсан. Түүнд элсч, ОУХМ Г.Баярсайхан багшийн шавь болсон доо. Манай ээж волейбол тоглодог байсан болоод ч тэр үү би их сонирхолтой. Цэвэрхэн, сайхан спорт.

-Одоо аль сургуульд суралцдаг вэ. Зорилгоосоо хуваалцахгүй юу?

-ШУТИС-ийн Уул уурхайн инженерийн сургуульд суралцдаг. Одоо III курс.  Цаашдаа илүү ихийг сурч, том амжилт үзүүлэхийг зорьж байгаа.

-Оролцох дараагийн тэмцээн тань?

-МВХ-ны Клубүүдийн аварга шалгаруулах тэмцээн байгаа.

-Ярилцлага өгсөнд баярлалаа. Сүүлийн асуултыг танд үлдээе?

-Г.Баярсайхан багшдаа баярлаж явдгаа илэрхийлье. Бас “Уурхайчин” багийнхандаа хайртай шүү.

Хуваалцах/Тэмдэглэх

О.Насанбурмаа

Монголын чөлөөт бөхийн тамирчид “Гуанжоу-2010” Азийн наадмаас гурван алтан медаль хүртэх боломж байлаа. Харамсалтай нь эмэгтэйчүүдийн 63 кг-ын жинд зодоглосон “Токио-2008” ДАШТ-ий хүрэл медальт О.Насанбурмаа шигшээ барилдаанд ялагдсан юм. Тэр­бээр аваргын төлөө Казахстаны шилдэг бөх, олимпийн нэг, ДАШТ-ий гурван хүрэл медальт Елена Шалыгинатай хийсэн барилдааны талаар ийн ярьж байна. “Дэвжээнд гарахдаа ялна гэдэгтээ итгэлтэй байлаа. Гурван жилийн өмнө болсон Буриадын Ерөнхийлөгчийн нэрэмжит тэмцээнд таарч, ялагдаж байсан юм. Бяртай бөх. Гуанжоуд таарахдаа намайг шатаая гэж бодсон уу, дэвжээнд гарангуутаа л миний толгой нүүр рүү самардаж, мөргөсөн. Би яаж ч чадалгүй ялагдсан даа” хэмээсэн юм.

О.Насанбурмаа “Азийн о­лимп”-д түрүүлж чадаагүй ч гэсэн бахтай сайхан барилдааныг үзүүлсэн билээ. Энэ удаагийн наадамд Азийн шилдэг бөхчүүд ирсэн, манай бөх ч чамгүй ха¬туу сугалаа татаад байсан. Тэр үр­гэл­ж “Сугалаагаар барилддаггүй юм” хэмээн бодож явдаг ажээ. Эхлээд БНХАУ-ын залуу бөх Чен Мен, Японы бөх, дэлхийн хошой аврага Мио Мишимаки нарыг ялсан. Гуравдугаар тойрогт Энэтхэгийн Суман Кундуг хүнд хэцүү гурван үеийн барилдаанд илүүрхэн, мөнгөн медалийн болзол хангасан билээ. Ингэснээрээ тэр эгчийнхээ захиасыг биелүүлсэн юм. Түүний төрсөн эгч нь Монголын чөлөөт бөхийн анхны эмэгтэй тамирчдын нэг О.Мягмарсүрэн гэдгийг хүмүүс тэр бүр мэддэггүй. О.Мягмарсүрэн “Бусан-2002” Азийн наадам, 2001, 2005 оны Азиийн АШТ-ээс тус бүр хүрэл медаль хүртэж байсан билээ. Эгч нь Гуанжоуг зорихоос нь өмнө “Миний дүү өөртөө итгэлтэй, зоригтой барилдаж, заавал медаль хүртээрэй. Эгчийнхээ амжилтыг ахиулж, болж өгвөл түрүүлээрэй” хэмээн захижээ. О.Насанбурмаа шигшээ барилдаанд ялагдсандаа харамсч байгаа ч өөрийг нь ятгаж, чөлөөт бөхийн замд хөтөлсөн эгчийнхээ захиасыг бага ч байтугай биелүүлсэндээ баяртай байгаа аж.

Хуваалцах/Тэмдэглэх

Хуваалцах/Тэмдэглэх

Энэ оныг Монголын чөлөөт бөхийн тамирчид бахдам амжилтаар үдэж байна. Манай бөхчүүд ДАШТ, Азийн наадам, Ази тивийн аварга шалгаруулах болон улсын тэмцээнүүдэд амжилттай оролцлоо. Өнгөрсөн сард болсон “Гуанжоу-2010” Азийн наадамд гайхалтай барилдаж, Монголын баг тамирчдын нэрийг тахалсан гэж хэлж болно. Эхний өдрүүдэд манай “Топ-4” спортоос жүдочид алтан медаль хүртэж чадаагүй бол бокс, буудлагынхан санасандаа хүрээгүй. Харин чөлөөт бөхийн тамирчид сүүлийн өдрүүдэд алт, мөнгө, хүрэл медаль тус бүр хоёрыг хүртсэнээр Монголын баг “Доха-2006”-д үзүүлсэн 21 дүгээр байраа хадгалж чадсан юм.

Чөлөөт бөхийн Үндэсний шигшээ багийн ахлах дасгалжуулагч, Монгол Улсын гавьяат дасгалжуулагч А.Цэдэнсодном ийн ярьж байна. “МЧБХ-ны тэргүүн дэд ерөнхийлөгч Д.Сумьяабазар Азийн наадмын бэлтгэл ажлыг зохион байгуулж, баг тамирчдад хоёр алтан медаль авах хатуу даалгавар өгсөн. Үүнийг биелүүлж чадсандаа баяртай байна. Дасгалжуулагч, тамирчин бүр хичээж ажилласны дүн. Өмнөх Азийн наадмаас таван хүрэл медаль хүртэж байсан бол энэ удаа алт, мөнгө, хүрэл тус бүр хоёр. Гэхдээ үүнээс ч илүү боломж байсан” гэв.

МЧБХ нэг жинд хэд хэдэн хүчтэй өрсөлдөгчтэй байх бодлого барьж байгаа. Энэ нь ч Азийн наадмаар тод ажиглагдсан. Өөрөөр хэлбэл есдүгээр сард Москвад болсон ДАШТ-д оролцсон багийн 80 гаруй хувийг шинэчилсэн юм. Монгол Улсын гавьяат тамирчин Ц.Энхжаргал, ОУХМ О.Насанбурмаа, Ж.Чулуунбат нараас бусад нь ДАШТ-д оролцоогүй тамирчид байлаа. Түүнчлэн УАШТ-д түрүүлсэн бөхийг бүх тэмцээнд явуулдаг журмыг халсан. Жишээлбэл анхны алтан медалийг хүртсэн Г.Мандахнаран энэ жилийн УАШТ-ээс медаль ч хүртэж чадаагүй байсан. Тэрбээр барилдаан бүртээ ялах тэмүүлэлтэй байж, урагш довтолж байсан нь монголчуудад их таалагдсан билээ. Улс тунхаглас­ны баяраар элэг нэгтнүүдээ баярлуулсан Г.Наранчимэг тамир­чин хүн өөрөө хичээвэл ямар ч амжилт гаргаж болдгийн тод жишээ болсон юм. Тэрбээр Азийн аварга шалгаруулах тэмцээний алтан медалийн төлөө барилдаанд Казахстаны Гузель Манюровад нэгдүгээр үед цэвэр ялагдаж байсан. Харин энэ удаа хагас шигшээд бахтай яллаа. “Гуанжоу-2010”-т Азийн орнууд олимп, ДАШТ-ий медальт, шилдэг тамирчдаа илгээсэн. Манайхан ч хатуу сугалаа татсан. Гэсэн ч шигшээ багийн дасгалжуулагч нар тамирчин бүрт медаль хүртэх хатуу шаардлага тавьсан аж.

Тамирчин хүний амжилт бэлтгэл сургуулилтаас шалтгаалдаг. Өндөр хөгжилтэй орон бөхчүүдээ байрлуулаад, хоол, ундны хангамж сайн байдаг. Харин манайх бөхчүүдээ жилийн дөрвөн улиралд байрлуулж, бэлтгэл хийлгэх боломж байдаггүй. Тамирчид бэлтгэлдээ гэр гэрээсээ л явж байна. МЧБХ тамирчдынхаа бэлтгэл хийх цагийг Иран, ОХУ, БНСУ, Япон бөхчүүдийн цагтай ойртуулах зорилт тавин ажиллаж эхэлсэн. Ирэх онд Монгол Улсад чөлөөт бөхийн спорт үүсч хөгжсөний 50 жилийн ой тохионо. Түүхт ойн, басхүү олимпийн өмнөх жил 2010 онд үзүүлснээсээ ч илүү амжилт гаргах биз ээ.

Хуваалцах/Тэмдэглэх

Гуанжоугийн наадмыг манайхан тааруу эхлүүлсэн ч  төгсгөлөө сайн хийж чадлаа. Наадмын 14 дэх өдөр чөлөөт бөхийн эмэгтэйчүүдийн төрөлд манай 3 бүсгүй дэвжэээнд гарч барилдан 1 алт, 1 мөнгөн медаль хүртлээ. 72 кг-ын жинд хүч үзсэн ОУХМ Г.Наранчимэг алтан медалийн төлөөх барилдаанд эзэн орны бөх Ли Данийг 10:3 (4:0; 6:3)-р илт илүүрхэн яллаа. Азийн наадмын турш Хятадын хөгжөөн дэмжигчдийн нүргэлүүлж байгаа “Жайёо” хэмээх уухайг манай тамирчин энэ өдөр чимээгүй болголоо. Мөн 63 кг-ын жинд ОУХМ О.Насанбурмаа финалын барилдаанд шалгарсан ч аваргын төлөөх барилдаанд Казахстаны Елена Шалыгинад ялагдсанаар мөнгөн медаль хүртлээ. Монголын чөлөөт бөхийн шигшээ багийн тамирчид Гуанжоугийн Азийн наадамд тун амжилттай оролцож, нутаг нэгтнүүдийнхээ хүсэн хүлээж байсан аваргын алтан медалийг хоёронтоо хүртлээ. Нийт хоёр алт, хоёр мөнгө, хоёр хүрэл, зургаан медаль хүртсэн ганзага дүүрэн медалтай нутгийн зүг буцаж байна.

2 дахь тэмцээн 2-р байр

Манай багийн алтан медалийн тоо энэ өдөр 3 болох боломжто байлаа. Гэвч боксын 69-75 кг-д хүч сорьсон Э.Ундрам аваргын төлөөх тулаанд Хятадын тамирчинд ялагдал хүлээсэн. Тоглолтын сүүлийн үе дуусахаас өмнө шүүгч тулааныг зогсоосон бөгөөд Хятадын тамирчин илт илүүрхэн ялж (3 : 16) байсан болохоор ялалтыг түүнд өгсөн юм.

Гэхдээ олон улсын тавцанд ердөө 2 дахь тэмцээндээ оролцож байгаа манай тамирчны хувьд Азийн наадмын мөнгөн медаль гэдэг чамлахаар амжилт биш. Өдгөө 22 настай Э.Ундрам анх боксын спортод жингээ хасах зорилгоор орсон гэнэ. Дотоодын 2 тэмцээнд оролцоод удаагүй байхдаа Гуанжоуд ирсэн бөгөөд боксоор хичээллээд төдийлөн удаагүй боловч ийм өндөр амжилт үзүүлсэн тул цаашид асар их ирээдүй түүнийг хүлээж байгаа нь лавтай.

Медалиа гардаж авсныхаа дараа Э.Ундрам “ Энэ нэр хүндтэй том тэмцээнээс медаль авсандаа маш их баяртай байна. Ерөнхийдөө өөрийнхөө тооцоолж байсан медалийг авч чадлаа. Намайг энэ амжилтанд хүргэхэд хамгийн их тус болсон дасгалжуулагч багш Л.Энхбаатартаа маш их баярлалаа. Та байгаагүй бол монголын эмэгтэйчүүдийн бокс хөгжихгүй байсан, цаашдаа таныхаа итгэлийг алдалгүй бэлтгэл сургуулилтаа сайн хийх болно. Мөн сэтгэл зүрхээрээ надтай хамт байж. дэмжиж байсан бүх эх орон нэгтнүүддээ маш их баярлалаа. Багш дээрээ хурдан очиж үнсүүлэхийг  хүсэж байна” хэмээн ярьсан юм. Э.Ундрамын алтан медалийн төлөөх тулааныг манай боксын шигшээ багийн тамирчид ирж үзсэн. 16-р Азийн наадмыг ширэн бээлийтнүүд маань 1 мөнгө, 3 хүрэл медальтайгаар дуусгаж байна.

Хөнгөн атлетикчид хувийн амжилтаа дээшлүүллээ

Олон улсын томоохон тэмцээнийг хөнгөн атлетикийн тамирчид төгсгөдөг уламжлалтай. Манай ОУХМ Л.Отгонбаяр оролцсон 5000, 10000 метрийн төрөлдөө хувийн дээд амжилтаа тогтоож чамлахааргүй амжилттай уралдлаа. Мөн манай залуу хөнгөн атлетикч Д.Гантулга 5000, 10,000 метрийн гүйлтэд хувийн дээд амжилтаа тогтоожээ.

Л.Отгонбаяр – 10.000м  - 36:11.85, 5000м – 17:00.32

Д.Гантулга  - 10.000м – 32:40.87, 5000м - 15:39.71

Волейболчид 8-р байранд

Волейболын “Энагура” баг 7-р байрын төлөөх тоглолтоо Тайландын багтай хийж 3 : 0-р ялагдав. Эхний сетэд өрсөлдөөн хамгийн ширүүн байж 18 : 25-р манай баг дийлдсэн. Харин дараагийн үеүүдэд манай бүсгүйчүүд олон алдаа гаргаж байснаас 11 : 25, 11 : 25 гэсэн харьцаагаар ялагдлаа.

Анхны медальтнууд

Гуанжоугийн Азийн наадам анхны гэсэн тодотголоор дүүрэн болж байгаа. Тэгвэл манай тамирчид улсынхаа спортын түүхэнд шинэ хуудсуудыг энэ наадамд нээж байна.  Э.Ундрам эмэгтчүүдийн боксын төрөлд төрийн далбаагаа Азийн наадамд мандуулсан анхны тамирчин боллоо.

Медалийн хүснэгтэд

Наадмын 14 дэх өдөр авсан Г.Наранчимэгийн алт болон Э.Ундрамын  мөнгөн медаль манай орныг медалийн хүснэгтэд чамгүй урагшлууллаа. Одоогийн байдлаар Монголын баг 16 медальтай 21-р байранд жагсаж байна. Нийт 2 алт 5 мөнгө 9 хүрэл медаль  хүртсэн бөгөөд ардаа 16-н орныг орхижээ. Өмнөх Дохагийн Азийн наадамд манайхан 15 медаль хүртэж байсан юм.
Чөл

Хуваалцах/Тэмдэглэх

ООСКА-д барьсан төрсөн өдрийн бэлэг

Азийн наадмын 11 дэх өдөр буюу 11 сарын 23-нд чөлөөт бөхийн 60 кг-д өрсөлдсөн ОУХМ Г.Мандахнаран Монгол түмний магнайд  ”Нар мандуулсан” билээ. Тэгвэл тус өдөр гавьяат тамирчин, ООСКА хэмээх О.Пүрэвбаатарын 37 насны төрсөн өдөр байжээ. Нутгийн дүүгийнхээ барилдааныг чөлөөт бөхийн ордонд үзэж, өндөлзөн суусан гавьяат  ”Энэ алтан медаль хамгийн сайхан төрсөн өдрийн бэлэг байлаа” хэмээн тэмцээний дараа ярьсан юм.

АСА аварга төрүүллээ

Өнгөрсөн зун Сингапурт явагдсан Өсвөрийн олимпийн наадамд Б.Батцэцэгийн алтан медалийн төлөөх бариладааныг  АСА аварга ирж үзэн алтан медалийн баярыг хамт тэмдэглэж байсан билээ. Тэгвэл Гуанжоугийн Азийн наамдын члөөт бөхийн барилдаанд Ёкокунаг ирж үзсэн өдөр Г.Мандахнаран төрийн дууллаа эгшиглүүлсэн нь бэлэгшээлтэй тохиол гэлтэй. “Аварга маань хийморьтой болохоор ирсэн өдөр нь анхны алтан медаль манайхан авлаа” гэх спорт сонирхогчид ордонд  байв.

Волейболчид 7-р байрын төлөө

Эмэгтэй волейболын “Энагура” багийнхан Азийн наадамд эх орноо төлөөлөн оролцсон. Манай бүсгүйчүүд том тэмцээний утаа анх удаа үнэрлэж байгаа гэхэд чамлахааргүй амжилт үзүүлж хэсгээсээ шалгарч шөвгийн наймд үлдсэн . Гэвч хасагдах шатанд нөгөө хэсгийн лидер Японы багтай оноолт таарч аргагүй дийлдлээ. Дэлхийн тавцанд хүчтэй өрсөлддөг Наран улсын эмэгтэй волейболчид өнгөрсөн сард явагдсан ДАШТ-д хүрэл медаль хүртсэн билээ. Тус тэмцээнд оролцсон багаас 2 тамирчин Азийн наадамд ирсэн байлаа. Япон – Монголын дээрхи тоглолт 54 минут үргэлжилсэн бөгөөд манайхан хэрэггүй алдаа маш алдаа олныг гаргаж байснаас ийм хурдан ялагдах замаа зассан. Эхний сетийг 15 – 25-р Наран улсын баг авсан бол дараагийн үед 6-25,11-25 тус тус манайхныг илүүрхэн ялалт авсан. Хэсгийн шатны дараа өгсөн ярилцлагадаа Энагура багийн дасгалжуулагч Жун Ён Ха Гуанжоуд ирсэн гол зорилгоо туршлага хуримтлуулах гэж ярьж байсан. Энэ зорилгоо ч манай багийнхан хангалттай биелүүлж дараа дараагийн тэмцээнд хэрэгтэй хангалттай туршлага авсан нь дамжиггүй. Азийн наадмын хаалтын өдөр буюу 11 сарын 27-нд “Энагура” баг 7-р байрын төлөө тоглох болно. Одоогоор өрсөлдөгчийн нэр тодроогүй байна.

Харваачид мэргэн байлаа

Байт харвааны төрөлд манай эрэгтэй, эмэгтэй тус бүр 3 хүнтэй баг ирсэн. Үүнээс эрэгчүүдийн ганцаарчилсөн төрөлд оролцсон ОУХМ Ж.Гантөгс,  Г.Ган-Эрдэнэ, нар шөвгийн 8-д шалгарч онч мэргэнээ сорилоо. Харамсалтай Азийн шилдэг харваачидтай оноолт таарсан болохоор онооны зөрүүгээр ялагдал хүлээв. Өнгөрсөн 9-р сарын 17-22-ны өдрүүдэд Мьянмар улсын Янгон хотод Зүүн өмнөд Азийн аварга шалгаруулах 4 дахь удаагийн тэмцээнээс алтан медаль хүртсэн Ж.Гантөгс Ө.Солонгосын тамирчин Ким Воожинтэй таарч эхлээд  тэргүүлж байсан ч сүүлийн сумаа амжилтгүй илгээснээр 6 : 4-р харамсалтай ялагдлаа. Ким Воожин цааш амжилттай оролцож энэ төрөлдөө алтан медаль хүртсэн юм. Харин Г.Ган-Эрдэнэ талбайн эзэн орны тамирчинд 8 : 3-р дийлдсэн. Мөн эмэгтэйчүүдийн ганцаарчилсан төрөлд Б.Урантунгалаг шөвгийн наймд үлдсэн ч Ө.Солонгосын харваачид 6 : 0-ээр ялагджээ.

“Соёлгүй” Соёлын охин финалд

***

Хуваалцах/Тэмдэглэх

Монголчуудын хүсэн хүлээж байсан чөлөөт бөхийн тэмцээн эхэлж, удтал хүлээлгэсэн алтан медалийн эзэн тодорлоо. Эрэгтэйчүүдийн 60 кг-ын жинд зодоглосон “Алдар” спорт хорооны тамирчин, ОУХМ Ганзоригийн Мандахнаран түрүүлж, алтан соёмбот төрийн далбаагаа Гуанжоугийн тэнгэрт мандуулав. Тэрбээр Азийн наадамд аваргалсан Монголын 13 дахь тамирчин болсон юм. Наадмын эхний өдрүүдэд Монголын “Топ-4” спортод багтдаг жүдо, бокс, буудлагынхан алтан медаль хүртэж чадахгүй байсан. Харин сайн, муугаараа хэлэгдэж, анхаарлын гадна байсан чөлөөт бөхөөс анхны аварга төрлөө.

55 кг: 1. Дильшод Мансуров /Узбекистан 2. Ян Кён-Иль /БНАСАУ/ 3. Ясүхиро Инаба /Япон/, Ким Хё-Сүб /БНСУ/

ОУХМ Д.Цогтбаатар Энэтхэгийн Винод Кумарыг хоёр үеийн барилдаанд 3:0, 3:0-ээр ялж, гараагаа сайхан эхлүүлсэн. Хоёрын даваанд БНАСАУ-ын шилдэг бөх Ян Кён-Ильтэй таарч, эхний үед 2:0-ээр илүүрхсэн. Гэвч хоёрдугаар үед 0:1-ээр ялагдсанаар нэмэлт үе гарах болсон юм. Шийдвэрлэх үед солонгос эр 2:3-аар давамгайлснаар цааш өрсөлдөх эрхтэй болсон билээ. Харин Д.Цогтбаатар торгуулийн тойрогт орж, хүрэл медалийн төлөө өрсөлдөх эрхтэй үлдсэн юм. Тэрбээр Филиппиний Жерри Анганаг 7:0, 7:0-ээр “машиндсан”. Харамсалтай нь шийдвэрлэх барилдаанд Японы Инабад 0:1, 0:3-аар ялагдсанаар медалиас мултарлаа. Инаба есдүгээр сард Москвад болсон ДАШТ-д гавьяат тамирчин Б.Наранбаатарыг ялж, мөн л хүрэл медалийн эзэн болж байсан билээ. Азийн наадмын 55 кг-ын жинд Узбекистаны нэрт бөх, дэлхийн хошой аварга Дильшод Мансуров түрүүлж, “Доха-2006”-гийн амжилтаа давтлаа. Д.Цогтбаатарыг хоёрдугаар тойрогт ялсан Ян Кён-Иль үзүүрлэв. Нөгөө хүрэл медалийг БНСУ-ын Ким Хё-Сүб хүртсэн. Б.Наранбаатар дөрвөн жилийн өмнөх “Азийн олимп”-д түүнд ялагдаж, медалиа алдаж байсан билээ.

60 кг: 1. Ганзоригийн Мандахнаран /Монгол/ 2. Хироюки Ода /Япон/ 3. Гао Фен /БНХАУ/, Даурен Жумагазиев /Казахстан/

Г.Мандахнаран Ираны Саейд Ахмадиг 3:1, 1:4, 2:0, Йемений Абдулрахман Фарханыг 2:0, 7:0, БНХАУ-ын Гао Фенг 0:1, 2:0, 3:0 харьцаатай буулган авч, Японы Хироюки Одатай алтан медалийн төлөө барилдахаар шалгарч үлдсэн. Шигшээ барилдаан хүндхэн өрнөж, Ода эхний үед 3:0-ээр илүүрхжээ. Хэдийгээр нөхцөл байдал хүндэрсэн ч Г.Мандахнаран шийр зааж 4:2-оор ялснаар шийдвэрлэх үед гарах болсон. Харин гуравдугаар үед гялалзтал барилдаж, 7:1-ээр илт давамгай ялсан юм.

Хуваалцах/Тэмдэглэх

Хуваалцах/Тэмдэглэх

SN : Манай Волейболчдын хувьд Азийн наадмийн хэсгийн тоглолт ингээд өндөрлөж байна. Энэ тэмцээнд ззүүлсэн амжилтаа эргэж харвал хэрхэн дүгнэх байна. Гуанжоуд тээж ирсэн гол зорилтоо биелүүлж чадав уу ?

Жун Ён Ха : Азийн энэ том тэмцээнд Монголын волейболын баг оролцож байгаа нь маш сайхан, бахадмаар явдал болж байна. Бидний энд ирсэн гол зорилго бол дараа дараагийн Азийн наадам, Унирверсиадад амжилттай оролцохход хэрэг болох  туршлага хуримтлуулах байсан. Үүндээ ч хүрч чадлаа. Манай багийг ивээн тэтгэж энэ тэмцээнд оролцох боломжыг бүрдүүлсэн ‘Энагура” компаний захирал Чан Жин Хунд баярласнаа илэрхийлье.

SN : Тажикстантай хийсэн тоглолтод ур чадвар, тоглолтоороо илт илүүрхэж байгаа нь харагдсан. Энэ ялалт багийн сэтгэлзүйд нилээн сайн дэмжлэг болсон байх.

Жун Ён Ха : Мэдээж хэрэг их сайхан тоглосон. Тэдний багийн хувьд нуруугаар нилээд намхан байсан л даа. Дээр нь сайн дасгалжуулагчгүй ирсэн болохоор энэ наадамд сайн тоглож чадаагүй гэж бодож байна. Ерөнхийдөө манайх шиг туршлага судлах гэж ирсэн нь харагдсан.

SN : Монголын волейболчдын хувьд олон улсын тавцанд өрсөлдөхөд цаашид анхаарах зүйл юу байна вэ. Ер нь анхаарлаа хандуулж илүү сайжруулах ёстой сул тал гэвэл.

Жун Ён Ха : Манай хүүхдүүдийн хувьд бол дамжуулалт нилээн тааруу байгаа. Багийн тоглолтоп нэг нэгээ ойлгож оновчтой зөв шийдвэр гаргах нь их чухал нөлөөтэй байдаг. Харин довтолгоо болон бөмбөг авалт зэрэг зүйл дээрээ тун давгүй байгаа.

SN : Таны хувьд энэ спорттой хэр удаан нөхөрлөж байна. Хэрхэн “Энагура” багийн дасгалжуулагч болсон талаараа ярихгүй юм ?

Жун Ён Ха : Би 32 жил волейболтой холбоотой ажиллаж байгаа. Анх тоглогч байсан бол одоо дасгалжуулагч болоод спорттойгоо хамт байна даа. Хоёр жилийн өмнө миний  танил ‘Энагура” компаний захирал Чан Жин Хун санал тавьж өөрийнхөө үүсгэн байгуулж байгаа шинэ волейболын багт дасгалжуулагчаар ажиллахыг хүссэн. Би ч саналыг нь хүлээж аваад Монголын волейболын спортын хөгжлийн төлөө сэтгэл шулуудан ажиллаж байна даа.

SN : Азийн наадмын дараа танай багийг хүлээж байгаа  гол гол ямар тэмцээн байна вэ ?

Жун Ён Ха : Хэсэг хугацаанд тамирчид маань амралтын байдалтай байх болно. Тэгээд мэдээж лигийн аварга байгаа. 4 жилийн дараа Инчонд болох Азийн наадам хүлээгдэж байгаа тэмцээнүүдээс хамгийн чухал нь.  Мөн 2011 онд Хятадын Шиньжэнд болох оюутны спортын наадамд оролцох бэлтгэлээ хийнэ.

Хуваалцах/Тэмдэглэх

Гуанжоу хотын University City Stadium цэнгэлдэхэд өнөөдрөөс Регбийн тоглолтууд эхэллээ. Азийн наадмын регби 7 хүнтэй шинэ төрлөөр явагдаж байгаа юм байна. Манай эрэгтэй шигшээ баг Япон, Хонконг, Тайланд, Малайзтай нэг хэсэг багтсан. Анх удаа 7 тамирчинтай төрлөөр тэмцээнд оролцож байгаа манай багийн эхний учраа Азийн шилдгүүдийн нэг Япон байв. Өмнө нь 15 тамирчинтай төрлөөр өрсөлддөг байсан болохоор манайхан хурдны тал дээр тааруу байгаа нь ажиглагдсан.

Япончууд ч энэ давуу талаа ашиглаж эхний минутаас л “тач-даун” хийж оноогоор тасарч эхэлсэн. Эхний 7 минутад тэд 22 : 0-р тэргүүлсэн бол сүүлийн үед 33 оноо авч нийт 55 : 0-р буулган авсан юм. Монголын шигшээ багийн дасгалжуулагч, холбооны дэд захирал Г.Дашдэндэв тоглолтын дараа өгсөн ярилцлагадаа  :

“7 хүнтэй регбийн төрлөөр анх удаа манай тамирчид тэмцээнд оролж байгаа болохоор нилээд хүнд тоглолт боллоо. Дээр ньЯпоны шигшээ Азидааа шилдэгт тооцогддог мэргэжлийн тамиридтай болохоор ийм хол зөрүүтэй ялагдлыг амслаа.

Гэхдээ энэ наадмын тоглолтуудаас бид маш их туршлагыг авч байгаа. Ер нь бол өмнө нь 15 хүнтэй тэмцээнд оролцдог байсан болохоор энэ шинэ төрлөөр өрсөлдөхөд хурдын ялгаа маш их гарч байна. Дараагийн тоглолт Инденезтэй байгаа. Юу болохыг харж л байя” хэмээн ярьсан.

Японтой хийсэн дээрхи тоглолтын дараа үргэлжлүүлээд Тайландын багтай тоглосон. Энэ тоглолтод Тайландын баг 52 : 0-ээр ялалт байгуулсан.  Маргааш манай шигшээ Малайз, Хонконгийн багуудтай дараалан тоглож хэсгийн тоглолтуудаа дуусгана.

Монголын регбийн холбоо нь анх 2003 онд байгуулагдсан. Холбоо байгуулагдахад анхны ТУЗ-н гишүүдийн тоонд улсын гарьд Ц.Цэрэнпунцаг багтаж байсан одоо ч ажиллаж байгаа. Холбоо байгуулагдсанаасаа хойш олон тэмцээн уралдаанд оролцож байсан харин 7 хүний бүрэлдэхүүнтэй регбигийн төрлөөр анхны тэмцээндээ оролцож байгаа нь энэ юм.

Регбийн энэхүү төрөл нь өнгөрсөн жил олимпийн наадмын хөтөлбөрт багтсан. Ирэх 2016 оны Рио де Жанейрогийн наадамд анх удаа олимпийн төрөл болох орох юм байна.

Хөнгөний тэмцэл эхэллээ

Азийн наадмын спортуудаас хамгийн олон багц медальтай хөнгөн атлетикийн тэмцээн өнөөдөр эхэллээ. Аоти цогцолборын 80,000 үзэгчийн суудалтай гол цэнгэлдэхэд эрэгтэйчүүдийн өндрийн харайлтаар хөнгөний тэмцээнүүд эхэлсэн. Бөөрөнцөг түлхэлтийн төрөлд спортын мастер П.Маамуу оролцож 11.94 метрийн амжилтаар 8-р байранд орлоо. Манай тамирчин 5 оролдлогоо бүгдийг нь амжилттай болгосон ч ардаа ямар нэгэн тамирчныг орхиж чадсангүй. Эмэгтэй 10.000 метрийн гүйлтэд  ОУХМ, Монгол улсын олон удаагийн рекордч Л.Отгонбаяр оролцлоо. Нийт 8 гүйгч барианаас гарснаас сүүлийн бйаранд Л.Отгонбаяр орсон ч 36:11.85 цагийн амжилтаар хувийнхаа дээд амжилтыг эвдлээ. Тэргүүн байранд орж алт авсан  Энэтхэгийн тамирчин 31:50.47 цагийн амжилт үзүүлсэн.  Л.Отгонбаяр өнгөрсөн 11 сард БНХАУ-ын Шанхай хотноо ОУ-ын “А” зэрэглэлийн марафон гүйлтийн тэмцээнээс Лондоны олимпийн эрхээ авсан байгаа. Эрэгтэй 5000 метрийн финалд Д.Гантулга оролцож   15:39.71  минутад барианд орлоо. Манай тамирчин хувийн амжилтаа эвдсэн ч сүүлийн байранд оржээ.

Сагсчдад найдвар бага байна

Узбекийг ялж хэсгээс шалгарах багагүй найдвартай болсон сагсны шигшээ баг дахин ялагдлаа. Энэ удаа манай баг ур чадвар ойролцоо Х.Солонгосын шигшээ багт 67 : 88-р ялагдлаа. Эхний үеэс манайхан илт илүүрхэж 21 : 3-р хошуучилж байлаа. Тоглолтын эхний хагас цааш тун өрсөлдөөнтэй явагдаж 34 : 36 -р өндөрлөсөн. Биеийн байдал тааруу байсан болохоор сүүлийн 2 тоглолтод багтаа тус болж чадаагүй Ц.Шаравжамц энэ удаа талбайд гарч самбарын өмнө нуруугаар илүүрхэж байв. Гэхдээ манайхан хоорондоо ойлголцох тал дээр асуудалтай байсан тул олон сайхан боломжоо алдаж Чусончуудад боломж олгосон. Тэд илүү дутуу зүйлгүй гэртээ бэлдсэн энгийн тактикаараа оноо түүж 3-р үеийн төгсгөлд 49 : 60-р тэргүүлж эхлэв. Сүүлийн үед ч манайхан оноогоо нөхөж чадалгүй дараалан бөмбөг алдсаар цаг дуусахад 67 : 88-р хожигдсон юм. Х.Солонгосчууд нуруугаар манайхтай ойролцоо ч хурдтай багийн тоглолт сайтай байсан нь ялалтын үндэс болсон. Мөн торгуулийн олон шидэлтээ алдсан нь манай багийн сул тал болов. Нийт 28 чөлөөт шидэлт хийсний 18-г нь л оноо болгож авсан. Өөрийнх нь хэлснээр карьерийнхаа сүүлийн ОУ-н  тэмцээнд оролцож байгаа ахмад тамирчин Ш.Сэдбазар 13 оноо авч багийнхаа онооны лидерүүдийн жагсаалтад бичигдсэн6  Уг нь дээрхи тоглолтод ялалт байгуулсан бол манайхан хэсгээс шалгарах болзлоо хангах боломжтой байлаа. Одоо хэсгийн сүүлийн тоглолтод манай баг хүчтэй бүрэлдэхүүнтэй Ө.Солонгосын багийн ялж байж дараагийн шатанд үлдэх хүндхээ даалгавартай боллоо.

3 боксчин гэрийн зүг

Боксын 60 кг-д шөвгийн наймд үлдсэн Д.Отондалай сугалаа хүнд татаж Дохагийн Азийн наадмын аварга Хятадын Ху Чинтэй таарсан. Энэ тулаанд эзэн орны тамирчин туршлагаар илүүрхэн 6 : 2-р яллаа. Мөн боксын эмэгтэй төрөлд өрсөлдсөн О.Сувд-Эрдэнэ , М.Нандинцэцэг нар ялагдаж тэмцээнээ дуусгасан.

Анх удаа Азийн наадамд боксын эмэгтэй төрөл багтаж байгаа нь энэ. Ирэх Лондоны олимпод эмэгтэйчүүдийн бокс багтса болохоор

бүсгүйчүүдэд маань энэ тэмцээн анхны том туршлага болж байгаа нь дамжиггүй. Одоо дунд жинд Э.Ундрам өрсөлдөнө.

Энэ жинд цөөхөн тамирчин орж байгаа болохоор манай тамирчин нэг ялахад л хүрэл дээр буух боломжтой.

Одоо 69 кг-н Ж.Отгонжаргал, 64-т Б.Түвшинбат нар ширэн бээлийтнүүлээс үлдлээ.

Хуваалцах/Тэмдэглэх