Хуваалцах/Тэмдэглэх

2012 оны чуулган Макаод

Португалийн колони байж байгаад 1999 оноос Хятадын мэдэлд орсон Макао арgl 2012 оны Азийн олимпийн 31 дэх чуулганыг хүлээн авахаар боллоо. Макао 1990 оны Бээжинд анх удаа Азийн наадамд оролцож байжээ. Харин OCA-ийн удирдах зөвлөлийн дараагийн хурал энэ арван сард Туркменистанд болохоор болжээ. 

Филиппинүүд 2013 оны Азийн Эв Найрамдлын Наадмыг зохион байгуулна

Азийн Олимпийн Зөвлөлөөс 2013 онд  Азийн Эв Найрамдлын наадмыг Филиппинд зохион байгуулах шийдвэрийг гаргажээ. 2013 онд Ази тивд анх удаа олон спортын нэгдсэн наадам зохион байгуулагдсны 100 жилийн ой болох юм. Азийн 45 орны төлөөлөгчид энэхүү ойг хамт тэмдэглэх бөгөөд урлаг, спортын олон төрлийн арга хэмжээ зохиогдох ажээ. Түүнчлэн энэ үеэр Азийн спортын Алдрын танхимыг нээж, дээд зэрэглэлийн гольфийн тэмцээн зохион байгуулах гэнэ.

2017 оны Азийн өвлийн наадам Саппород

2017 оны Азийн Өвлийн спортын наадмыг Японы Саппоро хот зохион байгуулах боллоо. Саппоро хот нь 1972 онд өвлийн олимпийн наадмыг зохион байгуулж байсан билээ. Наадам 5 ордонд явагдах бөгөөд 2013 оны 5 сард зохион байгуулах хороо байгуулагдах юм.

2017 оны Азийн тулааны спорт, танхимын спортын наадам Туркменистаны Ашгабатад

Энэ жил ЗХУ-аас туурга тусгаарласны 20 жилийн ойгоо тэмдэглэж буй Туркменистан улс 2017 оны Азийн танхимын спорт, тулааны урлагийн наадмыг зохион байгуулах эрхийг авч баяр дээр баяр нэмлээ.

Инчоны Азийн наадамтай “361 градус” хамтарна

2014 оны Азийн наадмын зохион байгуулах хороо анхны ивээн тэтгэлгийн гэрээг Хятадын 361 градус брэндтэй хийлээ. 361 градус нь Азийн 16-р наадамтай мөн хамтран ажилласан билээ. 17 дахь удаагийн Азийн наадамд 45 орны 13,000 гаруй тамирчин, 7,000 гаруй хэвлэл мэдээллийнхэн оролцох төлөвтэй байгаа юм. Мөн 20000 гаруй сайн дурынхныг ажиллуулахаар төлөвлөөд байгаа бөгөөд тэднийг 361 хувцаслахаар болжээ.

Шейх Ахмад Аль Фахад Аль Сабах улиран сонгогдлоо

Энэ удаагийн хурлын хамгийн чухал асуудал нь OCA-ийн ерөнхийлөгчийг сонгох, удирдах зөвлөлийг шинээр сонгох байв. Ерөнхийлөгчийн сонгуульд 1991 оноос хойш Азийн олимпийн зөвлөлийг толгойлсоор буй Кувейтийн шейх өрсөлдөгчгүйгээр улиран сонгогдсон юм.

Шинэ удирдах зөвлөлийн гишүүд

Азийн Олимпийн Зөвлөлийн шинэ удирдах зөвлөлийн гишүүдээр дараах хүмүүсийг сонголоо.

Ерөнхийлөгч

Шейх Ахмад Аль Фахад Аль Сабах (Кувейт)

Ерөнхий Нарийн Бичгийн Дарга
Ража Рандир Сингх (Энэтхэг)

Vice Presidents

Тимоти Фок (Хонконг)

Temirkhan Dosmukhambetov (Kazakhstan)

Lt. Genl. Seyed Arif Hasan (Pakistan)
Maj. Gen. C. Arirachakaran (Thailand)
Sheikh Issa Bin Rashid Al-Khalifa (Bahrain)
Mr. Yong Sun Park (Korea)
Mr. Sapardurdy Toylyyev (Turkmenistan)
Mr. Yu Zaiqing (China)
Maj. Gen. C. Arirachakaran (Thailand)
Prof. Hoang Vinh Giang (Vietnam)
Prof. Tsunekazu Takeda (Japan)
Mr. Gafur Rakhimov (Uzbekistan)
Mr. Hemasiri Fernando (Sri Lanka)
Mr. Mohammad Ali Abadi (I.R of Iran)

Хүндэт Ерөнхийлөгч
Mr Jizhong WEI (China)

Гишүүд

Mr Habib Abdul Nabi Yousuf MACKI (Oman)
Mr Manuel SILVERIO (Macau)
Gen Souhail KHOURY (Lebanon)

Комиссийн дарга нар

Mrs. Yuko Arakida (Japan)
Athletes Committee

Mr. Mohammad Al-Kamali (UAE)
Culture Committee

Dr. Rashed Al Heraiwel (Saudi Arabia)
Education Committee

Mr. Kevin, Kuo-I Chen (Chinese Taipei)
Finance Committee

Mr. Bahram Afsharzadeh (Iran)
Information and Statistics Committee

Mr. Lo Keng Chio, Charles (Macau)
Media Committee

Dr. M. Jegathesan (Malaysia)
Medical Committee

Sheikh Talal Fahad Al-Sabah (Kuwait)
Rules Committee

Mr. Kyung Sun Yu (Korea)
Sports and Environment Committee

Mr. Zhang Jilong (China)
Sports Committee

Mr. Mouwaffak Joumaa (Syria)
Sports for All Committee

Mrs. Natalya Sipovich (Kazakhstan)
Women and Sports Committee

Mr. Ser Miang NG (Singapore)
Advisory Committee

Mr. Tsunekazu Takeda (Japan)
Coordination Committee

Mrs. Rita Subowo (Indonesia)
International Relations Committee

HRH Prince Faisel Al-Hussein (Jordan)
Peace Through Sports Committee

Ерөнхий захирал/Техникийн захирал

Husain A H Z AL-MUSALLAM

Хуваалцах/Тэмдэглэх

Энэ наадамд оролцох Монголын баг тамирчдын сонгон шалгаруулалт 2011 оны 3 сарын 18-наас эхлэн явагдаж дуусан эцсийн нэрс тодорч спортын 14 төрөлд 170 гаруй төлөөлөгчид оролцох боллоо. Манай тамирчдын дотор шатрын  их мастер Б.Мөнгөнтуул, Т.Батчимэг, Олон улсын мастер Б.Гүндаваа, Д.Янжиндулам, Ц.Батчулуун, жүдо бөхийн олон улсын хэмжээний мастер О.Чинбат /60кг/, Б.Хишигбаяр /66кг/, Б.Мөнхтуяа /+78кг/, буудлагын олон улсын хэмжээний мастер Т.Баярцэцэг, Ц.Хонгорзул, Г.Хэрлэнцэцэг, Д.Бишрэл, Д.Энхзул, спортын гимнастикийн ОУХМастер М.Энхмөнх  нарын зэрэг манай улсын шилдэг залуу тамирчид багтсан байна.

Төлөөлөгчдийн ахлагчаар Засгийн газрын хэрэгжүүлэх агентлаг БТСГазрын дарга Ч.Наранбаатар, орлогчоор МОСХ-ны ерөнхий нарийн бичгийн дарга Д.Жаргалсайхан нар орж баг тамирчидаа удирдан авч явах боллоо.Наадмын хүндэт зочиноор ОУОСХ-ны ерөнхий санхүүч, МОСХ-ны ерөнхийлөгч Д.Баясгалан орж их наадмын үеэр болох арга хэмжээ, Ерөнхий ассамблейн хуралд олон улсын байгууллагаа төлөөлөн оролцоно. Жүдогийн Д.Баттулга, аеробикийн Б.Оюун, Г. Ерөөлтбат, таеквондогийн Л.Отгонбаатар нарын зэрэг Монголын 4 олон улсын шүүгч их наадмыг шүүхээр боллоо.

Манай тамирчид 8 дугаар сард МОСХолбоо МИАТ ХК–тай байгуулсан гэрээ ёсоор тус компаний дэмжлэгтэйгээр УБ-Хонгконг-УБ чиглэлээр шууд нисэхээр төлөвлөж байна. Нээлтийн ёслолд Монголын оюутан залуус БНХАУ-ын 361 градус компанийн иж бүрэн хувцасаар жигдрэн хувцаслахаар боллоо. Мөн БНХАУ-ын China Union Pay зэрэг байгууллагууд оюутан залуусдаа дэмжлэг үзүүлэхээр ажиллаж байна. МҮОНРТ, ТВ-9 телевизүүд тэмцээний үйл ажиллагааг газар дээрээс нь эх орон даяар шууд дамжуулан нэвтрүүлэхээр бэлтгэж байна.

Универсиадад оролцох гимнастик, теннис, жудо, ширээний теннис, буудлага, бадминтон, дугуй, байт харваа, шатар, аэробекийн 10 спортын төрлүүдийн Спорт холбоодын Ерөнхий нарийн бичгийн дарга, багш дасгалжуулагч нартай МОСХ-ны Ерөнхий нарийн бичгийн дарга Д.Жаргалсайхан хамтран ажиллах гэрээг Спортын төв ордонд 2011 оны 6 сарын 23-ны өдөр байгууллаа. Гэрээний дагуу МОСХ нь оролцогч бүрт нэгдсэн ижил өнгийн бэлтгэлийн иж бүрэн хувцасаар хангах, Шинжиньд байрлах байр хоолны зардлыг 50 хувь бууруулан хариуцах, нислэгийн билетийг хөнгөлөх, зарим төрлийн ивээн тэтгэх туслах үйл ажиллагаанд дэмжлэг үзүүлэх, спортын холбоодууд нь баг тамирчидаа наадамд амжилтттай оролцуулах, бэлтгэл сургуулилтыг хангах зэрэг олон үүргүүдийг хүлээж байгаа юм.

Хуваалцах/Тэмдэглэх

БНХАУ-ын CCTV телевиз нь 8 сарын 12-23-ны өдрүүдэд Шинжинь хотноо болох Дэлхийн Оюутны спортын зуны 26 дугаар Универсиад их наадмыг Хятад, Англи, Испани, Франц, Араб, Орос зэрэг 6 хэл дээр шууд дамжуулах ба 2008 онд Бээжингийн Олимпийн наадам, 2010 онд Гуанжоугийн Азийн наадмын үеэр ажиллаж байсан туршлагатай 350 хүний бүрэлдэхүүнтэй баг наадмыг шууд дамжуулахаар болоод байна.

CCTV-ын спортын суваг нь наадмын нээлт, хаалтын ёслолын арга хэмжээг шууд дамжуулах ба усанд сэлэлт, сагсан бөмбөг, волейбол, хөл бөмбөгийн спортын төрлийн тэмцээнүүдийг дамжуулна. Усан спорт, гимнастик, ширээний теннис, хүндийн өргөлт, буудлага, бадминтон зэрэг спортууд БНХАУ-д илүү өргөн хүрээнд хөгжсөн учир эдгээр төрлүүдийн тэмцээнүүдийг шууд дамжуулахаар шийдвэрлэжээ. Спортын тэмцээнүүдээс гадна наадамд оролцож буй оюутан тамирчин, төлөөлөгчидтэй хийсэн ярилцлага, тамирчдын ялалтын талаархи мэдээлэлүүдийг бэлтгэн  өдөр бүрийн хөтөлбөртөө оруулан гаргаж байх болно гэж мэдэгдсэн байна.

УНИВЕРСИАДЫН ГАЛТ БАМБАР ГУАНЖОУ ХОТНОО

Зуны Универсиад наадам эхлэхээс 100 хоногийн өмнө 2011 оны 05 сарын 04-ны өдөр БНХАУ-ын нийслэл Бээжин хотын Пэкингийн их сургуульд албан ёсоор Универсиадын галт бамбарыг асааж нээлтийн ажиллагааг хийж байсан. Пэкиний их сургуулийн кампуст болсон энэхүү галт бамбарыг асаах ёслолын ажиллагааг нээн БНХАУ-ын дэд ерөнхий сайд Ли Кэсиан үг хэлж галт бамбарыг асаан тус сургуулийн аспирант оюутан Чин Янан-д гардуулан өгсөн юм. Бээжин хотноо эхэлсэн галт бамбарыг асаах ёслолд Хонгконгийн алдарт жүжигчин Жаки Чан оролцож гал бамбарыг барин гүйсэн юм.

Универсиадын галт бамбар Бээжин хотоос эхэлж одоогоор Гуанжоу хотноо үргэлжлэн галт бамбарыг барих хүмүүс тодорхой болсоор байна.

Нийт 90 хүн Универсиадын галт бамбарыг барин гүйх ба бамбарыг барьж байгаа хүн бүр 60 м газар гүйх юм. Шинжинь хотын их сургууль нь 28 жилийн түүхтэй шинэхэн сургууль хэдий ч энэхүү галт бамбарыг асаах үйл ажиллагаа нь хотын хөгжилд томоохон хувь нэмэр оруулж байгаа юм. Бамбар асаах ёслолын үеэр олон их дээд сургуулийн оюутнууд төдийгүй тус улсын иргэд нэгдсэнээр олон хүнийг хамруулж чадсан юм. Энэ арга хэмжээ нь 8 сарын 12-нд Зуны Универсиад наадам эхлэх нээлтийн ёслолын ажиллагаа хүртэл үргэлжлэх болно.

Универсиадтай холбоотой дэлгэрэнгүй мэдээллийг http://www.sz2011.org хаягаар орж үзнэ үү.

Хуваалцах/Тэмдэглэх

Хуваалцах/Тэмдэглэх

Наадмын нээлтийн ажиллагаа Алмата хотод явагдсан бол хаалтын ёслолын ажиллагаа Астана хотын Балуан Шолак ордонд болж, Казахстаны ерөнхийлөгч Нурсултан Назарбаев, Азийн Олимпийн Зөвлөлийн дэд ерөнхийлөгч Тимоти Фок нар оролцсон байна.

Азийн наадамд 26 орны 843 тамирчин спортын 11 төрөлд 69 багц медалийн төлөө өрсөлдөж зохион байгуулагч Казахстаны баг 32 алт, 21 мөнгө, 17 хүрэл медаль хүртэж багийн дүнгээр түүхэндээ анх удаа түрүүллээ. Япон, БНСУ, Хятадын багууд удаах байранд орсон бол Монголын баг түүхэн дэх хамгийн өндөр амжилтаа үзүүлж тавдугаар байранд орлоо.

Монголын баг өмнө нь 1990 оны наадмаас багийн цанын төрөлд хүрэл, 2007 оны наадамд фристайлын төрөлд хүрэл медаль хүртэж байсан бол энэ удаа дөрвөн хүрэл, нэг мөнгөн медаль хүртсэн юм.

Азийн өвлийн спортын наадмын хөтөлбөрт шинээр багтсан төрлүүдэд манай тамирчид амжилттай оролцсон. Ski orienteering буюу цанын зүг чиг олох төрөлд хурд хүч, авхаалж самбаагаа сорьсон тамирчид дөрвөн хүрэл медалийн эзэд болсон бол бэнди буюу бөмбөгтэй хоккейн төрөлд Монголын баг мөнгөн медаль хүртсэн юм. Зүг чиг олох  төрөлд эрэгтэйчүүдийн спринт болон холын зайн төрөлд Б.Гэрэлт-Од хүрэл медаль хүртэж, Азийн өвлийн наадмаас хос медаль хүртсэн Монголын анхны тамирчин болсон бол эрэгтэй, эмэгтэйчүүдийн буухиа уралдаанд мөн Монголын тамирчид хүрэл медалийн тавцанд гарсан юм. Эрэгтэйчүүдийн буухиа төрөлд Казахстан (56:15), Ираны баг (1:02:35) тамирчид алт, мөнгөн медаль хүртсэн бол Б.Гэрэлт-Од, Б.Бямбадорж, Э.Бархүү нарын бүрэлдэхүүнтэй Монголын баг 1:27:13 цагийн амжилтаар хүрэл медаль хүртжээ. Харин эмэгтэйчүүд 1:33:03 гэсэн амжилт үзүүлснээр хүрэл медалийн тавцанд гарсан байна. Монголын багийн бүрэлдэхүүнд Н.Ууганцэцэг, А.Наранцэцэг, Ч.Отгонцэцэг нар багтжээ.

Байр	Улс	Алт	Мөнгө	Хүрэл	Нийт
1	Казахстан	32	21	17	70
2	Япон	13	24	17	54
3	Өмнөд Солонгос	13	12	13	38
4	Хятад	11	10	14	35
5	Монгол	0	1	4	5
6	Иран	0	1	2	3
7	Киргиз	0	0	1	1
8	БНАСАУ	0	0	1	1
	Нийт	69	69	69	207

Саппород илүү олон медальтай уулзацгаая.

olympic.mn

Хуваалцах/Тэмдэглэх

Наадмын анхны өдөр Монголын цанын зүг чиг олох уралдааны эрэгтэйчүүдийн спринт төрөлд нийт 11 тамирчин гараанд гарснаас Монголын цаначин Баяраа овогтой Гэрэлт-Од хүрэл медаль хүртлээ. Азийн Өвлийн Наадмын хөтөлбөрт шинээр орсон уг төрөлд Казахстаны хоёр тамирчин Михайл Сорокин (13.31,0), Александр Бабенко (13.32,4) нар алт, мөнгөн медалийн эзнээр тодорсон бол манай хоёр тамирчин Б.Гэрэлт-Од (20.16,1), Э.Бархүү (20.33,6) амжилтаар III, IV байрыг эзэлсэн байна. Монголын тамирчдын ард Хятад, БНСУ (2 цаначин), Кыргызстан (2), Иран (2) тамирчид барианд орсон байна. Ж.Дашдэлгэр дасгалжуулагчтай Монголын цанын зүг чиг олох төрлийн эр, эм 6 тамирчин Алматыд ирсэн бөгөөд тэд “Солдатское Горе” баазад болох “ski orienteering”-ийн дунд, холын зай, буухиад уралдаж, медалийн тоогоо нэмэх зориг эрмэлзэл дүүрэн байна. 1986 оноос хойш Азийн Өвлийн Наадамд долоо дахь удаагаа тасралтгүй оролцож буй Монголын баг ийнхүү 3 дахь хүрэл медалиа хүртэж буй нь энэ юм. (Саппоро-90 – Эрэгтэйчүүдийн гүйлтийн цанын буухиа, Чанчун-97 – Ү.Марал фристайл)

Хуваалцах/Тэмдэглэх

Зургаан жилийн тэртээ

Одоогоос зургаан жилийн өмнө буюу 2006 оны 1 сарын 5-ны өдөр Азийн Олимпийн Зөвлөл (OCA)-өөс Казахстанд долоо дахь удаагийн Азийн өвлийн спортын наадмыг зохион байгуулах шийдвэр гаргаж, шинэ залуухан энэ Бүгд Найрамдах Улс түүхэндээ анх удаа олон улсын том наадам хүлээн авах эрхтэй болж, Казахстаны ҮОХ нь уг наадмыг Алмата, Астана хотод зохиохоор ханцуй шамлан ажилдаа орсон билээ. 2011 оны 1-р сарын 30-аас 2-р сарын 6-ны өдрүүдэд үргэлжлэх Азийн өвлийн спортын 7-р наадмын хөтөлбөрт биатлон, уулын цана, гүйлтийн цана, шайбтай хоккей, уран гулгалт, гүйлтийн тэшүүр, бөмбөгтэй хоккей-бенди, шорт-трек, фристайл, цанын зүг чиг ололт, трамплин харайлтын төрөл багтаж, 70 цогц медалийн төлөө тамирчид өрсөлдөнө.

Саппорогоос Чанчун хүртэл

Анх 1986 онд Японы Хоккайдо мужийн Саппоро хот тивийн цагаан олимпийн зохион байгуулсан бөгөөд түүнээс хойш 1990 онд дахин Саппоро, 1996 онд Харбин (Хятад), 1999 онд Канвон (БНСУ), 2003 онд Аамори (Япон), 2007 онд Чанчун (Хятад)-д тус тус өвлийн наадмын бамбар бадамлан ассан түүхтэй. Манайхан Азийн өвлийн наадамд бүгдэд нь оролцсон бөгөөд энэ хугацаанд хоёр хүрэл медалиар энгэрээ мялаагаад байна. 1972 оны өвлийн олимпийн Ази тивд анх удаа урин залсан гавьяатай Саппоро-90 наадамд Ж.Дашдэлгэр дасгалжуулагчтай гүйлтийн цанын буухианы эрэгтэйчүүдийн баг, Чанчун 2007 –д Ү.Марал уулын цанын фристайлын төрлөөр тус тус хүрэл медаль хүртэж байлаа.

Монголчууд Казахстанд

Энэ удаа манайхаас ах дүү Казахстаны Алмата хотод уулын цанын 6, цанын зүг чиг ололтын 6 тамирчин, бөмбөгтэй хоккей-бендигийн баг, харин нийслэл Астанад гүйлтийн тэшүүрийн 3, шорт-трекийн 2, уран гулгалтын 1 тамирчин, шайбтай хоккейн багийнхны десант буугаад байна. Азийн өвлийн наадмын түүхэнд анх удаа уран гулалтын Гансүхийн Марал-Эрдэнэ гэдэг 15 настай, Наран улсын дунд сургуулийн сурагч охин Япон багш Кавауме Михогийн   удирдлагаар оролцох бол хөтөлбөрт шинээр орсон бэнди, цанын зүг чиг ололтын төрөл мөн л бидний хувьд анхны “дебют” юм. Түүнээс гадна АНУ, Канадад уран гулгалтаар хичээллэж чамгүй амжилтанд хүрсэн 2-3 охин мөн Казахстанд ирэхийг хүссэн боловч хүндэтгэх шалтгааны улмаас энэ удаа өнжсөн юм.

Гараа сайн бол…

Монголын хоккейн холбооны Ерөнхийлөгч С.Ганжаргал даргатай, Э.Шинэбаяр дасгалжуулагчтай шайбтай хоккейчид маань эхнийхээ тулаанд “ноёны бөх” (OCA-ийн Ерөнхийлөгч Шейх Ахмад нь кувейт хүн билээ) Кувейтийн багийг 3:2 хожиж, гараагаа сайн эхэллээ. Ялангуяа багийн ахлагч Н.Мишигсүрэн жинхэнэ лидер гэдгээ харуулж хоёр гоол хийсэн юм. 1999 онд тэр үеийн Хоккейн Холбоог тэргүүлж байсан Х.Балсандоржийн удирдсан монголчууд мөн Кувейтийн багтай цаг сунган халз үзэлцээд, хожлын шайбыг (5:4) “Боби” хэмээх Батболд хийж байсныг спорт сонирхогчид мартаагүй буйзаа. Манай буюу хоёрдугаар зиндаанд Кувейт, Кыргызстан, Бахрайн, АНЭ, Тайланд, Малайзын баг багтсан бөгөөд энэ “бүс нутагтаа” амжилттай тогловол медаль хүртэх журамтай ажээ.

Бэлэн хүрэл ба өнгө хувиргах ухаан

Манай нөгөө нэг хоккейн баг буюу бөмбөгтэй хоккейчид маань мөн л одоогоор хүрэл медалийг хүзүүндээ зүүгээд байна. Учир нь бэндигийн төрлөөр Казахстан, Кыргызстан, Монголын багууд медалийн өнгөө булаацалдах юм байна. Казахстаны шилдгүүд одоогоор Казань хотод болж буй ДАШТ-д хүч сорьж байгаа бөгөөд бид “Хиргис”-үүдийн багийг өвдөг сөхрүүлбэл мөн л түүхэндээ анх удаа Азийн Өвлийн наадмын мөнгөн медаль зүүлээ гэсэн үг. Бас цанын зүг чиг олох буюу цанатайгаа “үнэг агнагчид” ч бас медалийн нууцлагдмал боломж бий гэж байгаа шүү.

Ирвэсний зулзага Ирби

Алмата-Астана-2011 Азийн Өвлийн Наадмын бэлгэдэл сахиусаар ирвэсний зулзага Ирби тодорчээ. Үүнийг нэгэн эмэгтэй зураач бүтээсэн агаад дотооддоо тасархай түрүүлсэн гэнэ. Учир нь цэл залуу хорьхон настай Бүгд Найрамдах Казахстан Улсын хувьд энэхүү бяцхан ирвэсний зулзага шиг өсөж дэвжих асар их ирээдүй байгаа бөгөөд нас бие гүйцэхээрээ Өвлийн Олимп руу үсрэх алсын бодолтой буйгаа ч нуусангүй. Казахстаны ҮОХ 2014 оны цагаан олимпийн төлөө нэрээ дэвшүүлээд авсан удаатай. Гэхдээ энэ удаа Азийн Өвлийн Наадмаа амжилттай зохион байгуулах нь цаашдын үйлс ажилд нь тун нааштайгаар эргэж мэдэх.

ОУОХ-ны босс ба Монгол өвөө

ОУОХ-ны Ерөнхийлөгч Жак Рогге, Азийн Олимпийн Зөвлөлийн Ерөнхийлөгч Шейх Ахмад Аль Сабах, ОУОХ-ны зарим гишүүд, Олон улсын спортын холбоодын удирдлагууд гээд 100 гаруй хүндэт зочид Абай мэргэний газар нутагт хөл тавьж, хасгийн ард түмний зочломтгой найрсаг уур амьсгалд умбан, өвлийн хүйтнийг үл мэдрэн байна. Түүний дотор 1977 оноос хойш ОУОХ-нд албан ёсоор бүртгэлтэй, өдгөө хүндэт гишүүн Шагдаржавын Магван энэ бүх эрх ямбыг эдлэн байнам. Харин өвөө маань Алмата хотноо шинэ сараа гаргаж, багийнхантайгаа золгох төлөвлөгөөтэй байна.

Азийн Цагаан олимп

Энэ удаагийн Азийн цагаан олимпод одоогоор 27 улсын 800 гаруй тамирчин, 700 дасгалжуулагч, албаны хүний хамт спортын 11 төрлөөр мөс, цасан дээр өрсөлдөхөөр хүрэлцэн иржээ. Түүнийг сурвалжлахаар 1000 (гадаадын 179) гаруй хэвлэл мэдээллийнхэн ажиллаж, 2500 гаруй сайн дурынхан хүчин зүтгэж, 60000 үзэгч хөл тавина. Афганистан, Ливан улсаас тус бүр нэг тамирчин уулын цанаар буухаар ирсэн бол анх удаа Малайзын хоккейн баг Астанад байрлаад байна. Харин уламжлал ёсоор Хятад, Солонгос, Япон  том баг илгээж, алт, мөнгө, хүрэл медалийн арвин ургац хураахаар итгэл дүүрэн “ногт ганзагалан” иржээ. Харин 1996 оны Харбиний наадмаас хойш оролцохдоо нийт 96 медаль хүртсэн Казахстаны баг энэ удаа 20 алтан медаль хүртэж, айргийн “гуравт” давхих хатуу даалгавартай байгаа билээ. Ванкувер-2010 олимпод Казахстаны биатлонист Елена Хрусталева мөнгөн медаль хүртэж, ардын баатар болсон нь энэ ард түмний нэр хүндийг дэлхий дахинаа өргөсөн билээ.

Монголчууд

Олон монголчууд Казахстанд байгааг хэн бүхэн мэддэг. Шигшээ багийг олон жил удирдсан Хавлалкатын Болат, Хүндийг өргөлтийн тамирчин байсан Тапсирийн Мэндихан нар өдгөө Казахстаны спортын удирдах байгууллагад өндөр алба хашиж байна. Харин БТСГ-ын газрын ажилтан, софт теннисний олон улсын шүүгч Бакытхан бүр Алмата-Астан-2011 Зохион байгуулах хороонд алба хашиж, өвөг дээдсийн нутагт хүчин зүтгэж байгаа нь сайшаалтай.

Тугаа мандуулж, төрийн сүлдээ эгшиглүүлэв

Монголын багийнхан Балбын нөхдийн хамт туг өргөх ёслолоо 1-р сарын 29-ний 17 цагт Астана хотод үйлдэв. Хорин градусын хүйтэнд гадаа болсон уг ёслолд хоккей, тэшүүрийн багийнхан оролцон, Монголын алтан соёмбот далбаа тэнгэрт намирч, төрийн сүлд эгшиглэсний дараа багийн ахлагч (chef-de-Mission), МҮОХ-ны Гүйцэтгэх Зөвлөлийн гишүүн, Ардын эмч Жамбалын Хатанбаатар, Тосгоны орлогч дарга Т.Карашев нар баяр хүргэж, бэлэг дурсгалын зүйл солилцов. Ийнхүү Монгол улс 1986 оноос хойш 7 дахь удаагаа тасралтгүй Азийн Өвлийн Наадамд оролцож буй нь энэ. Уг ёслолд МҮОХ-ны Ерөнхийлөгч Д.Загдсүрэн, ОУОХ-ны хүндэт гишүүн Ш.Магван болон бусад албаны хүмүүс оролцлоо.

Орос найруулагчийн хасаг наадам

Наадмын хамгийн оргил үйл явдал бол нээлтийн ёслол юм. Долоо дахь удаагаа “тоосоо өргөж” буй 63 хүний бүрэлдэхүүнтэй Монголын багийн тугийг 23 настай, тэшүүрчин залуу Ганбаатарын Ууганбаатар залах хүндтэй үүрэг оногджээ. Тэрбээр улсын олон удаагийн аварга төдийгүй бүх зайн рекордыг тогтоосон нэгэн гэнэ. Сониноос нээлтийн ёслолын ерөнхий найруулагчаар Оросын нэрт продюсер Алексей Сеченёв томилогдсон бөгөөд түүний багт Австрали, Английн туршлагатай ажилтнууд багтжээ. А.Сеченёв нь Москвагийн улаан талбайд болсон эх орны дайны ялалтын 60 жилийн ой, Юрмала Фестивал, “Алтан Граммофон”, “Премия Муз-ТВ” зэрэг олон ёслол, шоуг амжилттай найруулсан, нэр алдар нь түгсэн уран бүтээлч юм байна.

Нээлт Астанад, хаалт Алматад

Монголын багийн Алмата хот дахь штабынхан одоогоор зав муутай байгаа бөгөөд тэнд буй уулын цана (дасгалжуулагч Д.Чагнаа), чанын зүг чиг ололтынхон (Ж.Дашдэлгэр), бөмбөгтэй хоккейчид (Б.Батхуяг, С.Доржпалам) нээлтийн ажиллагаанд бүгдээрээ оролцохоор тохирчээ. Харамсалтай нь манайхан анх удаа цанын гүйлтийн төрлөөр Азийн наадамд оролцохгүй бололтой. Түүнээс гадна яг энэ үеэр Туркийн Эрзурумд Өвлийн Универсиад, Эстоний Таллинд Залуучуудын ДАШТ тус тус зохиогдож буй тул хүч тарамдсан нь гарцаагүй. Сонирхолтой нь Алмата дахь МҮОХ-ны Штабын нарийн бичгийн дарга Б.Баяртуяад одоогоор 11 туслагч өгсөн гэнэ ээ !!! Азийн Өвлийн Наадмыг Зохион Байгуулах Хорооноос 5, харин Алмата хотын спортын гүнзгийрүүлсэн сургалттай сургуулиас дадлага хийлгэхээр тусд нь 6 багшийг Монголын багийн үйлчилгээнд томилсон сурагтай.

Хуваалцах/Тэмдэглэх

Монголын багийн хуваарь

Хуваалцах/Тэмдэглэх

Монголын багийн ахлагчаар  МҮОХ-ны Гүйцэтгэх зөвлөлийн гишүүн Ж.Хатанбаатар, Монголын багийн тугчаар Тэшүүрийн спортын тамирчин Г.Ууганбаатар нар ажиллана.

Бөмбөгтэй хоккей (бэнди), тэшүүр, Зүг чиг олох, уулын цана, хоккей гэсэн 5 төрлөөр манахайн өрсөлдөх юм.

Өмнөх Азийн наадмуудаас манай орон 2 медаль хүртэж байсан.

“Саппоро-1990”-ээс  Эрэгтэй цана, 4х100м баг  хүрэл медаль  авчирч байсан бол өмнөх “Чанчун-2007” Азийн наадмаас Ү.Марал жмэгтэй фристайлаар хүрэл медаль хүртэж байлаа.

Астана – Алма-Атагийн Азийн “Цагаан олимп” 7 хоног үргэлжилж 2 сарын 6-нд хаалтаа хийнэ.  Казахстан улс ЗХУ-аас тусгаарласнаас хойш анх удаа олон улсын томоохон наадам зохион байгуулж байгаа. Азийн наадам анх удаа хоѐр өөр хотод зохиогдож байгаагаараа мөн онцлогтой.

Казахстан улс наадмыг зохион байгуулахад төсвөөсөө 726 сая ам.долларыг гаргасан бөгөөд энэ бүх зардал шинээр спортын ордон барих, сэргээн засварлахад зарцуулагджээ. Нийт 27 орны 1134 тамирчин 11 спортын төрөлд 70 багц медалийн төлөө өрсөлдөх юм. Сингапур, Бахрайн улс анх удаагаа энэхүү наадамд тамирчдаа илгээлээ.

Монголын багийн тэмцээн 1 сарын 28-нд шайбтай хоккейн Монгол-Кувейтийн тоглолтоор эхэлнэ.

Монголын багийн бүрэлдэхүүн

Бөмбөгтэй хоккей (бэнди)

Ж.Баярсайхан
Г.Нэгүүн, Б.Мөнхболд, Д.Мөнгөнхуяг, Б.Чинзориг, Ц.Одсайхан, Ц.Шинэбаяр, С.Оч, Г.Тамир, Ц.Ган-Очир, Ц.Мягмардорж, Б.Болдбаяр, О.Энхбаяр

Тэшүүр :
Г.Бэлгүтэй, Г.Ууганбаатар, Д.Дэлгэрмаа, Г.Мөнх-Амьдрал, О.Амарзаяа, Г.Марал-Эрдэнэ
Зүг чиг олох

Н.Ууганцэцэг, А.Наранцэцэг, Ч.Отгонцэцэг, Э.Бархүү, Б.Гэрэлт-Од, Б.Бямбадорж
Уулын цана

Ариунзаяа, Ж.Төгсзаяа8 Ч.Баярзул, Ч.Аранзалзул8 Г.Содбаяр8 С.Тэмүүлэн
Хоккей
Э.Чулуунзориг, Э.Баяржаргал,Д.Золбоо, Д.Болор-Эрдэнэ, Б.Баатархүү, О.Эрдэнэбат, З.Батгэрэл, Э.Мөнхзаяа, Н.Мишигсүрэн, А.Алтанбаяр, Б.Цэрэнбалжир, Б.Батсүх Ч.Пүрэв-Очир А.Энхбат П.Батзаяа А.Эрхбаяр, З.Од-Эрдэнэ

Хуваалцах/Тэмдэглэх