Алдар нэрийн оргил руу : Репторс яг л Винс-ийн тоглолтонд таарсан баг байлаа. Тиймдээ ч тэд Винс-ийг сонгож авсан бизээ. Төвийн шугаманд ахмад тоглогчид болох Чарлез Оакли , Кевин Виллис, маш сайн хамгаалагчид мөн ахмадууд болох Доуг Кристие , Дее Браун нар байлаа. Мөн нэр адил Хөлбөмбөгийн од Крис Картер-ийн ах болох Батче Картер дасгалжуулж байлаа
Харамсалтай нь тэр жил НБА-д Локаут зарласан тул Винс 1 сар хүртэл тоглолтонд оролцоогүй юм. Гэхдээ урт удаан Локаутын хажуугаар Винс бэлтгэлээ хийсээр л НБА-д өөрийгөө бэлдсээр л байв. Түүний багийн андууд болох ахмад туршлагатай тоглогчид түүний сайжралтанд тусласаар. Оакли түүнд хэрхэн өрсөлдөгчидийнхөө хамгаалалтыг сарниулахыг зааж , Виллис түүнд өрсөлдөгчдийнхөө сул талыг олоход чиглүүлж , Кристие Винс-ийг өдөр болгон бэлтгэлд нь эрчимжүүлж , Дее Браун түүнийг биеээ талбайн дотор ч гадуур ч хэрхэн биеээ авж явахыг зааж сургаж байлаа.
НБА-ын анхны тоглолтондоо Винс 16-н оноо авж Бостон селтикс-ийг буулган авжээ. Винс НБА-д дөнгөж тоглож эхэлсэн цагаасаа тогтмол амжилттай тоглож багаа тэргүүлж эхэлсэн ба 3-н сарын Репторсын түүхэн дэх хамгын их ялалтыг авж байлаа. Дөнгөж шинээр орсон залуу багаа тэргүүлж эхэлж амжилттай тоглох болсон нь хүн болгоны анхаарлыг татах болж Өмнөх жилүүдэд нь үргэлж бүтэлгүйтдэг байсан шинэхэн баг Репторс анх удаа ПО-ын эсрэг хүчтэй өрсөлдөх болов. Винс мөн онооноос гадна блок болон самбараас авах үзүүлэлт нь тун дажгүй байлаа. НБА-гын Фен-үүд чухам энэ үеээс түүний гайхалтай довтолгоогоор нь таньж мэдэж эхлэсэн юм.
Торонто ПО-ын сүүлийн байрыг тэр жилдээ ёстой л атгаад алджээ. Энэ бүх хөдөлмөрийг нь үнэлж
НБА-гын Оны шилдэг шинэ тоглогчоор 118 онооны 113-г нь авж шагнагджээ. Тэр улиралдаа Винс 18.3 оноо 5.7 реб 3 ассист гэсэн үзүүлэлт үзүүлжээ. Жилийн эцэсээр өөрийн тоглолтоо улам сайжруулж хамгаалагчын өөдөөс үсрэлттэй хүнд хэцүү шидэлтийг амжилттай хийдэг болсон ба Периметер шидэлтээ сайжруулж эхэлжээ. 4-н сард гэхэд л дунджаар 20-оос илүү оноо авдаг болцон байв.
1999-2000 он Винс-ийн хувьд амжилттай жил хүлээж байлаа. Репторс туршлагатай тун сайн тоглогчид болох Делл Курри , Антонио Девис-ээр хүчээ зузаатгасан ба Винс мөн л багаа тэргүүлж түүний эрч хүчээр дүүрэн залуу баг 45-37 гэсэн тун сайхан амжилт үзүүлжээ. Винс тэр жил үнэхээр их шуугиан тарьж байлаа. Дөнгөж 2-дохь жилдээ тоглож буй залуу тоглогч маань 30-ээс дээш оноог нилээд хэдэн удаа авж мөн 51 оноо хүртэл авсан ба тэр улиралдаа дунджаар 25.7 оноо дунджилжээ. Үүний хажуугаар МакГрейди ч амжилттай тоглож эхэлсэн ба Винс-ийг бөмбөг авах үед гарсан сул зайгаар тун амжилттай шидэж байлаа.
Винс Бүх оддын тоглолтнд 2 сая орчим хүний санал авсан ба тухайн үедээ НБА-гын 2-дохь хамгын их санал авсан тоглогчоор тодорж байлаа. Одоо ч хүн бүхний дурсан ярих дуртай НБА-гын хамгын шилдэг Слам данк-ын тэмцээнүүдийн нэг болж уг тэмцээнд гайхалтай үзүүлбэрүүд үзүүлсээр боломжит бүх оноо-г авж түрүүлж байлаа. Тэр улирал бол Дөнгөж 2-дохь жилдээ тоглож буй залуухан хүү-гийн хувьд Үлгэр биелсэн мэт л санагдаж байв.
Репторс-чууд ПО-ын эхний тойрогт тэр жилийн аварга хүртэл тулалдаж жамтай байсан хүчирхэг Никс-чүүдтэй туллаа. Эхний тоглолтонд Винс үнэхээр тааруухан тоглолтыг үзүүлж баг нь ялагдав. 2-дох тоглолтонд Винс алдаагаа засж тун сайн тоглолтыг үзүүлжээ. Харамсалтай нь 1 оноогоор хожигдож явах үед Винс-д бөмбөг ирсэн ба давхар хамгаалалт түүн дээр иржээ. Тэрээр сув сул байгаа Браун- руу бөмбөгөө дамжуулж сув сул шидсэн боловч алджээ. Бөмбөгийг тэр алдсан ч шүүмжлэл Винс-д ирэх нь тэр. Супер тоглогч ямар ч үед аргалаад шидэх ёстой буюу нэг ёсондоо амиатсангүй гэж буруутгах нь тэр. Гэвч энэ нь нөгөө талаар тэр үед түүнийг бүгд л залуу хүү биш Суперстар хэмээн хүлээн зөвшөөрсний нэг илрэл байлаа. Тэр цувралдаа Никс-чүүд нялх Репторсчуудыг 3-н тоглолтонд буулгаж авсан ба 2 хамгаалагч тогтмол Винс дээр очиж Бахь шиг хавчиж байлаа.
2000 оны зун сайнтай муутай өнгөрлөө. Винс Пума-тай их мөнгөний гэрээ байгуулахаар зэхэж мөнгө авсан байсан ч Пума өмсөхгүй байхаар шийдэн буцаан мөнгөө төлжээ. Пума-гын пүүз Винс-ийн хөлийн гэмтээсэн гэж үзэж.
Шинээр дасгалжуулагч Ленни Вилкенс ч бас иржээ. Мөн тэр зундаа түүний үеээл Т-Мак түүний сүүдэрт байхгүйгээр өөрийн мөрөө хөөхөөр шийдэж Орландо руу зарагдлаа. Т-Мак –д Нэг жилийн гэрээ үлдээд байсан ч Репторс-чууд нэгэнт авьяаслаг залуутайгаа дахин гэрээ хийж чадахгүй ба Винс эсвэл Т-Мак-ийг сонгох хэрэг гарна гэдэгээ мэдэж байсан ба Винс-ийг сонгон үлдээжээ. Т-Мак ч явахдаа нилээд онцгүй зан гаргав. Явахдаа Торонто-гын удирдлагын талаар таагүй үг чулуудаж , Винс-ийг довтлогчийн байрнаас зайлуулахыг хүсдэг байснаа хэлжээ. Винс энэхүү мэдээг уншаад маш их гайхаж цочирдсон боловч дараа нь мань 2 уулзаж учираа олсон байна.
Тэр зундаа Винс Мөрөөдлийн багын бүрэлдхүүнд багтаж Олимпод оролцохоор болжээ. Австралид болсон Олимпын тэмцээнээс тэрээр Стив Смиттэй тун сайн найзууд болсон юм. Ахмад хамгаалагч ч түүнд НБА-д ялан дийлэхийн тулд бага ч гэсэн зүйлүүд дээр анхаарлаа хандуулах ёстой ба Шоутайм Данк-уудаа мартах хэрэгтэй гэж зөвлөсөн байна
Олимпын өмнөх бие халаалт маягын тоглолтонд Франц-ын эсрэг тоглолтонд сүүлд Мянганы тохолт хэмээн алдаршсан 218 см өндөр Фредрик Вейс-ийн дээгүүр тохсон билээ. Тэр Олимп-одоо Америк-чууд Алтан медалиар энгэрээ мялаасныг та бид бүгд мэдэж байгаа билээ.
2000-2001 оны улирал эхлэхэд Репторс-чууд Винс-ийг тойрон хүрээлсэн илүү нягт хүчтэй баг бүрдүүлэхийг хичээсэн байлаа. Шинээр Галзуу нохой хочит Корлисс Виллиамсон мөн ахмад алдарт холбогч Марк Жексон ,НСАА-ын аварга баг болох Мичиган Стейт-ийн түлхүүр тоглогчидын нэг болох Рүүкий Моррис Петерсон нарыг эгнээндээ нэгтгээд байв. Винс гараанд 2 холбогч болох Марк Жексон болон Алвин Виллиамс 2-той гарснаар улам үр бүтээлтэй тоглох болов.
Дасгалжуулагч Вилкенс түүнийг илүү их чөлөөт шидэлтээр оноо авахыг хүссэн тул Винс тэр жилээсээ илүү их бусад тоглогчидоос алдаа авж торгуулийн шидэлтээр улам их оноо авдаг болсон байна. Гэвч НБА-гын айхтар хатуу ширүүн хамгаалагчид түүн дээр хямдхан алдаа хийж оноо түүлгээд байхыг хүссэнгүй. Түүнийг ороод ирэхэд нэгэнт зогсоож чадахгүй тул бараг л зүрхийн үхүүлэх зорилгооор бараг л ороод ирэхэд нь зодож нүдэж байлаа.
Үүний үр дүнд нь нэгхэн жилийн дотор Винс маш олон газраа өвчин зовлон гэмтэлтэй болсон ба улирлын хэд хэдэн тоглолтыг зүүн өвдөгны шөрмөс сунаснаас өнжижээ. Хатуу ширүүн хамгаалалтууд мөн өөрийн гэмтэж буйгаас болоод Винс илүү их алсын зайнаас довтлох болов. Авьяаслаг залуу маань ч үүнд асуудал байхгүй байсан ба Дунджаар 27 оноо авж байв. Гэвч Репторс-чууд Винс-ийн сайн тоглолтонд сэтгэл хангалуун байсан ч Багын 50 хувь хүркүй байгаа амжилттай сэтгэл дундуур байсан тул Улирлын дундуур Солилцоогоор Крис Чайлдс , Жероме Виллиамс , Кеон Кларк нарыг авчиржээ. Энэ солилцоо ч нүдээ олж сүүлийн 46 тоглолтын 29-д нь ялалт байгуулснаар Сентрал Дивизион-ы 2-р байранд жагсаж чадсан байна.
ПО-д эхний тойрогтоо өмнөх жил өөрсдийн зажлахгүй залгисан Никс-чүүдтэй ахин таарсан ба Винс алдарт Мадисон Скуайр Гарденд нь үзэгчидийг нь багтай нь хамт Шоконд оруулан хожжээ. Дараагын өрсөлдөгчид нь Тэр жилийн Финал хүртэл явсан чухам Кареер-ийнхаа хамгын агуу улиралдаа явж байсан Айверсон-ы 76 байлаа. Энэ цуврал тоглолт одоо болтол ам дамжин яригдсаар байдаг та бидний сайн мэдэх цуврал билээ. Цуврал 7-н тоглолтонд ёстой л өөрсдийнхөө авьяас боломжийг 2 залуухан Лидер тоглогчид харуулсан ба хэн нь их оноо авахаа харилцан харуулж байсан юм. Дунджаар энэ цувралд 2 тоглогчын дундаж оноо нь бараг 40 орчим байлаа. Винс Айверсон 2-уул энэ цувралуудад 50-н оноо авцгаажээ.
7-дох тоглолт болсон өдрийн өглөө нь Винс-ийн төгсөлтйин баяр Хойд Каролина-гын их сургуульд болжээ. Өмнөх зун нь Бакалавр-ын зэргийн болзолоо биелүүлсэн ба өөрөө Төгсөлтийн үдэшлэгдээ очихыг хүссэн байна. Тоглолтын өмнөхөн нь Филли рүү нисэж очоод шууд л тоглолтондоо орсон байна. Үүнээс болоод бас л бөөн шүүмжлэл түүнийг дагасан билээ. Тэрээр тоглолтын сүүлийн шидэлтийг хэрхэн харамсалтай алдаж байсныг та бүхэн сайн санаж байгаа бизээ.
Амралт ч тэгээд эхэллээ. Гэхдээ л маш их тунгааж бодох зүйл урьд нь байлаа. 2001-2002 оны улирал нь Репторс дэх гэрээнийх нь сүүлийн жил нь байсан ба Репторс-тэй үргэлжлүүлж гэрээ байгуулах уу эсвэл чөлөөт агент болох уу гэсэн сонголт байлаа. Гэвч тэрээр багтаа үлдэхээр шийдэж 6-н жилээр гэрээгээ сунгав
Шинэ улиралд Алдарт тоглогч Хакеем Олажувоныг эгнээндээ элсүүлжээ. Олажувон-ы хувьд харамсалтай нь Кареер-ийх нь эцсийн жил нь байлаа. Винс доошоо орж тоглохоос илүүтэй гаднаас шидэхийг эрхэмлэж тоглох болов. Харамсалтай нь Зүүн хөлөө гэмтээснээр тэр жилийнхээ Бүх оддын тоглолтыг өнжсөн ба 2 сарын сүүл гэхэд л эргэн ирэв. Энэ үеээс эхлэн харамсалтай ч гэмээр над шиг фен-үүдийх нь гол харлуулсан үеүүд эхэлсэн юм. Репторс ч түүнийг байхгүйд олон дараалсан ялагдалууд авч эхэллээ. 3-н сард Винс-ийн зүүн хөлний бэртэл улам л түүнийг зовоох болсон тул мэс засалд орохоор шийджээ. Репторс ч ПО-д орох найдлага тун бага байсан ч Винс-ийн оролцсон сүүлийн тоглолтуудаа сайн хийж ПО-д оржээ. Харамсалтай нь Винс ПО-д тоглоогүй ба Торонто эхний тойрогтой Детройт-эд хожигджээ.
Тэр үед зарим хүмүүс Винс-ийг шүүмжлэх болж Винстэй Торонто , Винс-гүй Торонто 2 хэрхэх талаар ярьж эхэлцгээв. Энэ бүх шүүмжлэлийг үл хайхран зунжингаа гэртээ сайхан амарсан Винс 2002-2003 оны улиралдаа өөрийгөө бэлдсээр байлаа. Гэвч Хараал идсэн гэмтэл ахиаад тохиолдлоо. Үнэхээр чөтгөр аваасай. Азгүй гэхэд дэндүү азгүй байлаа. Улирал эхлээд Дөнгөж 3-н тоглолтонд оролцоод нөгөө Зүүн хөлөө ахиаад гэмтээж орхилоо.
Хэдхэн Жилийн өмнөх шинэ Жордан гэгдэж байсан залуу-г Наймааны зах дээр зарах сонирхолтой байгаагаа Торонто илэрхийлж эхлэв. Гэвч түүний гэмтэл дэндүү их эрсдэлтэй гэдгээс бүх багууд эмээж байлаа. Торонто Кливленд рүү хэд хэдэн удаа наймааны санал явуулсан ба Кливленд Винс-ийн гэмтэл түүнийг ахин эргэж ирнэ гэдэгт итгэлгүй байлаа.
Тэр жил Винс бараг л ихэнхи тоглолтондоо оролцсонгүй. Үүнийг дагаад Репторс ч Лиг-ийн муу амжилттай багуудын нэг болж орхив. Винс-ийг эзгүйд сайн орлож байх ёстой Антонио Даниелс мөн улирлын ихэнхийг гэмтэж өнгөрөөсөн ба бас шинээр ирсэн Линдсей Хантер Леймонд Муррай зэрэг тоглогчид бас гэмтэлтэй байв. Үр дүнд нь гутамшигтайгаар Лиг-ийн 3-дах муу амжилттай баг буюу 24-58 гэсэн амжилтыг үзүүлжээ.
Тэр жилдээ Винс улиралд бараг тоглоогүй ч Бүх оддын тоглолтын гараанд шалгарсан байлаа. Гэвч тэр жил эргэн ирж дахин тоглож байсан Майкл Жордан-ыг хүндэтгэх үүднээс өөрийнхөө гарааны эрхийг түүнд өгжээ. Гэвч энэ нь түүний Фен-үүд болон Спорт-ын сэтгүүлчдийн уур хилэнг хүргэж орхив. Тэд хэлэхдээ Бид Винс-ийг Бүх оддод харах гэж сонгосноос Майкл-ыг биш. Тэр бидний сонголтыг хүндэлсэнгүй хэмээцгээж байв.
Гэвч бүх зүйл хар бараан байсангүй. 2003 оны супер драфтаас Шинэ Гарнетт хэмээгдэж байсан Жеоржиа Тек-ийн Крис Бош-ийг сонгож авав. Винс ч тэр жилдээ эрүүл биетэй дажгүй буцаж ирэв. Одоо тэрээр бүх л үеийн турш цуцашгүй довтлогч байж чадах бие байхгүй болсон байлаа. Харин одоо Лидершип гэдэг зүйл буюу багаа удирдан залж чиглүүлэх үүрэгээ илүүтэйгээр ухамсарлаж байлаа. Өмнөх жилд нь үзэгчид тоглолт дуусахаас өмнө орхиж явсан гашуун дурсамж , өөрөө туслая гээд яаж ч чадахгүй гэмтэл зэрэг хатуу зүйлсийг тэрээр туулсан байв. 2003 оны улиралд Винс үнэхээр багыг удирдагч болсон байлаа. Тэрээр бүх л довтолгоог хийх гэж яарахгүй 4-р үед хүчээ гамнаж тоглодог болов. Баг ч бага багаар сайжирсаар эргэж формондоо орсоор байв. Тоглолтон дээр үзүүлэхээс илүүтэй амралтын цагаараа багынхаа андуудтайгаа тоглож наадах журмаар цагариган дээрээс довтолж байлаа. Давхар хамгаалагч ирсэн үед бөмбөгөө маш хурдан сул тоглогч руугаа шилжүүлж , мөн бусдыгаа довтлох боломжоор хангахыг эрмэлзэж тоглодог болов. Винс өөрийгөө дараагын Жордан болж чадах эсэхдээ санаа зоволгүйгээр зөвхөн багынхаа төлөө тоглох болжээ. Энэ бүхний эцэст яг л Торонто-гын түүхэнд байгаагүй Лидершип тоглогч болж чаджээ.
Аварга болоход шаардлагатай шинэ тоглогчид ч Репторс-чууд наймааны дундуур авж байлаа. Жален Роуз , Донейлл Маршелл , Лонни Бакстер нарыг Бухнуудаас наймаалцаж аваад байв. Бас л харамсалтай нь Винс өөрийнхөө бэртээгүй нөгөө хөл болох баруун хөлөө 1-р сарын дундур бэртээж орхих нь тэр. Тэрээр дараагын 3-н тоглолтыг өнжсөн ч гэмтэл бэртэлээ тэссээр доголон байж тоглож эхэлсэн юм. Учир нь Винс тоглохгүй болоход л баг үүрээ эвдүүлсэн мэт шоргоолж шиг л орон гаран тоглодог байлаа.
Тэрээр 4-дэх удаагаа Бүх оддын тоглолтонд Урьд нь хэн ч хэзээ ч авж байгаагүй санал асуулгын тоогоор шалгарлаа. Харамсалтай нь гэсэн би энэ үгийг яасан ч их бичиж байна даа ::санаа алдах:: дахиаал бэртэл. 2 сарын дундуур мэс засалд орж байсан зүүн өвдөгтөө ахин хүнд гэмтэл авснаар улирлыг дуусгасан юм. Түүнийг гэмтэвүү гү юу Торонто 9 дараалж ялагдсан ба сүүлийн 30 тоглолтынхоо 22-т нь ялагдсанаар ПО-ын байраа алдсан юм. Дээр нь тэд Розе , Виллиамс , Бош нараа ч гэмтэлд тавиад тууцан байна.
Винс тэр жилдээ 22.5 оноо 4.8 асс дундажилсан юм. Түүний багын тоглолт тэр жил тун их сайжирсан байлаа.
2004-2005 оны Улиралд Репторс гэмтэл бэртэлд идэгдсэн Супер од Тоглогчоо зарахаар шулуудаад байв. Өмнөх жилд нь Ямар ч Суперстар тоглогчгүйгээр Аварга Авсан Детройт-ийн арга барилыг НБА даяаар сонирхож даган дууриах болж. Торонто ч тэднийг дууриаж Ганц тоглогч тойрсон багаа задлах бодлого барьж эхэлжээ. Винс-ийн хувьд ч тэрээр багын удирдлагуудтай харьцаа бага зэрэг тааруу болж эхэлж мөн өөрөө ч явахыг хүсэж байгаагаа ил тод мэдэгдэж эхлэв.
Винс ч ямар ч тоглох хүсэл эрмэлзэлгүй мөн дасгалжуулагч түүнийг бага тоглуулж улирлын эхний сар 20-оос доош оноо авж байсан ба удалгүй түүнийг гэмтэлтэй тоглогчидын жагсаалтанд оруулав.
Яг энэ үед Нетсүүд Торонто-гын хүсэж байсан ашигтай санал болох самбарт сайн тоглогчид болон Драфтын эрхүүдээр санал тавьжээ. Нетс ч мөн тэр жилд нь Кенион Мартин-ыг зун явуулж орхисонд тун их уурсаж байсан Жейсон Кидд-дээ хамтрагч хайж байсан цаг. Ингээд 6-н тоглогчоор Винс-ийг сольж авсан наймаа боллоо. Эрик Виллиамс , Аарон Виллиамс , Алонзо Моурнинг болон 3-н ширхэг драфтын эрхээр Винс-ийг Нетс-тэй солилцжээ. Өмнөх 2 жилд нь аваргын төлөө үлдсэн НБА-гын шилдэг холбон тоглогч Жейсон Кидд тун баяртай байсан гэдэг. Тэр үед түүний пасс-ийг борлуулчих тоглогч бараг ганц Ричард Жефферсон л байлаа. Одоо харин Нисдэг Канад тэдний багт. Яг л түүнд хэрэгтэй байсан тоглогч. Миний бие ч тэр үед их л баярлаж хөөрж байсымдаг. SkyWalker-уудын цуглаан болоод одоо ШоуТайм гэдэг нэр Лейкерс-д биш Нетс-д ирлээ гээл их л олон хүн шуугиж байсан.
Винс яг л багаа олсон байлаа. Шинэ эрч хүч , шинэ хамтрагчид , удаан гэмтэлээс эргэн ирсэн гээл үнэхээр галзуу. Тэрээр ирсэн даруйдаа л өөрийгөө хэн гэдгийг эргэн харуулж эхэлсэн ба шүүмжлэгчдийг амыг бахдалтайгаар дарж байлаа. 2-р сард 3 тоглолт дараалан 40 –ээс их оноо авж дунджаар 30 гаран оноо дунджилж байлаа. 3,4-р саруудад ч гайхалтай тоглосоор ПО-д оров. Кидд өөрийнхөө ажлыг дэндүү сайн хийж залуухан Ненад Кирстич тун сайн тоглож байлаа.
Кристич –ийг НБА дээрх бигмен-үүдээс Новицки-гийн дараа орохоор шидэлт сайтай тоглогч гээд их л үнэлдэг байлаа. Мөн гэмтэлээс эргэн ирсэн Жефферсон ч тогтвортой тоглолтуудаа үзүүлсээр.
Сүүлийн 10-н тоглолтын 8-д нь ялалт байгуулснаар ПО-ын 8-аар гарсанаар Шак-аар хүчээ зузаатгасан Майами Хит-тэй тулав. Харамсалтай нь тэр Жилдээ Дэндүү хүчтэй байсан Хит-эд шүүрдүүлсэн юм. Уул нь тоглолт болгон маш өрсөлдөөнтэй болж байсан ба маш ойрхон оноогоор хожигдож байлаа.
Винс Картер тэр бол Тоглогч : Винс сагсан бөмбөгийн талбай дээрх өөрийнхөө хүссэн зүйлийг хийж чаддаг НБА-ын ховорхон тоглогчдын нэг юм. Энэ л авьяас нь түүнийг Супер стар болгосон . Эхний 2 жил дэх галзуу оролтуудын дараагаасаа тэрээр Периметер тоглолтын чадвараа маш сайн хөгжүлж чадсан ба Энэ нь НБА-гын хамгаалагчдын өөдөөс хөнгөхөн оноо авахад хэрэг болж байлаа.
За үлдсэнийн дараа оруулнаа тэхдээ товчоор. Ихэнхи хүмүүс сүүлийн үеийн мэдэх болохоор миний ч залхуу үнэхээр хүрэв.