МкМанаман: Англичуудын хүлээлт доогуур байгаа
Фифа.ком: Одоо та хандивын тоглолтын тоглогч болсон байна. Ядуурлын эсрэг тоглолтын талаарх санал бодлоо хуваалцаач?МкМанаман: Зөвхөн хуучны андууд, хамтран тоглож байсан нөхөдтэйгээ уулзах боломжоос гадна ОУ-н хандивийн арга хэмжээнд хамрагдаж байгаа нь гайхалтай юм. Хэцүү, хүнд цаг үеийг туулж байгаа хүмүүст туслах гэж хөлбөмбөг тоглож, мөнгө цуглуулахтай адилтгах зүйл байхгүй. Тус тоглолтыг үзэх гэж ирж байгаа хүмүүсийн тоо, тус тоглолтонд оролцож байгаа том нэрсүүд үүнийг хэр зэрэг чухал болохыг харуулж байна.
Фифа.ком: Та хуучны андуудтайгаа хамт тоглох гайхалтай байдаг гэлээ, гэхдээ таныг гэртээ харих үед танд юу бодогддог вэ?МкМанаман: Миний толгойд орж ирдэг тэр зүйл бол маш их зүйлсийг хийж болох талаар байдаг. Гэхдээ чи шууд бүгдийг хийж, бүгдэд туслаж чадахгүй, тэгэн дараа өдөр нь л үүнийг мартдаг. Англид бид багагүй хандивийн тоглолтонд оролцдог. Гэртээ харих үедээ үргэлжүүлэн хандивийн арга хэмжээнд оролцож, бусдад туслаж чадахаа мэдэх чухал шүү. Тусламж хэрэгтэй хүмүүс үргэлж байдаг ба тэдний төлөө байна гэдэг чухал юм.
Фифа.ком: ДА удахгүй эхлэх нь. Бразил тэмцээнийг зохион байгуулж байгаа талаар ямар сэтгэгдэлтэй байна?МкМанаман: ДА-н хувьд энэ бол төгс тавцан. Намайг энэ тэмцээний талаар бодоход толгойд орж ирдэг хамгийн эхний зүйл бол 1966 онд Бобби Муур цомыг өргөж байгаа дүр зураг байдаг. Өөр нэг зүйл бол Бразилийн шар өмсгөл - 1970 оны ДА-д Пеле болон түүний багийнханы үзүүлсэн шоу, тэдний ерөнхий тоглолтын хэв маяг. Дараа нь ДА зохион байгуулагдах бүх л гайхалтай хотуудын талаар бодно. Би Өмнөд Африк-д байсан бөгөөд энэ гайхалтай байсан. Надад маш их тааламжтай байсан, гэхдээ би энэ ДА-г хамгийн шилдэг нь байна гэж найдаж байна.
Фифа.ком: Та Бразил руу явах гэж байна уу?МкМанаман: Мэдээж, би явна. Би Рио дэ Жанейро-д 6 сарын эхний 7 хоногт байна, харин дараагийн 5 долоо хоногт нь Бразил орноор аялах болно.
Фифа.ком: Английн шигшээн боломжийн талаар юу гэж бодож байна?МкМанаман: Анхны удаа Англи хэр хол явж чадах талаарх хүлээлт маань нилээн доогуур байна. Англи-д хүмүүс ихэвчлэн бид ДА-д түрүүлж чадна гэж боддог учир энэ бол сонин, дасал болоогүй зүйл юм. Гэхдээ бид үнэхээр энэ удаад ДА-д түрүүлж чадах боломжоос нилээн холуур байна. Бид Уругуай, Итали-тай маш хэцүү хэсэгт байгаа, Коста Рика хүртэл амаргүй байх болно. Гэхдээ миний бодлоор Английн баг 16-д хүрэхэд хангалттай сайн.
Фифа.ком: Тэгэхээр таны фаворитууд чинь?МкМанаман: Испани гайхалтай багтай байна, гэхдээ Бразил фаворит баг. Конфедерешн кап-д би тэднийг харсан, тэд үнэхээр онцгой байсан. Тэд ардаа гайхалтай дэмжлэгтэй байсан, ДА-д энэ нь бүр ч илүү их байх болно гэж таамаглаж байна. Гэхдэ тэд мөн чанга хэсэгт орсон байгаа, 16-д тэд Голланд-той, эсвэл Испани, Чили-н нэгтэй таарах болно. Мөн тэмцээнд үзэх өөр нэг баг бол Аргентин, тэд зөөлөн хэсэгт орсон. Гэхдээ Бразил-д тэмцээн болох учир Луйз Фэлипе Сколари-н баг фаворитууд байх хэрэгтэй.
Фифа.ком: Таны хувьд Бразил-д бусдаас илүүгээр харах ямар нэг тоглогч байна уу?МкМанаман: Байхгүй ээ. Би зүгээр л энэ ДА-д хэн од болон гялалзахыг л харахыг хүсч байна. Мэсси Ла лига-д хийдэг зүйлээ ДА-р хийж, дэлхийн хамгийн том тэмцээний шилдэг тоглогч нь байж чадах уу? Роналдо Португалыг оргилд аваачиж чадах уу? Неймар Конфедерешн кап-д тоглосон шигээ тоглож, илүү олон гайхалтай гоал хийх болов уу? Хэн нэгэн нь энэ ДА-р гялалзах болно. Харин энэ нь хэн байх вэ гэдгийг харах гайхалтай байх болно. Тэр Англи тоглогч байх болвуу? эсвэл Колумбчуудын нэг нь байх уу? энэ бүгд маш сонирхолтой байх болно.
Фифа.ком: Сүүлийн асуулт. Та дэлхийн шилдэг гэж үнэлэгдэхийн тулд ДА-д түрүүлэх хэрэгтэй гэсэн бодолтой байдаг уу?МкМанаман: Үгүй, гэхдээ энэ туслана шүү! Марадона Аргентин-ий төлөө тоглож байхад түүнд гайхалтай баг байсан, гэхдээ л би түүнийг одоо болтол бүх цаг үеийн хамгийн шилдэг гэж үздэг хэвээр. Үе, үеийн тоглогчид, хөлбөмбөгчдийг харьцуулна гэдэг үнэхээр амаргүй. Пеле Марадона-с илүү юу? Өнөөдөр л гэхэд хамгийн агуу тоглогчдын 2 нь бидэнтэй хамт байлаа. Зидан, Роналдо нар өөрсдийн цаг үедээ шилдэг нь байсан. Роналдо одоо ч ДА-н мэргэн буучын рекордыг эзэмшсээр байна. Хэрвээ Мэсси ДА-д түрүүлж, гялалздаг шигээ гялалзаж чадвал тэр бүх цаг үеийн хамгийн шилдэг болох болно гэж бодож байна, энэ гэхдээ амар биш.