Эртээд 2 аврагынхаа үзүүлсэн амжилтыг настай нь харьцуулж үзвэл сонин юм шиг санагдаж мулгуу ухаандаа жаал харьцуулсан юм. Үүнийгээ форумынхантайгаа хуваалцвал яаадаг бол гэж бодлоо.
_______________________________
Асашёорюу___________________________
ХакухоТөрсөн он сар _____________1980.09.27________________________________1985.03.11
Амжилт__________________631-166-
76(79.17%)_______________________460-141-
21 (76.54%)
(Жич:
өнжсөн барилдаануудыг ялалтын хувийг тооцоолход оролцуулаагүй болно)
Сумод орсон тов: ___________1999.03 (18нас 5сар)__________________2001.05 (16нас 2сар)
(Жонокучид барилдаж эхэлснээр авав)
үзүүлсэн амжилт:__________6-1 (1 башо 0 түрүү)___________________8-6 (2 башо 0 түрүү)
Жониданд орсон тов:________1999.05 (18н. 7с.)_____________________2001.09 (16н.6с.)
үзүүлсэн амжилт:__________7-0 (1 башо 1 түрүү)___________________14-7 (3 башо 0 түрүү)
Санданмэд орсон тов:_______1999.07 (18н. 9с.)_____________________2002.03 (17н.0с.)
үзүүлсэн амжилт:__________7-0 (1 башо 1 түрүү 1К)________________26-16 (6 башо 0 түрүү 5К 1М)
Макушитад орсон тов:_______1999.09 (18н. 11с.)____________________2003.03 (18н. 0с.)
үзүүлсэн амжилт:___________33-9 (6 башо 1 түрүү 5К 1М)____________25-10 (5 башо 0 түрүү 5К)
Жуурёод орсон тов:_________2000.09 (19н. 11с.)_____________________2004.01 (18н. 10с.)
үзүүлсэн амжилт:___________20-10 (2 башо 0 түрүү 2К)______________21-9 (2 башо 1 түрүү 2К)
Макуучид орсон тов:_________2001.01 (20н. 3с.)_____________________2004.05 (19н. 5с.)
Комусубид хүрсэн тов:_______2001.05 (20н. 7с.)_____________________2005.01 (19н. 11с.)
Сэкивакед хүрсэн тов:_______2002.01 (21н. 3с.) _____________________2005.03 (20н. 0с.)
Озекид хүрсэн тов:__________2002.09 (21н. 11с. )____________________2006.05 (21н. 2с.)
Анхны түрүү:________________2002.11 (22н. 1с.) ____________________2006.05 (21н. 2с.)
Ёкозунад хүрсэн тов.________2003.03 (22н. 5с.) _____________________2007.07 (22н. 4с.)
10 дахь түрүү: ______________2005.01 (24н. 3с.)_____________________2009.03 (24н. 0с.)
Макуучид үзүүлсэн
амжилт:____________________558-146-
76 (79.26%)___________________366-93-
21 (79.74%)
____________________________(49 (
52) башо 23 түрүү 44К 5М)*________(31 (
32) башо 11 түрүү 30K 1М)**
* Аса аврагын сумогийн холбооны шийдвэрээс болж өнжсөн 2007 оны кюүшүү, аки болон бэртлийн улмаас бүтэн өнжсөн 2008 оны кюүшүү башог оролцсон башогийн тооноос хассан болно.
**Хакухо аврагын бэртлийн улмаас бүтэн өнжсөн 2006 оны Кюүшүү башог мөн хаслаа.
- Мөн 2 аврагын барилдсан хэдий ч бэртлийн учир дундаас нь орхисон башодахь ялалтын 50%-аас бага байгаа бол макекошитой адил гэж үзэв.
Эдгээр өгөгдөлүүдээс хархад Аса аврага маань Хакухо аврагыг бодвол илүү амжилттай (81.11%vs 66.20%), хурдан дээд зиндаанд дэвшиж (11 башо vs 18 башо) ёкозуна цолонд ч мөн илүү богино хугацаанд хүрсэн байна. (11+13=24 башо vs 18+19=37 башо).
Энэ нь нэг талаас Хакухо аврагатай харьцуулбал бие хаа, сэтгэлзүй, барилдааны ур ухаан илүү тэгширсэн, ахмад насандаа сумод хөл тавьж барилдсантай ч холбоотой байж болох юм. (18 нас 5 сар vs 16 нас 2 сар ).
Хакухо сумод хөл тавихдаа биеээр жижигээс болж (170 см, 60 кг) дэвжээ олдохгүй байсан гэдэг баримт байдаг бол Аса аврагын анх барилдах үеийн биеийн үзүүлэлт надад байхгүй ч гэсэн дээрхийн ижил яриа түүний талаар гарж байгаагүй, мөн түүний 1998 онд ахлах дунд сургуульд байх үеийн бичлэгийг харвал сумод хөл тавих биеийн хэмжээний шаардлагыг ямар ч байсан хангасан байгаа нь харагдаж байгаа юм. Доорхи линкээр үзэцгээнүү.
http://www.youtube.com/watch?v=GqhFDxN6-aQhttp://www.youtube.com/watch?v=tpEszMbZlNsҮүнтэй уялдан бие хаа задрах, барилдаан тэгширэхийн хэрээр Хакухо аврагын амжилт нь яван чангарч зиндаа өгсөх тусам амжилтууд нь Аса аврагынхтай дүйж эхэлж байгаа юм. Тухайлбал макушита, жуурёо зиндаануудад 2 аврага бараг ижил хурдаар (8 vs 7 башо) харьцангүй ойр амжилттай (73.61% vs 70.77%) барилдсан байна. 2 аврага дээд зиндаанд орох хүртлээ ердөө 1 vs 2 удаа макекоши болсон байгаа нь тэдний өндөр чансааг илтгэж байгаа онцлууштай зүйл юм.
Цаашлаад хоёр аврагын дээд зиндаанд дэвшээд секиваке цолонд хүртлээ бас л дүйхүйц хурд (6 vs 5), харин амжилтын хувьд Хакухо аврага яльгүй илүү барилдсан байгаа юм (61.11% vs 72%). Үүнд Аса аврагын 2001 оны нагоя башод 7-8-аар макекоши болсон нь нөлөөлж буй.
Харин сэкивакегээс озеки хүрэхэд Аса аврага дахин манлайлаж ердөө 4 башо зарцуулсан байгаа юм. Энд Хакухо аврага 7 башо зарцуулсан нь 2005 оны нагоя башод авсан гэмтэлийн улмаас 6-3-6 үзүүлэлтээр М-1 хүртэл цол буурсан нь нөлөөлж буй юм. Гэвч ялалтын хувь нь дүйхүйц байгааг онцлох хэрэгтэй. (70% vs 67.67%)
Озекигоос ёкозунад хүрэхэд ч мөн энэ байдал давтагдав. Аса аврага озеки цолтойгоор 3 хан башо, 84.44% амжилттай барилдаж ёкозуна болон гайхамшигийг үзүүлсэн бол Хакухо аврагад ёкозуна болход 2 дахин их буюу 7 башо шаардлагатай болсон юм. Гэхдээ үүнд хүндэтгэж үзэхүйц шалтгаан бий бөгөөд 2006 оны Кюүшүү башог
огт барилдалгүй өнжихөд хүргэсэн шагайны гэмтэл озеки цолтой удхад нөлөөлсөн юм. Мөн Хакухо аврагын ялалтын хувь озеки цолтой байх үеийн Аса аврагаас хол их дутаад байхгүй 81.11% байсан, Аса аврагаас гадна эзэн хааны цолд өрсөлдөх гол бүхийн байр суурийг Точиазумагаас авсан зэрэг баримтууд нь энэ таамагт түлхэц болох мэт. Юутай ч 2 бөхийн секиваке, озеки байсан хугацааны ялгаанд дээрхи 2 бэртэл нөлөөлсөн гэдэг нь даамжиггүй юм.
Энд зориуд дурдах хэрэгтэй зүйл бол Хакухо аврагын секитори болсон, макушитад дэвшисэн, саньякуд хүрсэн, озеки болсон анхны түрүүгээ авсан наснууд нь Аса аврагаас түрүүнд байгааг түүний бага насандаа сумод орсонтой холбон тайлбарлавал оновчтой мэт. Хэрвээ Аса аврага Хакухо аврагын насан дээр сумод орсон бол мөн л ойролцоо насандаа дээрхи цолнуудыг авах байсан нь даамжиггүй юм. Нөгөө талаас 2 аврагын цолоо авсан наснууд нь цолны хэмжээ томрох тусам ойртсоор бараг ижил насандаа ёкозуна, дай ёкозуна болж ө.х. амжилт дүйж байгаа нь уг 2 бөхийн үзүүлсэн амжилтыг настай нь харьцуулаж бодвол маш ойролцоо гарч байна .Эндээс дүгнэвэл 2 аврага нь их ойр чансааны бөхчүүд гэдэг нь харагдаж байгаа юм.
Эцэст нь дурьдхад Долгорсүрэнгийн Дагвадорж, Мөнхбатын Даваажаргал нар бол монгол түмний бахархал болсон шилдэг тамирчид яах аргагүй мөн бөгөөд тухайн тамирчдийг үнэлэхдээ нийгэмд тогтсон ёс суртхууны хэмжээг зөрчөөгүй л бол, элдэв хувийн амьдралтай холбоотой зүйлсээр нь бус, харин спортод үзүүлсэн амжилт оруулсан хувь нэмрээр нь дүгнэж байх нь спортод хайртай хэн бүхний баримтлавал зохих ёстой зарчим болвуу.