Өнгөрсөн лхагва гарагт Азийн хөлбөмбөгийн холбоо Куала Лумпур хотноо 2014 оны ДАШТ-ны урьдчилсан шатны тоглолтын хуваарь болон явагдах журмыг танилцууллаа.
43 шигшээ баг тивд оногдсон 4 эрхийн төлөө урьдчилсан шатанд тоглохоор болжээ.
Эхний шатанд чансаа бага 16 шигшээ баг(28-43-рт) тус тусын 8 хэсэгт хуваагдаж талбайн эзэн зочин багийн дүрмээр 2011 оны 6-р сарын 29, 7-р сарын 3-нд тоглоно.
Эхний шатнаас шалгарсан 8 шигшээ баг хоёрдугаар шатанд чансаагаар илүү (6-27-рт) 22 шигшээ багийн хамт 15 хэсэгт хуваагдан мөн талбайн эзэн зочин багийн дүрмээр 7-р сарын 23, 7-р сарын 28-нд тоглоно.
Харин хоёрдугаар шатнаас шалгарсан 15 шигшээ баг гуравдугаар шатанд чансаагаар тэргүүлэгч 5 шигшээ багийн хамт 5 хэсэгт хуваагдана. Хэсэг тус бүрт 4 шигшээ баг байна.
Хэсэг тус бүрээс шалгарсан 2 шигшээ баг дөрөвдүгээр шатанд оролцоно. Гуравдугаар шатны тоглолтууд 2011 оны 9-р сарын 2-оос 2012 оны 2-р сарын 29-ны хооронд болно.
Дөрөвдүгээр шатанд шалгарсан 10 шигшээ баг дахин тус бүр 5 багтай 2 хэсэгт хуваагдана. Хэсгийг манлайлсан 2 баг 2014 оны ДАШТ-нд шууд оролцох юм.
Хэсэгтээ гуравдугаар байр эзэлсэн 2 шигшээ баг плей-офф шатанд хоорондоо тоглох болно. Хожсон баг нь тив хоорондын эрхийн төлөө бусад тивээс шалгарсан нэг багтай тоглоно.
Дөрөвдүгээр шатны тоглолтууд 2012 оны 6-р сарын 3-аас 2013 оны 6-р сарын 18-ны хооронд болох бол хэсэгтээ гуравдугаар байр эзэлсэн багууд 2013 оны 9-р сарын 6 болон 10-ны өдрүүдэд тус тус тоглоно.
Тив хоорондын эрхийн тоглолтууд 2013 оны 10-р сарын 15 ба 11-р сарын 19-нд болно.
Энэхүү чансааг 2010 ДАШТ-ны урьдчилсан шатанд үзүүлсэн амжилтаар нь гаргасан болно.
1-5-рт жагссан багууд 3-р шатнаас, 6-27-рт жагссан 22 баг 2-р шатнаас, 28-43-рт жагссан 16 баг эхний шатнаас тус тус тоглоно.
ЧАНСАА1. Япон
2. Бүгд Найрамдах Солонгос Улс
3. Австрали
4. Бүгд Найрамдах Ардчилсан Солонгос Ард Улс
5. Бахрэйн
6. Сауди Араб
7. Иран
8. Катар
9. Узбекистан
10. Арабын Нэгдсэн Эмират Улс
11. Сири
12. Оман
13. Йордан
14. Ирак
15. Сингапур
16. Бүгд Найрамдах Хятад Ард Улс
17. Кувейт
18. Тайланд
19. Туркменистан
20. Ливан
21. Йемен
22. Тажикистан
23. Хон Конг
24. Индонез
25. Киргизстан
26. Мальдив
27. Энэтхэг
28. Малайз
29. Афганистан, Камбож
31. Непал (Балба)
32. Бангладеш
33. Шри Ланк, Вьетнам
35. Монгол
36. Пакистан
37. Палестин
38. Зүүн Тимор
39. Макао
40. Тайван, Бирм
42. Лаос, Филиппин.
ТОГЛОЛТУУДЫН ХУВААРЬ1-Р ШАТ: 2011/06/29, 2011/07/03
2-Р ШАТ: 2011/07/23, 2011/07/28
3-Р ШАТ: 2011/09/02, 09/06, 10/11, 11/11, 11/15, 2012/02/29
4-Р ШАТ: 2012/06/03, 06/08, 06/12, 09/11, 10/16, 11/14, 2013/03/26, 06/04, 06/11, 06/18
5-Р ШАТ: 2013/09/06, 2013/09/10
6-Р ШАТ (тив хоорондын эрх): 2013/10/15, 2013/11/19