Формула 1. Шинэ улирал эхлэхэд 2хон сар үлдлээ.
Энэ улиралд нийт 11 баг оролцохоор болжээ. Багуудын бүрэлдэхүүн:
1. Ренаулт
Алонсогоо Макларенд алдсан Реногийнхон Фикикеллаг нэгдүгээр нисгэгчээрээ томилжээ. Түүнтэй өнгөрөгч улиралд багийн 3р нисгэгч байсан Ковалайнэн хэмээх 25 настай Финланд залуу хамтрахаар болжээ.
2.Макларен
Мэдээж дэлхийн 2 удаагийн аварга Алонсо 1р нисгэгчээр уралдана. Он гараад тэрээр Макларений баазад очсон сурагтай. Харин түүний хамтрагчаар өнгөрөгч улиралд Монтойяг явсны дараа 2р нисгэгчээр уралдах болсон Дэ Ла Розаг уралдах болов уу гэж бодож байсан ч Хэмилтон хэмээх Британи эр сонгогджээ. Хэмилтон нь дөнгөж саяхан 22 нас хүрсэн байна.
3.Феррари
Алонсод байр сууриа алдсан мөсөн хүн маань Шуминаторын орыг залгахаар Феррарид иржээ. Гэхдээ тэрээр 2р нисгэгчээр уралдах сурагтай.
1р нисгэгчээр өнгөрөгч улиралд чамлахааргүй уралдсан Масса уралдана.
4.Хонда
Байрлал тогтоох уралдаанд тун амжилттай уралддаг Хондагийнхан бүрэлдэхүүндээ өөрчлөлт оруулсангүй. 1р нисгэгчээр Баттон. 2р нисгэгчээр Баррикелло
5.BMW
Тэд мөн л бүрэлдэхүүндээ өөрчлөлт оруулсангүй. 1р нисгэгч Хайдфэлд 2р нисгэгч Кубица. Өнгөрсөн жил дэлхийн аварга Виллиневийг орлож тун амжилттай уралдаж байсан Кубица энэ улиралд үндсэн нисгэгч болжээ.
6.Тоёота
Авьяаслаг нисгэгч, сайн машин 2ынхоо ашгийг гаргаж чаддаггүй баг бол Тоёота. Тэд ч дээрх 2ын адил өнгөрсөн жилийн бүрэлдэхүүнээ илүүд үзжээ.
1р нисгэгч Шуми.Р 2р нисгэгч Трулли
7.Рээд Булл
Тэд Виллиамсаас Вэббэрийг нь урвуулж дөнгөжээ. Өнгөрөгч улиралд тааруу уралдсан Клиений оронд авсан байна.
1р нисгэгч Култхард 2р нисгэгч Вэббэр
8.Виллиамс
Өнгөрсөн улиралд BMW-аасаа салж зохион бүтээгчдийн цомд 8д орж тун тааруу амжилт үзүүлсэн Виллиамсынхан Росбэрг, Вурц гэсэн хоёр немц нисгэгчдээ итгэл хүлээлгэжээ. Росбэргийн хувьд залуу хүн гэхэд тун сайн уралдаж байгаа. Энэ улиралд 1р нисгэгчийн суудал түүнд оногдсон гэнэ.
9.Торо Россо
Рээд Буллын дүү баг. Феррари мотор, Бриджстоун дугуйтай гэхээс өөр мэдээ алга.
10.Спайкэр
Жордан гэдэг нэрээр нь хүмүүс сайн мэдэх байх. Өнгөрөгч улиралд MF1 гэдэг нэрээр уралдсан ч ганц оноо авч чадаагүй. Тэд энэ улиралаас Спайкэг гэсэн нэрээр уралдахаар болсон байна. Мөн л Феррари мотор, Бриджстоун дугуйтай.
1р нисгэгч Албэрс 2р нисгэгч Сутил.
11.Супэр Агури
Өнгөрөгч улирлын баян ходоод. Үнэндээ Ф1т тохирохгүй баг гэж хэлж болох.Ф3т л уралдаж баймаар муу машинтай тэд япончуудынхаа ганц бахархал нь болсон Сатогоо 1р нисгэгчээр тавьжээ. 2р нисгэгчээр өнгөрсөн улиралд Хондагийн 3р нисгэгч байсан Британий Дэвидсоныг тавьсан байна.[/list]