Сэрдамбын тоглолтыг үзлээ. Бокс бол тун булхай луйвар ордог спорт. Ялангуяа зохион байгуулж байгаа орны тамирчидыг дэмжиж дээшлүүлэх хандлагатай байдаг. Энэ удаагийн ДАШТ Европд болж байгаа үүднээс мөн Италид болж байгаа гэдгээс нь улбаалж надад нэгэн бодол төрж байсныг нуух юуун.. Эзэн орны баг болон Европын Гигант улсуудын тамирчид л их давуу талтай болох юм гэж бодож байлаа... Гэсэн ч монголын хөвгүүд миний энэ эргэлзээ тээнэглэлзэлийг өөрсдийн нударгаар сахилга батаар, дайчин тоглолтоороо үндсэндээ сарниаж хэд хоног намайг архин далайд живүүлэв. Тэднийг монгол гэж дуудуулан харийн нутгын дэвжээнд гарах тоолонд миний зүрх цээжиндээ багтаж ядан цохилж дэлгэцээс харцаа салгалгүй ширтэж байлаа. Би урд нь ч бичиж байсан. Монголын гэгдэх Боксын школ аль хэдийн дэлхийн тавцанд түрэн гарч иржээ. Монгол Ази тивээс дэлхийг айлгасан улс болж ирж байна. Үүнд мэдээж манай Боксын холбооны ач гавъяа , Багш дасгалжуулагчдын хувь нэмэр, Ивээн тэтгэгчдын тус дэм, Манай хөвгүүдийн ур чадвар зэрэг бүх зүйлс багтана. Тэртээ 70-80 аад онд монголын Бокс Азидаа тун дээгүүр жаалдаг байсныг би энэ спортоор хичээллэж явсан нэгэн ахын амнаас сонсож байсан мөн өөрөө ч уншиж байсан. Ах дүү найрамдалт улсуудын хооронд зохиогддог тэмцээн уралдаан , найрамдалт улсуудын хоорондох армиудын тэмцээн , Ази тивийн аварга энэ тэр гээд л олон сайхан тэмцээн уралдаанд манайхан тогтмол гэж хэлж болох амжилтуудыг үзүүлж ирсэн байдаг. Гавьяат Энхбатыг хэн хүнгүй мэдэж байгаа байхаа. Тэрээр цагтаа жиндээ нэг хоёрт эрэмлэгдэж Боксын эх орон Кубын тамирчдын зүрхэнд шар ус хуруулж байсан зодоончин.. Дэлхий хоёр тэнхлэгт хуваагдсан байсан тэр үед улс төрийн элий балай шалтгаанаас болж ид байх үедээ Америкад ( андуурсан байж магадгүй ) болсон ДАШТ -д оролцоогүй өнжсиж тэр жинд өөртөө нь л зөвхөн өрсөлддөг байсан Кубын тамирчин илт давуугаар ялалт байгуулан ДАШТ-д аваргалаж байсан байх юм. Ардчилал гарсанаас хойш нэг хэсэг манай Спортын төрлүүд үндсэндээ шал арчиж эхлэсэн. Тив дэлхийд зохиогддог тэмцээн уралдаанд ганц хоёр л найдвараа явуулна. Тэд нь хожигдох юм бол тэгээд л тэмцээнээ дуусгахаас өөр замгүй. Харин одоо бол цаг үе өөрчлөгдөжээ. Бид ДАШТ-д 9 жинд тамирчидаа илгээсэний 3 нь аль хэдийн хагас шигшээд шалгараад үлдсэн нь миний хувьд омогшил бахархалыг төрүүлж байна. Харийн нутагт суугаа мань мэтийн сэтгэлийг энэ тамирчид маань л итгэлээр урамаар омогшилоор монголоо гэсэн үзлээр тэтгэж байгаа. Би өнөөдөр МОНГОЛ хүн гэдгээ хэнээс ч нуудаггүй энэ нэрээр овоглож яваадаа бахархдаг. Бусдаас хараа харц дээгүүр явахыг эрмэлздэг. Энэ сэтгэлийг минь манай Тамирчид эх орныхоо нэрийг гаргаж явж байгаа хүн болгон тэтгэж урам зориг хайрлан жигүүр нэмж байна......
Наран ургахаас наран шингэх хүртэлэх газарыг цэгцэлж
Дэлхийн дайдыг хэмжиж дуусгасан
Цөс ихт монголчуудын зоригт хөвгүүд
Дэлхийн дэвжээн дээр монголын нэрийг дахин цууриатуулж
Шүүгчтэй нь хөгжөөн дэмжигчидтэй нь булхай луйвартай нь
Бөгснүүдийг бут ниргээрэй....
Сэрдамбаа баярлалаа чи Лаларын Хужааг ялж энэ омогшилыг минь улам бадрууллаа. Чи чадлаа. Чамаар бүгд бахархаж байна. Чамаар МОНГОЛ бахархаж байна. Чи хэр баргийн аавын хүүгийн хийж чадахгүй зүйлийг бодит байдал болголоо. Чамд эргэлзэж тээнэглэзэж явсан өчүүхэн намайг хараал идэг. Чи энүүгээр чамд эргэлзэж байсан олон олон хүмүүст хариу өглөө. Бүхнээс илүүтэй чи заналт хужааг илт зодож чадлаа. *****2 сэтгэл хөдлөөд гар чичэрээд хэрэг алга. Тоглолтын тоймыг дараа л бичиж дуусгая даа. За хөө өнөөдөр өнөө 2 маань хожих юм бол энэ өдрийг албан ёсоор архидалтын өдөр болгоноо. Угаасаа 5 өдөр архидсан юм. Нэг өдөр нэмчихвэл үхчихвэл гэж дээ...
Баярлалаа баярлалаа Сэрээ чи эр хүн...